ဓါတ်ပုံ- သူရိန်(M-Media)
၆၉ နှစ်မြောက်အာဇာနည်နေ့ အခမ်းအနားမှာ အာဇာနည်ခေါင်းဆောင် နှစ်ယောက်ဖြစ်တဲ့ ဦးရာဇတ်နဲ့ သက်တော်စောင့် ရဲဘော်ကိုထွေးတို့ မြုပ်နှံထားရာ တာမွေ မွတ်စလင်မ် သုသာန် ဟောင်းတွင် ၄င်းတို့၏ မိသားစုဝင်တွေနဲ့ ပြည်သူတွေက သွားရောက် ဂါရ၀ပြုခဲ့ကြပါတယ်။
ဇူလိုင် ၁၉ ၊ ၂၀၁၆
M-Media
သဲတပွင့် ရေးသည်။
.
တကယ်တမ်းတော့ သူတို့ နှစ်ဦးက
.
အသက်အရွယ်အရ တူဝရီးအရွယ် … အတော်ကွာသည်။
.
မွေးရာဇာတိအရ တစ်နေရာစီ။
.
နေထိုင်ခဲ့ကြရာ နေရာဌါနအားဖြင့်လည်း သပ်သပ်စီသာ။
.
အလုပ်အကိုင်အရ မဆက်စပ်။
.
လူနေမှုစရိုက် ပုံသဏ္ဍာန်အရလည်း မတူညီကြ။
.
တစ်နည်း ပြောရလျင် လာရာ မတူကြသူများ။
.
ဒါပေမယ့် လားရာတော့ တူခဲ့ကြသည်။
.
တိုင်းပြည်အရေး တတ်အားသရွေ့ နေ့ညမပြတ် ဆောင်ရွက်လိုစိတ် … လက်တွေ့ဆောင်ရွက်မှုတို့မှာ ဘုံ တူညီခဲ့ကြသည်။
.
ကံကြမ္မာ စေစားချက်အရ တမလွန်ခရီးအတွက်ထိတောင် နေရာတူ နေ့ရက်တူ အတူ လျှောက်ခဲ့ကြသည်အထိ။
.
သူတို့ နှစ်ဦးကား ကျွန်တော် အားကျအတုယူရသည့် မြန်မာ့ အာဇာနည် ခေါင်းဆောင်နှစ်ဦး … ဗိုလ်ချုပ်အောင်ဆန်း နှင့် ဆရာကြီး ဦးရာဇတ်တို့ပင်။
ယခု ဤစာစုတွင် သူတို့နှစ်ဦး ဆက်နွယ်ဖူးသည်ကို မှတ်မိသမျှ မှတ်တမ်းတင်ကြည့်ပါမည်။
.…
သူတို့ နှစ်ဦးစလုံး အတူပါဝင်သည့်ဓာတ်ပုံဟူ၍လည်း ရှားရှားပါးပါး။ တစ်ပုံက ၁၂.၆.၁၉၄၇ရက်နေ့က တိုင်းပြုပြည်ပြုလွှတ်တော်အမတ်များနှင့် ဗိုလ်ချုပ်အောင်ဆန်းတို့ အမှတ်တရ အစည်းအဝေးကျင်းပရာ လွှတ်တော်ရင်ပြင်အရှေ့တွင် ရိုက်ထားသည့်ပုံ။ ဒုတိတန်း – ယာဘက်ဒုတိယမြောက် ဆရာကြီးဦးရာဇတ်၊ ဗိုလ်ချုပ်အောင်ဆန်း နှင့် သခင်နု တို့အား တစ်တန်းတည်း အတူထိုင်လျက် အမှတ်တရ တွေ့ရသည်။ နောက်တစ်ပုံကတော့ လွှတ်တော်တွင်းပုံ။ အညွှန်းစာစားများအရသာ အာဇာနည်ခေါင်းဆောင်ကြီးများ ပါကြောင်း သိရပြီး မည်သူမည်ဝါ သည်းသည်းကွဲကွဲ မမြင်ရသည့်ပုံ။ ထို့ကြောင့် အတူ သိသာထင်ရှားစွာ မှတ်တမ်းဝင်သည့်ပုံ တစ်ပုံသာ ရှိသည် ဆိုရမည်။
…
ဗိုလ်ချုပ်က ၁၉၁၅ ဖေဖော်ဝါရီ၁၃တွင် မွေးဖွားသူ … ဆရာကြီးက ၁၈၉၈-ခု ဇန်န၀ါရီလ ၂၀တွင် မွေးဖွားသူဖြစ်ရာ ၁၇ နှစ် စွန်းစွန်း ကွာသည်။ ဗိုလ်ချုပ်က ဆရာကြီး၏ တူသားအရွယ်။
ဆရာကြီးက ၁၉၂၀ ကျောင်းသားသပိတ် တိုက်ပွဲဝင်ကျောင်းသားခါင်းဆောင် … ကျောင်းအထုတ်ခံရသောကြောင့် အမျိုးသားကောလိပ်တွင် ပညာဆက်သင်ကာ BA ဘွဲ့ ပထမဆုံးရသည့်ကျောင်းသားတစ်ဦး။ နောင် အမျိုးသားကျောင်းဆရာ … ကျောင်းအုပ်ဆရာကြီးအဖြစ် တိုင်းပြည်အရေးတစ်တပ်တစ်အား ဆောင်ရွက်သူ။ သူများကျောင်းက ICS တစ်ယောက်ထါက်င် ငါ့ကျောင်းက အင်္ဂလိပ်အစိုးရကိုတော်လှန်မယ့် သူပုန် ၁၀ယောက် ထွက်ရမယ် ကြွေးကြော်သူ။ ဗိုလ်ချုပ်က ဒုတိယကျောင်းသားသပိတ်ကာလ ခေါင်းဆောင် … သူတို့နှစ်ဦး ခေတ်တစ်ခေတ် ကွာသည်။
.
ကျောင်းသားခေါင်းဆောင် ကိုအောင်ဆန်းတို့ အထက်မြန်မာပြည် စည်းရုံးရေးလာတော့ အထက်မြန်မာပြည်က ကျောင်းသားထုနှင့် တွေ့ဆုံဆွေးနွေးရာနေရာက ကျောင်းအုပ်ဆရာကြီး ဦးရာဇတ် ဦးစီးသော အမျိုးသားကျောင်း။ သူ့ကျောင်းက ကျောင်းသားခေါင်းဆောင်များ … သူကိုယတိုင်ဦးစီးသော ရဲညွန့်တပ်မှ တပ်သား ကျောင်းသားများ တက္ကသိုလ်ကျောင်းသားများ မြို့မိမြို့ဖများ အားလုံး တက်ကြသည့် ဟောပြောပွဲ။ သခင်ပေါက်စ ထောင်ခြောက်လ ဆိုသည့်စကား ပေါ်ရသည်အထိ သခင်လူငယ် ကျောင်းသားခေါင်းဆောင် များကို မျက်စိစပါးမွေး စူးနေချိန်တွင် ထိုကျောင်းသားခေါင်းဆောင် ဟောပြောစရာ တာဝန်ယူသည်က ကျောင်းအုပ်ဆရာကြီး ဦးရာဇတ်။ သခင်အောင်ဆန်းတို့ကျောင်းသားခေါင်းဆောင်များ ထိုကျောင်းမှာပင် တည်းခိုကြသည်။
.
