Tag: MMediaTech

သြဂုတ် ၁၃၊ ၂၀၂၄
M-Media

-အင်္ဂါဂြိုဟ် မြေလွှာဖြစ်တဲ့ ကျောက်သားအောက်ပိုင်းမှာ သမုဒ္ဒရာကြီးတစ်စင်း ဖြစ်လာနိုင်လောက်တဲ့ ရေအရင်းအမြစ် ရှိနိုင်တယ်ဆိုတာ လေ့လာမှုအသစ်မှာ တွေ့ရကြောင်း အမေရိကန်သိပ္ပံပညာရှင်တွေက ထုတ်ပြန်ပါတယ်။

အမေရိကန် အာကာသအေဂျင်စီ နာဆာရဲ့ အင်္ဂါဂြိုဟ်သွားယာဥ် InSight Lander က ဂြိုဟ်ပေါ်မှာ ကောက်ယူခဲ့တဲ့ အချက်အလက်တွေကို ပညာရှင်တွေ ၂ နှစ်ကျော်ကြာ လေ့လာသုံးသပ်ပြီး ကောက်ချက်ချခဲ့တာပါ။

အင်္ဂါဂြိုဟ်စည်ပင်ခဲ့စဥ် လွန်ခဲ့တဲ့ နှစ်သန်းပေါင်း ၃ ဘီလီယံက ရှိခဲ့တဲ့ မြစ်ချောင်းအင်းအိုင်တွေ၊ သမုဒ္ဒရာတွေဟာ လက်ရှိမှာတော့ မြောလွှာကျောက်သားအောက် ၇ မိုင်လောက်မှာ ရှိနေနိုင်တယ်လို့ ဆိုပါတယ်။

ရေရှိရင် သက်ရှိတွေ ရှိနိုင်တာကြောင့် အခုကောက်ချက်ချမှုသာ မှန်ကန်ခဲ့ရင် အင်္ဂါဂြိုဟ်ပေါ်မှာ သက်ရှိပိုးမွှားတွေကို တွေ့လာရနိုင်တယ်လို့လည်း သိပ္ပံပညာရှင်တွေက ပြောပါတယ်။

လွန်ခဲ့တဲ့နှစ် ၃ ဘီလီယံက ဂြိုဟ်ရဲ့လေထု ပါးလွှာသွားတာကြောင့် ဂြိုဟ်ပေါ်က ရေအရင်းမြစ်တွေဟာ အာကာသထဲ လျှံထွက်သွားတာ ဒါမှမဟုတ် မြေလွှာအောက် ရောက်သွားတာမျိုး ဖြစ်နိုင်တယ်လို့ ပညာရှင်တွေက ယူဆထားတာ ဖြစ်ပါတယ်။

Ref: Reuters

သြဂုတ် ၁၀၊ ၂၀၂၄
M-Media

-နွားနို့နဲ့ ပြုလုပ်တဲ့ ရေခဲမုန့်ထက် မြင်းနို့နဲ့လုပ်တဲ့ ရေခဲမုန့်ဟာ ကျန်းမာရေးနဲ့ ပိုမိုညီညွတ်တယ်ဆိုတာကို ပိုလန် သိပ္ပံပညာရှင်တွေက တွေ့ရှိခဲ့ပါတယ်။

ပုံမှန်အားဖြင့် ရေခဲမုန့်တွေကို နွားနို့နဲ့ ပြုလုပ်တာဖြစ်ပါတယ်။ မြင်းနို့မှာတော့ နွားနို့မှာ မပါ၀င်တဲ့ လူ့ခန္ဓာကိုယ်အကျိုးဖြစ်စေတဲ့ အင်ဇိုင်းတွေ၊ ပရိုတိန်းတွေ ပါ၀င်ပါတယ်။

ပိုလန်နိုင်ငံ West Pomeranian နည်းပညာတက္ကသိုလ်က သိပ္ပံပညာရှင်တွေဟာ မြင်းနို့နဲ့ ရေခဲမုန့် ၄ မျိုး ဖန်တီးခဲ့ပါတယ်။

လူ ၆၀ လောက်ကို အစမ်းကျွေးခဲ့ရာမှာ ပုံစံနဲ့ အရသာတွေဟာ နွားနို့နဲ့လုပ်တဲ့ ရေခဲမုန့်ထက် ပိုကောင်းတယ်လို့ ၀န်ခံပြောကြားခဲ့ပါတယ်။

