ဖေဖော်ဝါရီ ၁၇၊ ၂၀၁၈
M-Media
– ဘောလုံးကို စွဲလမ်းနှစ်ခြိုက်တဲ့ ဂယ်ရီ ကလစ်ဖီဟာ ဗြိတိသျှ ထိပ်တန်းလူငယ်နည်းပြဖြစ်ကာ မန်စီးတီးအသင်းနဲ့ ချိတ်ထားတဲ့ ဘယ်ရီ ဘန်နဲလ်ဆီကို ရောက်တဲ့အချိန် အသက် ၁၁ နှစ်အရွယ်သာ ရှိသေးပြီး အဲဒီအချိန်ကတည်းက လိင်ပိုင်းဆိုင်ရာ စော်ကားခံခဲ့ရပါတယ်။
ဒါပေမယ့် ကလစ်ဖီတစ်ယောက် ဆယ်စုနှစ်များစွာ ကြာတဲ့အထိ ဘန်နဲလ်နဲ့ပတ်သက်တဲ့ ဒီအကြောင်းကို လူသိရှင်ကြား ထုတ်ဖော်ပြောဆိုခြင်း မရှိခဲ့ပါဘူး။
“မန်ချက်စတာစီးတီးဘောလုံးအသင်းက သူ့(ဘန်နဲလ်)ဆီမှာ သင်ကြားမှုခံယူရတယ်ဆိုတာ ရည်မှန်းချက်ပန်းတိုင်းကို ကြိုးစားတက်လှမ်ဖို့ မဟာအခွင့်အရးကြီးပါ” လို့ အလ်ဂျာဇီးရား သတင်းဌာနနဲ့ ပထမဆုံးအင်တာဗျူးမှာ သူက ပြောကြားခဲ့ပါတယ်။
အသက် ၁၄ နှစ်အရွယ် ၁၉၈၄ ခုနှစ်မှာ ကလစ်ဖီဟာ မန်ချက်စတာစီးတီးနဲ့ လက်မှတ်ရေးထိုးခဲ့ပါတယ်။
အဲဒီအချိန်တုန်းက အသင်းကြီးတွေမှာ လူငယ်အသင်း မရှိသေးပါဘူ။ ဒါ့ကြောင့် ဘန်နဲလ်လို လူငယ်ကင်းထောက်တွေကို အပျော်တမ်းအသင်းတွေ ဖွဲ့စည်းဖို့ ခန့်ထားလေ့ရှိပြီး အဲဒီအထဲက အကောင်းဆုံးတွေကို ရွေးထုတ်တာ ဖြစ်ပါတယ်။
ပွဲမကစားခင် ကစားသမားတွေကို ဘန်နဲလ်က သူ့အိမ်မှာ လာနေခိုင်းပြီး ကိုယ့်အလုပ်ကို စိတ်နှစ်မြှုပ်ထားတဲ့ ကစားသမားတွေအဖြစ် သူတို့ကို ဘန်နဲလ်က ချီးကျူးလေ့ရှိပါတယ်။
“မီးမှိတ်လိုက်မယ်။ ဧည့်ခန်းမှာထိုင်နေတဲ့ ကျွန်တော်တို့ ၃၊ ၄ ယောက်အပေါ် အိပ်ရာခင်းတစ်ခု အုပ်လိုက်မယ်။ တစ်ယောက်ယောက်ကို သူ စပြီး ထိတွေ့တော့မယ်ဆိုတာ ကျွန်တော်တို့သိလိုက်ပြီ။ သူ့လက်က စွပ်ကျယ်အောက်ပိုင်းကနေ ဘောင်းဘီထဲအထိ ရောက်လာပါတယ်” လို့ ကလစ်ဖီက ပြောပါတယ်။
ကလစ်ဖီဟာ အဲဒီလို လိင်စော်ကားမှုကို ၄ နှစ်လောက် ကြံ့ကြံ့ခံခဲ့ရပြီး အဓမ္မကျင့်ဖို့ ကြိုးစားမှုအထိ ရှိခဲ့ပါတယ်။ ဒါပေမယ့် ဒါနဲ့ပတ်သက်လို့ သူက ဘယ်သူ့ကိုမှ မပြောခဲ့ပါဘူး။
ကြောက်ရွံ့ပြီး၊ စိတ်ဒဏ်ရာ ရရှိနေတာကြောင့် ဘန်နဲလ်က သူ့အပေါ် ဒီလိုလုပ်တာကိုလည်း ဂျူနီယာကစား သမားတွေကို မပြောဖြစ်ခဲ့ပါဘူး။
