News @ M-Media

Author: editor

  • “အငယ်ကောင် ကို မတောင်းပန်တော့ဘူး။”

    “အငယ်ကောင် ကို မတောင်းပန်တော့ဘူး။”

    fogivness-copy
    အသိ၊သတိကောင်းတွေရှိတဲ့ နေ့တစ်နေ့ မှာ ရှေးဟောင်းနှောင်းဖြစ်တွေ တွေးမိတယ်။

    တွေးရင်း နဲ့ အငယ်ကောင် ကို သတိတရဖြစ်မိတယ်။

    အဲ့ဒီကျမှ သူ့ ကို တောင်းပန်ချင်လာတယ်။ ဒါပေမဲ့ သေသေချာချာ စဉ်းစားလိုက်တော့ မတောင်းပန်ချင်တော့ဘူး။

    ကိုယ်က အငယ်ကောင် ဆိုတဲ့ ခွေးကို မွေးထားတဲ့ ပိုင်ရှင်ဖြစ်လို့ မဟုတ်ဘူး။ ကိုယ့်ကျေးဇူး၊သူ့ ကျေးဇူး ဆိုတဲ့ ပိုင်းဖြတ်စရာကြောင့်လည်းမဟုတ်ဘူး။ သူ က ဘဝခြားသွားလို့လဲ မဟုတ်ဘူး။

    ခွေး တစ်ကောင် မို့ လူတစ်ယောက်က တောင်းပန်ဘို့ မလိုဘူးဆိုတဲ့ ခွဲခြား တဲ့ အတွေး ကြောင့်လဲမဟုတ်ဘူး။ ကိုယ် က သူ့ ခွင့်လွှတ်ခြင်း နဲ့ မထိုက်တန်ဘူးထင်လို့ပါ။

    သူ က ကိုယ့်ဆီကနေ တောင်းပန်ခြင်းထက် ပိုပြီး ရသင့်တယ်ထင်လို့ပါ။ သူ့အပေါ်ပြုမိတဲ့ မတရားမှုတွေ တာဝန်မဲ့မှု တွေ အတွက် ပြစ်မှုတစ်ရပ်လို အစားပေးသင့်လို့ပါ။

    “တမလွန် ကျရင် မင်းနဲ့ ထိုက်တန်တဲ့ အစားကို ငါ့ဆီက ပေးပါ့မယ် အငယ်ကောင် ရေ” ရယ်လို့ အတွေး ပေါ်လာမိလို့ပါ။

    စပြော ရရင် အငယ်ကောင် ဆိုတဲ့ နာမည်က စ ရပါလိမ့်မယ်။ ၁၀တန်းဖြေပြီးတော့ မိသားစု စီးပွားရေးအတွက် မြို့ဟောင်းဘူတာအလွန်မှာ ဥစားကြက်မွေးမြူရေး တစ်ပိုင်တစ်နိုင်လုပ်ခဲ့တယ်။ခြံစောင့်ဘို့ ဆိုပြီး အဖေ့ရဲ့ ဝန်ထမ်းတစ်ယောက် က နို့လွတ်စ ခွေးနှစ်ကောင် လက်ဆောင်ပေးခဲ့တယ်။

    ကြီးတဲ့ကောင်ကို အကြီးကောင်၊ ငယ်တဲ့ အကောင် ကို အငယ်ကောင် ရယ်လို့ ခပ်လွယ်လွယ် စဉ်းတောင်မစဉ်းစားဘဲ နာမည်ပေးခဲ့တယ်။ ပေါ့ပျက်ပျက် တန်ဘိုး မထား၊အလေးအထား ခဲ့ခြင်းအစပေါ့။

    ကိုယ့် အရိပ် ခိုနားသူ အမွေးခံ ခွေးမို့ သူ့  အတွက် လိုက်နာစရာ စည်းကမ်းတွေ က တစ်ပုံကြီးပါ။ ကိုယ့်ဘက် က ပေးမဲ့ သူ့ပိုင်ခွင့်ကတော့ ရေရေရာရာ မရှိလှပါ။ တိတိကျကျ မပိုင်းဖြတ်ထားပါ။ ကျွေးတာစား၊ထားသလို နေ ဘဲပေါ့။

    လှောင်ထားတဲ့ခြံ ထဲက ကြက်တစ်ကောင်တစ်လေ အပြင်ထွက်လာရင် ကိုယ်သိအောင် ဟောင်သံပေးတတ်တယ်။ ဒါပေမဲ့ သူ့ မှာ စိတ်နဲ့တောင် ဒီကြက်တွေ မပြစ်မှားရဲဘူး။ သူ့ကိုယ်ပေါ်က သန်းတွေ မွှားတွေ လာပြီးဆိတ်စွဲ စားတတ်တဲ့ကြက်ကလေး
    တွေ က သူ့ ကို မကြောက်ဘူး။သူ အိပ်နေတောင် သူ့ကိုယ်ပေါ် ခုန်တက်ပြီး မြေပြင်လို ယက်မွှေ ထိုးဆိတ် တောင် မာန်မဖီဝံ့တာ ကြက်ကလေးတွေ သိနေပုံဘဲ။ ကိုယ့် ရဲ့ ခပ်ကြမ်းကြမ်း ပုံစံပေးထားတာ အငယ်ကောင် ကောင်းကောင်း သင်ခန်းစာ ယူထားပြီးပြီဘဲ။

    ကိုယ် ထမင်းမချက်တဲ့နေ့  ကိုဘသိုက် လဘက်ရည်ဆိုင်က နံပြားနှစ်ချပ်နဲ့ တနပ်စာပြီးပြတ်ခဲ့တဲ့ အငယ်ကောင်။ မုံရွာကျောင်းဆရာတော် ဦးဥက္ကံ စွန့်ကျဲတဲ့ ခွေးစာထဲ က သူ့အတွက် အနည်းကျဉ်းယူလာကျွေးလဲ မငြိုမငြင် ကျေးဇူးတင်ပြီး အမြီးတနှံ့နှံ့နဲ့  သခင့် စိတ်အေးစေ တဲ့ အငယ်ကောင်။

