News @ M-Media

Category: ပေးစာ/ပြန်စာကဏ္ဍ

  • “မြန်မာ တိုင်းရင်းသားများနဲ့ မြန်မာ မွတ်ဆလင်များ အကြား စည်းလုံး ညီညွှတ်စေချင်။”

    “မြန်မာ တိုင်းရင်းသားများနဲ့ မြန်မာ မွတ်ဆလင်များ အကြား စည်းလုံး ညီညွှတ်စေချင်။”

    နိုဝင်ဘာ၊ ၁၅ ၊ ၂၀၁၂
    M-Media

    အောက်မှာ ဖော်ပြထားတဲ့ သတင်းကို ဖတ်ကြည့်ပါ။ လွတ်လပ်ရေးမရခင်၊ ရပြီးနှင့် မျက်မှောက်ကာလအထိ မြန်မာ မွတ်ဆလင်များရဲ့ အခန်းကဏ္ဍကိုလည်း သိရှိပါတယ်။ ဂုဏ်ယူဘွယ် ပုဂ္ဂိုလ်ကြီးများကိုလည်း သိရှိပါ တယ်။ Website ထဲမှာ တစ်ဘက်နှင့်တစ်ဘက် အပြုသဘောဆောင်တဲ့ ဖော်ပြချက်တွေကိုပဲ ရေးကြ ရင် ကောင်းပါမယ်။

    အောက်က သတင်းမှာ ဖော်ပြထားသလိုပဲ ခေတ်မီဖွံ့ဖြိုးတိုးတက်တဲ့ ဒီမိုကရေစီနိုင်ငံတော်ကြီးကို တည် ဆောက်ရာမှာ တိုင်းရင်းသားအချင်းချင်း စည်းလုံးညီညွှတ်စွာရှိရန်မှာ အရေးကြီးဆုံး အချက်တစ်ခုပင် ဖြစ်ပါတယ်။ မြန်မာနိုင်ငံသားဥပဒေအရ ရခိုင်ပြည်နယ်အပါအ၀င် တစ်နိုင်ငံလုံးရှိ မြန်မာမွတ်စလင် တို့က ၄င်းတို့အား မြန်မာအမျိုးသားများဟူ၍ အသိအမှတ်ပြုရန် လိုလားလျှက်ရှိသည်ကို သိရသဖြင့် မြန်မာနိုင်ငံ၏ ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံသို့ အမြန်ဆုံးချီတက်နိုင်ရန် အတွက် တအား တက်ရပါကြောင်း ဖော်ပြအပ်ပါတယ်။

    ၃၈ဖြာ မင်္ဂလာတရားတော်နှင့်အညီ အထူးသဖြင့် ခန္တီ-သည်းခံခြင်းကို အစပြု၍ လူအချင်းချင်း တစ်ဦး နှင့်တစ်ဦး၊ တစ်ဘက်နှင့်တစ်ဘက် မကောင်းမှုပြုခြင်း (ပါပ၀ိရတီ) ကို အထူးရှောင်ကြဉ်နိုင်ကြပါစေ သတည်း။   သတ္တ၀ါအားလုံးကျန်းမာ ချမ်းသာကြပါစေ။

    ကပြားအဖြစ် အသိအမှတ်ပြုထားခြင်းကို ပယ်ဖျက်ရန်

    မန္တလေးမြို့ မြန်မာမွတ်ဆလင်လွတ်လပ်ရေးအဖွဲ့ချုပ်၏ ဗဟိုအလုပ် အမှုဆောင်များသည် ကဆုန် လဆုတ် ၄ ရက်နေ့က အစည်းအဝေးကျင်းပပြီးလျှင် မြန်မာမွတ်ဆလင်များသည် လွန်ခဲ့သော ၁၉၃၁ခု ဗမာပြည် သန်းခေါင်စာရင်းကောက်ယူရာတွင် အိန္ဒိယတိုင်းသားနှင့် မြန်မာ(တိုင်းရင်းသား)များ စပ်၍ ကျသောလူမျိုးအဖြစ် နှင့် စာရင်းကောက်ခံခဲ့ကြရကြောင်း၊ ထိုကဲ့သို့ သန်းခေါင်စာရင်းတွင် ကပြား အဖြစ် စာရင်းကောက်ထားခြင်း ခံရသဖြင့် မြန်မာမွတ်ဆလင်များသည် ကပြားလူမျိုးအဖြစ်နှင့်ပင် ယခု တိုင် အစိုးရ၏ အသိအမှတ် ပြုခြင်းခံရသည် ဖြစ်သောကြောင့် ၁၉၄၁ခု သန်းခေါင်စာရင်းတွင် မြန်မာပြည်ရှိ မြန်မာမွတ်ဆလင်များအား အိန္ဒိယ တိုင်းသားများနှင့် မြန်မာ(တိုင်းရင်းသား)များ စပ်ကျသော လူမျိုးဇယားမှ ထုတ်ပယ်လျှက် မြန်မာလူမျိုးဇယားတွင် ထည့်သွင်းရန်နှင့် ၄င်းတို့ ကိုးကွယ်သည့် ဘာသာတခုကိုသာလျှင် ခွဲခြားဖော်ပြရန် မြန်မာပြည် အစိုးရထံ တောင်းဆိုကြကြောင်း ဟူသော ဆုံးဖြတ်ချက်တစ်ခုကို ချလိုက်သည်ဟု ကြားသိရပေသည်။ ထို့ပြင် အဆိုပါ ဆုံးဖြတ်ချက်များကို ဆိုင်ရာသို့ လွတ်လပ်ရေးဝါဒအရ မြန်မာစာဖြင့်သာ ရေးသားပေးပို့ရန် ဆုံးဖြတ်လိုက်သည်ဟု သိရှိရ လေရာ ၀မ်းမြောက်ဘွယ် တစ်ရပ်ဖြစ်ပေသည်။

    လွတ်လပ်ရေးကို တောင်းဆိုရာ၌ တိုင်းရင်းသား အချင်းချင်း စည်းလုံးညီညွှတ်စွာရှိရန်မှာ အရေးကြီးဆုံး အချက်တစ်ခုပင်ဖြစ်သည်။ ယခုကဲ့သို့ မြန်မာမွတ်စလင်တို့က ၄င်းတို့အား မြန်မာအမျိုးသားများဟူ၍ အသိအမှတ်ပြုရန် လိုလားလျှက်ရှိကြသည်ဟု သိရသဖြင့် မြန်မာပြည်၏ လွတ်လပ်ရေး တိုက်ပွဲအတွက် တအားတက်ရလေတော့သည်။

    (၁၉၄၀ခုနှစ်၊ ဇွန်လ ၁ရက်၊ ဂျာနယ်ကျော် စာမျက်နှာ ၂၁မှ ကောက်နှုတ်ချက်)

     

    ယခုဖော်ပြပါ ပေးစာ ဆောင်းပါတိုသည် M-Media အီးမေးလ်သို့ စာဖတ်ပရိတ်သတ် ပေးပို့လာခြင်းဖြစ်ပါသည်။

  • ကုလား ဆိုသည့်အသုံးအနှုန်း (ဦးအောင်တင်နှင့် ကိုထွန်းအောင်ကျော် အပြန်အလှန် ဆွေးနွေးချက်)

    ကုလား ဆိုသည့်အသုံးအနှုန်း (ဦးအောင်တင်နှင့် ကိုထွန်းအောင်ကျော် အပြန်အလှန် ဆွေးနွေးချက်)

    နိုဝင်ဘာ၊ ၁၃ ၊ ၂၀၁၂

    M-Media

    https://www.facebook.com/UDPMyanmar/posts/4853160008345 ကုလား ဆိုသည့်အသုံးအနှုန်း ကို Udp Myanmar အကောင့် အမည်ဖြင့် ဆိုရှယ်မီဒီယာမှာ တင်ခဲ့သည့် ပိုစ်ကို အီးမေးလ်ဂရုတခုတွင် ပြည်ပရောက် နိုင်ငံရေးသမား (၂) ဦးဖြစ်တဲ့ ABSDF ခေါင်းဆောင်ဟောင်းဖြစ်တဲ့ ကိုထွန်းအောင်ကျော်နှင့်  ဦးအောင်တင်တို့ အပြန်အလှန်ဆွေးနွေးချက်ကို M-Media စာဖတ်ပရိတ်သတ်သိရှိစေရန် တင်ဆက်ပေးလိုက်ပါတယ်။

    ကိုထွန်းအောင်ကျော်

    ဆက်ဖြည့်ပေးရရင် ဗမာတွေက Chinese တွေကိုတရုတ်လို့ခေါ်ပြီး၊တရုတ်တွေကလဲဗမာတွေကိုမြင်တင့်လို့ခေါ်ကြတယ်ဗမာလို့မခေါ်ကြဘူး၊ဗမာလူမျိုးလို့တရုတ်တွေကိုပြောရင်နားမလည်ဘူး ဗမာတွေကိုခေတ်အဆက်ဆက်က” မြင်တင်”ဒီလိုဘဲခေါ်နေကြတာဘဲဒါကိုငါတို့ဗမာတွေကိုနှိမ်ပြီးခေါ်တာလို့စွပ်စွဲလို့မရဘူး၊ သု့နိုင်ငံကပြည်သူတွေကသုတို့ဘိုးဘွားဘီဘင်ထဲကခေါ်လာကြတဲ့အသုံးအနှုန်းတွေဘဲ၊ဒီလိုဘဲကုလားလို့ခေါ်တာလဲဒီသဘောဘဲသက်ရောက်တယ်။ ဒါကြောင့်ဒီလိုအသုံးအနှုန်းတွေကိုကိုယ်လိုရာစွဲသုံးပြီးနှိမ်တယ်လို့ဆိုင်းဘုတ်တပ်တာဟာမမှန်ဘူး၊ ကျွန်တော့ငယ်သူငယ်ချင်းသူကမူဆလင်ကုလားဘဲ သိပ်ချစ်ကြတယ်၊ ကျွန်တော်တို့ကသူ့ကိုကုလားမလို့ချစ်စနိုးခေါ်ကြတယ်သူကလဲစိတ်မဆိုးဘူး။ ဒါဟာနှိမ်တာမဟုတ်ဘူးဆိုတာသူကသိလို့ဘဲ၊ ဗမာမဟုတ်တဲ့သူတွေကိုဗမာတွေကတရုတ်၊ ကုလားလို့နှိမ်ခေါ်တဲ့သူတွေရှိမှာဘဲဒါကိုထောက်ပြီးအားလုံးခြုံပြီးတော့ဒီအသုံးအနှုန်းဟာနှိမ်ခေါ်တာပါဆိုရင်တော့မဟုတ်ဘူးလို့ပြောရမှာဘဲ။

    ထွန်းအောင်ကျော်

    —————————-

    ဥိးအောင်တင်

    ကျေးဇူးဘဲ ကိုထွန်းအောင်ကျော်။ ခင်ဗျားလို ခေါင်းဆောင်တစ်ယောက်က ဒီလိုပြောတော့ အတော်လေး စိတ်ဝင်စားသွားတယ်ဗျာ။ တရုပ်ကိစ္စကတော့ ကျနော့ကိစ္စ မဟုတ်ပါဘူး။ ကဲပြောပါအုံးဗျာ။ ကျနော်တို့က မခေါ်စေချင်ဘူးဆိုရင်ကော။ ခင်ဗျားက ဆက်ခေါ်အုံးမလား သိချင်ပါတယ်။ ကုလားကို မြန်မာ့လူ့အဖွဲ့အစည်းမှာ နှိမ့်ချတဲ့ သဘောနဲ့ ကျယ်ကျယ်ပြန့်ပြန့် သုံးနေတယ်၊ အခေါ်ခံရတဲ့ သူတွေကလဲ မခေါ်စေချင်ဘူးဆိုတာကို ခင်ဗျားက မသိပါဘူးလို့ ဆိုမှာလားဗျာ။
    အောင်တင်
    —————————