ဗိုလ်ချုပ်က တစ်ချိန်မှာ အမှတ်တရ ပြန်ပြောဖူးတာက ထိုစဉ်တုန်းက ဆရာကြီး ရှေ့မှာ ကျောင်းသားထုကို အင်္ဂလိပ်လို မိန့်ခွန်းပြောရတာ … အဲဒီမိန့်ခွန်းကို အင်္ဂလိပ်ဘာသာစကား အထူးကျွမ်းကျင်သူ ဆရာကြီးက ရှေ့ဆုံးကထိုင်နားထောင်ကာ အထူးအားရလှတဲ့အရိပ်အယောင် တွေ့ရလိ်ု့ သူ အင်မတန် အားတက်ခဲ့ရသည် ဆိုသောအချက်။ ဆရာကြီးဆီက သူ့အတွက် အင်္ဂလိပ်ဘာသာစကားတိုးတက်စရာ ရှောင်ရန်ဆောင်ရန်များ ကြားသိခဲ့ရသည့်အတွက် … သူ့မိန့်ခွန်းအတွက် မှတ်ချက်ရခဲ့သည့်အတွက် ဝမ်းသာလှပါသည် ဆိုသည့်မှတ်ချက်က သူတို့နှစ်ဦးကြား ဆက်နွယ်မှုတစ်ရပ်ပါ။
…
နောက်တော့ သခင်အောင်ဆန်း ဂျပန်တွင် စစ်ပညာသွားသင်ကာ ဂျပန်နှင့်အတူ ပြန်ဝင်လာသည့် ဂျပန်ခေတ်တွင် ဆရာကြီးက ဂျပန်တို့၏ ရွှေဘိုထောင်တွင် အဖမ်းခံရသည်။ ထောင်က လွတ်လျင်လွတ်ချင်း ဖတပလတွင် တာဝန်ယူသည်။ ထိုစဉ်က အနေအထားက ထူးခြားလှသည် ဆိုရပေမည်။ ကြမ်းတမ်းရက်စက်လှသော ဂျပန်ခေတ်တွင် ဖတပလ မန္တလေးခရိုင်အတွက် တာဝန်ယူရဲသူ မရှိကြ။ ဆရာကြီးထံချဉ်းကပ်ကာ ဥက္ကဋ္ဌအဖြစ် တာဝန်ယူပေးဖို့ တောင်းဆိုကြတော့ ဆရာကြီးက လက်ခံသည်။ အစြ်းအဝေးက မကြာမီစတော့မည်ဖြစ်ရာ ချက်ချင်းလိုက်ခဲ့ဖို့ ခေါ်ကြသည့်အတွက် ပုဆိုးဟောင်းတောင် လဲချိန်မရဘဲ ချက်ချင်းလိုက်သွားကာ ဥက္ကဋ္ဌအဖြစ် တာဝန်ယူခဲ့သည်။ ကျောင်းသားခေါင်းဆောင် သခင်အောင်ဆန်းမဟုတ်တော့သည့် စစ်သေနာပတိ ဗိုလ်ချုပ်အောင်ဆန်းနှင့် ထပ်မံ ဆုံတွေ့ကြခြင်း။
…
ထို့နောက်တွင်တော့ ဂျပန်ကို ပြန် တော်လှန်ကာ ဖဆပလ အစိုးရ ဖြစ်လာသည်။ ဗိုလ်ချုပ်အောင်ဆန်းကိုယ်တိုင် မန္တလေးလာကာ ဖတပလ မှ ဖဆပလ ပြောင်းလဲဖွဲ့စည်းပြီး ရွေးကောက်ပွဲအသစ် ကျင်းပပေးတော့ အများက ဖတပလဥက္ကဋ္ဌ ဆရာကြီးဦးရာဇတ်ကိုပဲ ဥက္ကဋ္ဌအဖြစ် အဆိုပြုသည်။ ယခုတစ်ကြိမ်တွင်တော့ ယခင် ဖတပလ ဖွဲ့စဉ်ကလို မဟုတ်တော့ … ကန့်ကွက်မည့်သူ ပေါ်သည်။
ဗမာမင်းနောက်ဆုံးစိုးစံရာ မင်းနေပြည်တော် မန္တလေးမြို့မှာ ဗမာစစ်စစ် မဟုတ်သူတစ်ဦး ခေါင်းဆောင် မဖြစ်သင့်ပါ ဟူသော အကြောင်းပြချက်။
ဗိုလ်ချုပ်အောင်ဆန်းကိုယ်တိုင် အံ့အားသင့်စရာ မှတ်ချက် … ဗိုလ်ချုပ်က သူကိုယ်တိုင် ဖြေရှင်းသည်ထက် ပိုမိုသင့်တော်မည်ဖြစ်သည့် အစည်းအဝေးတက်ရောက်လာသော ရဟန်းပျိုများသမဂ္ဂမှ ဆရာတော်တို့ထံ သဘောထား ခံယူသည်။ ထိုအခါ ဆရာတော်တို့ လျှောက်ပုံက “ဘယ်သူမှ တာဝန်မယူရဲတဲ့ ကာလ ဖတပလ ဖွဲ့စဉ်က ပုဆိုးဟောင်းတောင် မလဲဘဲ မဆိုင်းမတွ တာဝန်ယူပေးစဉ် ကန့်ကွက်သူမရှိ … ခုလို ခေတ်ကောင်းမှ ကန့်ကွက်ခြင်းကို လက်မခံ … ကုလားကြီး ရာဇတ်သာ ဥက္ကဋ္ဌ ဆက်ဖြစ်ထိုက်သည်” ဆိုသဖြင့် ဗိုလ်ချုပ်က ဆရာကြီးအား ဥက္ကဋ္ဌအဖြစ် ဆက်လက် အတည်ပြုသည်။
.