    ဒီ အကောင် ဟာ တစ်ကယ်တော့ ကျွန်တော့် အပေါ် အတော် သံယောဇဉ်ကြီးတယ်။ သစ္စာရှိတယ်။ တစ်နှစ်လောက်ကြာတော့ ကျွန်တော် ကြက်ခြံမှာ နေရတာငြီးငွေ့လာပြီ။ ဒေသကောလိပ်တွေ ဖွင့်မယ်ဆိုတော့ ကျောင်းတက်ဘို့လည်း စိတ်လှုပ်ရှားပြီ။
    အဖေ က လည်း မြို့ဟောင်းဘူတာ ကနေ မန္တလေးဘူတာ ပြောင်းမိန့်ကျလို့ ပြောင်းသွားတာ ၆လ လောက်ကြာပြီ။

    ဒီတော့ ကြက်ခြံ လုပ်ငန်းရပ်လိုက်ဘို့ ဆုံးဖြတ်လိုက်ကြသည်။ ကြက်တွေ လည်း ရောင်းပစ်လိုက်ရန် ဆုံးဖြတ်ကျသည်။ မြို့ဟောင်းဈေးထိပ် က ကြက်ဒိုင် နဲ့ ဈေးပြတ်သဖြင့် ရောင်းလိုက်သည်။ ကြက်တွေ ကို ကြက်ခြင်းထဲ ဖမ်းထဲ့ပြီး မြင်းလှည်းနဲ့ သယ်သွားသည်။ အငယ်ကောင် ပြဿနာ တက်ပြီ။ကြက်တွေ သယ်တဲ့ မြင်းလှည်းကို နောက် က လိုက်ဟောင်သည်။ရှေ့က ပိတ်ပြီးဟောင်သည်။ ကျွန်တော့် ဆီ ပြေးလာပြီး ဟောင်သည်။ပုဆိုးစ ကို ဆွဲသည်။ သူ့ အမူအရာ က တစ်ခုခု လုပ်ပါအုန်း ဆိုသည့် သဘောပင်။

    သူ နှင့် ကြက်တင် မြင်းလှည်း ကို ကြည့်ပြီး အမေ့မျက်နှာ မကောင်းတော့။ မျက်ရည်တွေ ဝိုင်းနေပြီ။ ကိုယ်ထင် မိလိုက်တာက အမေ လည်း ကြက်တွေ ကို နစ်မြောနေပြီ လားပေါ့။ ဈေးထိပ်ရောက်သည် အထိ အငယ်ကောင် ဇွဲမလျော့။လိုက်ဆဲ။ဟောင်ဆဲ။
    ကြက်ခြင်းသယ် မဲ့လူ ကပ်မရလို့  ကိုယ့်လာခေါ်ရတယ်။ အော်ငေါက် လိုက်မှ အမြီးကုပ်ပြီး ကိုယ့်နောက်ပြန်လိုက်ခဲ့တယ်။ အငယ်ကောင့် ရဲ့ သောက ဗျာပါဒ ကို ကိုယ်နားမလည်ခဲ့။

    မကြာမီ ဖွင့်တော့မည့်ကျောင်း ကို တက်ဘို့ သာ တွေးပျော်နေသည် ကိုး။ နေ့ည တာဝန်ကြီးသော ကြက်ခြံ လုပ်ငန်း ကိုလည်း ပျင်းရိငြီးငွေ့လာသည်လည်း တစ်ကြောင်းဖြစ်မည်။ လက်ရှိနေသည့် အိမ်က မန္တလေး ဘူတာကြီး အပေါ်ထပ်မှာ မို့
    အငယ်ကောင် ကို အိမ် ခေါ်သွားမရ။

    ဒီတော့ ထုံးစံ အတိုင်း ဆရာတော်ဦးဥက္ကံ မှ လက်ခံစောင့်ရှောက်ပေးပါရန် တောင်းပန် လျှောက်ထားရပြန်ပါသည်။ အငယ်ကောင် ကို နဂိုထဲက နှစ်သက်သော ဆရာတော်က အလွယ်ပင် လက်ခံခဲ့ပါသည်။

    ၁၀တန်း အမှတ်နည်းသည်ကို ကာမိပြီး စက်မှုတက္ကသ်ုလ် တက်ရပါမည့် အရေး အသည်းသန် စာကြိုးစား နေရသဖြင့် အငယ်ကောင် နေရာ မုံရွာကျောင်း ကို မရောက်ဖြစ်တော့။

    စက်မှုတက္ကသိုလ် တတိယနှစ်အပြီး အဖေ ဒုတိယအကြိမ်ပြောင်းလာခဲ့ ပြန်သော မြို့ဟောင်းဘူတာ အိမ်သို့ ပြန်ခဲ့ပါသည်။

    မုံရွာကျောင်း လည်း သွားဖြစ်ဘို့ အခွင့်ရလာသည်။ နှစ်ပေါင်းများစွာ ကြာအောင်ခွဲခွာ ခဲ့သော သခင် ကို ပြန်တွေ့ရသော အငယ်ကောင် အူးမြူးနေပုံ မှာ ဆရာတော်ပင် သတိထားမိစရာဖြစ်ခဲ့သည်။အပြေးလာလိုက်။ခြေထောက်ကို လျက်လိုက်၊နမ်းလိုက်။
    ပတပ်ရပ်ပြီး ဖက်ဘို့ ကြိုးစားလိုက်။မြေပြင်မှာ လူးလိမ့်လိုက်။ ဆွဲဆွဲငင်ငင် အူလိုက်။ဟောင်လိုက်။ အမူအရာအစုံ နဲ့ အကြိမ်ကြိမ် သရုပ်ပြပြီး ကျွန်တော့် ကို ပြောပြချင်တာ တွေ လှစ်ဟ နေသလိုပါ။ သူ့မျက်လုံး နှင့် အကြည့်များတွင်လဲ အဓိပ္ပါယ် အစုံ ရှိနေသလိုပင်။
    မကြာမီ ပင်စင်ယူတော့မည့် အဖေနှင့် အမေတို့ တာဝန် ပိုမည်ထင်၍ အငယ်ကောင် ကို အိမ်ပြန်ခေါ်ဘို့ တော့ မလုပ်ဖြစ်ခဲ့။

