ပြည်တွင်းဖြစ် ဒုံးကျည် ၃ မျိုးကို အီရန် ထုတ်ပြ

ဇန်နဝါရီ ၈၊ ၂၀၂၂
M-Media

-အမေရိကန်အပါအဝင် အင်အားကြီးနိုင်ငံတွေနဲ့ နျူသဘောတူညီချက်ရဖို့ ကြိုးပမ်းနေတဲ့ အီရန်ဟာ မနေ့က ပြည်တွင်းဖြစ် ဒုံးကျည် ၃ မျိုးကို ထုတ်ပြလိုက်ပါတယ်။

Dezful၊ Qiam နဲ့ Zolfaghar လို့ အမည်ပေးထားတဲ့ ဒုံးကျည်တွေဖြစ်ပြီး မိုင်ပေါင်း ၆၂၀ လောက်အထိ ပစ်ခတ်နိုင်ပါတယ်။ အီရန် နိုင်ငံပိုင်မီဒီယာက ဒီဒုံးကျည်တွေဟာ ၂၀၂၀ ခုနှစ်က အီရတ်မှာရှိတဲ့ အမေရိကန် စစ်စခန်းကို ပစ်ခတ်ခဲ့တဲ့ ဒုံးကျည်တွေဖြစ်တယ်လို့ ဖော်ပြပါတယ်။

တော်လှန်ရေးအစောင့်တပ်ဖွဲ့ အကြီးအကဲ ဗိုလ်ချုပ် ကာစင်ဆိုလိုင်မာနီကို အမေရိကန်က လုပ်ကြံသတ်ဖြတ်ခဲ့ပြီး ရက်ပိုင်းအကြာမှာပဲ အီရန်က လက်တုန့်ပြန် တိုက်ခိုက်ခဲ့တာ ဖြစ်ပါတယ်။

၂၀၁၈ ခုနှစ်မှာ အမေရိကန်ကထွက်သွားပြီးနောက် ပျက်လုနီးနီးဖြစ်သွားတဲ့ ၂၀၁၅ နျူသဘောတူညီချက် ပြန်ရရေးအတွက် အီရန်နဲ့ အင်အားကြီးနိုင်ငံတွေဟာ လက်ရှိမှာ ကြိုးစားနေပြီး အီရန်ကတော့ စီးပွားရေး ပိတ်ဆို့မှုတွေအားလုံး ပြန်ဖွင့်ပေးရမယ်လို့ တောင်းဆိုထားပါတယ်။

Ref: ABC News