ဒါက ဗိုလ်ချုပ်နှင့် ဆရာကြီးအကြားက နောက်ထပ် ဆက်နွယ်မှုတစ်ရပ်။
…
နောက်ပိုင်းတွင် ဗိုလ်ချုပ်အောင်ဆန်း ဦးဆောင်သော ဖဆပလ တပ်ပေါင်းစုတွင် ဆရာကြီး ဦးရာဇတ် ဥက္ကဋ္ဌအဖြစ် တာဝန်ယူသော ဗမာမွတ်စလင်ကွန်ဂရက် (ဗမက) ကလည်း တစ်တပ်တစ်အား ပါဝင်ခဲ့ပြီး ဖဆလ၏ ရွှေတိဂုံအလယ်ပစ္စယံ ညီလာခံတွင် တိုင်းရင်းသားရေးရာ အဆိုများ တင်သွင်းခဲ့ပါသည်။
.
ထို့နောက် ၁၉၄၇ ခုနှစ် မတ်လတွင်မန္တလေးမြို့မှ ကျော်ကြားထင်ရှားပြီး မျိုးချစ်စိတ်ဓာတ်ရင့်သန်သည့် ကျောင်းထိုင်ဆရာတော်ကြီးများ ဦးဆောင်ကာ လက်မှတ်ရေးထိုးကြပြီး ဖဆပလအစိုးရအဖွဲ့တွင် ဆရာကြီးဦးရာဇတ်အား ၀န်ကြီးတစ်နေရာခန့်အပ်ပေးရန် ဗိုလ်ချုပ်အောင်ဆန်းထံသို့ တောင်းဆိုခဲ့ရာ ယင်းစာကို လက်ခံရရှိပြီးသည့်နေ့ နံနက်(၁၁)နာရီတွင် ကျင်းပသည့် ဖဆပလ အစည်းအဝေးမှာပင် ဆရာကြီးအား ပညာရေးဝန်ကြီးအဖြစ် ချက်ချင်း မဆိုင်းမတွ ခန့်အပ်ခဲ့သည်။
ဤနေရာတွင် ဗိုလ်ချုပ် တာဝန်ပေးသော စနစ် ဗိုလ်ချုပ်၏ ခေါင်းဆောင် ရွေးချယ်ပုံမှာ အားကျ အတုယူဖွယ်တစ်ရပ်ပင် ဖြစ်ပါသည်။ ဗိုလ်ချုပ် ထားသော စံ အား ကောက်နုတ် ဖော်ပြပါရစေ။
.
“ကိုဖေခင်-ခင်ဗျားကို ကျွန်တော်ပြောစရာရှိတယ်။ တော်လှန်ရေးသမားဆိုတာ သုံးမျိုးသုံးစား ရှိတယ်။ ခင်ဗျား သိလား။ ပထမတစ်မျိုးက လက်နက်ကိုင်ပြီးတိုက်ရဲတယ်။ သတ်ရဲဖြတ်ရဲ အသေခံရဲတယ်။ ဒုတိယ အမျိုးအစားက မတိုက်ရဲမခိုက်ရဲ ၊ မသတ်ရဲမဖြတ်ရဲဘူး ၊ အသေလည်းမခံရဲဘူး ၊ ဒါပေမယ့် တစ်ရွာဝင် တစ်ရွာထွက်အပင်ပန်းခံ အဆင်းရဲခံပြီး စည်းရုံးရေးလုပ်နိုင်တယ်၊ စားစရာရရင်စား မရရင်မစားဘဲ ဇွဲနပဲနှင့်အငတ်ခံနှိင်တယ်။ တတိယအမျိုးအစားက တိုက်လည်းမတိုက်ရဲ အသေလည်းမခံရဲ အဆင်းရဲ အငတ်အပြတ်လည်းမခံနှိင်ဘူး၊ ခပ်ကြောကြောလေးဝတ်စားပြီး ဦးနှောက်သုံးပြီး တိုင်းပြည်အကျိုးအတွက် ဘာလုပ်ပေးရမလဲ လုပ်ပေးနိုင်တယ် ဆိုတဲ့လူစားမျိုးဖြစ်တယ်။ ခင်ဗျားက အဲဒီအမျိုးအစားထဲပါတယ်။ ခင်ဗျားကို ကျုပ်တာဝန်ပေးစရာရှိတယ်။”
( ကိုးကား – ဦးဖေခင်ကိုယ်တိုင် အင်္ဂလိပ်ဘာသာဖြင့် လုပ်သားပြည်သူ့နေ့စဉ်သတင်းစာ၌ ရေးသားခဲ့သော အခန်းဆက်ဆောင်းပါးကို ရဲခေါင်မောင်မောင် ဘာသာပြန်သည့် ကိုယ်တွေ့ပင်လုံ စာအုပ် ဆဋ္ဌမအကြိမ်၊ ၁၉၉၀ ပြည့်နှစ်ထုတ် )
ဖဆပလ၀န်ကြီးအဖြစ် ဗိုလ်ချုပ်တို့နှင့်အတူ အနီးကပ်လက်တွဲလုပ်ဆောင်စဉ်အတွင်း ဗိုလ်ချုပ်သည် ဆရာကြီး၏ ခံယူချက်သဘောထား၊ မျိုးချစ်စိတ်နှင့် စွမ်းရည်တို့ကို လက်တွေ့ပိုမိုသိမြင်လာခဲ့ရာ မကြာမီပင် “အမျိုးသားစီမံကိန်း ” ၀န်ကြီးအဖြစ်ပါ ပူးတွဲခန့်ထား ယုံကြည်စွာတာဝန်ပေးခဲ့ပါသည်။
.
“အမျိုးသားစီမံကိန်းဆိုတာ အင်မတန်ကျယ်ဝန်းတယ်။ အရေးလည်းကြီးတယ်။ တိုင်းပြည်တစ်ခုလုံးရဲ့ တိုးတက်ရေးကို ရှေးရှုပြီး ကြီးပွားရေး၊ စီမံရေး၊ လူမှုရေး အကုန်လုံး ခြုံပြီး အုတ်မြစ်ချတဲ့ ဌာနကြီးတစ်ခု ဖြစ်တယ်။ ဒီဌာနမှ ကိုင်ရတာ ဆရာကြီးအဖို့ တာဝန်လည်းကြီး အပင်ပန်းလည်းအခံရဆုံးပဲ။ သူမပြောနဲ့ဗျာ ဒီဌာနကြောင့် ကျွန်တော်တောင် ထမင်းလွတ်၊ ဟင်းလွတ် ရုံးတက်ရတဲ့အခါလည်းရှိ၊ ည(၉)နာရီ (၁၀)နာရီမှ ရုံးဆင်းရတဲ့ အခါတွေလည်းရှိပုံတွေ စာရေးရင် မျက်လုံးထဲပေါ်နေတယ်။ ဗိုလ်ချုပ် အောင်ဆန်း ဟာ ဆရာကြီးအပေါ် ဘယ်လောက်အထင်ကြီးခဲ့တယ်၊ ဘယ်လောက်ယုံကြည်ကိုးစားခဲ့တယ်ဆိုတာ ဒီအမျိုးသားစီမံကိန်းဌာနကို လွှဲအပ် အကိုင်ခိုင်းတာသာ ကြည့်ပေတော့။ ဒါကြောင့် ဆရာကြီး ဦးရာဇတ် သည် ပညာရေးဝန်ကြီးဖြစ်တဲ့အပြင် အမျိုးသားစီမံကိန်းဝန်ကြီးဌာန ၀န်ကြီးဖြစ်ကြောင်းကို ကြေညာမောင်းခတ်ပေးပါဗျာ ”
.