    ဒီလို နဲ့ မေ့မေ့ပျောက်ပျောက် နှစ်တွေကြာခဲ့သည်။ ဆရာတော် နှင့်အမှတ်မထင် ပြန်ဆုံတော့ အငယ်ကောင့် အကြောင်း စကားစပ်မိသည်။ အငယ်ကောင် မရှိတော့ပြီပေါ့။ကြက်ခြံ နေရာ ၌ သာ နေလေ့ ရှိကြောင်း။ အဖေ့တပည့် က ကျွန်တော့် စက်ဘီး စီးပြီး ဆရာ့တော်ကျောင်း လာလျင်ပင် စက်ဘီး ဘဲလ် သံ ကို ပင် မှတ်မိကြောင်း။ အငယ်ကောင် ၏ သခင့်အပေါ် တန်ဘိုးထား ချစ်ခင်မှုများပင်။ ထိုစဉ် က စကားထဲ ထည့်ပြော သော်လည်း အလေးနက်မဖြစ်ခဲ့။

    (အသိ၊သတိကောင်းတွေရှိတဲ့ နေ့တစ်နေ့ မှာ ရှေးဟောင်းနှောင်းဖြစ်တွေ တွေးမိတယ်။ တွေးရင်း နဲ့ အငယ်ကောင် ကို သတိတရဖြစ်မိတယ်။ အဲ့ဒီကျမှ သူ့ ကို တောင်းပန်ချင်လာတယ်။ ဒါပေမဲ့ သေသေခြာခြာ စဉ်းစားလိုက်တော့ မတောင်းပန်ချင်တော့ဘူး။)

    သူ့ အကြည့်တွေ မှာ သံယောစဉ် အရိပ်ငွေ့တွေ နဲ့ အတူ ရင့်ကျက်မှု ၊နားလည်မှု တွေပါ ရှိနေသလို မြင်ယောင်မိတယ်။ ကြက်တင်မြင်းလှည်း ကို ဟောင်နေတဲ့ နာကျင်ကြေကွဲမှု နဲ့ ပြည့်နေတဲ့ အသံက ဆိုလိုချက်ကို သိလာသလို ခံစားရတယ်။

    တတိယနှစ် အပြီးပြန်ဆုံချိန်က သူ့ အော်မြည်သံတွေ၊ ပူဆွေးမှုနဲ့ ပေးတဲ့ အူသံ တွေ ၊အပြုမူတွေ၊ ပြန်မြင်ယောင် ကြားယောင် မိရင်း မှ သတိထားမိတဲ့ ကိုယ့် ချို့ယွင်းချက်တွေ။အစီအရီပါလား။ တန်ဘိုးထား လေးစားအပ်ရာတွေ ကို သိနိုင်တဲ့ ရင့်ကျက်မှု
    တွေမရှိခဲ့ပါလား။ သူ့ တာဝန်နဲ့ အတူ ထပ်တူတန်ဘိုးထားစရာ သူ့ပိုင်ခွင့် တွေ ကို နားမလည်ခဲ့ပါလား။

    ခိုကိုးခွင့်ရခဲ့သူ မှာ ရပိုင်ခွင့် ရှိစရာမလိုလို့  ထင်ခဲ့တယ်။

    သူ့ ရဲ့ တာဝန်ကျေမှု နဲ့ သူ့ စေတနာ၊သံယောဇဉ် ဆိုတာတွေ ကို ခိုကိုးခွင့် လောက်နဲ့ တန်ဘိုးဖြတ်မိခဲ့တယ်။ ဒီလို လူသားတစ်ယောက် အနေနဲ့ တန်ဘိုးရှိတဲ့အမူကျင့်တွေရှိတဲ့ ခွေးတစ်ကောင် ရဲ့ ခွင့်လွှတ်ခြင်း ကို ထိုက်တန်၏ မထိုက်တန်၏ ဆိုတာ ကိုယ်တိုင် ဆုံးဖြတ်ကြည့်ပါ။

    ရေးသူ- အောင်ဇော်ဝင်း
    ဇန်နဝါရီ ၁ ၊ ၂၀၁၇

     

    **စာရေးသူထံမှ ခွင့်ပြုချက်တောင်း၍ ဖော်ပြခြင်းဖြစ်ပါသည်။

  • တရုတ်ပြည်၏ ပိုးလမ်းမကြီးပေါ်က မြန်မာ၏အခန်းကဏ္ဍ

    တရုတ်ပြည်၏ ပိုးလမ်းမကြီးပေါ်က မြန်မာ၏အခန်းကဏ္ဍ

    ဒီဇင်ဘာ ၃၁၊ ၂၀၁၆
    M-Media

    p1-br865_capec_16u_20141107194517

    ယခုနှစ် စက်တင်ဘာလအတွင်း ကျွန်ုပ် ဆောင်းပါးတစ်ပုဒ်ရေးခဲ့၏။ ၎င်း၌ တရုတ်ပြည်၏ One Belt One Road မဟာဗျူဟာတွင် မြန်မာနိုင်ငံသည် မဟာဗျူဟာမြောက် အချက်အခြာကျသော ကဏ္ဍတစ်ရပ်အဖြစ် ပါဝင်နေကြောင်း တင်ပြထားသည်။ သို့သော် မြန်မာသည် လက်ရှိ လှုပ်ရှားဆောင်ရွက်မှုများ အရ ဤအနေအထား၌ ရှိမနေနိုင်ပါဟု လူအများအပြားက မှတ်ချက်ပြုလာကြသည်။ သို့ရှိရာ ထိုလှုပ်ရှားဆောင်ရွက်မှုအချို့ကို ပထမဆုံး စူးစမ်းကြည့်ပြီးနောက် ဤအခန်းကဏ္ဍထဲ ပါဝင်မှုရှိ မရှိဟူသည်ကို အကဲဖြတ်ကြည့်ကြပါစို့။ သတိချပ်ရန်မှာ ယခင်ဆောင်းပါးသည် ပင်လယ်ရေကြောင်းလမ်းများ အပေါ်၌ လည်းကောင်း၊ အောက်ဖော်ပြပါ တရုတ်ပြည်၏ စွမ်းအင်လုံခြုံရေးအစီအမံအပေါ်၌လည်းကောင်း ဗဟိုပြုတင်ပြချက်ဖြစ်ကြောင်း သိစေချင်ပါသည်။ ဤဆောင်းပါးတွင်တော့ ကုန်းတွင်းလမ်းကြောင်းများအပေါ် သုံးသပ်မည်ဖြစ်ပြီး၊ ပင်လယ်ရေကြောင်း ဆိုင်ရာတွေးဆချက် မှ အပြောင်းအလဲများအပေါ် အထောက်အကူပြုနေသည့် ကျောထောက်နောက်ခံ အဆောက်အဦတို့ကို ပြန်လည် တင်ပြပါမည်။

