ဇူလိုင် ၂၆၊ ၂၀၂၄
M-Media
![](http://www.m-mediagroup.com/wp-content/uploads/2024/07/ismail.jpg)
ကမ္ဘာ့ကြောက်စရာအကောင်းဆုံး မက္ကဆီကို မူးယစ်ရာဇာ အစ္စမေး ဇမ်ဘာဒါ ဂါစီယာကို အမေရိကန်နိုင်ငံ အလ်ပါဆိုမြို့မှာ အမေရိကန်အာဏာပိုင်တွေက ဇူလိုင် ၂၆ ရက်နေ့မှာ လက်ရဖမ်းဆီးနိုင်ခဲ့ပါတယ်။
အလ်မာယိုလို့ အမည်ပြောင်ပေးထားတဲ့ ဂါစီယာဟာ၊ နောက်ထပ် နာမည်ကျော် မူးယစ်ရာဇာ အလ်ချာပိုနဲ့ ပူးပေါင်းပြီး ဆီနာလိုအာ မူးယစ်ဂိုဏ်းကို တည်ထောင်ထားတာပါ။ အလ်မာယိုဟာ မက္ကစီကို အစိုးရနဲ့ စစ်တပ်တစ်ခုလုံးကို လာဘ်ငွေအမြောက်အများပေးကာ ၁၀ စုနှစ်များစွာ ရှောင်တိမ်း နေထိုင်ခဲ့တယ်လို့ သတင်းထွက်သူပါ။ အသက် ၇၀ ရှိပြီဖြစ်ပြီး အမေရိကန်အစိုးရက မူးယစ်မှုနဲ့ အလိုရှိနေကာ ဆုငွေ ကန်ဒေါ်လာ ၁၅ သန်း ထုတ်ထားခံရသူလည်း ဖြစ်ပါတယ်။
သူ့သူငယ်ချင်း အလ်ချာပိုရဲ့သား ဂျိုအာကွင်း ဂူဇ်မန် လိုပက်ဇ်က မူးယစ်မှောင်ခို ပို့ဖို့အတွက် သူတို့ဆောက်ထားတဲ့ လေယာဥ်ကွင်း သွားကြည့်မယ်လို့ဆိုကာ ဂါစီယာကို လှည့်ဖျားခေါ်ဆောင်ပြီး အမေရိကန်အာဏာပိုင်တွေလက်ထဲ အပ်ခဲ့တာလို့ အမေရိကန်အစိုးရ သတင်းရင်းမြစ်တွေကို ကိုးကားပြီး Fox သတင်းဌာနက ဖော်ပြပါတယ်။
အလ်ချာပိုဟာ မူးယစ်မှုနဲ့ ၂၀၁၉ ခုနှစ်မှာ အမေရိကန်ကို လွှဲပြောင်းပေးအပ်ခြင်း ခံခဲ့ရပြီး ထောင်ဒဏ် တစ်သက်တစ်ကျွန်း ကျခံနေရသူဖြစ်ပါတယ်။ ဂူဇ်မန် လိုပက်ဇ်က ဖခင်အဖမ်းခံရတာဟာ ဂါစီယာကြောင့်လို့ ယူဆကာ အမေရိကန်အာဏာပိုင်တွေလက်ထဲကို ထည့်ပေးခဲ့တာလို့ ဆိုပါတယ်။
ဂါစီယာနဲ့အတူ ဂူဇ်မန် လိုပက်ဇ်ကိုလည်း အမေရိကန်အာဏာပိုင်တွေက ဖမ်းဆီးခဲ့ပါတယ်။
Ref: Fox News
Comments