News @ M-Media

Author: editor

  • “ဒေါ်နယ်ထရန့်ရဲ့ လူဝင်မှုကြီးကြပ်ရေးမူ အရှုပ်အထွေး”

    “ဒေါ်နယ်ထရန့်ရဲ့ လူဝင်မှုကြီးကြပ်ရေးမူ အရှုပ်အထွေး”

    ဇန်နဝါရီ ၂၉ ၊ ၂၀၁၇
    M-Media
    မောင်ရဲဝင်း (တောင်ကြီး) ရေးသည်။

    အမေရိကန်သမ္မတအဖြစ် ကျမ်းကျိန်ပြီး (၅) ရက်မြောက်တဲ့နေ့မှာ ဒေါ်နယ်ထရန့်ဟာ မဲဆွယ်စည်းရုံးရေးကာလက ကြွေးကြော်ခဲ့တဲ့ လူဝင်မှုကြီးကြပ်ရေးကိစ္စကို စတင်ကိုင်တွယ်ဖို့ ခြေလှမ်းပြင်ခဲ့ပါတယ်။ လက်ရှိထွက်ပေါ်လာတဲ့အထဲမှာ သုံးသပ်ကြည့်ရင် ထင်သာမြင်သာတဲ့ အချက် (၅) ချက်ရှိပါတယ်။ ဒါတွေကတော့

    ၁) မက္ကဆီကိုနိုင်ငံနဲ့ နယ်စပ်ဒေသတလျောက်မှာ တံတိုင်းကြီးဆောက်မယ်၊

    ၂) တရားမဝင် ဝင်ရောက်နေထိုင်နေသူတွေကို ပြန်ပို့မယ်၊

    ၃) အီရတ်၊ ဆီးရီးယား၊ အီရန်၊ ဆူဒန်၊ ဆိုမာလီယာ၊ ယီမင် နဲ့ လစ်ဗျား၊နိုင်ငံသားတွေကို ပြည်ဝင်ခွင့် ရက်ပေါင်း (၃၀) ဆိုင်းငံ့မယ်၊

    ၄) ကမ္ဘာအရပ်ရပ်မှာရှိ ဒုက္ခသည်တိုင်းကို ပြည်ဝင်ခွင့် ရက်ပေါင်း (၁၂၀) ရက် ဆိုင်းငံ့မယ်၊ ဆီးရီးယားဒုက္ခသည်တွေကို ရက် အကန့်အသတ်မဲ့ ဆိုင်းငံ့မယ်၊

    ၅) နှစ်စဉ်ဒုက္ခသည်အသစ် ငါးသောင်း သာလက်ခံမယ်၊ ဆိုတာတွေဖြစ်ပါတယ်။

    ဒီအချက် (၅) ချက်ထဲမှာ အချို့သောမြန်မာပြည်သားတွေနဲ့ စပ်ဆက်မှုရှိတာကတော့ အချက် (၄) နဲ့ (၅) ဖြစ်ပါတယ်။ မြန်မာပြည်က ဒုက္ခသည်တွေကို အမေရိကန်ကို ခေါ်ယူနေသေးတာကတကြောင်း၊ အမေရိကန်နိုင်ငံရောက်နေပြီးသူတွေနဲ့ မိသားစုပြန်စုံခွင့်မှုအရ ခေါ်ယူနေသေးတာကတကြောင်းဖြစ်လို့ အချက် (၄) နဲ့ (၅) ဟာ ဆက်စပ်မှုအရှိဆုံးလို့ယူဆနိုင်ပါတယ်။

    မက္ကဆီကိုနယ်စပ်မှာ တံတိုင်းဆောက်မယ့်ကိစ္စဟာ လူတွေရဲ့မျက်စေ့ထဲမှာ တရုတ်နိုင်ငံက မဟာတံတိုင်းကြီးလို ကြီးကြီးမားမား ခိုင်ခိုင်ခံခံကြီးလို့ ထင်မှတ်နေကြပေမယ့် နှစ်နိုင်ငံအကြားအတားအဆီဖြစ်မယ့် ဘာလင်တံတိုင်းကြီးလို့ တံတိုင်းမျိုးကို ရည်ညွန်းနေကြတာပါ။ အရှည်ကိုလည်း အတိအကျ မသတ်မှတ်ရသေးပဲ ဒေါ်လာ ၁၀ ဘီလီယံ ကနေ ဘီလီယံ ၂၀ အကြားကုန်မယ်လို့ အမျိုးမျိုး ထင်ကြေးပေးနေကြတာပါ။ ဒေါ်နယ်ထရန့်ကတော့ ကုန်ကျစရိတ်ကို မက္ကဆီကိုနိုင်ငံက နည်းအမျိုးမျိုးနဲ့ရအောင်ယူမယ်လို့ ကြိမ်းမောင်းထားပါတယ်။

    မက္ကဆီကိုဘက်ကလည်း တံတိုင်းခတ်မယ်ဆိုတဲ့ အိုင်ဒီယာကို သဘောတူပေမယ့် သူတို့ဘက်က ငွေကုန်ခံပေးရမယ်ဆိုလို့ သူတို့သမ္မတ အိမ်ဖြူတော်လာမယ့် အစီအစဉ်ကို ဖျက်လိုက်တယ်။ သူတို့ဘက်က လူတွေဝင်တယ်၊ ပစ္စည်းတွေဈေးပေါပေါနဲ့ဝင်တယ်၊ မူးယစ်ဆေးဝါးတွေ ဝင်တယ် ဆိုပေမယ့် အမေရိကန်နိုင်ငံဘက်ကနေ လက်နက်တွေဝင်နေတာကိုတော့ တားဆီးချင်ပုံရတယ်။

    မက္ကဆီကိုဘက်ကတင်းမာမှုကို တုန့်ပြန်တဲ့မနေနဲ့ မက္ကဆီကိုဘက်ကလာတဲ့ ပစ္စည်းတွေကို အခွန် ၂၀% တိုးကောက်မယ်လို့ အိမ်ဖြူတော်က လေသံပစ်ကြည့်ပါသေးတယ်။ မက္ကဆီကို အလုပ်သမားတွေကိုပြန်ပို့မယ်၊ အဲ့ဒီကလာတဲ့ ပစ္စည်းတွေကို အခွန်တိုးကောက်မယ်ဆိုရင် အမေရိကန်နိုင်ငံအတွင်း စားသောက်ကုန်တွေက အဆမတန် ဈေးကြီးလာမှာဖြစ်ပါတယ်။

    အရှေ့အလယ်ပိုင်းက ပြည်ဝင်ခွင့်နဲ့ပတ်သက်ရင်တော့ ဒေါ်နယ်ထရန်ဟာ သူပေးထားတဲ့ကတိကို အဖြစ်သဘောလောက် လုပ်ပြတယ်လို့မြင်ကြပါတယ်။ မွတ်စလင်တွေအားလုံးကို ပြည်ဝင်ခွင့်ပိတ်မယ်ဆိုရင် သမ္မတမှာ အတိုက်အခံတွေ ပိုများလာပါလိမ့်မယ်။ မွတ်ဆလင်တွေဘက်က ရပ်တည်ပေးတဲ့ အမေရိကန်ပြည်သူတွေနဲ့ နိုင်ငံရေးသမားတွေရဲ့ ဝေဖန်မှုက ပြင်းထန်လာမှာဖြစ်ပြီး မွတ်စလင်တွေနဲ့ တသားတည်းရှိတဲ့ အမေရိကန်ပြည်သူ အမြောက်အများရှိတယ်ဆိုတာ ပိုမိုပေါ်လွင်လာမှာ ဖြစ်ပါတယ်။ ဒါကြောင့် အရှေ့အလယ်ပိုင်းက နိုင်ငံရေး မတည်မငြိမ်ဖြစ်နေတဲ့နိုင်ငံတွေကို ရွေးပြီး ရက်ပေါင်း (၃၀) ဆိုင်းငံ့လိုက်တာဖြစ်ပါတယ်။

    ဒေါ်နယ်ထရန့်အနေနဲ့ ဒုက္ခသည်တွေကို (၄) လပိတ်လိုက်တဲ့ အချက်ကြောင့်လည်း ဝေဖန်မှုတွေနဲ့ ရင်ဆိုင်ရပြန်ပါတယ်။ အဆိုးဆုံးကတော့ စစ်ဖြစ်နေတဲ့ဒေသက ဆီးရီးယား ဒုက္ခသည်တွေကို ပိတ်လိုက်တဲ့ကိစ္စပါပဲ။ ဒုသမ္မတ မိုက်ပန်က အင်ဒီယားနားပြည်နယ် အုပ်ချုပ်ရေးမှူးလုပ်ခဲ့စဉ်မှာ ဆီးရီးယား ဒုက္ခသည်တွေကို အင်ဒီယားနားပြည်နယ်ထဲ အခြေချခွင့်ကို တားမြစ်ခဲ့ပါတယ်။

    နိုင်ငံရေးအခြေအနေအရ ပြည်ဝင်ခွင်ပိတ်ပင်တဲ့ သာဓကတွေရှိခဲ့ဖူးပါတယ်။ ဥပမာ မြန်မာစစ်အစိုးရရဲ့ အတွင်းလူတွေကို ပြညိယ်ဝင်ခွင့်ပိတ်တာမျိုး၊ ဇင်ဘာဘွေ အစိုးရထောက်ခံသူတွေ၊ တာလီဘန်နဲ့ ဆက်နွယ်သူတွေ၊ လက်နက်ကိုင်အကြမ်းဖက်အဖွဲ့ဝင်တွေကို ပိတ်ပင်တာမျိုးတွေရှိခဲ့ဖူးပါတယ်။ သမ္မတ ကာတာ လက်ထက်က အီရန်နိုင်ငံသားတွေကို ဗီဇာပိတ်ခဲ့ဖူးတယ်။ သမ္မတ ရေဂန် လက်ထက်က ကျူးဘားနိုင်ငံသားတွေကို ဗီဇာပိတ်ခဲ့ဖူးတယ်။

    အဲ့ဒီအပြင် လူဝန်မှုကြီးကြပ်ရေးနဲ့ပတ်သက်တဲ့ လျောက်လွှာတွေမှာ ကွန်မြူနစ်ပါတီဝင်ဖူးလားတို့၊ နာဇီအဖွဲ့ဝင်ဖြစ်ဖူးလားတို့ ခုထိမေးတုန်းရှိသေးပါတယ်။ ဒါကြောင့် လူတစုကို အခြေအနေရပိတ်ပင်တာဟာ သမ္မတ ဘောင်မကျော်ဘူးလို့ ထောက်ခံသူတွေကဆိုကြပါတယ်။

    နောက်ဆုံးတချက်ကတော့ ဒုက္ခသည်တွေခေါ်တဲ့ အရေအတွက် လျော့ချတဲ့ကိစ္စပါ။ အိုဘားမား လက်ထက်က နှစ်စဉ် ဒုက္ခသည်ခေါ်ယူမှုနှုန်း တသိန်းတသောင်း (၁၁၀၀၀၀) ခွင့်ပြုထားခဲ့ပါတယ်။ အခု နှစ်စဉ် ငါးသောင်း (၅၀၀၀၀) အထိ ပဲခေါ်ယူခွင့်ပြုတယ်လို့ သက်မှတ်လိုက်ပါတယ်။ ဒါဟာ ၁၉၈၀ ဒုက္ခသည်ဆိုင်ရာအက်ဥပဒေ ပြဌာန်းပြီး နှစ်ပေါင်း ၃၀ ကျော်အတွင်း ဒုက္ခသည်ဝင်ခွင့် အနည်းဆုံးပါပဲ။ ဒီကိစ္စအပေါ်မှာလည်း ဒုက္ခသည်တွေကို ခေါ်ယူတဲ့ အဖွဲ့အစည်းတွေက အယူခံဝင်စာတွေ တင်နေကြပါပြီ။
    ဘာသာရေးအပေါ်အခြေခံတဲ့ ဖိနှိပ်မှုခံဒုက္ခသည်တွေကို ပထမဦးစားပေးစနစ်နဲ့ ခေါ်ယူသွားမယ်လို့လည်း အမေရိကန်သမ္မတ ဒေါ်နယ်ထရန့် လက်မှတ်ရေးထိုးထားတဲ့ အမိန့်လမ်းညွန်ချက်မှာပါရှိပါတယ်။

  • မေတ္တာတရားကို ကိန်းသေ ထားသောအခါ

    မေတ္တာတရားကို ကိန်းသေ ထားသောအခါ

    ကာတွန်းဖန်တီးသူ-လဂွန်းအိမ်

     

    “သူငယ်ချင်း”

    ဝေမိုး၏ ခေါ်သံကြောင့် ဇော်မြင့်သည် သူ့မျက်လုံးကို တီဗီဖန်သားပြင်ပေါ်မှ ခွာယူလိုက်၍ ဝေမိုးဖက်သို့ အာရုံပြုလိုက်ရင်း ထူးလိုက်သည်။

    “အင်း …ပြောလေ… သူငယ်ချင်း”

    “လောကကြီးမှာ နှစ်မျိုးသော အရာရှိတယ်…
    တူညီမှု နဲ့ မတူညီမှု ”

    “အင်း”

    ” အဲ့ဒီအရာ နှစ်မျိုးက…ငါနဲ့ မင်းထဲမှာလည်း…မွေးရာပါ အမွေအဖြစ် ခိုင်ခိုင်မာမာ နေရာယူထားတယ်”

    “အင်း”

    “တိတိကျကျပြောရရင်…ငါနဲ့ မင်းကြားမှာ…မတူညီမှုတွေ အများကြီးရှိသလို…တူညီမှုတွေလည်း အများကြီး ရှိတယ်ပေါ့လေ”

    “အင်း”

    ဝေမိုးက စကားကို ဖြတ်ရပ်လိုက်၍ ကော်ဖီတစ်ငုံ သောက်လိုက်သည်။ ဇော်မြင့်ကတော့ ဝေမိုး၏ စကားကို “အင်း” လိုက်၍ နားစွင့်နေလေ၏။ ဝေမိုး ဆက်ပြောလာမည့် စကားကို ဇော်မြင့်က စိတ်ဝင်တစား စောင့်မျှော်နေလေသည်။

    “ဒီတော့… ငါတို့တွေ မတူတာတွေကို ရောင်စုံပန်းလို ကွဲပြားမှုရဲ့ အလှတရားအသွင်နဲ့ ကြည့်မယ်ဆိုရင်…တူတာတွေကို ရောင်တူပန်းလို တူညီမှုရဲ့ အလှတရားအသွင်နဲ့ ကြည့်မယ်ဆိုရင်…ငါတို့ကမ္ဘာကြီးလည်း…အလှတရားတွေနဲ့ပဲ ပြည့်နှက်နေမှာပေါ့နော်”

    ဝေမိုးက စဉ်းစဉ်းစားစား ပြောခဲ့ပြီး ကော်ဖီကို ဆက်သောက်နေတော့၏။

    သူတို့ ငယ်သူငယ်ချင်း နှစ်ယောက်သည် မွန်းလွဲပိုင်း အလုပ်ကိုယ်စီ အားချိန်၌ တိတ်တိတ်ဆိတ်ဆိတ် ရှိလှသော ပိတောက်ရိပ်အောက်က ကော်ဖီဆိုင်တွင် နေ့စဉ်နီးပါး လာထိုင်တတ်ပြီး တစ်နေ့တစ်မျိုး ခေါင်းစဉ်တစ်ခုစီအောက်တွင် အပြန်အလှန် ဆွေးနွေးပြောဆိုတတ်သည်။ ပညာတတ်သူများပီပီ သူတို့ ဆွေးနွေးမှုသည် ပြေပစ်သည်။ တစ်ယောက်ကို တစ်ယောက် အလေးလည်း ထားသည်မို့ ဆွေးနွေးမှုက ထိထိမိမိလည်း ရှိရှိတတ်၏။

    ” အေးပေါ့ သူငယ်ချင်းရာ … အဓိကက အမြင်ပါပဲ… ကိုယ်က အရာတစ်ခုကို အကောင်းမြင်စိတ်နဲ့ ကြည့်ရင် အကောင်းမြင်မယ်… အဆိုးမြင်စိတ်နဲ့ ကြည့်ရင် အဆိုးမြင်မယ်… ဒီလိုပဲပေါ့… အရာတစ်ခုကို အလှတရား အမြင်နဲ့ကြည့်ရင် လှပခြင်းပဲ မြင်မယ်ပေါ့လေ….အမြင်နဲ့ ခံယူချက်က အဓိက စကားပြောတယ် သူငယ်ချင်းရာ”

    ဇော်မြင့်က သူ့သူငယ်ချင်းကို ထောက်ခံ ဆွေးနွေးလိုက်သည်။

    ” ဒါပေမယ့် သူငယ်ချင်းရာ… တစ်ချို့လူတွေက မတူတာတွေကို တံတိုင်းလုပ်ပစ်ပြီး တူရာတွေကိုတောင် ကူးလူးပေါင်းစပ်ခွင့် မပေးကြဘူး … ရှင်းရှင်းပြောရရင် အခုဏက ပြောသလိုပဲ … အဲ့ဒီလူတွေက မတူတာတွေကို ရောင်စုံပန်းလို ကွဲပြားမှုရဲ့ အလှတရားအသွင်နဲ့ မကြည့်တတ်လို့ …  လူကမွေးပြီး လူနေတဲ့ အရပ်မှာ ကြီးပြင်းလာတာတောင် အဲ့ဒီလူတွေမှာ လူ့စိတ်က ကြာကြာလေလေအထိ အရွယ်မရောက်တတ်ဘူး”