    ကိုထွန်းအောင်ကျော်

    ကိုအောင်တင်ရေ ကျွန်တော်ဆိုလိုတာကကုလားဆိုတာ ဗမာပြည်မှာ ဟိုးရှေးကထဲကခေါ်နေကြအ သုံးအနှုံးဖြစ်တယ်၊ တရုပ်တွေကလဲဗမာတွေကို သု့နိုင်ငံ အသုံးအနှုံးနဲ့ခေါ်နေတာကို မခေါ်နဲ့ကွာလို့ပြောလဲ တရုပ်ကခေါ်နေမှာဘဲ အဲဒါကိုမကြိုက်ဘူးမခေါ်နဲ့ဆိုလဲခေါ်နေကြမှာဘဲ။ မြန်မာပြည်က ကုလားတွေကလဲ ငါတို့ကိုနှိမ်ခေါ်တာမို့လို့ မခေါ်နဲ့ဆိုလဲ အများစုခေါ်နေကြမို့လို့ခေါ်မြဲခေါ်နေကြမှာဘဲ။ ဥပမာဗျာ ကပ္ဗလီတွေကိုနီးဂရိုးလို့နှိမ်ခေါ်တာကို အမေရိကန်အစိုးရက လူမျိုး ရေးအရနှိမ်တာမုို့လို့ မခေါ်ရဘူးတားမြစ်ထားတယ်၊ လူဖြူတွေခေါ်ရင် လူမဲတွေကပြသနာလုပ်တယ်၊ ဒါပေမဲ့သူတို့ အချင်းချင်းစကားများ ရင် You Nigger လို့ဒီအသုံးအနှုန်းကိုလူမဲ အချင်းချင်းပြန်သုံးကြတယ်။ ဒါကြောင့်နှိမ်တဲ့စိတ်နဲ့ခေါ်တာ မကောင်းဘူး လက်မခံဘူး၊ ကုလားလို့ခေါ်တာဟာ နှိမ်ခေါ်တာမျိုးမဖြစ်သင့်ဘူး။

    လူမျိုးတမျိူးအနေနဲ့ခေါ်တာဘဲဖြစ်သင့်တယ်၊ ငါတို့ကို ကုလားလို့မခေါ်နဲ့လို့လဲပြောလို့မရနိုင် ဘူးလို့ထင်တယ်လေ၊ ခင်ဗျားကို ကုလားကိုအောင်တင်လို့ကျွန်တော် ဘယ်တော့မှမခေါ်ဘူးစိတ်ချ။ ကိုအောင်တင်ဘဲခေါ်ပါ့မယ်။ အိန္ဒိယ၊ပါကစ္စတန်၊ အီရန်၊အီရတ်၊ ဘင်္ဂလားဒေ့ရှ် နိုင်ငံသားတွေကိုပေါင်းပြီးကုလားလို့ခေါ်နေကြအုံးမှာဘဲ။ ဗျက်ဝိ၊ ဗျတ္တ ၊ သူတို့ရဲ့သား ရွှေဖျင်းကြီးရွှေဖျင်းလေးတို့ဟာအီရန်နိုင်ငံကသင်္ဘောပျက်ပြီးဗမာပြည်ရောက် သူရဲကောင်းတွေဖြစ်ပြီး အသတ်ခံရ နောက်ဆုံး နတ်တွေအဖြစ်ဗမာတွေက တောင်ပြုံးပွဲမှာ ကိုးကွယ်နေကြတာဘဲမဟုတ်လား၊ ကုလားဆိုပြီးဘယ်မှာနှိမ်ရဲလို့လဲ၊ ဗုဒ္ဓမြတ်စွာ ဘုရားလဲနီပေါ အိန္ဒိယနယ်စပ်မြို့လေးမှာမွေးခဲ့တဲ့ အိန္ဒိယလူမျိုးကုလား တယောက်ပါဘဲ၊ ဗမာတင်မက အရှေ့တောင်အာရှအပြင်ကမ္ဘာမှာဘာသာကြီး တရပ်အဖြစ်တည်ရှိနေတာဘဲမဟုတ်လား၊ ကျွန်တော်တို့လုပ်နိုင်တာကတော့ ဒီနိုင်ငံကလူတွေကို ကုလားလို့နှိမ်ခေါ်သင့်ဘူး၊ထို့အတူ Chinese တွေကိုလဲတရုတ်လို့နှိမ်ပြီး မခေါ်သင့်ဘူး၊ ဗမာနိုင်ငံမှာ လာရောက်နေထိုင်အခြေချနေထိုင်တဲ့တရုတ်၊ ကုလားလူမျိုးတွေ အနေနဲ့ဘဲခေါ်သင့်တယ် လူမျိုးရေးအရ နှိမ့်ချတဲ့အနေနဲ့မခေါ်သင့်ဘူး Discrimination attitude နဲ့ခေါ်သင့်ဘူးဆိုတာကိုပြည်သူကို ပညာပေးရင်လုံလောက်မယ်လို့ထင်တယ်။ conflict resolution အနေနဲ့ဆွေးနွေးကြည့်တာပါဗျာ။ နှိမ်တဲ့စိတ်စိုးစိမှမရှိပါဘူး၊

    ဘယ်ဘက်မှ မလိုက်ဘဲပြသနာ အရင်းခံကိုကြည့်ပြီး စဉ်းစားအဖြေထုတ်ကြည့်တာပါ။ တခုရှိတာကတရုပ်တွေကသူတို့ကိုတရုတ်လို့ခေါ်တာကိုနှိမ်ပြီးခေါ်တယ် ချိုင်းနီး လို့ငါတို့ကိုဘာလို့မခေါ်တာလဲ တရုတ်လို့ခေါ်တာ ငါတို့ကိုနှိမ်ခေါ်တာလို့ ကန့်ကွက်တာမကြားရဘဲ ကုလားလို့ခေါ်တာကို ဘာကြောင့် ကန့်ကွက်နေကြတာလဲ။ နောက်တခုက ဒေါက်တာဝါကာအူဒင်ဆိုတဲ့ သုကဗီအိုအေမှာသူဟာ ဗမာပြည်မှာ ရှေးပဝီသဏီထဲကရှိနေတဲ့ ရိုဟင်ဂျာလူမျိုးလို့ ပြောပြီးရိုဟင်ဂျာတွေဟာ အီရန်ကသင်္ဘောပျက်ပြီးရောက်လာတဲ့ အာရပ်မျိုးနွယ်တွေက ပေါက်ဖွါး ဆင်းသက်လာတာလို့ပြောတယ်၊ ဒါကို ခင်ဗျားဘယ်လိုမြင်သလဲ common sense သဘောနဲ့ဖြေကြည့်ပါဗျာ၊ ဒီလူတွေဟာဘင်္ဂါလီ စကားပြောတယ် ဘင်္ဂါလီတွေနဲ့အသွင်သဏန်တူတယ်၊ အာရပ်စကားမပြောတတ်ဘူး။ အာရပ်တွေလို အရပ်အမောင်းလဲမကောင်းဘူး၊ တူလဲမတူဘူး၊ သူတို့ဒီအင်အေကိုစစ်ကြည့်ရင်စိနိုင်ပါတယ်။ ဒါပေမဲ့ကျွန်တော်ပြောနေတာတွေကတရား လက်လွတ်ပြောနေတာမဟုတ်ဘူး။ ကျွန်တော့မှာ ကိုယ်ချင်းစာတရားရှိပါတယ်။ လူတွေကိုလူလိုဘဲမြင်သင့်တယ်၊ လူ့အသက်တွေကို ရန်သူဖြစ်ပါစေ တန်ဖိုးထားသင့်တယ်။ ရခိုင်အရေးမှာ ခင်ဗျားရေးတာတွေ ဖတ်ရပါတယ်၊ ကျွန်တော်က လူမျိုးရေးဘာသာရေးအနေနဲ့ကြည့်တာထက် ဒီပြသနာအရင်းအမြစ်က ဘယ်ကလာတယ်ဘယ်အထိသွားမယ်ဆိုတာအ ထိကြည့်ပါတယ်၊ဒါကြောင့်အရင် ခင်ဗျားကိုပြောခဲ့တယ် မဟုတ်လား ရခိုင်ပြည်နယ်မှာနေတဲ့သူတွေ သူတို့ကိုရိုဟင်ဂျာဘဲ ခေါ်ခေါ် ဘာဘဲခေါ်ခေါ်ရတယ်လို့ ဒါပေမဲ့ တိုင်းရင်းသားတွေဖြစ်ပါတယ်ဆိုတဲ့ အချက်ကိုတော့ လက်ခံလို့မရနိုင်ဘူး၊ ခဲ့တယ်မဟုတ်လား၊ ရခိုင်ပြည်မှာရိုဟင်ဂျာမပေါ်ခင် မူဂျာဟစ်သူပုန်တွေပေါ်ခဲ့တယ်၊

    မူဂျာဟစ်တွေက မူဆလင်ပြည်နယ် တောင်းခဲ့ကြတယ်၊ ကုန်ကုန်ပြောမယ်ဗျာကျွန်တော့အမှုတွဲ အာဇံခေါ် မောင်မောင်လွင်ဟာ အစ္စလမ်ဘာသာကို အသက်ပေးယုံကြည်တဲ့ သူတယောက်ဘုရား တနေ့ငါးကြိမ်ရှိခိုးလို့ နဖူးမှာအညိုကွက်တောင်ထင်ပြီး ဂျွတ်တက်နေတယ်၊ သူကရင်းနှိးတဲ့ ရဲဘော်ရဲဘက်တွေအနေနဲ့ ကျွန်တော်နဲ့ရဲမြင့်သိန်းကို ရ ခိုင်ပြည်မှာ မူဆလင်ပြည်နယ် တောင်းရမယ်လို့ပြောလို့ ကျွန်တော်တို့ နှစ်ယောက်လုံးက ပယ်ချခဲ့ဘူးတယ်။ အာဇံနောက်မှာဘင်္ဂလားအစိုးရရှိတယ်။ အခုယိုးဒယား ၊မလေးရှားနယ်စပ်မှာမူဆလင်သပုန်တွေက မူဆလင်ပြည်နယ် တောင်းနေတယ်၊ ယိုးဒယားက ခွဲထွက်ဖို့လုပ်နေကြတယ်။ဘင်္ဂလားဒေ့ရ်ှက ပြသနာဟာ ဗမာပြည်တခုလုံးနဲ့ဘဲ သက်ဆိုင်နေတာမဟုတ်ဘူး အရှေ့တောင်အာရှနဲ့ အာရှအရှေ့ပိုင်းဒေသ တည်ငြိမ်ရေးအတွက်ပါသက်ဆိုင်နေတယ်။ ဒါကြောင့်ဘယ်အရာမဆို အစွန်းမရောက်ဖို့နဲ့ ဘက်မလိုက်ဘဲကြည့်နိုင်ဖို့လိုတယ်၊ အဓိကကတော့တိုင်းပြည်နဲ့လူမျိုး မပျောက်ကွယ်ဖို့ကိုကြည့်ကြရမယ်။ လူမျိုးရေးမုန်းတီးမှုတွေနဲ့ ရေးနေတာတွေကို လက်မခံပါအားလဲမပေးပါဆိုတာ သိစေချင်တယ်။ အချိန်ရရင် ဒေသဆိုင်ရာ လုံခြုံရေးအတွက် စာတမ်းတစောင်ရေးပါအုံးမယ်။ စောင့်ဖတ်ပြီးဝေဖန် ပေးရန်ဖိတ်ခေါ်ပါတယ်။

     

     လေးစားလျက် ထွန်းအောင်ကျော်

    ——————————————

    ဦးအောင်တင် ပြန်စာ

    ကိုထွန်းအောင်ကျော်

     

    အခုလို ဆွေးနွေးခွင့်ရတာ ဝမ်းသာပါတယ်။ ခင်ဗျားစာရဲ့အောက်က ကျနော့ပြန်ကြားချက်တွေကို အဝါရောင် ချယ်ပေးထားပါတယ်။

     

