Tag: EPL

ဖေဖော်ဝါရီ ၁၅၊ ၂၀၁၆
M-Media

– ဒီတစ်ပတ်ပရီးမီးယားလိဂ်မှာ အာဆင်နယ်က ထိပ်ဆုံးက လက်စတာကို နောက်ဆုံးမိနစ်ဂိုးနဲ့ အနိုင်ရကာ အမှတ်ကွာခြားမှု ကျဉ်းမြောင်းအောင် လုပ်နိုင်ခဲ့ပြီး ဒုတိယနေရာက စပါးကလည်း မန်းစီးတီးကို အနိုင်ယူကာ ချန်ပီယံအိပ်မက်အတွက် ရှေ့တစ်လှမ်း တိုးလာခဲ့ပါတယ်။ လီဗာပူးလ်နဲ့ ချယ်ဆီးတို့ကတော့ ဂိုးမြူးခဲ့ကြပြီး မန်ယူက ရှုံးနိမ့်ခဲ့ပါတယ်။

အီမရိတ်မှာကစားခဲ့တဲ့ အာဆင်နယ်နဲ့ လက်စတာတို့ပွဲဟာ ရင်သပ်ရှုမောခဲ့ရပြီး နောက်ဆုံးမိနစ်ကျမှ အနိုင်ဂိုး ရခဲ့ပေမယ့် ကစားပုံကို ခြုံကြည့်ရင် အာဆင်နယ်တို့ ၃ မှတ်နဲ့ ထိုက်တန်ခဲ့ပါတယ်။ ပထမပိုင်း ပြီးကာနီးမှာ ဗာဒီရဲ့ ပင်နယ်တီဂိုးနဲ့ ဦးဆောင်ခဲ့ပေမယ့် ဒုတိယပိုင်းမှာ တစ်ယောက်အသာရ၊ ကစားကွက်မိပြီး တောက်လျှောက်ဖိကစားတဲ့ အာဆင်နယ်တို့ ဂိုးသွင်းခွင့် အမြောက်အများ ရရှိခဲ့တာဖြစ်ပါတယ်။ ချေပဂိုးကိုတော့ လူစားဝင်လာတဲ့ ဝေါလ်ကော့က မိနစ် ၇၀ မှာ သွင်းယူပေးခဲ့တာပါ။ အနိုင်ဂိုးရှင် ၀ဲလ်ဘတ်ကလည်း အရန်ခုံက ထလာတာဖြစ်ပြီး ဧပြီနောက်ပိုင်းမှာ ပထမဆုံး ပြန်လည်ကစားနိုင်တာဖြစ်ပါတယ်။

ပြီးခဲ့တဲ့တစ်ပတ် အီတီဟတ်မှာ လက်စတာကို အရှုံးပေးခဲ့ရတဲ့ မန်စီးတီးတို့ ဒီတစ်ပတ် ဒုတိယနေရာက စပါးနဲ့အတွေ့မှာလည်း တူညီတဲ့ ကံကြမ္မာဆိုးကို ရင်ဆိုင်ခဲ့ရပါတယ်။ စပါးတို့ ၅၃ မိနစ်မှာ ဟယ်ရီကိန်းရဲ့ ပင်နယ်တီနဲ့ ဦးဆောင်ဂိုးရခဲ့ပြီး ၇၄ မိနစ်မှာ အိမ်ရှင်တို့ ချေပဂိုး ပြန်သွင်းနိုင်ခဲ့ပါတယ်။ ဒါပေမယ့် ကစားပုံပိုကောင်းတဲ့ စပါးတို့ ခရစ်ရှန် အဲရစ်ဆန်ရဲ့ ၈၃ မိနစ်ဂိုးနဲ့ အနိုင် ၃ မှတ် ရခဲ့ပါတယ်။ မန်စီးတီးနည်းပြ ပယ်လီဂရီနီကတော့ ၂ ပွဲဆက်အရှုံးဟာ တော်တော်လေးလွန်ပေမယ့် မျှော်လင့်ချက်ကို စွန့်လွှတ်သွားမှာမဟုတ်ဘူးလို့ ပွဲအပြီးမှာ ပြောကြားခဲ့ပါတယ်။

