News @ M-Media

Author: editor

  • “ပြည်သူနှင့်အတူ နောက်ကွယ်က လက်မဲကြီး အုပ်စုကို ဖော်ထုတ်ကြပါစို့လား”

    “ပြည်သူနှင့်အတူ နောက်ကွယ်က လက်မဲကြီး အုပ်စုကို ဖော်ထုတ်ကြပါစို့လား”

    “မျိုးချစ်စိတ်ဓာတ်” ဟူသည် တိုင်းပြည်တစ်ခုခုမှာနေထိုင်ကြသည့် နိုင်ငံသားတိုင်း ထားရှိသင့်သည့် မရှိမဖြစ်စိတ်ဓာတ် တစ်မျိုးဖြစ်သည်။ ကမ္ဘာ့သမိုင်းကို လေ့လာကြည့်ပါက နိုင်ငံအချို့သည် ကိုလိုနီနယ်ချဲ့စနစ်၊ ဖက်ဆစ်စနစ်၊ နာဇီစနစ်၊ ဇီယွန်စနစ် စသည့် စနစ်အမျိုးမျိုး အောက်ကို ကျရောက်ခဲ့ရသည်ကို တွေ့ရသည်။

    “နေမဝင် အင်ပါယာ” ဟုခေါ်ဝေါ်တင်စားခြင်းခံရသော ကိုလိုနီနယ်ချဲ့စနစ်ကို အင်္ဂလိပ်လူ မျိုးတွေအပြင် ပြင်သစ်၊ပေါ်တူဂီ၊ ဒတ်ခ်ျ လူမျိုးတွေက ကျင့်သုံးခဲ့သည်။ မိမိတို့လက်အောက်ခံ နိုင်ငံ ငယ်လေးများရဲ့ မြေပေါ်၊ မြေအောက်၊ ရေပေါ်၊ ရေအောက်၊ သဘာဝသယံဇာတများကို လိုသလို ထုတ်ယူသုံးစွဲပြီး အုပ်ချုပ်မင်းလုပ်သည့် စနစ်တစ်ခုဖြစ်သည်။ ဂျပန်တို့၏ဖက်ဆစ်စနစ်ဟူသည် မိမိ တို့သိမ်းပိုက်ခံနိုင်ငံများ၏ သဘာဝသယံဇာတများကိုလည်း စိတ်ကြိုက်ထုတ်ယူသုံးစွဲသည့်အပြင်  ထိုနိုင်ငံရှိ ပြည်သူလူထုကို သံသယရှိရင် ရှိသလို ဖမ်းဆီးချုပ်နှောင်ခြင်း၊ သတ်ဖြတ်ခြင်းပြုသည့် ပြုသည့်အပြင် အမျိုးကောင်း သမီးပျိုလေးများကိုလည်း မိမိတို့စိတ်ဓာတ်ခံစားမှု့အတွက် အဓမ္မပြု ကျင့်သည့်စနစ်ဖြစ်သည်။

    မြန်မာနိုင်ငံသည် နှစ်ပေါင်း ၁၀၀ နီးပါး ဗြိတိသျှ ကိုလိုနီနယ်ချဲ့ စနစ်အောက်ကို ကျရောက်ခဲ့  သည်။ ထိုကိုလိုနီနယ်ချဲ့အောက်မှ လွတ်မြောက်ရန် ဗိုလ်ချုပ်အောင်ဆန်း အပါဝင် ရဲဘော်သုံးကျိပ် တို့သည် ဂျပန်နိုင်ငံသို့ လျိူ့ဝှက်စွာ ထွက်ခွာခဲ့သည်။ ပါးရိုက်ခံ၊ နားရင်းရိုက်ခံ၊ ပင်ပန်းဆင်းရဲခံကာ မျိုးချစ်စိတ်ဓာတ်ကို အရင်းတည်ကာ သူ့ကျွန်ဘဝမှ လွတ်မြောက်ရေး အတွက် ထားရှိခဲ့သော စိတ် ဓာတ်သည် “မျိုးချစ်စိတ်ဓာတ်” အစစ်ဖြစ်သည်။ ဂျပန်တို့၏ စစ်အင်အားအကူအညီဖြင့် ရဲဘော်သုံး ကျိပ်တို့နှင့်အတူ အသက်သွေး၊ ချွေး ပေးဆပ်ခဲ့ရသော ပြည်သူလူထုကြီးထားရှိခဲ့သော စိတ်ဓာတ် သည်လည်း မျိုးချစ်စိတ်ဓာတ် အရင်းစင်္စ၊အရင်းခံဖြစ်သည်။ ဗြိတိသျှနယ်ချဲ့ကို တွန်းလှန်ပြီးနောက် ဂျပန်တို့သည်  မင်းသားခေါင်းဆောင်ထားသော ဘီလူးရုပ်သဏ္ဍာန်ပေါ်လာခဲ့သည်။ ဖက်ဆစ်စနစ် ကို တွင်တွင်ကျယ်ကျယ်သုံးခဲ့ကြသောကြောင့် မြန်မာပြည်သူလူထုကြီးကို ဖက်ဆစ်စနစ်အောက်မှ ကယ်တင်ရန် ဗိုလ်ချုပ်အောင်ဆန်းသည် ဂျပန်၏ရန်သူ ဗြိတိသျှနယ်ချဲ့ကို အောက်ကျခံကာ စစ်ရေး အကူအညီများကို တောင်းခံရတော့သည်။ “ ရန်သူရဲ့ရန်သူသည်၊ ကိုယ့်ရဲ့ မိတ်ဆွေဖြစ်သည်”      (The enemy of the enemy is friend ) ဟူသော နိုင်ငံရေး ဖီလောဆိုဖီ (philosophy) ကို ဗိုလ်ချုပ်ကျေညက်ခဲ့ကြောင်း ဤလုပ်ရပ်ကား သက်သေတည်း။

    ဗြိတိသျှနယ်ချဲ့နှင့် ဖက်ဆစ်ဂျပန်တို့လက်အောက်မှ လွတ်မြောက်ရန် တိုက်ပွဲဝင်ခဲ့ကြသော ပြည်သူလူထုကြီး ထားရှိခဲ့သော မျိုးချစ်စိတ်ဓာတ်သည် စစ်မှန်သောမျိုးချစ်စိတ်ဓာတ်ဖြစ်သည်။ ဟန်ပြလုပ်စားပြပုံစံ၊ မျိုးချစ်စိတ်ဓာတ်မဟုတ်ပေ။ နာဇီစနစ်ကျင့်သုံးခဲ့သည့် ဂျာမဏီခေါင်းဆောင် မှာ ဟစ်တလာဖြစ်သည်။ မိမိလူမျိုးကောင်းစားရေးအတွက်၊ မိမိနှင့်မတူကွဲပြားသော လူမျိုးများကို သုတ်သင်ရှင်းလင်းပစ်ရေး မူဝါဒစနစ်တစ်ခုဖြစ်သည်။ ထိုနာဇီစနစ်၏သားကောင်ဖြစ်ခဲ့ရသူမှာ ဂျူး လူမျိုးများဖြစ်သည်။  နာဇီခေါင်းဆောင်ဟစ်တလာသည် မိမိ၏နာဇီဝါဒအရ ဂျူးလူမျိုးမြောက်မြားစွာ ကို အခန်းထဲကိုပြွတ်သိပ်ထည့်ကာ အဆိပ်ငွေ့များလွှတ်ကာ သုတ်သင်ရှင်းလင်းဖြစ်ခဲ့သည့် ဆိုးမွေ များကို ကမ္ဘာ့ပြည်သူလူထုကြီးက ရွံရှာမုန်းတီးခဲ့ပေသည်။ ပြစ်တင်ရှုတ်ချခြင်းခံခဲ့ရပါသည်။

    “ဇီယွန်” ဝါဒသည် အစ္စရေးနိုင်ငံရှိ ဂျူးလူမျိုးတို့ ယနေ့တိုင်ကျင့်သုံးနေသော စနစ်ဖြစ်သည်။ မိမိလူမျိုး၊မိမိကိုးကွယ်သည့် ဘာသာသည်သာ အမှန်ကန်ဆုံး၊ကြီးကျယ်၊မြင့်မြတ်ဆုံးဟု ယူဆပြီး မည်သူတစ်ဦးတစ်ယောက်ကိုမျှ မိမိတို့ဘာသာထဲသို့ အသစ်ဝင်ရောက်လာခြင်းကို လက်မခံသောစ နစ်ဖြစ်သည်။

    ဖော်ပြပါ နယ်ချဲ့စနစ်၊ဖက်ဆစ်စနစ်၊ နာဇီစနစ်၊ဇီယွန်စနစ်များသည် အစွန်းရောက်ဝါဒစနစ် များဖြစ်ကြောင်းကို ကမ္ဘာ့သမိုင်းပညာရှင်များ၊ အတွေးအခေါ်ပညာရှင်များ၊ သုတေသီများက ယနေ့ မျက်မှောက်ခေတ်တွင် မှတ်ကျောက်တင်နေကြပြီဖြစ်သည်။

    အစွန်းရောက်ခြင်းသည် အန္တရာယ်ကြီးမားလှသည်။ ( Extremes are dangerous.) ဗုဒ္ဓ မြတ်စွာသည် လူသားတို့အား “အလယ်အလတ်လမ်းစဉ်” သည်သာ အကောင်းဆုံးဖြစ်ကြောင်းကို ဟောကြားခဲ့ပါသည်။

    မျိုးချစ်စိတ်ဓာတ်နှင့်ဆန့်ကျင်ဘက်မှာ အစွန်းရောက်မျိုးချစ်စိတ်ဓာတ် သို့မဟုတ် မျက်ကန်းမျိုးချစ်စိတ်ဓာတ်ဖြစ်သည်။ “ငါနှင့်ငါသာ ၊နှိုင်းစရာ။ ငါနှင့်မတူ၊ ငါ့ရန်သူ” ဟူသော အယူအဆဖြစ်သည်။ “ငါ့လူမျိုး၊ငါကိုးကွယ်ယုံကြည်သည့် အယူအဆ၊အတွေးအခေါ်၊ဘာသာ၊သာ သနာ သည်သာ အကောင်းဆုံး အမြတ်ဆုံးဖြစ်သည်ဟု သွေးနထင်တက် ဘဝင်လေဟပ်ကာ၊ အခြားမတူကွဲပြားသောလူမျိုးဘာသာ အယူဝါဒများကို အပြစ်မြင် မုန်းတီး ရန်ရှာနေသော အသိဥာဏ် ဆင်ခြင်တုံတရား ပိတ်လှောင်ခြင်း ခံထားရသော ဝါဒစနစ်ဆိုးတစ်ခုဖြစ်သည်။ အမြင် ကျဉ်းမြောင်းသည့်ဝါဒ ဖြစ်သည်။

    ထိုမျက်ကန်းမျိုးချစ် အစွန်းရောက်ဝါဒကို ပညာရေးအခြေခံ နည်းပါးသော၊ဗဟုသုတ ဆင်းရဲသော၊ လူတန်းစားများကို ထိုဝါဒဆိုးမှိုင်းများ အလွယ်တကူ သွတ်သွင်းပေးနိုင်သည်။ နိုင်ငံတစ်နိုင်ငံတွင် ထိုကဲ့သို့ လူ့အဖွဲ့အစည်းတစ်ရပ် အင်အားများပြားလာပါက ထိုနိုင်ငံသည် တည်ငြိမ်အေးချမ်းမှု ကင်းဝေးကာ ဖွံ့ဖြိုးတိုးတက်မှု့ဆုတ်ယုတ်ကာ ကမ္ဘာ့အလယ် ပုံရိပ်ကျဆင်းမျက်နှာငယ်ရမည်မှာ မလွဲဧကန်ပင်ဖြစ်သည်။

    သမ္မတ ဦးသိန်းစိန်လက်ထက်တွင် ဘာသာရေး၊လူမျိုးရေး၊ အဓိကရုဏ်းများကို စနစ်တကျ နောက်ကွယ်က ဖန်တီးခဲ့သော “လက်မဲကြီးအုပ်စု” သည် ယနေ့တိုင် NLD အရပ်သား အစိုးရ၏ အုပ်ချုပ်ရေးစနစ် ယိမ်းယိုင်ပျက်စီးအောင် ဥာဏ်နီဥာဏ်နက် မျိုးစုံသုံးကာ စေ့စော်ဖန်တီးလျက်ရှိ သည်။ မတူကွဲပြားဘာသာဝင် လူနည်းစုများ၏ အသက်အိုးအိမ်၊စည်းစိမ်များကို ခြိမ်းခြောက်ခြင်း၊ ဘာသာရေးစာသင်ကျောင်းများ၊ ဝတ်ပြုဆောင်များကို ပြဿနာရှာခြင်း၊ ဒေသခံအာဏာပိုင်များကို ဖိအားပေး အကြပ်ကိုင်ကာ တားဆီးပိတ်ပင်စေခြင်း စသည့် ဥပဒေမဲ့လုပ်ရပ်များကို မင်းမဲ့စရိုက်ဆန် ဆန် ပြုလုပ်နေကြပေသည်။ ထို့ကြောင့်လည်း ကမ္ဘာ့ကုလသမဂ္ဂ အဖွဲ့ကြီးအပါအဝင်၊ လူ့အခွင့်အရေးအဖွဲ့များက NLD ရွေးကောက်ပွဲနိုင် အစိုးရအား ကန့်ကွက်၊ပြစ်တင်၊ရှုတ်ချသည် အထိဖြစ်ခဲ့ရပါသည်။ လက်ရှိအခြေအနေအရ – ၂၀၀၈ ဖွဲ့စည်းပုံအခြေခံဥပဒေအရ  ပြည်ထဲရေး ဝန်ကြီးဋ္ဌာနသည် အာဏာရအစိုးရ၏ ပြည်နယ်၊တိုင်း ဝန်ကြီးချုပ်များ၏ အုပ်ချုပ်မှု့အောက်တွင် တိုက်ရိုက်မရှိဘဲ ကာကွယ်ရေးဦးစီးချုပ်၏ စီမံကွပ်ကဲမှု အောက်တွင် ရှိနေသောကြောင့် ဆူပူလှုံ့ဆော်သော လူမျိုးရေး၊ဘာသာရေး အဓိကရုဏ်းများ၊ ဖန်တီးနေသူများကို အချိန်နှင့်တပြေး ညီ အရေးမယူနိုင်ခဲ့ခြင်း ဖြစ်သည်ဟု စာရေးသူ ထင်မြင်မိပါသည်။

