IS အကြမ်းဖက်အဖွဲ့နှင့် စစ်ပွဲပြီးဆုံးပြီဟု အီရတ် ကြေငြာ

ဒီဇင်ဘာ ၉၊ ၂၀၁၇
M-Media

– တိုင်းပြည်တွင်းမှ IS အကြမ်းဖက်သမားများကို မောင်းထုတ်ရေး ၃ နှစ်ကြာစစ်ပွဲ အဆုံးသတ်သွားပြီဟု အီရတ်ဝန်ကြီးချုပ် ဟိုက်ဒါ အလ်-အာဘာဒီက ယနေ့တွင် ကြေငြာခဲ့သည်။

“အီရတ်-ဆီးရီးယားနယ်စပ်ကို ကျွန်တော်တို့တပ်ဖွဲ့တွေက လုံးဝ ထိန်းချုပ်ထားလိုက်တာကြောင့် IS အပေါ် စစ်ဆင်နွှဲမှု အဆုံးသတ်သွားပြီလို့ ကျွန်တော် ကြေငြာလိုပါတယ်။ ရန်သူတွေက ကျွန်တော်တို့ရဲ့ လူ့အဖွဲ့အစည်းကို သင်းသတ်ဖို့ လုပ်လာပေမယ့် ကျွန်တော်တို့ရဲ့ စည်းလုံးမှု၊ ဆုံးဖြတ်ချက်ပြတ်သားမှုတွေနဲ့ သူတို့ကို
အနိုင်ယူနိုင်ခဲ့ပါတယ်” ဟု အာဘာဒီက ဘဂ္ဂဒတ်မြို့တွင် ယနေ့ကျင်းပသော ဂျာနယ်လစ် ညီလာခံတွင် ပြောကြားခဲ့သည်။

IS အကြမ်းဖက်အဖွဲ့မှာ ၂၀၁၄ ခုနှစ်တွင် အီရတ်နိုင်ငံ၏ နယ်မြေအများအပြားကို သိမ်းပိုက်နိုင်ခဲ့ပြီး နိုင်ငံပျက်သုဉ်းမည့် အနေအထားဖြင့် ကြုံတွေ့ခဲ့ရသည်။

ထို့နောက် အမေရိကန်ဦးဆောင်သည့် မဟာမိတ်များ၏ လေကြောင်းပစ်ကူဖြင့် အီရတ်မှာ IS လက်မှ နယ်မြေများကို ပြန်လည်သိမ်းယူရန် ၃ နှစ်တာ ကြာမြင့်ခဲ့သည်။

Ref: CNA