News @ M-Media

Category: သတင်းဆောင်းပါး

  • ငှက်နှင့် ခွဲမရအောင်တူသည့် ထောက်လှမ်းရေးဒရုန်းကို တရုတ် ထုတ်ပြ

    ငှက်နှင့် ခွဲမရအောင်တူသည့် ထောက်လှမ်းရေးဒရုန်းကို တရုတ် ထုတ်ပြ

    ဇွန် ၂၅၊ ၂၀၁၈
    M-Media

    – ငှက်တစ်ကောင်လို လှုပ်ရှားသွားလာနိုင်ပြီး ခွဲခြားဖို့ခက်တဲ့ နည်းပညာမြင့် ထောက်လှမ်းရေး ဒရုန်းတစ်ခုအကြောင်းကို တရုတ်သတင်းစာတစ်စောင်ဖြစ်တဲ့ South China Morning Post က မနေ့မှာ ဖော်ပြခဲ့ပါတယ်။

    ဒရုန်းစီမံကိန်းကို Dove လို့ အမည်ပေးထားပြီး နိုင်ငံတစ်ဝှမ်း အစိုးရနဲ့ စစ်ဖက်ဌာန ၃၀ ကျော်မှာ အဲဒီ ဒရုန်းတွေကို အသုံးပြုနေသလို၊ အနည်းဆုံး ပြည်နယ် ၅ ခုမှာ ဒီပရိုဂမ်နဲ့ ဆက်နွယ်တဲ့ ကိရိယာတွေကို ဖြန့် ကျက်ထားပါတယ်။

    ငှက်တစ်ကောင်ရဲ့ အလေးချိန်သာသာလောက်သာရှိတဲ့ ဒီဒရုန်းဟာ နည်းပညာမြင့် ကင်မရာ၊ ဂျီပီအက်စ် အင်တာနာတို့ကို တပ်ဆင်ထားပြီး တကယ့်ငှက်တွေလို တောင်ပံခတ်ကာ သွားချင်တဲ့နေရာကို အတိအကျ ပျံသန်းနိုင်မှာ ဖြစ်ပါတယ်။ ငှက်အုပ်ကြားထဲမှာ ပျံသန်းသွားမယ်ဆိုရင် ခွဲခြားလို့မရဘူးလို့လည်း South China
    Morning Post က ဆိုပါတယ်။

    ဒါပေမယ့် အားနည်းချက်က အချိန်ကြာကြာ သုံးလို့မရတာဖြစ်ပြီး တစ်နာရီကို ၂၅ မိုင်နှုန်နဲ့ အများဆုံး မိနစ် ၃၀ သာ ပျံသန်းနိုင်ပါတယ်။

    ဒီဒရုန်းကို နိုင်ငံအနောက်မြောက်ပိုင်း ရှန်းမြို့မှာရှိတဲ့ Polytechnical တက္ကသိုလ်က သိပ္ပံပညာရှင်အဖွဲ့တစ်ခုက တီထွင်ဖန်တီးခဲ့တာဖြစ်ပြီး စမ်းသပ်ပျံသန်းမှု အကြိမ်နှစ်ထောင်ကျော် ဆောင်ရွက်ခဲ့ပါတယ်။ စီမံကိန်းမှာပါဝင်တဲ့ ပညာရှင်တစ်ဦးက လက်ရှိမှာ အသုံးနည်းသေးပေမယ့် နောက်ပိုင်း တွင်ကျယ်လာနိုင်တယ်လို့ South China Morning Post ကို ပြောကြားခဲ့ပါတယ်။

    အဲဒီ ငှက်ပုံသဏ္ဍာန် စောင့်ကြည့်ရေးဒရုန်းကို နောက်ဆုံးပေါ် အဆင့်မြင့် ရေဒါတွေတောင် မဖမ်းနိုင်ဘူးလို့ ရှန်းမြို့မှာရှိတဲ့ ကာကွယ်ရေးနည်းပညာ သုတေသနစင်တာက ရေဒါဆိုင်ရာ သုတေသနပညာရှင် လီယာချောင်က ပြောကြားခဲ့ပါတယ်။

    ငှက်ပုံသဏ္ဍာန် စောင့်ကြည့်ရေး ဒရုန်းတွေကို တီထွင်မှုမှာ တရုတ်နိုင်ငံက ပထမဆုံးမဟုတ်ဘဲ ၂၀၁၁ ခုနှစ်က ဂျာမနီအခြေစိုက် Festo Corporation ကုမ္ပဏီဟာ Smart Bird လို့ခေါ်တဲ့ ဒရုန်းတစ်မျိုးကို တီထွင်ခဲ့ပါတယ်။ နောက်ပိုင်းမှာ ပြင်သစ်ပညာရှင်တွေက မွမ်းမံခဲ့ပြီး ဈေးကွက်မှာ ထုတ်ရောင်းခဲ့ပါတယ်။ ဒါပေမယ့် တရုတ်လို စစ်ဖက်မှာ အသုံးပြုတာမျိုး မရှိပါဘူး။

    Ref: RT

  • ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ

    ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ

    ရခိုင်ဒေသမှ နိုင်ငံသားစိစစ်မှု သက်သေခံကတ်ပြားသာရှိသည့် လုပ်အားပေးဆရာမ ရန်ကုန်ခရီးစဉ်တွင် ဖမ်းဆီးခံရပြီး နေ့တွင်းချင်း ထောင်တစ်နှစ်ကျသွားသည် (သတင်း အစ အဆုံး)

    Myanmar Now မှကူးယူဖော်ပြသည်။
    ရေးသားသူ – ဖြိုးသီဟချို

    (ရန်ကုန်) — ရခိုင်ပြည်နယ်ရှိ ဒုက္ခသည်စခန်းတစ်ခုမှ နိုင်ငံသားမဖြစ်သေးသည့် လုပ်အားပေး ကျောင်းဆရာမတစ်ဦးသည် ခရီးသွားခွင့် လက်မှတ် မပါဘဲ ခရီးသွားလာမှုဖြင့် အလုပ်ကြမ်းနှင့် ထောင်ဒဏ်တစ်နှစ် ချမှတ်ခံခဲ့ရသည်ဆိုသော သတင်းမှာ မှန်ကန်ကြောင်း တောင်ကုတ်မြို့နယ်ရဲစခန်းမှ အမည်မဖော်လိုသူ ရဲအရာရှိတစ်ဦးက ပြောသည်။

    ရခိုင်ပြည်နယ်၊ ကျောက်ဖြူမြို့နယ် ကျောက်တစ်လုံး ဒုက္ခသည်စခန်းတွင် နေထိုင်သည့် အသက် ၂၆ နှစ်အရွယ်ရှိ မလှဖြူ သည် မေလ ၂၃ ရက်နေ့က ရန်ကုန်သို့ ထွက်ခွာလာစဉ် တောင်ကုတ်မြို့အနီး၌ ဖမ်းဆီးခံရပြီး ၎င်းကို ပြည်ထောင်စုမြန်မာနိုင်ငံအတွင်း နေထိုင်သူများ မှတ်ပုံတင်ရေးအက်ဥပဒေ ပုဒ်မ ၆(၃) အရ တောင်ကုတ် မြို့နယ်တရားရုံးက မေလ ၂၅ ရက်နေ့တွင်အလုပ်ကြမ်းနှင့် ထောင်ဒဏ်တစ်နှစ်ချမှတ်ကာ သံတွဲအကျဉ်းထောင်သို့ ပို့ဆောင်လိုက်သည်ဟု ကျောက်တစ်လုံးဒုက္ခသည်စခန်းကြီးကြပ်ရေးကော်မတီ ဥက္ကဋ္ဌ ဦးဖြူရှေက ပြောသည်။