    ထို့ကြောင့်၏လည်း “အမျိုးဂုဏ်၊ဇာတိဂုဏ် ထိန်းသိမ်းစောင့်ရှောက်ရေး အဖွဲ့လို့ပဲ ပြောပြော၊ အမျိုးဘာသာ၊သာသနာ ထိန်းသိမ်းစောင့်ရှောက်ရေးအဖွဲ့လို့ပဲပြောပြော အများကြားကောင်းအောင် ဖွဲ့စည်းထားသော မျိုးချစ်မာန်ပြ အဖွဲ့အစည်းများသည် “ အသိကိုတမံ ဥာဏ်ကို ခြေကတုတ်ပြု” ၍ မိမိတိ်ု့လုပ်ရပ်များကို စစ်တမ်းထုတ်လေ့လာကြည့်ပါက ရှက်ဖွယ်လိလိ ဖြစ်သည်ကိုသာ တွေ့ရပေလိမ့်မည်။ မိမိတို့လုပ်ရပ်ကြောင့် ဗုဒ္ဓဘာသာ ဂုဏ်သိက္ခာကျဆင်းပေ မည်။

    နောက်ကွယ်က လက်မဲကြီးအုပ်စုသည် ယနေ့တိုင် အရေးယူခြင်းမခံရသေးဘဲ မျက်ကန်းမျိုးချစ်များကို မွေးကာ နောက်ကွယ်မှ လိုသလိုကြိုးဆွဲကာ ကပြစေလျက်ရှိသည် ကို နိုင်ငံရေးအမြင်ရှိသော ပြည်သူလူထုကြီးသည် ကွင်းကွင်းကွက်ကွက် နားလည်သဘောပေါက်ခဲ့ပြီ  ဖြစ်သည်။ ထိုသူတို့၏ လုပ်ရပ်ဆိုးများက သမိုင်းသက်သေတည်း။

    မျိုးချစ်အမည်ခံ လူ့ဗလာ၊ဖိုးသုည များကို မန္တလေးမြို့မှ ဆရာ ဦးဘုန်း(ဓာတု)က “ ကိုယ့်လူမျိုးမဟုတ်တဲ့ အခြားလူမျိုးတွေကို မုန်းတီးနေတာ သူတို့၏ အကျိုးစီးပွားပျက်ဆီးအောင် ကြံစည်ပြောဆို လုပ်ကိုင်နေတာတွေဟာ မျိုးချစ်စိတ်ဓာတ်လုံးဝ မဟုတ်ဘူး။ အဲ့ဒါ လူမျိုးရေး၊မုန်းတီးစိတ်သာဖြစ်တယ်။ မျိုးချစ်စိတ်ဆိုတာ ကိုယ့်တစ်မျိုသားလုံးရဲ့ လူနေမှု့အဆင့်အတန်း၊ တိုးတက်မြင့်မားဖို့ အတွက် မှန်ကန်တဲ့နည်းလမ်းနဲ့ ကြိုးစားအားထုတ်ခြင်းသာ ဖြစ်တယ်” လို့ ဟောပြောပွဲတစ်ခုတွင် ဟောကြားခဲ့ဖူးပါသည်။ ထို့အပြင် မတူကွဲပြားလူသားများအား အပြစ်မြင်တတ်သည့် စိတ်ဓာတ်သည် “ ဗုဒ္ဓ၏ ဆန္ဒ၊ ဗုဒ္ဓ၏ဝါဒ မဟုတ်ကြောင်း ကို စာရေးသူလေ့လာဖူးပါသည်။ ဗုဒ္ဓဝါဒသည် လူသားဝါဒဖြစ်ပါသည်။ လူသားပီသ သူများထံတွင် လူမျိုးရေး၊ ဘာသာရေး ခွဲခြားမှု့လုံးဝမရှိကြောင်း သမိုင်းက သက်သေခံနေပါသည်။

    နိုင်ငံတစ်နိုင်ငံ၏ တည်ငြိမ်အေးချမ်းရေး၊ ဖွံ့ဖြိုးတိုးတက်ရေး စသည်တို့သည် ထိုနိုင်ငံ၏ အစိုးရများက လူ့အခွင့်အရေးကို လေးစားလိုက်နာခြင်း၊တရားဥပဒေစိုးမိုးရေးတို့ကို အပြည့်အဝဆောင်ရွက်ခြင်း စသည်တို့အပေါ်တွင် တည်မှီနေပေသည်။

    အချုပ်ဖြင့်ဆိုရလျှင် “ပြည်သူနှင့်အတူ လက်တွဲပူးပေါင်း လိုသော ပြည်သူ့ အစိုးရသည် ပြည်သူလူထု၏ ဆန္ဒဖြစ်သော  မကောင်းသူကို မကောင်းသလို ပြတ်ပြတ်သားသား ဥပဒေအရ အရေးယူဖို့ အချိန်တန်ပြီ။ မည်သူ့ကိုမျှ ငဲ့ညှာမနေဘဲ တိုင်းပြည်အကျိုး၊ပြည်သူ့အကျိုးကို ရှေ့ရှုကာ အကောင်းအဆိုးကို ပြည်သူလူထုအား ချပြကာ၊ အသိပေးကာ၊ပြည်သူ့အသံတို့ကို နားထောင်ဖို့ အမြန်လိုနေပြီ” ဟု စာရေးသူ သုံးသပ်မိသည်။ သမ္မတ ဥိးသိန်းစိန်လက်ထက်က ဖော်ထုတ်အရေးယူခြင်းမရှိသော လက်မဲကြီးအုပ်စုနှင့် အပေါင်းအပါတစ်စုသည် ပြည်သူ့အစိုးရနှင့် ပြည်သူလူထုကြီးကို ဟန့်တားနှောင့်ယှက်ဖျက်ဆီးနေပါက ဥပဒေအရ အရေးယူဖို့ လိုနေပြီဖြစ်ပါကြောင်း ပြည်သူနှင့်အတူ ပြည်သူ့အစိုးရအား အကြံပြုလိုက်ပါတော့သည်။

    မြေးသခင်ဒေါင်း (မြန်မာ့လွတ်လပ်ရေးမော်ကွန်းဝင်)

     

  • နိုင်ငံတကာ ကျောင်းတွေ နဲ့ ကိုယ်ပိုင်ကျောင်း မှတ်ပုံတင် ဥပဒေ ပြဿနာ

    နိုင်ငံတကာ ကျောင်းတွေ နဲ့ ကိုယ်ပိုင်ကျောင်း မှတ်ပုံတင် ဥပဒေ ပြဿနာ

    Copy illustration image

    မေ ၃ ၊ ၂၀၁၇
    ရဲခေါင်ထွေး ရေးသည်။

    ကိုယ်ပိုင်ကျောင်းမှတ်ပုံတင်မရှိလို့ Horizon International school ကျောင်းကို ပညာရေး ၀န်ကြီးဌာနက တရားစွဲ ဆိုတဲ့ သတင်းတစ်ပုဒ်ကို ဖတ်လိုက်ရတယ်။

    အဲဒီ သတင်းမှာ ကိုယ်ပိုင်ကျောင်း မှတ်ပုံတင် လက်မှတ်မရှိပဲ ဖွင့်လှစ်ထားကြောင်း စစ်ဆေးတွေ့ရှိရတဲ့အတွက် သာကေတ မြို့နယ်ပညာရေးမှူး ဒေါ်သန်းသန်းဦးက ဧပြီလ ၂၈ ရက်နေ့မှာ အမှု့ဖွင့်တိုင်တန်းထားတယ်ဆိုပြီး မေလ ၂ ရက်နေ့ထုတ် The Voice Daily news နဲ့ The Voice website (http://thevoicemyanmar.com/news/8147-kpk ) တို့မှာ ဖေါ်ပြ ထားတာကို တွေ့ရတယ်။ အလားတူ အခြားသော ဂျာနယ် တစ်ချို့မှာလည်း ဖေါ်ပြထားတာကို တွေ့ရတယ်။

    အဲဒီမှာ တွေ့ရတာက ကိုယ်ပိုင်ကျောင်း မှတ်ပုံတင် ဥပဒေကို ” ၂၀၁၁-ခုနှစ်၊ ဒီဇင်ဘာလဆန်းက အတည်ပြုခဲ့တာ ဖြစ်ပြီး ယင်း ဥပဒေ အခန်း(၆) တားမြစ်ချက်များ၊ အခန်းပါ ပုဒ်မ (၂၈) တွင် ‘ မည်သူမျှ ကိုယ်ပိုင်ကျောင်း မှတ်ပုံတင် လက်မှတ် မရှိဘဲ ကိုယ်ပိုင်ကျောင်း တည်ထောင်ဖွင့်လှစ်ခြင်း မပြုရ’ ဟု ပြဌာန်းထားသည်”-တဲ့။

    ရုတ်တရက် ကြည့်လိုက်ရင်တော့ ဟုတ်သလိုလိုပဲ။ သာမာန်အားဖြင့်တော့ လိုင်စင်မှ မရှိတာ။ တရားစွဲဆိုခံရမှာပေါ့ လို့ ထင်ကြမှာပဲ။ ဒါပေမဲ့ –

    ကိုယ်ပိုင်ကျောင်းဆိုတာ ဘာလဲ ? မည်သူမျှ ကိုယ်ပိုင်ကျောင်း မှတ်ပုံတင် လိုင်စင်မရှိပဲ ဆိုတာ ဘာလဲ? သေခြာ အဓိပ္ပါယ် ဖွင့်ဆိုဖို့ . . . . . သေခြာ စဉ်းစားဖို့ လိုပါလိမ့်မယ်။

    ကိုယ်ပိုင်ကျောင်း မှတ်ပုံတင် ဥပဒေလက်စွဲမှာ ‘ကိုယ်ပိုင်ကျောင်း’ ဆိုသည်မှာ ကို ရှင်းရှင်းလင်းလင်း ရေးထားပြီးသား ဖြစ်ပါတယ်။

    အခန်း (၁) အမည်နဲ့ အဓိပ္ပါယ် ဖေါ်ပြချက် ၊ ၂ (က) မှာ –

    #ကိုယ်ပိုင်ကျောင်းဆိုသည်မှာ ပညာရေး အရည်အသွေး မြင့်မားရေးအတွက် ပညာရေး ၀န်ကြီးဌာနက သတ်မှတ်သော အခြေခံပညာသင်ရိုးညွှန်းတမ်း နှင့် သင်ရိုးမာတိကာများပါ ဘာသာရပ်များအတိုင်း ဖြစ်စေ၊ အဆိုပါ ဘာသာရပ်များအတွက် သင်ခန်းစာများ ထပ်ဆောင်း၍ ဖြစ်စေ လေ့ကျင့်သင်ကြားပေးသော ပုဂ္ဂလိက တည်ထောင်ဖွင့်လှစ်သည့် အခြေခံပညာ ကျောင်း ကို ဆိုသည်။”

    လို့ ရှင်းရှင်းလင်းလင်း ရေးထားတယ်။

    အဲဒီတော့ Horizon ကျောင်းတွေဟာ (ကျွန်တော်သိရသလောက်) ပညာရေးဝန်ကြီးဌာနမှ ပြဌာန်းထားတဲ့ သင်ရိုး ညွှန်း တမ်းကို သင်ကြားပေးခြင်းလည်း မရှိဘူး။ သင်ရိုး မာတိကာတွေကလည်း အစိုးရ အခြေခံပညာကျောင်းက ဘာသာရပ်တွေ အတိုင်း လေ့ကျင့်ပေးခြင်းလည်း မရှိဘူး။ ထပ်ဆောင်းပေးခြင်းလည်း မရှိဘူး။ ကိုယ်သတ်မှတ်ထားတဲ့ နိုင်ငံတကာ အဆင့်မီ သင်ရိုးအတိုင်းသာ သင်ပေးနေခြင်း ဖြစ်တယ်။ အဲဒီကျောင်းက နိုင်ငံတကာ သင်ရိုးညွှန်းတမ်းကိုသာ သင်ကြား ပေးတဲ့ ကျောင်းဖြစ်တယ်ဆိုတာကိုလည်း ကျောင်းသားမိဘတိုင်းက အသိပဲ ဖြစ်တယ်။ အဲဒီ courses တွေနဲ့ သင်လာတာ လဲ ၁၇ နှစ်လောက် ရှိပါပီ။

    တကယ်တမ်းပြောရယင် ကိုယ်ပိုင်ကျောင်းမှတ်ပုံတင်ခြင်း ဥပဒေကလည်း ပညာရေးဝန်ကြီးဌာနက ပြဌာန်းထားတဲ့ သင်ရိုးညွန်း တမ်းနဲ့ သင်ပေးတဲ့ကျောင်းတွေနဲ့ပဲ သက်ဆိုင်လို့ကိုယ်ပိုင်ကျောင်း မှတ်ပုံတင် ဥပဒေထဲမှာ ပါတဲ့ ပြဌာန်းချက်တွေနဲ့ အကျုံးမ၀င်တဲ့အတွက် မှတ်ပုံတင်ဖို့တောင် မလိုအပ်ပါဘူး။ ကိုယ်ပိုင်ကျောင်း ဥပဒေ အရလည်း ဘယ် international school မှ မှတ်ပုံတင်လို့ မရသေးပါဘူး။

    ၂၀၁၆ ခုနှစ်ထဲမှာ ရေးထားပြီး  မပြဋ္ဌာန်းရသေးတဲ့ နည်းဥပဒေ မူကြမ်း အတည်ပြုပြီးတဲ့နောက်မှာတော့ ဖြစ်လာနိုင် စရာ ရှိပေမဲ့ international schools တွေအနေနဲ့က မြန်မာနိုင်ငံပညာရေးဝန်ကြီး ဌာနရဲ့ သင်ရိုးညွှန်းတမ်းတွေကို သင်နေတာ မဟုတ်တော့ မှတ်ပုံတင်စရာ မလိုသလို တင်ချင်ရင်လည်း တင်လို့ မရသေးဘူးဆိုတာတော့ လူတိုင်း နားလည်ကြမယ်လို့ ထင်ပါတယ်။

    ကျွန်တော် မေးမြန်းကြည့်တော့ အဲဒီ Horizon ကျောင်းတွေဟာ နိုင်ငံတကာ ပညာရေး သင်ရိုးညွှန်းတမ်းများဖြစ်တဲ့ IGCSE , IB စတဲ့ ဒီပလိုမာ သင်တန်းတွေကိုသာ ပေးပါတယ်။ ကမ္ဘာမှာ ဂုဏ်သတင်းကျော်ကြားတဲ့ IB (International Baccalaureate® ) ဒီပလိုမာကို အောင်မြင်စွာပေးနိုင်တဲ့ ကျောင်းဆိုလို့ မြန်မာနိုင်ငံမှာ Horizon နဲ့ ISY ကျောင်းတွေပဲ ရှိပါသေးတယ်။

    အဲဒါအပြင် Horizon ကျောင်းတွေက UK နိုင်ငံ Cambridge University ရဲ့ IGCSE Exam Centre အဖြစ် အသိမှတ်ပြုထားတဲ့ ကျောင်းလည်း ဖြစ်နေတယ်။ ဒါဆိုရင် Horizon ကျောင်းက UK နိုင်ငံ Cambridge University ရဲ့ IGCSE Exam Centre နဲ့ပဲ သက်ဆိုင်နေတာကို သွားတွေ့ရတယ်။ မြန်မာနိုင်ငံရဲ့ စာစစ်ဌာနနဲ့တောင်မှ မသက်ဆိုင်ပါဘူး။ သင်လည်းမသင်ဘူး။ အောင်လက် မှတ်လည်း မထုတ်ပေးဘူး။

    အဲဒါကို လွယ်လွယ်ကူကူ နားလည်နိုင်ဖို့ ပြောရယင် အလွတ်ကျက် (Parrot Learning) ကိုထိုးဖောက်ပြီး ကိုယ်ပိုင် တွေး တော စဉ်းစားတီထွင်နိုင်တဲ့ (Creative Learning) နည်းစနစ်နဲ့ ကလေးတွေကို တီထွင်တွေး ဖြစ်အောင် သင်ကြား ပေး နေတဲ့ ကျောင်းပါ။

    ကိုယ်ပိုင်ကျောင်းဆိုတဲ့ Definition အရ Horizon International schools ကျောင်းတွေဟာ ကိုယ်ပိုင်ကျောင်းဆိုတဲ့ ခေါင်းစဉ်အောက်ထဲမှာ မ၀င်ဘူးဖြစ်နေတယ်။ မြန်မာနိုင်ငံ ပညာရေး ၀န်ကြီးဌာနက အသိမှတ်ပြုထားတဲ့ သင်ရိုးညွှန်း တမ်းတွေကို သင်တာမဟုတ်ပဲနဲ့ နိုင်ငံတကာ သင်ရိုးကို သင်တာဖြစ်တဲ့အတွက် ကိုယ်ပိုင်ကျောင်းမှတ်ပုံတင်နဲ့ ပတ်သတ် ပြီး ဘာမှ မဆိုင်တာ တွေ့ရမှာ ဖြစ်ပါတယ်။ ဒါက အတိုချုံး ထပ်ပြောရခြင်း ဖြစ်တယ်။

    အဲဒီတော့ ကိုယ်ပိုင်ကျောင်းဆိုတဲ့ Definition နဲ့ လွဲနေတဲ့အတွက် သူတို့ ဘယ်လိုလုပ်ပြီး ဥပဒေ ချိုးဖောက်မှာလဲ?