    ဝေမိုးက စကားကို ရပ်တန့်လိုက်ပြီး ဆေးလိပ်တစ်လိပ် မီးညှိလိုက်သည်။ ဖန်ခွက်ထဲ ရေးနွေးကြမ်း ငှဲ့နေရင်း ဇော်မင်း ပြောအလာကို စောင့်မျှော်နေ၏။

    ” မှန်တယ် … တစ်ချို့လူတွေက မတူတာတွေနဲ့ တံတိုင်ဆောက်ပြီး တူရာတွေကို ကူးလူးပေါင်းစပ်ခွင့်မပေးဘူး ဆိုတဲ့ မင်းစကားကို သိပ်သဘောကျတယ် …ဒီနေ့လို အခြေအနေနဲ့လည်း ကွထိပဲ … သိပ်ထိမိတယ်… ဒါတွေက အာဏာရှင်တွေရဲ့ လက်ချက်ပါကွာ …လူတွေကို ခြားနားချက် လှည့်ကွက်နဲ့ ကစားပစ်ခဲ့တာလေ … ဘာသာရေးခြားနားချက်…လူမျိုးရေးခြားနားချက်… နေရာဒေသခြားနားချက်…ပညာတတ် ပညာမဲ့ ခြားနားချက် … အစုံပေါ့… “ပြည်သူ စည်းရုံးရင် အာဏာရှင်ပြေးရ” ဆိုတဲ့ စကားကို အလေးထားပုံရတယ် … ကြာလာတော့ လူတွေကလည်း အဲ့လို လှည့်ကွက်ထဲ မိသွားပြီး ခြားနားချက်ကို ရန်ဖက်လို့ မြင်လာကြတာ တကယ်စိတ်မကောင်းစရာပဲ… တကယ်တော့ကွာ… ဒါက တို့နိုင်ငံရဲ့ အနာဂတ်အတွက်လည်း  အင်မတန် ရင်လေးဖို့ ကောင်းတယ်… ”

    ဇော်မြင့်က စိတ်ပါလက်ပါ ဝင်ဆွေးနွေးလိုက်သည်ကို ဝေမိုးက ဆေးလိပ်ဖွနေရင်း နားထောင်နေသည်။
    ဇော်မြင့်က ကွမ်းထုပ်ထဲက ကွမ်းတစ်ယာ ထုတ်ပြီး ဝါးနေ၏။ စကားပွဲသည် ဘာရယ်မဟုတ် တစ်ခဏလောက် ဆိတ်ငြိမ်သွားသည်။ ဆောင်းရာသီ၏ လေညင်းအေးအေး တစ်ချက်ကလည်း လာတိုက်သွားသေ၏။ မွန်းလွဲချိန်ပေမယ့် နေရောင်၏ အစွမ်းထက် လေညင်းက ပိုစွမ်းသည်။ ခဏအကြာ-

    ” အေးပါကွာ… ငါတို့နိုင်ငံရဲ့ လှပတဲ့ အနာဂတ်ကို ဖျက်ဆီးပစ်လိုက်တာ ဒီအာဏာရှင်တွေပဲ … အချင်းချင်း ချစ်ချစ်ခင်ခင် နေလာကြတဲ့ဟာကို အမုန်းတရားတွေ … မနာလိုမှုတွေ …ရိုက်သွင်းပေးပြီး ဖြိုဖျက်လိုက်တယ်… ဒီလိုနဲ့ အချင်းချင်းကြားမှာ ရန်ငြိုးတွေ ပေါ်လာတော့တာပဲ … “မုန်းပင်” ဆိုပြီး ပြောစမှတ် ရှိသလိုပေါ့… အမုန်းတရားဆိုတာ တစ်စတစ် ရှင်သန်ကြီးထွားတတ်တယ် … ရန်ငြိုးဆိုတာကလည်း လောင်စာလိုပါပဲ … ထစ်ခနဲဆို ထလောင်တတ်တယ်… စာရေးဆရာကြီးတွေက ရန်ငြိုးကို လောင်စာနဲ့ နှိုင်းပြောတတ်တာလေ … လောင်စာရန်ငြိုးတဲ့ …”

    ဇော်မြင့်ကလည်း ထိမိသော စကားလုံးများဖြင့် ပြန်ဆွေးနွေးလိုက်သည်။

    ” အခုဆို အစိုးရလည်း အသစ်တက်လာပြီ … ငါတို့တွေ အကောင်းဆုံးကို မျှော်လင့်ကြတာပေါ့ဟ … ”

    မျှော်လင့်ချက်စကားကို သက်ပြင်းတစ်ချက် ချမိပြီးနောက် ဝေမိုး ဆိုသည်။

    ” ဒီလိုမျိုး အာဏာရှင်ရဲ့ သက်ရှည်ကြာ မှိုင်းမိခံခဲ့ရတဲ့ လူတွေကို ချက်ချင်းကြီးတော့ ပြောင်းလဲလာဖို့ မမျှော်လင့်နိုင်သေးဘူး သူငယ်ချင်းရာ… အခု အစိုးရက ဒီမိုကရေစီ ခေါင်းစဉ်နဲ့ တက်လာတဲ့ အစိုးရ ဆိုတော့ အစိုးရ ကိုယ်တိုင်က မတူညီိမှုက ပြဿနာမဟုတ်ဘူးဆိုတဲ့ အကြောင်းအရာနဲ့ ပြည်သူကို အသိပညာပေးမှ… အမုန်းတရားတွေ ထွင်ထွင်ဟောနေတာတွေကို ရပ်တန့်အောင်လုပ်မှ တော်ကာကျမယ် … ပြည်သူထဲက အသိပညာကြွယ်ဝတဲ့ ပုဂ္ဂိုလ်တွေမှာလည်း ချစ်ခြင်း မေတ္တာတရားရဲ့ ကောင်းကျိုးတွေ၊ မတူညီမှုရဲ့ အလှတရားတွေကို ပြည်သူကို ချပြဖို့ တာဝန်မကင်းဘူးလို့ ထင်တယ်လေ… ဒီလိုမှသာ သူငယ်ချင်း ထင်သလို မြန်မြန် ဖြစ်လာမှာ”

    ဇော်မြင့်က လုပ်သင့်လုပ်ထိုက်သည်ဟု သူတွေးမိနေသည်ကို ချပြဆွေးနွေးသည်။ ဝေမိုးကလည်း “ဟုတ်တယ်နော်” ဆို၍ အလိုက်သင့် မောင်ပေါက် လုပ်လိုက်၏။

    ထို့နောက် ဝေမိုးက ဆေးလိပ်ကို မီးသတ်လိုက်ပြီး ကွမ်းတစ်ယာ ပါးစပ်ထဲ ထည့်သွင်းလိုက်သည်နှင့် –

    ” ဟေ့ကောင် … ငါအတန်တန် တားမြစ်ရက်သားနဲ့ကွာ … ဆေးလိပ်သောက်ရင် ဆေးလိပ်ပဲသောက် … ကွမ်းစားရင် ကွမ်းပဲစားပေါ့ … အခု မင်းက ရောဂါကို ဒွန်တွဲပြီး လက်ယပ်ခေါ်နေတဲ့တာပဲ …ပြောမရဆိုမရနဲ့ …”

    ဇော်မြင့်က သူ့သူငယ်ချင်း ဝေမိုးကို အော်ငေါက်လိုက်သည်။ သို့သော် ဝေမိုးက အိနြေ္ဒမပျက်။ ဓာတ်ပြားဟောင်း ဖွင့်မိပြန်သည်ကို ဓာတ်သိမို့ ရိပ်မိလိုက်သည်။

    ” မင်းလည်းကွာ … သမားတော်ကြီး ကျနေတာပဲ… ကွမ်းက တစ်ခါတလေပဲ စားတာပါဆို …ဟဲဟဲ…”

    ဝေမိုးက သူ့အချစ်ဆုံး သူငယ်ချင်း၏ ဂရုဏာဒေါသဖြင့် ငေါက်ခဲ့မှုကို ရယ်ရယ်မောမော  ပြောပြီး ခါတိုင်းလို အယူခံဝင် ဖြေရှင်းချက်ပေးနေခဲ့၏။ ဇော်မြင့်၏ မျက်နှာပေါ်တွင် ဂရုဏာ ဒေါသအရိပ်အယောင်က မပျောက်သေးသမို့ ဝေမိုးက သူ့ပါးစပ်ထဲက ဝါးကာစ ကွမ်းကို ထုတ်ပစ်လိုက်သည်။ ပြီးလျှင် တပည့်တစ်ယောက် အသွင်ဖြင့် –

    ” သမားတော်ကြီး … ကျေနပ်ပြီလား ခင်ဗျား” ဆိုပြီး ပြောလိုက်သောအခါ ဇော်မြင့်က “မကျေနပ်ဘူးကွာ… အပြီးဖြတ်မှလည်း မဟုတ်ဘဲနဲ့..ဟွန့် …” ဆိုပြီး အလိုမကျသံပြုလိုက်သည်။

    “ဟာကွာ… မင်းသိပါတယ်… မင်းက အချစ်ဦးကို စွန့်မရသလိုမျိုး ငါလည်း အကျင့်ဟောင်းကို ပြင်ရခက်နေတာ… ဆိုးရိုးစကားတောင်ရှိတာပဲ… အချစ်ဦးမေ့ဖို့ခက်…. အကျင့်ဟောင်း ပြင်ဖို့ခက်တဲ့…”

    ဝေမိုးက ပြေပြပြစ်ပြစ် စကားထိုး စလာသောအခါ ဇော်မြင့်က “မင်းကို ဘယ်တုန်းက နိုင်လို့လဲ” ဆိုပြီး ညည်းတွားလိုက်သည်။

    ဘာသာ မတူ လူမျိုးမတူ သော်လည်း သူတို့သူငယ်ချင်း နှစ်ယောက်သည် တစ်ယောက်အပေါ် တစ်ယောက် စေတနာပိုမိသည်။ သံယောဇဉ် နက်ရှိုင်းသည်။ မေတ္တာအား ကြီးမားသည်။ နားလည်မှုနှင့် သဘောထားမှုလည်း ကြီးမားသည်။ ဂရုစိုက်မှု စေ့စပ်၏။

    စကားပြောကောင်းနေသည်မို့ ၁ နာရီခွဲဆိုသော အချိန်ကလည်း မည်သို့ကုန်ဆုံး သွားမှန်းမသိ။ ဝေမိုးပြောမှပဲ ဇော်မြင့် သတိပြုမိလိုက်သည်။

    ” ဟိတ် … သူငယ်ချင်း … ၄ နာရီကျော်ပြီ … မင်း ဗလီတက်ရမယ်လေ … ငါလည်း အမေကို ဘုရား သွားလိုက်ပို့ရမယ်ကွာ …”

    ဝေမိုးက သတိပေးစကားပြောလိုက်ပြီးနောက် ဇော်မြင့်ကို ကျသင့်ငွေလည်း ရှင်းခိုင်းနေသည်။

    ” မင်းရည်းစား စိတ်ကောက်တာ ငါဝင်ကူညီပေးခဲ့တဲ့ အခကြေး အနေနဲ့ပေါ့ကွာ”

    ” ဟုတ်ကဲ့ပါ ဦးအောင်သွယ်ရှေ့နေကြီး ခင်ဗျား”

    ဇော်မြင့်က ခခနဲနဲ ပြန်ပြောရင်း ကျသင့်ငွေကို ရှင်းပြီးနောက် ပိတောက်ရိပ်အောက်မှ နှစ်ယောက်သား ပြန်လာလိုက်သည်။

    တစ်ယောက်၏ ဦးတည်ရာသည် ဗလီသို့ ……။

    တစ်ယောက်၏ ဦးတည်ရာသည် စေတီပုထိုးသို့ ….။

    “မတူကွဲပြားသော်လည်း ငါတို့ဟာ သူငယ်ချင်း ဖြစ်နိုင်တယ်” ဆိုသော သူတို့သူငယ်ချင်း နှစ်ယောက်၏ အသိတရား၊ စိတ်ဓာတ်၊ ခံယူချက်တို့သည် သံမဏိထက် မာချောလှပါလားဟူ၍ နှစ်ဦးသား မကြာခဏ အပြန်အလှန် ပြောဖြစ်သည်ကို ဇော်မြင့်က ဖျတ်ခနဲ သတိရ၍ တစ်ချက်ပြုံးမိလိုက်သည်။ အားရကျေနပ်သည့် အပြုံး။ ဝတ်ပြုပြီးသောအခါ အသျှင်ထံပါးက တောင်းသောဆုတွင်လည်း အချစ်ဆုံး သူငယ်ချင်း စိတ်ချမ်းသာမှု ကိုယ်ကျန်းမာမှုနှင့် ကုံလုံပြည့်စုံပါစေကြောင်း ပါသည်။

    မတူညီမှုကို တံတိုင်းအစား တံတား လုပ်ပြီး တူညီမှုကို တံတား၏ အခင်းအဖြစ် အသုံးချ၍ ချစ်ခင်မှုကို ကူးလူးဆက်ဆံစေသော သူတို့၏ သူငယ်ချင်းကောင်း စိတ်ဓာတ်လှလှလေးက တိုတောင်းလှသည့် လူ့ဘဝကို အဓိပ္ပါယ်ရှိစေ၍ မနာလိုမှုမီး၏ ပူလောင်ခြင်းမှ လွှတ်မြောက်ခွင့်ရစေပါလား ဆိုသော အတွေးကြောင့် ဝေမိုးတစ်ယောက်လည်း တစ်ကိုယ်တည်း ပြုံးမိလိုက်သည်။ သူ့အပြုံးမှ ကြွေကျနေသော အလှတရားပန်းပွင့်များသည် ကမ္ဘာတစ်ခွင်ကို တန်ဆာဆောင်နေ၏။

    တူညီမှု နှင့် မတူညီမှု သီအိုရီမှာ မေတ္တာတရားကို ကိန်းသေ အဖြစ်ထားသောအခါ ဘာသာမတူ လူမျိုးမတူသော ဝေမိုးနှင့် ဇော်မြင့်တို့သည် တစ်ဦးအပေါ် တစ်ဦး နားလည်မှုရှိရှိ၊ သဘောထားကြီးကြီး မိတ်ဖွဲ့၍ လူသားပီသစွာ အေးအတူ ပူအမျှ နေလာ၏။ သူတို့၏ ဘဝနေ့ရက်များသည် သာယာအေးချမ်းသည်။ ပျော်ရွှင်စရာများနှင့်သာ ပြည့်နှက်နေလေသတည်း။

    ရေးသားသူ- ယျာတင်(ရိုဟင်းသား)

    * M-Media သို့ စာမူများ ပေးပို့လိုလျင် [email protected] သို့ အီးမေးလ်ပေးပို့နိုင်ပါသည်။

  • အမျိုးပျောက်မှာ စိုးကြောက်စရာ မလိုပါ

    အမျိုးပျောက်မှာ စိုးကြောက်စရာ မလိုပါ

    ဆောင်းပါးရှင်
    ဦးအုန်းမောင်(ရန်ကင်း)တရားလွှတ်တော်ရှေ့နေ

    Cartoon credit

    မြန်မာနိုင်ငံမှာ နိုင်ငံသားဖြစ်ခြင်း၊မဖြစ်ခြင်းနှင့်စပ်လျဉ်း၍ အမုန်းစကားများ၊အာယာတများ၊ ဖိအားများဖြင့် အကြောင်းအမျိုးမျိုးပြပြီး ပိတ်ဆို့တားဆီးနေကြတာတွေ့ရပါသည်။ ဥပဒေနှင့်အညီ နိုင်ငံသားစိစစ်ခြင်းမပြုဘဲ အဂတိတရားဖက်ကာ နိုင်ငံသားအခွင့်အရေးကို မျက်ကွယ်ပြုနေတာ တွေ ကြားသိရပါတယ်။ မြန်မာနိုင်ငံတွင် လူဦးရေ ၅၁ သန်းကျော်ရှိသည့်အနက် ဗုဒ္ဓဘာသာဝင် ၈၉.၈ ရာခိုင်နှုန်း ရှိကြောင်း ကြေညာထားပြီးဖြစ်ပါသည်။ ခရိယာန်ဘာသာဝင် ၆.၃ ရာခိုင်နှုန်း၊ အစ္စလာမ်ဘာသာဝင်က ၂.၃ ရာခိုင်နှုန်း၊ ဟိန္ဒူဘာသာဝင် ၀.၅ ရာခိုင်နှုန်း ကျန်တာက ၁.၁ ရာခိုင်နှုန်းဖြစ်ပါသည်။ လ.ဝ.က ဆောင်ပုဒ်ကို “မြေမျို၍ လူမျိုးမပျောက်၊ လူမျိုမှလူမျိုးပျောက်မည်” ဟုလွဲမှားစွာလှုံ့ဆော်ထားတာတွေ့ရပါသည်။ ဘယ်အချိန်က၊ဘယ်လူမျိုးက မျိုလို့ဗမာလူမျိုး၊ဗုဒ္ဓ ဘာသာပျောက်သွားတယ်ဆိုတာ သမိုင်းအထောက်အထာမရှိပါဘူး။ ဗုဒ္ဓဘာသာတိမ်ကော သွား တယ်ဆိုတာ အထောက်အထားမရှိပါဘူး။ ဘယ်လူမျိုးကတော့ ဗမာ၊ဗုဒ္ဓဘာသာဝင် မိန်းမတွေကို ဘယ်လိုယူပြီး ဘယ်လိုလုပ်နေတယ်ဆိုတဲ့ လှုံ့ဆော်မှုတွေဟာ မသိနားမလည်တဲ့ ရိုးသားတဲ့ပြည်သူ တွေကိုနိုင်ငံရေး အာဏာ လက်မလွှတ်ချင်လို့ လှည့်စားနေကြခြင်းသာဖြစ်ပါသည်။ သံကိုသံဖျက် သံချေးတက်ခြင်း သာဖြစ်ပါသည်။ ဝါးကိုဖျက်တာ ဝါးမျက်သာဖြစ်ပါသည်။