    ၁၉၄၉ ခုနှစ်က ပြဋ္ဌာန်းခဲ့သည့် အဆိုပါ အက်ဥပဒေသည် နိုင်ငံအတွင်းနေထိုင်သူများအား မှတ်ပုံတင်ရန် ပြဋ္ဌာန်းထားသည့် ယေဘုယျဥပဒေဖြစ်သည်။ ထိုဥပဒေအရ မှတ်ပုံတင်၌ မမှန်ကန်သောအချက်ကို ဖော်ပြခြင်း၊ ကာယကံရှင်မဟုတ်သူကို ကိုင်ဆောင်စေခြင်း၊ ဆင်တူယိုးမှား ကတ်ပြားကို ကိုင်ဆောင်ခြင်း စသည့်ပြစ်မှုများ အတွက် ပုဒ်မ ၆(၃)တွင် နှစ်နှစ်ထက်မပိုသော ထောင်ဒဏ်ကို အလုပ်ကြမ်းဖြင့် ဖြစ်စေ၊ အလုပ်မဲ့ဖြင့် ဖြစ်စေ ချမှတ်နိုင်သည်ဟု ပြဋ္ဌာန်းထားသည်။

    မလှဖြူကို ထိုဥပဒေပုဒ်မဖြင့် အရေးယူခဲ့သော်လည်း ၎င်းသည် NVC ကတ် ခေါ် နိုင်ငံသားစိစစ်မှု သက်သေခံကတ်ပြားကို ကိုင်ဆောင်ထားသူ ဖြစ်သည်ဟု သိရပြီး ၎င်း၏ ကတ်ကို ရိုက်ယူထားသည့် ဓာတ်ပုံမှာလည်း လူမှုကွန်ရက်စာမျက်နှာများထက်တွင် တွေ့ရသည်။

    လူဝင်မှုကြီးကြပ်ရေးအရာရှိတစ်ဦးကမူ မလှဖြူကို အရေးယူခဲ့ခြင်းမှာ ခရီးသွားခွင့်မရဘဲ စခန်းမှ ထွက်ခွာသွား၍ ဖြစ်သည်ဟု Myanmar Now ကို ပြောသည်။

    “ကျွန်တော်တို့က ဒီဒေသမှာက ခွင့်ပြုချက်တင်ရတာပေါ့။ ပြည်နယ်အစိုးရကို ခွင့်ပြုချက်တင်ပြီးတော့ သွားရတာမျိုးရှိပါတယ်။ပြီးတော့မှ ညှိနှိုင်းပြီးတော့မှ သူတို့လိပ်စာ မှန်ကန်မှုရှိမရှိ၊ စိစစ်ပြီး သေချာတယ် ဆိုရင်တော့ သွားခွင့်ပေးပါတယ်”ဟု ကျောက်ဖြူမြို့နယ် လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာန မြို့နယ်မှူး ဦးတင်ထူးက ပြောသည်။

    NVC ကတ် ခေါ် နိုင်ငံသားစိစစ်မှုသက်သေခံကတ်ပြားကို ကိုင်ဆောင်ထားသူများ အနေဖြင့် လွတ်လပ်စွာ သွားလာခွင့်၊ ကျန်းမာရေးစောင့်ရှောက်မှုနှင့် ပညာသင်ယူခွင့် စသည်တို့ကို ခွင့်ပြုမည် ဟု လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဒေါက်တာ ဝင်းမြတ်အေးက ယခုလ အစောပိုင်းက သတင်းစာရှင်းလင်းပွဲတစ်ခုတွင် ပြောခဲ့ဖူးသည်။

    NVC ကတ် ကိုင်ဆိုင်ထားသူများ လွတ်လပ်စွာ သွားလာလှုပ်ရှားခွင့် ပြုမည်ဟု အစိုးရကပြောသည့်နောက် အတိုက်အခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ပြင်းထန်စွာ ကန့်ကွက်ခဲ့သည်။

    မလှဖြူမှာ ခရီးသွားခွင့်ကို နှစ်ကြိမ်လျှောက်ထားခဲ့သော်လည်း ခရိုင်လဝကက ထုတ်မပေးခဲ့ကြောင်း ကျောက်ဖြူမြို့ ကျောက်တစ်လုံး ဒုက္ခသည် စခန်းတာဝန်ခံ ဦးဖြူရှေက ပြောသည်။

    မလှဖြူမှာ ခရီးသွားလာခွင့်ကို ခရိုင်လဝကမှတစ်ဆင့် ပြည်နယ် လဝကဦးစီးထံသို့ ၂၀၁၇ ခုနှစ်တွင် တစ်ကြိမ်၊ ယခုနှစ် ဖေဖော်ဝါရီလတွင် တစ်ကြိမ်၊ နှစ်ကြိမ်တင်ခဲ့သော်လည်း တစ်စုံတစ်ရာ အကြောင်းပြန်ကြားခဲ့ခြင်း မရှိကြောင်း ၎င်းက ပြောသည်။

    “သူခရီးသွားခွင့်တင်တာ တစ်နှစ်လောက်ကြာပြီလေ။ အဲဒါကို ခွင့်မှမပြုတာ။ အဲဒါကြောင့်သူထွက်သွားတာ”ဟု ၎င်းကပြောသည်။

    မလှဖြူမှာ တရားစွဲဆိုခံရပြီး နောက်တစ်ရက်အကြာမှာပင် တရားရုံးတင် အမိန့်ချခံခဲ့ရခြင်းဖြစ်ပြီး ဥပဒေ၏ အကူအညီကို မရရှိခဲ့ဟု ကျောက်ဖြူမြို့ ကျောက်တစ်လုံး ဒုက္ခသည် စခန်း ကြီးကြပ်ရေး ကော်မတီ ဥက္ကဋ္ဌ ဦးဖြူရှေက ပြောသည်။

    “ရှေ့နေငှားရမ်းခွင့်ရဖို့ နေနေသာသာ တရားရုံးတင်တာနဲ့ တစ်ခါတည်း အမိန့်ချလိုက်တာ” ဟု၎င်းကပြောသည်။

    “NVC ကိုင်ရင် ခရီးသွားလာခွင့်ရမယ်ဆိုပြီး သူတို့က ကျွန်တော်တို့ကို အာမခံချက်ပေးတယ်လေ။ ဒါကြောင့် ကျွန်တော်တို့က NVC ကတ်ကို ကိုင်တာ”ဟု ၎င်းက ဆက်ပြောသည်။ ကိုဖြူရှေသည်လည်း NVC ကတ် ကိုင်ဆောင်ထားသည့် အစ္စလာမ်ဘာသာဝင် တစ်ဦးဖြစ်သည်။

    မလှဖြူမှာ ၂၀၁၂ ခုနှစ် အောက်တိုဘာလက ဖြစ်ပွားခဲ့သည့် လူမျိုးရေးပဋိပက္ခများ မတိုင်မီအထိ ကျောက်ဖြူမြို့ အနောက်ဘက်ရှိ တိုးချဲ့ရပ်ကွက်တွင် မိသားစုနှင့်အတူနေထိုင်ခဲ့ပြီး ပဋိပက္ခများအတွင်း ၎င်းတို့ မိသားစု နေအိမ်မှာ ဖျက်ဆီးခံခဲ့ရသည့်နောက်တွင် ညီမတစ်ဦး၊ ကျောင်းသားအရွယ် မောင်နှစ်ဦး၊ မိဘနှစ်ဦးတို့နှင့် ကျောက်တစ်လုံးဒုက္ခသည်စခန်းသို့ ပြောင်းရွှေ့နေထိုင်ခဲ့ကြသည်ဟု မလှဖြူ၏ ညီမဖြစ်သူ အသက် ၂၂ နှစ်ရှိသည့် မလှလှဖြူက Myanmar Now ကိုပြောသည်။