    မြန်မာပြည်က ကုလားတွေကလဲ ငါတို့ကိုနှိမ်ခေါ်တာမို့လို့ မခေါ်နဲ့ဆိုလဲ အများစုခေါ်နေကြမို့လို့ ခေါ်မြဲခေါ်နေကြမှာဘဲ။

    ( နှိမ်ခေါ်နေလဲ ခေါ်ကြမှာဘဲဆိုတော့ မထူးပါဘူး။ မင်းတို့ ခံသာ ခံလိုက်ပါဆိုတာလား။)

     

    ဒါကြောင့်နှိမ်တဲ့စိတ်နဲ့ခေါ်တာမ ကောင်းဘူးလက်မခံဘူး

    (စိတ်မရှိနဲ့နော်။ ဒါက တော်တော်လက် ပေါက်ကပ်တဲ့ စကားဘဲ။ နှိမ်ရင်တော့ မကြိုက်လို့ရတယ်။ မနှိမ်ရင်တော့ အခေါ်ခံရမယ်။ တစ်မျိုးကြီးဘဲ။ နှိမ်တဲ့စိတ် မနှိမ်တဲ့စိတ် မနောကံကို ဘယ်သူက သိနိုင်မှာလဲဗျာ။)

    အိန္ဒိယ၊ပါကစ္စတန်၊ အီရန်၊အီရတ်၊ ဘင်္ဂလားဒေ့ရှ် နိုင်ငံသားတွေကိုပေါင်းပြီးကုလားလို့ခေါ်နေကြအုံးမှာဘဲ။

    (အီရန် အီရတ်၊ ပါကစ္စတန်က လူတွေနှင့် ခင်ဗျားမိတ်ဆွေ မြန်မာမွတ်စလင်တွေကို ဘယ်လိုလုပ်ပြီး ကုလားဆိုတဲ့ တစ်အုပ်စုထဲ ထားရပါသလဲဆိုတဲ့ ခင်ဗျားရဲ့ လောဂျစ်ကလေးကို ရှင်းပါအုံး။ မွတ်စလင်တွေအားလုံးက ကုလားဘဲလို့ ခင်ဗျားယူဆထားတယ်ဆိုရင် မှန်ပါ့မလား။)

     

    ကုလားလို့ခေါ်တာဟာနှိမ်ခေါ်တာမျိုးမဖြစ်သင့်ဘူး။လူမျိုးတမျိူးအနေနဲ့ခေါ်တာဘဲဖြစ်သင့်တယ်။

    (ကျောက်စာ ပေစာမှာ ကုလားရှိတယ်။ ယခင်ကနှင့် မတူ နှိမ်ချခေါ်ဝေါ်နေတာဖြစ်လို့ ကျနော်တို့က ကန့်ကွက်နေရခြင်းဖြစ်ပါတယ်။ ဒီကုလားဆိုတဲ့ အသုံးအနှုံးကို မကြိုက်လို့ အင်္ဂလိပ်ခေတ်ကတည်းက ကန့်ကွက်ခဲ့ပါတယ်။ ယဉ်ကျေးစာနာတတ်တဲ့ မြန်မာပြည်ရှိ လူမျိုးပေါင်းစုံ လူကြီးလူကောင်းများက ကုလားဆိုပြီး မခေါ်သင့်ကြောင်း နားလည်လက်ခံကြတယ်။ ဒေါ်အောင်ဆန်းစုကြည်တောင် မကြာခင်က အမေရိက ခရီးစဉ်မှာ သူများမကြိုက်တဲ့ အမည်ကို ခေါ်တဲ့သူတွေဟာ သိက္ခာမဲ့တဲ့သူတွေလို့ ပွင့်ပွင့်လင်းလင်း ပြောခဲ့ပါတယ်။

     မြန်မာမွတ်စလင်ဆိုတဲ့အမည်က ကိုလိုနီခေတ်မှာ တရားဝင် သန်းခေါင်စာရင်းပေါက် သုံးခဲ့တယ်။ ၁၉၄၆ ဖေဖေါ်ဝါရီ ရွှေတိဂုံအလယ်ပစ္စယံမှာ ကျင်းပတဲ့ ပထမ ဖဆပလ ညီလာခံမှာ မြန်မာမွတ်စလင်တွေကို တိုင်းရင်းသားအဖြစ် ထပ်မံ အသိအမှတ်ပြုခဲ့တယ်။ မြန်မာတိုင်းရင်းသားဖြစ်တဲ့ မွန်တွေကို တလိုင်းလို့၊ ပအိုးဝ်ကို တောင်သူလို့ ကာယကံရှင်တွေက မကြိုက်လို့ နှိမ်ပြီး မခေါ်သင့်ဘူးဆိုတာကို ခင်ဗျားသဘောတူပါသလား ကိုထွန်းအောင်ကျော်။ တူမှာပါ။ ဒါဆို ကျနော်တို့ကျမှ မြန်မာမွတ်စလင်တွေလို့ မခေါ်ဘဲ ကုလားလို့ခေါ်တာ ရတယ်လို့ ဘယ်လိုသဘောနှင့် ပြောပါသလဲ။ တစ်ကယ်တော့ ခင်ဗျားကိုယ်တိုင်က မြန်မာမွတ်စလင်ဆိုတာ တိုင်းရင်းသား ၁၄၄မျိုးမှာပါတဲ့ တိုင်းရင်းသားတစ်မျိုးဖြစ်တယ်ဆိုတာ သိဟန်မတူပါဘူး။ ကုလားလူမျိုးလို့ဘဲ သိထားဟန်တူတယ်။)

     

    ငါတို့ကိုကုလားလို့မခေါ်နဲ့လို့လဲပြောလို့မရနိုင်ဘူးလို့ထင်တယ်လေ။

    (လို့ပြောလိုက်ခြင်းအားဖြင့် တလိုင်း၊ တောင်သူနှင့် ကုလားအခေါ်အဝေါ်မှာ ခင်ဗျားက double standard ထားသူ မဟုတ်ကြောင်းကို ဘယ်လိုရှင်းပြနိုင်မလဲဆိုတာ သိချင်ပါတယ်။)

     

    ခင်ဗျားကိုကုလားကိုအောင်တင်လို့ကျွန်တော်ဘယ်တော့မှမခေါ်ဘူးစိတ်ချ။ကိုအောင်တင်ဘဲခေါ်ပါ့မယ်။

    (ကဲ ဒါဆို ဖြေပါဗျာ။ ဘာဖြစ်လို့ ကျနော့ကို ကုလားလို့ ခင်ဗျားက မခေါ်ပါဘူးလို့ ဂတိပေးရတာလဲ။ ဗမာကို ဗမာလို့ ခေါ်နိုင်တယ်။ ရှမ်းကို ရှမ်းလို့ ခေါ်နိုင်တယ်။ ကျနော့ကျမှ ကုလားဖြစ်လျက်နှင့် ဘာဖြစ်လို့ ကုလားလို့ ခင်ဗျားက မခေါ်ပါဘူးလို့ တကူးတက ပြောရတာလဲ။ ဒီကတည်းက ခင်ဗျားကိုယ်တိုင် ဒီလိုခေါ်ရင် နှိမ်ခေါ်တာဖြစ်လို့ ကျနော်တို့ မကြိုက်ဖူးဆိုတာ သိထားလို့ပေါ့။ ဒီလိုသိထားလျက်နှင့် ခေါ်ကြမှာဘဲလို့ ဆိုပြန်နေတော့ ခင်ဗျားက ကိုယ့်ကိုကိုယ် လိမ်နေသလို ဖြစ်မနေဘူးလား။)

    ကျွန်တော်တို့လုပ်နိုင်တာကတော့ဒီနိုင်ငံကလူတွေကိုကုလားလို့နှိမ်ခေါ်သင့်ဘူး။

    (ပြောပြန်ပြီ။ မခေါ်သင့်ဘူးလို့ တစ်ကယ်ထင်ရင် မခေါ်နဲ့ပေါ့။ နှိမ်တာ မနှိမ်တာကို ဘယ်နေရာမှာ ဘယ်သူက တာဝန်ခံပြီး ဖြေရှင်းမှာလဲ။ ကိုထွန်းအောင်ကျော်ရေ ကျနော့ကို ဒီမှာ နှိမ်ခေါ်နေတယ်လို့ ကျနော်က တိုင်ရမှာလား။ ခေါ်တဲ့သူကလဲ နှိမ်ခေါ်တာ မဟုတ်ပါဘူး။ ကိုထွန်းအောင်ကျော် ရေးခဲ့သလို ဘုရားမျိုးအဖြစ် ရိုသေလေးစားသမှုနှင့် ခေါ်တာပါလို့ ဖြေရှင်းရမှာလား။ အခေါ်ခံတဲ့သူက မကြိုက်ရင် မခေါ်နဲ့ပေါ့။ ဒီလောက်ရှင်းနေတာကို ကပ်ဖဲ့လုပ်ပြီး နှိမ်ခေါ်ရင် မရဘူး။ မနှိမ်ဘဲခေါ်ရင် ရတယ်ဆိုတော့ ခင်ဗျားဟာက လက်တွေ့လူနေမှုဘဝမှာ ရှုပ်ထွေးအောင် လုပ်နေရာ မကျဘူးလား။)

    ဗမာနိုင်ငံမှာလာရောက်နေထိုင်အခြေချနေထိုင်တဲ့တရုတ်၊ ကုလားလူမျိုးတွေအနေနဲ့ဘဲခေါ်သင့်တယ် –

     (အခြေချနေထိုင်တဲ့ တရုပ်၊ ကုလားဆိုပြန်တယ်။ ဘာလဲ အခြေချနေထိုင်တာ။ ပတ်စ်ပို့နှင့်လာပြီး ခုန်ချတာလား။ တရားမဝင် ခိုးဝင်တာလား။ ဘယ်တုန်းက အခြေချတာလဲ။ ဘယ်မှာလဲ ပြူ ကမ်းယံ သက်။ ဘယ်တုန်းက တိဗက်မြန်မာ ဝင်လာသလဲ။ ကျနော်နားလည်တာက မြန်မာမွတ်စလင်သည် တိုင်းရင်းသားဖြစ်သည်။ မြန်မာ့သမိုင်းက ၁၉၈၂က စတယ်လို့ ခင်ဗျားယူဆရင်၊ မဆလ၊ နဝတ၊ နအဖ နှစ်ငါးဆယ်ကို မြန်မာ့သမိုင်းလို့ ခင်ဗျားယူဆရင် မြန်မာမွတ်စလင်ဟာ ကုလားဘဲ။ မွတ်စလင်ဆိုရင် နိုင်ငံခြားသား ဘင်္ဂလီဘဲ။ လာရောက် အခြေချ နေထိုင်သူဘဲ။ ၁၉၄၈မှာ လွတ်လပ်ရေးရတဲ့ နှစ်တစ်ထောင်ကျော် မြန်မာ့သမိုင်းကို အသိအမှတ်ပြုရင် မြန်မာမွတ်စလင်ဆိုတာ တိုင်းပြု ပြည်ပြု၊ တိုင်းပြည်တည်ထောင်တဲ့၊ တိုင်းပြည်လွတ်လပ်ရေးရအောင် လက်တွဲတိုက်ပွဲ တိုက်ပွဲဝင်ခဲ့တဲ့ တိုင်းရင်းသားဘဲ။ ခင်ဗျား (သို့မဟုတ်) တစ်စုံတစ်ယောက်က အသိအမှတ်မပြုဘူး။ လက်မခံဘူး။ အဲဒါက ခင်ဗျားတို့ ကိစ္စ။ ကျနော်တို့ရဲ့ မွေးရာပါ တိုင်းရင်းသားအခွင့်အရေးကို ဦးခင်ရီပေးမှ၊ ဦးသိန်းစိန်ပေးမှ၊ ဦးထွန်းအောင်ကျော်လက်ခံမှ ရမယ်လို့ ကျနော်တို့ ဘယ်တုန်းကမှ မယုံကြည်ပါဘူး။ ငြိမ်းချမ်းသောနည်း၊ ပေးထားသော ဥပဒေဘောင်အတွင်းက ကိုယ့်အခွင့်အရေးကို မရ ရအောင် တိုက်ယူသွားမယ်။)