(ဆရာကြီး ဦးရာဇတ် ၏ အတွင်းရေးအတွင်းဝန် အမျိုးသားကျောင်းသားဟောင်း တစ်ဦးဖြစ်သူ ဦးချစ်ဆွေ ၏ မျိုးချစ်စိတ်ဓာတ်အပြည့်ရှိတဲ့ အာဇာနည်ခေါင်းဆောင်ကြီး ဦးရာဇတ် ဆောင်းပါး၊ ဗဟိုစည်သတင်းစာ ၊ ၁၉ ဇူလိုင်၊ ၁၉၆၄ မှ)။
.
၁၉၄၇ ဇူလိုင် ၁၉ … သူတို့နှစ်ဦး အတူရှိချိန်၏ နိဂုံးကား ဝမ်းနည်းစရာ ကောင်းလှသည်။ ဗိုလ်ချုပ်က သွေးအိုင်ထဲ လဲနေပြီ … ဆရာဘကီးက အသက် ယဲ့ယဲ့မျှ ရှိသေးသည်။ ထိုအချိန်တွင် ဆရာကြီး နောက်ဆုံး ပြောခဲ့သည်က ““ကျွန်တော်က အရေးမကြီးပါ။ ဗိုလ်ချုပ်နှင့် သခင်မြတို့က ပိုဆိုးပုံရတယ်။ သူတို့ကိုသာ ဂရုစိုက်ကြပါ။”ဟူ၍ပင်။ သေနတ်ဒဏ်ရာများဖြင့် ဝေဒနာခံစားနေရစဉ်တွင်ပင် ဗိုလ်ချုပ်အပေါ် သံယောဇဉ်ကြီးသော အနစ်နာခံသော ဆရာကြီး၏ နောက်ဆုံးစကား။
.
လာရာမတူသော်လည်း လားရာတူသူ … တိုင်းပြည်ကို ချစ်မြတ်နိုးကာ တိုင်းပြည်အကျိုး အသက်နဲ့ရင်း သယ်ပိုးခဲ့ကြသူ အာဇာနည်တို့သွေး မြေကျခဲ့သည်မှာ ၆၉ နှစ်တိုင်ခဲ့ပေပြီ။
.
.အာဇာနည်တို့ ကွယ်လွန်သွားသည်မှာ ကြာပြီဖြစ်သော်လည်း အာဇာနည်တို့၏စိတ်ဓာတ်ကား အဓွန့်ရှည်နေဆဲပါပင်။
.
အနာဂတ်၏ အောင်ဆန်းလောင်းများ ရာဇတ်လောင်းများ ဒီ့ထက်ဒီ ပိုထွန်းနိုင်စေရေး ကျွန်တော်တို့အားလုံးတွင် တာဝန် ရှိပါသည်။
.
ဇူလိုင် ၁၉ ၊ ၂၀၁၆
M-Media
.
၂၀၁၆ ခုနှစ် ဇူလိုင်လ ၁၉ ရက်နေ့ တွင် ကျရောက်သော ၆၉ နှစ်မြောက် အာဇာနည်နေ့ အား ဂုဏ်ပြုသည့် အနေဖြင့် M-Media မှ တင်ဆက်ခဲ့သော အာဇာနည်ခေါင်းဆောင်ကြီးများနှင့် သက်ဆိုင်သည့် ပိုစ်များကို တစုတစည်းထဲ ဖော်ပြလိုက်ရပါသည် ။
အတ္ထုပ္ပတ္တိ
———-
ဗိုလ်ချုပ် အောင်ဆန်း (၁၉၁၅ – ၁၉၄၇)
.
ဦးဘဝင်း (၁၉၀၁ – ၁၉၄၇)
.
သခင် မြ (၁၈၉၇ – ၁၉၄၇)
.
ဆရာကြီးဦးရာဇတ် (၁၈၉၈-၁၉၄၇)
အခြားပိုစ်များ http://www.m-mediagroup.com/news/category/famous-perosn/urazak
.
မိုင်းပွန် စော်ဘွားကြီး စပ်စံထွန်း
.
ဦးအုန်းမောင် (၁၉၁၃ – ၁၉၄၇)
.
ဒီးဒုတ်ဦးဘချို (၁၈၉၃ – ၁၉၄၇)
.
မန်းဘခိုင် (၁၉၀၃ – ၁၉၄၇)
.
ရဲဘော် ကိုထွေး (၁၉၂၉ – ၁၉၄၇)
အခြားပိုစ်များ => http://www.m-mediagroup.com/news/category/famous-perosn/yebawkohtwe
ကဗျာ
——
အလွှာစုံညီ မြန်မာ့အာဇာနည် (ကဗျာ)
.
ငါတို့ ဗိုလ်ချုပ်သာ ရှိခဲ့ရင် (ကဗျာ)
.
အယ်ဒီတာ့အာဘော်
———————
အာဇာနည်တို့ရဲ့ နှလုံးသား
.
သမိုင်းထဲက ပုံရိပ်
——————-
အာဇာနည်များထားရာ ဂျုဗလီဟောသို့ မြန်မာ မွတ်စလင်မ်များ ချီတက် အလေးပြုခဲ့ကြစဉ်။ (၉-၈-၁၉၄၇ ဖဆပလသတင်းစဉ်)
သမိုင်းထဲက သက်သေများ [သတင်းစာများပြောတဲ့ မြန်မာမွတ်စလင်မ်တို့ သမိုင်း (၈)]
.
(ရန်ကုန်တရုတ်ကပြားနဲ့ ဟင်္သာတ မူဆလင်များအာဇာနည်နေ့ အခမ်းအနားကိုပါဝင်ချီတက်အလေးပြုပုံ)
သမိုင်းထဲက သက်သေများ [သတင်းစာများပြောတဲ့ မြန်မာမွတ်စလင်မ်တို့ သမိုင်း (၇)]
.