    ပထ၀ီနိုင်ငံရေးအခင်းအကျင်း
    ——————————
    အမေရိကန်ပြည်ထောင်စု၏ ပိတ်ဆို့မှုဖယ်ရှားလိုက်ခြင်းနှင့်အတူ မြန်မာသည် အမေရိကန်နိုင်ငံနှင့် စီးပွားရေးအဆက်အဆံနှင့် ကုန်သွယ်ရေး၌ နွေးထွေးမှုဖြစ်လာခဲ့သည်။ ၎င်းက တရုတ်ပြည်အတွက် ၎င်း၏  အခြေခံအဆောက်အဦဆိုင်ရာ ရင်းနှီးမြှုပ်နှံမှု ပရိယာယ်ကို ပြန်လည်သုံးသပ်စေရာ ရောက်သောကြောင့် မြန်မာ-တရုတ်ဆက်ဆံရေး အေးစက်သွားနိုင်သည်ဟု အတွေးရောက်စေသည်။ သို့ရာတွင် အောက်ခြေမြေပြင်အဆင့်တွင် ယင်းသို့ဖြစ်ပေါ်မလာကြောင်း တွေ့ရသည်။ ဤသည်ကပင် တရုတ်ပြည်သည် မြန်မာပြည်အား အာရှတိုက်၏ အရေးပါသော အစိပ်အပိုင်းတစ်ရပ်အဖြစ် ရှုမြင်ထားပြီးဖြစ်သော သိမ်မွေ့သည့် သံတမန်ဆက်ဆံရေးအား ညွှန်းဆိုပြနေပေသည်။ အထောက်အထားပြုနိုင်သည့် ဥပမာအချက်များလည်း ရှိနေသည်။

    – နှစ်နိုင်ငံအကြား သံတမန်ဆက်ဆံရေး မြှင့်တင်တိုးတက်စေခြင်း (ဒေါ်အောင်ဆန်းစုကြည်သည် အမေရိကန်နှင့် ဥရောပ ခရီးစဉ်မတိုင်မီအလျင် တရုတ်ပြည်သို့ သွားရောက်ခဲ့သည်)
    – မြစ်ဆုံဆည်စီမံကိန်းအရေး ပြန်လည်အဖြေရှာရန်  အတွက် အခရာကျသည့် ရင်ကြားစေ့မှု အစီအမံများ
    – မြန်မာနိုင်ငံမြောက်ပိုင်း ပြည်နယ်များမှ ပဋိပက္ခဇုံများ၌ ရှိနေသော တရုတ်ပြည်၏ ဖျန်ဖြေသူအခန်းကဏ္ဍ

    ရခိုင်ပြည်နယ်အတွင်းဖြစ်စဉ်များအပေါ် အနောက်တိုင်း၏တုန့်ပြန်မှုမှာလည်း တရုတ်ပြည်၏ ဗျူဟာလမ်းကြောင်းထဲ ရောက်နေသည်ဟု ကျွန်ုပ်မှ ယူဆပါသည်။ နိုင်ငံအရေးအသာစီးရမှုထက် တရုတ်ပြည်သည် ပြည်ပနိုင်ငံများ၏ နိုင်ငံရေးကိစ္စများထဲ လက်ဝင်မလျှိုသည့် နည်းလမ်းကို စွဲကိုင်လိုက်သည်။ ရခိုင်ပြည်နယ်အရေးအပေါ် NLD အစိုးရ၏ ကိုင်တွယ်မှုနှင့်စပ်လျဉ်း၍ အနောက်တိုင်းမှ အသံကျယ်လောင်လာသဖြင့် ဤပြဿနာကို ပူးပေါင်းကူညီဖြေရှင်းရန် ဒေါ်အောင်ဆန်းစုကြည်က တရုတ်ပြည်အား ဆွဲမသွင်းဘဲ လူသိရှင်ကြား အနောက်တိုင်းသို့ ကမ်းလှမ်းလာတော့သည်။ တရုတ်ပြည်သည် ယဉ်ကျေးမှုစစ်ပွဲ အနိုင်ရရေးအလို့ငှာ ပြဿနာ၏ အစိတ်အပိုင်းထက် အဖြေရှာမှု၏အစိပ်အပိုင်းတစ်ရပ်အဖြစ် ပုံဖော်ပါဝင်လိုက်ဟန် ရှိပေသည်။

    ထောက်ပံ့ရေးကွင်းဆက်နှင့် စီးပွားရေးအတွေးအဆများ
    ——————————————————
    မြန်မာနိုင်ငံသည် လာမည့်နှစ်တွင် စီးပွားရေးတိုးတက်မှုနှုန်း ၈ ရာခိုင်နှုန်းဝန်းကျင် ရှိလာလိမ့်မည်ဟု ခန့်မှန်းကြသည်။ ADB နှင့်အခြားခန့်မှန်းချက်များအရ တရုတ်ပြည်မှာ ကုန်သွယ်ရေး၌ ၄၀ ရာခိုင်နှုန်းအထိ ပါဝင်နေပေမည်။ ဤကုန်သွယ်ရေး အထမြောက်ချောမောစေရန်အတွက် ဘဏ္ဍာရေးနှင့် အခြေခံအဆောက်အဦလုပ်ငန်းများ၌ အထူးနှုန်းထားသဘောတူညီချက်တို့ဖြင့် စီမံထားရှိပြီးဖြစ်သည်။ အဆိုပါချေးငွေများကို တရုတ်စီးပွားရေးအုပ်စုများမှ ကိုင်တွယ်ဆောင်ရွက်သွားမည့် ခွင့်ပြုချက်ရ စီမံကိန်းများအပေါ် အခြေခံထားပေသည်။ ထိုစီမံကိန်းများက မြန်မာလူထုအား မခံမရပ်နိုင်အောင် ထိုးဆွလျက်ရှိသည်။ ဤခြေလှမ်းမှာ မြစ်ဆုံဆည်စီမံကိန်းစေ့စပ်မှုများမှ အစိပ်အပိုင်းဖြစ်ပြီး ယူနန်-ကျောက်ဖြူ စင်္ကြန် လမ်းကြောင်းအား လုံခြုံစိတ်ချသွားစေရေးအတွက် တရုတ်ပြည်၏ အပျော့စား ငုတ်တိုင်စိုက်မှုဖြစ်မည်ဟု ခန့်မှန်းရသည်။

