ဂါဇာတွင် သတ်ဖြတ်မှုများ မရပ်မချင်း အစ္စရေးသင်္ဘောများကို တိုက်ခိုက်သွားမည်ဟု ဟူသီအဖွဲ့ ထုတ်ပြန်

ဒီဇင်ဘာ ၁၉၊ ၂၀၂၃

M-Media 

-ဂါဇာမှာ အစ္စရေးရဲ့ ရာဇ၀တ်မှုတွေ မရပ်မချင်း ပင်လယ်နီမှာ အစ္စရေးကုန်တင်သင်္ဘောတွေကို ဆက်လက်တိုက်ခိုက်သွားမယ်လို့ ယီမင်ရဲ့ ဟူသီလက်နက်ကိုင်အဖွဲ့က ထုတ်ပြန်ပါတယ်။ 

ပင်လယ်နီမှာ အစ္စရေးသင်္ဘောတွေ တိုက်ခိုက်ခံရမှုကို တုန့်ပြန်ဖို့ အမေရိကန်ဦးဆောင်ကာ ၁၀ နိုင်ငံအဖွဲ့ ဖွဲ့လိုက်ပြီး ချက်ချင်းဆိုသလိုပဲ ဟူသီအဖွဲ့ အကြီးတန်းတာ၀န်ရှိသူ မိုဟာမက် အလ်-ဘူခိုင်တီရဲ့ ဒီထုတ်ပြန်ချက် ထွက်ပေါ်လာတာပါ။ 

အောက်တိုဘာ ၇ ရက်နေ့ ဂါဇာမှာ အစ္စရေးရဲ့လူသတ်ပွဲ စတင်ကတည်းက ဟူသီအဖွဲ့ဟာ ကုန်တင်သင်္ဘော တစ်ဒါဇင်ကျော်လောက်ကို ပင်လယ်နက်မှာ တိုက်ခိုက်ခဲ့ပါတယ်။ 

ဂါဇာမှာ အစ္စရေးရဲ့ ရာဇ၀တ်မှုတွေ ရပ်တန့်ပြီး ပါလက်စတိုင်းပြည်သူတွေအတွက် အစားအစာ၊ ဆေး၀ါးနဲ့ လောင်စာတွေ ပို့ဆောင်ခွင့်ပြုမှ တိုက်ခိုက်မှု ရပ်တန့်သွားမယ်လို့ အလ်-ဘူခိုင်တီက ထည့်သွင်းပြောဆိုခဲ့ပါတယ်။ 

သူတို့ကို တားဆီးဖို့အတွက် တစ်ကမ္ဘာလုံးကို အမေရိကန်က သိမ်းသွင်းစည်းရုံးနေပေမယ့်လည်း အစ္စရေးသင်္ဘာတွေကို တိုက်ခိုက်မှု ဆက်လုပ်သွားမယ်လို့လည်း သူက ဆိုပါတယ်။

Ref: Aljazeera