ဒီဇင်ဘာ ၂၄၊ ၂၀၁၅
M-Media
– နည်းပြတစ်ယောက်အနေဖြင့် မိမိချမှတ်သော စည်းမျဉ်းများကို ကစားသမားများက လိုက်နာရမည်ဖြစ်ပြီး လုံလောက်သည့် ကြိုးစားအားထုတ်မှု မရှိပါက ထည့်သွင်းအသုံးပြုသွားမည်မဟုတ်ဟု ချယ်ဆီးနည်းပြသစ် ဂူစ်ဟစ်ဒင့်က ပြောကြားလိုက်သည်။
မော်ရင်ဟိုထွက်ခွာသွားပြီးနောက် ရာသီကုန်အထိ ချယ်ဆီးနည်းပြအဖြစ် ခန့်အပ်ခံခဲ့ရသည့် အသက် ၆၉ နှစ်အရွယ် ဟစ်ဒင့်မှာ ယခုတစ်ပတ် ၀က်ဖို့ဒ်နှင့်ကစားမည့်ပွဲတွင် အသင်းအား ပထမဆုံး ကိုင်တွယ်ရမည်ဖြစ်သည်။ ၎င်းမှာ အသင်းသားများထံမှ ချက်ချင်းပြောင်းလဲမှုကို လိုချင်နေသည်။
“ခင်ဗျားတို့နည်းပြက ယာယီဆိုပေမယ့် ခင်ဗျားတို့ကို ကောင်းကောင်းပညာပေးလို့ရတယ်ဆိုတာ မမေ့ပါနဲ့။ ကောင်းကောင်းကစားဖို့အတွက် ကစားသမားတွေကို ကျွန်တော် ခယသွားမှာမဟုတ်ပါဘူး။ အဲဒီလိုကစားဖို့ သူတို့မှာ ၀တ္တရားကို ရှိနေတာပါ။ သူတို့ဟာ အသင်းကြီးတစ်သင်းမှာ ရှိနေတယ်။ လခလည်း ကောင်းကောင်းရထားတယ်။ စိတ်ရောကိုယ်ပါ ကစားဖို့ လိုအပ်ပါတယ်။ တကယ်လို့ သူတို့မှာ အဲဒီလိုစိတ်မျိုး မရှိဘူးဆိုရင် “တာ့တာ့ပဲကွာ။ သွားတော့လို့” ကျွန်တော်က ပြောမှာပါ။ ကစားချင်စိတ်မရှိတဲ့ ကစားသမားမျိုးကို ကျွန်တော် မလိုအပ်ပါဘူး” ဟု ဟစ်ဒင့်က ပြောကြားခဲ့သည်။
Ref: Goal
Leave a Reply
You must be logged in to post a comment.