    BCIM (ဘင်္ဂလားဒေ့ရှ်၊ တရုတ်၊ အိန္ဒိယ၊ မြန်မာ) စီးပွားရေးပူးပေါင်းဆောင်ရွက်မှုပဋိညာဉ်အား လက်မှတ်ရေးထိုးခြင်းတွင်လည်း ထပ်မံတိုးတက်မှုများကို တွေ့မြင်ရသည်။ ဤသဘောတူညီချက်မှ ရလဒ်မှာ ကလကတ္တား – ဒါကာ – မန္တလေး – ခွန်းမင်(ကူမင်း) တို့အကြား သယ်ယူပို့ဆောင်ရေး၊ စွမ်းအင်နှင့် ဆက်သွယ်ရေး စင်္ကြံန်အချိတ်အဆက်တစ်ရပ်ကို ဖန်တီးရန်ဖြစ်သည်။ ဖော်ပြထားသည့် မြေပုံအပေါ် ထပ်ဆင့် လေ့လာကြည့်ပါက မန္တလေးမြို့အား ဗဟိုဋ္ဌာနအဖြစ် သတ်မှတ်ထားသည့် အနေအထားကို တမဟုတ်ချင်း နားလည်သိမြင်လာပါလိမ့်မည်။ သို့တစေ ရထားလမ်းကြောင်းများ၊ ရေကြောင်းကုန်စည်အတင်အချ အဆင်ပြေစေမည့် အထူးစီးပွားရေးဇုံများ ဖန်တီးရေး အပါအ၀င် လက်တွေ့ကျကျ ဖြေရှင်းစရာ ပြဿနာအချို့တော့ ရှိနေ၏။ ရှေ့ဆက်ဆိုရပါလျှင် အနောက်တိုင်းနှင့် အရှေ့တိုင်းကို ဆက်သွယ်ထားသည့် သယ်ယူပို့ဆောင်ရေးစကြံ င်္န်အသီးသီးကို ကျွန်ုပ်တို့ တွေ့မြင်နိုင်ပါမည်။ ၎င်းက တရုတ်ပြည်အဖို့ (လမ်းကြောင်းရှည်လျား စားရိတ်များသည့်) မလက္ကာရေလက်ကြားကို အသုံးမပြုတော့ဘဲ ကုန်သွယ်ရေးနှင့် စွမ်းအင်လမ်းကြောင်းများအတွက် အာမခံချက်ရှိသွားသောကြောင့် စင်္ကာပူ၏ အချက်အခြာအနေအထားမှာ အကြီးအကျယ် ထိခိုက်လာမည်ကို မီးမောင်းထိုးပြနေပေသည်။

    ဥရောပဒေသတခွင် ဖြစ်ပျက်နေမှုများနှင့် အတူ မြန်မာသည် လွန်ခဲ့သော နှစ်ပေါင်း ၄၀ ကတည်းက အရှေ့-အနောက် ကုန်သွယ်ရေးအပေါ် စိုးမိုးထားသည့် ထောက်ပံ့ပို့ဆောင်ရေးချိန်ခွင်လျှာကို လုံးဝ ပြောင်းလဲတော့မည့် အနေအထားသို့ ရောက်ရှိနေသည်။ ၎င်းက စက်မှုလက်မှုလုပ်ငန်းရှင်များအတွက် စားရိတ်ကျဉ်း သီးသန့် ကုန်ထုတ်ဒေသများအဖြစ် လမ်းခင်းပေးတော့မည်ဖြစ်သည်။ သင်္ဘောထက် ရထားလမ်းက သယ်ယူစားရိတ် အတော်အတန် သက်သာစေကြောင်း ADB ၏ လေ့လာမှုတစ်ရပ်က ဆိုသည်။ သို့သော်လည်း ယင်းလေ့လာမှု၌ ရထားလမ်း အဆင့်ဆင့်သယ်ယူပို့ဆောင်မှု၏ အချိန်ကြန့်ကြာမှု၊ လမ်းပန်းအချိတ်အဆက်ပြဿနာ၊  နယ်စပ်ဖြတ်ကျော်ရေးကြိုးနီစနစ် အပြင် BCIM ပူးပေါင်းဆောင်ရွက်မှု သဘောတူညီချက်၏ အတိုင်းအတာများကိုမူ ထည့်သွင်းတွက်ချက်ထားခြင်း မရှိချေ။

