သြဂုတ် ၂၇၊ ၂၀၂၃
M-Media
-ပူတင်ကို ပုန်ကန်ခဲ့တဲ့ ၀ဂ်နာတပ်ဖွဲ့ခေါင်းဆောင် ယက်ဗ်ဂျနီ ပရီဂိုဇင် သေဆုံးသွားကြောင်း အတည်ပြုနိုင်ပြီလို့ ရုရှားက ထုတ်ပြန်ပါတယ်။
ပရီဂိုဇင်နဲ့ အခြား လူ ၁၀ ဦး လိုက်ပါသွားတဲ့ ပုဂ္ဂလိက လေယာဥ်ငယ်တစ်စီးဟာ နိုင်ငံအရှေ့ပိုင်း တဗာရ်ဒေသမှာ ဗုဒ္ဓဟူးနေ့က ပျက်ကျသွားခဲ့တာပါ။
လိုက်ပါသွားသူ လူစာရင်းတွေကို ရုရှား လေကြောင်းအာဏာပိုင်တွေက အစောပိုင်းမှာ ထုတ်ပြန်ခဲ့ပြီး မျိုးရိုးဗီဇ စစ်ဆေးမှုရလဒ်ကိုတော့ မနေ့က ထုတ်ပြန်ခဲ့ပါတယ်။
သေဆုံးသူတွေထဲမှာ ပရီဂိုဇင်နဲ့ ၀ဂ်နာကြေစားတပ်ဖွဲ့ကို ထူထောင်ရာမှာ အဓိကကျခဲ့သူ ဒီမီထရီ အူတကင်ကို ပါ၀င်ကြောင်း အတည်ပြုနိုင်ခဲ့တယ်လို့ ရုရှားက ပြောပါတယ်။
လေယာဥ်ပျက်ကျရတဲ့ အကြောင်းအရင်းကိုတော့ ထုတ်ပြန်ခြင်း မရှိသေးပါဘူး။ ၀ဂ်နာကြေးစားတပ်ဖွဲ့ကို ထောက်ခံသူတွေကတော့ ရုရှား လေကြောင်းရန်ကာကွယ်ရေးစနစ်က ဒုံးကျည်တွေနဲ့ ပစ်ချခဲ့တာလို့ ဆိုရှယ်မီဒီယာတွေမှာ ရေးသားနေကြပါတယ်။
ယူကရိန်းစစ်ပွဲမှာ ရုရှားဘက်ကနေ တိုက်ပေးနေတဲ့ ၀ဂ်နာတပ်ဖွဲ့ရဲ့ ဇွန်လအတွင်းက ၂၄ နာရီကြာ ပုန်ကန်မှုဟာ သမ္မတပူတင်ကို အရှက်ရစေခဲ့ပါတယ်။
၀ဂ်နာတပ်ဖွဲ့ဟာ မော်စကိုအနီးအထိ ရောက်ရှိခဲ့ပြီး နောက်ပိုင်းမှာ ဘယ်လာရုဇ်နိုင်ငံရဲ့ ကြား၀င်မှုကြောင့် ပုန်ကန်မှုကို ရပ်ဆိုင်းခဲ့ပါတယ်။
Ref: Reuters