    တရုတ်လို့ခေါ်တာ ငါတို့ကိုနှိမ်ခေါ်တာလို့ ကန့်ကွက်တာမကြားရဘဲ ကုလားလို့ခေါ်တာကို ဘာကြောင့်ကန့်ကွက်နေကြတာလဲ။

     (တရုပ် မနာတာ ဘာကြောင့်လဲဆိုတာ တရုပ်ကို မေးပါ။ တရုပ်ကိစ္စက ကျနော်တို့ ကိစ္စ မဟုတ်ဘူး။)

    အခုယိုးဒယား၊မလေးရှားနယ်စပ်မှာမူဆလင်သပုန်တွေကမူဆလင်ပြည်နယ်တောင်းနေတယ်၊ယိုးဒယားက ခွဲထွက်ဖို့လုပ်နေကြတယ်။

     (ထိုင်းနှင့် မလေးသမိုင်းကို လေ့လာပါ ကိုထွန်းအောင်ကျော်။ ထိုင်းတောင်ပိုင်း ပတ်တာနီဟာ မူလက မလေးပိုင်မြေဖြစ်တယ်။ ထိုင်းဘုရင်အောက်ရောက်သွားလို့ သူတို့က လွတ်လပ်ရေးအတွက် တိုက်ပွဲဝင်နေတာဖြစ်တယ်။ ထိုင်းပိုင်နက်ထဲ မလေးမွတ်စလင်တွေက လာရောက် အခြေစိုက်ပြီးမှ ခွဲထွက်ရေး တောင်းတာ မဟုတ်ဘူး။ အခုလည်း မလေးရှားက အကူအညီပေးပြီး ငြိမ်းချမ်းရေးရအောင် လုပ်နေကြပါတယ်။ ရခိုင်ပြည်နယ်မှာလို မူလကတည်းက ရခိုင်ပြည်နယ်မြေကိစ္စနှင့်လည်း မတူဘူး။ ရခိုင်ပြည်နယ်မှာ ရိုဟင်ဂျာခွဲထွက်ရေး အန္တရာယ် အခုရှိနေတယ်ဆိုရင် ခင်ဗျား အထောက်အထား ပြလိုက်ပါ။ ရခိုင်တွေကသာ ပြည်ထောင်စုက ခွဲထွက်ဖို့ လုပ်နေတဲ့ အထောက်အထားလိုချင်ရင် လွန်ခဲ့တဲ့ နှစ်နှစ်လောက်က မလေးရှားမှာ ဦးခိုင်စိုးနိုင်အောင်နှင့် ဒေါ်မြရာဇာလင်းတို့ ဘာပြောခဲ့တယ်ဆိုတာကို လေ့လာပါ။ ALP က လက်ရှိကိုင်စွဲထားတဲ့ မူဝါဒ လုပ်ငန်းစဉ်တွေကို ဖတ်ပါ။ )

     

    စိတ်မကောင်းစွာဖြင့်

    အောင်တင်

    ——————————————————————

    ကိုထွန်းအောင်ကျော်ပြန်စာ

     

    ကို အောင်တင်

    ခင်ဗျားကမေးလာတော့လဲဖြေရတော့မှာပေါ့

    ကျွန်တော်ပြောတာရှင်းပါတယ် နှိမ်တယ်လို့ထင်နေတဲ့ခင်ဗျားလိုလူကတော့မနှိမ်ဘဲခေါ်ခေါ်နှိမ်ပြီးဘဲခေါ်ခေါ်မကြိုက်ဘူးပေါ့ ဗျာ ဒါကြောင့်ခင်ဗျားကို ကိုအောင်တင်လို့ဘဲ အမည်တပ်လိုက်တာဘဲ၊ ကျွန်တော့ငယ်သူငယ် ချင်း ရဲမြင့်ကိုတော့ကျွန်တော်ကငယ်ငယ်ထဲကခေါ်တဲ့အတိုင်း ကုလားမ လို့ဘဲ ခေါ်တယ်။ အခုဆွေးနွေးနေတာကဘေးချော်နေပြီ ၊ ဒီကိစ္စက ရိုဟင်ဂျာသည် တိုင်းရင်းသားလူမျိုးစုဖြစ်သည်ဆိုတာကစလာတာ၊ ဗမာမွတ်ဆလင်ကနေ စလာတာမဟုတ်ဘူး၊ ရခိုင်ပြည်နယ်မှာနေတဲ့ ဘင်္ဂါလီနွယ် ဗမာမွတ်စလင်တွေဖြစ်တယ်ဆိုရင်ဒီလိုပြသနာကြီးမလာ ဘူး။ ပါကစ္စတန်၊အိန္ဒိယ၊အီရန်၊အီရတ်၊ ဘင်္ဂါလီ တွေကိုကုလားအုပ်စုမှာကျွန်တော်က သွင်းထားတာ မဟုတ်ဘူးရှေးပဝေသဏီထဲကသွင်းထားတာ၊သူတိုရဲ့ အသားအရည်၊ရုပ်သွင်၊ကိုကြည့်ပြီးခေါ်နေကြတာဘဲ။ ခင်ဗျားပြောပုံက မွတ်ဆလင်တွေကိုဘဲ ကုလားလို့နှိမ်ခေါ်တယ်ဆိုပြီးဆွဲပြောနေတာတွေ့ရတယ် အဲဒါမမှန်ဘူးကိုယ်ကိုးကွယ်တဲ့ ဘာသာဝင်တွေကိုမြန်မာပြည်သားတွေနဲ့ လှည့်ရန်တိုက်ပေးပြီးဆွပေးသလိုဖြစ်နေတယ်။

    ခင်ဗျားပြောတဲ့ “ ကျွန်တော်တို့ရဲ့မွေးရာပါတိုင်းရင်းသားအခွင့်အရေးဆိုတာ” ဘယ်တိုင်းရင်းသားနံမည်ကိုပြောတာလဲ ? ရှင်းပြစေချင်တယ်။ တရုတ်ကိုတရုတ်လို့ခေါ်တာတရုတ်တွေကဘာမှမပြောပေမဲ့ကျွန်တော်တို့ကတော့ပြောမှာဘဲဆိုတဲ့သဘောကဘာကြောင့်လဲ၊ တရုတ်ကိစ္စကျွန်တော်တို့နဲ့မဆိုင်လို့ပြောလို့မရဘူး၊ တရုတ်တွေ၊ကုလားတွေဟိုးရှေးပဝေသဏီထဲကဗမာပြည်မှာအခြေချနေထိုင်လာပြီးသူတို့မြေး မြစ်တွေ နိုင်ငံသားဖြစ်လာတယ်။ တိုင်းရင်းသားတော့ဖြစ်မလာဘူး၊ ရှင်းတယ်နော်။ အစ္စလန်ဘာသာဝင်မူဆလင်ကုလားတွေက နေ မြန်မာမွတ်ဆလင်ဖြစ်လာတယ်ဒါသဘာဝ ကျတယ်။ နောက်ဗမာတွေနဲ့သွေးရောပြီး စည်းရုံးရေးကောင်းလို့ ဗမာတွေကနေ ဘာသာပြောင်းပြီး သူတို့မွေးတဲ့ခလေးတွေ ကုလားရုပ်မပေါက်တော့ဘဲဗမာမွတ်ဆလင်တွေဖြစ်လာကြတယ်။ ကုလားရုပ်ပေါက်ဆဲ ဗမာမွတ်ဆလင်တွေလဲရှိတယ်၊ ဒါဟာပြောင်းလဲမှုဖြစ်စဉ်တွေဘဲ မထူးဆန်းဘူး ဆက်ပြီးဖြစ်နေမှာဘဲ။

    တရုတ်တွေဟာ ဗမာတိုင်းရင်းသားတွေဖြစ်တယ်ဆိုတာ ဘယ်တုံးကမှအပြောခဲ့ဘူး၊ ဘေးဘိုးဘောင်ဘင်ထဲကနေလာတဲ့တရုတ်တွေဟာ နိုင်ငံသားဖြစ်ခွင့်ရှိတယ်ဖြစ်လာတယ်ဒါ ကိုအကြွမ်းမဲ့လက်ခံတယ်၊ထို့အတူ ဘေးဘိုး ဘောင်ဘင်ကထဲကနေလာတဲ့ ကုလားတွေကိုလဲ နိုင်ငံသားအဖြစ်လက်ခံတယ် လုံးဝငြင်းစရာမရှိဘူး။ ကုလား၊ ကုလားချင်းတောင် နိုင်ငံတကာမှာ ဟိန္ဒူကုလားတွေပြသနာလုပ်တာမတွေ့ရဘူး၊ မွတ်ဆလင်ကုလားတွေဘဲ လုပ်နေတာ တွေ့ရတယ်။ ကမ္ဘာမှာအကြမ်းဖက်မှုအများဆုံးလုပ်နေတာ ဘယ်သူတွေလဲ၊ အခြားဘာသာတွေကို အာဏာရလာတဲ့အချိန်မှာဗြောင်ဗြောင်တင်းတင်း တာလီဘန်တွေကရှေးဟောင်း ဗုဒ္ဓ ရုပ်ထုတော်ကြီးတွေကိုအာဖဂန်နစ္စတန်မှာ အစတုံးလက်စ ဖျောက်ဖျက်စီးခဲ့တာ တွေ ၊ ယနေ့အိမ်နီးချင်းဘင်္ဂလားဒေ့ရ်ှနိုင်ငံထဲမှာနေတဲ့တိုင်းရင်းသားမာရမာ၊ ကမာန်ဗုဒ္ဓဘာသာဝင်တွေရဲ့ရွာတွေ လယ်တွေကျေးရွာတွေကိုလယ်မဲ့ယာမဲ့ ဘင်္ဂါလီကုလား တွေက တုတ်ဒါးလက်နက်တွေနဲ့ဝင်သိမ်းပြီး သူတို့နောက်မှာဘင်္ဂါလီအစိုးရက စစ်တပ်နဲ့လိုက်အားပေးပြီး ဘင်္ဂါလားမှာ အခြားဘာသာမရှိရဘူးဆိုတဲ့ ရည်ရွယ်ချက်နဲ့လုပ်နေတာတွေကို ခင်ဗျားဘာတခုမှ ထုတ်မပြောဘဲနေတာ မသိလို့လား၊ မသိချင်ယောင်ဆောင်နေတာလား? ။ ကိုအောင်တင် ဒီဘင်္ဂါလီအရေးကိစ္စက မြန်မာနိုင်ငံတခုထဲ တင်ပြသနာတက်နေတာမဟုတ်ဘူးဗျ။ အရှေ့အာရှကနေယိုးဒယား၊မလေးရှားအထိ ၊ဒေသ တခုလုံးတည်ငြိမ်ရေးအတွက်ပါပြသနာရှိတယ်ဆိုတာမမေ့နဲ့၊ ငါတို့ဘာသာဝင်တွေ ငါတို့မွတ်ဆလင်တွေဆိုတာလောက်ကိုကွက်ပြီးပြောနေမယ်ဆိုရင်၊ခင်ဗျားဘယ်တော့မှရည် မှန်းချက်ကိုမရနိုင်ဘူး။ ကျွန်တော်နောက်ကို ထပ်မရေးတော့ဘူး၊ တရားသေကိုင် ထားတဲ့သူဘယ်သူမဆို တဖက်ကိုရပ်ထားပြီးသားမို့ပြောနေလဲမထူးတော့ပါဘူး။

     

    ခင်မင်စွာဖြင့်

     

    ထွန်းအောင်ကျော်

    ————————————————

    ဦးအောင်တင်ပြန်စာ

     

    ကိုထွန်းအောင်ကျော်

     

    လေးစားစွာဖြင့် စာပြန်လိုက်ပါတယ်ဗျာ။ ထုံးစံအတိုင်း ခင်ဗျားပြောတာနဲ့ ကျနော့အဖြေပေါ့ဗျာ။

