အမေရိကန် လွှတ်တော်အမတ်ရွေးကောက်ပွဲတွင် မွတ်စလင်အမျိုးသမီးများ သမိုင်းသစ်ရေးထိုး

နိုဝင်ဘာ ၇၊ ၂၀၁၈
M-Media

ရရှီဒါ တလာအစ်ဘ်နဲ့ အီလ်ဟမ် အိုမာရ်

– မနေ့က အမေရိကန်လွှတ်တော်အမတ် ရွေးကောက်ပွဲမှာ မွတ်စလင်အမျိုးသမီးနှစ်ဦး အနိုင်ရခဲ့ကြပြီး အမေရိကန်သမိုင်းမှာ ပထမဆုံး မွတ်စလင်အမျိုးသမီး လွှတ်တော်အမတ်တွေအဖြစ် မှတ်တမ်းဝင်ခဲ့ပါတယ်။

မီချီဂန်ရဲ့ အမှတ် ၁၃ ခရိုင်က အနိုင်ရခဲ့တဲ့ ပါလက်စတိုင်း-အမေရိကန်အမျိုးသမီး ရရှီဒါ တလာအစ်နဲ့ မင်နီဆိုတာ အမှတ် ၅ ခရိုင်ကနေ အနိုင်ရခဲ့တဲ့ ဆိုမာလီ-အမေရိကန် အီလ်ဟမ် အိုမာရ်တို့ဖြစ်ပါတယ်။

အသက် ၄၂ နှစ်အရွယ် တလာအစ်ဘ်ဟာ ဒီထရွိုက်မြို့မှာ ပါလက်စတိုင်း ပြောင်းရွှေ့အခြေချသူ မိဘနှစ်ပါးကနေ မွေးဖွားလာသူဖြစ်ပြီး ၂၀၀၈ ခုနှစ်မှာ မီချီဂန်ပြည်နယ်လွှတ်တော်အမတ်အဖြစ် ရွေးကောက်တင်မြှောက်ခံရကာ ပြည်နယ်လွှတ်တော်က ပထမဆုံး မွတ်စလင် အမျိုးသမီးအမတ် ဖြစ်လာပါတယ်။

အခု လွှတ်တော်အမတ်ရွေးကောက်ပွဲ မဲဆွယ်မှုမှာ တလာအစ်ဘ်က တစ်နာရီအနိမ့်ဆုံးလုပ်ခ ၁၅ ဒေါ်လာ ရရှိရေး၊ လှုမှုဖူလှုံရေး စီမံကိန်းတွေအတွက် ဘက်ဂျက်ဖြတ်တောက်မှုကို တားဆီးရေး၊ စီးပွားရေးလုပ်ငန်းကြီးတွေအတွက် အခွန်လျှော့ချပေးရေး စတာတွေကို လုပ်ဆောင်ပေးမယ်လို့ ကတိပြုခဲ့ပါတယ်။

အီလ်ဟမ် အိုမာရ်ဟာ ဆိုမာလီ ပြည်တွင်းစစ်ကနေ ထွက်ပြေးရင်း အသက် ၁၄ နှစ်ရောက်မှ အမေရိကန်ကို ရောက်ရှိလာတာဖြစ်ပြီး အားလုံးအတွက် အကျိုးရှိမယ့် ကျန်းမာရေး စောင့်ရှောက်မှုစနစ်၊ ကျူရှင်စရိတ်မရှိတဲ့ တက္ကသိုလ်ပညာရေးရရှိအောင် ဆောင်ရွက်ပေးမယ်လို့ မဲဆွယ်ခဲ့ပါတယ်။

အမေရိကန်မှာ အစ္စလာမ်ကြောက်ရောဂါ မြင့်တက်လာနေတဲ့အချိန် သူတို့နှစ်ဦး ရွေးကောက်တင်မြှောက်ခံရမှုက အမေရိကန် ပြည်သူတွေရဲ့ အစ္စလာမ်အပေါ် အထင်မှားအမြင်မှား ဖြစ်နေမှုကို လျှော့ချနိုင်မယ့် အခွင့်အလမ်းဖြစ်တယ်လို့ လေ့လာဆန်းစစ်သူတွေက သုံးသပ်ကြပါတယ်။

Ref: Aljazeera