ဇူလိုင် ၁၇၊ ၂၀၂၄
M-Media
![](http://www.m-mediagroup.com/wp-content/uploads/2024/07/india-1.jpg)
-တိုင်းပြည်ကုန်ထုတ်လုပ်မှုမှာ ဒေါ်လာ ဘီလီယံနဲ့ချီ ဆုံးရှုံးနေတာကို ကုစားဖို့အတွက် တရုတ်နည်းပညာရှင်တွေကို ဗီဇာ မြန်မြန်ဆန်ဆန် ထုတ်ပေးနိုင်ဖို့ အိန္ဒိယနိုင်ငံက စီစဥ်နေပါတယ်။
၂၀၂၀ ခုနှစ် နှစ်လယ်ပိုင်းက ဟိမ၀န္တာမှာ နယ်မြေပိုင်ဆိုင်မှု အငြင်းပွားပြီးနောက်ပိုင်း အိန္ဒိယဟာ တရုတ်ခရီးသွားတွေနဲ့ ပညာရှင်တွေကို ဗီဇာထုတ်ပေးမှု ရပ်ဆိုင်းထားခဲ့တာဖြစ်ပါတယ်။
အိန္ဒိယနိုင်ငံရဲ့ ထိပ်တန်း လျှပ်စစ်ပစ္စည်း ထုတ်လုပ်မှုစက်ရုံတွေမှာ စက်ပစ္စည်းတွေဟာ တရုတ်ထုတ်တွေဖြစ်ပြီး ပြုပြင်ထိန်းသိမ်း ကြပ်မတ်ဖို့ တရုတ်ပညာရှင်တွေ လိုအပ်နေတာ ဖြစ်ပါတယ်။ တရုတ်ပညာရှင်တွေကို ဗီဇာပိတ်မှုကြောင့် အိန္ဒိယကုန်ထုတ်လုပ်မှုလုပ်ငန်းမှာ ဆုံးရှုံးမှုတန်ဖိုးဟာ ၄ နှစ်အတွင်း ကန်ဒေါ်လာ ၁၅ ဘီလီယံအထိ ရှိခဲ့ပါတယ်။
ဒါ့ကြောင့် ဗီဇာပိတ်ထားမှုကို ပြန်လည်သုံးသပ်ပေးဖို့ ကုန်သွယ်ရေး၀န်ကြီးဌာနနဲ့ အုပ်ချုပ်ရေးပိုင်း တာ၀န်ရှိသူတွေက အိန္ဒိယနိုင်ငံခြားရေး၀န်ကြီးဌာနကို တောင်းဆိုခဲ့ပါတယ်။
ပြီးခဲ့တဲ့ နို၀င်ဘာကနေ အခုနှစ် ဧပြီလအထိ အိန္ဒိယကို၀င်ရောက်ဖို့ ဗီဇာလျှောက်ထားတဲ့ တရုတ်ပညာရှင် အရေအတွက်ဟာ ၁၆၀၀ လောက်ရှိနေပါတယ်။
Ref: CNA
Comments