    ——————————————————————————————————————-

    နှိမ်တယ်လို့ထင်နေတဲ့ခင်ဗျားလိုလူကတော့မနှိမ်ဘဲခေါ်ခေါ်နှိမ်ပြီးဘဲခေါ်ခေါ်မကြိုက်ဘူးပေါ့ ဗျာ ဒါကြောင့်ခင်ဗျားကို ကိုအောင်တင်လို့ဘဲအမည်တပ်လိုက်တာဘဲ၊ ကျွန်တော့ငယ်သူငယ် ချင်း ရဲမြင့်ကိုတော့ ကျွန်တော်က ငယ်ငယ်ထဲက ခေါ်တဲ့အတိုင်း ကုလားမ လို့ဘဲ ခေါ်တယ်။

    (စိတ်မရှိနဲ့နော်။ ခင်ဗျားက မြန်မာ့နိုင်ငံရေးနဲ့ ကင်းကွာနေတဲ့ အခြားဂြိုဟ်တစ်ခုက လာတာတော့ မဟုတ်ဘူးထင်ပါတယ်။ တောင်ကုတ်လူသတ်ပွဲမှာ “မွတ်စလင်ကုလား ဆယ်ယောက် အသတ်ခံရတယ်”ဆိုလို့ မြန်မာ့ မီဒီယာနှင့် နိုင်ငံရေးလောကတစ်ခုလုံး မေးခွန်းအထုတ်ခံရတာ၊ တစ်နိုင်ငံလုံးက မြန်မာမွတ်စလင်တွေက ကုလားဆိုပြီး စော်ကားတဲ့ အသုံးအနှုံးကို ကန့်ကွက်ကြတာ၊ မှားမှန်းသိလို့ ပြန်ကြားရေးဝန်ကြီးဌာနက ပြင်ဆင်ချက် ထုတ်ပေးရတာတွေ မကြားလိုက်ဖူးနဲ့တူတယ်။ ကုလားဆိုတဲ့ အသုံးကို နှိမ်ပြီးတော့ မခေါ်နဲ့၊ မနှိမ်ဘဲတော့ ခေါ်ပါဆိုတဲ့ ခင်ဗျားရဲ့  မနောကံကို တရားခံလုပ်မဲ့ လက်တွေ့မဖြစ်နိုင်တဲ့ အတွေးအခေါ်ကိုမှ မှန်တယ်ထင်ရင် ဆက်သာသွားပါတော့။ ကုလားအရေးက ဓါးမသွေး လောက်ပါဘူး။ ကျနော်တို့က မခေါ်စေချင်တာလောက်ပါ။ မစာနာလို့ ဂရုမစိုက်ဘူးကွာ၊ ခေါ်မယ်ဆိုရင်လဲ သဘောပါ။)

    ခင်ဗျားပြောတဲ့ “ ကျွန်တော်တို့ရဲ့မွေးရာပါတိုင်းရင်းသားအခွင့်အရေးဆိုတာ”ဘယ်တိုင်းရင်းသားနံမည်ကိုပြောတာလဲ ? ရှင်းပြစေချင်တယ်။

    (ရွှေတိဂုံ အလယ်ပစ္စယံညီလာခံမှာ အဓိက ဆုံးဖြတ်ချက် (၈)ခုချမှတ်ခဲ့တာကို ခင်ဗျားသိထားမယ် ထင်ခဲ့တယ်။ ပြီးခဲ့တဲ့ ပြန်စာမှာလဲ ကျနော်ဒီလောက် ရှင်းရှင်းရေးခဲ့တာကို ခင်ဗျားမမြင်လိုက်ဘူးနဲ့တူတယ်။ အရင်စာထဲက ပြန်ကူးပေးမယ်နော်။ “၁၉၄၆ ဖေဖေါ်ဝါရီ ရွှေတိဂုံအလယ်ပစ္စယံမှာ ကျင်းပတဲ့ ပထမ ဖဆပလ ညီလာခံမှာ မြန်မာမွတ်စလင်တွေကို တိုင်းရင်းသားအဖြစ် ထပ်မံ အသိအမှတ်ပြုခဲ့တယ်။” ဒါကို ယနေ့အထိ မသိချင်ယောင်ဆောင်သူဘဲ တွေ့ဖူးတယ်။ ချဲလင်းလုပ်နိုင်သူ မတွေ့ဖူးလို့ ခင်ဗျားက ချဲလင်းလုပ်နိုင်ရင် လုပ်ပြပါဗျာ။ ဖတ်ချင်ပါတယ်။)

    ကုလား၊ ကုလားချင်းတောင် နိုင်ငံတကာမှာ ဟိန္ဒူကုလားတွေပြသနာလုပ်တာမတွေ့ရဘူး၊မွတ်ဆလင်ကုလားတွေဘဲ လုပ်နေတာ တွေ့ရတယ်။ ကမ္ဘာမှာအကြမ်းဖက်မှုအများဆုံးလုပ်နေတာဘယ်သူတွေလဲ၊ အခြားဘာသာတွေကိုအာဏာရလာတဲ့အချိန်မှာဗြောင်ဗြောင်တင်းတင်းတာလီဘန်တွေကရှေးဟောင်း ဗုဒ္ဓ ရုပ်ထုတော်ကြီးတွေကို အာဖဂန်နစ္စတန်မှာအစတုံးလက်စဖျောက်ဖျက်စီးခဲ့တာ တွေ၊

     (စကား စကားပြောပါများ စကားထဲက ဇာတိပြဆိုတဲ့စကားရှိပါတယ်။ ခင်ဗျားလို နိုင်ငံတကာအရေးကိုပါ နားလည်မယ်ထင်ရတဲ့ လူတစ်ယောက်က ဒီလောက်တောင် ဗဟုသုတ ခေါင်းပါးမယ် မထင်ခဲ့ဘူး။ ရေနံ၊ အနောက်ကမ္ဘာ၊ ကိုလိုနီအာရဗ်နိုင်ငံများ၊ အစ္စရေး၊ အာရဗ်အာဏာရှင်စနစ်၊ အာဏာရှင်စနစ်အောက်က အဖိနှိပ်ခံ အာရဗ်ပြည်သူလူထုတွေ၊ ဘာသာရေး အလွဲသုံးမှု၊ အစွန်းရောက် ဘာသာရေးစတာတွေကို မလေ့လာဘဲ မွတ်စလင်အကြမ်းဖက်လို့ဆိုရင် ခင်ဗျားကို မေးပါအုံးမယ်။ အစ္စလာမ်ဘာသာပေါ်ထွန်းတာ နှစ် ၁၅၀၀ ခန့်ရှိပြီ။ မွတ်စလင်တွေရဲ့ အကြမ်းဖက်ဝါဒဆိုတာ လွန်ခဲ့တဲ့ ဆယ်နှစ်ကျော်လောက်ကမှ ဘာလို့ ပေါ်ထွန်းလာသလဲ။ ဖြေကြည့်ပါအုံး။ ဖြေတတ်လား။ သိချင်ပါတယ်။

    ဒီမွတ်စလင်တွေက ဥရောပတိုက် အင်မတန် ခေတ်နောက်ကျနေတုန်းမှာ ကမ္ဘာကို နက္ခတ္တဗေဒ၊ ဆေးပညာ၊ သင်္ချာ၊ အက္ခရာသင်္ချာ၊ ကဗျာ၊ အတွေးအခေါ်ပညာတွေ သင်ကြားပေးခဲ့တယ်ဆိုတာကော သိသလား။ အိုစာမာဘင်လာဒင်ကို အမေရိကန်သမ္မတ ရော်နယ်ရီဂင်က ကျနော်တို့ရဲ့ ရဲရင့်သော မူဂျာဟစ်ဒင်မိတ်ဆွေတွေလို့ ပြောခဲ့တာကော ကြားဖူးသလား။ တာလီဘန်တွေ ဗုဒ္ဓရုပ်ပွါးတော်ကို မဖျက်ဆီးခင် မွတ်စလင်နိုင်ငံတွေ အကြိမ်ကြိမ် တားမြစ်တာတွေ၊ ဓမ္မသတ်စီရင်ထုံးတွေ ထုတ်ပြန်ပြီး ရှုံ့ချတာကော သိသလား။ နောက်ဆုံးဗျာ။ တာလီဘန်ဖြစ်ဖြစ် အယ်ကိုင်းဒါးဖြစ်ဖြစ် မဟုတ်တာလုပ်တာနဲ့ ခင်ဗျားမိတ်ဆွေ မြန်မာမွတ်စလင်တွေကို ဘာလို့ ငဝက် ကျွန်ခံခိုင်းတာလဲ။ မြန်မာပြည်မှာ ကျနော်တို့ ဗလီတွေ အဖျက်ခံရတာဘဲရှိတယ်။ မွတ်စလင်က ပြန်ဖျက်တာ ခင်ဗျားကြားဖူးသလား။ ဗုဒ္ဓဘာသာ မြန်မာတွေ မွတ်စလင်ဆန့်ကျင်ရေး စိတ်ကလေး လျှော့ကျနေတယ်ထင်လို့ ကုလားအခေါ်အဝေါ်ဆွေးနွေးနေတုန်း မဆီမဆိုင် အခွင့်အရေးယူပြီး တွန်းလိုက်တာလားဗျာ။ မလုပ်ကောင်းဘူး ကိုထွန်းအောင်ကျော်။)

    ယနေ့အိမ်နီးချင်းဘင်္ဂလားဒေ့ရ်ှနိုင်ငံထဲမှာနေတဲ့တိုင်းရင်းသားမာရမာ၊ ကမာန်ဗုဒ္ဓဘာသာဝင်တွေရဲ့ရွာတွေ လယ်တွေကျေးရွာတွေကိုလယ်မဲ့ယာမဲ့ဘင်္ဂါလီကုလား တွေက တုတ်ဒါးလက်နက်တွေနဲ့ဝင်သိမ်းပြီး သူတို့နောက်မှာ ဘင်္ဂါလီအစိုးရကစစ်တပ်နဲ့ လိုက်အားပေးပြီး ဘင်္ဂါလားမှာ အခြားဘာသာမရှိရဘူးဆိုတဲ့ ရည်ရွယ်ချက်နဲ့လုပ်နေတာတွေကိုခင်ဗျားဘာတခုမှထုတ်မပြောဘဲနေတာမသိလို့လား၊ မသိချင်ယောင်ဆောင်နေတာလား? ။

    (ခင်ဗျားက ပြောရင်းပြောရင်းနဲ့ ဖင်လှန်ပြီး ကပြတဲ့ ဒေါင်းမိုက်လို့ အသိပညာ ခေါင်းပါးကြောင်း ပိုပြလာတယ်။ မနေ့တနေ့က နိုင်ငံရေးဖြစ်စဉ်ကိုတောင် ခင်ဗျား မှန်မှန်ကန်ကန် မသုံးသပ်နိုင်ဘဲနဲ့ ဒေသဆိုင်ရာ စာတန်း ရေးအုံးမယ်ဆိုတော့ စဉ်းစားပါဗျာ။ ဒုက္ခများကုန်ပါလိမ့်မယ်။ ဘင်္ဂလားဒက်အစိုးရကို ကုလသမဂ္ဂကော၊ အနောက်နိုင်ငံတွေကော၊ လူ့အခွင့်အရေးအဖွဲ့တွေကကော ကန့်ကွက်ပြစ်တင်တာ ခင်ဗျား ကြားမိသလား။ ဘာကြောင့်အပြစ်မတင်ကြတာလဲဆိုတာကော သိသလား။ အပြစ်တင်စရာမှ မရှိတာကိုး။ မြန်မာအစိုးရ လုပ်ပုံနှင့် တခြားစီဘဲလေ။ အကြမ်းဖက်မှုက နာရီပိုင်းသာ ဖြစ်ခဲ့တယ်။ အစိုးရက ကျူးလွန်သူတွေကို ချက်ချင်း ရအောင်ဖမ်းတယ်။ ငြိမ်အောင်ထိမ်းတယ်။ နစ်နာသူတွေကို လျော်ကြေးပေးတယ်။ နိုင်ငံတကာ ဘယ်အဖွဲ့အစည်း၊ ဘယ်နိုင်ငံကမှ အပြစ်တင်စရာ မလိုတဲ့ကိစ္စကို ကျနော်က ဘာထုတ်ပြော ဘာကန့်ကွက်ပေးရမှာလဲ။

