ICJ ဆုံးဖြတ်ချက်နောက်ပိုင်း အစ္စရေးက တစ်လ ၂၅၀၀ ကျော်နှုန်း သတ်ဖြတ်ထား

ဇူလိုင် ၁၇၊ ၂၀၂၄
M-Media

-နိုင်ငံတကာခုံသမာဓိရုံး ICJ က အကြမ်းဖက်သတ်ဖြတ်မှုတွေ ရပ်ဖို့ အမိန့်ထုတ်ပြန်ပြီး နောက်ပိုင်း အစ္စရေးရဲ့ ပါလက်စတိုင်းပြည်သူတွေကို သတ်ဖြတ်မှုနှုန်းဟာ တစ်လကို ၂၅၀၀ အထိ ရှိလာပါတယ်။

ပါလက်စတိုင်းတွေကို လူမျိုးတုန်း သတ်ဖြတ်ခံရမှုကနေ ကာကွယ်ပေးရမှာဖြစ်ပြီး၊ လူမျိုးတုန်းသတ်ဖြတ်မှုမြောက်တဲ့ လုပ်ရပ်တွေကို အစ္စရေးက ရှောင်ကျဥ်ဖို့ ICJ က ဇန်န၀ါရီ ၂၆ ရက်နေ့မှာ ဆုံးဖြတ်ချက် ချခဲ့ပါတယ်။

အဲဒီနောက်ပိုင်းက အခုအချိန်အထိ ဂါဇာမှာ အစ္စရေးရဲ့ သတ်ဖြတ်မှုဟာ စုစုပေါင်း ၁၂၆၃၀ ဦး ရှိခဲ့ပြီး ဒါဟာ တစ်လကို ၂၅၀၀ ကျော်နှုန်း သတ်ဖြတ်တာ ဖြစ်ပါတယ်။ ပြီးခဲ့တဲ့နှစ် အောက်တိုဘာ ၇ ရက်နေ့က ၂၀၂၄ ခုနှစ် ဇန်န၀ါရီ ၁၆ နေ့အထိ ဂါဇာမှာ အစ္စရေးရဲ့ သတ်ဖြတ်မှုကို ခံရသူအရေအတွက်ဟာ ၂၆၀၈၃ ဦး ရှိပါတယ်။

Ref: Aljazeera