    မလှဖြူသည် ကျောက်ဖြူမြို့ အခြေခံပညာအထက်တန်းကျောင်းမှ တက္ကသိုလ်ဝင်တန်း အောင်မြင်ထားသူဖြစ်ပြီး မြန်မာစာအထူးပြုဖြင့် တက္ကသိုလ်ပထမနှစ်တက်ရောက်ခွင့်ရရန် စောင့်ဆိုင်းနေသူဖြစ်သည်ဟု ဦးဖြူရှေက ပြောသည်။ ဒုက္ခသည်စခန်းအတွင်းရှိ အစိုးရကဖွင့်ပေးထားသည့် စာသင်ကျောင်းတွင် လုပ်အားပေး ဆရာမအဖြစ် လက်ရှိလုပ်ကိုင်လျက်ရှိသည်ဟု ၎င်းက ပြောသည်။ ထိုကျောင်းတွင် ဆရာဆရာမ ၁၈ ဦးရှိကာ ကျောင်းသား၊ ကျောင်းသူ ၂၃၅ ဦးရှိသည်ဟု ကိုဖြူရှေက ပြောသည်။

    မလှဖြူ၏ ညီမ မလှလှဖြူကမူ ၎င်း၏မိဘနှစ်ပါးစလုံး ကျောက်ဖြူမြို့မှာပင် မွေးဖွားခဲ့ကြောင်း၊ ၎င်းတို့ မောင်နှမအားလုံးကိုလည်း ကျောက်ဖြူမှာပင်မွေးဖွားခဲ့ကြောင်း ပြောသည်။

    ၎င်း၏အစ်မဖြစ်သူသည် မေလ ၂၃ ရက်နေ့ နံနက် ၆ နာရီ အချိန်တွင် စခန်းမှ “ဘာမှမပြောဘဲ” ထွက်ခွာသွားခဲ့ခြင်း ဖြစ်ပြီး ဖမ်းဆီးခံရချိန်ထိ အာဏာပိုင်များက ဆက်သွယ်ပြောဆိုခြင်းမရှိဟု ပြောသည်။

    ၎င်းတို့မိသားစုသည် အစ်မဖြစ်သူ၏ လစာကျပ်တစ်သိန်းကျော်ဖြင့် မိသားစုတစ်စုလုံး မှီခိုနေရပြီး အစ်မဖြစ်သူနှင့် တွေ့ခွင့်မရ သေးကြောင်း ၎င်းက ပြောသည်။

    “သွားတွေ့လို့မရသေးတာပါ။ အဖေကတော့ သွားတွေ့ခွင့်ရဖို့အတွက် စခန်းတာဝန်ခံကို ပြောထားပါတယ်။ ဒါပေမယ့် ထွက်လို့မရဘူးလေ ဒီထဲက” ဟု၎င်းကပြောသည်။

    အမျိုးသား ဒီမိုကရေစီအဖွဲ့ချုပ် NLD ပါတီ အနေဖြင့် ဒုက္ခသည် စခန်းရှိ ဒုက္ခသည်များနှင့်ပတ်သတ်ပြီး တပ်မတော်နှင့် ညှိနှိုင်းအကောင်အထည်ဖော်ရန်လိုအပ်နေပြီး အတိုက်အခံပါတီဖြစ်သည့် ကြံခိုင်ရေး ပါတီ၏ နိုင်ငံရေးအရ ထိုးနှက်မှုများမှာလည်း တပ်မတော်နှင့်ညှိနှိုင်းနိုင်ပါက ပြေလည်သွားနိုင်သည်ဟု ‘ယနေ့ခေတ်’ မဂ္ဂဇင်း အယ်ဒီတာချုပ် ကိုသက်ဇင်က သုံးသပ်သည်။

    “အခုလို ဖြစ်နေတဲ့ကိစ္စက NLD ပါတီလည်းသိက္ခာကျမယ်။ ဒေါ်အောင်ဆန်းစုကြည်လည်း သိက္ခာကျမယ်။ အစိုးရလည်း သိက္ခာကျပြီးတော့ ဒီကိစ္စကြီးကလည်း ပြေငြိမ်းမသွားဘဲ ပိုပြီးကြီးထွားလာနိုင်တယ်လို့ ထင်ပါတယ်။ နိုင်ငံတကာမှာလည်း ပိုပြီး သိက္ခာကျစရာရှိပါတယ်” ဟု၎င်းကပြောသည်။

    ကျောက်ဖြူမြို့၊ ကျောက်တစ်လုံး ဒုက္ခသည်စခန်းတွင်းမှ ခရီးသွားခွင့်မရှိဘဲ ထွက်ခွာသွားခဲ့ခြင်းကြောင့် ၂၀၁၇ ခုနှစ်အတွင်း အမျိုးသမီး နှစ်ဦးအဖမ်းဆီးခံခဲ့ရသည်ဟု ဦးဖြူရှေက ပြောသည်။

    ၂၀၁၂ ခုနှစ်က ကျယ်ကျယ်ပြန့်ပြန့် ဖြစ်ပွားခဲ့သည့် ပဋိပက္ခများနောက်ပိုင်းတွင် တခြား ရခိုင်တိုင်းရင်းသားများ အပါအဝင် ရခိုင်ပြည်နယ်နေ အစ္စလာမ်ဘာသာဝင် အမြောက်အမြားတို့သည် ဒုက္ခသည်စခန်းများတွင် နေထိုင် နေကြရသည်။ ထို့ပြင် ၂၀၁၆ နှင့် ၂၀၁၇ ခုနှစ်များအတွင်း အာရကန် ရိုဟင်ဂျာကယ်တင်ရေး တပ် (ARSA) ၏တိုက်ခိုက်မှုများကြောင့် တပ်မတော်၏ နယ်မြေရှင်းလင်းစစ်ဆင်ရေးများ နောက်ပိုင်းတွင်လည်း ရခိုင်မြောက်ပိုင်းနေ အစ္စလာမ်ဘာသာဝင် သိန်းနှင့်ချီကာ ဘင်္ဂလား ဒေ့ရ်ှဘက်ရှိ ဒုက္ခသည်စခန်းများတွင် ခိုလှုံနေရသည်။

    မြန်မာအစိုးရကမူ အငြင်းပွားဖွယ်ဖြစ်နေသည့် ထိုအစ္စလာမ်ဘာသာဝင်များ၏ နိုင်ငံသားအဆင့်အတန်းနှင့် ပတ်သက်ပြီး စိစစ်ရန် NVC ကတ်ကို ထုတ်ပေးမည်ဖြစ်ကြောင်း၊ နိုင်ငံသားဖြစ်သင့်ဖြစ်ထိုက်သူများကို နိုင်ငံသားအခွင့်အရေးပေးမည်ဖြစ်ကြောင်း ကြေညာထားသည်။

    http://www.myanmar-now.org/my/news/i/?id=3b40e35c-fd8d-4f07-89ed-2c07e9cde054

  • နောက်ကျပေမယ့် ပျောက်မသွားတဲ့ အမှန်တရား

    နောက်ကျပေမယ့် ပျောက်မသွားတဲ့ အမှန်တရား

    ဝင်းနိုင်ဦး

    ”နိုင်ငံရေးသမားကနေ ဝန်ကြီးချုပ် ဖြစ်လာလို့ ပြန်ရတယ်လို့လည်း ပြောလို့ရ တယ်။ နိုင်ငံရေးသမားက ပြည်သူ့အတွက် ပဲ ကြည့်တာ” အံ့သြမှု၊ ဝမ်းသာမှု၊ ပျော်ရွှင်မှု များ၏အငွေ့အသက်က သူ့စကားသံများ တွင် ပါဝင်နေသည်။

