ဒီဇင်ဘာ ၂၆၊ ၂၀၁၄
M-Media
– နိုင်ငံရပ်ခြားမှ သန္ဓေတည်လာသည့် ပွဲတော်ဖြစ်ပြီး လူကြိုက်များလာသည်ကို
မနှစ်သက်သောကြောင့် တရုတ်နိုင်ငံရှိ မြို့တစ်မြို့တွင် ကျောင်းများ၌
ခရစ္စမတ်ပွဲတော်ဆင်နွှဲမှုများအား ပိတ်ပင်ခဲ့သည်ဟုသိရသည်။
ခရစ်ယာန်ဘာသာဝင် များပြားမှုကြောင့် တရုတ်နိုင်ငံ၏ ဂျေရုစလင်ဟုခေါ်သည့် နိုင်ငံအရှေ့ပိုင်း ၀မ်ဇူးမြို့ရှိ ပညာရေးဗျူရိုက ထိုကဲ့သို့ ကြေညာခဲ့ခြင်းဖြစ်ပြီး ခရစ္စမတ်နှင့် ပတ်သက်သည့် ပွဲတော်များအားလုံးလည်း ထိုပိတ်ပင်မှုတွင် အကျုံးဝင်သည်။
ထို့ပြင် နိုင်ငံအလယ်ပိုင်း ရှန်ဇီပြည်နယ်ရှိ တက္ကသိုလ်တစ်ခုတွင်လည်း ကျောင်းသားများ ခရစ္စမတ်ပွဲတော် မဆင်နွှဲနိုင်ရန် တရုတ်သုခမိန် ကွန်ဖြူးရှပ်၏ အကြောင်းကို ပြသကာ မကြည့်မနေရအဖြစ် သတ်မှတ်ခဲ့သည်။
တရုတ်နိုင်ငံရှိ ခရစ်ယာန်ဘာသာဝင်ဦးရေမှာ လာရှိအချိန်တွင် သန်း ၆၀ ခန့်ရှိသည်ဟု ခန့်မှန်းရပြီး လျင်မြန်စွာ ကြီးထွားလျက်ရှိနေသည်။ ထို့ပြင် ဘာသာမဲ့ ကွန်မြူနစ်များ အုပ်စိုးသည့် တရုတ်နိုင်ငံတွင် ခရစ္စမတ်ပွဲတော် ကျင်းပမှုများမှာလည်း အထင်ကရ ဖြစ်လာခဲ့သည်။
သို့သော်လည်း တရုတ်အာဏာပိုင်များကမူ တရုတ်နိုင်ငံရှိ ကျောင်းများမှာ နိုင်ငံရပ်ခြား ပွဲတော်များထက် တရုတ်လူမျိုးတို့၏ ရိုးရာပွဲတော်များကိုသာ ပိုမိုအာရုံထားရန် မျှော်လင့်နေသည်ဟု ကွန်မြူနစ်ပါတီနှင့် နီးစပ်သော စာစောင်တစ်ခုတွင် ဖော်ပြထားသည်။
ဝမ်ဇူးမြို့အာဏာပိုင်များမှာ ယခုနှစ်အတွင်း ခရစ်ယာန်ဘုရားကျောင်းများနှင့် လက်ဝါးကပ်တိုင် အများအပြားကို ဖျက်ဆီးခဲ့ပြီး ထင်သာမြင်သာရှိသည့် လက်ဝါးကပ်တိုင် ၄၀၀ ကျော်ကို ဖယ်ရှားခိုင်းခဲ့ကာ အချို့ကို လုံးဝ ဖျက်ဆီးခဲ့သည်။
ဧပြီလကလည်း ၀မ်ဇူးမြို့ဆင်ခြေဖုံးတွင် တည်ဆောက်ထားသည် The Sanjiang အမည်ရ ခရစ်ယာန်ဘုရားကျောင်းကြီးတစ်ခုကိုလည်း သတ်မှတ်သည့် အကျယ်အ၀န်းထက် ပိုမိုဆောက်လုပ်သည်ဟု စွပ်စွဲကာ တရုတ်အစိုးရက လုံးဝ ဖြိုချဖျက်ဆီးခဲ့ပြီး ဒေသခံ ခရစ်ယာန်များနှင့် အာဏာပိုင်းများအကြား တင်းမာမှုများဖြစ်ပွားခဲ့သည်။
ကွန်မြူနစ်အစိုးရ ကြီးစိုးသည့် တရုတ်နိုင်ငံတွင် ခရစ်ယာန်အပါအ၀င် အခြားသော
ဘာသာတရာများမှာ တရုတ်အစိုးရ၏ ဖိနှိပ်ချုပ်ချယ်မှုကို ခံနေရသည်။
Source : AFP, Xinhua
ဓာတ်ပုံ- ဧပြီလက ဖြိုချဖျက်ဆီးခံလိုက်ရသည့် The Sanjiang ခရစ်ယာန် ဘုရားရှိခိုးကျောင်း