    မြန်မာနိုင်ငံသန်းခေါင်စာရင်းသမိုင်းအရ လေ့လာကြည့်လျှင် ကိုလိုနီခေတ်၌ ပထမဆုံးသန်း    ခေါင်စာရင်းကောက်ယူမှုကို ၁၈၇၂-ခုနှစ်ကပြုလုပ်ခဲ့ပြီး ၁၈၈၁-ခုနှစ်တွင်ဒုတိယအကြိမ်ဖြစ်ပါသည်။ နောက်ပိုင်း ၁၀-နှစ်တစ်ကြိမ်ကောက်ခဲ့ပြီး ၁၉၄၁ ခုနှစ်တွင်နောက်ဆုံးအကြိမ်ဖြစ်ပါသည်။  အစ္စလာမ်ဘာသာကိုးကွယ်သူမည်သူကိုမဆို မွတ်စလင်မ်ဟု ခေါ်ဆိုခြင်းဖြစ်ပါသည်။၁၈၇၂-ခုနှစ်စာရင်းအရ  အစ္စလာမ်ဘာသာကိုးကွယ်သူမွတ်စလင်မ်လူမျိုးစု (၉၉၈၄၆)ဦးဟုလည်းကောင်း၊      ၁၈၈၁-ခုနှစ်စာရင်းအရ မွတ်စလင်မ်လူမျိုးစု (၁၆၈၈၈၁)ဦးဟုလည်းကောင်းလေ့လာသိရှိရပါသည်။  ၁၈၉၁ ခုနှစ်တွင် မွတ်စလင်မ်လူမျိုးစု (၂၅၃၆၄၀)ဦးဟု သိရှိရပါသည်။ ၁၉၀၁ခုနှစ်တွင်မွတ်စလင်မ်  မျိုးစု (၃၃၁၂၉၈)ဦးဖြစ်ပါသည်။၁၉၁၁-ခုနှစ်တွင် မွတ်စလင်မ်လူမျိုးစု (၄၂၀၇၇၇) ဦးဟု ဖော်ပြထားပါသည်။ (၁၀)နှစ်တစ်ကြိမ်အခြားလူမျိုးများနှင့်အတူ အချိုးကျပုံမှန်တိုးလာခြင်းသာတွေ့   ရပါသည်။

    ၁၉၂၁-ခုနှစ် သန်းခေါင်စာရင်းတွင် မြန်မာနိုင်ငံလူဦးရေစုစုပေါင်း (၁၃၁၆၈၀၉၉)ဦး၊ ၁၃သန်း       ကျော်ဖြစ်ပြီး မွတ်စလင်မ်လူမျိုးစုဦးရေက (၅၀၀၅၉၂)ဦးရှိသည်ဟုဆိုခြင်းကြောင့် မွတ်စလင်မ်လူမျိး  စုလူဦးရေသည် စုစုပေါင်း လူဦးရေ၏ ၃.၈ ရာခိုင်နှုန်းဖြစ်ကြောင်းသိရှိရပါသည်။ ကိုလိုနီခေတ်တွင်  သတ္တမနှင့်နောက်ဆုံးအကြိမ် အပြည့်စုံဆုံး သန်းခေါင်စာရင်းကို ၁၉၃၁-ခုနှစ်တွင်ကောက်ယူခဲ့ပြီး နိုင်ငံအတွင်း စုစုပေါင်းလူဦးရေ (၁၄၆၄၇၄၉၇) ဦး၊ ၁၄သန်းခွဲကျော်ဖြစ်ကာ မွတ်စလင်မ်လူမျိုးစုက (၅၈၄၈၃၉)ဦးဟုဆိုခြင်းကြောင့် လူဦးရေစုစုပေါင်း၏ ၄ ရာခိုင်နှုန်းခန့်သာရှိကြောင်းလေ့လာသိရှိရပါ သည်။ ၁၀နှစ်တစ်ကြိမ် သန်းခေါင်စာရင်းအရ လူဦးရေတိုးနှုန်းမှာ ၄ရာခိုင်နှုန်းဝန်းကျင်ကိန်းသေဖြစ် ခြင်းကြောင့် မွတ်စလင်မ်လူမျိုးစုများ တိုးလာခြင်းမရှိကြောင်း သိရှိနိုင်ပါသည်။ အချို့စွပ်စွဲနေကြသ   ကဲ့သို့ သားဖောက်နှုန်းမြန်အစ္စလာမ်မဟုတ်ကြောင်း သံသယကင်းရှင်းစွာ သိရှိနိုင်လောက် ပါသည်။   အစ္စလာမ်သာသနာက ဗုဒ္ဓဘာသာကိုဝါးမျိုသွားစရာအကြောင်းလုံးဝမရှိသလို မွတ်စလင်မ်ကဗမာ လူမျိုးကို မျိုသွားစရာ အကြောင်းလည်း လုံးဝမရှိကြောင်းသိနိုင်လောက်ကြပြီ ထင်ပါသည်။ ယုတ္တိမရှိ သော စွပ်စွဲချက်၊ အထောက်အထားမဲ့သော စွပ်စွဲချက်များကိုနားမယောင်ကြဖို့လိုပါသည်။ လွန်ခဲ့  သောနှစ်ပေါင်း ၁၄၀ ကျော်ကာလအတွင်းလူဦးရေတိုးနှုန်းအချိုးမှာ သိသာစွာပြောင်းလဲသွားခြင်းမ ရှိဘဲ ပုံမှန်သာဖြစ်ကြောင်းသုံးသပ်တွေ့ရှိနိုင်ပါသည်။

    ၁၉၅၁-ခုနှစ်၊ ယူနက်စကိုထုတ်ပြန်ချက်အရ မွတ်စလင်မ်လူမျိုးစုကစုစုပေါင်းလူဦးရေ၏ ၄.၅ ရာခိုင်နှုန်းဖြစ်သည်ဟုဆိုပါသည်။ အကယ်၍ အစ္စလာမ်ဘာသာကိုးကွယ်သည့် မွတ်စလင်မ်လူမျိုးစု က အဆမတန်တိုးလာသည်ဟုဆိုလျှင် ၂၀၁၄-ခုနှစ် သန်းခေါင်စာရင်း ကြေညာချက်မမှန်ဟုသာဆို ကြပါတော့ဟုပြောလိုပါသည်။ ၂၀၁၄-ခုနှစ်သန်းခေါင် စာရင်းကြေညာချက်အရ ၂.၃ ရာခိုင်နှုန်းမှန် သည်ဆိုလျှင် မွတ်စလင်မ်လူမျိုးစု တိုးလာကြောင်းစွပ်စွဲသူများအပေါ်တွင် သက်သေပြရန်တာဝန်ကျ ရောက်မည်ဖြစ်ပါသည်။

    ယခု ၂၀၁၄-ခုနှစ် သန်းခေါင်စာရင်းကောက်ယူရာတွင် ဗုဒ္ဓဘာသာဝင်လူဦးရေက ၈၉.၈    ရာခိုင်နှုန်း(ရာခိုင်နှုန်း၉၀ ခန့်)ရှိပြီး အစ္စလာမ်ဘာသာ ကိုးကွယ်သူ မွတ်စလင်မ်လူမျိုးစုများက ၂.၃ ရာခိုင်နှုန်းဟု ထုတ်ပြန်ကြေညာထားသဖြင့် အစ္စလာမ်ဘာသာဝင် မွတ်စလင်မ်လူမျိုးစုများ အမျိုခံ  လိုက်ရလေသလားဟု စဉ်းစားစရာဖြစ်နေပါသည်။ လူဦးရေ (၅၁၂၇၉၉၀၀)ယောက်ရှိရာမှ ဗုဒ္ဓဘာ သာဝင်က (၄၅၁၈၅၄၄၉)ယောက်ဖြစ်ပြီး၊ အစ္စလာမ်ဘာသာဝင် မွတ်စလင်မ်လူမျိုးစုက     (၁၁၄၇၄၉၅) ယောက်ဟုဆိုခြင်းကြောင့် ၄၅း၁ ဖြစ်ကြောင်းတွေ့ရှိနိုင်ပါသည်။ စာရင်းမကောက်နိုင်သည့်လူဦးရေ ကို လူများစုသည်အစ္စလာမ်ဘာသာဖြစ်သည်ဟု ယူဆချက်ဖြင့်တွက်ချက်လျှင်ဗုဒ္ဓဘာသာကိုးကွယ် သူလူမျိုးများက ၈၇.၉ ရာခိုင်နှုန်း၊ခရိယာန်ဘာသာဝင်က ၆.၂ရာခိုင်နှုန်း၊ အစ္စလာမ်ဘာသာဝင်မွတ် စလင်မ်လူမျိုးစုများက ၄.၃ရာခိုင်နှုန်းဟုဖော်ပြထားရာ ဒုတိယအများဆုံးလူမျိုးစုမှာခရိယာန်ဘာ  သာ ကိုးကွယ်သူများဖြစ်ကြောင်းသုံးသပ်တွေ့ရှိနိုင်ပါသည်။ သို့ရာတွင်ခရိယာန်ဘာသာကိုးကွယ်သူ အစ္စလာမ်ဘာသာကိုးကွယ်သူဟုဆိုရာ၌ ထိုအထဲတွင်တိုင်းရင်းသားဟုသတ်မှတ်ထားသော လူမျိုး စုကြီး(၈)မျိုးမှလူမျိုးများလည်းပါဝင်နေသည်ကိုလည်း သတိချပ်သင့်ပါသည်။ တိုင်းရင်းသားအဖြစ်မ  သတ်မှတ်နိုင်သေးသောနိုင်ငံသားများလည်းပါဝင်နေပါသည်။

    ထို့ကြောင့်မြန်မာနိုင်ငံ၏ သန်းခေါင်စာ ရင်း သမိုင်းမှတ်တမ်းများ အရ နှစ်ပေါင်း၁၀၀ကျော်အတွင်းအစ္စလာမ်ဘာသာဝင် မွတ်စလင်မ်လူမျိုး စုများ၏ အရေအတွက်မှာ ၃ ရာခိုင်နှုန်းမှ ၅ ရာခိုင်နှုန်းအတွင်းတွင်သာရှိကြောင်း လေ့လာဆန်းစစ် တွေ့ရှိနိုင်ပါသည်။ သို့ဖြစ်ရာ ဗုဒ္ဓဘာသာကိုးကွယ်သူ အရေအတွက်နှင့် အစ္စလာမ်ဘာသာကိုးကွယ် သူအရေအတွက် အချိုးချကြည့်လျှင် ၄၀း၁ခန့်သာဖြစ်ပါသည်။ ဆိုလိုသည်မှာ ဗုဒ္ဓ ဘာသာဝင် ၄၀ဦး တွင် အစ္စလာမ်ဘာသာဝင် ၁ဦးဖြစ်ပါသည်။ ခရိယာန်ဘာသာဝင်က (၃၁၇၂၄၇၉) ယောက်ဖြစ်ခြင်း ကြောင့် ဗုဒ္ဓဘာသာနှင့်ခရိယာန်က ၁၅း၁ ဖြစ်ကြောင်းသိနိုင်ပါသည်။၁၈၉၁-ခုနှစ်ခန့်မှန်းချက်စာရင်း  အရ မြန်မာနိုင်ငံတွင်နေထိုင်သူ-၁၀၀၀၀တွင် မွတ်စလင်မ် ၃၄၇ဦးခန့်ရှိသည်ဟုဆိုခြင်းကြောင့် မွတ်စလင်မ်က ၃.၄၇ ရာခိုင်နှုန်းဖြစ်ကြောင်းလေ့လာသိရှိနိုင်ပါသည်။ထို့ကြောင့် ၁၈၉၁-ခုနှစ်မှ၂၀၁၄ နှစ်အထိနှစ်ပေါင်း ၁၂၀ကျော်အတွင်း မွတ်စလင်မ်လူမျိုးစု လူဦးရေသည် ၃.၅ ရာခိုင်နှုန်းမှ  ၄.၃ရာခိုင်နှုန်းခန့်အတွင်းသာရှိကြောင်းသုံးသပ်တွေ့ရှိနိုင်ပါသည်။မွတ်စလင်မ်လူဦးရေ  အဆမတန် တိုးပွားလာသည်ဆိုခြင်းမှာ မမှန်ကန်ကြောင်း သိနိုင်လောက်ပြီ ဖြစ်ပါသည်။  ကြောက်စရာ မလိုပါ။     ခြောက်လှန့်နေခြင်း သာဖြစ်ပါသည်။ သွေးထိုးပေးနေခြင်းသာဖြစ်ပါသည်။ အထင် လွဲမှားအောင်   ပြုလုပ်နေခြင်းသာဖြစ်ပါသည်။

    မြန်မာနိုင်ငံ၏ လူမျိုးများစာရင်းကို ဆန်းစစ်လျှင်ကိုယ့်ထီးကိုယ့်နန်း ကိုယ့်ကြဌာန်းဖြင့် နေထိုင်စဉ်ပထမမြန်မာနိုင်ငံတော် ဒုတိယမြန်မာနိုင်ငံတော်နှင့် တတိယမြန်မာနိုင်ငံခေတ်လယ် ကာလ ကိုလိုနီလက်အောက်မကျရောက်မီ ၁၈၂၃ခုနှစ်အထိ လူမျိုးအရေအတွက်မည်မျှ  မည်သည့်လူမျိုး မည်မျှရှိသည်၊ မည်သည့်ဘာသာဝင် မည်မျှရှိသည်ကိုစာရင်းမတွေ့ရပါ။     ကိုလိုနီလက် အောက်ရောက်ပြီးမှ လူမျိုး၁၀၁- ပါးဆိုတာကြားဘူးပါသည်။ ၁၀၁ပါးတွင် “ကုလား   ခြောက်ဆယ်    ရှမ်းသုံးဆယ် မြန်မာသတ္တ မွန်လေးဝ” ဟုဆိုပါသည်။အံ့သြဖို့ကောင်းပါသည်။ ကုလားလူမျိုး ၆၀ တောင်ရှိပါသည်။ အခုတော့ အမျိုခံလိုက်ရပြီထင်ပါသည်။ ရှိတဲ့ဘင်္ဂါလီတောင်မျိုးပြုတ်တော့မလားအောက်မေ့ရပါသည်။ ရှမ်းအနွယ်ဝင် လူမျိုး-၃၀၊မြန်မာအနွယ်ဝင်လူမျိုး-၇မျိုး၊မွန်အနွယ်ဝင်လူမျိုး-၄မျိုးပါဝင်ကြောင်းသိရှိရပါသည်။ လူမျိုး၁၀၁ပါးနှင့်  စပ်လျဉ်း ၍စကားမပြောသောသက်သေ သမိုင်းဝင်ရှေးနံရံပန်းချီများ အရတွေ့ရသော အမည်အချို့မှာ ကရင်၊ ခြင်၊မာလိန်၊ဗြဟ္မာ၊ တလိုင်း၊ကသဉ်(ကသည်း)ယိုဂ်တရား(ယိုးဒယား)၊ရှန်(ရှမ်း)၊သထုံန်၊တလုတ်၊ရွန်၊တင်ပျဉ်၊ဆရော၊တပသိ၊သူလှီ၊ရခိုင်၊ကြေး၊လင်းစင်၊စဘား၊တရိ၊တနင်သာရီ၊အင်ဂျယ်စသည် တို့ဖြစ် ကြောင်းလေ့လာသိရှိရပါသည်။ ဘယ်သူဘာပြောချင်ပါသလဲ။အဲဒီလူမျိုးတွေအများစု ၁၃၅ မျိုးထဲ ဘာ့ကြောင့်မပါသလဲ ဆန်းစစ်ဖို့လိုပါသည်။ အဲဒီထဲမှာ ၁၃၅ မျိုးထဲက ဘယ်လောက်ပါသလဲ ဆန်းစစ်ဖို့လိုပါသည်။