    ထို့အပြင် ရထားလမ်းသယ်ယူပို့ဆောင်မှုက ကုန်စည်သင်္ဘော ပို့ဆောင်မှုထက် ခရီးတာ သုံးဆ မြန်ဆန်သည်၊ ဤပေါင်းစည်းပို့ဆောင်မှု ပုံဟန်သည် ဘဏ္ဍာရေးအရ သက်သာမှုရှိသည် ဆိုသော်လည်း စဉ်းစားသုံးသပ်ရမည့် အချက်များလည်း ရှိနေပါသည်။ L/Cs ရှိ အချိန်ကာလနှင့် ငွေကြေး အတိုင်းအတာ၊ ရှည်လျားလှသော ရေကြောင်းခရီးရှိ ကုန်ပစ္စည်းတန်ဖိုးတို့ ဖြစ်သည်။ သင်္ဘောလုပ်ငန်းရှင်များအနေနှင့် အကူးအပြောင်းအချိန်ကာလ တိုးတက်အောင် ဆိပ်ကမ်းကြီးများနှင့် ကုန်စည်ခွဲခြမ်းမှုအား ဖွံ့ဖြိုးစေခြင်း/တွန်းအားပေးခြင်း၊ ၎င်းပြင် ကွန်တိန်နာအရေအတွက်-ခရီးမိုင်အကွာအဝေး-ကုန်ကျစားရိတ် ဆက်နွှယ်ချက်အား လျှော့ချခြင်းတို့ဖြင့် ပြန်လည်တုန့်ပြန်နိုင်ကောင်းပေမည်။ သို့သော် ဤစိုးရိမ်မှုများသည် အဓိကကျသည့် ဆိပ်ကမ်းများနှင့် တူးမြောင်းများဆိုင်ရာ ဗျူဟာခင်းကျင်းမှုအပေါ် မူတည်နေပါသည်။ ဤအကြောင်းအချက်များအားလုံးက LC exposure ကာလကို လျှော့ကျစေရေးသာမက ရေကြောင်းသယ်ယူရေးကြာမြင့်ချိန် တိုးတက်လာရေးကို အထောက်အကူပြုလိမ့်မည်ဖြစ်ပါသည်။

    နိဂုံး
    —-
    ကုန်းကြောင်းရေကြောင်း အပြန်အလှန် ပြည့်စုံစေမှုက မြန်မာနိုင်ငံသည် One Belt One Road မဟာဗျူဟာ၌ အဓိကအခန်းကဏ္ဍအဖြစ် တည်ရှိနေသေးကြောင်း သိသာစေပါသည်။ ဒူဘိုင်းသည်လည်း ဤပုံဟန်ပေါ် အခြေပြု၍ ထောက်ပံ့ပို့ဆောင်ရေးကို တည်ဆောက်ထားခြင်း ဖြစ်သည်။ အကယ်၍ မြန်မာနိုင်ငံသည် ဒူဘိုင်း၏ သင်ခန်းစာကို ရယူတတ်မည်ဆိုပါက တရုတ်၏ဗျူဟာအတွင်းမှပင် နိုင်ငံတကာကုန်သွယ်မှုကြားစခန်းအဖြစ်သို့ တိုးမြှင့်ဖော်ဆောင်သွားနိုင်ပါလိမ့်မည်။

    ××××××××××××

    Andre Wheeler ၏ Myanmar’s role along China’s new Silk Road သုံးသပ်ချက်အမြင်ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုသည်။

    (ဆောင်းပါးရှင် Andre Wheeler သည် Wheeler Management အတိုင်ပင်ခံလုပ်ငန်းစုကို ၁၉၉၇ ခုနှစ်က တည်ထောင်ပြီး၊ ၎င်းသည် ၂၀၁၄ ခုနှစ်တွင် Asia Pacific Connex ဟူ၍ဖြစ်လာသည်။ အဓိကလုပ်ငန်းမှာ ရေနံ၊ သဘာဝဓာတ်ငွေ့၊ EPCM၊ ရေကြောင်းဝန်ဆောင်မှုနှင့် သတ္ထုတူးဖော်ရေးတို့ဖြစ်သည်။ ဘဏ္ဍာရေး၊ လုပ်ငန်းရှင်တို့၏ပြဿနာအဖြေရှာရေး၊ စွန့်ဦးတီထွင်မှုဆိုင်ရာ စီးပွားရေးဖွံ့ဖြိုးမှုနှင့် စီမံကိန်းကိုင်တွယ်မှုတို့၌လည်း အတွေ့အကြုံရင့်ကျက်သည်။ ရံပုံငွေအဖွဲ့အစည်းကြီးငါးခု၏ အထူးအကြံပေးပုဂ္ဂိုလ်လည်းဖြစ်သည်။)

  • အွမ္မရဟ် အတွက် ကီလိုမီတာ ၉၀၀၀ ကျော်ခရီးကို ခြေလျင်သွားသည့် စပိန်မှ မွတ်စ်လင်မ်တစ်ဦး

    အွမ္မရဟ် အတွက် ကီလိုမီတာ ၉၀၀၀ ကျော်ခရီးကို ခြေလျင်သွားသည့် စပိန်မှ မွတ်စ်လင်မ်တစ်ဦး

    ဒီဇင်ဘာ ၃၁ ၊၂၀၁၆
    M-Media
    hajj
    အွမ္မရဟ်ပြုရန်အတွက် စပိန်နိုင်ငံမှ မွတ်စ်လင်မ်တစ်ဦးသည် လွန်ခဲ့သော ၅ လခွဲမှစ၍ ကီလိုမီတာ ၉၀၀၀ ကျော်ခရီးကို ပဲရစ်မြို့မှ ခြေလျင်လျှောက်သွားရောက်ခဲ့ကြောင်း သိရသည်။

    အစ္စဟာ့က်သည် ပြင်သစ်မှ မက္ကဟ်သို့ ခြေလျင်သွားရန် ရည်ရွယ်ခဲ့ကြောင်း၊ ယင်းခရီးစဉ်အတွက် တစ်နေ့လျှင် ၁၀ ယူရိုငွေ – စုစုပေါင်း ယူရို ၅၀၀၀ သာအသုံးပြုရန် စီမံခဲ့ကြောင်း၊ ခရီးစဉ်အတွင်း လူအများ၏ထောက်ပံ့ငွေကို ငြင်းဆန်ခဲ့ကြောင်း ကူဝိတ်သတင်းစာ Al Rai မှဖော်ပြခဲ့သည်။

    ကြမ်းတမ်းဆိုးဝါးသည့် ရာသီဥတုအခြေအနေကြောင့် အစ္စဟာ့က်အနေနှင့် ခရီးစဉ်အတွင်းမှာလည်း အခက်အခဲများစွာ ကြုံတွေ့ခဲ့ရသည်။ တစ်ကြိမ်တွင် အအေးဒဏ်ကြောင့် ခြေနှင့်လက်များ ထုံကျင်သောဝေဒနာ ခံစားခဲ့ရသည်။

