Tag: EPL

သြဂုတ် ၄၊ ၂၀၁၅
M-Media

– မန်ချက်စတာယူနိုက်တက်အသင်းက ခေါ်ယူလိုက်သည့် ကွင်းလယ်လူ ရှဝိုင်းစတိုင်ဂါ ကြံ့ခိုင်မှု မပြည့်ဝသည်မှာ ၂ နှစ်ခန့်ရှိနေပြီဟု အသင်းဟောင်း ဘိုင်းယန်မြူးနစ်နည်းပြ ဂွါဒီယိုလာက သတိပေး ပြောကြားလိုက်သည်။

ကစားသမားဘ၀ သက်တမ်းတစ်လျှောက်လုံးကို ဘိုင်ယန်၌ ကုန်ဆုံးခဲ့သည့် အသက် ၃၁ နှစ်အရွယ် ရှဝိုင်းစတိုင်ဂါမှာ ပေါင် ၁၂ သန်းဖြင့် ယခုနှစ်နွေရာသီတွင် မန်ယူသို့ ရောက်ရှိလာခြင်းဖြစ်သည်။ ၎င်းမှာ ပြီးခဲ့သည့် ရာသီများတွင် ဒဏ်ရာပြဿနာများဖြင့် ရုန်းကန်ခဲ့ရသူဖြစ်သည်။

ယမန်နှစ်တွင် ရှဝိုင်းစတိုင်ဂါမှာ ဘွန်ဒစ်လီဂါ၌ ဘိုင်ယန်အတွက် ၁၅ ပွဲသာ ပွဲထွက်ကစားသမားအဖြစ် ပါဝင်ကစားခွင့်ရခဲ့ပြီး ဘိုင်ယန်နည်းပြ ဂွာဒီယိုလာကမူ ၎င်း၏ ဒဏ်ရာအခြေအနေက စိုးရိမ်စရာဖြစ်သည်ဟု ဆိုသည်။

“ဒဏ်ရာပြဿနာ မရှိတဲ့အခါတွေဆိုရင် မန်ယူမှာ သူဟာ ကောင်းကောင်းကစားနိုင်မယ်လို့ ကျွန်တော် အပြည့်အ၀ ယုံကြည်ပါတယ်။ သူက ထိပ်တန်းကစားသမားတစ်ဦးပါ။ ကံမကောင်းအကြောင်းမလှစွာနဲ့ဘဲ ပြီးခဲ့တဲ့ ၂ နှစ်မှာ သူဟာ ဒဏ်ရာပြဿနာအချို့ ရှိခဲ့ပါတယ်။ သူဟာ အမြဲတမ်း ရာနှုန်းပြည် မကြံ့ခိုင်ပါဘူး” ဟု ဂွါဒီယိုလာက သတင်းထောက်များအား ပြောကြားခဲ့သည်။

၂၀၁၄ ကမ္ဘာ့ဖလားတွင် ဂျာမနီအသင်းနှင့် အောင်မြင်မှုရရှိခဲ့သည့် ရှဝိုင်းစတိုင်ဂါမှာ ပြိုင်ပွဲမတိုင်ခင်နှင့် ပြိုင်ပွဲအပြီးတွင် ကြံ့ခိုင်မှုအတွက် ရုန်းကန်ခဲ့ရပြီး၊ ကမ္ဘာ့ဖလားပြီးနောက်ပိုင်း လိဂ်ပြိုင်ပွဲများတွင်ပွဲ ၂၀ သာ ပါဝင်ကစားခွင့်ရခဲ့ကာ ချန်ပီယံလိဂ် ၁၂ ပွဲတွင်လည်း ၆ ပွဲတိတိ လွဲချော်ခဲ့သည်။

သို့သော်လည်း ဂွါဒီယိုလာကမူ ရှဝိုင်းစတိုင်ဂါမှာ မန်ယူတွင် ကစားပုံကောင်းလိမ့်မည်ဟု မျှော်လင့်ကြောင်း ထည့်သွင်းပြောကြားခဲ့သည်။ ရှဝိုင်းစတိုင်ဂါမှာ ၂၀၀၉ ခုနှစ်မှ ၂၀၁၁ ခုနှစ်အထိ ဘိုင်ယန်၌ နည်းပြဗန်းဂါးလ်နှင့် လက်တွဲဖူးသူလည်း ဖြစ်သည်။

