Author: editor

M-Media သတင်းများကို Instant Articles ၀န်ဆောင်မှုဖြင့် ဖတ်ရှုနိုင်ပြီ။

အောက်တိုဘာ ၂၄ ၊ ၂၀၁၆
M-Media

M-Media ဝဘ်ဆိုဒ်မှ မှ နေ့စဉ် သတင်းများကို Facebook ရဲ့ နည်းပညာအသစ်ဖြစ်တဲ့ Instant Articles ၀န်ဆောင်မှု ဖြင့် ဖတ်ရှုနိုင်အောင် လုပ်ဆောင်ထားပါတယ်။

Instant Articles ဆိုတာ Smart Phone များဖြင့် Facebook App အသုံးပြုစဉ် လင့်ခ်တစ်ခုကို ကလစ်နှိပ်လိုက်တဲ့အခါ Facebook app အတွင်းက browser (သို့) အခြားမိုဘိုင်း ဘရောက်ဆာနဲ့ ဖွင့်ပြီး၊ တခြားဝက်ဘ်ဆိုဒ်ထဲကို ဆွဲခေါ်သွားမှာမဟုတ်ဘဲ၊ Facebook ထဲမှာတင် web စာမျက်နှာတစ်ခုလုံး တန်းပေါ်လာမှာဖြစ်ပါတယ်။ Web စာမျက်နှာတစ်ခုကို load လုပ်ဖို့ ကြာချိန်တွေ မရှိတော့ဘဲ၊ သတင်းတိုက်ရိုက်တန်းဖတ်နိုင်မယ့် ၀န်ဆောင်မှုဖြစ်ပါတယ်။ စောင်ဆိုင်းရမယ့် အချိန်သက်သာသွားမှာ ဖြစ်သလို Data သုံးစွဲမှု လျော့သွားတဲ့အတွက် ပိုက်ဆံ သက်သာစေမှာလဲဖြစ်ပါတယ်။

Instant Articles ၀န်ဆောင်မှု ဖြင့် ဖတ်ရှုနိုင်တဲ့ သတင်းလင့်ခ် တွေကတော့ လင့်ခ်တစ်ခုရဲ့ ခေါင်းစီးပုံညာဘက်ထောင့်မှာ ဒီလင့်ခ်က Instant Articles ဖြစ်ကြောင်း မိုးကြိုးသွားပုံလေး ပြပေးထားမှာဖြစ်ပါတယ်။

ဒါအပြင် Instant Articles ၀န်ဆောင်မှု မှာ မိမိတို့ ဖွင့်ဖတ်တဲ့သတင်းကို အလွယ်တကူ ထပ်ဆင့်မျှဝေနိုင်တဲ့ ဝန်ဆောင်မှုတွေ Facebook က ထည့်သွင်းပေးထားပါတယ်။

M-Media ရဲ့ သတင်းတွေကို ဦးဦးဖျားဖျား ဖတ်ရှုလိုလျင် M-Media Facebook Page ကို Like လုပ်ထားပြီး See First လုပ်ထားဖို့ တိုက်တွန်းပါတယ်။

Instant Articles ၀န်ဆောင်မှု ဖတ်လို့အောင် လုပ်ဆောင်ထားတဲ့ M-Media သတင်းတွေကို ဖတ်ရှုရာမှာ အခက်အခဲရှိရင် Message Box မှ တဆင့် စာပို့၍ လည်းကောင်း၊ ပိုစ်များအောက်မှာ ကော်မန့် ရေးသား၍ အကြောင်းကြားနိုင်ပါတယ်။

October 24, 2016
NLD အစိုးရ ဖြေပေးပါ။ (၁)

အောက်တိုဘာ ၂၄ ၊ ၂၀၁၆
M-Media
ဘသန်းထက် ရေးသည်။

ဒီကနေ ဆိုရှယ်မီဒီယာ မှာ သတင်းတပုဒ် ပြန့်နှံ့လာတယ်။ အကြောင်းက သာကေတ မြို့နယ်မှာ ရှိတဲ့ မိဘမဲ့ဂေဟာ အစ္စလာမ်ဘာသာရေး ကျောင်းကို မျိုးချစ်ဆိုသူတွေ သတင်းအရ ဝင်ရောက်စစ်ဆေးတယ်ဆိုတဲ့ ဓါတ်ပုံနဲ့ ဗီဒီယို ဖိုင်တဖိုင် ပါ အကြောင်းအရာတွေပါ။