“ဒီအတွက် ကျွန်တော်ဟာ အပြစ်ရှိတယ်လို့ နှစ်ပေါင်းများစွာ ခံစားခဲ့ရပါတယ်။ စီနီယာတစ်ယောက်အနေနဲ့ တစ်ခုခုတော့ ပြောခဲ့သင့်တာပေါ့လေ။ တစ်ကယ်တော့ ကျွန်တော့်မှာ ပြောစရာ စကားလုံး မရှိတာပါ။ ဒီကိစ္စနဲ့ ပတ်သက်ပြီး ဘယ်သူမှလည်း မပြောကြဘူး။ ကျွန်တော်တို့က ဖုံးထားခဲ့ကြတာပါ”
အခုအချိန်မှာ လူလတ်ပိုင်းအရွယ်ရောက်နေတဲ့ ကလစ်ဖီဟာ အလ်ဂျာဇီးရားသတင်းဌာနနဲ့ အင်တာဗျူးမှာ ဒီကိစ္စကို လူသိရှင်ကြား ထုတ်ဖော်ပြောဆိုခဲ့ပါတယ်။
လိင်ကျူးလွန်သူတွေ၊ ကျူးလွန်ခံရသူတွေကို ကုသပေးခဲ့တဲ့ စိတ်ရောဂါဆရာဝန် စတီဗ်လိုဝီက ငယ်ငယ်ရွယ်ရွယ်မှာ လိင်အစော်ကားခံရတဲ့သူတွေ ဒီကိစ္စကို ၁၀ စုနှစ်နဲ့ချီ ကြာပြီးနောက်ပိုင်းမှ ထုတ်ပြောတာဟာ ဖြစ်နေကျကိစ္စလို့ ဆိုပါတယ်။
“အသက် ၄၀ ကျော်၊ ၅၀ လောက်ရောက်ရင် လူတွေက ပြန်လည်သုံးသပ်သာတွေ လုပ်လေ့ ရှိပါတယ်။ ကိုယ့်ရဲ့ ဘ၀နဲ့ ကမ္ဘာကြီးကို ပြန်ကြည့်ကြတာပါ။ ကိုယ့်ကိုကိုယ် ယုံကြည်မှု ပိုရှိတဲ့သူတွေဟာ တစ်ခုခုကို ထုတ်ပြောနိုင်ကြပါတယ်” လို့ သူက ပြောပါတယ်။
ကျူးလွန်ခံရသူတွေဟာ စောစောစီးစီးထုတ်ပြောဖို့ စိတ်ပိုင်းဆိုင်ရာ အဆင်သင့်ဖြစ်နေပေမယ့် သူတို့မိဘတွေ စိတ်မကောင်းဖြစ်မှာကို ရှောင်ရှားလိုတဲ့အတွက် ဆယ်စုနှစ်ချီ ထိန်းထားတဲ့ အခြေအနေမျိုးတွေလည်း ရှိတယ်လို့ လိုဝီက ထည့်သွင်းပြောဆိုခဲ့ပါတယ်။
ဘန်နဲလ်ရဲ့ကျူးလွန်မှုကို ခံခဲ့ရသူ အခြားတစ်ယောက်ကတော့ ဒီဇာတ်လမ်းကို လူသိရှင်ကြား မပြောလိုတဲ့အတွက် အမည်မဖော်ချင်ဘူးလို့ ဆိုပါတယ်။ သူက ‘ကလေးတွေအပေါ် ကာမစိတ်တိမ်းညွှတ်သူတစ်ယောက်လက်ထဲ ထည့်လိုက်ရလေခြင်း’ ဆိုပြီး မိဘတွေ ခံစားရမှာကို နားလည်တဲ့အတွက် ဒီကိစ္စကို ထုတ်ဖော်မြေ
ပာခဲ့တာဖြစ်ကြောင်း၊ အဲဒီအတွက်လညး ‘အပြစ်ရှိတယ်’ လို့ ခံစားရကြောင်း ပြောကြားခဲ့ပါတယ်။
ဒီလိုကိစ္စမျိုး ကြုံတွေ့ရသူ နောက်တစ်ယောက်ကို အလ်ဂျာဇီးရားသတင်းဌာနက အင်တာဗျူးမှာ “အဖေ့မျက်လုံးထဲမှာ နာကျင်မှုတွေကို ကျွန်တော် မမြင်ချင်ပါဘူး။ ၃၅ နှစ်ကြာပြီးတဲ့နောက်ပိုင်းမှာ အဖေနဲ့ ဒီကိစ္စကို ဆွေးနွးခဲ့ပြီး ကျွန်တော်တို့နှစ်ယောက်စလုံး တော်တ်ာလေး မသင့်မတင့် ဖြစ်ခဲ့ပါတယ်” လို့ ဖွင့်ဟခဲ့ပါတယ်။