    ပညာရေး ၀န်ကြီးဌာနအနေနဲ့လည်း ကျောင်း(school) ဆိုတဲ့ ဝေါဟာရစကားလုံးကြောင့် နားလည်မှု့ လွဲနေတယ်လို့ပဲ ယူဆမိတယ်။ နောက်ပြိးတော့ မှတ်ပုံမတင်တာလည်း မဟုတ်ဘူး။

    ကျွန်တော်သိရသလောက် အစထဲက အမျိုးသားစီမံကိန်း ၀န်ကြီးဌာန၊ မြန်မာနိုင်ငံရင်းနှီးမြုပ်နှံမှု့ ကော်မရှင်၏ ခွင့်ပြုချက်နဲ့ ကုမ္ပဏီ ထူထောင်ပြီး ဖွင့်လှစ်ထားတဲ့ကျောင်းဖြစ်တယ်။ တခြား နိုင်ငံတကာကျောင်းလို့ခေါ်တဲ့ International School တွေကလည်း အလားတူ ကုမ္ပဏီတွေ ဖွင့်လှစ်ပြီးတော့ပဲ သင်ကြား ပေးနေခြင်းသာ ဖြစ်တယ်။ သူတို့အနေနဲ့ တင်ရင်လည်း တင်ဖို့ အဆင်သင့်ပဲ ဖြစ်ပါလိမ့်မယ်။

    ဒီကိစ္စကို ပြည်သူ့အစိုးရလို့ ခေါ်တဲ့ အန်အလ်ဒီ အစိုးရကို မေးချင်တာက-

    #လူမှု့ဘ၀ ကို ပျက်စီးစေနိုင်တဲ့ KTV၊ မာဆတ်၊ အရက်ဘီယာဆိုင်တွေကိုတော့ လိုင်စင်ရှိသယောင်ယောင် ဘုံးဘောလအော နေရာတိုင်းမှာ လက်ညိုးထိုးမရှောင် ဖွင့်လှစ်ခွင့် ပေးပြီးတော့ ‘ပညာရေးနဲ့ နိုင်ငံတော်ကို တည်ဆောက် အံ့’ လို့ ကြွေးကျော် လာခဲ့တဲ့ အန်အလ်ဒီ အစိုးရ လက်ထက်ကျမှ နိုင်ငံတကာ ကျောင်းတကျောင်းကို ပိတ်ပစ်လိုက်မယ်ဆိုတဲ့ သမိုင်း၊ ရာဇ၀င် ရိုင်းတော့မှာလား ဗျာ။

  • စစ်ရှောင်စခန်းမှ ရွှေမင်းသမီး အိပ်မက်

    စစ်ရှောင်စခန်းမှ ရွှေမင်းသမီး အိပ်မက်

    ဧပြီ ၃၀ ၊၂၀၁၇
    သာလွန်ဇောင်းထက် ရေးသည်။

    မြက်ရုိုင်းတွေ တောထနေတဲ့ မြေကွက်လပ်ကြီးထဲမှာ အဖြူရောင်၊ အပြာရောင် မုိုးကာတဲလေး တွေ အစီအရီ ရှိနေတယ်။ မုိုးကာတဲတွေပေါ်မှာတော့ UNHCR ဆိုတဲ့ တံဆိပ်က ထင်ထင် ရှား ရှား ပေါ်လွင်နေပါတယ်။

    နေ့လယ်ချိန်ဖြစ်တာမို့ နေရောင်က စူးရှ ပူပြင်းနေပြီး မုိုးကာတဲတွေထဲမှာ နေထုိုင်နေကြတဲ့ ကလေး နဲ့ အမျိုးသမီးတွေရဲ့ မျက်နှာတွေမှာ ချွေးတွေ တဒီးဒီးကျနေတယ်။ ပူအုိုက်နေတဲ့ တဲငယ်လေးတွေဆီက စူးစူးဝါးဝါး ငိုကြွေးနေတဲ့ ကလေး ငယ်တွေရဲ့ ငိုယိုသံတွေကို အတုိုင်း သားကြားနေရတယ်။

    ဒီမုိုးကာတဲလေးတွေနဲ့ နေထုိုင်နေရတဲ့ သူတွေထဲမှာ အသက် ၁၇ နှစ်အရွယ် ခေါင်နွယ်ဆုိုတဲ့ ကချင် တုိုင်းရင်းသူလေး ၁ ဦးလည်း အပါအ၀င် ဖြစ်ပါတယ်။ သူတို့တွေအားလုံးဟာ မြန်မာ တပ်မတော်နဲ့ ကေအုိုင်အေ ကချင်လွတ်လွပ်ရေးတပ်မတော် တို့အကြား ဖြစ်ပွားနေတဲ့ တုိုက်ပွဲ တွေ အရှိန်မြှင့်လာတာကြောင့် သူတို့ နေရပ်တွေကုို စွန့်ခွာ ထွက်ပြေးလာရတဲ့ စစ်ဘေးရှောင် ဒုက္ခသည်တွေဖြစ်ပြီး ၀ုိုင်းမော်မြို့နယ် ၊ ၀ုိုင်းမော်စုံနယ် လော်ဝေါ်နှစ်ခြင်း အသင်းတော်က ဖွင့်လှစ် တဲ့ ဒုက္ခသည်စခန်းမှာ လာရောက် ခုိုလှုံနေကြတာပါ။ အဲဒီစခန်းမှာ မိသားစု ၁၅ စုရှိပြီး လူဦးရေ အားဖြင့် ၆၆ ဦး ခုိုလှုံနေကြပါတယ်။

    ခေါင်နွယ်အပါအ၀င် စစ်ဘေးရှောင် ဒုက္ခသည်စခန်း ၂၀၁၇ ခုနှစ် ဇန်န၀ါရီလအတွင်းမှာ တုိုက်ပွဲတွေကြောင့် နေရပ်စွန့်ခွာ ထွက်ပြေးလာတဲ့ ပူပုနွေးနွေးဒုက္ခသည်အသစ်တွေပါ။ မြစ်ကြီးနားမြို့နဲ့ ၀ုိုင်းမော်မြို့နယ်အတွင်းမှာ စစ်ဘေးရှောင် ဒုက္ခသည်တွေ သောင်းချီရှိနေပြီး ဒုက္ခသည် စခန်းပေါင်း ၁၀၀ ကျော်ရှိတယ်လို့ သိရပါတယ်။

    ၂၀၁၁ ခုနှစ်မှ စတင်ပြီး ပြန်လည် ဖြစ်ပွားတဲ့ KIA နဲ့ အစုိုးရစစ်တပ်အကြားတုိုက်ပွဲတွေကြောင့် စစ်ဘေးရှောင်အရေအတွက်တွေ တိုးပွားနေဆဲဖြစ်ပြီး စစ်ဘေးရှောင်ကလေးတွေရဲ့ အနာဂတ်ကလည်း မရေမရာဖြစ်နေပါတယ်။

    မျှော်လင့်ချက်မဲ့ စစ်ရှောင်ကလေးများအနက်မှ ခေါင်နွယ်
    ==================================

    အသက် ၁၇နှစ်အရွယ်ဆုိုတာ မိဘအုပ်ထိန်းသူအောက်မှာ ပျော်ရွှင်စွာ ပညာသင်ကြားရမယ့် အရွယ်ဖြစ်ပေမယ့် သမီးငယ်ခေါင်နွယ်ဟာ စစ်ဒဏ်ကြောင့် မိဘမဲ့ ဖြစ်ပြီး ၀ုိုင်းမော်မြို့နယ်၊ လော်ဝေါ်စစ်ရှောင်စခန်းမှာ လာရောက်နေထုိုင်ရပါတယ်။

    သမီးငယ်ခေါင်နွယ်ဟာ မွေးစကတည်းက မိခင်၊ဖခင်တုို့ကုို မမြင်ဖူးဘဲ အဘိုးအဘွားတွေနဲ့ အတူ နေထုိုင်ခဲ့ရင်း စစ်ဘေးကုို ၂ ကြိမ်တုိုင်တုိုင် တိမ်းရှောင်ခဲ့ရပါတယ်။

    “သမီးအမေက ဒီဘက်မှာ လုပ်ကုိုင်မှာ စားလို့ တရုတ်ဘက်မှာ သမီးငယ်လေးကတည်းက အလုပ် သွားလုပ်တယ်။ သမီးအဖေကလည်း အဆက်အသွယ်မရဘူး။ ငယ်ငယ်လေး ကတည်း က အဘိုးအဘွားနဲ့နေတယ်။ သမီးက စစ်ဘေး ၂ ကြိမ်ရှောင်ခဲ့ဖူးပြီးပြီ ဇုိုင်းအောင် မှာလည်း စစ်ဖြစ်တော့ တချို့တွေက မြစ်ကြီးနားကို ပြေးကြတယ်။ တချို့တွေက တရုတ် ဘက်ကုို ပြေးတယ်။ သမီးအဒေါ်က ဒီမှာပြေးတယ်ဆုိုတယ်။ သမီးက စတုန်းမှာတော့ ကြားဖြစ် နေတယ်။ ဟုိုဘက်လည်း သွားမရ၊ ဒီဘက်လည်းသွားမရတော့ အဲဒါ သမီးအဒေါ်ရှိတဲ့ ဒီဘက်ကုိုပြေးလာတာ” လို့ ခေါင်နွယ် က ပြောတယ်။

    အခု သူရောက်ရှိနေတဲ့ လော်ဝေါ်စစ်ဘေးရှောင်စခန်းကုို သူ အလွယ်တကူ ရောက်ရှိလာတော့ မဟုတ်ပါဘူး။ အခက်အခဲပေါင်းများစွာ ဖြတ်ကျော်ပြီးမှ ရောက်ရှိလာခဲ့တာပါ။ မိဘမဲ့ တစ်ကောင်ကြွက်ဘ၀၊ ကယ်ကူသူမရှိဘဲ လမ်းမပေါ်မှာ ဆုိုင်ကယ်တစ်စီးငှားလို့ စွန့်စွန့်စားစား လာခဲ့ရတာပါ။ စစ်ဘေး ၂ ကြိမ်ရှောင်ရတော့လည်း အကြိမ်ကြိမ် ကျောင်းပြောင်းပြီး ပညာရေးမှာလည်း အခက်အခဲ တွေ့ခဲ့ရပါတယ်။

    “သယ်ရတာက အများကြီးပဲ။ စောင်တွေ ပန်းကန်တွေ ကုိုယ်စားရတာတွေ အကုန်သယ်ရတာပေါ့။ သမီးက စခုန်းမှာအထိက ၅ တန်းတက်ခဲ့ရတယ်။ နောက်ပုိုင်း စစ်ဘေးဒုက္ခသည်ဖြစ်လာပြီးတော့ ဇုိုင်းအောင်မှာ ပြန်တက်တယ်။ ဇုိုင်းအောင်မှာ လုိုင်ဇာ ပြန်ပြောင်းရမယ်ဆုိုပြီး ၇ တန်း၊ ၈ တန်း လိုင်ဇာမှာ ကျောင်းတက်တယ်။ ပြီးတော့ ကျောင်းပြောင်းမယ် KIA ကျောင်းမှာ မတက်ချင်တော့ဘူးဆိုပြီး အဘိုးအဘွားကို မရမကပြောပြီးတော့ စတုန်းမှာ အစုိုးရကျောင်းပြန်တက်ခဲ့တာ” လုို့ ခေါင်နွယ်က ဆုိုပါတယ်။

    စစ်ဒဏ်အောက်မှ မျှော်လင့်ချက်မဲ့ ကလေးငယ်များ
    ===============================

    ခေါင်နွယ်လိုပဲ စစ်ဘေးတိမ်းရှောင်ရင်း ပညာကုို ကောင်းကောင်းမသင်ရ၊ မိဘမဲ့ဖြစ် ရတဲ့ ကလေးတွေ မြောက်မြားစွာ ရှိနေပါတယ်။ သူတုို့တွေဟာ ဒုက္ခသည်စခန်းတွေမှာ အာဟာရ ချို့တဲ့စွာ ဆင်းဆင်းရဲရဲနေထုိုင်ကြရင်း အချိန်တွေကုို ဖြတ်သန်း ကုန်လွန်နေကြရပါတယ်။ ပြည့်စုံ လုိုလောက်တဲ့ ကျန်းမာရေး စောင့်ရှောက်မှုလည်း မရကြပါဘူး။

    မြစ်ကြီးနားနဲ့ ၀ိုင်းမော်လိုမြို့ကြီးတွေမှာ စစ်ဘေးရှောင်ဒုက္ခသည်တွေနဲ့ ကလေးငယ်တွေရဲ့ ဇတ်လမ်းတွေ ၀မ်းနည်းဖွယ်ကောင်းလှပေမယ့်လည်း မြို့ခံတွေ အတွက်တော့ မထူးဆန်းတော့သလိုတောင်ဖြစ်နေပါပြီ။