    ၁၃၅ မျိုးထဲက လူမျိုးတွေ၊ဘယ်တုံးက၊ ဘယ်လိုရောက်လာသလဲဆိုတာ သမိုင်းအမှန်ဖော်ထုတ်ဖို့လိုပါသည်။ လွတ်လပ်ရေးရပြီး(၁၀)နှစ်ကြာတော့ ၁၉၅၈-ခုနှစ်မှာအာဏာ လွှဲပြောင်းယူခဲ့ရာမှအရသာတွေ့ပြီး တိုင်းပြည်ပြိုကွဲမည့်ဘေးကို လက်တစ်လုံးအလိုမှာကယ်တင် လိုက်ရတဲ့အကြောင်းပြချက်ဖြင့်၁၉၆၂-ခုနှစ်မှာအပြီးအပိုင်မျိုလိုက်ပါတော့သည်။ မရှိတဲ့ပန်းတိုင်ကို စိတ်ကူးယဉ်လမ်းစဉ်ဖြင့်ချီတက်ရာမှ ၁၉၇၃-ခုနှစ်သန်းခေါင်စာရင်း ကောက်ရာ၁၉၇၃-ခုနှစ် ဖေဖော်ဝါရီလ (၂၃)ရက်မှာ ပြည်ထောင်စုမြန်မာနိုင်ငံတော် ၊ပြည်ထောင်စုတိုင်းရင်းသား လူမျိုး ၁၄၄ မျိုးရှိကြောင်း ထုတ်ပြန်ခဲ့ပါတယ်။ အစ္စလာမ်ဘာသာကိုးကွယ်သောတိ်ုင်းရင်းသားလူမျိုးများ အပြင်  ရခိုင်-စစ်တကောင်း၊ မြန်မာ-မွတ်စလင်မ်၊ရခိုင်-ကမန်၊မြေဒူး၊မြန်မာ-အိန္ဒိယ၊မြန်မာ-တရုတ် (ပန်းသေး)ဆိုသည့် တိုင်းရင်းသားလူမျိုး ၆မျိုးပါရှိခဲ့ပါသည်။ ၁၉၈၃-ခုနှစ်မှာတော့တိုင်းရင်းသား  ၁၃၅မျိုးဖြစ်သွားပြန်ပါသည်။ တိုင်းရင်းသားလူမျိုး ၉မျိုးပျောက်သွားပါသည်။ မရှိလို့ပျောက်သွားတာမဟုတ်ပါဘူး။

    အာဏာရှင်တွေမျိုလို့လူမျိုးပျောက်တာပါဆိုတဲ့သမိုင်းအထောက်အထားဖြစ် ပါသည်။ ဘာ့ကြောင့်လဲဆိုတာ စဉ်းစားကြည့်ကြပါ။ သယံဇာတပေါကြွယ်ဝတဲ့မြန်မာနိုင်ငံကြီးမှာမြန်မာနိုင်ငံ သား အားလုံးပိုင်တဲ့အမွေအနှစ်တွေ ဘယ်သူတွေ လက်ထဲရောက် သွားသလဲ၊ရောက်နေဆဲဆိုတာ ပြည်သူအားလုံးသိပါသည်။မျိုရတဲ့အကြောင်းရင်းကမျိုထားတာတွေဖုံးဖိဖို့နဲ့နောက်ထပ်မျို ဖို့ဖြစ်ပါသည်။ မျိုထားတာတွေပြန်မအန်ရဖို့ဖြစ်ပါသည်။

    ထူးခြားချက်ကတော့၂၃-၂-၁၉၇၃ ရက်ထုတ်ဗိုလ်တထောင်သတင်းစာပါတိုင်းရင်းသား လူမျိုး၁၄၄မျိုးလူမျိုးအမည်များ အနက်လူမျိုး ၆၀ အမည်မှာ၂၀၁၄ခုနှစ်သန်းခေါင်စာရင်းပါ လူမျိုးအ မည်  ၁၃၅ မျိုးတွင်ပါဝင်လာခြင်းမရှိဘဲ ၂၀၁၄ ခုနှစ် သန်းခေါင်စာရင်းလူမျိုးအမည် သတ်မှတ်ချက် ၁၃၅ မျိုးတွင်လည်း ၁၉၇၃ ခုနှစ် လူမျိုး ၁၄၄ မျိုးအမည်နှင့်မတူသောလူမျိုးအမည် ၅၃ မျိုးအသစ်ဖြစ်ပေါ်လာခြင်း ပင်ဖြစ်ပါသည်။ ၉ မျိုးပျောက်သွားခြင်း ဖြစ်ပါသည်။ ချင်းလူမျိုးများက ချင်း ၅၃ မျိုးမဟုတ်ဟုဆိုပါသည်။ ၅ မျိုးမှ ၇ မျိုးခန့်သာဖြစ်နိုင်သည်ဟု ဆိုပါသည်။ ချင်းအမျိုးသား တစ်မျိုးတည်းဟုဆိုပါသည်။ ဗဟုသုတ အဖြစ်လေ့လာမိသမျှ တင်ပြခြင်းဖြစ်ပါသည်။

    မြန်မာနိုင်ငံသန်းခေါင်စာရင်းသမိုင်းမှတ်တမ်းများအရ လူမျိုလို့ ပျောက်သွားတဲ့လူမျိုးက အစ္စလာမ်ဘာသာကိုးကွယ်သော မွတ်စလင်မ်လူမျိုးစုများ သာဖြစ်ပါသည်။ဗုဒ္ဗ္ဗ္ဗ္ဗ္ဗဘာသာကိုးကွယ် သောမြန်မာလူမျိုးစုမဟုတ်ပါ။ ၂၀၁၄ခုနှစ်သန်းခေါင်စာရင်းအရ ၁၃၅ မျိုးပျောက်သွားခြင်းမရှိဟု သိရပါသည်။ ထို့ကြောင့်ဗုဒ္ဓဘာသာကိုးကွယ်သော မြန်မာလူမျိုးစုများက အစ္စလာမ်ဘာသာ ကိုးကွယ်သောမွတ်စလင်မ်လူမျိုးစုများမျို၍ လူမျိုးပျောက်သွားမှာ စိုးကြောက်စရာမလိုဘူးဆိုတာ မြင်သာပါသည်။ တကယ်တော့ခြံ မလုံတာကအရှေ့-မြောက် တံခါးပေါက်ပါ။ ၁၉၇၃ ခုနှစ်စာရင်းတွင် ၁၄၄ မျိုး စာရင်း၌မပါသော ကိုးကန့်ဆိုတဲ့လူမျိုးက ၁၃၅မျိုးတိုင်းရင်းသားစာရင်းဝင်ဖြစ်လာပြီး ၀ ကို ၀ိလုပ်၊ ရှမ်းနှင့်တရုတ်ပေါင်း၊ ရှမ်းတရုတ်တိုင်းရင်းသားဖြစ်၊ မျိုလာတာ မြန်မာပြည် အလယ်ပိုင်း သာမက အောက်မြန်မာပြည် ရန်ကုန်မြို့ပင်ရောက်နေပါပြီ။ မြန်မာ့စီးပွားရေး အများစုဘယ်သူ တွေလက်ထဲမှာ လဲဆိုတာ အမျိုးပျောက်မှာ စိုးကြောက်နေသူတွေ သိလျှက်နဲ့ မသိချင်ယောင် ဆောင်နေတာလားဆို တာစဉ်းစားကြဖို့လိုပါသည်။

    မြန်မာအမျိုးသမီးပျို အများစု တရုတ်မယား အဖြစ်ရောက်ရှိသွားတဲ့ ဦးရေကို သုတေသနလုပ်ကြည့်ပြီး အစ္စလာမ်ဘာသာဝင် မွတ်စလင်မ်မယားဖြစ်သွားတဲ့ ဦးရေနှင့်နှိုင်းယှဉ်နိုင်လျှင် ဘွားကနဲပေါ်လာ မှာဖြစ်ပါသည်။ မြန်မာ ဗုဒ္ဓဘာသာ အမျိုးသမီးများကို တရုတ်ပြည်သို့ လူကုန်ကူး၊ရောင်းစား၊ တရုတ်မယားလုပ်ခိုင်း၊နှိပ်စက်ခံ နေရတဲ့စာရင်းကိုသုတေသန ပြုထုတ်ပြန်ဖို့ လိုပါသည်။ ဆင်သေကိုဆိတ်သရေနဲ့ ဖုံးလို့မရပါဘူး။ အမှန်တရားကို ပြည်သူသိလာမှာဖြစ်ပါသည်။ သုတေသနလုပ်ပြမည့်သူမရှိဖြစ်နေပါသည်။ ဒီမိုကရေစီမြတ်နိုးလို့ လက်သန်းမှာ မှင်ပြာစွန်းခဲ့တဲ့သူများအမှန်တရားကိုရှာဖွေဖေါ်ထုတ်ဖိုိ့လို့ပါသည်။    လှည့်စားမှုကို မျက်ခြေမပြတ် ဖို့လိုပါသည်။ ဒီမိုကရေစီ ဘက်တော်သားများရည်မှန်းချက် မပျောက်ဖို့လိုပါသည်။

    ၂၀၁၄ ခုနှစ် သန်းခေါင်စာရင်းကောက်ပြီး တာ ၂ နှစ်ခွဲ ခန့်ရှိပြီ ဖြစ်ပါသည်။ လူမျိုးအမည်များ ကြေညာနိုင်ခြင်း မရှိသေးပါဘူး။ ကိုးကွယ်သည့် ဘာသာအလိုက်လူဦးရေကိုတော့ပြည်နယ်နှင့် တိုင်း ဒေသကြီးများ အလိုက်ကြေညာပြီး ဖြစ်ပါသည်။ ဖက်ဒရယ်ပြည်ထောင်စု စနစ်ကို တည်ဆောက်ရာမှာ သက်ဆိုင်ရာဒေသများအလိုက် လူမျိုးစုများနှင့်လူဦးရေသည် အလွန်အရေးပါ ပါသည်။မြန်မာပြည်ဒေသ အတော်များများတွင် အစ္စလာမ်ဘာသာကိုးကွယ်သူ မွတ်စလင်မ်လူမျိုးစုများ ပျံ့နှံ့နေထိုင်နေ လျှက်ရှိပါသည်။ တိုင်းရင်းသား၊ နိုင်ငံသားအစ္စလာမ်ဘာသာဝင် မွတ်စလင်မ် လူမျိုးစုများရှိပါသည်။ တိုင်းရင်းသား၊ နိုင်ငံသား မွတ်စလင်မ် လူမျိုးစုများသည် ပြည်ထောင်စု၏အစိတ်အပိုင်းဖြစ်ပါသည်။  ပြည်ထောင်စုသား မွတ်စလင်မ်များဖြစ်ကြပါသည်။ ပြည်ထောင်စုမှ ဖယ်ထုတ်၍ရစကောင်းသော ကိစ္စမဟုတ်ပါ။ ပြည်ထောင်စု မပြိုကွဲရေးနှင့် ဖက်ဒရယ်ပြည်ထောင်စု တည်ဆောက်ရာမှာ ပြည် ထောင်စုသား မွတ်စလင်မ်များလည်း မပါမဖြစ်ပါဝင်ရမည်ဖြစ်ပါသည်။

    ထို့ကြောင့်၂၀၁၄-ခုနှစ် သန်းခေါင်စာရင်း လူမျိုးအမည်များ ကြေညာရာတွင်ပြည်နယ်နှင့်တိုင်းဒေသကြီးအလိုက်နေထိုင် လျှက်ရှိသည့်အစ္စလာမ် ဘာသာဝင်ဦးရေ(ကြေညာပြီးဖြစ်သည့် ကိုးကွယ်သည့် ဘာသာဝင်ဦးရေ)နှင့်ကိုက်ညီသော တိုင်းရင်းသား၊နိုင်ငံသား မွတ်စလင်မ်လူမျိုးစုများ၏ အမည်မှန်များကိုလည်း အမှန်အတိုင်းကြေညာပေးရန် လိုအပ်ပါသည်။ သန်းခေါင်စာရင်းကောက်ခြင်းမှာ တိုင်းရင်းသား၊ နိုင်ငံသားကိစ္စ ဆုံးဖြတ်ရန် မဟုတ်ပါဘူး။ ပြည်ထောင်စုတွင်း နေထိုင် လျှက်ရှိသော နိုင်ငံသားပြည်သူ လူဦးရေ အမှန်နှင့် လူမျိုးအမည်အမှန်ကို သိရှိနိုင်ဖို့ဖြစ်သည်။ ဖွဲ့စည်းပုံ အခြေခံဥပဒေ၊ နိုင်ငံတော် အခြေခံမူများ ပုဒ်မ ၄ တွင် နိုင်ငံတော်၏ အချုပ်အခြာအာဏာသည် နိုင်ငံသားများထံမှ ဆင်းသက်သည်ဆိုသည့်အချက်ကို မမေ့ဖိ်ု့လိုပါသည်။ ဖွဲ့စည်းပုံအခြေခံဥပဒေပါ ပြည်သူဆိုသည်မှာတိုင်းရင်းသား၊ နိုင်ငံသားအားလုံးပါဝင်ပါသည်။ တိုင်းရင်းသားလူမျိုး အစ္စလာမ်ဘာသာကိုးကွယ်သူများ၊ နိုင်ငံသား အစ္စလာမ်ဘာသာ ကိုးကွယ်သူများရှိပါသည်။ လူမျိုးအမည်များ စနစ်တကျ မှန်ကန်စွာ ဖော်ထုတ်ပေးဖို့လိုပါသည်။ အနာဂတ် မြန်မာနိုင်ငံအတွက် အရေးကြီးပါသည်။

    ၂၀၁၄ ခုနှစ် သန်းခေါင်စာရင်း ကောက်ယူရာတွင် တိုင်းရင်းသားလူမျိုး အမည် (Code Number 101 မှ 833)အတွင်း ရောက်ရှိသွားသော အစ္စလာမ်ဘာသာကိုးကွယ်သူ တိုင်းရင်းသား မွတ်စလင်မ်လူမျိုးစုများရှိသကဲ့သို့ Code Number 900 နှင့် 914 အတွင်း ရောက်ရှိ သွားသော နိုင်ငံသား အစ္စလာမ်ဘာသာဝင် မွတ်စလင်မ်လူမျိုးစုများ လည်းရှိပါသည်။ နိုင်ငံသားစိစစ်ရာတွင်လည်းကောင်း၊ အိမ်ထောင်စုလူဦးရေစာရင်း ထုတ်ပေးရာတွင်လည်းကောင်း၊ လူမျိုးအမည်များ ကာယကံရှင်ဆန္ဒမပါဘဲ သွေှးနှောပေးလိုက်လို့ လူမျိုးအမည်အမျိုးမျိုးကွဲပြားသွားသဖြင့် သန်းခေါင်စာရင်းကောက်ယူရာတွင် လူမျိုးအမည် များဖောင်းပွသွားနိုင်ဖွယ်ရာ ရှိပါသည်။ မြန်မာနိုင်ငံ၏ အနာဂတ်ရေးအတွက် လူမျိုးအမည်၊ လူမျိုးစုအမည်များကို လူမျိုးအသီးသီးကမိမိတို့ လူမျိုးစုများအတွင်း စိတ်ဝမ်းမကွဲဘဲ စည်းလုံးညီညွတ်စွာဖြင့် လူမျိုးစုအမည်များ သတ်မှတ်ပြီးအမျိုးသားအမည်အဖြစ် စုစည်းထုတ်ပြန်နိုင်ရန် နိုင်ငံတော် အစိုးရအဖွဲ့၊ သက်ဆိုင်ရာဝန်ကြီးဌာန၊ ကုလသမဂ္ဂ (UNFPA)တို့နှင့် အချိန်မီညှိနှိုင်းဆောင်ရွက်သင့်ကြပါသည်။ အရပ်ဘက်လူ့အဖွဲ့အစည်း(CSO) များလည်းပါဝင်ရမည် ဖြစ်ပါသည်။ ဆိုလိုသည်မှာ လူမျိုးအမည်များအ မျိုးမျိုးကွဲပြားနေသည်ထက် မိမိခံယူထားသည့်လူမျိုးအမည်ကိုမိမိနှစ်သက်သလိုအသုံးပြုနိုင်ပြီး၊ ဆွေမျိုးတူစုအမည် (Family Name)ကို မျိုးတူစုအမည် (Clans Name)၊ ၎င်းမှ အမျိုးသား အမည်(National Name) အဖြစ်စုစည်းသင့်ပါကြောင်း အကြံပြုလိုပါသည်။

    ထိုသို့ဆောင်ရွက်နိုင်လျှင် ပြန်တမ်းဝင်ပြီးနောင်တွင် အငြင်း ပွားမှုများစွပ်စွဲမှုများ ကင်းရှင်းပပျောက်သွားကာ နိုင်ငံသား စိစစ်ရာတွင်လည်း ရှိပြီးဖြစ်သည့် လူမျိုးအမည်ကို ရွေးချယ် ထည့်သွင်းနိုင်မည် ဖြစ်ပါသည်။ နိုင်ငံသား လုပ်ထုံးလုပ်နည်းအရ မှားနေတာကိုအမှန်ပြင် ခွင့်ရှိပါသည်။

