မေ ၈၊ ၂၀၂၀
M-Media
-ဆွီဒင်နိုင်ငံ မြောက်ဖက်မှာ တည်ရှိပြီး ကမ္ဘာ့ မြောက်ဖက်စွန်းလည်းကျတဲ့ မြို့တစ်မြို့မှာ အစ္စလာမ်ဘာသာဝင်တွေအတွက် ဝတ်ပြုရာနေရာတစ်ခု ဆောက်လုပ်ဖို့ စီစဉ်နေပါတယ်။
နော်ရ်ဘိုတန်ပြည်နယ်က လူလီယာမြို့မှာ ဗလီဝတ်ကျောင်းတော်တစ်လုံး တည်ဆောက်မယ့် စီမံကိန်းကို နော်ရ်ဘိုတန်အစ္စလာမ့်စင်တာက ၂၀၁၃ ခုနှစ်ကတည်းက လျာထားခဲ့တာပါ။
“အစက ဒေါ်လာ ၁၀ သန်းလောက် ကုန်ကျမယ့် ဗလီကြီးတစ်လုံး တည်ဆောက်ဖို့ စီစဉ်ခဲ့ပါတယ်။ အခုတော့ ၁.၂ သန်းလောက်ပဲ အကုန်အကျခံ ဆောက်လုပ်မှာ ဖြစ်ပါတယ်” လို့ အစ္စလာမ့်စင်တာရဲ့ ဥက္ကဌ ဟာရှင် အဟ်မဒ်က ပြောကြားခဲ့ပါတယ်။
ရန်ပုံငွေကို အွန်လိုင်းကနေတစ်ဆင့် ဆွီဒင်တစ်နိုင်လုံးမှာရှိကြတဲ့ အစ္စလာမ်ဘာသာဝင်တွေထံကနေ ကောက်ယူ စုဆောင်းမှာ ဖြစ်ပါတယ်။
လူလီယာမြို့မှာ လူဦးရေ ၇၆၀၀၀ လောက် နေထိုင်ပြီး စတီး အဓိကထုတ်လုပ်တဲ့အတွက် ‘စတီးမြို့တော်’ လို့ အမည်တွင်ပါတယ်။
လက်ရှိ ကမ္ဘာ့ မြောက်ဖက်အကျဆုံး ဗလီဝတ်ကျောင်းတော်အဖြစ် ဂင်းနစ်မှတ်တမ်းဝင်တဲ့ ဗလီက ရုရှားနိုင်ငံ အရှေ့ဆိုက်ဘေးရီးယား နော်ရ်အစ်လ်မြို့မှာရှိတ့ နူရ်ကမားလ် ဗလီဝတ်ကျောင်းတော် ဖြစ်ပါတယ်။
Ref: Sputnik News