မေ ၂၂၊ ၂၀၂၃
M-Media
-ဆော်ဒီအာရေဗျ အာကာသယာဥ်မှူး ရေယာနာ ဘာရ်နာ၀ီဟာ မနေ့က Space X က လွှတ်တင်တဲ့ အာကာသယာဥ်နဲ့ နိုင်ငံတကာ အာကာသစခန်း ISS ကို လိုက်ပါသွားခဲ့ပါတယ်။
ဆော်ဒီနဲ့ အာရပ်ကမ္ဘာမှာ အာကာသကို သွားရောက်နိုင်တဲ့ ပထမဆုံး အမျိုးသမီးယာဥ်မှူးအဖြစ် ရေယာနာတစ်ယောက် သမိုင်းရေးထိုးနိုင်ခဲ့တာလည်း ဖြစ်ပါတယ်။
အခြား ဆော်ဒီအာကာသယာဥ်မှူး အလ် ကာရ်နီလည်း မနေ့က ဒုံးပျံနဲ့ လိုက်ပါသွားခဲ့ပါတယ်။ ရေယာနာနဲ့ အလ် ကာရ်နီတို့ဟာ ၁၉၈၅ ခုနှစ်နောက်ပိုင်း အာကာသကိုသွားရောက်တဲ့ ပထမဆုံး ဆော်ဒီနိုင်ငံသားတွေအဖြစ် မှတ်တမ်း၀င်ပါတယ်။
သုတေသနပညာရှင်တွေလည်းဖြစ်တဲ့ သူတို့နှစ်ဦးဟာ နိုင်ငံတကာအာကာသစခန်းမှာ ၈ ရက်ကြာ နေထိုင်မှာဖြစ်ပြီး သိပ္ပံသုတေသနလုပ်ငန်းပေါင်း ၂၀ လောက် ဆောင်ရွက်မှာ ဖြစ်ပါတယ်။ အဲဒီအထဲက ၁၄ ခုဟာ ဆော်ဒီသိပ္ပံပညာရှင်တွေရဲ့ မူပိုင်ဖြစ်ပါတယ်။
Ref: Arab News