    ချင်းလူမျိုးများ၏ ကြိုးပမ်းမှုကို အတုယူသင့်ပါသည်။ ချင်းလူမျိုးများသည် Family Name အသီးသီးရှိကြသည့်အနက် Clam Name (PHUN NIM) (SUM THANG) (ZAN NIAT) (LAIZO) (NU HNUA) အဖြစ်စုစည်းပြီး၎င်းမှ (HLAWN CEU) (NGAWN) (ZANIAT) (TAPONG) (ZAHAU)ကို TRIB Name အဖြစ် (CHIN) ဟု ညှိနှိုင်းဆောင်ရွက်လျှက်ရှိကြောင်း လေ့လာသိရှိရပါသည်။ အနာဂတ်တွင် နိုင်ငံသားစိစစ်ရာ၌ ဥပဒေဖြင့် အသိအမှတ်ပြုပြီးသောလူမျိုးအမည်များကိုမှန်ကန်လွယ်ကူစွာရေးသွင်းနိုင်မည်ဖြစ်ပါသည်။ လူမျိုး အမည်ပြဿနာမပေါ်နိုင်တော့ ဘဲ ယုံကြည်မှု အပြန်အလှန် တည်ဆောက်နိုင်ကြမည်ဖြစ်ပါသည်။ လူမျိုးအမည်များ စုစည်းရာတွင် ကိုးကွယ်သည့်ဘာသာကိုအခြေမခံဘဲ လူမျိုးတစ်မျိုး၏စာပေ(Literature) ဘာသာစကား(Language)၊ ယဉ်ကျေးမှု(Calture) ဆင်းသက်နေထိုင်ရာ နယ်မြေဒေသ(Land)တို့အပေါ်အ ခြေခံ၍ မျိုးနွယ်စုဝိသေသလက္ခဏာ(Identity)ကိုဖော်ထုတ်ပြီး ဆောင်ရွက် သင့်ပါသည်။ လူမျိုးရွေးချယ်ရာတွင် နိုင်ငံတကာနှင့်မြန်မာနိုင်ငံတွင် ကျင့်သုံးလျှက်ရှိသည့် မှတ်ပုံတင်သူ၏ လူမျိုးကို ကာယကံရှင်ထုတ်ဖော် ကြေညာသည့် အတိုင်းရေးသင့် ပါသည်။ မြန်မာနိုင်ငံတွင် လက်ရှိကျင့်သုံးနေသောမူမှာ ကပြားဖြစ်မယ်ဆိုရင် ဖခင်လူမျိုးအမည်ကို ရှေ့ကထားပြီး မိခင်လူမျိုးအမည်ကို နောက်ကထားဖော်ပြပါသည်။ မိခင်နှင့်ဖခင်နှစ်ဦး စလုံးကပြားဖြစ်နေလျှင် ဖခင်လူမျိုးအမည်နောက်က မိခင်လူမျိုးအမည်ကို ရေးသားရပါသည်။ တိကျကွဲပြားစွာ ဖော်ပြဖို့ခက်ခဲတဲ့ သူရဲ့လူမျိုးအမည်ကိုရေးသွင်းရာမှာ ဖခင်၏လူမျိုးအမည်ကိုသာရေးသွင်းရပါမယ်။

    လျှောက်ထားသူရဲ့တရားဝင်ပြောဆိုချက်ကိုသာမှန် မမှန်စိစစ်ပြီး ရေးသွင်းရပါသည်။ လ.၀.က ပြည်ထောင်စု ၀န်ကြီးဟောင်းပြော ခဲ့တာဖြစ်ပါသည်။ ပထမအကြိမ် ပြည်သူ့လွှတ်တော်မှာဖြေကြားခြင်းဖြစ်ပါသည်။
    ထိုသို့ဆိုလျှင် ကွဲကွဲပြားပြား၊ ခွဲခွဲခြားခြားဖြစ်ပြီး နိုင်ငံတော်၏လုံခြုံရေးနှင့် အချုပ်အခြာကို ကာကွယ်စောင့် ရှောက်နိုင်မည်ဖြစ် ပါသည်။ နိုင်ငံသား ကိစ္စနှင့် ပတ်သက်၍ ပေါ်ပေါက်လာမည့်ပြဿနာများကိုလည်းဖြေရှင်းနိုင်မည်ဟု ယုံကြည်ပါသည်။ လူများစုကိုလူနည်းစုက လူမျိုမှာလည်း ကြောက်စရာမလို၊ မြေမျိုမှာလည်း ကြောက်စရာမလို၊ အမျိုးပျောက်မှာလည်း ကြောက်စရာ မလိုကြောင်းနှင့် နိုင်ငံသူနိုင်ငံသားပြည်သူများ၏ စိတ်တွင်အနှောက်အယှက်ဖြစ်စိတ်ဝမ်းကွဲစေသော ၀င်မှုကြီးကြပ်ရေးနှင့် ပြည်သူ့အင်အားဝန်ကြီးဌာနဆောင်ပုဒ်ဖြစ်သည့် “မြေမျို၍လူမျိုးမပျောက်၊ လူမျိုမှ လူမျိုးပျောက်မည်” ဆိုသည့်ဆောင်ပုဒ်ကြီးအား ဖြုတ်သင့်ပြီဖြစ် ပါကြောင်းနှင့် စိုးရိမ်နေသူတွေ စိုးရိမ်သလိုအမျိုးပျောက်မှာစိုးကြောက်စရာမလိုကြောင်း သန်းခေါင် စာရင်းသမိုင်းအကိုးအကားဖြင့် ရှင်းလင်းတင်ပြလိုက်ရပါသည်။ သံသယပျောက်၍အမှန်ဘ၀ရောက်ပါစေ…။

    ဦးအုန်းမောင်(ရန်ကင်း)တရားလွှတ်တော်ရှေ့နေ

    **စာရေးသူ၏ ခွင့်ပြုချက်ဖြင့် ဖော်ပြပါသည်။

  • ကုလ အတွင်းရေးမှူးချုပ်သစ် မြန်မာ့ အရေး မကြာမီ ကူညီဖြေရှင်းမည်

    ကုလ အတွင်းရေးမှူးချုပ်သစ် မြန်မာ့ အရေး မကြာမီ ကူညီဖြေရှင်းမည်

    ရခိုင်အရေးနဲ့ပတ်သက်လို့ ကုလသမဂ္ဂအတွင်းရေးမှူးချုပ် António Guterres ကိုယ်တိုင် လာမယ့်ရက်တွေမှာ ကိုင်တွယ်သွားဖို့ရှိတယ်လို့ ကုလသမဂ္ဂက ပြောကြားခဲ့ပါတယ်။ ဘူးသီးတောင်မြို့နယ်မှာ ရိုဟင်ဂျာမွတ်ဆလင်တွေအနေနဲ့ အစားအသောက်တွေဝယ်ဖို့တောင် အခက်အခဲတွေရှိနေတယ်ဆိုတဲ့ သတင်းတွေနဲ့ပါတ်သက်လို့ ကုလသမဂ္ဂအနေနဲ့ ဘယ်လိုတုံ့ပြန်မလဲဆိုတဲ့ သတင်းထောက်တယောက်ရဲ့ အမေးကို အတွင်းရေးမှူးချုပ်ရဲ့ ဒုတိယပြောခွင့်ရသူ Farhan Haq ကခုလို ဖြေကြားခဲ့ပါတယ်။

    “ရခိုင်ပြည်နယ်ကိစ္စနဲ့ပါတ်သက်လို့ ကုလသမဂ္ဂအနေနဲ့လည်း စိုးရိမ်ပါတယ်။ ဒီစိုးရိမ်မှုတွေကို ကျွန်တော်တို့နဲ့ ဆက်သွယ်နေတဲ့ အောက်ခြေပိုင်းက သူတွေကို ပြောကြားထားပြီးဖြစ်ပါတယ်။ အတွင်းရေးမှူးချုပ်ကိုယ်တိုင် လာမယ့်ရက်တွေအတွင်း ဒီကိစ္စကို ကိုင်တွယ်လိမ့်မယ်လို့ ကျွန်တော်ယုံကြည်ပါတယ်။ ဒီကိစ္စနဲ့ပါတ်သက်လို့ နောင်မှာ ပြောစရာထပ်ပေါ်လာရင် ပြောပါ့မယ်” လို့ အတွင်းရေးမှူးချုပ်ရဲ့ ဒုတိယပြောခွင့်ရသူ Farhan Haq က January လ ၂၀ ရက်နေ့ သောကြာနေ့က သတင်းစာရှင်းပွဲအတွင်းမှာ ပြောကြားခဲ့တာဖြစ်ပါတယ်။

    ကုလသမဂ္ဂအတွင်းရေးမှူးချုပ်ဟောင်း ဘန်ကီမွန်းနဲ့အတူ တာဝန်ပြီးဆုံးသွားတဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် Vijay Nambiar နေရာမှာ အတွင်းရေးမှုးချုပ်သစ်က လူသစ်ထပ်မံ ခန့်အပ်နိုင်ဖို့ ကြိုးစားနေဆဲဖြစ်ပါတယ်။

    မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Ms. Yanghee Lee ကတော့ ၁၂ ရက်ကြာ မြန်မာနိုင်ငံခရီးစဉ်ကို ပြီးခဲ့တဲ့ သောကြာနေ့ကပဲ အဆုံးသတ်ခဲ့ပါတယ်။ တိုက်ပွဲတွေဖြစ်နေတဲ့ ကချင်ပြည်နယ်မှာရော၊ တိုက်ခိုက်မှုတွေရှိခဲ့တဲ့ ရခိုင်ပြည်နယ်မှာပါ စစ်တပ်ရဲ့ ကိုင်တွယ်ပုံတွေဟာ ကြမ်းတမ်းတယ်လို့ Ms. Yanghee Lee ကပြောကြားပါတယ်။

    ရခိုင်ပြည်နယ်ထဲမှာ လက်နက်ကိုင်တိုက်ခိုက်မှုတွေရှိခဲ့ပြီးနောက် လုံခြုံရေးတပ်ဖွဲ့ဝင်တွေရဲ့ နယ်မြေရှင်းလင်းမှုတွေအတွင်း လူ့အခွင့်အရေးချိုးဖောက်မှုတွေရှိတယ်ဆိုတဲ့ သတင်းတွေ ကျယ်ကျယ်ပြန့်ပြန့် ထွက်ပေါ်ခဲ့ပါတယ်။ ရခိုင်ပြည်နယ်က မွတ်ဆလင်တွေအရေးဟာ နိုင်ငံတကာအရေး ဖြစ်တယ်ဆိုပြီး OIC (အစ္စလမ်နိုင်ငံများအဖွဲ့) အထူးအစည်းကို ဇန်နဝါရီ ၁၉ ရက်နေ့က ခေါ်ယူကျင်းပခဲ့ပါတယ်။

    အင်ဒိုနီးရှားနိုင်ငံကတော့ ရခိုင်ပြည်နယ်ထဲက ရခိုင်နဲ့ မွတ်ဆလင်အသိုင်းအဝိုင်း ၂ ခုလုံးအတွက် အကူအညီတွေ ပေးအပ်ခဲ့ပါတယ်။ မြန်မာနိုင်ငံကို လတ်တလောလာသွားတဲ့ ဗြိတိန်နိုင်ငံခြားရေးဝန်ကြီး Boris Johnson ကလည်း ရခိုင်အကြံပေးကော်မရှင် အဖွဲ့ဝင်တွေနဲ့ တွေ့ဆုံခဲ့ပြီး မြန်မာနိုင်ငံကို အထူးသဖြင့် ရခိုင်ဒေသအတွက် အကူအညီတွေပေးသွားဖို့ ရှိတယ်လို့ ပြောဆိုခဲ့ပါတယ်။

    VOA မြန်မာပိုင်းမှ ကူးယူဖော်ပြပါသည်။

  • မြန်မာမွတ်စလင်မ်တို့ရဲ့ မီးရှုးတန်ဆောင် အလင်းရောင် (သို့) သီရိပျံချီ ဃာဇီ မုဟမ္မဒ်ဟာရှင်မ်

    မြန်မာမွတ်စလင်မ်တို့ရဲ့ မီးရှုးတန်ဆောင် အလင်းရောင် (သို့) သီရိပျံချီ ဃာဇီ မုဟမ္မဒ်ဟာရှင်မ်

    ဇန်နဝါရီ ၂၃ ၊၂၀၁၇
    ဆောင်းပါးရှင်- မင်းမျိုးဝင်း|ရန်ကုန်တက္ကသိုလ်|

    မြန်မာစာ၊ မြန်မာစကားကိုတန်ဖိုးထားပြီး မြန်မာ့ယဉ်ကျေးမှုကို မြတ်နိုး အလေးထား လေးစားတဲ့ သီရိပျံချီ ဃာဇီ မုဟမ္မဒ် ဟာရှင်မ်ရဲ့မွေးနေ့ ရာပြည့်တိုင်ခဲ့ပါပြီ။ ဆရာကြီး သီရိပျံချီ ဃာဇီ မုဟမ္မဒ်ဟာရှင်မ်ဟာ ပြည်ထောင်စုသား၊ နိုင်ငံသား၊ တိုင်းရင်းသား မြန်မာမွတ်စလင်မ်တို့ အတွက် အစ္စလာမ်သာသနာရဲ့တရားဒေသနာ အနှစ်အသားတွေအတိုင်း တတ်သိနားလည် ကျင့်သုံး နေထိုင် ဘ၀တည်ဆောက်နိုင်ရေးအတွက် မြန်မာမွတ်စလင်မ်လူအဖွဲ့အစည်းကို အစ္စလာမ့်စာပေတွေတို့အား မြန်မာ ဘာသာသို့ပြန်ဆိုပြီး မိတ်ဆက်ပေးခဲ့သူပါ။ မြန်မာစာပေသာ တတ်တဲ့ ပြည်ထောင်စု သား မြန်မာမွတ်စလင်မ် အများစု တို့ဟာ အရင်တချိန်က တဆင့်စကားနဲ့သာ ပြောသမျှ နာကြားခဲ့ကြရပြီး၊ ပြောဆိုဟောပြောသူရဲ့ ပညာအရည်အချင်း၊ စာရိတ္တ အရည်အချင်း၊ သမာဓိအရည်အချင်းတို့ကိုသာလိုက်ပြီး လိုက်နာကျင့်သုံးဆောက်တည်ခဲ့ကြရသလို၊ ပြောဟောသူတွေရဲ့ ယဉ်ကျေးမှု၊ ဓလေ့ထုံးတမ်းစဉ်လာတို့ပါ စိမ့်ဝင်ခဲ့ကြရပါတယ်။ ကိုယ်တိုင်ကိုယ်ကျ ရှာဖွေဖတ်ရှုသိနားလည်နိုင်ဖို့အတွက် ကလည်း မြန်မာ မွတ်စလင်မ်တွေ အနေနဲ့ မြန်မာစာသာတတ်တဲ့အတွက် အစ္စလာမ်သာသနာရဲ့တရားဒေသနာတွေကို လေ့လာဖို့ အခက်အခဲရှိနေချိန်မှာ ဆရာကြီး သီရိပျံချီ ဃာဇီ မုဟမ္မဒ် ဟာရှင်မ်ဟာ မြန်မာမွတ်စလင်မ်လူ့အဖွဲ့အစည်းအတွက် မီးရှုးတန်ဆောင်အလင်းရောင် ဖြစ်ခဲ့ပါတယ်။

    ဆရာကြီး သီရိပျံချီ ဃာဇီ မုဟမ္မဒ် ဟာရှင်မ်ရဲ့စေတနာ ကျေးဇူးတွေကြောင့် မြန်မာမွတ်စလင်မ်လူ့အဖွဲ့အစည်းဟာ ကိုယ်တိုင်ကိုယ်ကျ ရှာဖွေ ဖတ်ရှု နားလည်ရတဲ့အတွက် ကိုယ်တိုင်ကျိုးကြောင်းဆင်ခြင်နိုင်ပြီး၊ အစ္စလာမ်သာသနာကပေးတဲ့ အမြိုက်အရသာနဲ့ အကျိုးထူးကိုခံစားနိုင်ခဲ့ပြီး၊ အစ္စလာမ်လူမှုဘ၀တည်ဆောက်မှုနဲ့အညီ ဘ၀တည်ဆောက်နိုင်ခဲ့ကြပြီး တိုင်းကျိုး၊ ပြည်ကျိုး၊ နိုင်ငံသားတို့အကျိုး သယ်ပိုးနိုင်ခဲ့ကြပါတယ်။

    ဆရာကြီး သီရိပျံချီ ဃာဇီ မုဟမ္မဒ် ဟာရှင်မ်ရဲ့မွေးနေ့ရာပြည့်ကို အလေးအမြတ် လေးစားဂုဏ်ပြုလိုတဲ့ဆန္ဒနဲ့ ဆရာကြီးရဲ့ အထ္ထုပ္ပတ္တိလို့မဆိုသာပေမယ့် ဆရာကြီးရဲ့ကိုယ်ရေးရာဇ၀င်အကျဉ်းမျှကို ရေးသားတင်ပြလိုက်ရပါတယ်။

    ဆရာကြီး သီရိပျံချီ ဃာဇီ မုဟမ္မဒ် ဟာရှင်ဟာ ကျနော်တို့မြန်မာနိုင်ငံရဲ့နိုင်ငံဂုဏ်ဆောင်တစ်ဦးဖြစ်သလို၊ အရှေ့တောင် အာရှရဲ့ ကျမ်းတော်မြတ်ကုရ်အာန်ဘာသာပြန်ဆိုသူတွေထဲမှာ မြန်မာနိုင်ငံက ထူးချွန်ထက်မြက်တဲ့ ကျမ်းတော်မြတ်ကုရ်အာန် ဘာသာပြန်ဆိုသူတစ်ဦးဖြစ်ပါတယ်။ ဆရာကြီးရဲ့ဘွဲ့ထူးဂုဏ်ထူးတွေကတော့ “သီရိပျံချီ အလ်ဟာဂ်ျ မုဖတ်စီရုလ်ကုရ်အာန် အလ္လာမဟ် ဃာဇီ မုဟမ္မဒ်ဟာရှင်မ်” ဖြစ်ပါတယ်။