    သြဂုတ်လ ၂၁ရက် ညနေ ၄နာရီတွင် ဆိုင်ခန်းအစားထိုးပြန်ပေးကြောင်း မြို့တော် စည်ပင် တာဝန်ရှိသူတစ်ဦးက ဒေါ်ဝင်းမြမြ ထံ ဖုန်းဖြင့် အကြောင်းကြားခဲ့သည့်အတွက် အံ့သြဝမ်းသာမှုများစွာဖြင့် ပျော်ရွှင်နေခဲ့ သည်။

    သူ့နာမည်က ဒေါ်ဝင်းမြမြ။ ယခင် စစ်အစိုးရလက်ထက် ကြမ်းတမ်းတဲ့ခေတ် ကစပြီး နိုင်ငံရေးလုပ်လာသူ။ သူသာမက သူ့မိသားစုဝင် မောင်နှစ်မ ၅ ဦးလုံး နိုင်ငံရေး လုပ်ခဲ့ကြ ခြင်းဖြစ်သည်။

    ထို့ကြောင့်လည်း ဈေးချိုစီရုံ၊ မြေညီ ထပ် အလယ်လမ်းမကြီး၊ ဆိုင်အမှတ် (၉) စန်းရောင်ရှင် အထည်ဆိုင်ကို အကြောင်းပြ ချက်များစွာဖြင့် ဆိုင်ခန်းအသုံးပြုခွင့်ကို ရုပ် သိမ်းလိုက်တယ်ဆိုပြီး စည်ပင်သာယာရေး ကော်မတီ ဈေးနှင့်သားသတ်ဌာနက ၂ဝဝ၇ ခုနှစ်၊ ဇွန် ၁ ရက်နေ့တွင် ၄င်းတို့ထံ စာတစ် စောင် ပေးပို့လာခဲ့သည်။

    ယင်းစာထဲတွင် ”နိုင်ငံတော်အစိုးရ မှ တားမြစ်ထားသော စာရွက်စာတမ်း၊ အလံ များ ထားသိုခြင်း၊ နံရံတွင်ကပ်ထားခြင်းတို့ ပြုလုပ်သည်ကို စစ်ဆေးတွေ့ရှိရသည်။ ဈေး ဆိုင်ခန်းငှားရမ်းအသုံးပြုခြင်း စည်းကမ်းချက် များကို ဦးဘစိုးက လိုက်နာခြင်းမရှိသဖြင့် ဆိုင်ခန်းအသုံးပြုခွင့်ကို ရုပ်သိမ်းလိုက်သည်”ဟု ဖော်ပြထားခဲ့သည်။

    စန်းရောင်ရှင် အထည်ဆိုင်ပိုင်ရှင် ဦးဘစိုးသည် ဒေါ်ဝင်းမြမြ၏ အစ်ကိုဖြစ် သည်။

    ဒေါ်ဝင်းမြမြတို့ မောင်နှမများသည် ၁၉၈၈ ခုနှစ် အမျိုးသားဒီမိုကရေစီအဖွဲ့ချုပ်ပါတီ မှ လျှောက်လွှာများ စတင်ဝေချိန် တွင် မောင်နှမ ၅ ဦးလုံး တစ်ပတ်အတွင်း ပါတီဝင်များ ဖြစ်ခဲ့ကြသည်။ ထိုအချိန်မှ စတင်ကာ ကြမ်းတမ်းရက်စက်သော စစ်အစိုး ရ၏ဖိနှိပ်မှုများကို သူတို့မိသားစု လှိမ့်နေ အောင် ခံခဲ့ကြရသည်ဟု ဒေါ်ဝင်းမြမြက ပြော သည်။ ၄င်းတို့ မိသားစုကို အကြိမ်ကြိမ် ဖိနှိပ် ခဲ့ခြင်းတွင် ယခုအကြိမ်မှာ အပြင်းထန်ဆုံး ပင် ဖြစ်လေသည်။

    ၁၉၈၈ ခုနှစ် စက်တင်ဘာလတွင် စစ်အုပ်ချုပ်ရေးကို အလိုမရှိသည့်အတွက် ဒေါ်ဝင်းမြမြ၏ အစ်ကိုဖြစ်သူက နိုင်ငံတော် အလံကို ဇောက်ထိုးထားခဲ့သည်။ ဒါကြောင့် လည်း အစ်ကိုကြီးမှာ အဖမ်းခံခဲ့ရသည်။ သို့ သော် သူတို့၏ နိုင်ငံရေးလမ်းကြောင်းသည် မှေးမှိန်မသွားခဲ့၊ ဆက်လက်လျှောက်လှမ်းမြဲ ပင်။

    အကြောင်းအမျိုးမျိုးဖြင့် မိသားစု ဝင်များမှာ အကြိမ်ကြိမ် ဖမ်းဆီးထိန်းသိမ်းခံ ခဲ့ရပြီး ထောင်နန်းစံခဲ့ကြရသည်။ ၁၉၉၉ ခုနှစ် အထိ တပ်မတော်ဧည့်ရိပ်သာများတွင် တစ် လ၊ နှစ်လခန့် ခေါ်ယူထိန်းသိန်းမှုများ အကြိမ် ကြိမ်ခံခဲ့ရပြီး ၁၉၉၉ နောက်ပိုင်းတွင် အကျဉ်း ထောင်များတွင် ခေါ်ယူထိန်းသိမ်းခံခဲ့ရခြင်း ဖြစ်သည်။

    အမျိုးသားနိုင်ငံရေးကိုသာ တစိုက် မတ်မတ် လုပ်ဆောင်လာခဲ့တဲ့ ဒေါ်ဝင်းမြမြ အပါအဝင် မောင်နှမများသည် အကျဉ်း ထောင်မှ ပြန်လည် လွတ်မြောက်လာချိန်တွင် လည်း နိုင်ငံရေးကို ဆက်လက်လုပ်ဆောင်ခဲ့ ကြသဖြင့် ဈေးအတွင်း မည်သည့်နေရာတွင် မှ ဆိုင်ခန်းဝယ်ထွက်ခွင့်၊ ဆိုင်ခန်းငှားထွက် ခွင့်မပြုနိုင်အောင် အဆုံးတိုင်ထိ ဖိနှိပ်ခဲ့ ကြသည်။

    ”အိမ်မှာလာပြီး စာရွက်အလွတ်ကို လက်မှတ်ထိုးခိုင်းတယ်။ မိသားစုတစ်ခုလုံး ရဲ့ဘဝနဲ့ သက်ဆိုင်နေပါတယ်။ စဉ်းစားပေး ပါဆိုတာကို မရဘူး။ မထိုးရင် အခြားနည်း သုံးမယ်ပြောတယ် ”ဟု ဒေါ်ဝင်းမြမြက ပြော သည်။

    ဈေးချိုမှ ဈေးဆိုင်ခန်းသိမ်းပြီး နောက် ပိုင်းတွင်လည်း နေအိမ်တွင် အထည်ရောင်းချ ခြင်း မရှိစေရန် စည်ပင်ဝန်ထမ်းများက ရပ် ကွက်အတွင်း လာရောက် စုံစမ်းခဲ့သည်။ နေ အိမ်အတွင်းလည်း ဝင်ရောက် ရှာဖွေစစ်ဆေး ခဲ့သည်။

