ဒီဇင်ဘာ ၉၊ ၂၀၁၆
M-Media
– အင်္ဂလိပ်ဘောလုံးလလောကတွင် ၁၉၇၀ ပြည့်နှစ်များမှစ၍ ဖြစ်ပွားခဲ့သော လိင်ပိုင်းဆိုင်ရာ စော်ကားမှု ပြဿနာများနှင့် ဆက်စပ်နေသော ကလပ်အသင်းပေါင်း ၉၈ သင်းရှိနေပြီး ပရီးမီးယားလိဂ်မှ အသင်းအချို့လည်း ပါဝင်သည်ဟု ဗြိတိန်ရဲတပ်ဖွဲ့က ပြောကြားလိုက်သည်။
လွန်ခဲ့သည့် တစ်လအရင်က ယခင်ဘောလုံးကစားသမားဟောင်း အန်ဒီ ၀ုဒ်ဝါ့ဒ်မှာ ၎င်းအနေဖြင့် လူငယ်ကစားသမားဘ၀တွင် လိင်ပိုင်းဆိုင်ရာ စော်ကားမှုများ ခံခဲ့ရသည်ဟု လူသိရှင်ကြား ပြောကြားခဲ့ပြီးနောက် အင်္ဂလိပ်ဘောလုံးလောကမှ လိင်ပိုင်းဆိုင်ရာ စော်ကားမှုများ ထပ်မံပေါ်ထွက်လာခဲ့ပြီး နိုင်ငံတစ်ဝှမ်းတွင် ရဲတပ်ဖွဲ့က စုံစမ်းစစ်ဆေးမှုများကို ပြုလုပ်ခဲ့သည်။
နိုင်ငံတော်ရဲတပ်ဖွဲ့အကြီအကဲများကောင်စီ (NPCC) ကမူ ထိုကိစ္စအတွက် စီစဉ်ပေးထားသော ဖုန်းလိုင်းများမှ တိုင်ကြားမှု ၆၃၉ ခုကို ရဲတပ်ဖွဲ့သို့ လွှဲပြောင်းပေးခဲ့ပြီး ထိခိုက်ခံစားရသူ ၃၅၀ ခန့် ပါဝင်နိုင်သည်ဟု ဆိုသည်။ ထို့ပြင် မိမိတို့အနေဖြင့် FA နှင့် အနီးကပ်ပူးပေါင်းကာ တုန့်ပြန်မှုများကို အလျင်မြန်ပြုလုပ်နေသည်ဟုလည်း ပြောကြားခဲ့သည်။
အင်္ဂလန်ဘောလုံးအဖွဲ့ချုပ် FA ကလည်း ထိုပြဿနာမှာ အားကစားလောက၏ အကြီးဆုံး အကြပ်အတည်းမှ တစ်ခုဖြစ်သည်ဟု ၀န်ခံခဲ့ပြီး အဖွဲ့အတွင်း သုံးသပ်မှုများကို ပြုလုပ်နေသည်။
NPCC က အဆိုပါ လိင်ပိုင်းဆိုင်ရာစော်ကားမှုပြဿနာနှင့် ဆက်စပ်နေသည့် အသင်းများမှာ ၉၈ သင်းရှိနေပြီး ပရီးမီးယားလိဂ်ကလပ်များမှ အပျော်တမ်းကလပ်အသင်းများအထိ ပါဝင်ကြောင်း၊ စော်ကားခံရသူ ၉၈ ရာခိုင်နှုန်းမှာ အမျိုးသားများဖြစ်ကြပြီး အသက် ၇ နှစ်မှ အသက် ၂၀ ကြား ကာလတွင် ကျူးလွန်ခံရခြင်းဖြစ်ကြောင်း ယမန်နေ့ ကြေငြာချက်တွင် ဖော်ပြခဲ့သည်။
ကျူးလွန်ခံရသူများကမူ ၎င်းတို့ ခံစားရသည်မှာ ဘီဘီစီ တီဗီစတား ဂျင်မီ ဆဗီလီက နှစ်ပေါင်း ၆၀ ကြာ ကလေးငယ် ရာပေါင်းများစွာကို ကျူးလွန်ခဲ့မှုထက် ပိုမို ဆိုးရွားကြောင်း ပြောကြားခဲ့ကြသည်။
Ref: Reuters