အောက်တိုဘာ ၇၊ ၂၀၂၄
M-Media
-ဂါဇာကမ်းမြှောင် အလယ်ပိုင်းက စစ်ရှောင်တွေ ခိုလှုံနေတဲ့ Al-Aqsa Martyrs ဗလီကို အစ္စရေးက အောက်တိုဘာ ၆ ရက်နေ့မှာ တိုက်ခိုက်ခဲ့ပြီး အနည်းဆုံး ပါလက်စတိုင်းပြည်သူ ၂၇ ဦး သေဆုံးခဲ့ပါတယ်။
ဗလီနဲ့ တစ်ဆက်တည်းရှိနေတဲ့ စာသင်ကျောင်းပါ တိုက်ခိုက်ခံခဲ့ရပါတယ်။ တိုက်ခိုက်မှုအတွင်း ဒဏ်ရာရသူတွေ၊ ပျောက်ဆုံးနေသူတွေ ရှိတာကြောင့် သေဆုံးသူအရေအတွက် မြင့်တက်လာနိုင်တယ်လို့ ပါလက်စတိုင်း သတင်းရင်းမြစ်တွေက ပြောပါတယ်။
အစ္စရေးက အဲဒီနေရာဟာ ဟားမက်စ်ရဲ့ ဌာနချုပ်ဖြစ်တဲ့အတွက် တိုက်ခိုက်တာလို့ ပြောဆိုပြီး ခိုင်လုံတိကျတဲ့ အထောက်အထားမျိုး မပေးပါဘူး။ ဒီလိုခေါင်းစဥ်နဲ့ ဂါဇာကမ်းမြှောင်က စစ်ရှောင်စခန်းတွေ၊ စာသင်ကျောင်းတွေနဲ့ ဆေးရုံ အများအပြားကို အစ္စရေးက တိုက်ခိုက်ခဲ့ပြီး ပါလက်စတိုင်းပြည်သူ ရာထောင်ချီ သေဆုံးခဲ့ပါတယ်။
ပြီးခဲ့တဲ့နှစ် အောက်တိုဘာလ စတင်တဲ့ ဂါဇာက အစ္စရေးရဲ့ တစ်ကျော့ပြန် လူသတ်ပွဲမှာ အသတ်ခံရသူ ပါလက်စတိုင်းအရေအတွက်ဟာ ၄၂၀၀၀ နီးပါး ရှိလာပြီ ဖြစ်ပါတယ်။
Ref: Aljazeera