ကျူးလွန်ခံရသူတွေဟာ သတ်လတ်ပိုင်းကို ရောက်လာလို့ ဒီကိစ္စနဲ့ပတ်သက်ပြီး ထုတ်ဖော်ပြောဆိုဖို့အတွက် ယုံကြည်မှုမရှိဘူးဆိုရင် မိမိကိုယ်ကို သတ်သေဖို့ အတွေးမျိုး၊ ကြိုးပမ်းမှုမျိုး ရှိလာတတ်ပါတယ်။ ဒါပေမယ့် ဒီကြိုးပမ်းမှု ဖြစ်စေတဲ့ အကြောင်းအရင်းအများကြီးထဲမှာ လိင်ပိုင်းဆိုင်ရာ စော်ကားခံရမှုက အကြောင်းအချက်တစ်ခုလောက်သာ ဖြစ်ပါတယ်။
လိုဝီက အရက်နဲ့ အခြားပစ္စည်းတွေကို အသုံးပြုကာ မုန်းတီးမှု၊ ဒေါထွက်မှု၊ ၀မ်းနည်းမှုတွေကို ချုပ်တည်းရင်း မတတ်နိုင်တော့တဲ့အဆုံးမှာ ဒီလို သတ်သေဖို့ ဆုံးဖြတ်ချက်မျိုး ပေါ်လာတတ်တယ်လို့ ပြောကြားခဲ့ပါတယ်။
” ‘ငါခံစားခဲ့ရတာတွေကို မထိန်းချုပ်နိုင်တော့ဘူး၊ မကျော်လွှားနိုင်တော့ဘူး’ ဆိုတဲ့ ကြောက်မက်ဖွယ်ရာ စိတ်ခံစားမှုကနေ လွတ်မြောက်ဖို့အတွက် ကိုယ့်ကိုကိုယ် သတ်သေမှုဟာ အဆုံးစွန်ဆုံး နည်းလမ်းပါ”
ဘာဖြစ်လို့ အားလုံး နှုတ်ဆိတ်နေတာလဲ
ဘန်နဲလ်ရဲ့ လိင်ကျူးလွန်မှုကို ခံစားခဲ့ရတဲ့ မာ့ခ် ဟာဇဲလ်ဒိုင်း ဆိုသူဟာ အသက် ၃၆ နှစ်အရွယ် ၂၀၀၆ ခုနှစ် ဖေဖော်ဝါရီလမှာ သေကြောင်းကြံသွားခဲ့ပါတယ်။
မသေခင် သူဟာ သူ့အိမ်ကနေ သိပ်မဝေးတဲ့ မန်ချက်စတာ လေဆိပ်ကို သွားရောက်ပြီး Radisson ဟိုတယ်မှာ အခန်း ဘိုကင်လုပ်ခဲ့ပါတယ်။
“သူ့ခေါင်းထဲက ကိစ္စတစ်ချို့ကို ထုတ်ပစ်ဖို့အတွက် ဒီဟိုတယ်မှာ ရက်အနည်းငယ်လောက် သွားနေမယ်လို့ သူပြောပါတယ်။ ဒါက သူ့စကားပေါ့ရှင်” လို့ မာ့ခ်ရဲ့မိခင် မာဂရက် ဟာဇဲလ်ဒိုင်းက အလ်ဂျာဇီးရား သတင်းဌာနကို ပြောကြားခဲ့ပါတယ်။
မာ့ခ်ဟာ ဟိုတယ်အခန်းထဲမှာ ကြိုးဆွဲချ သေဆုံးသွားခဲ့တာပါ။
ဟာဇဲလ်ဒိုင်း သေကြောင်းကြံဖို့အထိ ဖြစ်ရတဲ့ အကြောင်းအရင်းကို နားလည်ဖို့အတွက် သူ့မိသားစုဟာ ဆယ်စုနှစ်တစ်ခုလောက် ကြိုးစားခဲ့ရပါတယ်။ ၂၀၁၆ ခုနှစ် နိုဝင်ဘာလက ဘန်နဲလ် အဖမ်းခံရပြီးတဲ့နောက်ပိုင်း ဒီကိစ္စနဲ့ ပတ်သက်လို့ သူတို့ သဲလွန်စ ရခဲ့ပါတယ်။