အာဇာနည်နေ့ ဝမ်းနည်းခြင်း အထိမ်းအမှတ်အဖြစ် ဗ-လ-မ ဋ္ဌာနချုပ်မှ ပေးပို့ခဲ့တဲ့စာ (၁၉၄၇)
အာဇာနည်နေ့ ဝမ်းနည်းခြင်း အထိမ်းအမှတ်အဖြစ် ဗ-လ-မ ဋ္ဌာနချုပ်မှ ပေးပို့ခဲ့တဲ့စာ (၁၉၄၇)
.
ဆောင်းပါး
————-
ဗိ်ုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများ လုပ်ကြံမှုကြီး ကိုယ်တွေ့ မျက်မြင်ခံစားချက်မှတ်တမ်း
.
သမိုင်းထဲက သွေးစွန်းခဲ့တဲ့ နေ့တစ်နေ့
သမိုင်းထဲက သွေးစွန်းခဲ့တဲ့ နေ့တစ်နေ့ (၆၆-နှစ်မြောက် အာဇာနည်နေ့ အထိမ်းအမှတ်)
အာဇာနည်များ၏ မြှုပ်နှံမှုမှ ဖေါ်ကြူးသော စည်းလုံးညီညွတ်ရေး စိတ်ဓါတ်
အာဇာနည်များ၏ မြှုပ်နှံမှုမှ ဖေါ်ကြူးသော စည်းလုံးညီညွတ်ရေး စိတ်ဓါတ်
.
“အာဇာနည်နေ့သည် ဘာသာပေါင်းစုံ သွေးစည်း ညီညွှတ်တဲ့နေ့ ” ဦးသောင်းညွှန့်(ဖျာပုံ)
“အာဇာနည်နေ့သည် ဘာသာပေါင်းစုံ သွေးစည်း ညီညွှတ်တဲ့နေ့ ” ဦးသောင်းညွှန့်(ဖျာပုံ)
.
အာဇာနည်နေ့ နှင့် မြန်မာမွတ်စလင်မ်
.
မမေ့နိုင်ရွယ်ရည် ၆၆-နှစ်တိုင်လေပြီ အာဇာနည်မြတ် ဦးရာဇတ်
မန္တလေး၊ ဇူလိုင် ၁၅
ကမ္ဘာကြီးတွင် မှီတင်းနေထိုင်ကြသော လူမျိုးဘာသာမရွေး ငြိမ်းချမ်းစွာအတူယှဉ်တွဲ နေထိုင်ရေးအတွက် မန္တလေးမြို့ ပုသိမ်ကြီးမြို့နယ် ရန်ကင်းတောင် ကျေးရွာအုပ်စု ရန်ကင်းတောင်ခြေတွင် ဇူလိုင် ၁၅ ရက် နံနက် ၈ နာရီ ခွဲက ရဟန်း၊ သံဃာနှင့် ကျောင်း သား၊ ကျောင်းသူအင်အား ၃ဝဝ ကျော် ဖြင့် စုပေါင်းလမ်းလျှောက်ပွဲပြုလုပ် ခဲ့ကြကြောင်း သိရသည်။
.
”လူမျိုးတိုင်းမှာ လူကောင်းရှိသလို လူဆိုးလည်းရှိတယ်၊ အခုခေတ်မှ လူမှုကွန်ရက်ကခေတ်စားလာတော့ အစွန်းရောက်တဲ့လူတွေက မကောင်းတဲ့ဝါဒတွေဖြန့်ပြီး ခိုက်ရန်ဖြစ်ပွား အောင်လုပ်နေကြတယ်။ သတင်း တစ်ခုထွက်တိုင်း စဉ်းစားချင့်ချိန်ပြီး ငြိမ်းချမ်းစွာအတူ ယှဉ်တွဲနေထိုင် စေချင်လို့ပါဝင်လမ်းလျှောက်ဖြစ်တာပါ”ဟု ပါဝင်လမ်းလျှောက်သူ ဆရာ တော်တစ်ပါးက မိန့်ကြားသည်။ ရန်ကင်းတောင်ခြေရှိ ငြိမ်းချမ်းရေး တက္က သိုလ်ရှေ့ကံထူးအောင် ကျောင်းတိုက်တွင် စုဝေး၍ ရန်ကင်း တောင်တက်လမ်းအတိုင်း ဥယျာဉ် ပရိယတ္တိစာသင်တိုက်အထိ ခွင့်ပြု မိန့်ဖြင့် စုပေါင်းလမ်းလျှောက်ခဲ့ပြီး i Peace စာသားပါ ပူဖောင်းများ ကိုင် ဆောင်၍ ငြိမ်းချမ်းစွာ လမ်းလျှောက် ခဲ့ကြသည်။
.
ဇူလိုင် ၁၅ ရက် နံနက် ၇ နာရီ ကကျင်းပသော ပုသိမ်ကြီးမြို့နယ် ရန်ကင်းတောင်ခြေရှိ ကမ္ဘာ့ငြိမ်းချမ်းရေးတက္ကသိုလ်အလယ်ပင်မ ဆောင် ပန္နက်တင်မင်္ဂလာအခမ်းအနားသို့ ပါမောက္ခချုပ် ဆရာတော် နှင့် မန္တလေး တိုင်းဒေသကြီး ဝန်ကြီး ချုပ် ဒေါက်တာဇော်မြင့်မောင်တို့ တက်ရောက်ခဲ့ပြီး ကမ္ဘာကြီးငြိမ်းချမ်း စေရန်ရည်ရွယ်၍ ရဟန်း၊ သံဃာ နှင့် ကျောင်းသား၊ ကျောင်းသူများက စုပေါင်းလမ်းလျှောက်ခြင်းကို ဆက် လက်ပြုလုပ် ခဲ့ကြခြင်းဖြစ်ကြောင်း သိရသည်။
.
AXE
democracytoday မှ ကူးယူဖော်ပြပါသည်။
https://www.facebook.com/YangonMediaGroup/photos/a.335477406471186.83922.334119789940281/1228273143858270/?type=3
ဇူလိုင် ၁၈ ၊ ၂၀၁၆
M-Media
ဆောင်းပါးရှင်- သာကီထက်ကောင်း
.
