ဇူလိုင် ၃ ၊ ၂၀၁၄
M-Media
.ရေးသူ- ခရစ်စတယ်လင်း
ကျွန်မဟာ ဗုဒ္ဓဘာသာဝင် တစ်ဦးမဟုတ်ပေမဲ့ မြန်မာပြည်မှာမွေး မြန်မာပြည် မှာ ကြီးပြင်းခဲ့သူ တစ်ဦးအနေနဲက ဗုဒ္ဓဘာသာ ရဟန်းတော်တွေနဲ့ ပြောဆိုဆက်ဆံရာမှာ ကျင့်သုံးရတဲ့ Protocol တွေကိုနားလည်ပါတယ်။ ပြောလဲပြောတတ်ပါတယ်။ ဒါပေမဲ့ ဒီဦးဇင်း(ဦးဝီရသူ) ကိုတော့ ဒီလိုRespect မျိုးနဲ့ မထိုက်တန်ဘူးလို့ ကျွန်မယူဆပါတယ်။
ဒီဦးဇင်းရဲ့ လုပ်ရပ်တွေနဲ့ သူ့ရဲ့ Facebook စာမျက်နှာပေါ်က အခြေအနေ အရပ်ရပ်တွေအရ ဒီဦးဇင်းဟာပြောဆို ဆွေးနွေး ညှိနှိုင်း လို့ရတဲ့ လူမျိုး မဟုတ်ဘူး ဆိုတာ သံသယ ဖြစ်စရာမလိုဘူး။ သူ့ Facebook Post တွေမှာလည်း ကြောက်စရာကောင်းလောက်အောင် အယုတ္တ အနတ္တ၊ ဖရုသ ဝါစာ တွေနဲ့ ပြည့်နေတာဟာ သာမန် လူတစ်ယောက်အတွက်တော့ ဥပေက္ခာပြု လက်ခံနိုင် လောက်တဲ့ အခြေအနေမျိုး မဟုတ်ဘူး။
ဒါပေမဲ့ ဦးဇင်းကတော့ ဒါတွေကို အရသာ တွေ့နေပုံပဲ။ ဒီနေ့ မြန်မာပြည်ရဲ့ လူမျိုးရေး၊ ဘာသာရေး အဓိကရုဏ်း တွေဟာ ဦးဇင်းတစ်ယောက်တည်း ကြောင့်လို့ မပြောနိုင်ပေမဲ့ ဦးဇင်းရဲ့ ပယောဂ ရာနှုန်း တော်တော်များများ ပါဝင်နေတာကတော့ဖြင့် ဂုဏ်ယူစရာပါပဲ ဦးဇင်း။
လူတွေသေကြတယ် ဦးဇင်း၊ ဘာရန်ငြှိုးရန်စမှမရှိပါဘဲ တစ်ယောက်ကိုတစ်ယောက် ဓားနဲ့ခုတ်ကြတယ်၊ လူတွေဟာလူသား အချင်းချင်း ဆိုတဲ့ လူစိတ်ပျောက်ပြီး ကြီးနိုင်ငယ်ညှင်း ဆိုတဲ့ တိရိစ္ဆာန် စိတ်ကိုဦးဇင်းက သူတို့ဆီမှာ ယုံကြည်သက်ဝင်စေတယ်။ သွေးတွေဦးဇင်း လမ်းမပေါ်မှာသွေးတွေ၊ ဦးနှောက်တွေ ထွက်ပြီး လူတွေသေ ကြတယ်။ သူတို့မိန်းမတွေ ဟာ အသေဆိုးနဲ့ လမ်းမပေါ်သွေးအိုင် ထဲမှာလဲနေတဲ့၊ မီးလောင်ကျွမ်းနေတဲ့ သူတို့ ခင်ပွန်း၊ သား တွေကို ကြည့် ပြီး ပူဆွေးသောက တွေဟာ သူတို့လည်ချောင်း ထဲမှာ တစ်ဆို့နေကြတယ် ဦးဇင်း။
