မီးဖွားဆောင်ပါမကျန် အကြမ်းဖက်နေသည့် အစ္စရေး

ဒီဇင်ဘာ ၁၈၊ ၂၀၂၃

M-Media 

-အောက်တို ၇ ရက်နေ့ကတည်းက ဂါဇာမှာ အကြမ်းဖက်သတ်ဖြတ်မှုတွေ လုပ်ဆောင်နေတဲ့ အစ္စရေးဟာ မနေ့က ဂါဇာတောင်ပိုင်းမှာရှိတဲ့ ဆေးရုံတစ်ခုက မီးဖွားဆောင်ကို တိုက်ခိုက်ခဲ့ပါတယ်။ 

ခန်ယူနစ်မြို့က နဆာရ်ဆေးရုံဖြစ်ပြီး တိုက်ခိုက်မှုအတွင်း ဒိုနီယာ အဘူ မိုရှန်ဆိုတဲ့ ကလေးငယ်တစ်ဦး သေဆုံးခဲ့ကာ ကလေးငယ်အများအပြား ဒဏ်ရာရရှိခဲ့ပါတယ်။ 

“ဒုံးကျည်က ခေါင်မိုးကိုဖောက်ပြီး ဒိုနီယာကို တိုက်ရိုက်ထိသွားတာပါ။ ခင်ဗျားတို့မြင်တဲ့အတိုင်း နံရံမှာ ဦးနှောက်နဲ့ သွေးတွေ ပြန့်ကျဲနေတယ်။ ဒါဟာ ကြမ်းကြုတ်တဲ့ ရာဇ၀တ်မှုပါ”လို့ နဆာရ်ဆေးရုံကဆရာ၀န် ဒေါက်တာ မိုဟာမက် ဇာကွတ်က ပြောပါတယ်။ 

ဒိုနီယာရဲ့ မိသားစုနေအိမ်ဟာ အစ္စရေးရဲ့ တိုက်ခိုက်မှုကြောင့် ပျက်ဆီးခဲ့ပြီး သူမရဲ့ မိဘနှစ်ပါးနဲ့ အစ်ကိုနှစ်ဦး သေဆုံးကာ သူမက ခြေနှစ်ဖက်လုံးဖြတ်လိုက်ရပါတယ်။ 

လက်ရှိ နဆာရ်ဆေးရုံမှာ ဆေးကုသမှုခံယူနေစဥ်အတွင်း အစ္စရေးရဲ့ လက်ချက်ကြောင့်ပဲ ဒိုနီယာဟာ သေဆုံးသွားခဲ့ပါတယ်။ 

“နောက်ဆုံးတော့ သူမပါ အသတ်ခံလိုက်ရတယ်။ ရန်သူတွေဟာ သူမကိုရော၊ သူမရဲ့ မျှော်လင့်ချက်ကိုပါ သင်းသတ်ခဲ့တာပါ။ ရန်သူတွေဟာ ဆေးရုံကို သတိပေးချက် မပို့ခဲ့သလို၊ ရွှေ့ပြောင်းဖို့လည်း မပြောခဲ့ပါဘူး။ တိုက်ခိုက်မှုမလုပ်ခင် ဘယ်လိုအကြောင်းကြားမှုမျိုးမှ မရှိခဲ့ပါဘူး”လို့ ဒေါက်တာဇာကွတ်က ထည့်သွင်းပြောဆိုခဲ့ပါတယ်။ 

အစ္စရေးဟာ ပါလက်စတိုင်းပိုင်နက်တွေမှာ အရင်ကတည်းက ဆေးရုံတွေ၊ ကျောင်းတွေ၊ ဒုက္ခသည်စခန်းတွေနဲ့ လူနေအိမ်တွေကို ပစ်မှတ်ထား တိုက်ခိုက်ဖျက်ဆီးနေတာ ဖြစ်ပါတယ်။ 

Ref: Aljazeera