များမကြာမီ အာဇာနည်နေ့ ရောက်ရှိလာပါတော့မယ်။ ၀မ်းနည်းခြင်း အထိမ်းအမှတ်အနေနဲ့ အလံတစ်ဝက် လွှင့်ထူကြဖို့ ဆော်သြသတိပေးချက်များလည်း တွေ့ရပါတယ်။ တစ်လက်စတည်းမှာပဲ ကျွန်တော်တို့ မြန်မာနိုင်ငံတော် အလံအကြောင်းကို ကျွန်တော်တို့ကိုယ်တိုင် လေ့လာမိကြလားလို့ စဉ်းစားလိုက်မိပါတယ်။ ဒီအတွေးနဲ့အတူ အလံအကြောင်း ဗဟုသုတလေးကို ချရေးမိခြင်းဖြစ်ပါတယ်။ ကျွန်တော်တို့မြန်မာနိုင်ငံရဲ့ နိုင်ငံတော်အလံဟာ ၁၁ မျိုးအထိ ပြောင်းလဲလာခဲ့ပြီဆိုတာ အသင်သိပါသလား ?
.
သမိုင်းအပြောင်းအလဲနှင့် နိုင်ငံတော်အလံ
——————————————
ခိုင်မာတဲ့အထောက်အထားများအရ မြန်မာနိုင်ငံရဲ့ ပထမဆုံးအလံကို ဟံသာဝတီခေတ် (အေဒီ ၁၃၀၀-၁၅၀၀)မှာ စတင်တွေ့ရှိရပါတယ်။ နောက်ခံအစိမ်းမျက်နှာပြင်ဖြစ်ပြီး အလံရဲ့အလယ်ဗဟိုမှာ အ၀ါရောင်ဟင်္သာပုံ ရေးဆွဲထားပါတယ်။ (ပုံ – ၁)
.
ဒုတိယအလံတော်ဟာ ကုန်းဘောင်မင်းဆက် (အေဒီ ၁၇၅၂-၁၈၈၅)မှာ တွေ့ရပြီး နောက်ခံအဖြူပေါ် အမြီးဖြန့်ကျက်ထားတဲ့ ကဒေါင်းပုံနဲ့ ဖြစ်ပါတယ်။ (ပုံ – ၂)
.
တတိယအလံကတော့ ဗြိတိသျှအစိုးရခေတ်၊ မြန်မာနိုင်ငံကို အိန္ဒိယရဲ့ပြည်နယ်အဖြစ်သတ်မှတ်ထားချိန် (အေဒီ ၁၈၂၄-၁၉၃၇)က အသုံးပြုခဲ့တဲ့အလံဖြစ်တယ်။ အနီရောင်အောက်ခံ၊ ၀ဲဖက်ထိပ်ထောင့်မှာ ဗြိတိသျှအလံငယ်ပုံ၊ လက်ျာဖက်ပိုင်း အလယ်ဗဟိုမှာ နေမ၀င်အင်ပါယာတံဆိပ်နဲ့ ပုံဖော်ထားပါတယ်။ (ပုံ – ၃)
.
စတုတ္ထအလံကို အိန္ဒိယလက်အောက်ခံ အဖြစ်မှ ခွဲထွက်ချိန် (၁၉၃၉-၁၉၄၁ ခုနှစ်)မှာ ဗြိတိသျှဘားမားအလံ အဖြစ် တွေ့ရတယ်။ ဂျပန်ခေတ်မှာ အသုံးမပြုတော့ဘဲ ဂျပန်ခေတ်လွန် ၁၉၄၅ ခုနှစ် ဇန်န၀ါရီလ ၃ ရက်မှ ၁၉၄၈ ခုနှစ်အထိ နောက်တစ်ကြိမ် အသုံးပြုခဲ့တယ်။ ဒီတစ်ခါမှာတော့ အောက်ခံအပြာရောင်၊ ၀ဲဖက်ထိပ်ထောင့်မှာ ဗြိတိသျှအလံငယ်ပုံ၊ လက်ျာဖက်ပိုင်း အလယ်ဗဟိုမှာတော့ နေမ၀င်အင်ပါယာတံဆိပ်အစား အ၀ါရောင်စက်ဝိုင်းထဲက အစိမ်းနုရောင် ကဒေါင်းပုံနဲ့ ဖော်ကျူးထားပါတယ်။ (ပုံ – ၄)
.
အဲ့ဒီကြားကာလအတွင်း (၁၉၄၁-၄၂ ခုနှစ်)မှာ အောက်ခံအပြာ၊ (ဗြိတိသျှအလံပုံ မပါတော့ဘဲ) အလယ်ဗဟိုတည့်တည့်မှာ အ၀ါရောင်စက်ဝိုင်းထဲက အစိမ်းနုရောင် ကဒေါင်းပုံကြီး တစ်ခုတည်းပါတဲ့ အလံကို ပဉ္စမမြောက်အလံအဖြစ် အသုံးပြုခဲ့ကြတယ်။ (ပုံ – ၅)
.
ဆဋ္ဌမမြောက်အလံကတော့ ဂျပန်ခေတ် (၁၉၄၂-၄၃ ခုနှစ်)က ဂျပန်အလံပဲဖြစ်ပါတယ်။ (ပုံ – ၆)
.
သတ္တမမြောက်အလံတော်ကို ယခုလက်ရှိအလံရဲ့နောက်ခံ ၀ါ၊ စိမ်း၊ နီ အစဉ်လိုက် ရွယ်တူအလျားမျဉ်းသုံးကြောင်း၊ အလယ်ဗဟိုမှာ စက်ဝိုင်းထဲက ကဒေါင်းပုံနဲ့ အသုံးပြုခဲ့ပါတယ်။ (ပုံ – ၇)
.
၁၉၄၅ ခုနှစ်မှာ အထက်ပါအလံကိုပဲ ဒေါင်းပုံရဲ့ သရုပ်ဟန်ပန်းချီဟန် ပြောင်းလဲခဲ့တယ်။ (ပုံ – ၈)
.
၁၉၄၈ ခုနှစ် ဇန်န၀ါရီလ ၄ ရက် ဗြိတိသျှထံမှ လွတ်လပ်ရေးရချိန် ပြဋ္ဌာန်းအသုံးပြုခဲ့တဲ့အလံတော်က အောက်ခံအနီရောင်၊ အလံထိပ်ထောင့် အပြာကွက်ထဲ ကြယ်ဖြူကြီးတစ်ပွင့်ကို ကြယ်ဖြူလေး ငါးပွင့် ၀န်းရံထားတဲ့ပုံ ဖြစ်ပါတယ်။ ကြယ်ဖြူကြီးက ပြည်ထောင်ကို ကိုယ်စားပြုပြီး၊ ကြယ်ဖြူလေးငါးပွင့်ကတော့ လွတ်လပ်ရေးရကာစ အဓိကတိုင်းရင်းအုပ်စုကြီးငါးစုရဲ့ နယ်မြေများကို ကိုယ်စားပြုထားပါတယ်။ ဒီအလံဟာ န၀မမြောက်အလံတော် ဖြစ်ပါတယ် (ကြည့် – Myanmar (Burma) : former flags. Myanmars.net (4 January 1948). Retrieved on 2011-05-27.)။ ဒီအလံတော်ကို ၁၉၇၄ ခုနှစ်အထိ အသုံးပြုခဲ့တယ် (ကြည့် – Myanmar (Burma): former flags. Fotw.net. Retrieved on 27 May 2011. Archived 29 April 2011 at the Wayback Machine.)။ (ပုံ – ၉)
.
