ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၇)

M-Media

အစ္စရေးအတွင်းပိုင်းကို ဟစ်ဇ်ဘိုလာက တိုက်ခိုက်
—————-
ဟိုင်ဖာမြို့နဲ့ တိုက်ဘေးရီးယက်မြို့မှာရှိတဲ့ အစ္စရေးရဲ့ စစ်စခန်းတွေကို ဟစ်ဇ်ဘိုလာက Fadi 1 ဒုံးကျည်တွေနဲ့ ပစ်ခတ်တိုက်ခိုက်ခဲ့ပြီး အနည်းဆုံး ၁၁ ဦး ဒဏ်ရာရခဲ့ပါတယ်။ နိုင်ငံအတွင်းပိုင်းအထိ ကျလာတဲ့ ဒုံးကျည်တွေကို အစ္စရေးရဲ့ နာမည်ကျော် ဒုံးခွင်းစနစ်တွေက ဘာ့ကြောင့် မဖျက်ချခဲ့သလဲဆိုတာ တိတိကျကျ မသိရပါဘူး။

ဂျာဘာလီယာက လူသတ်ပွဲ
———
ဂါဇာကမ်းမြှောင် ဂျာဘာလီယာဒုက္ခသည်စခန်းကို အစ္စရေးက မနေ့ကစတင်ကာ စီးနင်းသတ်ဖြတ်မှုတွေ လုပ်ဆောင်နေပြီး အနည်းဆုံး ၁၇ ဦး သေဆုံးခဲ့ပါတယ်။ အစ္စရေးရဲ့ အသက်အန္တရာယ် ခြိမ်းခြောက်မှုကို ခံထားရသူ အသက် ၁၉ နှစ်အရွယ် ဂျာနယ်လစ် ဟာဆန်ဟာမဒ်လည်း အသတ်ခံခဲ့ရပါတယ်။

ဘေရွတ်မှာ အကြမ်းဖက်မှုတွေ ရှိနေဆဲ
————-
လက်ဘနွန်မြို့တော် ဘေရွတ်တောင်ပိုင်းက မြို့တွေကို အစ္စရေးက လေကြောင်းကနေ တိုက်ခိုက်သတ်ဖြတ်မှု လုပ်ဆောင်ရာမှာ မနေ့က အနည်းဆုံး ၁၂ ဦး ထပ်မံသေဆုံးခဲ့ပါတယ်။ အဲဒီအထဲက ၇ ဦးဟာ ကလေးငယ်တွေ ဖြစ်ပြီး ဒဏ်ရာရရှိသူ ၂၀ ကျော် ရှိပါတယ်။ လက်ဘနွန်မှာ အစ္စရေးရဲ့ သတ်ဖြတ်မှုကို ခံရသူ အရေအတွက်က ၂ ထောင်ကျော် ရှိနေပါပြီ။

Ref: Aljazeera