    ဒီအတိုင်းဆိုရင် ကုလသမဂ္ဂ၊ အာဆီယံ၊ အနောက်နိုင်ငံ၊ လူ့အခွင့်အရေးအဖွဲ့တွေ နေ့စဉ်လိုလို ကန့်ကွက်နေတဲ့ ခြောက်လကျော်ကြာပြီဖြစ်တဲ့ ရခိုင်က လူ့အခွင့်အရေး ချိုးဖေါက်မှုကို ခင်ဗျားလို လူ့အခွင့်အရေးသမားက ဘာလို့ မကန့်ကွက်သလဲ။ ရခိုင်ပြည်မှာ ဘုန်းကြီးတွေ၊ ရခိုင်နိုင်ငံရေးပါတီတွေက ဦးဆောင်ပြီး ဒုက္ခရောက်နေတဲ့ မွတ်စလင်တွေကို အစားအစာ မရောင်းရ၊ မဆက်သွယ်ရ၊ လူသားချင်းစာနာသော အကူအညီ မပေးရလုပ်နေတာတွေကို ခင်ဗျားက ဘာလို့ မသိချင်ယောင် ဆောင်နေရတာလဲ။ ဖြေနိုင်ရင် ဖြေကြည့်ပါအုံး။)

     

    ဒါနဲ့ ဘင်္ဂလားဒက်မှာ ကမန်မရှိပါဘူး။

    အံ့သြခြင်း ကြီးစွာဖြင့်

     

    အောင်တင်

     

  • ရခိုင်ဒေသပဋိပက္ခနှင့် မီဒီယာအကြောင်း SEAPA မှ သမ္မတသို့ အိတ်ဖွင့်ပေးစာ

    ရခိုင်ဒေသပဋိပက္ခနှင့် မီဒီယာအကြောင်း SEAPA မှ သမ္မတသို့ အိတ်ဖွင့်ပေးစာ

    Source: ဧရာဝတီ

    အိတ်ဖွင့်ပေးစာ  နိုဝင်ဘာ ၈၊ ၂၀၁၂ ခုနှစ်

    ဦးသိန်းစိန်
    ပြည်ထောင်စုမြန်မာနိုင်ငံ သမ္မတ
    နေပြည်တော်၊  မြန်မာနိုင်ငံ

    သမ္မတကြီးခင်ဗျား
    အရှေ့တောင်အာရှစာနယ်ဇင်းမဟာမိတ်အဖွဲ့ (SEAPA) သည် ရခိုင်ပြည်နယ်အတွင်း လူများစု ရခိုင်တိုင်းရင်းသားနှင့် လူနည်းစု ရိုဟင်ဂျာများအကြား နောက်ထပ်တဖန် ဖြစ်ပေါ်လာသော အကြမ်းဖက်မှုများအပေါ် အထူး စိုးရိမ်မကင်းဖြစ်ရသောကြောင့် ယခုကဲ့သို့ စာရေးသားတင်ပြရခြင်းဖြစ်သည်။ အထူးသဖြင့် တချို့ မီဒီယာအဖွဲ့အစည်းများနှင့် မြန်မာအစိုးရ ထိပ်တန်းအရာရှိများထံမှ လူမျိုးစွဲဝါဒ၊ ကျဉ်းမြောင်းသောအမျိုးသားရေးဝါဒ နှင့် သွေးထိုးလှုံ့ဆော်မှုများ ထွက်ပေါ်လာနေခြင်းအပေါ် အလွန်အမင်း စိုးရိမ်မိပါသည်။

    အကြမ်းဖက် တိုက်ခိုက်မှုများကြောင့် အိမ်နီးချင်း တိုင်းပြည်များသို့ ရိုဟင်ဂျာများ နယ်စပ်ဖြတ်ကျော် ထွက်ပြေးကြရသည့် လက်ငင်း ပြဿနာများအပြင် ဒေသတွင်းရှိ ကျန်တိုင်းပြည်များတွင်လည်း အလားတူ တင်းမာမှုများဖြစ်နေပြီး သမ္မတကြီး ဦးဆောင်သော အစိုးရ၏ ယင်းပြဿနာအား ကိုင်တွယ်ပုံကို စိတ်ဝင်တစား လေ့လာ စောင့်ကြည့်နေသည်။ ထို့အပြင် ဒေသတွင်း မီဒီယာလွတ်လပ်ခွင့် စည်းရုံး တိုက်တွန်းရေး ဒေသဆိုင်ရာကွန်ရက်တခုဖြစ်သော SEAPA  သည်  မြန်မာနိုင်ငံအတွင်း မီဒီယာလွတ်လပ်ခွင့်အတွက် ပိုမို ကျယ်ကျယ်ပြန့်ပြန့် လုပ်ဆောင်ခွင့် ရလာချိန်နှင့် တပြိုင်တည်း အဆိုပါဖြစ်ထွန်းမှုများကို အနီးကပ် စောင့်ကြည့်လေ့လာနေသည်။ ၎င်းအကြမ်းဖက်မှုများသည် မြန်မာနိုင်ငံ မီဒီယာလောကအတွက် ကြီးမားသော စိန်ခေါ်ချက် ဖြစ်နေသည်။ တင်/ထုတ် ဆင်ဆာတည်းဖြတ်ခြင်းများ ပယ်ဖျက်ပေးခြင်း အပါအ၀င် ယခင်ကလောက် အကန့်အသတ်များ မရှိတော့သည့် မြန်မာ့မီဒီယာများသည် ၎င်းအခြေအနေနှင့် ဆက်နွယ်သော အတိမ်းအစောင်း မခံသည့် သတင်းအချက်အလက်များကို ဂရုတစိုက် ကိုင်တွယ်ရမည်။

    ပဋိပက္ခအတွက် တာရှည်ခံ အဖြေတခု ရှာသည့်နေရာတွင် ယခု စိတ်မချမ်းမြေ့ဖွယ် သတင်း အကြောင်းအရာများကို ဖြေရှင်းခြင်းသည် တခြား ပဋိပက္ခ စီမံခန့်ခွဲမှု အားထုတ်မှုများ နည်းတူ အရေးကြီးကြောင်း လွန်ခဲ့သည့် ရက်သတ္တပတ် နှစ်ပတ်က တဖန်ပြန်ဖြစ်ခဲ့သည့် အကြမ်းဖက်မှုများက ညွှန်ပြနေသည်။

    ၎င်းအကြောင်းအရာနှင့်စပ်လျဉ်း၍ တချို့ဂျာနယ်များတွင် သတင်းအချက်အလက်အမှားများ ဖေါ်ပြခွင့်ရနေခြင်း၊ ခွဲခြားဆက်ဆံသော၊ ကျဉ်းမြောင်းသော အမြင်များဖေါ်ပြနေခြင်းကို မိမိတို့ လေ့လာတွေ့ရှိရသည်။

    ထိုအမြင်များသည် ဒေသတွင်းနှင့် ဒေသခံ ပြည်သူများအကြား တင်းမာမှု နှင့် မတည်ငြိမ်မှုကိုသာ အရှည်တည်တန့်စေနုိုင်သည်။ ထိုထက်အန္တရာယ်ပိုဆိုးသည်မှာ တချို့ အစိုးရ၀န်ထမ်းများသည် မီဒီယာမှ တဆင့်သော်လည်းကောင်း၊ လူမှုမီဒီယာများမှသော် လည်းကောင်း အလွတ်သဘော ဆန်ဆန်ဖြင့် ဘက်တဖက်တည်းကို မျက်နှာလိုက်သော အမြင်များ ထုတ်ဖော်ပြသနေခြင်း ဖြစ်သည်။

    ထိုပြောဆိုမှုများအား  အစိုးရ၏ ရပ်တည်ချက်အဖြစ် ပြောင်းလဲယူသွားမည်ကို မိမိတို့ အထူးစိုးရိမ်သည်။ ရလဒ်အဖြစ် မတူညီသောအမြင်များကို မီဒီယာများတွင် သော်လည်းကောင်း၊ ပြင်ပတွင်သော်လည်းကောင်း ထုတ်ဖော်ပြောဆိုသူများအတွက် အန္တရာယ်ရှိနိုင်သကဲ့သို့၊ ၎င်းကိစ္စနှင့်ပတ်သက်၍ လူထုအကြား ပြောဆိုဆွေးနွေးမှုများတွင်လည်း အကြောက်တရားများ လွှမ်းမိုးစေသည်။

    တဖက်သတ် ထင်မြင်ချက်များအား အကြမ်းဖက်မှု (သို့မဟုတ်) ရန်လို တိုက်ခိုက်မှုများဖြစ်အောင် တိုက်ရိုက် သွေးထိုးလှုံ့ဆော်မှုအဖြစ် လတ်တလော မသတ်မှတ်နိုင်သော်လည်း ၎င်းတို့သည် သဘောထားကွဲမှုများ၊ ပဋိပက္ခအား ပို၍ နက်ရှိုင်းစေသည့် လူထုအကြား နားလည်မှုအလွဲများ၊ မုန်းတီးမှုများ၊ ခွဲခြား ဆက်ဆံမှုများ ဖြစ်စေနိုင်သည်။

    ထိုသို့အခြေအနေများဖြစ်နေသော်လည်း မိမိတို့က  မီဒီယာလုပ်ငန်းများကို ထိပါးစေသော၊ မြန်မာနိုင်ငံအတွင်း လွတ်လပ်စွာ ထုတ်ဖေါ်ပြောဆိုခွင့်ကို အကန့်အသတ်ဖြစ်စေသော တားမြစ်မှုများ ပြုလုပ်ရန် တိုက်တွန်းနေခြင်း မဟုတ်သည်ကို ရှင်းရှင်းလင်းလင်း သိစေလိုပါသည်။ ယခုပဋိပက္ခကို ဖြေရှင်းရာတွင် လွတ်လပ်သော သတင်းမီဒီယာသည်သာ ထဲထဲဝင်ဝင် ပံ့ပိုး ကူညီပေးနိုင်သည်ဟု မိမိတို့ အခိုင်အမာ ယုံကြည်သည်။

    ထို့ကြောင့် မီဒီယာများ၊  မီဒီယာနှင့် ဆက်စပ်နေသော အစိုးရ၀န်ထမ်းများသည် ပဋိပက္ခတွင် ပါဝင်သူအားလုံး၏ လူ့အခွင့်အရေးကို လေးစားလိုက်နာပြီး ခိုင်မာသော၊ တာရှည်ခံသော အဖြေထုတ်ချက်မျိုးကို ဦးတည်စေသည့် ရှင်းလင်းသော၊ အရေးကြီးသော၊ ခိုင်မာသော အမြင်ဖလှယ်မှုများကို အားပေးရမည်။
    သို့ပါသောကြောင့် သမ္မတကြီးအား..    လူမျိုးစွဲဝါဒနှင့် သွေးထိုးလှုံ့ဆော်ပေးနေသော အစိုးရအမှုထမ်းများနှင့် မီဒီယာများကို ပြင်းပြင်းထန်ထန် ရှုတ်ချရန်    အကြောင်းအရာများကို အတတ်နိုင်ဆုံး လွတ်လပ်စွာ၊ ဓမ္မဓိဌာန်ကျစွာ၊ တိကျစွာ၊ မျှတစွာ တင်ပြနိုင်သော မီဒီယာဝန်းကျင်တခုဖြစ်လာစေရေး အားပေးရန်
    ရခုိုင်ပြည်နယ်အတွင်း ပဋိပက္ခအကြောင်း သတင်းယူနေသော စာနယ်ဇင်းသမားများ လွတ်လပ်စွာ သွားလာ သတင်းယူနိုင်ရေးအတွက် လုံခြုံမှုနှင့် ကာကွယ်ပေးမှုများ ရှိစေရန် စသည်တို့ကို ဆောင်ရွက်ပေးပါရန် တောင်းဆိုပါသည်။