Ref: Goal

သြဂုတ် ၁၊ ၂၀၁၅
M-Media

– ရာသီကြို စမ်းသပ်မှုများ ပြုလုပ်ခဲ့ပြီးနောက် လာမည့်ရာသီတွင် မိမိတို့မှာ ၄-၃-၃ ကစားကွက်ဖြင့် ကစားသွားမည်ဟု မန်ချက်စတာယူနိုက်တက်အသင်း၏ နည်းပြဖြစ်သူ လူးဝစ် ဗန်ဂါးလ်က ပြောကြားလိုက်သည်။

ပြီးခဲ့သည့်နှစ် ပထမရာသီဝက်တွင် ဗန်ဂါးလ်မှာ ၃-၅-၂ ပုံစံဖြင့် အသင်းအား အထိုင်ချခဲ့သော်လည်း အလုပ်မဖြစ်ခဲ့ပေ။ ချန်ပီယံလိဂ်တွင် တစ်နှစ်ကြာ လစ်လပ်ခဲ့ပြီးနောက် ပြန်လည်ရှင်ပြိုင်ခွင့်ရခဲ့သည့် ယခုနှစ်တွင် ခြေစစ်ပွဲအောင်မြင်ရေးအတွက် ဆိုးရွားသော ရာသီအစကို ဖြတ်ကျော်ရန် ဗန်ဂါးလ်မှာ ရာသီကြိုခြေစမ်းပွဲများတွင် ၎င်း၏ လူစာရင်းအား ပြောင်းလဲအသုံးပြုမှုများ ပြုလုပ်ခဲ့သည်။

အဆိုပါ ခြေစွမ်းပွဲများတွင် မန်ယူမှာ ကလပ်အမေရိကကို ၁ ဂိုး ဂိုးမရှိဖြင့်လည်းကောင်း ဘာစီလိုနာအသင်းအား ၃ ဂိုး ၁ ဂိုးဖြင့်လည်းကောင်း အနိုင်ရရှိခဲ့သော်လည်း ပီအက်စ်ဂျီအသင်းအား ၂ ဂိုးပြတ်ဖြင့် ရှုံးနိမ့်ခဲ့သည်။ ထို့နောက် ဗန်ဂါးလ်မှာ ၎င်း၏ နည်းစနစ်ဆိုင်ရာ အစီအစဉ်ကို ဆုံးဖြတ်ခဲ့သည်။

“ဘာပဲဖြစ်ဖြစ် ၄-၃-၃ ပါပဲ။ ပြီးခဲ့တဲ့နှစ်က ဒုတိယရာသီဝက်မှာ ကျွန်တော်တို့ ဒီပုံစံ ကစားခဲ့ပါတယ်။ ဒါဟာ ကျွန်တော်အသုံးပြုချင်တဲ့စနစ်လို့ ကျွန်တော် ပြောခဲ့ပါတယ်။ (ခြေစမ်းပွဲတွေမှာ) ကျွန်တော်တို့ရဲ့ ကိုယ်ပိုင်ပုံစံနဲ့ ကစားခဲ့သလို၊ ကျွန်တော်တို့ ကစားရမယ့် ပုံစံမျိုနဲ့လည်း ကစားခဲ့ပါတယ်။ အဲဒီအတွက်လည်း ကျွန်တော် ကျေနပ်ခဲ့ပါတယ်” ဟု ဗန်ဂါးလ်က မန်ယူအသင်း၏ ၀ဘ်ဆိုက်သို့ ပြောကြားခဲ့သည်။

ထို့ပြင် တစ်ခါတစ်ရံတွင် ကွယ်းလယ်ကစားသမားက တိုက်စစ်မှူး၏ အရှေ့ရောက်နေသည်မှာ မကောင်းကြောင်း၊ မိမိတို့၏ တိုက်စစ်မှာ ပြိုက်ဘက်များအပေါ် မူတည်သွားမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

Ref: Goal