စင်ကာပူရှိ နှစ် ၂၀၀ နီးပါးရှိသော သမိုင်းဝင်ဗလီကြီးကို ၀န်ကြီးချုပ်လီရှန်လွန်း သွားရောက်လည်ပတ်

ဇန်န၀ါရီ ၁၇၊ ၂၀၁၆
M-Media

– စင်ကာပူက သမိုင်းဝင်ဗလီကြီးကို ဒီဇင်ဘာ ၁၆ ရက်နေ့မှာ ၀န်ကြီးချုပ်လီရှန်လွန်း သွားရောက်လည်ပတ်ခဲ့တယ်လို့ ၀န်ကြီးချုပ်ရဲ့ Facebook စာမျက်နှာမှာ လွှင့်တင်ထားမှုအရ သိရပါတယ်။

ဆူလ်တန်ဗလီဝတ်ကျောင်းတော် (Sultan Mosque) လို့ခေါ်တဲ့ အဲဒီဗလီဝတ်ကျောင်းတော်ကြီးရဲ့ သက်တမ်းဟာ နှစ်ပေါင်း ၁၉၁ နှစ်ရှိပြီဖြစ်ပြီး မကြာခင်က အဆင့်မြှင့်တင်မှု ပြန်လည်ပြုလုပ်ခဲ့တာဖြစ်ပါတယ်။ ၀န်ကြီးချုပ် လီရှန်လွန်းကတော့ ပြင်ဆင်မှု ပြီးမြောက်မှုကို သွားရာက်ကြည့်ရှုခဲ့တာပါ။

“ဒီဗလီဝတ်ကျောင်းတော်ကြီးဟာ ဘာသာရေး၊ ယဉ်ကျေးမှုနဲ့ လူမှုရေးလှုပ်ရှားမှုတွေရဲ့ အချက်အခြာနေရာဖြစ်ပါတယ်။ နောက်ပြီး ပရဟိတလုပ်ငန်းတွေ၊ အလှူဒါနတွေ ဆောင်ရွက်တဲ့ ဗလီကြီးဖြစ်ပြီး ဟောပြောပွဲတွေ၊ ဂုဏ်သရေရှိ လူကြီးလူကောင်းတွေ၊ ဘာသာရေးခေါင်းဆောင်တွေကို လက်ခံတဲ့နေရာဖြစ်ပါတယ်” လို့ လီရှန်လွန်းက Facebook စာမျက်နှာမှာ ရေးသားခဲ့ပါတယ်။

နောက်ပြီး ဗလီဝတ်ကျောင်းတော် ဂေါပကအဖွဲ့၊ စီမံခန့်ခွဲရေးအဖွဲ့၊ စင်ကာပူအစ္စလာမ်သာသနာရေးကောင်စီနဲ့ အမျိုးသားအမွေအနှစ်ဘုတ်အဖွဲ့အပါအ၀င် ဗလီဝတ်ကျောင်းတော် အဆင့်မြှင့်တင်မှုမှာ ပါဝင်ခဲ့သူတွေအားလုံးကိုလည်း ကျေးဇူးတင်ကြောင်း ပြောကြားခဲ့ပါတယ်။

“သူတို့ရဲ့ ထောက်ပံ့မှု၊ အလှူရှင်တွေ၊ မွတ်စလင်လူ့အဖွဲ့အစည်းတွေရဲ့ ထောက်ပံ့မှုက ဒီဗလီကြီးကို အားလုံးဂုဏ်ယူနိုင်ဖို့ လှပတဲ့အမှတ်သညာအဖြစ် တည်တံ့စေခဲ့ပါတယ်” လို့ လီရှန်လွန်းက နိဂုံးချုပ် ရေးသားခဲ့ပါတယ်။

စင်ကာပူက သမိုင်းဝင်ဗလီဝတ်ကျောင်းတော်တွေနဲ့ အခြား သမိုင်းဝင် ဘာသာရေးအဆောက်အဦးတွေကို စင်ကာပူ အမျိုးသားအမွေအနှစ်ဘုတ်အဖွဲ့က ဦးဆောင်ပြီး ထိန်းသိမ်းစောင့်ရှောက်မှုတွေ ပြုလုပ်ပေးနေတာဖြစ်ပါတယ်။

ဆူလ်တန်ဗလီဝတ်ကျောင်းတော်ကို ၁၈၁၉ ခုနှစ်က တည်ဆောက်ခဲ့တာဖြစ်ပြီး စင်ကာပူက အစ္စလာမ်ဘာသာဝင် လူ့အဖွဲ့အစည်းအတွက အရေးပါတဲ့ ဗလီဝတ်ကျောင်းတော်တွေထဲက တစ်ခုလည်းဖြစ်ပါတယ်။

Ref: Facebook Page of Lee Hsien Loong
Photo : Facebook Page of Lee Hsien Loong