တန်းဆင်းဇုန်ထဲရောက်နေတဲ့ ဆန်းဒါးလန်းကတော့ မန်ယူကို တစ်ခါမှမနိုင်ဖူးတဲ့ မှတ်တမ်းကို အိမ်ကွင်းမှာ ချိုးဖျက်နိုင်ခဲ့ပါတယ်။ ၃ မိနစ်မှာပဲ ၀ါဟ်ဘီ ခါဇ်ရီရဲ့ သွင်းဂိုးနဲ့ ဦးဆောင်ခဲ့တဲ့ အိမ်ရှင်တို့ မန်ယူထက် ကစားပုံပိုကောင်းခဲ့တာပါ။ ၃၉ မိနစ်မှာ မန်ယူလူငယ်ကစားသမား အန်တိုနီ မာရှယ်က ချေပဂိုပြန်သွင်းနိုင်ခဲ့ပါတယ်။ ဒါပေမယ့် ဆန်းဒါးလန်းရဲ့ သွက်သွက်လက်လက်ကစားမှုကို မန်ယူတို့ မယှဉ်နိုင်ခဲ့ဘဲ ၈၂ မိနစ် ဂိုးသမား ဒီဂီယာရဲ့ ကိုယ့်ဂိုးကိုယ်သွင်းမှုကြောင့် အိမ်ရှင်တို့ အနိုင် ၃ မှတ်ရခဲ့ပါတယ်။ ဆန်းဒါးလန်းတိုက်စစ်ရဲ့ အပိုင် ဂိုးသွင်းခွင့် ၂ လုံးကိုသာ ဒီဂီယာ မကာကွယ်နိုင်ရင် ဒီထက်တောင်ပိုပြီး ဂိုးပြတ်သွားနိုင်ပါတယ်။ ဗန်ဂါးလ်ကတော့ အသင်းဟာ အဆင့် ၄ အတွင်းကို မ၀င်တော့ဘူးလို့ ၀န်ခံခဲ့ပါတယ်။

လီဗာပူးလ်ကလည်း စတားရစ်ဂ်ျပြန်လာမှုနဲ့အတူ ဇယားအောက်ခြေက အက်စတွန်ဗီလာကို ၆ ဂိုးပြတ်ခဲ့ပြီး ချယ်ဆီးကတော့ တန်းဆင်းဇုန်က နယူးကာဆယ်ကို ၅ ဂိုးပြတ်ခဲ့ပါတယ်။

ဒီတစ်ပတ်ပရီးမီးယားလိဂ် ရလဒ်တွေကတော့ အောက်ပါအတိုင်းဖြစ်ပါတယ်။

ဆန်းဒါးလန်း ၂-၁ မန်ယူ
ဘုန်းမောက် ၁-၃ စတုတ်
ခရစ္စတယ်ပဲလေ့စ် ၁-၂ ၀က်ဖို့ဒ်
အဲဗာတန် ၀-၁ ၀က်စ်ဘရွန်း
နော်ဝစ်ခ်ျ ၂-၂ ၀က်စ်ဟမ်း
ဆွမ်ဆီး ၀-၁ ဆောက်သက်တမ်
ချယ်ဆီး ၅-၁ နယူးကာဆယ်
အာဆင်နယ် ၂-၁ လက်စတာ
အက်စတွန်ဗီလာ ၀-၆ လီဗာပူးလ်
မန်စီးတီး ၁-၂ စပါး

သြဂုတ် ၁၂၊ ၂၀၁၅
M-Media

– ဆွမ်ဆီးနှင့် ပရီးမီးယားလိဂ်အဖွင့်ပွဲစဉ်တွင် မော်ရင်ဟိုနှင့် မကျေမလည်ဖြစ်ခဲ့သည့် ချယ်ဆီးအသင်း၏ ဆရာဝန်အမျိုးသမီး အီဗာ ကာနီရိုမှာ အသင်း၏ ပွဲစဉ်များတွင် ပါဝင်ခွင့်ရတော့မည်မဟုတ်ဟု သိရသည်။