၁၉၇၄ ခုနှစ် ဇန်န၀ါရီလ ၃ ရက်မှာ ပြည်ထောင်စု ဆိုရှယ်လစ် သမ္မတအလံ အဖြစ် ဦးနေ၀င်းက ပြောင်းလဲအသုံးပြုစေခခဲ့တယ်။ ဒီအလံမှာတော့ ထိပ်ထောင့်အပြာကွက်အလယ်ဗဟိုမှာ အဖြူရောင်ခွေးသွားစိတ်ဘီးတစ်ခု၊ ဘီးအပေါ်မှာ စပါးနှံ၊ ပြီးတော့ သူတို့ကို ကြယ်ပွင့်ငယ် ၁၄ လုံးနဲ့ ၀ိုင်းရံပြီး ပုံဖော်ခဲ့ပါတယ်။ အဖြူရောင်ကြယ်ပွင့်ငယ် ၁၄ လုံးက တိုင်းနဲ့ပြည်နယ် ၁၄ ခုကို ကိုယ်စားပြုပါတယ် (ကြည့် – Tai, Yu-liang. “緬甸 Myanmar/Burma” (in Chinese). Retrieved 23 October 2010.)။ စပါးနှံနဲ့ ခွေးသွားစိတ်ဘီးကတော့ (အဲ့ဒီခေတ် ကွန်မြူနစ်နဲ့ဆိုရှယ်လစ်နိုင်ငံများအတိုင်း) “လက်မှုလယ်ယာမှ စက်မှုလယ်ယာသို့” ဆိုတဲ့ ဆောင်ပုဒ်ကို ရည်ညွှန်းကြောင်း သိရတယ်။ ၁၉၈၈ ခုနှစ် ရှစ်လေးလုံးအရေးအခင်းကာလမှာ ဆန္ဒပြသူတွေက စစ်အစိုးရကို ဆန့်ကျင်သောအားဖြင့် အလံကို ပြောင်းပြန်ဇောက်ထိုး ချိတ်ဆွဲခဲ့ကြပါတယ်။ (ပုံ – ၁၀)
.
၁၉၇၄ ခုနှစ်ကတည်းက အသုံးပြုလာခဲ့တဲ့ နိုင်ငံတော်အလံဟောင်းနေရာမှာ လက်ရှိအသုံးပြုနေတဲ့ နောက်ဆုံးအလံကို ၂၀၁၀ ခုနှစ် အောက်တိုဘာလ ၂၁ ရက်မှာ အစားထိုးခဲ့ပါတယ်။ အလံသစ်နဲ့အတူ နိုင်ငံရဲ့အမည်နာမ Burma ကို Myanmar အဖြစ် ၂၀၀၈ ဖွဲ့စည်းပုံအခြေခံဥပဒေနဲ့အညီ ပူးတွဲပြောင်းလဲလိုက်ခြင်းဖြစ်တယ်။ အလံရဲ့ပုံစံဒီဇိုင်းက ၀ါ၊ စိမ်း၊ နီ ကန့်လန့်ဖြတ် အစင်းမျဉ်းသုံးကြောင်းကို နောက်ခံထားပြီး အလယ်ဗဟိုမှာ အဖြူရောင် ငါးမြှောင့်ကြယ်ပွင့်ပုံတစ်ပုံ ပါဝင်ပါတယ်။ ထိပ်ဆုံးပထမမျဉ်းလိုင်းက အ၀ါရောင်၊ အလယ်မျဉ်းလိုင်းက အစိမ်းရောင်နဲ့ အောက်ဆုံးတတိယမျဉ်းလိုင်းက အနီရောင်ဖြစ်ပါတယ်။ စည်းလုံးညီညွတ်ခြင်း၊ တည်ငြိမ်အေးချမ်းခြင်းနဲ့ ရဲစွမ်းသတ္တိကို ကိုယ်စားပြုထားတယ် (ကြည့် – “Myanmar unveils new flag”. AP (Straits Times). 21 October 2010. Archived from the original on 24 October 2010. Retrieved 23 October 2010.)။ ဒါက တရားဝင်ဖွင့်ဆိုချက်ပါ။ အပေါ်ဆုံးအ၀ါရောင်က သံဃာ၊ အောက်ဖက်က အစိမ်းနဲ့အနီက ပါတီကြီးနှစ်ခုကို ကိုယ်စားပြုတယ်ဆိုပြီး ဥာဏ်ကွန့်ထင်ကြေးများနဲ့ ပြောဆိုမှုအချို့လည်း ရှိကြပါတယ်။ မည်သို့ဆိုစေ လက်ရှိနှစ်များအတွင်း ဆန္ဒပြပွဲနဲ့ လှုပ်ရှားမှုအချို့မှာ နိုင်ငံတော်အလံကို ပြောင်းပြန်ဇောက်ထိုး ထောင်ပြီး အသုံးပြုနေခြင်းကိုလည်း တွေ့မြင်ရပါလိမ့်မယ်။
.
လက်ရှိ ၂၀၁၀ အလံတော်ဟာ ဒုတိယကမ္ဘာစစ်အတွင်း ဂျပန်တပ်များကိုတိုက်ထုတ်ချိန် ဗမာ့တော်လှန်ရေးကာလ (၁၉၄၃-၁၉၄၅ ခုနှစ်)က အသုံးပြုခဲ့တဲ့ အလံပုံစံနှစ်မျိုးကို မှီးယူပုံဖော်ထားခြင်းဖြစ်တယ်။ အဲ့ဒီအလံနှစ်မျိုးစလုံးက အောက်ခံမျဉ်းသုံးစင်းနဲ့ ပုံစံတူဖြစ်ပြီး ဒေါင်းတံဆိပ်နေရာမှာ အဖြူရောင်ကြယ်ပွင့်ကို ထည့်သွင်းထားပါတယ်။ (ပုံ – ၁၁)
.