    ဆရာကြီးကို (၁-၁-၁၉၁၇)ရက်နေ့မှာ အဖ ဦးပေါ်သိန်း၊ အမိ ဒေါ်ပန်းပုံတို့မှ ရမည်းသင်းခရိုင်၊ ပျော်ဘွယ်မြို့နယ်၊ လွှဲပေါက်ကုန်းကျေးရွာမှာ မွေးဖွားခဲ့တာဖြစ်ပါတယ်။ ဆရာကြီးရဲ့ မွေးချင်း(၁၁)ယောက်ရှိတဲ့အနက် ပဉ္စမမြောက်သား ဖြစ်ပါတယ်။ ဆရာကြီးရဲ့ဖခင် ဦးပေါ်သိန်းဟာ ပျော်ဘွယ်မြို့နယ်၊ လွှဲပေါက်ကုန်းအနွယ်ကဖြစ်ပြီး လှည်းထောက်လုပ်ငန်း လုပ်ကိုင်ခဲ့သူဖြစ်ကာ မိခင်ဖြစ်သူဒေါ်ပန်းပုံကတော့ ရမည်းသင်းသူဖြစ်ပါတယ်။ အမိဘက်မှ အဘိုးတစ်ဦးဖြစ်သူ ဦးဘိုးကြွယ်ဟာ ပျဉ်းမနား-ကျောက်ပန်းတောင်း မီးရထားလမ်းဖွင့်စဉ်က ကန်ထရိုက်အဖြစ်တာဝန်ယူဖောက်လုပ်ပေးရသူ တစ်ဦးဖြစ်ပါတယ်။ မျိုးရိုးစဉ်လာအရ တောင်သူလယ်သမားတွေဖြစ်ကြပြီး လယ်ဝေးဒေသမှာ ဦးစွာချမ်းသာကြွယ်ဝခဲ့ကြတဲ့ မြေယာ ပိုင်ရှင်တွေ ဖြစ်ခဲ့ပြီး နှစ်ဘက်မိဘတွေရဲ့ဘိုးဘေးတွေဟာ ရှေးမြန်မာကြီးတွေဖြစ်ကြောင်း၊ ထို့ပြင် မိဘတို့မှာ အစ္စလာမ် ဘာသာဝင်များ သာမက၊ ဗုဒ္ဓဘာသာဝင်မြန်မာတွေနဲ့ အင်မတန်ရင်းရင်းနှီးနှီး ဆက်ဆံနေထိုင်ခဲ့ကြသူများဖြစ်ကြတယ်လို့ ရှေးမီသူတို့ရဲ့ ပြောပြချက်ကို မှတ်သားခဲ့ရဖူးပါတယ်။ ဆရာကြီးရဲ့မိဘတွေဟာ ဆရာကြီးကိုမွေးဖွားပြီးတဲ့နောက် လွှဲပေါက်ကုန်းကျေးရွာမှ လယ်ဝေးမြို့သို့ ပြောင်းရွှေ့နေထိုင်ခဲ့ကြခြင်းဖြစ်ပါတယ်။

    ဆရာကြီးဟာ ငယ်စဉ်က လယ်ဝေးမြို့ အစိုးရအထောက်အပံ့ခံ အစ္စလာမီယာမုဟမ္မဒ္ဒီယဟ်ကျောင်းမှာ ရှေးဦးစွာ ပညာသင်ခဲ့ပြီး၊ လက်ဦးဆရာမှာ ရှမ်းအမျိုးသားကျောင်းဆရာ ဟာဖိဇ်ဦးတင်ဆိုသူဖြစ်ပါတယ်။ အဲဒီကျောင်းမှာ ပညာသင်နေစဉ် ထူးချွန်ထက်မြက်သူတစ်ဦးအနေနဲ့ ဆရာတွေရဲ့ချီးကျူးခြင်းကိုခံရရုံမက၊ ဝေလမင်းသား မြန်မာပြည်သို့ အလည်အပတ် လာစဉ် ကျောင်းတိုင်းက အတော်ဆုံးကျောင်းသားတွေကိုဆုပေးတဲ့အခါ ဆရာကြီးဟာ ဝေလမင်းသားငွေတံဆိပ်ဆုကို ရရှိခဲ့သူ ဖြစ်ပါတယ်။ ဆရာကြီးဟာ လယ်ဝေးမှာ ဘာသာရေးစာပေနဲ့တွဲဖက်ပြီး မြန်မာစာခုနစ်တန်းအထိသင်ယူခဲ့ပါတယ်။ မိဘတွေက မူလက ဥစ္စာပစ္စည်းကုံလုံကြွယ်ဝသူတွေဖြစ်ကြပေမယ့် မွတ်စလင်မ်တွေနဲ့ ဗုဒ္ဓဘာသာဝင်မိတ်ဆွေတွေက အကူအညီတောင်းခံ လာတဲ့အခါတိုင်း အဲဒီသူတွေရဲ့အကြွေးတွေနဲ့ပတ်သက်ပြီး ချစ်တီးတွေကို လွယ်လွယ်ကူကူအာမခံပေးရပြန်များပြီး အဲဒီအာမခံ ကြွေးတွေကြောင့်ပဲ ဆင်းရဲခြင်းဘဝသို့ရောက်ခဲ့ရပါတယ်။ အဲဒီအချိန်က ဆရာကြီးရဲ့ အသက်မှာ (၁၂)နှစ်ခန့်သာ ရှိသေးပါတယ်။ ဆင်းရဲသွားကြတဲ့မိဘတို့ရဲ့အကူအညီနဲ့ ပညာဆက်လက်သင်ဖို့မဖြစ်နိုင်တော့တာကြောင့် ဆရာကြီးဟာ ပညာဆက်လက် ဆည်းပူးသင်ယူနိုင်ဖို့ မိတ်ဆွေတချို့ရဲ့အကူအညီရယူပြီး ရန်ကုန်ကို တိတ်တဆိတ် ထွက်ပြေးလာခဲ့ပါတော့တယ်။ ရန်ကုန်မြို့မှာ ရှိတဲ့ စူရတီဗလီရဲ့မုဖ်သီချုပ်ဖြစ်တဲ့ မောင်လာနာ မုဟမ္မဒ် အိစ်မားအီးလ် ဗိစ်မိလ္လာဟ်နဲ့တွေ့ပြီး မုဖ်သီချုပ်က ဆရာကြီးကို ဟံသာဝတီခရိုင်၊ ဒေးဒနောမြို့မှာရှိတဲ့ ဒါရွလ်အိုလူမ်ကျောင်းကို ပို့ပေးခဲ့ပါတယ်။ အဲဒီအချိန်မှာ ဆရာကြီးနဲ့ရင်းနှီးတဲ့ ကျောင်းနေ ဘက် သူငယ်ချင်းတွေက

    ၁။         မောင်လာနာဟာဖိဇ်မုဟမ္မဒ်ဆွာလေ့ဟ် (သဗ်လီဂ်အမီရ်ချုပ်)

    ၂။         မောင်လာနာနူရ်မုဟမ္မဒ် (ကမ္ဘာ့အလင်း၊ အယ်ဒီတာ)

    ၃။         မောင်လာနာဂျမာလွဒ္ဒီးန် (မန္တလေး)

    ၄။         မောင်လာနာအဗ်ဒွလ်ဟကီးမ် (ကျောက်ဆည်ခရိုင်၊ လက်ပံရွာ)

    ၅။         မောင်လာနာကာရီမုဟမ္မဒ်အလီ (ရန်ကုန်)နဲ့

    ၆။         မောင်လာနာမုဟမ္မဒ်ရှဖီကွဒ္ဒီးန် (ဒေးဒနော)တို့ဖြစ်ကြပါတယ်။

     

    ဆရာကြီးဟာ  ငယ်စဉ်ကတည်းက အသိပညာကို မက်မောမှုရှိတယ်။ အမှန်တရားကို ချစ်မြတ်နိုးတယ်။ မဟုတ်ရင် မခံတတ်တဲ့ စိတ်ဓာတ်ရှိတယ်။ သာသနာကို မိမိအသက်နဲ့ ထပ်တူထပ်မျှချစ်တယ်။ ဒီစိတ်ဓာတ်၊ ဒီသဘောထားတွေကပဲ ဆရာကြီးရဲ့ဘဝကိုပြောင်းလဲစေ ခဲ့တာလို့ ဆိုရမှာဖြစ်ပါတယ်။ ဒေးဒနောလို ကျေးလက်ဒေသမှာနေထိုင်လို့ ဘယ်လိုမှတိုးတက်မှု မရနိုင်လို့ အတွေးပေါက်ပြီး ကျောင်းကို ရန်ကုန်မြို့သို့ရွှေ့ပြောင်းနိုင်ဖို့ ကြိုးစားခဲ့တယ်။ မိမိတစ်ယောက်တည်း ပြောင်းတာထက် တစ်ကျောင်းလုံးပြောင်းတာက ပိုကောင်းမယ်လို့သဘောပေါက်ခဲ့တယ်။ ဒါကြောင့် ဆရာကြီးဟာ သူနဲ့ဆန္ဒတူတဲ့ စာသင်သား မိတ်ဆွေသူငယ်ချင်းတွေနဲ့ပူးပေါင်းပြီး ဒီကျောင်းကို ဒေးဒနောရွာသူရွာသားတွေက မနှစ်သက်ကြသယောင်၊ ကျောင်းကို ဆက်လက်ထားရင် သက်ဆိုင်သူတွေရဲ့ အန္တရာယ်ဖြစ်နိုင်သယောင် ကျောင်းအုပ်ချုပ်ရေးအဖွဲ့တွေကို သတင်းပို့စေခဲ့တယ်။

    ဒီလိုနဲ့ အဲဒီကျောင်းမှာ (၂)နှစ်လောက်နေပြီးချိန်မှာ ကျောင်းအုပ်ချုပ်ရေးအဖွဲ့က ကျောင်းကို ရန်ကုန်မြို့၊သမိုင်းကို ကတိုက်ကရိုက်ပြောင်းရွှေ့ပေးခဲ့တယ်။ သမိုင်းကကျောင်းမှာ ဆက်လက်ပညာသင်ကြားနေစဉ်အတွင်း ကျောင်းကြီးကို အုပ်ချုပ် နေတဲ့ မြန်မာပြည် ဂျာမီအသွလ်အိုလမာအဖွဲ့ကွဲသွားလို့ အဲဒီကျောင်းမှာရှိတဲ့ မြန်မာမွတ်စလင်မ်ဆရာနှစ်ပါး အလုပ်က အဖြုတ်ခံ ခဲ့ရတယ်။ (အဲဒီအချိန်က အိန္ဒိယသားမော်လဝီတွေသြဇာလွှမ်းမိုးနေချိန်ဖြစ်တယ်။ အိန္ဒိယမွတ်စလင်မ်တို့က မြန်မာတိုင်းရင်းသား မွတ်စလင်မ်တွေကို အိန္ဒိယယဉ်ကျေးမှုအား ဘာသာရေးအဆုံးအမအဖြစ် ပြုလုပ်ကာ သွတ်သွင်းနေတဲ့အချိန်လည်းဖြစ်တယ်။)

    မြန်မာမွတ်စလင်မ်ကျောင်းသားတွေခွဲခြားဆက်ဆံခံရတာကို မခံမရပ်နိုင်တဲ့အတွက် ဆရာကြီးက ကျောင်းသားအားလုံး ကို ဦးဆောင်ပြီး ကျောင်းကိုသပိတ်မှောက်ခဲ့ကြတယ်။

    သပိတ်မှောက်ရတဲ့အကြောင်းက ကျောင်းအုပ်ချုပ်ရေးပိုင်းပုဂ္ဂိုလ်တို့က ခေါင်းပုံဖြတ်ခြင်းနဲ့ ကျောင်းမှာစည်းကမ်းမကောင်းခြင်းတို့လည်း ပါဝင်ပါတယ်။ ဆရာကြီးခေါင်းဆောင်ပြီး ဂျမီအသ်အဖွဲ့ရဲ့ အတွင်းရေးမှူးဆီကို တောင်းဆိုချက်တွေ ရေးသားတင်ပြခဲ့ပေမယ့် အတွင်းရေးမှူးက လာရောက်တွေ့သူတွေကို မော့၍ပင် မကြည့်၊ အရေးဆိုတဲ့စာကိုဖတ်ပြီး ထွက်သွားကြဖို့ ကြိမ်းမောင်းပြောဆိုတယ်။ ဆရာကြီးက ‘ဒီရုံးဟာ ဒို့ရုံး၊ မင်းတို့မဆိုင်၊ ဘာမှတ်သလဲ၊ ဇေရ်ဘာဒီသွေး နီသကွ၊ အေးအေးဆေးဆေးတောင်းတာကို ရိုင်းပျစွာလုပ်ရင်သိမယ်’ လို့ ပြန်ပြီးကြိမ်းမောင်း လိုက်တဲ့အခါ ကျန်တဲ့သပိတ်မှောက်ကျောင်းသားတွေကလည်း ဒေါသဖြင့် ကုလားထိုင်တွေဆွဲကာ ရိုက်ရန်ပြင်ကြတော့တယ်။ အဲဒီအခါကျမှ အတွင်းရေးမှူးလုပ်သူက လန့်ဖြန့်၊မော့ကြည့်ပြီး နဖူးပေါ်လက်တင်တောင်းပန်ကာ စာကိုအဖွဲ့သို့တင်ပြပေးပါမယ် လို့ ကတိပြုလိုက်တယ်။

    နောက်ဆုံးမှာတော့ မုဖ်သီမဟ်မူဒ်ဒါဝူးဒ်ယူစွဖ် (နောင်တွင်အိုလမာအဖွဲ့ချုပ်ဥက္ကဋ္ဌ)ရဲ့ဖခင်ဖြစ်သူ ဟာဂျီ ဒါဝူးဒ် ဟာရှင်မ် ယူစွဖ်က ခေါင်းဆောင်ပြီး ကျောင်းသားတွေကို မသိမသာကူညီအားပေးခဲ့တယ်။ သပိတ်မှောက်ကျောင်းသားတွေကို လက်ညှိုး ထိုးပြီး ကျောင်းနဲ့သက်ဆိုင်တဲ့မွတ်စလင်မ်မြို့မိမြို့ဖတွေကို မိမိဘက်သို့ပါအောင် ဆွဲဆောင်ခဲ့တယ်။ နောက်ဆုံး ကျောင်းသား တွေရဲ့ဆန္ဒ အရ သမိုင်းမှာရှိတဲ့ကျောင်းကို လုံးဝသပိတ်မှောက်လိုက်ကြပြီး၊ လက်ရှိ တာမွေဒါရွလ်အိုလူမ်ကျောင်း စတင် ပေါ်ပေါက်လာ ရတာဖြစ်ပါတယ်။ တာမွေဒါရွလ်အိုလူမ်ကျောင်းရဲ့ ကျောင်းသားတွေစာရင်းမှာတော့ ဆရာကြီး ဃာဇီ မုဟမ္မဒ် ဟာရှင်မ်ရဲ့ အမည်ဟာ  ထိပ်ဆုံးကဖြစ်ခဲ့ပါတယ်။

    ဆရာကြီး ဃာဇီ မုဟမ္မဒ်ဟာရှင်မ်ဟာ ဒေးဒနောကျောင်းမှာ အရဗီ၊ အုရ်ဒူ၊ ဖာရစီဘာသာရပ်တွေကို သင်ယူခဲ့ပြီး မြန်မာစာနဲ့ ပါဠိ ဘာသာကို အစ္စလာမ့်ပေါင်းချုပ်ကျမ်းကိုပြုစုခဲ့တဲ့ ဆရာကြီး ဦးထွန်းကြွယ် (ကွယ်လွန်)ဆီမှာ သင်ယူခဲ့ ပါတယ်။ ဆရာကြီးရဲ့စိတ်ရင်းမှာ ဘာသာရေး ပညာတင်မက အင်္ဂလိပ်စာနဲ့လက်မှုပညာကိုလည်း သင်ယူလိုတဲ့ဆန္ဒ ပြင်းပြလျှက် ရှိခဲ့တယ်။

    သမိုင်းကျောင်းမှာ ပညာသင်ကြားနေစဉ်အတွင်း အုရ်ဒူဘာသာဖြင့် ကုရ်အာန်ကျမ်းမြတ်အကျယ်ပြန်၊ မိရ်ှကာသ်ကျမ်းနဲ့ အခြားကျမ်းစာများကိုလည်း သင်ကြားပြီးမြောက်ခဲ့ပါတယ်။