၂ ဂိုးစီသရေကျခဲ့သည့် အဆိုပါပွဲတွင် ပွဲပြီးကာနီး၌ ကွင်းလယ်လူ အေဒင် ဟဇာ့ဒ် ဒဏ်ရာရရှိသွားချိန်တွင် ကာနီရိုနှင့် ဆေးအဖွဲ့မှာ ကွင်းထဲသို့ အလျင်အမြန် ၀င်ရောက်သွားခဲ့ပြီး ဟာဇာ့ဒ်အား အပြင်ခေါ်ထုတ်ကာ ဆေးကုသမှုများ ပြုလုပ်ပေးခဲ့သည်။

ထိုအချိန်တွင် ချယ်ဆီးမှာ ၁၀ ယောက်တည်းဖြင့် ၂ ဂိုးစီ သရေရလဒ်ကို ထိန်းကစားနေရချိန် ဖြစ်ပြီး ဟဇာ့ဒ်အား ကွင်းပြင်ထုတ်သွားမှုကြောင့် ၉ ယောက်ဖြစ်သွားသည့်အတွက် မော်ရင်ဟိုက ကာနီရို၏ လုပ်ရပ်ကို သဘောမတွေ့ခဲ့ဘဲ အပြန်အလှန် စကားများခဲ့ကြသည်။

“ကျွန်တော့်ရဲ့ ဆေးဘက်ဝန်ထမ်းတွေနဲ့ ပတ်သက်ပြီး ကျွန်တော် သဘောမတွေ့ပါဘူး။ ဘာ့ကြောင့်လည်းဆိုတော့ တကယ်လို့ ခင်ဗျားဟာ ကွင်းဘေးအရန်ခုံမှာနေရတဲ့ ဒေါက်တာ ဒါမှမဟုတ် အတွင်းရေးမှူးဖြစ်ရင် ပွဲရဲ့အနေအထားကို နားလည်ရမှာပါ။ ကစားသမားတစ်ယောက်လျော့နေတဲ့ နောက်ဆုံးမိနစ်မှာ ကစားသမားတစ်ယောက်ကို ကူညီဖို့ ကွင်းထဲဝင်သွားပြီဆိုရင် အဲဒီ ကစားသမားဟာ ဆိုးရွားတဲ့ ပြဿနာရှိနေတာ သေချာလားဆိုတာ ခင်ဗျား သိရမှာပါ” ဟု မော်ရင်ဟိုက ပြောကြားခဲ့သည်။

ထို့ပြင် ဟဇာ့ဒ်မှာ ဒဏ်ရာရခဲ့ခြင်းမဟုတ်ဘဲ မောပမ်းနွမ်းနယ်နေခြင်းသာ ဖြစ်ကြောင်း၊ မိမိ၏ ဆေးအဖွဲ့မှာ ကစားသမား ၈ ယောက်ဖြင့် မိမိအား သောကရောက်စေခဲ့ကြောင်း မော်ရင်ဟိုက ထပ်လောင်းပြောကြားခဲ့သည်။

ကာနီရိုမှာ အသင်း၏ ဆရာဝန်အဖြစ် ဆက်ရှိနေမည်ဖြစ်သော်လည်း မော်ရင်ဟိုက အသင်း၏ လေကျင့်ရေးကွင်း၊ အသင်းတည်းခိုမည့်ဟိုတယ်နှင့် အသင်းကစားသည့်ပွဲများတွင် ကာနီရို လာရောက်ခြင်းမပြုရန် တားမြစ်ခဲ့သည်။

မော်ရင်ဟိုနှင့် မကျေမလည်ဖြစ်ခဲ့သော်လည်း ချယ်ဆီးပရိတ်သတ်များက ဆိုရှယ်မီဒီယာများမှတစ်ဆင့် ကာနီရိုအား အားပေးခဲ့ကြသည်။

ကာနီရိုမှာ ၂၀၁၁ ခုနှစ် နည်းပြ ဗီလာဘိုအာ့စ်လက်ထက်တွင် ချယ်ဆီးအသင်းကြီး၏ ဆရာဝန်အဖြစ် ခန့်အပ်ခြင်းခံခဲ့ရပြီး ဒီမက်တီယို၊ ရာဖာဘင်နီတက်ဇ်နှင့် ယခု မော်ရင်ဟိုလက်ထက်အထိပါ ဆက်လက်တည်မြဲနေခဲ့သည်။

Ref: Dailymail