ကလေးတွေ မိဘမဲ့ ကုန်တယ် ဦးဇင်း။ ဒီမိဘမဲ့ ကလေးတွေရဲ့ အဖေရေ၊ အမေရေ ခေါ်တဲ့အသံတွေကိုများ ဦးဇင်း ကြားမိလေသလား? မီးလောင်သွားတဲ့ သူတို့ရဲ့ စီးပွါး အိမ်ယာ တွေကြောင့်သူတို့ခေါင်းပေါ်က အမိုးပျောက် သွားရတဲ့ အိမ်ယာမဲ့သူ တွေရဲ့ သောက၊ ဒုက္ခ၊ ပူလောင်မှု ဆင်းရဲတွေ၊ သူတို့ရင်ထဲက လူသား ဂုဏ်သိက္ခာ ညှိုးနွမ်း ရတဲ့ စိတ်ပိုင်းဆိုင်ရာ နာကျင်မှု တွေကို ဦးဇင်းရဲ့ မစိုးရိမ် ကျောင်းတိုက် ကြီးထဲ ကစက်ရာပေါ်မှာ ကြိမ်းစက် ဖို့လဲလျောင်း တဲ့အခါမှာ ယောင်လို့များ တွေးမိလေသလား ဦးဇင်း။
ဒုက္ခသည်တွေရဲ့ မျက်ရည် ပေါက်ကြီးငယ် တွေဟာ ဦဇင်း အပေါ်မှာ အနည်းငယ်မျှ သက်ရောက် မှုတစုံတရာ တကယ်ပဲ မရှိလေရော့သလား? လူတွေဟာ သူတို့ရဲ့ တွေးခေါ် ခွဲခြားနိင်စွမ်း အဆင့်ဆင့်အရ အဆင့်အတန်း အမျိုးမျိုး ကွဲပြားခြာနားကြတယ်။ ဒါပေမဲ့ ဘယ်လောက်ပဲ စိတ်ပိုင်း ရုပ်ပိုင်း ဆိုင်ရာ နိမ့်ကျလို့ အမြင့်ဆုံး ရာဇဝတ်မှုတွေ ကိုကျူးလွန်သူတွေတောင် သူတို့ရဲ့ မကောင်းမှုတွေအတွက် နောင်တဆိုတာရှိတယ် ဦးဇင်း။
မုဒိမ်းသမား၊ လူသတ်သမား တွေဟာ ဒေါသအလျောက်၊ ကာမဆန္ဒ အလျောက်၊ အကြောင်းအမျိုးမျိုး ကြောင့် ရုတ်တရက် ခြေလွန် လက်လွန် ကျူးလွန်လိုက်မိပေမဲ့ အများစုဟာ အဲဒီ အခိုက်အတန့် ပြီးသွားတဲ့ အခါမှာ ပထမဆုံးသူတို့ရင်ဆိုင်ရတာကတော့ နောင်တတရားပဲလို့ လေ့လာသူတွေကဆိုတယ်။ တချို့သောသူတွေဟာ သူတို့ရဲ့မကောင်းမှု ဒုစရိုက် အတွက် တစိမ့်စိမ့် ထိခိုက်နာကျင်ရင်း သူတို့ကိုယ်သူတို့ ဒဏ်ခတ်လေ့ရှိကြတယ်လို့ဆိုတယ် ဦးဇင်း။ (ပြောသာ ပြောရတယ် ဦးဇင်းနားလည် ပါ့မလားလည်းမသိ)
လူသတ်သမားဆိုတဲ့နေရာမှာလည်း အကြံ အစည်ရှိရှိ လုပ်ကြံ သတ်ဖြတ်သူ၊ လုပ်ကြံ သတ်ဖြတ်ရာမှာ တစိတ်တပိုင်း ပါဝင်ပတ်သက်သူ (First degree murder/ Second degree murder) စသည်ဖြင့် ခွဲခြားသက်မှတ်ကြတယ်။ အတိုချုပ် ပြောရမယ်ဆိုရင်တော့ ဦးဇင်း၊ ဦးဇင်းဟာလူသတ်ကောင်ပဲ။ လူသတ်ကောင်မှ ဦးဇင်းကို တိုင်း စရာ Measurement တောင်မရှိတဲ့ ရာဇဝတ်ကောင်ပဲ။ ဒုက္ခသည်စခန်း တွေမှာ ကလေးတွေဟာ ငတ်မွတ်ခေါင်းပါးလို့ သေကြရတယ်။ ဆေးဝါးကုသခွင့်မရလို့ သေကြရတယ်။ဒီလို သွေးပျက်စရာ အဖြစ်အပျက် တွေ ကြားမှာကိုပဲ ဦးဇင်းဟာ လူသားစိတ်ကင်းမဲ့စွာနဲ့ အသစ်အသစ်သော အဓိကရုဏ်း တွေကို သွေးထိုး လှုံ့ဆော်နေခဲ့တယ်။