    “ဒုက္ခသည်တွေဆုိုတာလေ ဟုိုနေရာမှာလည်း ဒီနေရာမှာလည်းရှိ။ သူတို့ ဘ၀ဇတ်လမ်းတွေ နားထောင်ကြည့်ရင်လည်း သူ့ထက်သူ ပိုဆုိုးတွေချည်းပဲ။ ကျနော်တို့က အမြဲကြားနေ မြင်နေရတော့ ကံတရားပဲဆုိုပြီး သံဝေဂရတယ်။ ကျနော်တုို့လည်း ဘာမှ မကူနုိုင်ဘူး။ ကုိုယ်တတ်နုိုင်တာလည်း ငွေလှူတာလေ။ ရေရှည်ကျတော့ ကျနော်တုို့ မလှူနုိုင်တော့ဘူး။ အဓိက စစ်ကြီးပြီးသွားဖို့နဲ့ သူတုို့အားလုံး အိမ်ပြန်နုိုင်ရင် ဒီပြဿနာတွေ ပြီးပြီ” လို့ မြစ်ကြီးနားဒေသခံ ကုိုမြင့်စုိုးက ဆုိုပါတယ်။

    စစ်ဘေးရှောင်ဒုက္ခသည် ကလေးငယ်တွေအများစုဟာ အရွယ်ရောက်ပြီဆုိုတာနဲ့ လူကုန်ကူးခံရမယ့် အခြေအနေ၊ မူးယစ်ဆေးဝါး သားကောင်းအဖြစ် ကြုံလာရမယ့် အခြေအနေ၊ လက်နက်ကုိုင်အဖြစ် တုိုင်းရင်းသားတပ်ဖွဲ့တွေထဲ ရောက်ရှိမယ့် အခြေအနေ ကြုံကြရတယ်လို့ဆုိုပါတယ်။

    “စစ်ရှောင်စခန်းမှာ နည်းနည်းအရွယ်ရောက်လာတဲ့ မိန်းကလေးတွေဆိုရင် လူကုန်ကူးတဲံသူတွေအကြိုက်ပဲ။ တရုတ်မှာ အလုပ်သွားလုပ်မလားဆုိုပြီး တရုတ်မယားအဖြစ် အရောင်းစားခံရတယ်။ တချို့လည်း မြစ်ကြီးနားနဲ့ မြို့တွေပေါ်မှာ KTV ၊ မာဆပ်တွေ ရောက်ကုန်ကြတယ်။ တချို့လည်း ပြည့်တန်ဆာတွေ ဖြစ်ကုန်ကြတယ်။ အဓိက ဒုက္ခသည်စခန်းတွေမှာက စားရတာလည်း ချို့တဲ့၊ နေရတာလည်း ဆင်းရဲတော့ နောက်ဆုံး ထွက်ပေါက်ရှာကြတာ” လုို့ ဒေသခံတစ်ဦးက ဆုိုပါတယ်။

    အရွယ်ရောက်လာတဲ့ အမျိုးသားလေးတွေဆိုရင်လည်း မိန်းကလေးတွေနည်းတူပဲ မလုံခြုံမှုတွေရှိတယ်လို့ သိရပါတယ်။

    “ယောင်္ကျားလေးဆိုရင် အသက် ၁၅ နှစ်လောက်ဆိုရင် စစ်ရှောင်စခန်းမှာ မနေတော့ဘူး။ ဖားကန့်ကုိုတက်တယ်။ မှော်တွေထဲမှာ ကျောက်သွားတူးတယ်။ အဲဒီမှာ မြေပြိုလို့ သေရင်သေ၊ မသေရင် မူးယစ်ဆေးဝါးဆွဲ၊ ငှက်ဖျားဖြစ်သေတာပဲ။ ဖားကန့် တက်သွားပြီး ကျောက်အောင်လို့ ချမ်းသာသွားတယ်ဆုိုတာ ရုပ်ရှင်နဲ့ ၀တ္တုတွေထဲမှာပဲ ရှိတော့တယ်။ အပြင်မှာ မရှိတော့ဘူး။ ဖားကန့်ရောက်ရင် ဘယ်လူငယ်မဆုို ကောင်းကောင်းမွန်မွန် အသက်ရှင်ရှင် ပြန်လာနုိုင်ဖုို့က ၇၅ ရာခိုင်နှုန်းမသေချာဘူး” လို့ ဒေသခံက ဆက်ပြောပါတယ်။

    တချို့လူငယ်တွေကတော့ KIA လို့ခေါ်တဲ့ ကချင်လွတ်လပ်ရေးတပ်မတော်ထဲကို ၀င်ရောက်သွားတာရှိသလို အတင်းအဓမ္မစစ်သားအဖြစ် ခေါ်ဆောင်ရတာမျိုးတွေလည်းရှိနေပါတယ်။

    “အခု ကချင် ကလေးငယ်တွေအားလုံးမှာ တကယ့်ကုို အနာဂတ်မဲ့နေကြတယ်။ ကျနော် ခုနက ပြောသလုိုပဲ မိန်းကလေးဆုိုရင် အရွယ်ရလာတာနဲ့ ပြည့်တန်ဆာ ဖြစ်ဖို့ ပိုများတယ်။ ယောင်္ကျားလေးဆုိုရင် အရွယ်ရလာတာနဲ့ လက်နက်ကုိုင်ရင် ကုိုင် မကုိုင်ရင်တော့ မူးယစ်ဆေးဝါးရဲ့ သားကောင်အဖြစ်နဲ့ ဘ၀နိဂုံးချုပ်ရတာပဲ။ ဒါက ကချင်ပြည်နယ်မှာ ဖြစ်နေတဲ့ လက်တွေ့ အမှန်တရားပဲ” လုို့ လော်ဝေါ်နှစ်ခြင်းခရစ်ယန် အသင်းတော်မှ ဒေသခံတစ်ဦးက ဆုိုပါတယ်။

    စစ်ရှောင်စခန်းမှ ရွှေမင်းသမီးအိပ်မက်
    ======================

    လော်ဝေါ်စစ်ရှောင်စခန်းမှာနေတဲ့ မခေါင်နွယ်ကတော့ ဒုက္ခသည်စခန်းမှာနေထုိုင်ရင်း ၁၀ တန်းအောင်ဖုို့ စိတ်စောနေပါတယ်။ သူ့အနေနဲ့ ကျောင်းတက်ဖို့ စရိတ် အလုံအလောက်မရှိ၊ ကျောင်းထားပေးမယ့်သူမရှိတာကို အမြဲလုိုလုို ပူပန်နေတယ်။ တက္ကသုိုလ်ပညာရေးပြီးဆုံးတဲ့အခါ သူသိပ်ဖြစ်ချင်တဲ့ ရုပ်ရှင်မင်းသမီး ဘ၀ ဖြစ်အောင် ကြိုးစားချင်နေပါတယ်။

    “သမီး ဒီနှစ် ၁၀ တန်းတက်မယ်။ ဒီနှစ် ၁ နှစ်တည်းနဲ့ အောင်အောင် ကြိုးစားမယ်။ ပြီးရင် တက္ကသုိုလ်ဆက်တက်မယ်။ တက္ကသုိုလ်တက်ပြီးရင် သမီးရည်မှန်းချက်ဖြစ်တဲ့ မင်းသမီးဖြစ်အောင် ကြိုးစားမယ်” လို့ သူက ဆုိုတယ်။

    စစ်ရှောင်စခန်းကတဲလေးထဲနေရင်း ခေါင်နွယ် ၁ ယောက်တည်း စကားတွေလည်း ပြောနေပါတယ်။ သူ့မျက်နှာက တစ်ခါတစ်ခါ ခက်ထန်သွားပြီး တစ်ခါတစ်ခါ ပြုံးသွားတယ်။ တစ်ခါတစ်ခါ ပျော်ရွှင်တဲ့ဟန်ပန်တွေလည်း သူလုပ်နေတယ်။

    “အားရင် တစ်ယောက်တည်း အမူအရာတွေကျင့်တယ်။ ဒေါသထွက်၊ ရယ်၊ ပြုံးပေါ့။ ဗီဒီယိုတွေထဲမှာ ကြည့်ရသလို လုိုက်လုပ်ကြည့်တာ။ သမီးက ငယ်ငယ်လေးကတည်း မင်းသမီးရူးတာ” လုို့ သူက ဆုိုတယ်။

    နေလုံးက တဖြည်းဖြည်းဝင်ပြီး အမှောင်ရိပ်သန်းလာပြီ။ လော်ဝေါ်စစ်ရှောင်စခန်းက တဲလေးရှေ့မှာ မီးလေးဖိုပြီး ထမင်းအုိုးတည်ဖုို့ ခေါင်နွယ်ပြင်ဆင်နေတယ်။ အုိုးမည်းတွေနဲ့ ညစ်ပေနေတဲ့ ဒန်အုိုးထဲကို ညစ်ထေးမွဲခြောက်နေတဲ့ ဆန်နုို့ဆီဗူး ၁ ဗူး လောင်းထည့်လိုက်တယ်။ အဲဒီနောက် အ၀ါရောင်ပေါက်နေတဲ့ ရေတွေလောင်းထည့်ပြီး သူ ဆန်ဆေးလုိုက်တယ်။ မီးဖိုလေးပေါ် ထမင်းအုိုးတင်ဖို့ ပြင်နေတဲ့ ခေါင်နွယ်လက်မှာ အုိုးမည်းတွေက ဟုိုနေရာ တစ်ကွက်၊ ဒီနေရာ တစ်ကွက်။

    ဒီအုိုးမည်းပေနေတဲ့ ခေါင်နွယ်ဆုိုတဲ့ ကချင်တုိုင်းရင်းသူလေးလက်ကလေးက တချိန်မှာ စင်မြင့်ထက်မှာ အကယ်ဒမီရွှေစင်ရုပ်တုပုိုင်ဆုိုင်လှမ်းကုိုင်နုိုင်တဲ့ လက်ဖြစ် မလာနုိုင်ဘူး လုို့ ဘယ်သူပြောနုိုင်မလဲ။

    စုတ်ပြတ်နေတဲ့ ဒုက္ခသည်တဲလေးမှာ နေနေရတဲ့ ခေါင်နွယ်ဆိုတဲ့ မိန်းကလေးငယ် တစ်ဦးက တစ်ချိန်မှာ နုိုင်ငံကျော် ရုပ်ရှင်မင်းသမီး တစ်ဦး ဖြစ်မလာနုိုင်ဘူးလို့ ဘယ်သူ ကြိုသိနုိုင်မှာလဲ။

    (ခေါင်နွယ်သည် တစ်လ ၅၀၀၀ ကျပ် အလှူရှင်များအဖွဲ့၏ လက်အောက်ခံ ရင်သွေးငယ်ပညာရေးဖောင်ဒေးရှင်း၏ ပညာသင်ဆုကို လက်ခံရရှိသွားပြီး တက္ကသုိုလ်ဝင်တန်းအတွက် မြစ်ကြီးနားမြို့တွင် ဘော်ဒါနေရမည်ဖြစ်သည်။ ၁၀ တန်းအောင်မြင်ပြီးနောက် တက္ကသုိုလ်ပညာသင်ကြားရေးအတွက် အဖွဲ့က ထောက်ပံ့သွားမည်ဖြစ်သည်)

  • မြန်မာမွတ်စလင်မ် လူ့အဖွဲ့အစည်းနှင့် ဘာသာရေး အဖွဲ့အစည်းကြီးအား စွမ်းအားမြှင့်တင်ရေး

    မြန်မာမွတ်စလင်မ် လူ့အဖွဲ့အစည်းနှင့် ဘာသာရေး အဖွဲ့အစည်းကြီးအား စွမ်းအားမြှင့်တင်ရေး

    ဧပြီ ၃၀ ၊ ၂၀၁၇
    ဆောင်းပါးရှင်- မြင်သစ်

    မအားတာနဲ့ စာမရေးဖြစ်တာ ကြာနေပါပြီ။ မနေ့က သာကေတမှာ အစ္စလာမ့်အခြေခံဘာသာရေးစာသင်ကျောင်းနှစ်ခု ဘုရားရှိခိုးဝတ်ပြုမှု လုပ်ဆောင်တယ်ဆိုပြီး ပိတ်ခံရတာ မြင်ရကြားရတော့ မနေနိုင်လို့ ဒီစာလေး ရေးလိုက်ပါတယ်။

    ဘာသာရေးလွတ်လပ်ခွင့်၊ ဘာသာရေးကျောင်းပါဆိုမှ ဝတ်ပြုမှာပေါ့တို့၊ အစွန်းရောက်ဗုဒ္ဓဘာသာမျိုးချစ်နဲ့ သင်္ကန်းဝတ်တွေ၊ အုပ်ချုပ်ရေးအာဏာပိုင်တွေ အရေးမယူဘူးလားတို့၊ အန်တီစုရဲ့ NLD အစိုးရတာဝန်ရှိသူတွေ ဘာလုပ်နေလဲ စတဲ့ အကြောင်းအရာတွေကို ဆွေးနွေးမှာ မဟုတ်ပါဘူး။

    ကျွန်တော် ဆွေးနွေးရေးသားမှာက မြန်မာမွတ်စလင်မ် အဖွဲ့အစည်းများနဲ့ လူ့အသိုင်းအဝန်းကို စွမ်းအားမြှင့်တင်ရေး ရှုထောင့်ကပါ။ စာဖတ်သူတွေအနေနဲ့ ပိုမိုရှင်းလင်းစေဖို့ ကျွန်တော်ဆွဲထားတဲ့ ပုံတွေနဲ့ ချပြဆွေးနွေးသွားပါမယ်။

    ပုံ(၁)