    ”ဘေးကတိုက်မှာ အသံဖမ်းစက်ကို တွဲလောင်းလေး လာချထားကြတယ်။ ဘဘ ဦးအောင်ရွှေ (ဥက္ကဋ္ဌ) က ဗိုလ်ချုပ်မှူး ကြီးသန်းရွှေဆီ စာရေးပြီး မလုပ်ပါနဲ့ဆိုပြီး ပြောရတယ်။ ဆိုင်ခန်းလည်း ပြန်ပေးပါပြော တယ်။ မရခဲ့ဘူး”ဟု ဒေါ်ဝင်းမြမြက ပြော သည်။ သိမ်းထားသော ဈေးဆိုင်ခန်းကိုလည်း အမြဲစောင့်ကြည့်နေသူများရှိပြီး ဓာတ်ပုံရိုက် မှတ်တမ်းယူကာ သတင်းပေးပို့သူများလည်း ရှိခဲ့သည်။

    ဆိုင်ခန်းသိမ်းဆည်းပြီးနောက် သုံး လအကြာ စက်တင်ဘာလတွင် ဒေါ်ဝင်းမြမြ အား အမေရိကန်သံအမတ်နှင့်တွေ့ဆုံကာ နိုင်ငံရေးအခြေအနေများ ပြောကြားခဲ့သော ကြောင့် ဖမ်းဆီးခံခဲ့ရသည်။

    ပြန်လည်လွတ်မြောက်လာသော အခါ မိသားစုစားဝတ်နေရေးအတွက် ဆိုင် ဖွင့်မရောင်းချနိုင်တော့ဘဲ မန္တလေးမြို့အနီး အနားရှိ မြို့လေးများသို့ သွားရောက်ကာ အထည်ဆိုင်များနှင့် ချိတ်ဆက်ရောင်းချခဲ့ ရသည်မှာ ယနေ့အထိ ဖြစ်လေသည်။

    ဆိုင်ခန်း အသိမ်းခံရပြီးချိန်မှ စတင် ကာ ၂ဝ၁၅ခုနှစ် ရွေးကောက်ပွဲမှ အရပ်သား အစိုးရမဖြစ်ခင်အထိ စည်ပင်သို့တစ်လ တစ် ကြိမ်စာတင်ခဲ့သော်လည်း ဆိုင်ခန်းကို ပြန် လည်မရရှိခဲ့။

    ၂ဝ၁၅ ခုနှစ် ရွေးကောက်ပွဲကြီး မှ အရပ်သားအစိုးရ တက်လာချိန်တွင် နိုင်ငံတော်သမ္မတ ဦးထင်ကျော်နှင့် မန္တလေး တိုင်းဒေသကြီးအစိုးရအဖွဲ့ ဝန်ကြီးချုပ် ဒေါက်တာ ဇော်မြင့်မောင်တို့ထံ ထပ်မံတင် ပြရာ ဈေးချိုမှ စန်းရောင်ရှင်အထည်ဆိုင်ခန်း လေးကို မန်းမြန်မာပလာဇာတွင် အစားပြန် လည်ရရှိတော့မည် ဖြစ်သည်။

    ဝန်ကြီးချုပ် ဒေါက်တာဇော်မြင့် မောင်က နိုင်ငံရေးလုပ်ကိုင်သောကြောင့် အသိမ်းခံခဲ့ရသော စန်းရောင်ရှင်အထည်ဆိုင် ခန်းအမှုကို ဈေးအကျိုးတော်ဆောင်များ လက်ရှိဆိုင်ခန်းပိုင်ရှင်များ ယခင်စည်ပင် ဝန် ထမ်းဟောင်းနှင့် ယခုစည်ပင်ဝန်ထမ်းများ လွှတ်တော်ကိုယ်စားလှယ်များဖြင့် ကော်မတီ ရှင်ဖွဲ့ကာ စစ်ဆေးစေခဲ့သည်။

    ကော်မရှင်၏စစ်ဆေးချက်အရ နိုင်ငံရေးလုပ်ကိုင်သောကြောင့် ဖိနှိပ်ရန် သိမ်းဆည်းခဲ့ခြင်း ဖြစ်ကြောင်း ပေါ်ပေါက် ခဲ့သည်။

    ”ရွေးကောက်ပွဲမတိုင်ခင် ဆိုင်ခန်း သိမ်းတာက ဒီမိသားစု စီးပွားရေးမပြေလည် ရင် နိုင်ငံရေးမလုပ်နိုင်ဘူးဆိုပြီး သိမ်းခဲ့တာ”ဟု ဒေါ်ဝင်းမြမြက ပြောသည်။

    ယခုအခါတွင် စန်းရောင်ရှင်အထည် ဆိုင်၏မူလဆိုင်ခန်းနေရာမှာ လေလံတင် ရောင်းချထားပြီးသောကြောင့် တခြားနေရာ တစ်ခုဖြစ်သည့် မန်းမြန်မာပလာဇာ အောက် ထပ် ဆိုင်ခန်းနံပါတ်ြ၁၇ကို ပြန်လည်အစား ထိုးပေးအပ်ခြင်း ဖြစ်သည်။

    ဒေါ်ဝင်းမြမြသည် ၁၉၈၈ခုနှစ်မှ စတင်ကာ အမျိုးသားဒီမိုကရေစီအဖွဲ့ချုပ် မန္တလေးမြို့ အရှေ့မြောက်မြို့နယ် ဘဏ္ဍာရေးမှူး တာဝန်ထမ်းဆောင်ခဲ့ပြီး ၁၉၉၆ခုနှစ်တွင် မန္တလေးတိုင်းဒေသကြီး စည်းရုံးရေးကော်မတီ (ယာယီ) အဖွဲ့ဝင် တာဝန်ထမ်းဆောင်ခဲ့ကာ လက်ရှိတွင် မန္တလေးတိုင်းဒေသကြီးအမျိုးသား ဒီမိုကရေစီအဖွဲ့ချုပ်တွင် ဒုတိယဥက္ကဋ္ဌအဖြစ် တာဝန်ယူထားကြောင်း သိရသည်။

    အခြားသိမ်းဆည်းခံနေရသူများ အနေဖြင့်လည်း အစိုးရထံ မှန်ကန်သောလမ်း ကြောင်းဖြင့် ချဉ်းကပ်တွေ့ဆုံပြီး မှန်ကန်စွာ တင်ပြပါက ပြန်လည်ရရှိရန် တိုင်းဒေသကြီး အစိုးရက ဆောင်ရွက်ပေးနေသည်ဟုလည်း ဆိုသည်။

    ယခင်အစိုးရအဆက်ဆက်တွင် နိုင်ငံရေးလုပ်ကိုင်နေသူများသာမက ပြည်သူ များထံကလည်း လယ်ယာမြေများ ခြံဝိုင်းများ နေအိမ်အဆောက်အဦးများ သိမ်းယူမှုများ ရှိခဲ့ပြီး ယခုအစိုးရက သိမ်းဆည်းခံထားရမှု များကို အဓိက ဖြေရှင်းလျက်ရှိသည်။

    အမှန်တရားပေါ်ပေါက်လာဖို့ အ နည်းငယ် နောက်ကျနေတတ်သည်။ သို့သော် လည်း ယင်းအမှန်တရားသည် ပျောက်ကွယ် သွားခြင်းမရှိသည်မှာ ဒေါ်ဝင်းမြမြတို့၏ ဖြစ် ရပ်ကို ကြည့်လျှင်သိနိုင်သည်။

    နိုင်ငံရေးလုပ်ကိုင်သောကြောင့် ဈေးချိုတွင် သိမ်းဆည်းခံခဲ့ရသော စန်းရောင် ရှင် ဆိုင်ခန်းလေးမှာ မန်းမြန်မာပလာဇာ တွင် ပြန်လည်ပေါ်ထွက်လာတော့မည် ဖြစ်သည်။