    ၁၉၃၅-ခုနှစ်မှာ ဟာဂျီဒါဝူဒ် ဟာရှင်မ်ယူစွဖ်က ဆရာကြီး ဃာဇီ မုဟမ္မဒ်ဟာရှင်မ်အပါအ၀င် ကျောင်းသား (၆)ဦးကို အိန္ဒိယနိုင်ငံ၊ စဟာရန်ပူရ်မြို့ပေါ်ရှိ မဇွာဟိရွလ်အိုလူမ်အရဗီတက္ကသိုလ်ကို စေလွှတ်ပြီး သာသနာ့ပညာတွေ ဆက်လက်ဆည်းပူး စေခဲ့ပါတယ်။ မဇွာဟိရွလ်အိုလူမ် အရဗီတက္ကသိုလ်မှာ (၄)နှစ်မျှ သာသနာ့ပညာ သင်ကြားတတ်မြောက်ပြီး အောင်လက်မှတ်ရရှိ ခဲ့ပြီးတဲ့နောက် မြန်မာနိုင်ငံကိုပြန် မလာမီ ဆရာကြီး ဃာဇီ မုဟမ္မဒ်ဟာရှင်မ်ဟာ အိန္ဒိယနိုင်ငံမှာ သက္ကဋဘာသာ၊ ပါဠိဘာသာ၊ ဟင်ဒီ ဘာသာတို့ကိုလည်း ဗာရာဏသီမြို့ရှိ ဘုန်းကြီးကျောင်းတစ်ကျောင်းမှာ သင်ယူဆည်းပူးခဲ့ပါသေးတယ်။ အိန္ဒိယနိုင်ငံ၊ စဟာရန်ပူရ်မှာနေစဉ်ကလည်း ‘ဘဂဝတ်’ဂီတကျမ်းကို ဟင်ဒီ ဘာသာဖြင့် သင်ယူခဲ့ပြီးနောက်ပိုင်း ဒုတိယကမ္ဘာစစ်ကြီး ဖြစ်လာတဲ့ အတွက် ၁၉၃၉-ခုနှစ်၊ နိုဝင်ဘာလမှာ မြန်မာပြည်၊ ရန်ကုန်မြို့ကို ပြန်လာခဲ့ပါတော့တယ်။

    ဆရာကြီး ဃာဇီ မုဟမ္မဒ်ဟာရှင်မ်ဟာ မူလက အိုလမာအဖွဲ့ချုပ်ရဲ့ အတွင်းရေးမှူးတာဝန်နဲ့ အစ္စလာမ်သာသနာရေးရာ ကောင်စီရဲ့ အတွင်းရေးမှူးချုပ်တာဝန်ကို ပူးတွဲထမ်းဆောင်ခဲ့တယ်။ ၁၉၅၈-ခုနှစ်မှာ အစ္စလာမ်သာသနာရေးရာကောင်စီရဲ့ ဒုတိယဥက္ကဋ္ဌဖြစ်လာတယ်။ မိတ္ထီလာမှာပြုလုပ်တဲ့ အစ္စလာမ်သာသနာရေးရာကောင်စီရဲ့ညီလာခံမှာ ဆရာကြီးနဲ့ အိုလမာအဖွဲ့ဝင် ပုဂ္ဂိုလ်တချို့တို့ သဘောထားအမြင်ကွဲလွဲခဲ့ကြတယ်။ ကွဲလွဲခဲ့ရတဲ့အကြောင်းကတော့ အိုလမာအဖွဲ့ဝင်တချို့ပုဂ္ဂိုလ်တွေက “နိုင်ငံတော်အလံ အလေးမပြုရ၊ သမ္မတရဲ့သဝဏ်လွှာနားထောင်စဉ် မတ်တပ်မရပ်ရ၊ အမျိုးသမီးတွေဟာ အစ္စလာမ်သာသနာ ရေးရာကောင်စီရဲ့ အမှုဆောင်အဖွဲ့မှာ မပါဝင်ရ”လို့ အပြင်းအထန်တောင်းဆိုလာတဲ့အခါ ဆရာကြီးက နားလည်အောင် ပြောပြီး အခြေအနေကို ထိန်းသိမ်းကာ နှစ်သိမ့်ပေးခဲ့ရပါတယ်။

    နိုင်ငံတော်အစိုးရက စစ်မှုထမ်းဖို့ ဥပဒေထုတ်ပြန်ရန် စီစဉ်လာတဲ့အခါမှာလည်း ဆရာကြီးနဲ့အိုလမာအဖွဲ့ဝင်တချို့ သဘောထားအမြင် မတူညီကွဲလွဲခဲ့ကြပြန်တယ်။ အိုလမာအဖွဲ့မှပုဂ္ဂိုလ်တချို့က “စစ်မှုထမ်းဥပဒေမှာ တာဝန်ခံမော်လဝီဆပ် တွေနဲ့ အိမ်တွင်းပုန်း မွတ်စလင်မ်အမျိုးသမီးတွေ မပါဝင်ရ”လို့ဆိုကြတယ်။ ဆရာကြီးက “တိုင်းပြည်အရေးဖြစ်လို့ မော်လဝီဆပ်နဲ့ ဗလီဆရာတွေဟာ စစ်တပ်မှာရှေ့ဆုံးကပါဝင်ရမယ်။ အိမ်တွင်းပုန်း မွတ်စ်လင်မ်အမျိုးသမီးတွေ စစ်ပညာသင်ကြားပေးမှုအတွက် သီးသန့်အစီအစဉ်နဲ့ ပြုလုပ်ပေးရမယ်” လို့ဆိုပါတယ်။

    ဒီလိုနဲ့ မြန်မာမဆန်ချင်ကြတဲ့ အိုလမာအဖွဲ့နဲ့ သဘောထားအမြင် တဖြေးဖြေးကွဲလွဲလာလိုက်တာ ပညတ်တော် (၁၀)ပါး ခေါ် အမေရိကန်ရုပ်ရှင်ကားနဲ့စပ်လျဉ်းပြီး ဝိဝါဒကွဲကြရင်းက လမ်းဆုံးသို့ရောက်ခဲ့ပါတော့တယ်။ ဆက်လက်ပြီး လက်တွဲ လုပ်ဆောင်ဖို့ မဖြစ်နိုင်တော့ဘဲ၊ အိုလမာအဖွဲ့တွင်းမှ မြန်မာဆန်တဲ့ အမှုဆောင်လူကြီးတချို့တို့ဟာလည်း ဆရာကြီး ဃာဇီနဲ့ အတူ (၂၁-၂-၁၉၅၉) နေ့ကစပြီး အိုလမာကနေ အပြီးတိုင် လမ်းခွဲနှုတ်ထွက်ခဲ့ကြပါတော့တယ်။

    ဆရာကြီး ဃာဇီ မုဟမ္မဒ်ဟာရှင်မ်ဟာ သာသနာ့ပညာရေးကို အထူးစိတ်ဝင်စားပြီး မိမိရဲ့ ဘ၀တစ်သက်တာလုပ်ငန်း တစ်ခုလို့ သတ်မှတ်ထားသူဖြစ်သလို၊၁၉၅၀-ခုနှစ်မှာ (Islamic Society of Burma)ကို မစ္စတာ အဟ်မဒ်အီဗရာဟင်မ် (ဥက္ကဋ္ဌ) MA. ရရှီးဒ်က (အတွင်းရေးမှူး)အဖြစ် ဦးဆောင်ဖွဲ့စည်းပြီး ဆရာကြီး ဃာဇီ မုဟမ္မဒ်ဟာရှင်မ်ကို တာဝန်ခံ စာပေဘာသာပြန်မှူး အဖြစ် တာဝန်ပေးခဲ့ပါတယ်။ အဲဒီနောက် ဆရာကြီး ဃာဇီ မုဟမ္မဒ်ဟာရှင်မ် ဦးဆောင်ပြီး ၁၉၅၀-ခု၊ နိုဝင်ဘာလ (၁)ရက်နေ့က စပြီး ကျမ်းတော်မြတ်ကုရ်အာန်ကို မြန်မာဘာသာသို့ ပြန်ဆိုခဲ့ပါတယ်။

    ဆရာကြီး ဃာဇီ မုဟမ္မဒ်ဟာရှင်မ်ဟာ ကျမ်းတော်မြတ်ကုရ်အာန်ကို ဦးဆောင်ဘာသာပြန်ဆိုခဲ့ရာ အစောင် (၁) မှ (၁၀)ထိ ပထမတွဲ။ အစောင် (၁၁) မှ (၂၀)ထိ ဒုတိယတွဲ နဲ့ အစောင် (၂၁) မှ (၃၀)ထိ တတိယတွဲတို့ကို မောင်လာနာ ကာရီ မပ်က်ဆူဒ် အဟ်မဒ်ခန်းနဲ့ တွဲဖက်ပြန်ဆိုခဲ့ပြီး၊ ကျမ်းတော်မြတ်ကုရ်အာန်ရဲ့အလင်းပြကျမ်း (သိဗ်ယာနုလ်ကုရ်အာန်) အစောင် (၁) မှ (၃၀)ထိ သဖ်စီရ် စ-ဆုံးကို ဆရာကြီး ဃာဇီ မုဟမ္မဒ်ဟာရှင်မ်တစ်ဦးတည်း ရေးသားခဲ့တာကို အကြောင်းပြုပြီး  ဆရာကြီးအား “မုဖတ်စီရုလ်ကုရ်အာန်”လို့ သတ်မှတ်ခေါ်ဝေါ်ခဲ့ပါတယ်။

    နိုင်ငံတကာ အစည်းအဝေးတခုတွင် မလေးရှားဝန်ကြီးချူပ် မဟာသီမှ နှုတ်ဆက်နေစဉ်

    နောက်ပိုင်းမှာ ဆရာကြီးဟာ “ဗုခါရီကျမ်း” “မိရ်ှကာသ်ကျမ်း”တို့မှ အစ၊ လူငယ်လူရွယ်တို့အတွက် သင်ခန်းစာများ ရေးသားပြုစုထုတ်ဝေခဲ့ပါတယ်။ ဆရာကြီးရေးသားပြုစုခဲ့တဲ့ ကျမ်းပေါင်း (၅၈)အုပ်ကျော်ရှိပြီး၊ ဟောပြောပွဲနဲ့ သင်တန်းတွေလည်း မြန်မာနိုင်ငံတစ်ဝန်းလုံးမှာ မရေမတွက်နိုင်အောင်  ကျင်းပပြုလုပ်ပြီး ဟောပြောပို့ချခဲ့ပါသေးတယ်။

    ဆရာကြီး ဃာဇီ မုဟမ္မဒ်ဟာရှင်မ် ရေးသားပြုစုထုတ်ဝေခဲ့တဲ့ စာအုပ်အချို့ကို ခုနှစ်သက္ကရာဇ်နှင့်တကွ ဖော်ပြရမယ် ဆိုရင် ကမ္ဘာကျော် အာလင်မ်ကြီးတစ်ပါးဖြစ်တဲ့ “မောင်လာနာ ရှိဗ်လီနုအ်မာနီ” ရဲ့ “စီရတွန်နဗီ”ကျမ်းကြီးကို အတွဲ (၄)တွဲ ခွဲပြီး ဘာသာပြန်ဆိုကာ “တမန်တော်မြတ်”လို့ အမည်ပေး ရေးသားထုတ်ဝေခဲ့ပါတယ်။ စာမျက်နှာ (၂၆၃)မျက်နှာပါဝင်တဲ့ “တမန်တော်မြတ်”ပထမတွဲ ကို ၁၉၆၂-ခုနှစ်တွင် ပြန်ဆ်ိုခဲ့တယ်။ ၁၉၆၄-ခုနှစ်ထုတ် “မြန်မာ့စွယ်စုံကျမ်းအတွဲ (၉)တွင် စာမျက်နှာ (၁၃၂)မှ (၁၃၅)ထိ တမန်တော်မြတ်အကြောင်းကို ဖော်ပြထားပါတယ်။ ရေးသားသူမှာ ဆရာကြီး ဃာဇီ မုဟမ္မဒ် ဟာရှင်မ် ပဲဖြစ်ပါတယ်။ စာသင်သားလူငယ်တွေအတွက်လည်း “တမန်တော်မုဟမ္မဒ်”ဆိုတဲ့အမည်နဲ့ စာအုပ်ငယ်တစ်အုပ် (၁၉၆၇)ခုနှစ်မှာ ရေးသားထုတ်ဝေခဲ့ပါတယ်။ စာမျက်နှာ(၂၂၄)မျက်နှာပါတဲ့ “တမန်တော်မြတ်” ဒုတိယတွဲကို (၁၉၇၂)ခုနှစ်မှာ ထုတ်ဝေခဲ့ပြီး၊ စာမျက်နှာ(၂၅၁)မျက်နှာပါတဲ့ “တမန်တော်မြတ်” တတိယတွဲကို (၁၉၇၈)ခုနှစ်၊ စာမျက်နှာ (၂၇၈)မျက်နှာပါတဲ့ “တမန်တော်မြတ်” စတုတ္ထတွဲကို (၁၉၈၈)ခုနှစ်မှာ ထုတ်ဝေခဲ့ပါတယ်။ ဆရာကြီး ဃာဇီ မုဟမ္မဒ် ဟာရှင်မ် ပြန်ဆိုပြီး မထုတ်ဝေဖြစ်ခဲ့တဲ့ စာမျက်နှာ (၂၃၃၃)မျက်နှာပါရှိတဲ့ “တမန်တော်မြတ်” ပဉ္စမတွဲကို အစ္စလာမ်သာသနာရေးရာကောင်စီ ဋ္ဌာနချုပ်က တာဝန်ယူပြီး ၂၀၀၉-ခုနှစ်မှာ ထုတ်ဝေခဲ့ပါတယ်။ တဖန် ဗုခါရီကျမ်းမြတ်(ဘာသာပြန်)ကို ၁၉၈၈-ခုနှစ်၊ မတ်လ (၃)ရက်နေ့တွင် ထုတ်ဝေခဲ့ပြီးနောက် ဗုခါရီကျမ်းဘာသာပြန်ဒုတိယတွဲကိုထုတ်ဝေခဲ့ပါတယ်။ ဗုခါရီကျမ်းဘာသာပြန် တတိယတွဲ ကိုတော့ ၁၉၉၂-ခုနှစ်၊ ဇန်နဝါရီလ(၂၃)ရက်နေ့တွင် ထုတ်ဝေခဲ့ပါတယ်။ “အစ္စလာမ့်ကြေးမုံ” အရဗီသင်ခန်းစာ၊ အစ္စလာမ့်သင်ခန်းစာ စတဲ့စာအုပ်များစွာကိုလည်း ရေးသားပြုစုထုတ်ဝေခဲ့ပါတယ်။

    ဆရာကြီး ဃာဇီ မုဟမ္မဒ်ဟာရှင်မ်ရဲ့ခံယူချက်နဲ့အတွေးအခေါ်မှာ အစ္စလာမ်သာသနာဟာ ကမ္ဘာ့သာသနာတစ်ခု ဖြစ်တယ်။ ဒါ့ကြောင့် အစ္စလာမ်သာသနာရဲ့ အဆုံးအမများတွေဟာလည်း ကမ္ဘာ့လူသားတိုင်းအတွက်၊ ကမ္ဘာ့လူမျိုးရှိရာ ဒေသတိုင်းနဲ့ သဟဇာတဖြစ်တဲ့ အဆုံးအမတွေသာဖြစ်တယ်။ ဒါကြောင့် နေရာဒေသတိုင်းမှာ အစ္စလာမ်သာသနာကို လက်ခံကျင့်သုံးနိုင်ရမယ်။ ဆရာကြီးရဲ့အတွေးအခေါ်နှင့်ပတ်သက်ပြီး အောက်မှာဥပမာအနေနဲ့ ဖော်ပြထားတဲ့အချက်ကို ကြည့်ခြင်းအားဖြင့် ရှင်းလင်းစွာ သိနိုင်မှာဖြစ်ပါတယ်။

    အိန္ဒိယနိုင်ငံ၊ စဟာရန်ပူရ်ကျောင်းမှာ သာသနာပညာရပ်တွေ သင်ယူနေစဉ်အခါက အိန္ဒိယနိုင်ငံရဲ့ တချို့ယဉ်ကျေးမှုနဲ့ အယူအဆတွေဟာ ဆရာကြီး ဃာဇီ မုဟမ္မဒ်ဟာရှင်မ်ရဲ့အတွေးအခေါ်နဲ့ အတော်များများ ဆန့်ကျင်ပဋိပက္ခဖြစ်ခဲ့တယ်လို့ သိရပါတယ်။ ဆရာကြီးနဲ့သူငယ်ချင်းတစ်သိုက်ဟာ ကျန်းမာရေးလိုက်စားသူတွေဖြစ်ကြတဲ့အလျောက် ဘောလုံးကစားခြင်း၊ ခြင်းခတ်ခြင်းတွေမှာ ဝါသနာထုံကြပါတယ်။ ဒါပေမယ့် ကျောင်းဥပဒေက ဒူးမပေါ်ရ ဆိုတဲ့ဥပဒေတွေရှိတဲ့အတွက် အခက်အခဲနဲ့ ကြုံတွေ့ကြရ ပါတယ်။ နောက်ဆုံးမှာ ဆရာကြီးတို့က ဘောင်းဘီရှည်ဝတ်ပြီး ကစားခဲ့ကြရတယ်လို့သိရပါတယ်။ ဆရာကြီး ပါဝင်တဲ့ စဟာရန်ပူရ်မြို့က ဘောလုံးအသင်းဟာ ဒေလီမြို့ထိ တက်ရောက်ကန်ကာ အောင်ပန်းဆွတ်ခူးနိုင်ခဲ့တယ်လို့လည်း သိရပါတယ်။ ကျောင်းက ဘောလုံးကစားတာကို ခွင့်မပြုပေမယ့် ဆရာကြီးတို့သူငယ်ချင်း တစ်သိုက်ဟာ ကျောင်းတွင်းမှာ ကျောင်း ဥပဒေကို လိုက်နာပြီး ကျောင်းပြင်ပမှာဆိုရင် မိမိမှန်တယ်လို့ ထင်တာကို လွတ်လွတ်လပ်လပ်ကျင့်သုံးတတ်သူဖြစ်တယ်။ ဒါကလည်းပဲ ဆရာကြီးရဲ့အတွေးအခေါ် ပုံရိပ်၊ ခံယူချက်တစ်ခုဖြစ်ပါတယ်။

    ဆရာကြီး ဃာဇီ မုဟမ္မဒ်ဟာရှင်မ်ရဲ့ဘာသာရေးအပေါ်ထားရှိတဲ့အတွေးအခေါ်နဲ့စပ်လျဉ်းပြီး တင်ပြရမယ်ဆိုရင် ဘာသာရေးမှာ အယူသီးမှု၊ အစွန်းရောက်မှုတွေကိုလက်မခံသလို၊ အသေးအဖွဲအဆုံးအမတွေ မလိုက်နာမှုကြောင့် ကြီးမားတဲ့ ကွဲလွဲမှုတွေ၊ ကွဲပြဲမှုတွေဖြစ်ပေါ်တာကိုလည်း မနှစ်သက်သူဖြစ်ပါတယ်။ ဥပမာအနေနဲ့တင်ပြရရင်….