    ဒီပုံ(၁)ကတော့ ဒီနေ့ ကျွန်တော်တို့ မြန်မာမွတ်စလင်မ်တွေ တောင့်တတဲ့ ဖြစ်စေချင်တဲ့ ဦးဆောင်မှုနဲ့ အဖွဲ့အစည်း ပုံစံပါပဲ။ ဒီပုံမှာ နှစ်ဖက်ခေါင်းပါ မြှားတွေရဲ့ သဘောတရားကတော့ အပြန်အလှန် ဆက်သွယ် ဆက်ဆံ ဆက်နွယ်မှုကို ရည်ညွှန်းတာပါ။
    အဆက်မြှားကတော့ အားပျော့ အားနည်းမှုကို ပြဆိုလိုပြီး၊ အပြည့်မြှားကတော့ (နှိုင်းယှဉ်လျှင်) အားကောင်းမှုကို ပြလိုပါတယ်။ အစိုးရအာဏာပိုင် (Government & Authorities)၊ မြန်မာမွတ်စလင်မ်လူ့အဖွဲ့အစည်း (Community)၊ Institution အဆင့်ကို ရောက်ရှိပြီး (နိုင်ငံလုံးဆိုင်ရာ)အစ္စလာမ့်ဘာသာရေးအဖွဲ့အစည်းကြီး (Institutionalized Islamic Faith-based Organization)၊ အခြား ဘာသာတရားတွေက ဘာသာရေးအဖွဲ့တွေ၊ အခြား အရပ်ဖက်လူ့အဖွဲ့အစည်းတွေ (Other CSOs)နဲ့ စတုတ္ထမဏ္ဍိုင်မီဒီယာ (Media)တို့ပေါ့။
    ပြည်သူနဲ့ အခြေခံလူ့အဖွဲ့အစည်းနဲ့ နိုင်ငံတော်အစိုးရနဲ့ အာဏာပိုင်တွေကြားက ဆက်ဆံမှုကတော့ နေ့စဉ်ထိတွေ့ဆက်ဆံနေခြင်း မဟုတ်တဲ့ အပေါ်မှာ အားနည်းတာ လက်တွေ့ကျပါတယ်။ ဒါပေမယ့် ပုံမှာ ရည်ညွှန်းထားသလို မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးက လူမှုအဆောက်အအုံ အဆင့်ဖွံ့ဖြိုးပြီးဖြစ်နေကာ၊ နိုင်ငံတော်၊ မီဒီယာနဲ့ အခြား အရပ်ဖက် အဖွဲ့ ဘာသာရေးအဖွဲ့တွေကြား ဆက်ဆံမှုကတော့ ခိုင်မာနေရပါမယ်၊ အပြန်အလှန်ရှိနေရပါမယ်။ နောက်တစ်ခု အရေးကြီးတာက ပြည်သူတွေထဲက ပြည်သူတွေဖြစ်တဲ့ မြန်မာမွတ်စလင်မ်တွေနဲ့ အခြား အရပ်ဖက်အဖွဲ့တွေ၊ မီဒီယာတွေနဲ့ ဆက်ဆံရေးဟာ တိုက်ရိုက်ရော၊ အစ္စလာမ့်ဘာသာရေးအဖွဲ့ကြီးကနေတစ်ဆင့်ပါ ခိုင်မာကောင်းမွန်နေရပါမယ်။ ဒီပုံမှာ အသက်ကတော့ အစ္စလာမ့်ဘာသာရေးအဖွဲ့ကြီးနဲ့ မိမိတို့ ဦးဆောင်နေတဲ့ မြန်မာမွတ်စလင်မ်လူ့အဖွဲ့အစည်းတို့ အကြား အပြန်အလှန် ဆက်ဆံရေးဟာ အလွန်ကောင်းမွန်ခိုင်မာနေရပါမယ်။

    ပုံ(၁)မှာ ညွှန်းဆိုသလို ကျွန်တော်တို့ လူ့အဖွဲ့အစည်းကို တည်ဆောက်ထားနိုင်ရင်…

    ပုံ(၂)

    သာကေတဖြစ်ရပ်မျိုးဟာ ဖြစ်လာဖို့ မရှိသလို၊ ဖြစ်လာရင်တောင် ဒီထက်ပိုကောင်းတဲ့ တုန့်ပြန်မှုမျိုး နောက်ဆက်တွဲ ဆောင်ရွက်မှုမျိုးတွေ လုပ်ဆောင်နိုင်ပါ။

    သာကေတဖြစ်ရပ်ဟာ အခုမှ ထဖြစ်တာမျိုးမဟုတ်ဘဲ နှစ်ဆယ်ချီကြာနေပြီ ကိစ္စဖြစ်ပါတယ်။ ယခင်စစ်အာဏာရှင်အစိုးရလက်ထက်မှာ ဘာသာရေးဖိနှိပ်မှုတွေရှိခဲ့ပါတယ်။ မြို့သစ်တွေတည်ခဲ့ပေမယ့် မြို့သစ်နေ လူနည်းစုဘာသာဝင်တွေအတွက် တရားဝင် ဘာသာရေးအဆောက်အဦးတွေ ဆောက်လုပ်ခွင့်မရခဲ့ပါ။ အဲ့ဒီရဲ့ အကျိုးဆက်အနေနဲ့ အိမ်တွေမှာ စုပေါင်းဝတ်ပြုရတာ၊ ဘာသာရေးစာသင်ကျောင်းတွေမှာ သက်ဆိုင်ရာ ဒေသအာဏာပိုင်တွေနဲ့ နားလည်မှုကို အနည်းနည်းအဖုံဖုံနဲ့ ယူရပြီး စုပေါင်းဝတ်ပြုရတာတွေ လုပ်ခဲ့ကြရပါတယ်။

    နှစ်ကြာမြင့်ပြီးဖြစ်တဲ့ ဘာသာရေးအဆောက်အဦးတွေကို ပြန်လည်ပြင်ဆင်ရေး၊ တိုးပွားလာတဲ့ လူဦးရေနဲ့ အညီ အထပ်မြှင့်တင်တိုးချဲ့ဆောက်လုပ်ရေး၊ ခေတ်ကာလနဲ့အညီ တိုးတက်လာတဲ့ နည်းစနစ်များနဲ့အညီ ပြုပြင်ဆောက်လုပ်ရေးတွေမှာ တင်းကြပ်စွာ ကန့်သတ်ခံခဲ့ကြရပါတယ်။ သာကတေက ဘာသာရေးစာသင်ကျောင်းတွေဟာ အဲ့ဒီလိုဖြစ်ရပ်များစွာကတည်းက တစ်ခုပါ။

    ကျွန်တော်တို့မှာ Institution အဆင့်ရှိတဲ့ ဘာသာရေးအဖွဲ့အစည်းကြီးသာရှိမယ်ဆိုရင်…အဲ့ဒီ့မှာ အနယ်နယ်အရပ်ရပ်က မြန်မာမွတ်စလင်မ်တွေကို ဒီလိုကိစ္စတွေနဲ့ ပတ်သက်ပြီး ထိရောက်စွာ ကူညီဖို့  Legal and Advocacy Consultancy and Action Unit (ဥပဒေရေးရာနဲ့ စေ့စပ်ညှိနှိုင်းရေး အဖွဲ့ခွဲ) ကောင်းကောင်းတစ်ခုရှိနေမှာဖြစ်ပါတယ်။ အဲ့ဒီ့အဖွဲ့ခွဲက ဒေသအလိုက် မြန်မာမွတ်စလင်မ်တွေအနေနဲ့ အာဏာပိုင်တွေကို အခြေခံဥပဒေအောက်နဲ့ တည်ဆဲဥပဒေများအောက်ကနေ ဒီအခက်အခဲတွေကို ဘယ်လို ထိရောက်စွာ ချဉ်းကပ်ဖြေရှင်းမလဲ၊  နိုင်ငံတော်အစိုးရနဲ့ သက်ဆိုင်ရာကို ဘယ်လို တရားဝင်အရေးဆိုရမလဲ၊ ဆောင်ရွက်စဉ်မှာ တွေ့ကြုံလာရတဲ့ အခက်အခဲနဲ့ စိန်ခေါ်မှုတွေကို ဘယ်လို ချဉ်းကပ်ရမလဲစသည်ဖြင့် ကူညီဆောင်ရွက်ပေးနိုင်မှာ ဖြစ်ပါတယ်။

    ပုံ(၁)မှာပြခဲ့တဲ့ ပြည်သူနဲ့ အစိုးရကြား ဆက်ဆံရေး အဆက်မြှားဟာ စနစ်ကျနတဲ့ လူမှုအဆောင်အအုံအဆင့်ဖွံ့ဖြိုးတဲ့ ဘာသာရေးအဖွဲ့အစည်းကြီး အကူအညီနဲ့ ပုံ(၂)မှာ ပြထားသလို အားကောင်းသွားမှာ ပိုထိရောက်သွားမှာ ဖြစ်ပါတယ်။

    အလားတူ အဖွဲ့ကြီးရဲ့ ဆောင်မမှုနဲ့ ပူးပေါင်းဆောင်ရွက်ခြင်းနဲ့ မြန်မာမွတ်စလင်မ်ပြည်သူတွေနဲ့ မီဒီယာ အခြားအရပ်ဖက်အဖွဲ့အစည်းတွေကြား ဆက်ဆံမှု ဆက်နွယ်မှု ပူးပေါင်းတွေဟာ အားကောင်းလာမှာဖြစ်ပြီး အဲ့ဒီရဲ့ ကောင်းကျိုးကတော့ မြန်မာမွတ်စလင်မ်တွေအနေနဲ့ နိုင်ငံတော်အစိုးရနဲ့ရော၊ အခြားလူ့အဖွဲ့အစည်းတွေနဲ့ပါ ဆက်ဆံရေးဟာ ပိုမိုအားကောင်းလာနိုင်ပြီး ယနေ့ကျွန်တော်တို့တွေ့ကြုံနေရတဲ့ ဖြစ်ရပ်ဆိုးနဲ့ စိန်ခေါ်မှုတွေဟာ တဖြည်းဖြည်းနည်းသွားရာကနေ အချိန်အတိုင်းအတာတစ်ခုမှ ပပျောက်သွားနိုင်ပါတယ်။

    ဒါပေမယ့်…ဒီနေ့ ကျွန်တော်တို့ မြန်မာမွတ်စလင်မ်လူ့အဖွဲ့အစည်း လက်တွေ့ ကြုံနေရတဲ့ အခြေအနေက ပုံ(၃)ပါ။

    ပုံ(၃)

    မြန်မာမွတ်စလင်မ်ဘာသာရေးအဖွဲ့အစည်းလောကကို ကြည့်လိုက်ရင် အိုလမာသာသာန့ပညာရှင်များအဖွဲ့၊ အစ္စလာမ့်ရေးရာကောင်စီ၊ မမလ၊ မဖအ၊ မော်လဝီအဖွဲ့ချုပ်တို့အပြင် အခြားအဖွဲ့အချို့ရှိပါသေးတယ်။ ရှေ့ငါးဖွဲ့က အစိုးရအဆက်ဆက်က အသိအမှတ်ပြုခြင်းခံထားရပြီး ငါးဖွဲ့ပေါင်းကာ မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ဆိုပြီး ဖွဲ့ထားပါတယ်။

    ပုံ(၃)မှာ ညွှန်းထားတဲ့အတိုင်း နိုင်ငံလုံးဆိုင်ရာအဖွဲ့ကြီးဆိုပေမယ့်… ငါးဖွဲ့ချင်း တစ်ဖွဲ့နဲ့တစ်ဖွဲ့ဆက်ဆံမှုဟာ event- and ad hoc-based (အခမ်းအနား၊ အစီအစဉ်နဲ့ ပြဿနာဖြစ်မှစတဲ့အခြေအနေပေါ်မှာပဲ အခြေပြုထားတဲ့) ဖြစ်ပါတယ်။ နည်းဗျူဟာချ နည်းဗျူဟာကျ ပုံမှန် ပူးပေါင်းဆောင်ရွက်ရေးမှာတော့ အားနည်းလွန်းလှပါတယ်လို့ မြင်မိပါတယ်။ အခြားအဖွဲ့များနဲ့ဆိုရင်တော့ သုံးသပ်စရာကို မလိုတော့ပါ။

    ထို့နည်းတူ နိုင်ငံတော်အစိုးရနဲ့ ဆက်သွယ်ဆောင်ရွက်ရေးမှာလည်း စာရေးသူအမြင်အရ ထိရောက်တဲ့ channel (ဆက်သွယ်ရေးလမ်းကြောင်း)ဖွင့်ထားနိုင်ခြင်း မရှိဟု မြင်ပါတယ်။  လက်ရှိဖြစ်ရပ်တွေနဲ့ ကိုင်တွယ်ဖြေရှင်းနေရပုံတွေဟာ သက်သေတွေပါပဲ။
    စတုတ္ထမဏ္ဍိုင်မီဒီယာနဲ့လည်း event- and ad hoc-based ပါပဲ။ ဒါတောင် များသောအားဖြင့် မီဒီယာဘက်က (mostly one-sided communication initiated by media) စဆက်သွယ်ရတဲ့ အနေအထားပါ။ ဘာသာရေးအဖွဲ့အစည်းခေါင်းဆောင်တွေနဲ့ မီဒီယာပိုင်းမှာ ပုံမှန်ဆက်ဆံရေးလမ်းကြောင်းတစ်ခုရှိမနေပါဘူး။ ဘာသာရေးအဖွဲ့အစည်းတွေအနေနဲ့ မီဒီယာကို လူထုအမြင်လမ်းကြောင်းချပြခြင်း ရယူခြင်းနဲ့ပတ်သက်ပြီး ထိထိရောက်ရောက် အသုံးပြုနိုင်လောက်အောင် မဖွံ့ဖြိုးသေးဘူး၊ အဲ့ဒီလို မီဒီယာနဲ့ဆက်သွယ်ရမယ့် စနစ်တစ်ခုရှိမနေပါဘူး။

    အခြားဘာသာရေးအဖွဲ့အစည်းတွေနဲ့ အရပ်ဖက်လူ့အဖွဲ့အစည်းတွေနဲ့ ဆက်ဆံရေးကတော့ ပိုတောင်အားနည်းပါသေးတယ်။ Event-based ပိုဆန်ပါတယ်။ WIN WIN အခြေအနေမျိုးနဲ့ လူမှုအဆောက်အအုံအဆင့်ဖွံ့ဖြိုးတိုးတက်အောင် အခြားအဖွဲ့အစည်းတွေကိုဆီက နည်းစနစ်နဲ့ သင်ခန်းစာတွေရယူ ကိုယ့်ဖက်ကလည်း ပြန်လည်မျှဝေ ကိုင်းကျွန်းမှီ ကျွန်းကိုင်းမှီ ဗျူဟာကျကျ နည်းစနစ်ကျကျ ပူးပေါင်းဆောင်ရွက်မှုမျိုးပိုင်းမှာတော့ တော်တော်လေးကို အားနည်းနေပါသေးတယ်။
    အဆိုးဆုံးကတော့ အောက်ခြေ မြန်မာမွတ်စလင်မ်လူထုနဲ့ ထိတွေ့မှုပိုင်းမှာကို အားနည်းနေသေးတာပါ။ ကျွန်တော်တို့ အဖွဲ့အစည်းအားလုံးလိုလိုကို ကြည့်လိုက်ရင် ဗဟိုချုပ်ကိုင်မှုစနစ်နဲ့ သွားနေပြီ ဗဟိုအဆင့်မှာသာ သက်ဝင်လှုပ်ရှားပါတယ်။ လူထုထဲ အောက်ခြေအဆင့် လှုပ်ရှားမှုမျိုးက ရှားရှားပါးပါးတွေ့ရပါတယ်။ ယခင်က ကွန်ရက်ဖြန့်ကျက်မှုအားကောင်းခဲ့ကောင်း ကောင်းခဲ့ပေမယ့် အခုအခါမှတော့ တော်တော်ကို အားနည်းနေပါပြီ။ အဖွဲ့အစည်းတွေရဲ့ လှုပ်ရှားဆောင်ရွက်မှုတွေကိုလည်း အောက်ခြေလူထုက သိနိုင်တဲ့ လမ်းကြောင်းမျိုး ရှိမနေသလို၊ အဖွဲ့အစည်းခေါင်းဆောင်တွေအနေနဲ့ အောက်ခြေလူထုနဲ့ ပုံမှန်ထိတွေ့ခြင်းမျိုးလည်း မတွေ့ရသေလာက်ပါပဲ၊ အောက်ခြေလူထုက အဖွဲ့အစည်းတွေဆီကို မိမိတို့အသံကို တရားဝင်ကြားစေတဲ့အပိုင်းမျိုးမှာလည်း အားရစရာမရှိပါ။ အဲ့တော့ လူထုကိုယ်တိုင်ကလည်း အဖွဲ့အစည်းတွေကို ကျန်တဲ့ အချိန်မှာ မေ့မေ့ပျောက်ပျောက်ဖြစ်နေပြီး ခလုတ်ထိမှာ အမိတဆိုသလို ပြဿနာပေါ်မှ ဝေဖန်တာ ညည်းညူတာ ဒီလောက်နဲ့ပဲပြီးနေပါတယ်။

