ဇန်န၀ါရီ ၂၂၊ ၂၀၂၄
M-Media
-ပြီးခဲ့တဲ့ ၂၄ နာရီအတွင်း ပါလက်စတိုင်းနိုင်ငံ ဂါဇာကမ်းမြှောင်မှာ အနည်းဆုံး လူ ၁၉၀ လောက် အစ္စရေးရဲ့ သတ်ဖြတ်မှုကို ခံခဲ့ရပါတယ်။
ဆေးရုံတွေ၊ စာသင်ကျောင်းတွေနဲ့ လူ ၃ သောင်းလောက် ခိုလှုံနေတဲ့ ဒုက္ခသည်စခန်း ၅ ခုကို မနေ့ကတစ်နေ့လုံး အစ္စရေးက ပစ်မှတ်ထား တိုက်ခိုက်ခဲ့တာ ဖြစ်ပါတယ်။
အောက်တိုဘာ ၇ ရက်နေ့နောက်ပိုင်း ဂါဇာမှာ အစ္စရေးရဲ့ သတ်ဖြတ်မှုကို ခံခဲ့ရသူ အရေအတွက်ဟာ ၂၅၂၉၅ ဦး ရှိလာပြီဖြစ်ပါတယ်။
ဒဏ်ရာရသူအရေအတွက်က ၆၃၀၀၀ ကျော်ရှိပြီး၊ လူ ၈ ထောင်လောက် အဆောက်အဦးအပျက်အဆီးတွေကြားထဲမှာ ပိတ်မိ ပျောက်ဆုံးနေပါတယ်။
ဂါဇာကမ်းမြှောင်မှာ ပါလက်စတိုင်းဦးရေ ၂ ဒဿမ ၂ သန်းရှိနေပြီး လူ ၁၀၀ မှာ တစ်ယောက်နှုန်း အသတ်ခံနေရတာ ဖြစ်ပါတယ်။
Ref: Aljazeera