“မာ့ခ်က သူနဲ့ထွက်ထွက်သွားတဲ့အချိန်မှာ တစ်ခုခုများ ဖြစ်ခဲ့လားဆိုတဲ့အတွေး ကျွန်မခေါင်းထဲ ချက်ခြင်း ၀င်လာတယ်။ ကျွန်မ မူးမေ့လဲကျသွားတာ” လို့ မာဂရတ်က ပြောကြားခဲ့ပါတယ်။
မာ့ခ် အသက် ၁၂ နှစ်အရွယ်မှာ ဘန်နဲလ်က စပိန်ကို ဘောလုံးခရီးစဉ်တစ်ခုအတွက် ခေါ်သွားတာကိုလည်း သူမ သတိရလာပါတယ်။
“အဲဒီခရီးသွားပြီး ပြန်လာတော့ သားဟာ လုံးဝ ပြောင်းလဲသွားပါတယ်။ အရင်က တစ်ခါမှ ရန်မဖြစ်ဘူးတဲ့သူဟာ ဒီခရီးက ပြန်လာပြီးတဲ့နောက် တော်တော့်ကို ရန်လိုသူတစ်ယောက် ဖြစ်လာတယ်။ ပုံပြောင်းထုလိုက်တဲ့အတိုင်းလုံးဝ ပြောင်းလဲသွားတာပါ”
အရွယ်ရောက်လာတဲ့အခါမှာ ဟာဇဲလ်ဒိုင်းဟာ အရက်၊ မူးယစ်ဆေး စွဲသွားပြီး၊ ကြမ်းတမ်းသူတစ်ယောက် ဖြစ်လာခဲ့ပါတယ်။
ဒါဟာ လိင်ပိုင်းဆိုင်ရာစော်ကားမှု စိတ်ဒဏ်ရာကို ကြိတ်ပြီး ဖြေရှင်းရတဲ့သူတွေမှာ တွေ့ရလေ့ရှိတာမျိုး ဖြစ်တယ်လို့ လိုဝီက ပြောပါတယ်။
“မာ့ခ်ဟာ အကြိမ်ကြိမ် အဓမ္မပြုကျင့်ခဲ့ရပြီး နှစ်ပေါင်းများစွာ ကြာတဲ့အခါ ဒီစိတ်ဒဏ်ရာကို မကျော်လွှားနိုင်တော့ဘဲ သေကြောင်းကြံ အဆုံးသတ်သွားတာဖြစ်တယ်လို့ ကျွန်တော် ယုံကြည်ပါတယ်။ ၁၁ နှစ်လောက် လောကငရဲထဲမှာ သူနေခဲ့ရတာပါ။ မာ့ခ် ဘာ့ကြောင့် သတ်သေသွားလဲဆိုတာကိုလည်း ကျွန်တော် ကောင်းကော
င်းသိပါတယ်။ (ဘန်နဲလ်ကို) ဖမ်းဆီးလိုက်တာက ကျွန်တော့်ကို အထောက်အကူ ဖြစ်စေခဲ့ပြီး ဆက်စပ်လို့ ရသွားပါတယ်”
မာဂရက် ဟာဇဲလ်ဒိုင်းက ဘန်နဲလ်တစ်ယောက်တည်းကိုသာ အပြစ်ပုံမချပါဘူး။
“ဒီကိစ္စတွေကို ဆက်ဖြစ်အောင် လစ်လျူရှုထားတဲ့ ကလပ်မှာရှိတဲ့ လူတွေအားလုံးကို ကျွန်မ ဒေါသဖြစ်ပါတယ်”
လွန်ခဲ့တဲ့ နှစ် ၂၀ က အမေရိကန်ပြည်ထောင်စု ဖလော်ရီဒါပြည်နယ်မှာ ထောင်ချခံရပြီးနောက်ပိုင်း ဘန်နဲလ်ရဲ့ ကျူးလွန်မှုတွေ ပေါ်လာတာ ဖြစ်ပါတယ်။
၁၉၉၄ ခုနှစ်ဟာ သူဟာ ယူကေက အပျော်တမ်း ဘောလုံးအသင်းတွေကို အမေရိကန်ခေါ်သွားခဲ့ပြီး အဲဒီမှာ အသက် ၁၃ နှစ်အရွယ် ကောင်လေးတစ်ယောက်ကို အဓမ္မကျင့်ခဲ့ပါတယ်။
နောက်တစ်နှစ်အကြာမှာ ဘန်နဲလ်ဟာ အမေရိကန်မှာ ထောင် ၄ နှစ် ကျပါတယ်။ နောက်ပိုင်း အမေရိကန်က သူ့ကို ယူကေထံ လွှဲပြောင်းပေးခဲ့ပါတယ်။
