အိန္ဒိယနိုင်ငံ အယွဒ္ဓယမြို့တွင် ဟိန္ဒူဘုရားကျောင်းသစ်ကြီး ဖွင့်လှစ်

ဇန်န၀ါရီ ၂၂၊ ၂၀၂၄

M-Media 

• 

• 

• 

-အိန္ဒိယနိုင်ငံမြောက်ပိုင်း အယွဒ္ဓယမြို့က ဘာဘရီဗလီနေရာမှာ တည်ဆောက်ထားတဲ့ ဟိန္ဒူဘုရားကျောင်းတစ်ခုကို ၀န်ကြီးချုပ် နာရန်ဒရာမိုဒီက ဒီကနေ့မှာ ဖွင့်လှစ်ပေးလိုက်ပါတယ်။ 

ရာမနတ်ဘုရားကို ရည်စူးကာ တည်ထားကိုးကွယ်တဲ့ ဘုရားကျောင်းဖြစ်ပါတယ်။ 

ဘုရားကျောင်း ဆောက်လုပ်တဲ့နေရာဟာ မဂိုဘုရင် ဘာဘာက ၁၆ ရာစုမှာ တည်ဆောက်ထားတဲ့ ဘာဘရီဗလီ၀တ်ကျောင်းတော် နေရာဖြစ်ပါတယ်။ 

၁၉၄၉ ခုနှစ်မှာ ဟိန္ဒူအဖွဲ့တစ်ခုက ရာမနတ်ဘုရား ဆင်းတုတွေကို ဘာဘရီဗလီ၀တ်ကျောင်းတော်ထဲ ၀င်ထားပြီး ဒီနေရာဟာ ရာမနတ်ဘုရား ဖွားမြင်ရာနေရာဖြစ်တယ်လို့ စတင်စွပ်စွဲခဲ့ပါတယ်။ 

အဲဒီပြဿနာကြောင့် အာဏာပိုင်တွေက ဘာဘရီဗလီမှာ မွတ်စလင်တွေ ၀တ်ပြုခွင့်ကို စတင်ပိတ်ပင်ခဲ့ပါတယ်။ 

၁၉၉၀ ခုနှစ်မှာ လက်ရှိအာဏာရ BJP ပါတီက ဗလီနေရာမှာ ရာမဘုရားကျောင်းဆောက်ဖို့ စတင်လှုံ့ဆော်ခဲ့ပြီး ၁၉၉၂ ခုနှစ်မှာ ဟိန္ဒူလူအုပ်က ဘာဘရီဗလီကို ၀င်ရောက်တိုက်ခိုက် ဖျက်ဆီးခဲ့ပါတယ်။

နောက်ဆက်တွဲအဖြစ် နိုင်ငံတစ်၀ှမ်း ဟိန္ဒူ-မွတ်စလင် အဓိကရုဏ်းဖြစ်ပွားကာ လူပေါင်း ၂ ထောင်ကျော်လောက် သေဆုံးခဲ့ပါတယ်။ 

ဘာဘရီဗလီနေရာအတွက် လူ့အဖွဲ့အစည်းနှစ်ခုက တရားရုံးမှာ တိုင်ကြားလျှောက်ထားခဲ့ကြပြီး ၂၀၁၉ ခုနှစ်မှာ ဟိန္ဒူလူ့အဖွဲ့အစည်းက တရားနိုင်ခဲ့ပါတယ်။ 

ဘာဘရီဗလီကိုဖြိုကာ ရာမနတ်ဘုရားကျောင်းဆောက်ခွင့် တရားရုံးက ပေးခဲ့ပြီး မွတ်စလင်တွေ အစားထိုးဗလီ ပြန်လည်ဆောက်လုပ်နိုင်ရေး မြေနေရာပေးအပ်ဖို့လည်း ဆုံးဖြတ်ပေးခဲ့ပါတယ်။ 

ဘာဘရီဗလီနေရာက ရာမနတ်ဘုရားကျောင်းကို ၂၀၂၀ ခုနှစ်မှာ အုတ်မြစ်ချခဲ့ပြီး၊ ဒီကနေ့မှာ ဖွင့်လှစ်နိုင်ခဲ့တာဖြစ်ပါတယ်။ 

အသစ်ပေါ်ထွက်လာတဲ့ ရာမဘုရားကျောင်းနဲ့အတူ အယွဒ္ဓယမြို့ဟာ ဟိန္ဒူ ဘာသာရေးဆိုင်ရာ အချက်အခြာနေရာတစ်ခု ဖြစ်လာမယ့် အနေအထား ရှိနေပါတယ်။ 

Ref: Aljazeera