တောင်ကိုရီးယားဟောလို၀င်းပွဲ လူအုပ်ပိမှု သေဆုံးသူ ၁၅၀ နီးပါးရှိ

အောက်တိုဘာ ၃၀၊ ၂၀၂၂

M-Media 

-တောင်ကိုရီးယားနိုင်ငံမှာ မနေ့က ဟောလိုး၀င်းပွဲကျင်းပစဥ် လူတွေ စုံပြုံတိုး၀ှေ့မှုကြောင့် သေဆုံး ဒဏ်ရာရသူ အများအပြား ရှိခဲ့ပါတယ်။

မြို့တော် ဆိုးလ်က ညဘက်စည်ကားတဲ့ Itaewon ရပ်ကွက်မှာ ပြုလုပ်တဲ့ ဟောလိုး၀င်းပွဲကို လူပေါင်းသိန်းချီ တက်ရောက်ခဲ့ကြတာပါ။ 

လမ်းကျဥ်းလေးတစ်ခုမှာ သူ့ထက်ငါတိုးထွက်ကြရင်း လူပိမိပြီး အသက်ရှုကြပ်ကာ သေဆုံးကြတာ ဖြစ်ပါတယ်။ လက်ရှိအချိန်အထိ သေဆုံးသူ ၁၅၁ ဦးရှိပြီး နိုင်ငံခြားသား ၁၉ ဦး ပါ၀င်ပါတယ်။ သေဆုံးသူအများစုဟာ အမျိုးသမီးတွေနဲ့ လူငယ်တွေဖြစ်ပါတယ်။

တောင်ကိုရီးယားသမ္မတ Yoon Suk-yeol က ဒီကိစ္စနဲ့ပတ်သက်ပြီး အရေးပေါ်အစည်းအ၀ေးပြုလုပ်ကာ စုံစမ်းစစ်ဆေးဖို့ အမိန့်ပေးခဲ့ပါတယ်။ 

ကျန်းမာရေးဆိုင်ရာ တာ၀န်ရှိသူတွေက ဒဏ်ရာရသူတွေ အများအပြားရှိနေပြီး သေဆုံးသူ ထပ်မံမြင့်တက်လာနိုင်တယ်လို့ ပြောကြားခဲ့ပါတယ်။

Ref: BBC