၂၀၁၀ နိုင်ငံတော်အလံရဲ့ ပုံစံသစ်ကို ဖွဲ့စည်းပုံအခြေခံဥပဒေညီလာခံကျင်းပစဉ် ၂၀၀၆ နိုဝင်ဘာ ၁၀ ရက်မှာ အဆိုပြုတင်သွင်းခဲ့တယ်။ အရွယ်တူ နောက်ခံ ၀ါ၊ စိမ်း၊ နီ အလျားလိုက်မျဉ်းသုံးကြောင်းဟာ ပထမလိုင်းက အစိမ်းရောင်၊ အလယ်က အ၀ါရောင်နဲ့ အောက်ဆုံးက အနီရောင်ဖြစ်ပြီး၊ အစိမ်းရောင်မျဉ်းအဆုံးမှာ ကြယ်ဖြူတစ်လုံးကို ပင့်မြှောက်ထားတဲ့ပုံပါ။
.
၂၀၀၇ ခုနှစ် စက်တင်ဘာလမှာ ဂျပန်ခေတ်အလံကို မှီးယူထားတဲ့ နောက်ထပ်ပုံစံသစ်တစ်ခုကို အဆိုပြုရာမှ လက်ရှိပုံစံဖြစ်လာခဲ့ပါတယ် (ကြည့် – Tai, Yu-liang. “緬甸 Myanmar/Burma” (in Chinese). Retrieved 23 October 2010.)။ အလယ်ဗဟိုက ဒေါင်းပုံနေရာမှာ ကြယ်ဖြူကြီးတစ်ပွင့်ကို အစားထိုးလိုက်တာပါ။ ဒီကြယ်ဖြူတစ်ပွင့်ဟာ တစ်ခုတည်းသောပြည်ထောင်စုလို့ အဓိပ္ပာယ်ဖွင့်ပေမယ့်လည်း “လူမျိုးတစ်စုတည်းကောင်းစားရေး” ကိုသာ ကိုယ်စားပြုထားသလားဆိုပြီး နောက်ပိုင်းကာလများမှာ သံသယ၀င်လာသူများလည်း ရှိကြပါတယ်။ ဒီအလံတော်ကို ၂၀၀၈ ပြည်လုံးကျွတ်ဆန္ဒခံယူပွဲမှာ အတည်ပြုခဲ့တယ်။ ၂၀၁၀ ခုနှစ် အောက်တိုဘာလ ၂၁ ရက် ဒေသစံတော်ချိန် ၃ နာရီတိတိမှာ အလံဟောင်းကို ဖြုတ်ပြီး အလံသစ်ကို အစားထိုးလွှင့်ထူဖို့၊ အလံဟောင်းများအားလုံးကို မီးရှို့ဖျက်ဆီးဖို့ အာဏာပိုင်တွေဆီ အမိန့်ရောက်လာခဲ့တယ်။ နိုင်ငံတော်အလံသစ်ကို နိုင်ငံပိုင်မီဒီယာကနေ တိုင်းသိပြည်သိ ကြေငြာပြီး ပြောင်းလဲအသုံးပြုစေလိုက်ပါတယ် (ကြည့် – Birsel, Robert (21 October 2010). “Myanmar gets new flag, official name, anthem”. Reuters. Retrieved 23 October 2010.)။
.
ထူးခြားချက်
————
အစိမ်း၊ အ၀ါနဲ့ အနီရောင်တွေ(သုံးမျိုးရော)ကို အာဖရိကန်အရောင်များအဖြစ် သတ်မှတ်ထားကြပါတယ်။ အဲ့ဒီလို အာဖရိကန်ဝိသေသများနဲ့ ထူးထူးခြားခြား တူညီနေတဲ့အတွက်ကြောင့် မြန်မာနိုင်ငံရဲ့ ဧကဒဿမမြောက် လက်ရှိ အလံတော်သစ်ကို အာဖရိကနိုင်ငံတစ်ခုခုရဲ့အလံများလားဆိုပြီး မှားယွင်းယူဆလေ့ရှိကြောင်း သိရပါတယ် (ကြည့် – Cropley, Ed (10 November 2012). “Myanmar’s African Flag”. Reuters. Archived from the original on 13 December 2013. Retrieved 8 December 2013.)။
.
သတိပြုစရာသ
————-
ကမ္ဘာ့တိုင်းပြည်များရဲ့ နိုင်ငံတော်အလံ ဟူသမျှမှာ သက်ဆိုင်ရာ ပုံဟန်၊ အရောင်အသွေးများနဲ့ပတ်သက်ပြီး ကိုယ်ပိုင်ဖွင့်ဆိုချက်အသီးသီး ရှိကြသလို ကျွန်တော်တို့ မြန်မာနိုင်ငံအလံတော်မှာလည်း ရှိပြီးသားဖြစ်ပါတယ်။ ဒါ့အပြင် နိုင်ငံတော်အလံ National Flag နဲ့ နိုင်ငံတော်သီချင်း National Anthem ကို အမြဲတစေ တွဲလျက် အသုံးပြုလေ့ရှိပါတယ်။ နိုင်ငံတော်အလံနဲ့ နိုင်ငံတော်သီချင်းဆိုတာ တိုင်းပြည်နိုင်ငံ၊ ပြည်သူလူထုတစ်ရပ်လုံး၊ အုပ်ချုပ်သူအစိုးရ၊ အုပ်ချုပ်ရေးမူဝါဒ၊ ရပ်တည်ချက်များအတွက် ကိုယ်စားပြုတဲ့ ရတနာများ ဖြစ်ကြပါတယ်။ သို့ပေမယ့်လည်း လက်ရှိနှစ်များအတွင်း လူမျိုးရေးဘာသာရေးပဋိပက္ခတွေ၊ အမုန်းတရားလှုံ့ဆော်မှုတွေ၊ အကြမ်းဖက်မှုတွေမှာ ပြောင်ပြောင်တင်းတင်း အသုံးချနေခြင်းက နိုင်ငံတော်အလံနဲ့နိုင်ငံတော်သီချင်းရဲ့ အနှစ်သာရများကို စော်ကားလှောင်ပြောင်ရာရောက်သလို ကမ္ဘာ့အလယ်မှာလည်း သေးသိမ်စရာ သိက္ခာမဲ့လုပ်ရပ်တစ်ခု ဖြစ်နေပါကြောင်း၊ ဒါ့အပြင် မိမိနိုင်ငံတော်ရဲ့အလံကို အထက်မှန်းမသိ အောက်မှန်းမသိ မှားယွင်းလွှင့်ထူ/ကိုင်စွဲခြင်းကလည်း ရယ်စရာဖြစ်နေပါကြောင်း သတိချပ်နိုင်အောင် ရေးသားတင်ပြလိုက်ရပါတယ်။
သာကီထက်ကောင်း
(Flag of Myanmar, Wikipedia ကိုမှီးပါသည်)