သိပ္ပံပညာရှင်တွေဟာ မြင်းနို့နဲ့ ဒိန်ချဥ်ကိုလည်း ဖန်တီးခဲ့ပါတယ်။

Ref: Interesting Engineering

ဇူလိုင် ၂၆၊ ၂၀၂၄
M-Media

• 

• 

• 

-သိပ္ပံနဲ့ ကွန်ပျူတာပညာရပ်တွေကို ကိုယ်တိုင်လေ့လာပြီး ဒုံပျံတစ်ခု ပျံသန်းဖို့ စာကြောင်း ၆၀၀ ပါ ကွန်ပျူတာကုတ် ရေးခဲ့တဲ့ အသက် ၁၁ နှစ်အရွယ် ကလေးငယ်လေးဟာ တရုတ်ဆိုရှယ်မီဒီယာတွေမှာ ရေပန်းစားလာပါတယ်။

ယန်ဟုန်စင်းလို့ အမည်ရတဲ့ အဲဒီကလေးငယ်ဟာ တရုတ်နိုင်ငံအရှေ့ပိုင်း ကျဲ့ကျန်းပြည်နယ်ကပါ။ အသက် ၄ နှစ်အရွယ်က Long March-2 ဒုံးပျံ လွှတ်တင်တာကို သွားကြည့်ပြီးတဲ့နောက် ဒုံးပျံပညာရပ်ကို စိတ်၀င်စားလာတာဖြစ်တယ်လို့ ဖခင်က ပြောပါတယ်။

မူကြိုအရွယ်ထဲကနေ အွန်လိုင်းက ကွန်ပျူတာပရိုဂရမ်းမင်း အတန်းတွေကို တက်ခဲ့ပြီး၊ ရူပဗေဒနဲ့ ဓာတုဗေဒ ဘာသာရပ်တွေကို စာအုပ် အွန်လိုင်း ဗီဒီယိုတွေကနေ ယန်ဟုန်စင်းက လေ့လာခဲ့တာဖြစ်ပါတယ်။

မိဘတွေကလည်း သားဖြစ်သူရဲ့ ဆန္ဒကိုဖြည့်ဆည့်းပေးဖို့အတွက် အိပ်ခန်းကို ဒုံးပျံစမ်းသပ်စင်တာအဖြစ် အသွင်ပြောင်းပေးခဲ့ပါတယ်။

သူ့ရဲ့ ပထမဆုံး လောင်စာခဲ ဒုံးပျံကို ၂၀၂၂ ခုနှစ် သြဂုတ်လမှာ စတင်တီထွင်ခဲ့ပြီး ၁၀ လ ကြာမြင့်ခဲ့ပါတယ်။ ၂၀၂၃ ခုနှစ် ဇွန်လ ဒုံးပျံကို စမ်းသပ်လွှတ်တင်ခဲ့ရာမှာ အောင်မြင်စွာ ပျံတက်နိုင်ခဲ့ပေမယ့် ဒုံးပျံကနေ တွန်းအားပေး အင်ဂျင်တစ်လုံးကို ခွာထုတ်ရာမှာ လိုအပ်တဲ့ လေထီး မပွင့်တဲ့အတွက် ဒုံးပျံပါထိခိုက်ပြီး ပျက်ဆီးခဲ့ပါတယ်။

ဒါပေမယ့် ယန်ဟုန်စင်းဟာ ပထမအကြိမ်ကြိုးပမ်းမှုက အပြစ်ကိုရှာပြီး ဒုတိယမြောက် ဒုံးပျံကို ဆက်လက်ဖန်တီးနေပါတယ်။ လတ်တလော ဆိုရှယ်မီဒီယာမှာ လွှင့်တင်ထားတဲ့ သူ့ရဲ့ ဗီဒီယိုမှာ ဒုံးပျံ ပျံသန်းမှုစနစ်အတွက် သူရေးထားတဲ့ စာကြောင်းရေ ၆၀၀ ပါ ကွန်ပျူတာကုတ်ကို ပြခဲ့ပါတယ်။

ဖခင်ဖြစ်သူက ယန်ဟုန်စင်းဟာ တရုတ်နိုင်ငံရဲ့ ထိပ်တန်း အရက်ဖက် ကာကွယ်ရေးတက္ကသိုလ်ကို ၇ ခုထဲက တစ်ခုမှာ တက်ခွင့်ရအောင် စီမံကိန်းချ ကြိုးစားနေတယ်လို့ ပြောပါတယ်။

ယန်ဟုန်စင်းဟာ တရုတ်နိုင်ငံမှာ အသက် အငယ်ဆုံး ဒုံးပျံတီထွင်သူအဖြစ်လည်း မှတ်တမ်း၀င်ပါတယ်။ ၂၀၀၂ ခုနှစ် ဇူလိုင်လ အသက် ၉ နှစ်အရွယ်မှာ နက္ခတဗေဒ မှတ်တမ်းရုပ်ရှင်က သီအိုရီပိုင်း အမှားအယွင်းကို ထောက်ပြပေးခဲ့တဲ့အတွက်လည်း ယန်ဟုန်စင်းတစ်ယောက် နာမည်ကျော်ခဲ့ပါတယ်။

Ref: The Star