နိုဝင်ဘာ ၁၉၊ ၂၀၁၇
M-Media
– ဒီမိုကရေစီတက်ကြွလှုပ်ရှားသူတစ်ယောက်အဖြစ် ရှိနေချိန် ဒေါ်အောင်ဆန်းစုကြည်ကို ချီးမြှင့်ထားတဲ့ ဂုဏ်ပြုဆုတံဆိပ်တွေကို ရုပ်သိမ်းရေးအတွက် ယူကေက တက်ကြွလှုပ်ရှားသူ ကျောင်းသားတွေက လုပ်ဆောင်နေကြပြီး ရိုဟင်ဂျာပြဿနာအပေါ် သူမက နှုတ်ဆိတ်နေတယ်ဆိုတဲ့ စွဲချက်ရဲ့ နောက်ဆက်တွဲတွေလည်း ဖြစ်ပါတယ်။
ပြီးခဲ့တဲ့တစ်ပတ်မှာ လန်ဒန်စီးပွားရေးတက္ကသိုလ် (LSE) က ကျောင်းသားတွေဟာ ၁၉၉၂ ခုနှစ်မှာ သူတို့ရဲ့ ကျောင်းသားသမဂ္ဂက ဒေါ်အောင်ဆန်းစုကြည်ကို ချီးမြှင့်ထားတဲ့ ဂုဏ်ထူးဆောင်ဥက္ကဌဆိုတဲ့ ရာထူးကနေ ဖယ်ရှားဖို့ မဲပေးခဲ့ကြပြီး ဆုံးဖြတ်ချက်ကို ချက်ခြင်းသက်ရောက်စေခဲ့ပါတယ်။
မဲပေးပြီးနောက် ထုတ်ပြန်တဲ့ကြေငြာချက်မှာ ကျောင်းသားသမဂ္ဂက ဒီဆောင်ရွက်မှုဟာ ‘ဒေါ်အောင်ဆန်းစုကြည်ရဲ့ လက်ရှိအနေအထား၊ လူမျိုးတုန်းသတ်ဖြတ်မှုအပေါ် နှုတ်ဆိတ်နေမှုကို မိမိတို့က ပြင်းပြင်းထန်ထန်ဆန့်ကျင်တဲ့ လက္ခဏာတစ်ခု ဖြစ်တယ်’ လို့ ဖော်ပြထားပါတယ်။
LSE ကျောင်းသားသမဂ္ဂဥက္ကဌ မဟာသီရ် ပက်စ်ဟာက မိမိတို့အဖွဲ့ဟာ ‘နိုင်ငံရေးတိုးတက်မှုကို အားပေးရာမှာနဲ့ တရားမဲ့မှုအပေါ် ဆန့်ကျင်ရာမှာ ရှည်ကြာတဲ့ ဂုဏ်ယူစရာသမိုင်းရှိတယ်’ လို့ ပြောကြားခဲ့ပါတယ်။
“ရက်ရက်စက်စက် ဖိနှိပ်ချုပ်ချယ်ခံရတဲ့ ရိုဟင်ဂျာပြည်သူတွေနဲ့ LSE ကျောင်းသားတွေက တစ်သားတည်းရှိတယ်ဆိုတာ ကမ္ဘာကြီးကို ရှင်းရှင်းလင်းလင်း ပြသလိုက်တာပါ” လို့ ပက်စ်ဟာက ဆိုပါတယ်။
စစ်အာရှင်စနစ်အပေါ် ဒေါ်အောင်ဆန်းစုကြည် ဦးဆောင်ကာ ၁၀ စုနှစ်များစွာ ဆန့်ကျင်လာမှုဟာ ၂၀၁၅ ခုနှစ် ရွေးကောက်ပွဲမှာ သောင်ပြိုကမ်းပြိုအနိုင်ရတဲ့အချိန်မှာ အထွပ်အထိပ်ကို ရောက်ခဲ့ပါတယ်။
အဲဒီ ဆန့်ကျင်မှုကာလတစ်လျှောက်မှာ ဒေါ်အောင်ဆန်းစုကြည်ဟာ နိုင်ငံတကာရဲ့ ချီးကျူးမှုနဲ့ ကမ္ဘာတစ်ဝှမ်းက ဆုတံဆိပ်တွေကို ရရှိခဲ့ပြီး အမြင့်ဆုံးက ၁၉၉၁ ခုနှစ်မှာ နိုဘယ်ငြိမ်းချမ်းရေးဆု ရရှိခဲ့တာပါ။