    အကျိုးဆက်အနေနဲ့ လူထုက အဖွဲ့အစည်းတွေပေါ်မှာ ယုံကြည်ချက်ပျောက်ဆုံးလာနေပြီး၊ ownership ခေါ်တဲ့ ငါတို့နဲ့သက်ဆိုင်တယ်ဆိုတဲ့ စိတ်ဓာတ်လည်း အားလျော့လာနေပါပြီ။ ဒီနေရာမှာ ကျွန်တော်တို့ မြန်မာမွတ်စလင်မ်(လူထု)ကိုယ်တိုင်က နောက်လိုက်ကောင်းမဆန်မှုကိုလည်း တွေ့ရနိုင်ပါတယ်။ ပြဿနာဖြစ်မှ အဖွဲ့တွေကို တပြီး ထဆဲပြီး ကျန်တဲ့ အချိန်ကျတော့ ကိုယ်နဲ့ မဆိုင်သလို နေကြတဲ့ အကျင့်ဆိုးပါ။ ဒီအဖွဲ့တွေ အခုထက်ပို အားကောင်းလာဖို့ ကိုယ်တွေကြုံတွေ့နေတဲ့ စိန်ခေါ်မှုတွေမှာ ထိရောက်စွာ ဦးဆောင်လာနိုင်ဖို့ ကိုယ်တွေဖက်က ဘာတွေ ပံ့ပိုးပေးရမယ်ဆိုတာကိုတော့ မေ့ထားကြ မေ့နေကြတာပါပဲ။

    မြန်မာစကားပုံတစ်ခုယူပြောရရင်..စစ်ရောက်မှ မြှားချွန်ရလားဆိုပြီး စစ်သူကြီးကို အပြစ်တင်မယ်ဆိုရင် နောက်တန်းမှာတုန်းက စစ်သူကြီး မြှားချွန်လို့ရအောင် ငါတို့က ဘာလုပ်ပေးခဲ့ကြသလဲဆိုတာကိုလည်း တွေးမိကြဖို့ အချိန်မီ သင်ခန်းစာယူကြဖို့ လိုပါမယ်။ နို့မို့ဆို မိုးလွန်မှ ထွန်ချရတဲ့ ပြဿနာဖြစ်မှ လိုက်ရှင်းရတဲ့ အဖြစ်ဆိုးမျိုးက လွတ်ဖို့မရှိပါ။ ကောက်ရိုးမီးတွေ မဖြစ်ဖို့လိုပါမယ်။

    ကိုယ်တွေဖြစ်နေတာက ကြုံနေတာက ပုံ(၃) ဖြစ်ချင်တာက ပုံ(၁) ပုံ(၂)။ အဲ့တော့ ကိုယ်တွေဖြစ်ချင်တဲ့ အခြေအနေကို ဘယ်လို တည်ဆောက်ယူကြမလဲပေါ့။ ဘာသာရေးအဖွဲ့အစည်းတွေဖက်ကရော၊ communityလူထုကပါ ပြင်ဆင်ပြောင်းလဲကြရမှာပါ။

    ဘာသာရေးအဖွဲ့အစည်းတွေနဲ့ ခေါင်းဆောင်တွေဖက်က သမိုင်းကြောင်းကောင်းခဲ့တဲ့ ကိုယ့်အဖွဲ့အစည်းတွေ ရှေးယခင်ကလို Institution အဆင့်ပြန်ရယူဖို့ Organizational Development မိမိတို့ အဖွဲ့အစည်းတွင်း ပြုပြင်ပြောင်းလဲမှု ဖွံ့ဖြိုးမှုကို သတ္တိရှိရှိလုပ်ဖို့ တော်လှန်ယူဖို့လိုပါမယ်။ ပရဟိတအခြေပြုကနေ  half volunteer half professional အဆင့်ကို သွားသင့်နေပါပြီ။ ဥပမာ- အပေါ်မှာ ဥပမာပေးခဲ့တဲ့ Unit နဲ့ပတ်သက်ပြီးပြောရရင်…ဥပဒေနဲ့ဆိုင်တဲ့ ကိစ္စတွေ စေ့စပ်ညှိနှိုင်းရေးနဲ့ဆိုင်တဲ့ ကိစ္စတွေကို ဆောင်ရွက်ဖို့ တတ်သိပညာရှင်တွေရဲ့ အကူအညီလိုပါပြီ၊ အဲ့ဒီ့မှာ လုံးဝ volunteer-based လုပ်မယ်ဆိုရင် ထိရောက်မှုက နှေးကွေးမှာဖြစ်ပါတယ်။ ယေဘူယျဆိုရရင် အဖွဲ့အစည်းရဲ့ ဥပဒေအကြံပေးဆိုသူက သူရဲ့ မိသားစုရေး ဝမ်းရေးကိစ္စပြီးမှ အဖွဲ့အစည်းရဲ့ ပရဟိတအရေးကို လုပ်နိုင်မှာပါ၊ အတ္တဟိတအရေးမှာ အားစိုက်မှုလောက် အချိန်အား လူအား မပေးနိုင်တာ ၁၀၀% ပါ။ ဖြစ်သင့်တာက Law ဥပဒေ နဲ့ Public Policy ပြည်သူ့ရေးရာမူဝါဒပိုင်း တတ်ကျွမ်းတဲ့ mid-career ပညာရှင်တစ်ဦး အချိန်ပြည့်ထားသင့်ပြီး သူ့ကိုမှ ဘေးကနေ Volunteer-based Legal and Advocacy Consultant Team တစ်ခုက အကူအညီပေး လမ်းညွှန်ပေးရမှာပါ။ တကယ်တမ်းသာ တစ်နိုင်ငံလုံးက မြန်မာမွတ်စလင်မ်တွေ ကြုံတွေနေရတဲ့ စိန်ခေါ်မှုနဲ့ ကိစ္စတွေကို ထိထိရောက်ရောက်သာ ဆောင်ရွက်မယ်ဆို အဲ့ဒီ့ လူငယ်လူရွယ်ပညာရှင် ယားလို့တောင် ကုတ်အားမည်မဟုတ်ပါ။ ဒါက Unit တစ်ခုအတွက် ဥပမာပါ။

    လက်ရှိ စာရေးစာချီအချို့သာထားရှိ ဦးဆောင်ပိုင်းသူတွေက ကိုယ့်စီးပွားပြီးမှ၊ ကိုယ့်အတ္တဟိတပြီးမှ၊ ကြုံမ၊ှ အရေးတကြီးကိစ္စရှိမှ လာရောက်တာမျိုး၊ ကိစ္စရပ်တိုင်းကို ဦးဆောင်သူတစ်စုကသာ အရေးပေါ်ခေါင်းဆိုင်ဖြေရှင်းနေတာမျိုးတွေရှိနေသရွေ့ Institution တစ်ခုအဆင့်ရောက်လာဖို့ရာမရှိပါ။

    ပညာလို အိုသည်မရှိဆိုသည့်အတိုင်း ကြုံတွေ့လာတဲ့ အခက်အခဲနဲ့ စိန်ခေါ်မှုအသစ်တွေကို ကိုင်တွယ်ရင်ဆိုင်နိုင်ဖို့ အဖွဲ့အစည်းပိုင်း ခေါင်းဆောင်ပိုင်းတွေအနေနဲ့ Leadership ပိုင်းအရည်အသွေးမြှင့်တင်ဖို့လိုပါမယ်။ အခြားနိုင်ငံတကာမှ အဖွဲ့အစည်းတွေ၊ ပြည်တွင်း အခြားအောင်မြင်နေတဲ့ non-profit sector မှ အဖွဲ့အစည်းတွေဆီကနေ သင်ယူဖို့ အဆင့်မြှင့် တင်ဖို့လိုပါမယ်။

    နိုင်ငံလုံးဆိုင်ရာ ဘာသာရေး အဖွဲ့အစည်းကြီး နာမည်အောက်ဝင် အဖွဲ့ငါးဖွဲ့အနေနဲ့ အဖွဲ့အချင်းချင်း ပိုမိုပွင့်လင်းတဲ့ ပိုမိုနီးကပ်တဲ့ ပုံမှန်ဖြစ်မယ့် လက်တွဲဆောင်ရွက်မှုမျိုးလုပ်ရပါမယ်။  အဲ့ဒီလိုလုပ်နိုင်ဖို့ သဘောတူချမှတ်ထားတဲ့ မူဝါဒနဲ့ နည်းဗျူဟာကောင်းတစ်ခု ပြင်ဆင်အကောင်အထည်ဖော်သင့်ပါမယ်။ ဗဟိုမှသည် အောက်ခြေအထိ ပုံမှန်ပူးပေါင်းဆောင်ရွက်မှုတွေ အသက်ဝင်အောင် လုပ်ရပါမယ်။ အဲ့ဒီ ပူးပေါင်းဆောင်ရွက်မှုတွေက event-based ချည်းသက်သက်မဟုတ်နေသင့်ဘဲ လူမှုပြောင်းလဲမှုအတွက် အကျိုးသက်ရောက်စေမယ့် ရေတို ရေလတ် ပရောဂျက်တွေ ပရိုဂရမ်တွေဖြစ်သင့်ပါတယ်။

    အဖွဲ့အစည်းတွေအနေနဲ့ ခေါင်းဆောင်တွေအနေနဲ့ လူထုနဲ့ပိုမိုထိတွေ့မှု Community Engagement လုပ်ကိုလုပ်ရပါမယ်။ ပုံစံအမျိုးမျိုးနဲ့ လုပ်လို့တဲ့အပေါ် ဥပမာ အချို့ပေးလိုက်ပါတယ်။ လူထုကို ပိုမိုပါဝင်လာနိုင်မယ့် လမ်းကြောင်းမျိုးတွေ အဖွဲ့အစည်းတွေဖက်က များများ လုပ်သင့်ပါတယ်။ အဖွဲ့အစည်းခေါင်းဆောင်တွေအနေနဲ့ အရေးပေါ်ကိစ္စရှိမှ မဟုတ်ဘဲ အောက်ခြေလူထုရဲ့ နေ့စဉ်ဘဝဆီကို အရောက်သွားသင့်၊ သူတို့ရဲ့ စိန်ခေါ်မှုတွေ အခက်အခဲတွေ အထူးသဖြင့် ဘာသာရေးနဲ့ လူမှုရေး အခြေအနေတွေကို သူတို့ဆီကနေ တိုက်ရိုက်နားထောင်အပ်ပါတယ်၊ အဖွဲ့အစည်းအနေနဲ့ ခေါင်းဆောင်တွေ အနေနဲ့ ဘာတွေလုပ်ဆောင်နေတယ်ဆိုတာကို ပိုမိုပွင့်လင်းမြင်သာတဲ့ ပုံစံ လမ်းကြောင်းတွေနဲ့ လူထုကို ပုံမှန် အသိပေးအပ်ပါတယ်၊ လူထုရဲ့ တကယ့်အခြေအနေကို သိဖို့ Social Research သုတေသနပြုမှုတွေကို လုပ်သင့်ပါတယ်၊ လူထုရဲ့ အမြင်နဲ့ တောင်းဆိုမှုတွေကို အသိအမှတ်ပြုဖို့နဲ့ ကိုယ့် ကန့်သတ်မှုဘောင်တွေကထဲကနေပဲ အကောင်းဆုံး ပြန်တုန့်ပြန်ပေးဖို့လည်း လိုပါတယ်။ အရေးကြီးဆုံးအချက်က အဖွဲ့အစည်းတွေအနေနဲ့ အောက်ခြေအဖွဲ့တွေကို ပိုမိုလုပ်ကိုင်ခွင့်တွေပေး ပိုမိုအသက်ဝင်စေဖို့လိုပါမယ်။ Decentralization ပေါ့ ဗဟိုချုပ်ကိုင်မှုကို ဖြေလျော့ဖို့ လိုပါတယ်။ အဲ့ဒါမှ လူထုနဲ့ ပိုထိတွေ့နိုင်မှာပါ။

    အပေါ်မှာ ထောက်ပြဆွေးနွေးထားသလို အဖွဲ့အစည်းတွေအနေနဲ့ လူထုနဲ့ ပိုမိုထိတွေ့နိုင်ဖို့ လူထုအမြင်လမ်းကြောင်းကို ယူဖို့ မီဒီယာတွေအနေနဲ့ အမြဲထိတွေ့သင့်ပါတယ်။ မီဒီယာကဆက်သွယ်မှမဟုတ်ဘဲ မီဒီယာကို ဆက်သွယ်ဖို့လိုပါမယ်။ အဲ့ဒီအတွက်လည်း ကိုယ့်အဖွဲ့အစည်းတွင်း SOP ဆောင်ရွက်ပုံလမ်းညွန်ရှိသင့်ပါတယ်။

    နောက်တစ်ခုကတော့ အခြားဘာသာတရားအဖွဲ့အစည်းတွေနဲ့ အရပ်ဖက်လူ့အဖွဲ့အစည်းတွေနဲ့ ဆက်ဆံမှုပါ။ အခြားဘာသာရေးအဖွဲ့အစည်းတွေနဲ့ ဆက်သွယ်ရေးမှာ Interfaith ဘာသာပေါင်းစုံချစ်ကြည်ရေးဘောင်တစ်ခုသာ ခတ်ပြီး ချဉ်းကပ်နေတာမျိုးထက် ကိုယ်တွေထက် ပိုစနစ်ကျတဲ့ Institution အဖြစ်ကို ရပ်တည်နေနိုင်ပြီဖြစ်တဲ့ အဖွဲ့အစည်းတွေဆီကနေ အဖွဲ့အစည်းတိုးတက်ရေး၊ လူသားအရင်းအမြစ်ဖွံ့ဖြိုးရေး၊ နည်းဗျူဟာနဲ့ မူဝါဒချမှတ်အကောင်အထည်ဖော်ခြင်းစတာတွေကို အတွေ့အကြုံယူ သင်ယူခြင်းလမ်းကြောင်းတွေနဲ့လည်း ချဉ်းကပ်သင့်နေပါပြီ။