မကြာသေးခင်က ထုတ်ပြန်တဲ့ ၁၉၉၈ ခုနှစ် တရားရုံးမှတ်တမ်းတွေအရ ကလေးငယ် ၂၃ ယောက်ကို ကျူးလွန်မှုအတွက် ဘန်နဲလ်ကို စွဲချက်ပေါင်း ၅၀ နီးပါးနဲ့ တရားစွဲဆိုထားတာကို တွေ့ရပါတယ်။ ဒါပေမယ့် ဘန်နဲလ်က လူငယ် ၆ ဦးအပေါ် ကျူးလွန်မှုအတွက်သာ အပြစ်ရှိကြောင်း ၀န်ခံခဲ့ပြီး ဒါကိုလည်း တရားရုံးက ခွင့်ပြုခဲ့ပါတယ်။
ကျူးလွန်ခံရသူ ဘယ်သူမှ ဒီကိစ္စကို အသေးစိတ် မသိရှိခဲ့ရပါဘူး။ ဘန်နဲလ်ဟာ ထောင် ၉ နှစ်ကျခဲ့ပြီ ၂၀၀၄ ခုနှစ်မှာ ပြန်လွတ်လာပါတယ်။
ဒေးဗစ်လီန်းဆိုတဲ့ ကစားသမားတစ်ယောက်ကို ကျူးလွန်မှုနဲ့ ၂၀၁၅ ခုနှစ်မှာ ဘန်နဲလ်ဟာ ထပ်ဖမ်းခံရပြီး ထောင် ၂ နှစ် ထပ်ကျပါတယ်။
၂၀၁၆ ခုနှစ် နိုဝင်ဘာမှာ ပရော်ဖက်ရှင်နယ်ကစားသမားဟောင်း အန်ဒီ ၀ုဒ်ဝ့ါက်က ဒီအကြောင်းတွေ ဖွင့်ဟခဲ့ပြီးတဲ့နောက် နှစ်ပေါင်းများစွာ ဖုံးကွယ်ထားကြတဲ့ တစ်ခြား ကစားသမားတွေကလည်း ဒီအကြောင်းတွေကို ဖွင့်ဟခဲ့ကြပါတယ်။
အင်္ဂလန် လက်ရွေးစဉ်ဟောင်းတွေ အပါအ၀င် ကစားသမား တော်တော်များများဟာ ဗြိတိန်သျှတစ်ဝှမ်း ဘောလုံးကလပ်တွေက ကစားသမားတွေ သူတို့အပေါ် လိင်ကျူးလွန်မှုအကြောင်းကို ထုတ်ဖော်ပြောဆိုခဲ့ပါတယ်။ ဒါဟာ ဗြိတိသျှ ဘောလုံးလောကကို ရိုက်ခတ်သွားတဲ့ မသမာမှုကြီး တစ်ခုပါပဲ။
၂၀၁၇ ခုနှစ် နှစ်ကုန်ပိုင်းမှာ ယူကေရဲတပ်ဖွဲ့က စုဆောင်းရရှိခဲ့တဲ့ အချက်အလက်တွေအရ နည်းပြတွေရဲ့ လိင်ပိုင်းဆိုင်ရာ စော်ကားမှုကို ခံခဲ့ရတယ်လို့ ပြောကြားလာသူဟာ ၈၃၉ ဦး ရှိပြီး၊ ကျူးလွန်တယ်လို့ သံသယရှိသူတွေက ၂၉၄ ဦးဖြစ်ပါတယ်။ အသင်းတွေကတော့ ပရီးမီးယားလိဂ်အသင်းတွေကနေ အပျော်တမ်းကလပ်တွေ အထိ ပါဝင်ပါတယ်။
၂၀၁၈ ခုနှစ် ဖေဖော်ဝါရီလမှာ ဘန်နဲလ်ဟာ စွဲချက်ပေါင်း ၄၃ ခုအတွက် အပြစ်ရှိကြောင်း တွေ့ရှိခဲ့ရပြီး သူက နောက်ထပ် စွဲချက် ၇ ခုအတွက် အပြစ်ရှိကြောင်း ၀န်ခံခဲ့တာကြောင့် စွဲချက်စုစုပေါင်း ၅၀ ဖြစ်ခဲ့ပြီး ကျူးလွန်ခံ ရသူ ၁၂ ယောက်အတွက် ဖြစ်ပါတယ်။
Ref: Aljazeera
(အလ်ဂျာဇီးရား သတင်းဌာနတွင် ဖော်ပြထားသည့် ဆောင်းပါးကို လေးမောင်က ဆီလျော်အောင်ဘာသာပြန်ဆိုသည်။)