    မြင့်မြတ်နယ်မြေသို့ ခြေလျင်သွားရောက်ကြသူမှာ အစ္စဟာ့က် တစ်ဦးတည်းမဟုတ်ပါ။ ၂၀၁၂ ခုနှစ်က ဘော့စနီးယား အမျိုးသားတစ်ဦးကလည်း ဟဂ်ျတာဝန် ထမ်းဆောင်ရန် ကီလိုမီတာ ၅၇၀၀ ကျော် ခြေလျင်ခရီးဖြင့် အရောက်သွားခဲ့ဖူးသည်။ ယခုနှစ်တွင် တရုတ်မွတ်စ်လင်မ် တစ်ဦးနှင့် ရုရှားမွတ်စ်လင်မ် တစ်ဦးမှလည်း စက်ဘီးဖြင့် ဟဂ်ျခရီးစဉ် သွားရောက်ခဲ့ကြောင်း သိရသည်။

    Source: Ilmfeed
    World Bulletin

  • NVC လက်ခံသင့် /လက်မခံသင့် ? မြန်မာမွတ်စလင်မ် လူအဖွဲ့အစည်းမှ တုံပြန်မှုများ (၂)

    NVC လက်ခံသင့် /လက်မခံသင့် ? မြန်မာမွတ်စလင်မ် လူအဖွဲ့အစည်းမှ တုံပြန်မှုများ (၂)

    ဒီဇင်ဘာ ၃၀ ၊၂၀၁၆
    M-Media
    စုစည်းတင်ဆက်သူ- သီဟ

    နိုင်ငံသားစိစစ်ခံရမည့်သူ၏ သက်သေခံကတ်ပြား Identity Card for National Verification (NV Card) ထုတ်ပေးခြင်းကိစ္စနှင့် ပတ်သက်ပြီး  အများဆုံးရိုက်ခတ်မှုတွေရှိနေတဲ့ မြန်မာနိုင်ငံသား အစ္စလာမ်ဘာသာဝင်တွေ အကြား အမြင်တွေကို သိရအောင် မြန်မာမွတ်စလင်မ် အဖွဲ့အစည်းများမှ တာဝန်ရှိခေါင်းဆောင်များ၊ ဥပဒေပညာရှင်များနှင့် တက်ကြွလှုပ်ရှားသူများကို အမြင်များကို စုစည်းဖော်ပြလိုက်ပါတယ်။

    ဦးဝဏ္ဏရွှေ ( တွဲဘက် အတွင်းရေးမှူးချုပ်၊ အစ္စလာမ်ကောင်စီဌာနချုပ်)
    wana-shwe

    နိုင်ငံသား စိစစ်ရေးကတ်ပြားလျှောက်ထားသူတွေကို NV Card ထုတ်ပေးတာဟာ နောက်ပိုင်း ဒီကတ်ပြားကိုင်ဆောင်ထားသူတွေ အားလုံးကို သိမ်းကျုံးပြီး တရား မဝင် ဝင်ရောက်လာသူတွေလို့ အထင်မှားပြီး  ပြည်သူတွေကြား မှာ စိတ်ဝမ်းကွဲစရာ ဖြစ်ပေါ်လာလိမ့်မယ်။

    အရင်တုန်းကလည်း နိုင်ငံသားစိစစ်ခြင်းကိစ္စကို အပြီးအပြတ် ဆောင်ရွက်ပေးခြင်း မပြုခဲ့ဘဲ ယာယီသက်သေခံကတ်ပြား(White Card)များကို ထုတ်ပေးခဲ့ တဲ့အတွက်ကြောင့် ပြည်သူများအကြား စိတ်ဝမ်းကွဲခဲ့ရပြီး အပြစ်မဲ့သူတွေရဲ့အသက် အိုးအိမ် စည်းစိမ်တွေ ဝမ်းနည်းဖွယ်ရာ ဆုံးရှုံးခဲ့ရတယ်။

    နိုင်ငံ၏ ပုံရိပ်ကို ထိခိုက်ခဲ့ရပြီး နိုင်ငံဖွံဖြိုးတိုးတက်မှုကို အဟန့်အတားဖြစ်စေခဲ့ရလို့  နိုင်ငံသား ပြည်သူအားလုံး နစ်နာဆုံးရှုံးမှုကြုံတွေ့ခဲ့ရပါတယ်။

    နိုင်ငံသားစိစစ်ရေး ကတ်ပြားလျှောက်ထားသူတွေကို NV Card ထုတ်မပေးဘဲ ကျောသားရင်သားမခွဲ တိတိကျကျ  မှန်မှန်ကန်ကန် စိစစ်ပြီး တည်ဆဲဥပဒေများနဲ့အညီ နိုင်ငံသားဖြစ်သူတွေကို ကြန့်ကြာမှုမရှိဘဲ အမြန်ဆုံး နိုင်ငံသား စိစစ်ရေးကတ်ပြား ထုတ်ပေးဖို့ အရေးတကြီးလိုအပ်နေပါတယ်။

    အရင်အစိုးရလက်ထက်က မိုးပွင့်စီမံချက်၊အခု အစိုးရ လက်ထက် သစ္စာစီမံချက်တွေနဲ့ နိုင်ငံသားစိစစ်ရေးကတ်ပြားနှဲ့ အိမ်ထောင်စု စာရင်းတွေကို ကွင်းဆင်း  ဆောင်ရွက်ပေးတဲ့နေရာမှာ  အစ္စလာမ်ဘာသာဝင်တွေကို ချန်လှပ်ထားခဲ့တဲ့ကိစ္စနဲ့ အစ္စလာမ်ဘာသာဝင်တွေ  နိုင်ငံသားစိစစ်ရေးကတ်ပြား လျှောက်ထားတဲ့အခါ၊ အိမ်ထောင်စုစာရင်း ရွှေ့ပြောင်းတဲ့အခါ ၊ မွေးတိုးစာရင်း ရေးသွင်းတဲ့အခါမှာလည်း  ကြန့်ကြာမှု ကြုံတွေ့နေရပါတယ်။

    နိုင်ငံသား စိစစ်မှု ကြန့်ကြာတဲ့ အတွက်ကြောင့်ပညာသင်ကြားရေးကိစ္စ အခက်အခဲရှိသူတွေကို  အလျင်အမြန် ဦးစားပေး စိစစ်ပေးဖို့လိုပါတယ်။