    မြန်မာနိုင်ငံအတွင်း မီဒီယာလွတ်လပ်ခွင့်များ ပိုအားကောင်းလာစေရေးအတွက် တင်ပြသော မိမိတို့၏ စိုးရိမ်ချက်များ၊ အကြံပြုချက်များကို အချိန်ယူ ထည့်သွင်း စဉ်းစားပေးသည့်အတွက် သမ္မတကြီးအား ကျေးဇူး တင်အပ်ပါသည်။
    တည်ကြည်စွာဖြင့်

    Gayathry Venkiteswaran (Ms.)
    SEAPA အမှုဆောင်ဒါရိုက်တာ

    မိတ္တူကို….
    ဦးအောင်ကြည်၊ ပြန်ကြားရေးဝန်ကြီး
    မြန်မာနိုင်ငံသတင်းစာနယ်ဇင်းကောင်စီ (ယာယီ) အဖွဲ့ဝင်များ
    အတိုက်အခံခေါင်းဆောင် ဒေါ်အောင်ဆန်းစုကြည်


    အောက်ဖော်ပြပါ အိတ်ဖွင့်ပေးစာကို ဘာသာပြန်ထားခြင်းဖြစ်သည်။

  • ခေါင်းမော့ရင်ကော့ဖို့ အချိန်တန်ပြီ (ပေးစာ)။

    ခေါင်းမော့ရင်ကော့ဖို့ အချိန်တန်ပြီ (ပေးစာ)။

    နိုဝင်ဘာ၊ ၅ ၊ ၂၀၁၂
    M-Media
    ပေးစာ ရေးသူ – ကုလား

    ကျုပ်နာမည်ကုလား။ အရင်ကတော့ ကုလားလို့ အခေါ်ခံရရင် သေလောက်အောင်မုန်းတယ်။ ခုတော့ ကျုပ်ကို ကျူပ် ကုလားလို့ ပဲခံယူတယ်။ နာမည်ရှေ့ မှာတောင် မောင် ဆိုပြီးတောင်မထည့်တော့ဘူး။ ဗမာအသုံးအနှုန်းပါ ပြီး ကုလားမစစ်မှာစိုးလို့ ။ ကုလားဆိုပြီး ဗမာလိုပေါင်းတာ၊ ဒီစာကို ဗမာလိုရေးတာတောင် ရွေးစရာမရှိလို့  ဗမာ လိုရေးတာ။ ကုလားစာ ကုလားစကားတတ်ရင် ကုလားလိုပဲရေးတယ်။

    ဒီစာရေးရတဲ့အကြောင်းရင်းကတော့ မြန်မာပြည်က မွတ်စလင်မ်တွေအားလုံး ကိုယ့်အတွက်ကို မားမားမတ်မတ် ရဲရဲဝံ့ဝံ့ ရပ်တည်ဖို့ ပဲ။

    ကျူပ်ကလည်း ဗမာပြည်မှာမွေး၊ ဗမာပြည်မှာကြီးတဲ့ ကုလား မလို့  ခင်ဗျားတို့ နဲ့  ဖြတ်သန်းလာရတာတွေ ခံစား ချက်တွေတူတယ်။ အခုခင်ဗျားတို့  စိတ်ထဲရင် ရင်ထဲမှာ ဘာတွေဖြစ်နေတယ်ဆိုတာ ကျူပ်သိတယ်။ ကျုပ်ခံစား ချက်က ခင်ဗျားတို့ အားလုံးရဲ့ ခံစားချက်နဲ့ တန်းတူပဲ။

    ပထမဆုံးခံစားချက်က သိမ်ငယ်မှုပဲ။ ဘယ်နားသွားသွား စိတ်ထဲကနေ အလိုလို အပြင်လူလို ခံစားရတယ်။ ကိုယ့် ထက်ပညာမတတ်တဲ့ဗမာ၊ သူတို့ အသိုင်းအ၀ိုင်း၊ သူတို့ နဲ့  အလုပ်တူလုပ်ရင် အလိုလို အားငယ်သလို၊ နိမ့်ကျသ လို့ ၊ အလကားနေရင်း မှားနေသလိုလို ခံစားရတယ်။

    အစိုးရရုံးတွေရောက်ရင် ၀န်ထမ်းတွေနဲ့  တွေ့ တာနဲ့  အလကားနေရင်း အပြစ်ရှိသလို၊ သူတို့ အလိုကျ ရိုကျိုးရမ လိုဖြစ်မိတယ်။

    ကုလားမလို့  အနှိမ်ခံရတယ်ဆိုတဲ့အသိနဲ့ တင် ကျုပ်တို့ ကိုယ်တိုင်ကိုယ်က အားငယ်နေတယ်။ သူတို့ အပေါ်စီးက ဆက်ဆံတာကို သာမန်လိုစိတ်ထဲထင်တယ်။ ကိုယ့်စိတ်ကိုယ်က နောက်ကိုဆုတ်ပေးထားတယ်။ စိတ်ထဲမှာကိုက သြော်— သူတို့ က မြန်မာ၊ ငါတို့ က မွတ်စလင်မ်လေဆိုပြီး အရှုံးပေးကြတယ်။ ရပ်ကွက်ထဲမှာ ဗမာစာဖြောင့် အောင်မရေးတတ်တဲ့ ဧည့်စာရင်းရေးတဲ့ ငမူးကောင်တွေကအစ ကုလားဆိုပြီး နှိမ်ချင်ကြတယ်။ တချို့ နေရာတွေ များလူကို ငေါက်လားငမ်းလား။ ငေါက်တဲ့ကောင်တွေကို ကြည့်ရင် အလုပ်လက်ကြော မတင်းတဲ့ကောင်တွေ၊ ရပ်ကွက်ထဲမှာ ဟိုယောင်ယောင် ဒီယောင်ယောင် ငမူးတွေ၊ ၁၀ အိမ်မှူးလိုလို ရပ်ကွက်ခေါင်းလိုလို ပြာတာတွေ ကအစ အလကားလည်း စားသေးတယ် လူကို ဟောက်လားငမ်းလားနဲ့  နေ့ခင်းကြောင်တောင် အသံနဲ့  ဓားပြ တိုက်တဲ့ လ၀ကကကောင်တွေ၊ ဌာန၀န်ထမ်းတွေ။

    ဒီကိစ္စရဲ့ အရင်းခံကိုကြည့်ရင် ကျုပ်တို့ ကိုယ်တိုင်ကိုက အနှိမ်ခံရတာကို လက်ခံထားလို့ ။ သူတို့ က ဗမာ ငါတို့ က ကုလားဆိုတော့ ရမှာမဟုတ်ဘူးဆိုပြီး သူတို့ အလိုကျ နေပေးလို့ ။ သွေးနှောဆိုပြီး သတ်မှတ်ထားတာကို လက်ခံ ထားလို့ ။ နိုင်ငံခြားသားဆိုပြီး ရိုးစွပ်တာကို လက်ခံစားလို့ ။ ပါးစပ်ပိတ်ပြီး သူတို့ ပြောတာ အဟုတ်မှတ်ထားလို့ ။ စကားနောက်တရားပါ၊ အပြောများတော့ အဟုတ် ဆိုတဲ့ စကားပုံတွေလိုပဲ သူတို့ တောက်လျောက်ပြောတာလို့  ကျုပ်တို့ ကိုယ်တိုင်ကိုယ်က အဟုတ်မှတ်ပြီး လက်ခံနေတယ်။

    ကျူပ်တို့ ကို သွေးနှောလို့ ပြောတယ်ဆိုရင် အဲ့ဒီ လ၀က ရုံးကလူတွေကရော ဘာသွေးမှ မနှောဘူးလား။ တရုတ် သွေးတွေမပါကြဘူးလား။ တိုင်းရင်းသားနဲ့  ဗမာ သွေးတွေမနှောဘူးလား။ သူတို့  ဖိုးဖွားတွေထဲမှာ ကုလားသွေးမ ပါဘူးလား။ ဗမာဆိုတာ တိဘက်က ဆင်းလာတာ။ ဗမာယဉ်ကျေးမှုဆိုတာ အနောက်ဖက်က ၀င်လာတာ။ သွေး မနှောဘူးဆိုတဲ့ လူတွေ သတ္ထိရှိရင် ဒီအန်အေ စစ်ရဲလား။

    ၁၉၈၂ နိုင်ငံသားဥပဒေအရ ၁၈၂၄ အရင်က မြန်မာနိုင်ငံနယ်နိမိတ် မှာ ရှိခဲ့တဲ့ လူမျိုးစုတွေကနေ မွေးဖွားလာတဲ့လူတွေကိုမှ  မြန်မာပြည်သားလို့ သတ်မှတ်မယ်ဆိုရင် ၁၈၂၄ ခုနှစ်တုန်းက မြန်မာနိုင်ငံဆိုတာ မရှိသေးဘူး။ မြန်မာပြည် နယ်နိမိတတ်ကလည်း ဟုိုရွှေ့ဒီရွှေ့လိုက်။ ၁၈၂၄ အတိုင်းဆိုရင် တချိန်က မြန်မာနယ်နိမိတ်အခု ထိုင်းဖက် တချို့ ရောက်တယ်။ အိန္ဒိယ ဘက်ရောက်တဲ့ခါလည်းရှိတယ်။ သူတို့ ကိုလည်း နိုင်ငံသား သွားပေးပါလား။ ဂျပန်ခေတ်တုန်းက ရှမ်းပြည်နယ်ထဲမှာ ရှမ်းမြေတချို့ ကုို ဂျပန်တွေက ထိုင်းကိုပေးလိုက်တယ်။ ခုမြန်မာပြည်နယ် ထဲပြန်ရောက်လာပေမဲ့ သူတို့ က တချိန်က ဂျပန်ခေတ်က ထိုင်းပိုင်ခဲ့လို့ ဆိုပြီး သူတို့ ကို နိုင်ငံသားမပေးဘဲ ချန်ထားပါလား။

    သတ္ထိရှိ ရင် လ၀က ၀န်ကြီးခင်ရီကိုယ်တိုင် သူ့ မိသားစု ဆင်းသက်လာပုံကို ၁၈၂၄ အထိလိုက်ပြီး လူသိရှင်ကြား ချပြလေ။ ၁၉၈၂ နိုင်ငံသား ဥပဒေကိုထောက်ခံတဲ့ လူတွေအားလုံး ၁၈၂၄ ကနေ မိသားစုစာရင်းလိုက်ပြီး သက် သေပြကြလေ၊ အဖိုးတွေ အဖွားတွေ နိုင်ငံခြားကလာတာ မဟုတ်ဘူးဆိုတာ သက်သေပြကြလေ။ စိမ်ခေါ်တယ်၊ သတ္ထိရှိရင် ရဲရဲ ချပြလိုက်။ ကျုပ်တို့ က သွေးနှောတယ်ဆိုရင် သွေးမနှောတဲ့လူတွေ ထွက်လာကြလေ။ သက်သေပြကြလေ။

    မြန်မာပြည်က ကုလားတွေကို ပြောချင်တယ်။ ခင်ဗျားတို့ ကျူပ်တို့ က မနေ့ တနေ့ ကမှ နိုင်ငံခြားက ခိုးဝင်လာ တာမဟုတ်ဘူး။ မိဘ၊ အဖိုးအဖွား၊ သူတို့ မိဘတွေကိုယ်က မြန်မာပြည်မှာနေခဲ့တဲ့ လူတွေ။ ကိုလိုနီခေတ်ကမှ တိုးဝှေ့ ဝင်လာတာမဟုတ်ဘူး။ ကျုပ်တို့  အဖိုးအဖွားတွေ အဲ့ဒီတုန်းက ၀င်လာတယ်ဆိုရင်တောင် ခုကျုပ်တို့  မြန်မာပြည်မှာ တခြားလူတွေနည်းတူ ရုန်းကန်တယ်၊ အခွန်ပေးတယ်၊ ကိုယ့်ထမင်း ကိုယ်စား ကိုယ့်အလုပ်ကိုယ် လုပ်တယ်။ ဘယ်သူ့ ကိုမှ ဓားပြတိုက်စား၊ ခိုးစား ၀ှက်စား ဟောက်စား ငေါက်စားနေတာမဟုတ်ဘူး။ ကိုယ့်ဝမ်း စား ကိုယ်ရှာစားနေတဲ့လူချည်းပဲ။