    နောက်တစ်ခုက ငါးဖွဲ့အနေနဲ့ အခြားရပ်တည်နေတဲ့ အစ္စလာမ့်ဘာသာရေးအခြေပြုအဖွဲ့အစည်းတွေနဲ့ ပတ်သက်ပြီးလည်း တိကျတဲ့ အပေါင်းဆန်တဲ့ မူဝါဒမျိုးရှိနေသင့်ပါပြီ။ ဘာသာရေးငါးဖွဲ့ရှိပြီးသား တစ်ဖွဲ့ထပ်ထောင်တယ်ဆိုတဲ့ အနုတ်ဆောင်အမြင်မျိုးကနေ တရားဝင်အစိုးရအသိအမှတ်ပြုထားတဲ့ ငါးဖွဲ့အနေနဲ့ ကျန်အဖွဲ့တွေရဲ့ အားကို ယူပြီး ပူးပေါင်းပြီး ဘယ်လို လူထုအတွက် ပိုကောင်းအောင် လုပ်ကြမလဲဆိုတဲ့ နည်းဗျူဟာကောင်းတွေ ရှိနေသင့်ပါပြီ။

    အရေးကြီးဆုံးဖြစ်တဲ့ နိုင်ငံတော်အဆင့် တိုင်းဒေသကြီးပြည်နယ်အဆင့်မှသည် အောက်ခြေ ခရိုင်မြို့နယ်အဆင့် အာဏာပိုင်တွေနဲ့ တရားဥပေဒလမ်းကြောင်းကို မဆန့်ကျင်တဲ့ ဆက်သွယ်ရေး channels တွေ ဖွံ့ထားဖို့လိုပါမယ်။

    Community ဖက်ကရောပေါ့…။ ဘာသာရေးအဖွဲ့အစည်းကြီးတွေနဲ့ ဆက်ဆံရေးအားနည်းခြင်းမှာ လူထုဘက်က အားနည်းမှုလည်းပါပါတယ်။ အပေါ်မှာ ဆွေးနွေးခဲ့သလိုပဲ ခလုတ်ထိမှ အမိတတဲ့ ပုံစံမျိုးမဟုတ်ဘဲ လူထုအနေနဲ့ ဒီအဖွဲ့အစည်းတွေရဲ့ လှုပ်ရှားမှုတွေမှာ ပိုမိုပါဝင်နိုင်ဖို့ အားထုတ်ရပါမယ်၊ Community Participation ပေါ့။ ဒီအဖွဲ့တွေဟာ ငါတို့နဲ့ဆိုင်တယ်၊ လက်ရှိစိန်ခေါ်မှုတွေကို ဖြေရှင်းဖို့ ဒီအဖွဲ့အစည်းတွေကို ဖွံ့ဖြိုးစေရေး တည်ဆောက်ရေးမှာ ငါတို့ပါရမယ် ငါတို့တတ်နိုင်တဲ့ ဖက်က ပံ့ပိုးကူညီရမယ်ဆိုတဲ့ Community Ownership အရေးကြီးပါတယ်။ ပြဿနာမရှိတဲ့ အခြေအနေမျိုးမှာလည်း သူတို့ဘာတွေလုပ်နေကြလဲ၊ ငါတို့ဆီက ဘာလိုအပ်သလဲ ဒီလို အာရုံစိုက်နေရပါမယ်။

    Institution အဆင့်ကို မြှင့်တင်မယ်ဆိုရင် အရင်းအမြစ်တွေက လိုအပ်မှာသေချာပါတယ်။ လိုအပ်တဲ့ အရင်းအမြစ်တွေ မဖြည့်တင်းရင်တော့ စိတ်ကူးသက်သက် plan သက်သက်ဖြစ်နေပြီး လက်တွေ့ အကောင်အထည်ဖော်ဖြစ်မှာ မဟုတ်ပါ။ အဲ့တော့ လူထုဖက်က လူ့အရင်းအမြစ်၊ အချိန်၊ ငွေကြေးအင်အားစတာတွေ ကိုယ်တွေတတ်နိုင်တဲ့ဖက်က ကူညီပေးဖို့လိုပါမယ်။

    အရေးကြီးဆုံးက ငါနဲ့ဆိုင်တယ်ဆိုတဲ့ စိတ်ရှိပြီးနောက် အဖွဲ့အစည်းတွေကိုယ်တိုင်က ဦးဆောင်သူပိုင်းကိုယ်တိုင်က ကိုယ်မှန်းထားသလောက် မရွေ့ရင်တောင် လူထုဖက်ကနေ စိတ်ဝင်တစားနဲ့ တွန်းပေးဖို့ လိုအပ်ပါတယ်။

    ကိုယ်တွေဖက်က နောက်လိုက်ကောင်းပီသစွာနေမယ်ဆိုရင် ဦးဆောင်သူတွေကို နောက်လိုက်တွေရဲ့ ရသင့်တဲ့ အခွင့်အရေးနဲ့ ဦးဆောင်သူတွေဆောင်ရွက်ရမှာတွေကို နည်းလမ်းမှန်ကန်စွာ တောင်းဆိုကြရပါမယ်။ ဒီနေရာမှာ မကျေနပ်လို ဝေဖန်တာ ဆဲဆိုတာမျိုးထက် ဖြစ်စေချင်တဲ့ စိတ် ownership ရှိတဲ့စိတ်နဲ့ ကိုယ့်ဖက်က ကမ်းလှမ်းမှုတွေနဲ့ ဦးဆောင်သူတွေကို ဖြစ်စေချင်တာ ဖြစ်သင့်တယ် ထင်တာကို တောင်းဆိုရပါမယ်။ ဒါဟာ ကျွန်တော်တို့ သွားချင်နေတဲ့ စံနှုန်းမှီ ဒီမိုကရေစီရဲ့ စံတွေပါပဲ။

    ဥပမာ-အဖွဲ့အစည်းတွေ သို့မဟုတ် အဖွဲ့အစည်းကြီးအနေနဲ့ ဘာတွေလှုပ်ရှားမှုလုပ်နေလဲ လူထုကို အသိမပေးရင်၊ လူထု မသိရရင် အသိပေးဖို့ တောင်းဆိုကြရပါမယ်။ ဦးဆောင်သူတွေက လူထုကို လာမထိတွေ့ရင် လာထိတွေ့ဖို့ တောင်းဆိုကြရပါမယ်။ လူထုအနေနဲ့ အဖွဲ့နဲ့ ဦးဆောင်သူပိုင်းတွေကို အကြံပြုတာ၊ ထိတွေ့ဖို့ လမ်းကြောင်းတွေ ဖွင့်ပေးထားဖို့ တောင်းဆိုကြရပါမယ်။

    အဖွဲ့တစ်ခုချင်းဆီအနေနဲ့ မြန်မာမွတ်စလင်မ်ထုကြီးတစ်ရပ်လုံးနဲ့ မဆိုင်ဘူး၊ အဖွဲ့တွေရဲ့ အဖွဲ့ဝင်တွေနဲ့ပဲ သက်ဆိုင်တာ တာဝန်ယူမယ်ဆိုတဲ့ မူဟာ နိုင်ငံတော်အစိုးရအသိအမှတ်ပြု မြန်မာနိုင်ငံလုံးဆိုင်ရာ အစ္စလာမ့်ဘာသာရေးအဖွဲ့ကြီးအနေနဲ့ ဘောင်မဝင်ပါ။ နာမည်မှာကိုယ်က မြန်မာမွတ်စလင်မ်ထုကို ကိုယ်စားပြုနေပါပြီ။

    တောင်းဆိုတယ်၊ အကြံပြုတယ်ဆိုတဲ့နေရာမှာ Social Media က ကိုယ့်စာမျက်နှာမှာ ဝေဖန်နေရုံ ဆဲဆိုနေရုံ၊ သူငယ်ချင်းတွေစု လက်ဖက်ရည်ဆိုင်ထိုင်ရင်း ဝေဖန်နေတာမျိုး၊ ပစ်စာလောက်လုပ်တာမျိုးနဲ့ ဘောင်မဝင်ပါ။ ဘောင်ဝင်အောင် လုပ်ကြရပါမယ်။ သက်ဆိုင်သူများကို တိုက်ရိုက်ဆက်သွယ်ခြင်း၊ Social Media ကန်ပိမ်းလုပ်ခြင်း၊ မီဒီယာများမှတစ်ဆင့်သွားခြင်း၊ အိတ်ပိတ်ပေးစာ တရားဝင်ပို့ခြင်း၊ အိတ်ဖွင့်ပေးစာ တရားဝင်ပို့ခြင်း၊ ဆွေးနွေးပွဲ အစည်းအဝေးပွဲများတွင် တိုက်ရိုက်ပြောဆို မေးမြန်း အကြံပြုခြင်းမျိုးတွေ ပြုလုပ်ရမှာဖြစ်ပါတယ်။

    တစ်ဆက်တည်းမှာပဲ လူထုအနေနဲ့ အဖွဲ့တွေရဲ့ လုပ်ဆောင်ပေးမှုနဲ့ နေမှုတွေကို အသိအမှတ်ပြုရမှာဖြစ်ပြီး သူတို့ရဲ့ ကန့်သတ်ချက်များကိုလည်း နားလည်ပေးက အပေါင်းဆောင် ချဉ်းကပ်မှုမျိုးနဲ့ ဆောင်ရွက်သင့်ပါတယ်။

    ဒါဆိုရင် ကျွန်တော်တို့ မဖြစ်စေချင်တဲ့ ပုံစံ (၃)ကနေ ဖြစ်စေချင်တဲ့ ပုံစံ(၁နဲ့၂)ကို တိုးတက်ပြောင်းလဲလာမှာဖြစ်ပါတယ်။

    အကယ်    ၍ လက်ရှိဦးဆောင်မှုပေးနေတဲ့ ဘာသာရေးအဖွဲ့အစည်းတွေကို လူမှုအဆောက်အအုံ Institution အဆင့်မြှင့်တင်ရေးမှာ အကြောင်းအမျိုးမျိုးကြောင့် ကျန့်ကြာနေမယ်၊ သို့မဟုတ် သူတို့ကို မြှင့်တင်ရင်း အခြားလမ်းကြောင်းတစ်ခု ဖောက်မယ်ဆိုရင်တော့ ပုံ(၄) ဟာ အဖြေကောင်းတစ်ခုဖြစ်လာနိုင်ချေများပါတယ်။

    ပုံ(၄)

    ဒီပုံစံမှာ ကျွန်တော်တို့ အနေနဲ့ အစ္စလာမ့်ဘာသာရေးအဖွဲ့ကြီးအပါအဝင် အဖွဲ့တွေအားလုံးကို ဘာသာရေးအခြေပြု Faith-based organizations အဖွဲ့တွေ (တခြားဘာသာတရားတွေရဲ့ အဖွဲ့အစည်းတွေအပါအဝင်)ရဲ့ အစိတ်အပိုင်းတစ်ခုအနေနဲ့ပဲ စဉ်းစားပါတယ်။ ဒီပုံစံကတော့ ဘာသာရေးအဖွဲ့အစည်းကြီးကို အခြေပြုတဲ့ ပုံစံမဟုတ်တော့လို့ပါ။

    ဒီပုံစံမှာ Community မြန်မာမွတ်စလင်မ်လူ့အသိုင်းအဝန်းကို ပိုမြင်အောင် ထပ်မံပြီး သရုပ်ခွဲလိုက်ပါတယ်။ အဲ့ဒီမှာ လူထုရယ်၊ လူထုအခြေပြုအဖွဲ့အစည်းငယ်တွေရယ်၊ အရပ်ဖက်လူ့အဖွဲ့အစည်းတွေရယ်၊ တဦးချင်းတက်ကြွလှုပ်ရှားသူတွေရယ်ပေါ့။

    အဲ့ဒီ့လူထုကြီး စွမ်းအားအဖက်ဖက်က မြှင့်တက်လာစေဖို့ကို ပံ့ပိုးပေးမယ် အရှိန်မြှင့်တင်ပေးမယ့် အရပ်ဖက်လူ့အဖွဲ့အစည်းကို အခြေပြုတဲ့ coordination body သို့မဟုတ် platform တစ်ခုရှိပါမယ်။

    အဲ့ဒီ့ bodyကို professional လူငယ်လူရွယ်တစ်စုက အတွေ့အကြုံရှိ multidisciplinary consultant team တစ်ခုက ထောက်ကူခြင်းနဲ့ တည်ဆောက် organize လုပ်မှာဖြစ်ပါတယ်။

    အဲ့ဒီ့ bodyက အဖွဲ့တစ်ခုပုံစံရပ်တည်မျိုးခြင်းထက် မြန်မာမွတ်စလင်မ် community ကြီးတစ်ခုလုံးနဲ့ အခြားလူ့အသိုင်းအဝိုင်းတွေ၊ အရပ်ဖက်အဖွဲ့အစည်းတွေကြား၊ မီဒီယာအကြား၊ အခြားရော အစ္စလာမ်ပါ ဘာသာရေးအဖွဲ့အစည်းတွေကြား ပူးပေါင်းဆောင်ရွက်ရေးကို အရှိန်မြှင့်တင်ပေးမှာဖြစ်ပါတယ်။

    အဲ့ဒီ့ body ရဲ့ အားထုတ်မှုဟာ မြန်မာမွတ်စလင်မ်တွေနဲ့ အခြား Institutionsတွေအကြား WIN WIN အခြေအနေနဲ့ ဆောင်ရွက်ကြမယ့် အရပ်ဖက်လူ့အဖွဲ့အစည်း ပလက်ဖောင်းကြီးတစ်ခုဖြစ်လာပါမယ်။

    ဒီပလက်ဖောင်းမှာ အပြန်အလှန်မျှဝေမှု၊ ပံ့ပိုးမှု၊ သင်ယူမှုတွေ၊ ပူးပေါင်းမှုတွေ၊ ဘုံတူညီချက် ဘုံရည်မှန်းချက်တွေဆီ လျှောက်လှမ်းမှုတွေ၊ dialogue တွေ ၇ှိနေမှာဖြစ်ပြီး အကျိုးဆက်အနေနဲ့ မြန်မာမွတ်စလင်မ်လူ့အဖွဲ့အစည်းဟာ စွမ်းအားမြင့်တက်လာမှာဖြစ်ပါတယ်။ WIN WIN အခြေအနေတည်ဆောက်ယူမယ့်အပေါ် အခြားလူ့အဖွဲ့အစည်းတွေအနေနဲ့လည်း ကိုယ်တွေဖက်က မျှဝေမှု တူညီမှုတွေမှာ ကိုယ်တွေဖက်က အားဖြည့်ပေးမှု၊ အဆုံးအနေနဲ့ကတော့ အားလုံးရည်ရွယ်တဲ့ အေးချမ်းတဲ့ နိုင်ငံ ဒီမိုကရေစီပြည့်ဝစွာ ထွန်းကားတဲ့ နိုင်ငံ Civilized ဖြစ်တဲ့ နိုင်ငံနဲ့ အသိုက်အဝန်း ပတ်ဝန်းကျင်ကို တည်ဆောက်နိုင်ပါမယ်။