    နိုင်ငံသား စိစစ်တဲ့ကိစ္စ၊ အိမ်ထောင်စုစာရင်း ရွှေ့ပြောင်းတဲ့ ကိစ္စ၊ မွေးတိုး စာရင်းသွင်းတဲ့ကိစ္စများတွေကို တိကျမှန်ကန် မြန်ဆန်စေဖို့ အမြန်ဆုံး ပြုပြင်ပြောင်းလဲ စီမံချက်ချဆောင်ရွက်ပေးဖို့အရေးကြီးပါတယ်။

    ဒါကြောင့် မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးက ပြည်သူတွေကြားမှာ စိတ်ဝမ်းကွဲစရာဖြစ်ပေါ်လာစေနိုင်တဲ့ NV Card ထုတ်ပေးနေ တဲ့ကိစ္စ။
    တည်ဆဲဥပဒေများနဲ့အညီ နိုင်ငံသားဖြစ်သူတွေ ကြန့်ကြာမှုမရှိစေဘဲ နိုင်ငံသားစိစစ်ရေးကတ်ပြား ရရှိစေရေးကိစ္စ တွေကို နိုင်ငံတော် အကြီးအကဲတွေနဲ့သက်ဆိုင်ရာဝန်ကြီးဌာနတွေကို ရှင်းလင်းတင်ပြတောင်းဆိုနေတာဖြစ်ပါတယ်။

    ဒီကိစ္စတွေကို အစ္စလာမ်ဘာသာဝင်တွေလည်း အရှိ အမှန်အတိုင်း  နားလည်သိရှိအာင် ရှင်းလင်းတင်ပြနေပါတယ်။

    ကိုမြအေး
    ko-mya-aye
    ဘာသာခြား (မွတ်စလင်မ်)တစ်ယောက်က မှတ်ပုံတင်သွားလုပ်ရင် ဘယ်တော့မှ အလွယ်တကူ မရဘူး။ မိဘတွေမှာ အထောက်အထားပြည့်စုံရင်တောင် စီစစ်မယ်ဆိုပြီး နှစ်နဲ့ချီခေါက်ထားကြတယ်။တချို့ဆို မှတ်ပုံတင်မရလို့ ဘွဲ့လက်မှတ်မရတာတွေလည်းရှိတယ်။ ဒါတွေက မလိုအပ်တဲ့အမုန်းပွားမှုတွေကို ထိုးဆွပေးနေသလိုဖြစ်နေတယ်။ ကျွန်တော်တို့က နိုင်ငံခြားသားတွေကို နိုင်ငံသားကဒ်ပေးပါလို့ တောင်းဆိုနေတာ မဟုတ်ဘူး။ နိုင်ငံသားဖြစ်ခွင့်ရှိသူတွေ နိုင်ငံသားတွေကိုတော့ ထပ်ပြီး NVC ဘာညာဆိုပြီး ဇာတ်လမ်းမရှုပ်ပါနဲ့။
    (DVB သတင်းဌာနသို့ ပြောကြားချက် ၂၈.၁၂.၂၀၁၆)

    ဦးအုန်းမောင် (တရားလွှတ်တော်ရှေ့နေ)

    u-ohme-maung

    မြန်မာနိုင်ငံ အတွင်းနှစ်ပေါင်းများစွာနေထိုင်လျက်ရှိပြီး နိုင်ငံသားစိစစ်ပေးခြင်း မရှိသဖြင့် လည်းကောင်း၊လျှောက်သော်လည်းနည်း အမျိုးမျိုးဖြင့်ငြင်းပယ် ၊လစ်လျူ ရှုခံခဲ့ရသဖြင့် လည်းကောင်း၊ မည်သည့် အထောက်အထားမျှ ကိုင်ဆောင် ခွင့်မရခဲ့ကြသော
    နိုင်ငံခြားသား မဟုတ်သည့်၊ ခိုးဝင်မဟုတ်သည့်သူများကိုလည်း ၁၉၈၂ ဥပဒေ ၁၉၈၃ နည်းဥပဒေတို့အရသာ စိစစ်ပေးသင့်ပါသည်။

    ၁၉၅၁ နည်းဥပဒေ အပိုဒ် ၁၃(၁)အရ ယာယီသက်သေခံလက်မှတ်လုပ်ငန်းစဉ်မရှိတော့သဖြင့် အပိုဒ် ၁၃(၄)အရ NVC လုပ်ငန်းစဉ်လည်း မလိုအပ်တော့ဟု ထင်မြင်ယူဆပါသဖြင့် NVC ထုတ်ပေးရန် မလိုအပ်တော့ဟုသဘောရိုးဖြင့် ယုံကြည်ပါသည်။

    (U Ohn Maung ၏ FB စာမျက်နှာတွင်ဖော်ပြချက်မှ ကောက်နှုတ်ဖော်ပြခြင်းဖြစ်ပါသည်။ )

    ဆက်စပ်သတင်းနှင့် ဆောင်းပါးများ ဖတ်ရှုဖို့
    ———————————————

    • NVC လက်ခံသင့် /လက်မခံသင့် ? မြန်မာမွတ်စလင်မ် လူအဖွဲ့အစည်းမှ တုံပြန်မှုများ (၁)
      http://www.m-mediagroup.com/news/63862
    • NVC ထုတ်ပေးခြင်း ကိစ္စ လ.ဝ.က နှင့် ဆွေးနွေးခဲ့မှု အစ္စလာမ်အဖွဲ့ကြီးမှ သတင်းထုတ်ပြန်
      http://www.m-mediagroup.com/news/63643
    • NVC ကိစ္စ မြန်မာမွတ်စလင်မ် အရပ်ဖက် အဖွဲ့အစည်းအချို့ သဘောထားထုတ်ပြန်
      http://www.m-mediagroup.com/news/63725
    • NO NVC ! (သူ့အမြင်)
      http://www.m-mediagroup.com/news/63359
    • NVC နဲ့ ပုဒ်မ-၆၅ ဆက်စပ်လာရင် နိုင်ငံသားဖြစ်ဖို့ အခွင့်အလမ်း နည်းသွားလိမ့်မယ်
      http://www.m-mediagroup.com/news/59912