မိုးမျှော်အဆောက်အဦးများကို ဧရာမဘတ္ထရီအဖြစ် အသုံးပြုနိုင်မည့် ဗိသုကာ နည်းပညာသစ်

ဇွန် ၈၊ ၂၀၂၄

M-Media

-အာရပ်စော်ဘွားများပြည်ထောင်စု (ယူအေအီး) က မိုးမျှော်တိုက် Burj Khalifa ကို ဆောက်ခဲ့တဲ့ အမေရိကန်အခြေစိုက် ဆောက်လုပ်ရေးကုမ္ပဏီ Skidmore, Owings & Merrill LLP (SOM) ဟာ မိုးမျှော်တိုက်တွေကို ဧရာမဘတ္ထရီအဖြစ် အသုံးပြုနိုင်ဖို့ စီစဥ်နေပါတယ်။ 

အလေးချိန်ကြီးမားတဲ့ ကွန်ကရစ်ဘလောက်တုံးတွေကို အတင်အချလုပ်ပြီး ကမ္ဘာမြေဆွဲအားကနေ ရရှိမယ့် စွမ်းအင်ကို သိုလှောင်အသုံးချမယ့် (GESS) နည်းပညာ ဖြစ်ပါတယ်။  

SOM ဟာ ဒီစီမံကိန်းအတွက် နည်းပညာကုမ္ပဏီ Energy Vault နဲ့ လက်တွဲ ဆောင်ရွက်သွားမှာဖြစ်ပါတယ်။

GESS နည်းပညာဟာ ရေအားလျှပ်စစ် စက်ရုံတွေမှာ သုံးနဲ့ နည်းပညာမျိုးဖြစ်ပြီး၊ စွမ်းအင်ရယူမှု အခြေခံရင်းမြစ်မှာ ရေနဲ့၊ ကမ္ဘာ့ဆွဲအား ကွာသွားတာမျိုးသာ ဖြစ်ပါတယ်။ 

Energy Vault ကုမ္ပဏီဟာ GESS နည်းပညာနဲ့ပတ်သက်ရင် ထိပ်တန်းက ဦးဆောင်နေတဲ့ လုပ်ငန်းဖြစ်ခုဖြစ်ပါတယ်။ သူတို့ရဲ့ ပထမဆုံး စီမံကိန်းကို တရုတ်နိုင်ငံ ရှန်ဟိုင်းမြို့မှာ အခုလအတွင်း စတင်ခဲ့ပြီး ၄ နာရီအတွင်း လျှပ်စစ်ဓာတ်အား ၂၅ မီဂါ၀ပ်ကို ထုတ်ပေးနိုင်ခဲ့ပါတယ်။ 

GESS ဟာ ပြည့်ဖြိုးမြဲ စွမ်းအင်ထုတ်လုပ်မှုစနစ်တစ်ခုဖြစ်ပြီး ကမ္ဘာ့ဆွဲအားကို အသုံးပြုတာကြောင့် မြို့ပေါ်၊ ကျေးလက်ဒေသ၊ တောင်ကုန်းတောင်တန်း စသဖြင့် နေရာမရွေး ဆောင်ရွက်နိုင်ပါတယ်။ 

ကုန်ကျစားရိတ်ကလည်း တစ်ခြားစွမ်းအင်ထုတ်လုပ်မှုစနစ်တွေထက် အလွန်သက်သာပါတယ်။ GESS စနစ်မှာ အသုံးပြုမယ့် ကွန်ကရစ်ဘလောက်တုန်းတွေကို အမှိုက်လို စွန့်ပစ်ပစ္စည်းတွေကနေ လွယ်လွယ်ကူကူ ပေါပေါများများ ထုတ်လုပ်နိုင်ပါတယ်။ 

SOM ကုမ္ပဏီဟာ အနာဂတ် မိုးမျှောက်အဆောက်အဦးတွေမှာ GESS ဓာတ်အားပေးစနစ် ထည့်သွင်းပြီး ဧရာမဘတ္ထရီတွေအဖြစ် အသုံးပြုနိုင်ဖို့ ရည်ရွယ်နေတာ ဖြစ်ပါတယ်။ 

Ref: Interesting Engineering