ဒါပေမယ့် တစ်ချိန်က ဒေါ်အောင်ဆန်းစုကြည်ကို ထောက်ခံအားပေးကြသူတွဟာ ရခိုင်ပြည်နယ်က ရိုဟင်ဂျာမွတ်စလင်တွေအပေါ် မြန်မာစစ်တပ်က ပြုလုပ်နေတဲ့ ကိစ္စတွေနဲ့ပတ်သက်ပြီး သူမရဲ့ နှုတ်ဆိတ်နေမှုကို မကျေနိုင်မချမ်းနိုင် ဖြစ်နေကြပါတယ်။ ကုလကတော့ မြန်မာစစ်တပ်ရဲ့ လုပ်ရပ်ဟာ ‘လူမျိုးစုလိုက်သုတ်သင်မှု ပုံစံ’ ဖြစ်နေတယ်လို့ ရှုတ်ချပြောကြားခဲ့ပါတယ်။
သြဂုတ်လကစပြီး ရိုဟင်ဂျာလက်နက်ကိုင်အဖွဲ့ကို ပစ်မှတ်ထားတယ်လို့ဆိုတဲ့ မြန်မာစစ်တပ်ရဲ့ စစ်ဆင်ရေးအတွင်းမှာ ရိုဟင်ဂျာ ၆ သိန်းကျော်လောက် ဘင်္ဂလားဒေ့ရ်ှနိုင်ငံဖက်ကို ထွက်ပြေးခဲ့ရပါတယ်။
ဂျာနယ်လစ်တွေနဲ့ လူ့အခွင့်အရေးအဖွဲ့တွေက မြန်မာစစ်တပ်ဟာ အဓမ္မကျင့်တာ၊ သတ်ဖြတ်တာ၊ နေအိမ် ဖျက်ဆီးမီးရှို့တာတွေကို ကျယ်ကျယ်ပြန့်ပြန့် လုပ်ဆောင်တယ်ဆိုတဲ့ အထောက်အထားတွေကို ရရှိခဲ့ကြပေမယ့် ဒေါ်အောင်ဆန်းစုကြည်ကတော့ ဒီရက်စက်ကြမ်းကြုတ်မှုတွေကို အသိအမှတ်မပြုသေးဘဲ၊ စစ်တပ်ကိုလည်း ရှုတ်ချမှု မလုပ်သေးပါဘူး။
ဒေါ်အောင်ဆန်းစုကြည်ရဲ့ ဂုဏ်ထူးဆောင်ဘွဲ့တွေကို ရုပ်သိမ်းမှုဟာ LSE တစ်ခုတည်းမဟုတ်ပါဘူး။ သူမတက်ခဲ့တဲ့ အောက်စဖို့ဒ်တက္ကသိုလ်က တက်ကြွလှုပ်ရှားသူတွေကလည်း သူမအပေါ် ဂုဏ်ပြုမှုကို ရုပ်သိမ်းခဲ့ပါတယ်။
အောက်တိုဘာလအတွင်းမှာ အောက်စဖို့ဒ်တက္ကသိုလ် စိန့်ဟုဂ်ျကောလိပ်က ကျောင်းသားတွေဟာ သူတို့ရဲ့ ဧည့်ခန်းဆောင်က ဒေါ်အောင်ဆန်းစုကြည်ရဲ့ပုံတူပန်းချီကားကို ဖြုတ်ချခဲ့ပြီး စက်တင်ဘာလကလည်း ပြခန်းထဲက သူမရဲ့ ရုပ်ပုံကို ဖယ်ရှားခဲ့ပါတယ်။
အသက် ၇၂ နှစ်အရွယ် ဒေါ်အောင်ဆန်းစုကြည်ဟာ ၁၉၆၄ ခုနှစ်ကနေ ၁၉၆၇ ခုနှစ်အထိ အဲဒီကောလိပ်မှာ ပညာဆည်းပူးခဲ့ပြီး အကျော်ကြားဆုံး ကျောင်းသားဟောင်းတွေထဲက တစ်ဦးအဖြစ် မှတ်ယူခံခဲ့ရတာ ဖြစ်ပါတယ်။
စိန့်ဟုဂ်ျကောလိပ်က အင်ဂျင်နီယာကျောင်းသား အက်ဖ်နာဖီ ရဟ်မန်းက သူနဲ့ ကောလိပ်က အခြားကျောင်းသားတွေအနေနဲ့ ဒေါ်အောင်ဆန်းစုကြည်ဟာ စစ်တပ်အပေါ် အာဏာမရှိဘူးဆိုတဲ့ ဆင်ခြေကို လက်မခံဘူးလို့ ဆိုပါတယ်။