    စွမ်းအားပြည့်လာတဲ့ လူ့အဖွဲ့အစည်းတစ်ခုဟာ လက်ရှိဖြစ်ပေါ်နေတဲ့ စိန်ခေါ်မှုတွေကို ရင်ဆိုင်အောင်မြင်နိုင်ဖို့ ရှိပြီး၊ နောက် အလားတူ ပြဿနာမျိုးတွေ မဖြစ်အောင် ကြိုတင်ကာကွယ်နိုင်စွမ်းလည်းရှိလာမှာဖြစ်ပါတယ်၊ အကောင်းဆုံးရလဒ်ကတော့ မြန်မာနိုင်ငံသားအားလုံးရည်မှန်းတဲ့ ငြိမ်းချမ်းပြီး ဒီမိုကရေစီပြည့်ဝတဲ့ နိုင်ငံတော်တစ်ခုပုံဖော်ရမှာ အကောင်းဆုံးပါဝင်မှု လုပ်နိုင်ခြင်းပါပဲ။

    ဒီနေရာမှာ အရေးအကြီးဆုံးက Who ဘယ်သူတွေက ဒါကို အကောင်အထည်ဖော်မှာလဲဆိုတဲ့ မေးခွန်းပါ။ အဖြေကတော့ရှင်းပါတယ်။ လက်ရှိ အခြေအနေကို ခါးစည်းခံနေရတဲ့ လက်ရှိအခြေအနေကို အားမရတဲ့ မြန်မာမွတ်စလင်မ်တွေ အကောင်အထည်ဖော်ရပါမယ်။ အားလုံးပါဝင်ရပါမယ်။ ဒီပုံစံကို ဦးတည်ဦးဆောင်သူတွေက အားလုံးပါဝင်လာအောင် ဆော်သြဖို့လိုပါတယ်။ ဒီပုံစံကို လွယ်လွယ်ကူကူ အကောင်အထည်ဖော်လို့ရမယ် စိန်ခေါ်မှု လုံးဝမရှိဘူးလို့တော့ ကျွန်တော်ကိုယ်တိုင် မယုံကြည်ပါ။ ဒါပေမယ့်…ယခင်က Unity for Peace၊ Peace Alliance နဲ့ Myanmar Muslim Conference ကြိုးပမ်းမှုတွေဟာ ဒီပုံစံနဲ့ ဆက်စပ်မှုရှိပြီး ထိုကြိုးပမ်းမှုတွေ အတိုင်းအတာတစ်ခုမှာ ရပ်တန့်ခဲ့ရတာတွေကို သင်ခန်းစာကောင်းယူကာ စိန်ခေါ်မှုတွေကို ကျော်ဖြတ်ပြီး အကောင်အထည်ဖော်သင့်အပ်ပါတယ်။

    နိဂုံးချုပ်ရရင် ကျွန်တော်တို့မှာ ရွေးချယ်စရာသုံးလမ်းရှိနေပါတယ်။ တစ်လမ်းက ပုံစံ(၁)နဲ့ ပုံစံ(၂)အခြေအနေရောက်လာအောင် လက်ရှိ de facto နိုင်ငံလုံးဆိုင်ရာ အစ္စလာမ်အဖွဲ့ကြီး နဲ့ အဖွဲ့ခွဲတွေ Institutionalized ဖြစ်လာအောင် ဝိုင်းတွန်းကြမယ် ( ဒီနေရာမှာ de facto ဆိုတဲ့ စာအသုံးက သင့်တော် ထိမိလို့ သုံးပါရစေ၊ ဆိုလိုတာက မြန်မာမွတ်စလင်မ်ထုတစ်ခုလုံးက ကိုယ်စားပြုရွေးချယ်ထားတာ မဟုတ်ပေမယ့် သမိုင်းကြောင်းနဲ့ ဖြစ်တည်မှုအရ မြန်မာမွတ်စလင်မ်ထုတစ်ရပ်လုံးကို ကိုယ်စားပြုနေတယ်ဆိုတာကို ပေါ်လွင်စေချင်လို့ပါ)။ ဒုတိယလမ်းက တော်ပါပြီ၊ ဒီအဖွဲ့တွေ တွန်းရတာ မောလှပြီ မဖြစ်ပါဘူးကွာဆိုပြီး ပုံစံ (၄) သို့မဟုတ် အလားတူ အရပ်ဖက်လူ့အဖွဲ့အစည်းအခြေပြု စွမ်းအားမြှင့်တင်ရေးကိုပဲ ပုံအောပြီးလုပ်ကြမလား။ တတိယပုံစံကတော့ ဘာသာရေးအဖွဲ့ကြီးနဲ့ အဖွဲ့ခွဲတွေကိုလည်း Institution ဖြစ်အောင်တွန်းရင်း ပုံစံ(၄)နဲ့ community တစ်ခုလုံး Institution ဖြစ်လာအောင် လုပ်ကြမလား။ ကျွန်တော်ကတော့ တတိယလမ်းကို ပိုကြိုက်ပါတယ်၊ နောက်တစ်လမ်းရွေးဆို ဒုတိယလမ်းကို ရွေးပါမယ်။ ဒုတိယလမ်းကို တကယ်ဖောက်နိုင်ရင်လည်း community ထဲက တစ်စိတ်တစ်ပိုင်းဖြစ်တဲ့ ဘာသာရေးအဖွဲ့တွေလည်း စွမ်းအားမြှင့်လာမှာမို့လို့ပါပဲ။

    မှတ်ချက်။  ။ ကျွန်တော့်တစ်ဦးတည်းရဲ့ အမြင်ဆောင်းပါးဖြစ်တဲ့ အပေါ် ပို့စ်တင်ပေးတဲ့ မီဒီယာနဲ့ မသက်ဆိုင်သလို၊ ကျွန်တော့်အမြင်နဲ့ ဆွေးနွေးချက်မှာ အားနည်းချက်၊ လိုအပ်ချက်နဲ့ မပြည့်စုံမှုတွေ ရှိနေနိုင်ပါတယ်။ သို့သော် စေတနာကောင်းဖြစ်ကြောင်းကိုတော့ အာမခံအပ်ပါတယ်။

  • တရားမဝင် ဗလီ

    တရားမဝင် ဗလီ

    ဧပြီ ၂၉ ၊ ၂၀၁၇
    Dr-ဆောင်းလွင်အောင် ရေးသည်။

    ၂၀၁၇ ခုနှစ် ဧပြီလ ၁၅ ရက်နေ့က ဝန်ကြီးချူပ် လီရှန်လွန်းကိုယ်တိုင် တက်ရောက်ဖွင့်လှစ်ပေးခဲ့သော စင်ကာပူနိုင်ငံမှ ဗလီဝတ်ကျောင်းတော်

    ဒီအဆိုပြုချက်ကို လွှတ်တော်မှာ တင်ပြပေးနိုင်သူ ဘယ်သူရှိမလဲ။
    အဆိုပြုချက်က—-

    “မြန်မာမွတ်စလင်တွေဟာ မြန်မာ့လူ့အဖွဲ့အစည်းမှာ အခြားတိုင်းရင်းသား ညီအကိုမောင်နှမများနဲ့ ငြိမ်းချမ်းစွာ အတူ ယှဉ်တွဲနေထိုင်ခဲ့တာ နှစ်ထောင်ချီခဲ့ပါပြီ။ ရှေးဗမာမင်း၊ရခိုင်မင်းများဟာ မွတ်ဆလင်တွေအတွက် ဝတ်ပြုဆုတောင်းဖို့ရာ ဗလီများတည်ဆောက်ခွင့် ပေးခဲ့ရုံသာမက သူတို့ကိုယ်တိုင် ငွေကြေးစိုက်ထုတ် လှူဒါန်းခဲ့ကြပါတယ်။ ကိုလိုနီလက်အောက် ရောက်ခဲ့စဉ်မှာရော၊ လွတ်လပ်ရေးရပြီး ပါလီမန်ဒီမိုကရေစီ လက်ထက်မှာပါ နိုင်ငံသားမွတ်စလင်များအတွက် ဗလီများ တည်ဆောက်ခွင့်ပေးခဲ့ပါတယ်။ ၁၉၆၂ စစ်အာဏာသိမ်းပြီးနောက် ဘာသာရေး လူမျိုးရေး သပ်လျှိုသွေးခွဲခဲ့စဉ်ကစလို့ ဗလီအသစ်ဆောက်ဖို့ကို မဆိုထားနှင့်၊ အဟောင်းကိုတောင် ပြု ပြင်ထိမ်းသိမ်းဖို့ အလွန်ခက်ခဲလာခဲ့ပါတယ်။

    တရားမဝင် သာသနိက အဆောက်အဦ ပေါ်ပေါက်ရခြင်း အကြောင်းအရင်း
    —————————————————-
    ၁၉၆၂ ဝန်းကျင်မှာ သန်း ၂၀ ကျော် ၃၀ နီးပါး ရှိခဲ့တဲ့ မြန်မာ့လူဦးရေဟာ ယနေ့ သန်း ၆၀ နီးနီးဖြစ်လာပါပြီ။ မြို့ကြီးများအနီးမှာ မြို့သစ်တွေပေါ်လာသလို စီးပွါးရေးအရ ရွေ့ပြောင်းနေထိုင်မှုတွေ၊ တွင်းထွက်သယံဇာတ ရှာဖွေတွေ့ရှိမှုတွေကနေ ကျေးရွာအသစ်တွေလဲ နှစ် ၆၀ အတွင်းမှာ အများအပြား ပေါ်ထွန်းလာခဲ့ပါတယ်။ အသစ်အသစ်သော မြို့ရွာတွေ၊ တိုးပွါးလာတဲ့ လူတွေအတွက် ဆေးရုံ၊ ကျောင်း၊ ဈေး စတဲ့ ရုပ်ပိုင်းဆိုင်ရာ အခြေခံအဆောက်အဦးတွေ လိုအပ်သလို ဝိဉာဏ်ပိုင်းဆိုင်ရာ အခြေခံအဆောက်အဦးတွေဖြစ်တဲ့ ဝတ်ပြုဆုတောင်းဖို့အဆောက်အဦးတွေဟာလဲ မရှိမဖြစ်လိုအပ်ပါတယ်။ ဒီလို အခြေခံအဆောက်အဦးတွေ မရှိဘဲ လူ့အဖွဲ့အစည်းတခု ဘယ်လိုမှမရပ်တည်နိုင်ပါဘူး။ မရှိရင် ရှိအောင်ကြံဆဖန်တီးကြရတာပါဘဲ။ ဆေးရုံ မရှိတောင် ဘိန္ဓေါဆရာတော့ရှိရမယ်။ ကျောင်းမရှိတောင် ဘုန်းကြီးကျောင်းမှာ စာသင်ကြလိမ့်မယ်။ ဈေးမရှိတောင် အိမ်ဆိုင်လေးတော့ ရှိမှာပါ။ ဒီလိုဘဲ ဝတ်ပြုဆုတောင်းဖို့အဆောက်အဦး တည်ဆောက်ခွင့် မရသူတွေက ရအောင်ကြံဖန်ကြရင်း တရားမဝင် ဗလီတွေ၊ တရားမဝင်ချာ့ခ်ျ တွေဆိုတာ ပေါ်ပေါက်လာခဲ့ရပါတယ်။

    တရားမဝင် ဗလီ ပြဿ နာကို အပြီးတိုင် ဖြေရှင်းချင်ရင်တော့ တရားဝင် ဗလီ တွေ တည်ဆောက်ခွင့်ပေးလိုက်ဖို့ပါဘဲ။

    မြန်မာမွတ်စလင်တို့အား တိုက်တွန်းချက်
    ——————————————
    တချိန်တည်းမှာ နှစ် ၆၀ အမုန်းတရား မှိုင်းတိုက်ခံထားရမှုကြောင့် ဗလီ ကို ဝတ်ပြုဆုတောင်းရာ ဘာသာရေး အဆောက်အဦးအဖြစ် မမြင်နိုင်သူတွေရှိနေတာကို လက်ခံနားလည်ပေးရပါမယ်။ သူတို့တွေ စိတ်ချနိုင်အောင် အစ္စလာမ်ဘာသာဝင်တို့ဘက်က လိုက်လျောပေးရပါမယ်။

    မြန်မာမွတ်စလင်တွေရဲ့ အခြေခံရပိုင်ခွင့်ဖြစ်တဲ့ လွတ်လပ်စွာ ကိုးကွယ်ဝတ်ပြုဆုတောင်းနိုင်ရန် ဗလီ တည်ဆောက်ခွင့်ပြုပေးဖို့လိုသလို အမြင်မရှင်းသူတွေ စိတ်ချနိုင်အောင် ဗလီအသစ်တွေရော အဟောင်းတွေကိုပါ လေ့လာခွင့် ပေးသင့်ပါတယ်။ သောကြာနေ့ နဲ့ အခြားနေ့ထူးနေ့မြတ် အခမ်းအနားတွေမှာ ဟောပြောမှုတွေကို လာရောက် နားထောင်လိုသူတွေကို အထူးသီးသန့် နေရာပေးသင့်ပါတယ်။ ကလေးငယ်များကို ဘာသာရေး အသိပညာသင်ကြားနေမှုတွေကို လေ့လာချင်ရင်လဲ လေ့လာသင်ကြားနိုင်မယ့် အခွင့်အရေးပေးသင့်ပါတယ်။ အစ္စလာမ်ဘာသာရေးအခမ်းအနားတွေမှာ မွတ်စလင်မဟုတ်သူတွေကိုပါ ဖိတ်ကြားပြီး အစ္စလာမ် အကြောင်း၊ ဗလီအကြောင်း လေ့လာခွင့်ပေးသင့်ပါတယ်။

    ပြည်ထောင်စု အစိုးရသို့ တိုက်တွန်းချက်
    —————————————–
    ခေတ်မီ ဖွံ့ဖြိုးတိုးတက်တဲ့ ဒီမိုကရေစီ နိုင်ငံတော်သစ်ကြီးကို ချီတက်နေတဲ့ မြန်မာနိုင်ငံဟာ ဒီမိုကရေစီ စံနှုံးများနဲ့အညီ လူနည်းစု ဘာသာတရားတို့ရဲ့ လွတ်လပ်စွာ ကိုးကွယ်ခွင့်၊ဘာသာတရားများအကြား တန်းတူညီမျှ ၊ သာတူညီမျှ အခွင့်အရေးကို အသိအမှတ်ပြုလျက်၊
    ●ဘာသာပေါင်းစုံရဲ့ ဝတ်ပြုကိုးကွယ်ရာ သာသနိက အဆောက်အဦများ ဆောက်လုပ်ခွင့်၊ ပြု ပြင် ထိန်းသိမ်းခွင့်၊မှတ်ပုံတင်ခွင့် ပေးရန်၊
    ●ပိတ်ထားသော ဗလီများ ပြန်လည် ဖွင့်လှစ်နိုင်ဖို့ စီစဉ်ဆောင်ရွက်ပေးရန်
    ●အမုန်းတရား အခြေခံပြီး သာသနိက အဆောက်အဦများကို ထိပါးနှောက်ယှက်သူများကို နိုင်ငံတော်မှ ထိရောက်စွာ အရေးယူပေးရန်

    (ref: Nay Linn Aung status)