    ဝင်းနိုင်ဦး
    မန္တလေးခေတ် မှကူးယူဖော်ပြပါသည်။

  • မျက်ရည်တွေနဲ့ ပြန်ခဲ့တယ်

    မျက်ရည်တွေနဲ့ ပြန်ခဲ့တယ်

    မေ ၂၃ ၊ ၂၀၁၇
    သာလွန်ဇောင်းထက် ရေးသည်။

    လူမှုဝန်ထမ်းဦးစီးဌာနလက်အောက် နတ်မောက်လမ်းသွယ် ၁ မှာရှိတဲ့ အမျိုးသမီး အသက်မွေးပညာအတတ်သင်ကျောင်းမှာ မနေ့က ကျနော်တုို့ Noble Friends အဖွဲ့လေး သွားပြီး အလှူလုပ်ဖြစ်ခဲ့ပါတယ်။ အဲဒီကျောင်းကို အလွယ်ခေါ်ကြတာကတော့ နတ်မောက်ကျောင်းလုို့ ခေါ်တဲ့ နေရာလေးကို သွားလှူဖြစ်ပါတယ်။

    နတ်မောက်လမ်းသွယ် ၁ လမ်းရှိတဲ့ ဒီကျောင်းလေးက ရန်ကုန်မြို့လယ်ခေါင် အင်မတန်မှ အချက်အချာကျတဲ့နေရာမှာ ရှိပေမယ့် ဒီကျောင်းလေးအကြောင်း လူတွေ သိပ်မသိကြဘူး။

    သာမန်အားဖြင့် ပြင်ပက ကြည့်လိုက်မယ်ဆုိုရင် အမျိုးသမီးအသက်မွေး ပညာအတတ်သင်ကျောင်းလုို့ နာမည်တပ်ထားတာမုို့ ကျောင်းတစ်ခုလိုသာ ထင်စရာရှိတယ်။ ဒါပေမယ့်လည်း တကယ်တော့ အဲဒီနေရာလေးက ကျောင်းတစ်ခု ဆုိုတာထက် ပိုပါတယ်။

    ဒီကျောင်းလေးမှာ အားငယ်မှုတွေ ရှိတယ်၊ ဒီကျောင်းလေးမှာ ဘ၀မှာ အဖြစ်ဆုိုးနဲ့ ကြုံခဲ့ရတဲ့ ဖြစ်ရပ်တွေ ရှိနေတယ်၊ ဒီကျောင်းလေးမှာ မျှော်လင့်ချက်မဲ့နေတဲ့ ဘ၀တွေ ရှိနေတယ်။ ဒီကျောင်းလေးမှာ အရွယ်နဲ့မလိုက်အောင် ကြမ်းတမ်းခက်ထန်တဲ့ လောကဓံကုို ခံလုိုက်ရတဲ့ ရုိုက်ချိုးခံလုိုက်ရတဲ့ ဘ၀တွေလည်း ရှိနေတဲ့ နေရာလေး။


    နတ်မောက်ကျောင်းဆုိုတာ
    ================

    အမျိုးသမီး အသက်မွေးပညာ အတတ်သင်ကျောင်း(နတ်မောက်ကျောင်း) ဆုိုတာက အသက် ၁၈နှစ်အောက် အမျိုးသမီးငယ်လေး ခုိုလှုံနေတဲ့ နေရာလေးပါ။

    ဒီနေရာလေးမှာ နုိုင်ငံတော်က ထိန်းသိမ်းစောင့်ရှောက်ထားတဲ့ မိဘမဲ့ သမီးငယ်လေးတွေနေတယ်။ ပြစ်မှုတစ်ခုခု ကျူးလွန်လို့ ပြစ်ဒဏ်ကျနေတဲ့ အသက် ၁၈ နှစ်အောက် သမီးငယ်လေးတွေ ယာယီ ခုိုလှုံကြတယ်။ လူကုန်ကူးမှုကြောင့် ပြည့်တန်ဆာဖြစ် အခုိုင်းခံရပြီး HIV/AIDS ကူးစက်ခံနေရတဲ့ သမီးငယ်လေးတွေ ရှိနေတယ်။ တရုတ်နုိုင်ငံကို မယားအဖြစ် လူကုန်ကူးခံရပြီး ပြန်လည် ရောက်ရှိလာတဲ့ အမျိုးသမီးငယ်လေးတွေ ရှိနေတယ်။ သိပ်မကြာသေးခင်က အင်းဝအပ်ချုပ်ဆုိုင်မှာ အနှိပ်စက်ခံခဲ့ရတဲ့ အိမ်ဖော် သမီးငယ်လေး ၁ ဦးလည်းရှိနေတယ်။

    စိတ်ကျန်းမာရေး မကောင်းလုို့ ကျန်းမာရေး မကောင်းလုို့ ၂ ပေ ၊ ၆ ပေ ကုတင်လေးပေါ်မှာ ဘ၀ကို ကုန်လွန်နေကြတဲ့ ကျန်းမာရေးမကောင်းတဲ့ အမျိုးသမီးကြီး ၇ ဦး လည်းရှိနေတယ်။ တွေ့တဲ့လူတုိုင်းကို ရယ်ပြပြီး ခြေဟန် လက်ဟန်နဲ့ ဆက်သွယ်နေတဲ့ မသန်စွမ်း အမျိုးသမီးငယ် ၁ ဦးလည်းရှိနေတယ်။ စုစုပေါင်း ကံဆုိုးကြတဲ့ အမျိုးသမီးငယ် ၅၇ ဦး ခိုလှုံရာ နေရာလေး။

    နတ်မောက်ကျောင်းဆုိုတာ တကယ်တော့ လောကဓံက မျက်နှာမပေးလုို့ အဖြစ်ဆုိုးကြတဲ့ သမီးငယ်တွေ ခုိုလှုံရာနေရာလေး။

    ဒီကျောင်းမှာ ပြစ်ဒဏ်ကျ သမီးငယ်တွေက အလုပ်လုပ်ရင်း ကုန်ဆုံးကြသလို အခြားသမီးငယ်တွေလည်း တွယ်တာမဲ့ ဘ၀တွေနဲ့ မျှော်လင့်ချက်မဲ့ နေထုိုင်နေကြတယ်။

    ဒီကျောင်းမှာ ရှိနေကြတဲ့ သမီးငယ်တွေနဲ့ အမျိုးသမီးတွေရဲ့ ဘ၀တွေက သူ့ထက်သူ ပိုဆုိုးကြတာမုို့ အဆုိုးပြိုင်နေကြသလားလုို့တောင် တွေးထင်ရတယ်။

    အငိုမျက်လုံး၊ အပြုံးမျက်ရည်
    =================

    Noble Friends အဖွဲ့ မေလ ၂၁ ရက်နေ့ နတ်မောက်ကျောင်းမှာ ရှိနေကြတဲ့ အမျိုးသမီးနဲ့ သမီးငယ် ၅၇ ဦးကို မနက်စာ မုန့်ဟင်းခါး၊ နေ့လယ်စာ ၀က်သား၊ ကြက်သားဟင်း၊ ညနေစာ ငါးဟင်းနဲ့ ကြက်သား ၃ နပ်စာ ထမင်းကျွေးဖြစ်ခဲ့တယ်။

    နေ့လယ်စာ စားပြီးတော့ သူတုို့လေးတွေနဲ့ ကျနော်တုို့ အဖွဲ့က အဖွဲ့ဝင်တွေ ဂိမ်းဆော့ကြ၊ ကျန်းမာရေးဆုိုင်ရာ ဟောပြောပွဲလေးတွေလုပ်ဖြစ်တယ်။