“ဒီမိုကရေစီ၊ လူ့အခွင့်အရေး၊ တန်းတူညီရေး စတာတွေအပေါ် သူမရဲ့ ရပ်တည်ခဲ့မှုကြောင့် နိုင်ငံတကာရဲ့ ချီးမြှောက်မှုကို သူမ ရရှိခဲ့တာပါ။ ပြီးတော့ သူမဟာ လူ့အခွင့်အရေးအတွက် ဦးဆောင်ဦးရွက်ပြုသူအဖြစ်လည်း မှတ်ယူခံခဲ့ရပါတယ်။ ဒါပေမယ့် အခုအချိန်မှာ သူမဟာ ပြောင်းလဲသွားပါပြီ။ နှုတ်ဆိတ်တာထက် ကြံရာပါဖြစ်နေတာမျိုးပါ။ ပြဿနာတွေ ဆက်ဖြစ်နေတယ်ဆိုတာကို သူမက ငြင်းဆန်နေတာမျိုးပါ” လို့ ရဟ်မန်းက ပြောပါတယ်။
ကျောင်းသားတွေထဲက တက်ကြွလှုပ်ရှားသူတွေဟာ ဧည့်ခန်းဆောင်က ဒေါ်အောင်ဆန်းစုကြည်ရဲ့ ပန်းချီကားဖြုတ်ချမှုမှာ အဓိကအခန်းကဏ္ဍကနေ ပါဝင်ခဲ့ပြီး ရိုဟင်ဂျာပြဿနာမှာ ဒေါ်အောင်ဆန်းစုကြည်ရဲ့ ‘ကြံရာပါဖြစ်နေမှု၊ နှုတ်ဆိတ်နေမှု’ ကို ရှုတ်ချတဲ့ စာတစ်စောင်ရေးပို့ရေး ကျောင်းအုပ်ကို တောင်းဆိုထားတယ်လို့လည်း ဆိုပါတယ်။
ကောလိပ်တာဝန်ရှိသူတွေကတော့ အလ်ဂျာဇီးရားသတင်းဌာနရဲ့ မေးမြန်းမှုကို မဖြေခဲ့ပါဘူး။
လန်ဒန်က Queen Mary တက္ကသိုလ်ရဲ့ International State Crime Initiative ဌာနက သုတေသနပညာရှင် ဒေါက်တာ သောမတ်စ် မက်မန်နက်စ်က တက္ကသိုလ်တွေမှာ ဒီလိုလှုပ်ရှားမှုတွေဟာ ထိရောက်ပြီး၊ တာသွားတဲ့ ဆောင်ရွက်မှုမျိုးဖြစ်တယ်လို့ ဆိုပါတယ်။
“အနောက်တိုင်းအစိုးရတွေဟာ အရေးယူဖို့၊ လူမျိုးတုန်းသတ်ဖြတ်မှုဆိုတာကို ဖွင့်ဟပြောဖို့ တွန့်ဆုတ်နေတယ်။ ပညာရေးအဖွဲ့အစည်းတွေနဲ့ ကျောင်းသားသမဂ္ဂတွေက ဒီကိစ္စအတွက် သူတို့ရဲ့ အစိုးရတွေကို ဖိအားပေးနိုင်ပါတယ်”
နောက်ပြီး မြန်မာပညာရေးအဖွဲ့အစည်းတွေကို သပိတ်မှောက်တာ၊ မြန်မာနိုင်ငံအတွင်းက ရိုဟင်ဂျာဆန့်ကျင်ရေးနဲ့ မွတ်စလင်မုန်းတီးရေး စကားတွေ ကျယ်ကျယ်ပြန့်ပြန့်ထွက်ပေါ်နေတာကို ရှုတ်ချရေး၊ ဒါတွေကိုနားလည်ရေး မြန်မာနိုင်ငံလုံးဆိုင်ရာ ကျောင်းသားမဂ္ဂ ပညာရှင်တွေနဲ့ အကြီးတန်းအဖွဲ့ဝင်တွေကို သတင်းစကားပါးတာတွေနဲ့ မြန်မာအစိုးရအပေါ် ဖိအားပေးနိုင်တယ်လို့လည်း သူက ဆိုပါတယ်။
ပညာရေးနယ်ပယ်ကိုကျော်လွန်