ဘာ Religious Value မှမပါတဲ့( ဦးဇင်းကတရားဒေသနာလို့ခေါ်တဲ့) Hate Speech တွေနဲ့ လူ့အနတ္တတွေကို ဟောပြော လှုံ့ဆော်ပြီး လူတွေကိုလူသား အချင်းချင်း ထားရမဲ့ မေတ္တာ ကိုယ်ချင်းစာတရားတွေ ပျောက်ပျက်ပြီး တိရိစ္ဆာန်တွေလို ရိုင်းစိုင်းလာအောင် သွေးထိုး တယ်။
ဦဇင်း Target ထားနေတဲ့ လူနည်းစုတွေရဲ့ ဘဝတွေဟာလည်း မျက်ရည်ပေါက် ကြီးငယ်စွန်းထင်းလို့၊ သူတို့ နှလုံးသားတွေဟာလည်း သွေးပျက် ခြောက်ခြားလို့။ ဝမ်းမြောက် ဝမ်းသာ ဖြစ်ပါရဲ့လား ဦးဇင်း၊ မှေးစက်လို့မှ ပျော်ပါရဲ့လား သိချင်မိပါတယ် ဦးဇင်း။
သာမာန်လူသားစိတ်၊ ပင်ကို လူသားသဘော သဘာဝ ရှိသူတွေအတွက်တော့ ဒါတွေဟာ Beyond the limit ပါ။ ဦးဇင်းအတွက်ကတော့ ဒီလို အဓိကရုဏ်း တွေ၊သွေးပျက်ခြောက်ခြားစရာသေကြေ ပျက်စီးမှုတွေ၊ စီးပွါး ဥစ္စာ၊ ဘဝ ပျက်ကြရသူတွေ၊ အပြန်အလှန် စွပ်စွဲပြောဆိုမှုတွေ၊ အယုတ္တ အနတ္တ ဆဲရေး တိုင်းထွာမှုတွေ၊ခိုးဆိုးလုယက်မှုတွေ၊ အမုန်းတရားတွေ၊ မီးဟုန်းဟုန်းတောက်လောင်နေတဲ့ အိမ်တွေ၊ဝတ်ပြုကျောင်းဆောင်တွေ၊ မိဘမဲ့ကလေးတွေရဲ့ ငိုသံတွေ………..
ဦးဇင်း…ဦးဇင်းရဲ့ မစိုးရိမ်ကျောင်းတိုက်တော်ကြီးထဲမှာ ဘယ်လိုလူသားစိတ် အခံနဲ့များ မှေးစက်ပျော်နိုင်တာပါလဲ ?
ပြောရမယ်ဆိုရင်တော့ ဦးဇင်းဟာ လူသားစိတ်ကင်းမဲ့သူပဲ၊ ဦးဇင်းဟာ လူယုတ်မာပဲ၊လူသားဖြစ်တည်မှုနည်းသူ၊ ယဉ်ကျေးတဲ့ လူ့အဖွဲ့စည်းမှာမရှိသင့်တော့တဲ့သူမျိုး ပဲ။ ဦးဇင်းတို့လို လူမျိုးတွေဟာ လူ့အဖွဲ့စည်းတွေနဲ့ ဝေးရာ(တကျွန်း လိုနေရာမျိုး)၊ ခြံခတ် စည်းခတ် ထားသင့်တဲ့ (စိတ်ရောဂါသည် တွေလိုမျိုး)၊ သံတိုင်တွေ နောက်မှာ၊ အလုံပိတ် အခန်းတွေထဲမှာ ရှိသင့်တဲ့ စည်းမဲ့ ကမ်းမဲ့၊ စည်းမရှိ ဘောင်မရှိ၊ စည်းလွတ်ဝါးလွတ် ကျူးလွန် တတ်ကြတဲ့ စည်းအပြင်ဘက်ကလူတွေပဲ။
