မတ် ၁၀၊ ၂၀၁၇
M-Media
– အိန္ဒိယရှိ မွတ်စလင်အမျိုးသမီး တက်ကြွလှုပ်ရှားသူများအဖွဲ့မှာ မွတ်စလင်အမျိုးသမီးများကို ထုံးတမ်းစဉ်လာအရ ဆုံးဖြတ်ပေးသော တရားသူကြီး(ကာသွီ)များ ဖြစ်လာစေရန် လေ့ကျင့်သင်ကြားပေးနေသည်ဟု သိရသည်။
Bharatiya Muslim Mahila Andolan (BMMA) အဖွဲ့ဖြစ်ပြီး ပထမသုတ်အနေဖြင့် အမျိုးသမီး ၃၀ ကို ကုရ်အာန်ဥပဒေ၊ ဖွဲ့စည်းဖုံအခြေခံဥပဒေနှင့် အမျိုးသမီးအခွင့်အရေးများကို သင်ကြားပေးနေသည်။ ထို သင်ကြားမှုမှာ ဧပြီလတွင် ပြီးဆုံးမည်ဖြစ်သည်။
BMMA ကို ပူးတွဲတည်ထောင်သူက တစ်နှစ်တာ ကြာမြင့်သည့် အဆိုပါ လေ့ကျင်သင်ကြားပေးမှုကို ပြီးခဲ့သည့်နှစ်ကတည်းက စတင်ခဲ့ခြင်းဖြစ်သည်ဟု ဆိုသည်။
အိန္ဒိယ ဖွဲ့စည်းပုံအခြေခံဥပဒေမှာ နိုင်ငံ၏ အကြီးဆုံး လူနည်းစုဖြစ်သော မွတ်စလင်များ၏ လက်ထပ်ထိမ်းမြားခြင်း၊ ကွာရှင်းခြင်းနှင့် အမွေဆက်ခံခြင်းတို့ကို ၎င်းတို့၏ ကိုယ်ပိုင် ဘာသာရေးဥပဒေဖြင့် ဆုံးဖြတ်ခွင့် ပြုထားပြီး ထိုကိစ္စများကို ကာသွီများက ကိုင်တွယ်သည်။
“ပုံမှန်အားဖြင့်တော့ ကာသွီတွေဟာ အမျိုးသားတွေပဲ ဖြစ်ကြတာများပါတယ်။ တော်တော်များများက အမျိုးသမီးတွေအတွက် မမျှတပေမယ့် သူတို့ရဲ့ ဆုံးဖြတ်ချက်ကို မေးခွန်းထုတ်တာမျိုး မခံရပါဘူး။ ကျွန်မတို့ဟာ ကုရ်အာန်ကျမ်းတော်မြတ်ထဲမှာ အမျိုးသမီးတွေနဲ့ပတ်သက်ပြီး ဘာပြောထားလဲဆိုတာ သေသေချာချာလေ့လာ
တယ်။ အမျိုးသမီးတွေရဲ့ အခွင့်အရေးနဲ့ တာဝန်ဝတ္တရား အကြောင်းတွေပါ” ဟု BMMA တွင် လေ့ကျင့်သင်ကြားပေးနေသူ အမျိုးသမီး ခါတွန် အာပါက ပြောကြားခဲ့သည်။
လက်ရှိတွင် ကာသွီသင်တန်းကို တက်ရောက်နေသူများမှာ မဟာရက်ရ်ှထရာ၊ ရာဂျက်စ်တန်၊ မဒ်ယာ ပရာဒက်ရှ်၊ တမီလ်နန်ဒူးနှင့် ဘီဟာရ်မြို့မှ ပရဟိတလုပ်ဆောင်သူများ၊ တက်ကြွလှုပ်ရှားသူ အမျိုးသမီးများဖြစ်သည်။
Ref: Times of India