    သူတုို့အားလုံးမှာ သတိထားမိတာက တူညီတဲ့ မျက်ဝန်းတစုံ ရှိနေကြတာပဲ။ သူတုို့အားလုံး မျက်ဝန်းတွေက ဖျော့တော့တယ်။ သူတုို့အားလုံးရဲ့ မျက်ဝန်းတွေမှာ အားငယ်မှုတွေ တွေ့နေရတယ်။ သူတုို့အားလုံးမျက်ဝန်းတွေမှာ ကုိုယ့်ကုိုယ်ကုိုယ် မယုံကြည်မှုတွေ ရှိနေတယ်။ သူတို့အားလုံးမျက်ဝန်းတွေမှာ အနာဂတ်မဲ့နေတာ မြင်ခဲ့ရတယ်။ သူတို့အားလုံး မျက်ဝန်းတွေမှာ ဆောက်တည်ရာမရတွေ မြင်ခဲ့ရတယ်။

    ကျေန်ာတုို့နဲ့ ကစားနေကြချိန်မှာတော့ သူတို့ ခေတ္တ ခဏလေး ဘ၀ရဲ့ ကြမ်းတမ်းမှုတွေ ကို မေ့ပြီး သူတို့ ပျော်ရွှင်ကြတယ်။ သူတို့ ရယ်မောကြတယ်။ သူတို့ ပြုံးကြတယ်။ သူတုို့နဲ့အတူ ကျနော်တို့ လည်း ဘ၀ရဲ့ အမောတွေ ခဏလေး လျစ်လျူရှုပြီး ပီတီဖြစ်ခဲ့ကြတယ်။

    သူတို့ အငိုမျက်လုံးတွေမှာ အပြုံးတွေ ရှိလာဖို့ ကျနော်တုို့ ယာယီ အလှဆင်နုိုင်ခဲ့တယ်။ အားလုံးကုို ကျနော်တုို့ နှုတ်ဆက်တော့ သူတို့က ထွက်မသွားကြဘဲ ကျနော်တုို့ကုို စုိုက်ကြည့်နေတယ်။ သူတို့ ပျော်နေတဲ့အချိန်လေးကို စွန့်ခွာရမှာ သူတို့ ကြောက်နေပုံပါပဲ။ သူတို့ ရယ်မောနေခဲ့ကြတဲ့အချိန်လေးကို လွတ်သွားမှာ သူတုို့ ၀မ်းနည်းနေပုံပါပဲ။

    နတ်မောက်ကျောင်းက ပြန်တော့ သူတုို့ဘ၀တွေကို တွေးရင်း ကျနော် မျက်ရည်ဝဲမိတယ်။ သူတို့ပျော်ရွှင်တာကို ကြည့်ရင်း ကျနော် ပြုံးမိတယ်။ ကျနော်တုို့တွေလည်း သူတုို့လိုပဲ အငိုမျက်လုံး အပြုံးမျက်ရည်တွေနဲ့ပါ။ နတ်မောက်ကျောင်းက ကျနော်တုို့တွေ အငိုမျက်လုံး အပြုံးမျက်ရည်တွေနဲ့ ပြန်ခဲ့ကြတယ်။

  • “ဒေါ်နယ်ထရန့်ရဲ့ လူဝင်မှုကြီးကြပ်ရေးမူ အရှုပ်အထွေး”

    “ဒေါ်နယ်ထရန့်ရဲ့ လူဝင်မှုကြီးကြပ်ရေးမူ အရှုပ်အထွေး”

    ဇန်နဝါရီ ၂၉ ၊ ၂၀၁၇
    M-Media
    မောင်ရဲဝင်း (တောင်ကြီး) ရေးသည်။

    အမေရိကန်သမ္မတအဖြစ် ကျမ်းကျိန်ပြီး (၅) ရက်မြောက်တဲ့နေ့မှာ ဒေါ်နယ်ထရန့်ဟာ မဲဆွယ်စည်းရုံးရေးကာလက ကြွေးကြော်ခဲ့တဲ့ လူဝင်မှုကြီးကြပ်ရေးကိစ္စကို စတင်ကိုင်တွယ်ဖို့ ခြေလှမ်းပြင်ခဲ့ပါတယ်။ လက်ရှိထွက်ပေါ်လာတဲ့အထဲမှာ သုံးသပ်ကြည့်ရင် ထင်သာမြင်သာတဲ့ အချက် (၅) ချက်ရှိပါတယ်။ ဒါတွေကတော့

    ၁) မက္ကဆီကိုနိုင်ငံနဲ့ နယ်စပ်ဒေသတလျောက်မှာ တံတိုင်းကြီးဆောက်မယ်၊

    ၂) တရားမဝင် ဝင်ရောက်နေထိုင်နေသူတွေကို ပြန်ပို့မယ်၊

    ၃) အီရတ်၊ ဆီးရီးယား၊ အီရန်၊ ဆူဒန်၊ ဆိုမာလီယာ၊ ယီမင် နဲ့ လစ်ဗျား၊နိုင်ငံသားတွေကို ပြည်ဝင်ခွင့် ရက်ပေါင်း (၃၀) ဆိုင်းငံ့မယ်၊

    ၄) ကမ္ဘာအရပ်ရပ်မှာရှိ ဒုက္ခသည်တိုင်းကို ပြည်ဝင်ခွင့် ရက်ပေါင်း (၁၂၀) ရက် ဆိုင်းငံ့မယ်၊ ဆီးရီးယားဒုက္ခသည်တွေကို ရက် အကန့်အသတ်မဲ့ ဆိုင်းငံ့မယ်၊

    ၅) နှစ်စဉ်ဒုက္ခသည်အသစ် ငါးသောင်း သာလက်ခံမယ်၊ ဆိုတာတွေဖြစ်ပါတယ်။

    ဒီအချက် (၅) ချက်ထဲမှာ အချို့သောမြန်မာပြည်သားတွေနဲ့ စပ်ဆက်မှုရှိတာကတော့ အချက် (၄) နဲ့ (၅) ဖြစ်ပါတယ်။ မြန်မာပြည်က ဒုက္ခသည်တွေကို အမေရိကန်ကို ခေါ်ယူနေသေးတာကတကြောင်း၊ အမေရိကန်နိုင်ငံရောက်နေပြီးသူတွေနဲ့ မိသားစုပြန်စုံခွင့်မှုအရ ခေါ်ယူနေသေးတာကတကြောင်းဖြစ်လို့ အချက် (၄) နဲ့ (၅) ဟာ ဆက်စပ်မှုအရှိဆုံးလို့ယူဆနိုင်ပါတယ်။

    မက္ကဆီကိုနယ်စပ်မှာ တံတိုင်းဆောက်မယ့်ကိစ္စဟာ လူတွေရဲ့မျက်စေ့ထဲမှာ တရုတ်နိုင်ငံက မဟာတံတိုင်းကြီးလို ကြီးကြီးမားမား ခိုင်ခိုင်ခံခံကြီးလို့ ထင်မှတ်နေကြပေမယ့် နှစ်နိုင်ငံအကြားအတားအဆီဖြစ်မယ့် ဘာလင်တံတိုင်းကြီးလို့ တံတိုင်းမျိုးကို ရည်ညွန်းနေကြတာပါ။ အရှည်ကိုလည်း အတိအကျ မသတ်မှတ်ရသေးပဲ ဒေါ်လာ ၁၀ ဘီလီယံ ကနေ ဘီလီယံ ၂၀ အကြားကုန်မယ်လို့ အမျိုးမျိုး ထင်ကြေးပေးနေကြတာပါ။ ဒေါ်နယ်ထရန့်ကတော့ ကုန်ကျစရိတ်ကို မက္ကဆီကိုနိုင်ငံက နည်းအမျိုးမျိုးနဲ့ရအောင်ယူမယ်လို့ ကြိမ်းမောင်းထားပါတယ်။