    ကျုပ်တို့ ကို စိတ်ဓာတ်ရေးရာအရ သိမ်ငယ်အောင်လုပ်ထားတယ်။ ကုလားဖြစ်နေတာနဲ့  အပြစ်ရှိသလိုဖြစ်အောင် လုပ်ထားတယ်။ ကျုပ်တို့ သားသမီးတွေကို သူငယ်တန်းကလေးတွေကအစ ခွဲခြားတတ်အောင်လုပ်ထားတယ်။ စာဆိုပြိုင်ပွဲတွေမှာ ကုလားမလို့ ဆိုပြီးဖယ်ထားတယ်။ နိုင်ငံခြားပညာသင်ဖို့  ခရစ်ယာန်နဲ့  မွတ်စလင်မ်ကို ဖယ်ပြီး ကျန်တဲ့လူတွေခေါ်သွားတယ်။ ကျုပ်တို့ ကို နှိမ်တာကို ကျုပ်တို့ ကိုယ်တိုင် လက်ခံအောင်လုပ်ထားတယ်။ ကျုပ်တို့ သားသမီးတွေကိုလည်း  သိမ်ငယ်အောင် ကျောင်းကတည်းက ရိုက်သွင်းထားတယ်။

    ကျုပ်တို့ က ဘာမှ မပြစ်မလုပ်ပဲ၊ ဘာရာဇ၀တ်မှုမှ မကျူးလွန်ဘဲ ကျုပ်တို့ ကို တရားခံလိုလို၊ အောက်ကျနောက် ကျလိုလို၊ အဆင့်နှိမ့်သလိုလိုလုပ်ထားတာကို ကျူပ်တို့  နှစ်ပေါင်း လေးငါးဆယ် လက်ခံလာပြီးပြီ။ ကျုပ်တို့ ကို ငမူးလောက်ကောင်တွေ၊ ဌာနဆိုင်ရာက ဟောက်စားငေါက်စား နေ့ ခင်းကြောင်တောင် ဓားပြတွေက ဆက်ဆံချင်တိုင်း ဆက်ဆံတာ ကျုပ်တို့ ကိုယ်တိုင်ကိုယ်က လက်ခံနေလို့ ဖြစ်တယ်။

    ကျုပ်တို့ ဟာ အစ္စလာမ်ဘာသာဝင် မွတ်စလင်မ်တွေဖြစ်တယ်။ သွေးနှောချင်နှောမယ် မနှောချင်မနှောဘူး။ နှော ချင်တဲ့သွေးနှောမယ်။ မြန်မာပြည်သမိုင်းအတွက် သွေးနှောတဲ့ မွတ်စလင်မ်ခေါင်းဆောင်တွေ သွေးချွေးအသက် တွေပေးခဲ့ တယ်။ ကျုပ်တို့ ဟာ မြန်မာပြည်မှမွေး မြန်မာပြည်မှာကြီးတဲ့လူတွေ။ ဒီမှာပဲမွေးတယ် ဒီမှာပဲသေ မယ်။ ဘယ်သူကြိုက်ကြိုက်မကြိုက်ကြိုက် ဒါအမှန်တရားပဲ။ ကျုပ်တို့ က ရာဇ၀တ်ကောင်တွေမဟုတ်ဘူး။ ကျုပ်တို့  ဘာအပြစ်မှမ ကျူးလွန်ထားဘူး။ အများတကာ ကိုယ့်ဝမ်းစာ ကိုယ်ရှာနေတဲ့လူတွေ။ ဒါကြောင့် အားငယ်စရာ၊ သိမ်ငယ်စရာမလိုဘူး။ ကျုပ်တို့ ကို နှိမ်ချပြီး ဆက်ဆံတာ၊ ချိုးနှိမ်တာကို လက်ခံစရာမလိုဘူး။ အပြစ်မလုပ်ဘဲ တရားခံလိုဆက်ဆံတာ ခေါင်းငုံခံစရာမလိုဘူး။ မွတ်စလင်မ်ဖြစ်တာ ကျုပ်တို့  အမှားမဟုတ်ဘူး။  ကျုပ်တို့ ဟာ မြန်မာပြည်သားတွေဖြစ်တဲ့အတွက် မြန်မာပြည်သားတိုင်းနဲ့  တန်းတူအခွင့်အရေးရှိတယ်။

    ကျုပ်တို့ ကို ကုလားဆိုတဲ့ခေါင်းစဉ်နဲ့  နှိမ်ပြီးဆက်ဆံတဲ့လူတွေကို ရဲရဲဝံ့ဝံ့ ပြန်ပြောရမယ်။ အပြစ်မကျူးလွန်ထား တဲ့အတွက် ခေါင်းမော့ရင်ကော့ပြီး ကျူပ်တို့ ကို ချိုးနှိမ်ထားတာတွေအတွက် ပြန်ခုခံရမယ်။ ကျူပ်တို့ ပေးဆပ် လိုက်ရတဲ့ ဂုဏ်သိက္ခာ၊ ပိုးဆိုးပက်စက် အစော်ကားခံလိုက်ရတဲ့ ကျုပ်တို့  ဘာသာအတွက် ပြန်တောင်းရမယ်။ ကုလားဆိုတဲ့ ခေါင်းစဉ်သုံးပြီး ဦးနှောက်တွေ ဗိုက်တွေ ပေါက်ထွက်ကွဲစင်သွားအောင် ရက်ရက်စက်စက် အရိုက် သတ်ခံရတဲ့ ရှဟီဒီ ၁၀ ဦးအတွက် ကျုပ်တို့  ပြန်တောင်းရမယ်။ ကျုပ်တို့  အခွင့်အရေး၊ ရှဟီဒီ ၁၀ ဦးအတွက် တရားမျှတရေးက ကျုပ်တို့ တာဝန်ပဲ။ ဦးရာဇတ်နဲ့ ရဲဘော် ကိုထွေး အသက်ပေးသွားတာ ကျုပ်တို့  ဒီလိုခံစားရ ဖို့ မဟုတ်ဘူး။ ဦးရာရှစ် ဗိုလ်ချုပ်အောင်ဆန်းကို နောက်ဆုံးအချိန်ထိ သစ္စာခံ ကျောထောက် လက်ကမ်းတာ၂၀၁၂ မှာ အပြစ်မရှိတဲ့ ဂျမအတ်သား ၁၀ ဦး ခေါင်းပွင့်အောင် ရိုက်သတ်ခံရဖို့ မဟုတ်ဘူး။

    ကိုယ့်အခွင့်အရေး၊ ကိုယ့်ဂုဏ်သိက္ခာအတွက် ခေါင်းမော့ရင်ကော့ဖို့  အချိန်တန်ပြီ။ ချိုးနှိမ်တာကို ခေါင်းငုံခံတဲ့ အတိုင်းအတာကျော်သွားပြီ။ ခေါင်းမော့ရင်ကော့ပြီး မတရားတဲ့ဆက်ဆံမှုမှန်သမျှ မတရားတဲ့လူမှန်မမျှ ခေါင်း မော့ရင်ကော့ခုခံဖို့ အချိန်တန်ပြီ။

     

    (ဆောင်းပါးရှင်၏ အမြင်နှင့် အာဘော်သာဖြစ်ပါသည်။)

  • ပင်လယ်ပြင်မျော မွတ်စလင်ဒုက္ခသည်များ သမ္မတနှင့် အစိုးရထံ အသနားခံစာပို့

    ပင်လယ်ပြင်မျော မွတ်စလင်ဒုက္ခသည်များ သမ္မတနှင့် အစိုးရထံ အသနားခံစာပို့

    အောက်တိုဘာ၊ ၂၇ ၊ ၂၀၁၂

    M-Media

    နိုင်ငံတော်သမ္မတကြီးနှင့် ပြည်ထောင်စုအစိုးရအဖွဲ့ (မြန်မာနိူင်ငံ) သို့ အသနားခံ တင်ပြချက်။

    ရခိုင်ပြည်နယ်အတွင်း မွတ်စလင် လူနည်းစု များနေထိုင်လျက်ရှိသော မြို့နယ်အသီးသီးတွင် ၂၁-၁၀-၂၀၁၂ ရက်နေ့စတင်ပြီး ဒုတိယအကြိမ်ထပ်မံဖြစ်ပွားသော အကြမ်းဖက် အရေးအခင်းတွင် လူများစု ရခိုင် လူမျိူးများတို့က လက်နက်ကြီးများဖြင့် အကြိမ်ကြိမ် တိုက်ခိုက် (မီးရှိုး ၊ လုယက် ၊ သတ်ဖြတ်) မှု ကိုမခံနိူင် သဖြင့် ကျောက်ဖြူ မြို့နယ် နှင့် ပေါက်တောမြို့နယ် တို့မှ စက်လှေ အစီး (၇၀) ကျော်ဖြင့် ဒုက္ခသည် (၇၀၀၀) ကျော်တို့ သည် ပင်လယ်ပြင်ကို ဖြတ်ပြီး စစ်တွေမြို့ ရှိ မွတ်စလင် များနေထိုင်သော ကျေးရွာများ ဒုက္ခသည် စခန်းများသို့ အသက်အန္တရာယ်မှ လွတ်မြောက်ရန် ထွက်ပြေးလာရာမှာ  ရခိုင်ပြည်နယ် အစိုးရ ၏ အမိန့်ဖြင့် ဒုက္ခသည် စခန်းများနှင့် မနီးမဝေး ပင်လယ်တွင် ၊ မိမိတို့ စက်လှေများပေါ်တွင် အစာရေစာ ငတ်မွတ်မှု နှင့် ရင်ဆိုင်လျက် ပိတ်ဆို့ ထိန်းချုပ် ခြင်းခံနေရပါသည်။

    ပြည်နယ်အစိုးရ အဖွဲ့အနေ ဖြင့် မိမိတို့ ဒုက္ခသည်များအား စစ်တွေမြို့နယ် အတွင်းရှိ မွတ်စလင် ဒုက္ခသည် စခန်းမျာတွင် လက်မခံပါက မိမိတို့အား ကျောက်ဖြူ မြို့နယ် နှင့် ပေါက်တောမြို့ နယ်များရှိ မိမိတို့ ၏ ရပ်ကွက်ကျေးရွာ များသို့ လုံခြုံရေး အစီအမံဖြင့် ပြန်လည်ပို့ပေးပြီး စောင့်ရှောက်ထားပေးပါရန် အသနားခံအပ်ပါသည်။ ရခိုင်ပြည်နယ် စစ်တွေမြို့မှ အပ မည်သည့် မြို့များတွင် ဒုက္ခသည် အဖြစ် သွားရောက်နေထိုင်ရန် လုံးဝ (လုံးဝ) ဆန္ဒမရှိပါ။

         သို့မဟုတ်ပါက ပြည်ထောင်စု အစိုးရ အဖွဲ့ အနေဖြင့် ကုလသမ္မဂ အဖွဲ့ အစည်း နှင့် စနစ်တကျ ညှို နှိုင်းစီမံပြီး ဘင်္ဂလားဒေရှ် နိူင်ငံ မှ အပ တခြား တတိယ နိူင်ငံ တစ်နိူင်သို့ လူသားချင်း စာနာစွာဖြင့် ပို့ပေးဆောင်ရွက်ပေးပါရန် အသနားခံအပ်ပါသည်။

    (ပင်လယ်ပြင်မျော ဒုက္ခသည်များ)
    ကျောက်တော်မြို့နယ် နှင့် ပေါက်တောမြို့ နယ်မှ မွတ်စလင်များ