    တမန်တော်မြတ်ရဲ့လမ်းစဉ်ကိုလိုက်နာရမယ်ဆိုတဲ့ဆောင်ပုဒ်ကိုအသုံးပြုပြီး အသိပညာအားနည်းလို့ဖြစ်ဖြစ်၊ သိလျှက်နဲ့ ဖြစ်ဖြစ် တချို့ပုဂ္ဂိုလ်တွေက ဆွလာသ်ဝတ်ပြုရင် အင်္ကျီကိုလုံချည်ရဲ့အပြင်ထုတ်ထားရမယ်လို့ ဇွတ်အတင်းပြောလေ့ရှိကြတယ်။ အဲဒီလိုမဟုတ်ရင် ဆွလာသ်ဝတ်ပြုမှု မပိုင်လို့ ထိုသူတို့ပြောဆိုလေ့ရှိကြတယ်။ သူတို့ရဲ့အကြောင်းပြချက်က အင်္ကျီအပြင်ထုတ် ၀တ်တာကို စွန္နသ်ဖြစ်တယ် လို့ဆိုကြတယ် ။ အဲဒီလိုပဲ မျက်စိမှာ စူရ်မာဆွဲတာကိုလည်း စွန္နသ်လို့ဆိုကြတယ်။ စူရ်မာဆွဲတဲ့သူ ဆွဲတာကို မပြောလိုပေမယ့် မဆွဲတဲ့သူတွေကို အပြစ်ရှိသယောင်၊ အပြစ်ဖြစ်သယောင် ပြောဆိုနေကြတာတွေကိုတော့ ဆရာကြီး ဃာဇီ မုဟမ္မဒ်ဟာရှင်မ်က မလိုလားခဲ့ပါဘူး။ လုံချည်ဝတ်တာ၊ ဘောင်းဘီဝတ်တာနဲ့ပတ်သက်ရင်လည်း ဆရာကြီးက အဓိက ပြဿနာမဟုတ်ဘူးလို့ ခံယူတယ်။ တမန်တော်မြတ်က လုံချည်ကွင်းဝတ်လေ့ရှိပေမယ့် ဘောင်းဘီကို လာပြတဲ့အခါမှာလည်း ဘောင်းဘီ လည်းကောင်းပါတယ်လို့ ပြောခဲ့ဖူးကြောင်း ဆရာကြီးက အထောက်အထားပြပြောခဲ့ပါတယ်။

    အဲဒီလို သာသနာအတွက် တိုက်ရိုက်အရေးမကြီးဘဲ အသေးအဖွဲကိစ္စတွေကို အရေးတကြီးပြုလုပ်ပြီး အငြင်းအခုံမပြုလုပ်ကြဖို့နဲ့ အသေးအဖွဲတွေ အငြင်းအခုံ လုပ်ကြရင်း အချင်းချင်း စည်းလုံးညီညွတ်မှုပျက်ပြားမှာကို မလိုလား သလို၊  သာသနာရဲ့အရေးကြီးတဲ့ အဆုံးအမတွေ တဖြည်းဖြည်းတိမ်မြုပ်လာပြီး မွတ်စလင်မ်တို့ အရှုံးနဲ့ ရင်ဆိုင်ကြရမှာကိုလည်း အစိုးရိမ်ကြီး၊ သောကကြီး လွန်းသူဖြစ်တယ်။ အဲဒီလိုအသေးအဖွဲကိစ္စလေးတွေမှာ ဝိဝါဒ မတူညီမှုကြောင့် အချင်းချင်းစိတ်ဝမ်း ကွဲမှုတွေ ဖြစ်ပေါ်လာမှာကိုလည်း ဆရာကြီးဟာ လုံးဝမလိုလားသူဖြစ်ပါတယ်။ အခုလို သာသနာအတွက်အကျိုးယုတ်မှုတွေ ဖြစ်ပေါ်လာရတာဟာ အသိပညာနည်းခြင်း၊ အတွေးအခေါ်မမှန်ကန်ခြင်းတို့ကြောင့် ဖြစ်ကြရတယ်ဆိုတာကို အယူသည်း အစွန်းရောက်သူတွေ သိနိုင်စွမ်း၊ မြင်နိုင်စွမ်းမရှိလို့သာဖြစ်ရတာလို့ ဆရာကြီးက ယူဆထားသူဖြစ်တယ်။ (စာရှည်မည်စိုးလို့သာ ဆရာကြီးရဲ့ အတွေးအခေါ်နဲ့ စပ်လျဉ်းတဲ့ တစ်စိတ်တစ်ဒေသကိုသာ ဖော်ပြလိုက်ရခြင်းဖြစ်ပါတယ်။)

    ဆရာကြီး ဃာဇီ မုဟမ္မဒ်ဟာရှင်မ်ဟာ  အိန္ဒိယနိုင်ငံမှ ၁၉၃၉-ခုနှစ်တွင် မြန်မာနိုင်ငံသို့ ပြန်လည်ရောက်ရှိလာခဲ့ပြီး ရမည်းသင်းခရိုင်၊ ပျော်ဘွယ်မြို့နယ်၊ ရင်းတော်ရွာကြီးမှာ မဒီနသွလ်အိုလူမ်အမည်ရှိတဲ့  ဘာသာရေးစာသင်ကျောင်း တစ်ကျောင်းကို တည်ထောင်ဖွင့်လှစ်ပြီး ဂျပန်ခေတ်ကုန်ဆုံးသည်အထိ ကျောင်းသား(၅၀)ကျော်တို့ကို သာသနာရေး ပညာရပ် တွေ သင်ကြားပို့ချပေးခဲ့ပါတယ်။ B.I.A ခေတ်မှာ ရမည်းသင်းခရိုင် B.I.A အတွက် လှည့်လည်တရားဟောပေးခဲ့ရာ ဂျပန်တပ်တွေ ဆုတ်ခွာချိန်မှာတော့ ဂျပန်တွေက ဆရာကြီးကို မသင်္ကာဖြစ်ပြီး (၉)ရက်တိုင်တိုင် အစာရေစာမဲ့ ချုပ်နှောင်ထားခြင်းခံခဲ့ရပြီး နောက်ဆုံးမှာ သတ်ဖို့ လာသူတွေကို လှည့်ဖြား၍ လွတ်မြောက်ခဲ့ရပါတယ်။

    ၁၉၄၅-ခုနှစ်မှာ ပျဉ်းမနားမြို့မှာ စတင်တည်ထောင်တဲ့ “ဗမာမွတ်စ်လင်မ်ကွန်ဂရက်” (ဗ.မ.က)အဖွဲ့ရဲ့ ဗဟိုအလုပ် အမှုဆောင်အဖွဲ့မှာ ဆရာကြီး ဃာဇီ မုဟမ္မဒ်ဟာရှင်မ်ကို သာသနာရေးရာ တာဝန်ခံအဖြစ် ရွေးချယ်ခြင်းခံခဲ့ရပါတယ်။ တစ်ဖန် ၁၉၄၆-ခုနှစ်မှာ “ဗမာမွတ်စ်လင်မ် ကွန်ဂရက်”(ဗ.မ.က)အဖွဲ့ကကြီးမှူးပြီး “ဗမာနိုင်ငံလုံးဆိုင်ရာ ဗမာမွတ်စလင်မ်အိုလမာ အဖွဲ့ချုပ်” ကို ဖွဲ့စည်းတဲ့အခါမှာတော့ ဆရာကြီးဟာ အဲဒီအဖွဲ့မှာ ပထမဆုံးဥက္ကဋ္ဌအဖြစ် တာဝန်ယူဆောင်ရွက်ခဲ့ပါတယ်။

    နောက်ပိုင်း စစ်ပြီးခေတ်မှာ မန္တလေးမြို့က မြို့မိမြို့ဖတွေရဲ့ ဖိတ်ခေါ်ချက်အရ မောင်လာနာ ဂိုလာမ် အလီရှာဟ် စစ်တန်း မော်လဝီဆပ်ကြီးရဲ့ “မဒ်ရဆာ မုဟမ္မဒီယဟ်” အရဗီသိပ္ပံကျောင်းမှာ ကျောင်းအုပ်အဖြစ် (၄)နှစ်လောက် တာဝန်ယူ ဆောင်ရွက်ခဲ့ပါသေးတယ်။

    ဆရာကြီး ဃာဇီ မုဟမ္မဒ်ဟာရှင်မ်ဟာ  အစ္စလာမ်သာသနာရေးရာကောင်စီမှာ ပထမ အတွင်းရေးမှူးချုပ်၊ နောက် ဒုတိယဥက္ကဋ္ဌ အဖြစ် တာဝန်ယူဆောင်ရွက်ပြီး (၁၉၆၀)ခုနှစ်မှာ အစ္စလာမ်သာသနာရေးရာကောင်စီရဲ့ဥက္ကဋ္ဌကြီးအဖြစ် ရွေးချယ် တင်မြှောက်ခြင်းခံခဲ့ရပါတယ်။ အဲဒီခေတ်ကာလက အစ္စလာမ် သာသနာရေးရာကောင်စီရဲ့ လုပ်ငန်းတွေမှာ အခက်အခဲပေါင်း မြောက်များစွာနဲ့ ကြုံဆုံခဲ့ရပေမယ့် ဆရာကြီးက အဲဒီအခက်အခဲတွေကို သီးခံခြင်း၊ စိတ်ရှည်ခြင်း၊ ဇွဲလုံ့လတို့နဲ့ ကျော်လွှားနိုင်ဖို့ အစ္စလာမ်သာသနာရေးရာကောင်စီကို ကျွမ်းကျင်လိမ္မာ ပါးနပ်စွာ ပဲ့ကိုင်ထိန်းသိမ်းလာခဲ့တဲ့ ဥက္ကဋ္ဌကြီးလည်းဖြစ်ပါတယ်။ အဲဒီလို ဆောင်ရွက်နိုင်ခဲ့ခြင်းကလည်း ဆရာကြီးက မိမိကိုယ်မိမိ ဥက္ကဋ္ဌလို့ ခွဲခြားစိတ်သဘောမထားဘဲ ဆောင်ရွက်ဖွယ်ရာကိစ္စ မှန်သမျှ တို့ကို အမှုဆောင်အဖွဲ့ဝင်အားလုံးတို့နဲ့ပူးပေါင်းပြီး၊ စည်းစည်းလုံးလုံး ညီညီညာညာ ဆောင်ရွက်ခဲ့တဲ့အတွက်ကြောင့် ဖြစ်ပါတယ်။ ဒါဟာ ဆရာကြီးရဲ့ပေးဆပ်မှု တစ်စိတ် တစ်ဒေသပဲ ဖြစ်ပါတယ်။

    နိုင်ငံတော်ကလည်း ဆရာကြီးကို ဂုဏ်ပေးလေးစား တန်ဖိုးထားဆက်ဆံမှုတွေရှိခဲ့ပါတယ်။ ဆရာကြီးအပေါ်ထားရှိတဲ့ သဘောထား အမြင်ကိုတင်ပြရရင် ၁၉၆၂-ခုနှစ်၊ ဇန္န၀ါရီလ(၄)ရက် (လွတ်လပ်ရေးနေ့)မှာ ဆရာကြီး ဃာဇီ မုဟမ္မဒ်ဟာရှင်မ်ကို နိုင်ငံတော် သမ္မတရဲ့အတွင်းဝန်- ဦးသာထက် ကိုယ်တိုင်လက်မှတ်ရေးထိုးပြီး “သီရိပျံချီ”ဘွဲ့ ချီးမြှင့်အပ်နှင်းခဲ့ပါတယ်။

    ဆရာကြီး ဃာဇီ မုဟမ္မဒ်ဟာရှင်မ်ဟာ နိုင်ငံအကျိုး၊ နိုင်ငံသားတို့အကျိုး၊ မြန်မာမွတ်စလင်မ်လူ့အဖွဲ့အစည်းအကျိုးတို့ကို စွမ်းစွမ်းတမံ သယ်ပိုးဆောင်ရွက်ရင်း ၁၉၉၃-ခုနှစ်၊ဧပြီလ(၁၄)ရက်၊ တနင်္လာနေ့မှာ အလ္လာဟ်အရှင်မြတ် အမိန့်တော်ခံယူသွား ခဲ့ရာ မြန်မာနိုင်ငံရှိ ပြည်ထောင်စုသား နိုင်ငံသား တိုင်းရင်းသား အစ္စလာမ် ဘာသာဝင် မြန်မာ မွတ်စလင်မ်တို့အဖို့ ဖော် မပြနိုင်တဲ့ ဆုံးရှုံးမှုကြီး တစ်ရပ်ဖြစ်ရပါကြောင်း၊ မြန်မာမွတ်စလင်မ်လူ့အဖွဲ့အစည်းအတွက် မီးရှုးတန်ဆောင် အလင်းရောင် ကွယ်ပျောက်ခဲ့ ရသလို ခံစားရပါကြောင်း ကြေကွဲဝမ်းနည်းခြင်းများစွာဖြင့် ဆရာကြီး “သီရိပျံချီ အလ်ဟာဂ်ျ မုဖတ်စီရုလ် ကုရ်အာန် အလ္လာမဟ် ဃာဇီ မုဟမ္မဒ်ဟာရှင်မ်” ရဲ့ ရာပြည့်အမှတ်တရအောက်မေ့ဖွယ်အဖြစ် ဂုဏ်ပြုတင်ပြလိုက်ရပါတယ်။

    အလ္လာဟ်အရှင်မြတ်ထံတော်မှ “သီရိပျံချီ အလ်ဟာဂ်ျ မုဖတ်စီရုလ် ကုရ်အာန် အလ္လာမဟ် ဃာဇီ မုဟမ္မဒ်ဟာရှင်မ်”အား ဂျန္နသ်သုခဘုံမှာ မြင့်မားတဲ့အဆင့်အတန်းချီးမြှင့်ပါစေကြောင်း အကြိမ်ကြိမ်အခါခါ တောင်းဆုဒုအာပြုရင်း ဆရာကြီးလို ကိုယ်ကျိုးမဖက် နောက်ဆုံးထွက်သက်တိုင် နိုင်ငံအကျိုး၊ နိုင်ငံသားတို့အကျိုး၊ မြန်မာမွတ်စလင်မ်လူ့အဖွဲ့အစည်းအကျိုးတို့ကို သယ်ပိုးသွားခဲ့တဲ့ခေါင်းဆောင်မျိုးကို နောင်လာနောက်သားမျိုးဆက်သစ်လူငယ်များ အတုယူအားကျပြီး၊ လူသားအကျိုးပြု ပုဂ္ဂိုလ်မွန်တွေ ပေါ်ထွန်းနိုင်ပါစေကြောင်းမျှော်လင့်လျှက်…….

     

    ကိုးကား။

    – “တမန်တော်မြတ်” ပထမအတွဲ ဗိုလ်မှူးဘရှင်၏ နိဒါန်းပါ အချက်အလက်များ။

    –  မန္တလေးမြို့လုံးဆိုင်ရာ မဟာတမန်တော်နေ့အခမ်းအနားကျင်းပရေးကော်မတီမှ ထုတ်ဝေသော(၇၅)နှစ်မြောက် စိန်ရတုမဂ္ဂဇင်း။

    – ယခုဆောင်းပါးအတွက် အစစအရာရာကူညီပေးခဲ့သော ဆရာမောင်သစ္စာ(ဒဿန)အား အထူးကျေးဇူးတင်ရှိပါကြောင်း

    မှတ်တမ်းတင်အပ်ပါသည်။

    ​Photo Thida Htay (Faridah)

    မင်းမျိုးဝင်း|ရန်ကုန်တက္ကသိုလ်|