    မက္ကဆီကိုဘက်ကလည်း တံတိုင်းခတ်မယ်ဆိုတဲ့ အိုင်ဒီယာကို သဘောတူပေမယ့် သူတို့ဘက်က ငွေကုန်ခံပေးရမယ်ဆိုလို့ သူတို့သမ္မတ အိမ်ဖြူတော်လာမယ့် အစီအစဉ်ကို ဖျက်လိုက်တယ်။ သူတို့ဘက်က လူတွေဝင်တယ်၊ ပစ္စည်းတွေဈေးပေါပေါနဲ့ဝင်တယ်၊ မူးယစ်ဆေးဝါးတွေ ဝင်တယ် ဆိုပေမယ့် အမေရိကန်နိုင်ငံဘက်ကနေ လက်နက်တွေဝင်နေတာကိုတော့ တားဆီးချင်ပုံရတယ်။

    မက္ကဆီကိုဘက်ကတင်းမာမှုကို တုန့်ပြန်တဲ့မနေနဲ့ မက္ကဆီကိုဘက်ကလာတဲ့ ပစ္စည်းတွေကို အခွန် ၂၀% တိုးကောက်မယ်လို့ အိမ်ဖြူတော်က လေသံပစ်ကြည့်ပါသေးတယ်။ မက္ကဆီကို အလုပ်သမားတွေကိုပြန်ပို့မယ်၊ အဲ့ဒီကလာတဲ့ ပစ္စည်းတွေကို အခွန်တိုးကောက်မယ်ဆိုရင် အမေရိကန်နိုင်ငံအတွင်း စားသောက်ကုန်တွေက အဆမတန် ဈေးကြီးလာမှာဖြစ်ပါတယ်။

    အရှေ့အလယ်ပိုင်းက ပြည်ဝင်ခွင့်နဲ့ပတ်သက်ရင်တော့ ဒေါ်နယ်ထရန်ဟာ သူပေးထားတဲ့ကတိကို အဖြစ်သဘောလောက် လုပ်ပြတယ်လို့မြင်ကြပါတယ်။ မွတ်စလင်တွေအားလုံးကို ပြည်ဝင်ခွင့်ပိတ်မယ်ဆိုရင် သမ္မတမှာ အတိုက်အခံတွေ ပိုများလာပါလိမ့်မယ်။ မွတ်ဆလင်တွေဘက်က ရပ်တည်ပေးတဲ့ အမေရိကန်ပြည်သူတွေနဲ့ နိုင်ငံရေးသမားတွေရဲ့ ဝေဖန်မှုက ပြင်းထန်လာမှာဖြစ်ပြီး မွတ်စလင်တွေနဲ့ တသားတည်းရှိတဲ့ အမေရိကန်ပြည်သူ အမြောက်အများရှိတယ်ဆိုတာ ပိုမိုပေါ်လွင်လာမှာ ဖြစ်ပါတယ်။ ဒါကြောင့် အရှေ့အလယ်ပိုင်းက နိုင်ငံရေး မတည်မငြိမ်ဖြစ်နေတဲ့နိုင်ငံတွေကို ရွေးပြီး ရက်ပေါင်း (၃၀) ဆိုင်းငံ့လိုက်တာဖြစ်ပါတယ်။

    ဒေါ်နယ်ထရန့်အနေနဲ့ ဒုက္ခသည်တွေကို (၄) လပိတ်လိုက်တဲ့ အချက်ကြောင့်လည်း ဝေဖန်မှုတွေနဲ့ ရင်ဆိုင်ရပြန်ပါတယ်။ အဆိုးဆုံးကတော့ စစ်ဖြစ်နေတဲ့ဒေသက ဆီးရီးယား ဒုက္ခသည်တွေကို ပိတ်လိုက်တဲ့ကိစ္စပါပဲ။ ဒုသမ္မတ မိုက်ပန်က အင်ဒီယားနားပြည်နယ် အုပ်ချုပ်ရေးမှူးလုပ်ခဲ့စဉ်မှာ ဆီးရီးယား ဒုက္ခသည်တွေကို အင်ဒီယားနားပြည်နယ်ထဲ အခြေချခွင့်ကို တားမြစ်ခဲ့ပါတယ်။

    နိုင်ငံရေးအခြေအနေအရ ပြည်ဝင်ခွင်ပိတ်ပင်တဲ့ သာဓကတွေရှိခဲ့ဖူးပါတယ်။ ဥပမာ မြန်မာစစ်အစိုးရရဲ့ အတွင်းလူတွေကို ပြညိယ်ဝင်ခွင့်ပိတ်တာမျိုး၊ ဇင်ဘာဘွေ အစိုးရထောက်ခံသူတွေ၊ တာလီဘန်နဲ့ ဆက်နွယ်သူတွေ၊ လက်နက်ကိုင်အကြမ်းဖက်အဖွဲ့ဝင်တွေကို ပိတ်ပင်တာမျိုးတွေရှိခဲ့ဖူးပါတယ်။ သမ္မတ ကာတာ လက်ထက်က အီရန်နိုင်ငံသားတွေကို ဗီဇာပိတ်ခဲ့ဖူးတယ်။ သမ္မတ ရေဂန် လက်ထက်က ကျူးဘားနိုင်ငံသားတွေကို ဗီဇာပိတ်ခဲ့ဖူးတယ်။

    အဲ့ဒီအပြင် လူဝန်မှုကြီးကြပ်ရေးနဲ့ပတ်သက်တဲ့ လျောက်လွှာတွေမှာ ကွန်မြူနစ်ပါတီဝင်ဖူးလားတို့၊ နာဇီအဖွဲ့ဝင်ဖြစ်ဖူးလားတို့ ခုထိမေးတုန်းရှိသေးပါတယ်။ ဒါကြောင့် လူတစုကို အခြေအနေရပိတ်ပင်တာဟာ သမ္မတ ဘောင်မကျော်ဘူးလို့ ထောက်ခံသူတွေကဆိုကြပါတယ်။

    နောက်ဆုံးတချက်ကတော့ ဒုက္ခသည်တွေခေါ်တဲ့ အရေအတွက် လျော့ချတဲ့ကိစ္စပါ။ အိုဘားမား လက်ထက်က နှစ်စဉ် ဒုက္ခသည်ခေါ်ယူမှုနှုန်း တသိန်းတသောင်း (၁၁၀၀၀၀) ခွင့်ပြုထားခဲ့ပါတယ်။ အခု နှစ်စဉ် ငါးသောင်း (၅၀၀၀၀) အထိ ပဲခေါ်ယူခွင့်ပြုတယ်လို့ သက်မှတ်လိုက်ပါတယ်။ ဒါဟာ ၁၉၈၀ ဒုက္ခသည်ဆိုင်ရာအက်ဥပဒေ ပြဌာန်းပြီး နှစ်ပေါင်း ၃၀ ကျော်အတွင်း ဒုက္ခသည်ဝင်ခွင့် အနည်းဆုံးပါပဲ။ ဒီကိစ္စအပေါ်မှာလည်း ဒုက္ခသည်တွေကို ခေါ်ယူတဲ့ အဖွဲ့အစည်းတွေက အယူခံဝင်စာတွေ တင်နေကြပါပြီ။
    ဘာသာရေးအပေါ်အခြေခံတဲ့ ဖိနှိပ်မှုခံဒုက္ခသည်တွေကို ပထမဦးစားပေးစနစ်နဲ့ ခေါ်ယူသွားမယ်လို့လည်း အမေရိကန်သမ္မတ ဒေါ်နယ်ထရန့် လက်မှတ်ရေးထိုးထားတဲ့ အမိန့်လမ်းညွန်ချက်မှာပါရှိပါတယ်။