နိုဝင်ဘာ ၆၊ ၂၀၁၇
M-Media
– ရောင်းတဲ့ပစ္စည်းနဲ့ပတ်သက်ပြီး လိမ်လည်ကြော်ငြာတဲ့ အွန်လိုင်းရှော့ပင်း ၀ဘ်ဆိုက်တွေကို ကြီးလေးတဲ့ ဒဏ်ငွေတပ်ရိုက်မယ့် ဥပဒေအသစ်တစ်ခုကို တရုတ်နိုင်ငံက ပြဌာန်းလိုက်တယ်လို့ သိရပါတယ်။
တရုတ်နိုင်ငံဟာ လာမယ့်တစ်ပတ် စနနေ့မှာ Singles Day လို့ခေါ်တဲ့ တစ်နှစ်တာရဲ့ အကြီးမားဆုံး အွန်လိုင်း ဈေးဝယ်မှုနေ့ကို ကြုံတွေ့မှာဖြစ်ပြီး ဒီနေ့မတိုင်ခင် အခုဥပဒေသစ် ထွက်လာတာ ဖြစ်ပါတယ်။
ပစ္စည်းရဲ့ အားနည်းချက်တွေကို ထောက်ပြထားတဲ့ မှတ်ချက်တွေကို ဖျက်ပစ်တဲ့ ဈေးဝယ်ဆိုက်တွေ၊ ပစ္စည်းအကြောင်း လိမ်လည်ကြော်ငြာတဲ့ ဈေးဝယ်ဆိုက်တွေအနေနဲ့ အနည်းဆုံး ကန်ဒေါ်လာ ၃ သောင်းလောက် ဒဏ်ငွေပေးဆောင်ရမယ်လို့ အဲဒီဥပဒေမှာ ပြဌာန်းထားပါတယ်။
ပြီးခဲ့တဲ့နှစ် Singles Day မှာ တရုတ်နိုင်ငံတစ်ဝှမ်း အွန်လိုင်းအမှာစာပေါင်း ၆၅၇ သန်း ရရှိခဲ့ပြီး ကန်ဒေါ်လာ ၁၈ ဘီလီယံဖိုးလောက် ရောင်းချခဲ့ရတာ ဖြစ်ပါတယ်။
အဲဒီနေ့မှာ ရောင်းချသူအများစုဟာ Alibaba ၀ဘ်ဆိုက်ကနေတစ်ဆင့် ရောင်းချတာဖြစ်ပြီး ပစ္စည်းအရည်အသွေး မပြည့်မီမှုတွေကြောင့် Alibaba ကိုယ်တိုင်လည်း ဝေဖန်ခံခဲ့ရပါတယ်။
တရုတ်အာဏာပိုင်တွေဟာ ဒီလို လိမ်လည်ရောင်းချမှုတွေနဲ့ပတ်သက်ပြီး ကိုင်တွယ်ဖို့ ကြိုးပမ်းလာကာ အွန်လိုင်းရှော့ပင်း ကိစ္စအပါအ၀င် အင်တာနက်တဲ့သက်ဆိုင်တဲ့ တိုင်ကြားမှုတွေကို ကြားနာဖို့အတွက် သြဂုတ်လမှာ ဆိုက်ဘာတရားရုံး စတင်တည်ထောင်ခဲ့ပါတယ်။
Ref: BBC