ဒီကိစ္စဟာ လက်ရှိမှာ ပညာရေးအသင်းအဖွဲ့တွေကိုပါ ကျော်လွန်သွားပြီး အောက်စဖို့ဒ် မြို့တော်ကောင်စီက ဒေါ်အောင်ဆန်းစုကြည်ကို ချီးမြှင့်ထားတဲ့ Freedom of the City ဆုကို အောက်တိုဘာလမှာ ရုပ်သိမ်းခဲ့ပါတယ်။
“မြို့တော်ကောင်စီက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ထံ စာတစ်စောင်ရေးသားပေးပို့ကာ သူမရဲ့နိုင်ငံက လူမျိုးစုလိုက် သုတ်သင်မှုကိစ္စကို ဆန့်ကျင်ဖို့နဲ့ ဒီကိစ္စကိုတားဆီးရေး သူမ တတ်နိုင်သလောက်ဆောင်ရွက်ဖို့ တောင်းဆိုခဲ့ပါတယ်။ သူမရဲ့ထံကနေ လက်ခံနိုင်လောက်တဲ့ တုန့်ပြ
န်မှုမျိုး မရတဲ့အခါ ဒေါ်အောင်ဆန်းစုကြည်ဟာ Freedom of the City ဆုကို ဆက်လက်ပိုင်ဆိုင်ဖို့ မသင့်လျော်တော့ဘူးလို့ ကောင်စီက ၀မ်းနည်းစွာနဲ့ ယုံကြည်လက်ခံလိုက်ရပါတယ်” လို့ အောက်စဖို့ဒ်မြို့တော်ကောင်စီရဲ့ ကြေငြာချက်မှာ ဖော်ပြထားပါတယ်။
စကော့တလန်က ဂလက်စဂိုနဲ့ အေဒင်ဘာ့ဂ်မြို့တွေ အပါအ၀င် ယူကေက အခြားအာဏာပိုင်တွေကလည်း ဒီလိုမျိုး လုပ်လာတာ၊ လုပ်ဖို့ စိုင်းပြင်းလာကြတာတွေ ရှိနေပါတယ်။
ဗြိတိန်မှာ အကြီးဆုံးသမဂ္ဂတွေထဲက တစ်ခုဖြစ်တဲ့ Unison ဟာ မြန်မာနိုင်ငံက ပြဿနာနဲ့ပတ်သက်ပြီး ဒေါ်အောင်ဆန်းစုကြည်ရဲ့ ဂုဏ်ထူးဆောင်အဖွဲ့ဝင်ရာထူးကို ရပ်ဆိုင်းခဲ့ပါတယ်။
ပက်စ်ဟာနဲ့ LSE က အခြားကျောင်းသားတွေက အခြားသော အဖွဲ့တွေဟာ သူတို့လိုပဲ ဒေါ်အောင်ဆန်းစုကြည်ကို ပေးထားတဲ့ ဘွဲ့ထူးဂုဏ်ထူးတွေကို ရုပ်သိမ်းပေးဖို့ အချိန်တန်ပြီလို ပြောကြားခဲ့ပါတယ်။
“အထူးသဖြင့် နိုဘယ်ကော်မတီလို ဒေါ်အောင်ဆန်းစုကြည်ကို ဒီလိုဆုတွေ ပေးထားတဲ့ အခြားအသင်းအဖွဲ့တွေအနေနဲ့ သူမဟာ ဒီဆုတွေနဲ့ မထိုက်တန်တာကြောင့် ကျွန်တော်တို့လိုပဲ ချက်ချင်းရုပ်သိမ်းဖို့ တိုက်တွန်းပါတယ်” လို့ ပက်စဟာက ဆိုပါတယ်။
Ref: Aljazeera
(Aljazeera သတင်းဌာနတွင် ဖော်ပြထားသည့် Aung San Suu Kyi honours revoked amid Rohingya backlash ဆောင်းပါးကို လေးမောင်က ဆီလျော်အာင် ဘာသာပြန်ဆိုသည်။)