ဒီဓါတ်ပုံနဲ့ ဗီဒီယိုကို ဆိုရှယ်မီဒီယာမှာ တင်တဲ့လူက တော့ “တန်ဘိုး” အမည်နဲ့ Facebook အသုံးပြုသူပါ။ ဓါတ်ပုံတွေနဲ့ တကွ ရေးထားတဲ့စာကတော့ အောက်အတိုင်းပါ။

“သာကေတမြို့နယ် လယ်ရွာသုဿန်ဟောင်းအတွင်းက
အစ္စလာမ်ဘာသာဝင်မိဘမဲ့ကျောင်းအား သတင်းအရ
မျိုးချစ်အဖွဲ့များမှဘသွားရောက်စစ်ဆေးနေတာပါ..”

အလားတူ ၈ မိနစ်ခန့် ရှိတဲ့ ရုပ်သံဖိုင် တဖိုင်ကို လည်း သူက တင်ခဲ့ပါသေးတယ်။ အဆိုပါရုပ်သံမှာတော့ မိဘမဲ့ဂေဟာနဲ့ အစ္စလာမ်ဘာသာရေး စာသင်ကျောင်းရဲ့ ဥက္ကဌ ဖြစ်တဲ့ ဟာဂျီ ဦးမောင်မောင်က လာရောက်တဲ့လူတွေကို အသေးစိတ် ရှင်းပြနေတဲ့ ရုပ်သံပါ။

သာကေတ က မျိုးချစ်ဆိုသူတွေက အဆိုပါ မိဘမဲ့ဂေဟာကို အလှူငွေ ဘယ်က ရတယ်၊ ကျောင်းသား ဘယ်လောက်ရှိတယ်၊ ဘယ်က လာတယ် တရားခံကို ရဲ က စစ်သလို စစ်မေးနေတာကို တွေ့ရပါတယ်။

မိဘမဲ့ ဂေဟာ ဥက္ကဌ ဟာဂျီဥိးမောင်မောင်က ယခု အဆောက်အအုံဟာ စစ်အစိုးရ လက်ထက် ကမာရွတ်မြို့နယ်က ကြံတော မွတ်စလင်မ် သုသာန်ဖျက်ခံရတဲ့အချိန် အဆိုပါ သုဿန်ဝင်းထဲမှာ ရှိတဲ့ ဘာသာရေး စာသင်ကျောင်း အစား ပေးခဲ့တဲ့ နေရာဖြစ်ပြိး အဆောက်အအုံက အစ အစိုးရ ဆောက်ပေးခဲ့တာ ဖြစ်ကြောင်း၊ အဆိုပါအချိန်က အာဏာပိုင်တွေဖြစ်တဲ့ ဗိုလ်ချူပ်ခင်ညွှန့်၊ ဗိုလ်ချူပ်တင်ဦးတို့ကိုယ်တိုင် တရားဝင် အစားပေးဖို့ ညွှန့်ကြားခဲ့တာ ဖြစ်ပြီး မြို့တော်ဝန်ဦးကိုလေးက လယ်ရွာသုသာန်ဟောင်း ဝင်းအတွင်းမြေနေရာ စီစဉ်ပေးခဲ့တာဖြစ်ကြောင်း၊ စာရွက်စာတမ်း အထောက်အထားများလိုချင်ပါက ချက်ခြင်းမိတ္တူဆွဲခိုင်း ယူသွားဖို့ စီစဉ်ပေးနေတာကို မြင်တွေ့ခဲ့ရပါတယ်။

မေးချင်တာက မျိုးချစ် ဆိုတဲ့ လူတစုဟာ သတင်းရတယ် ဆိုတာနဲ့ မိမိနဲ့ ဘာသာမတူသူတွေရဲ့ ပိုင်နက် အဆောက်အအုံကို အာဏာပိုင် တရပ်လို့ ဝင်ရောက် စစ်ဆေးမေးမြန်းခွင့် ရှိပါသလား? သက်ဆိုင်ရာ အုပ်ချူပ်ရေး အာဏာပိုင်တွေ မပါဘဲ ထင်သလို ဝင်ချင်တိုင်းဝင် ထွက်ချင်တိုင်းထွက် ပြီး ဝင်ရောက်စစ်ဆေးတာဟာ ဥပဒေနဲ့ ညီသလား?။

ဒီလို စစ်ဆေးမှုတွေကို သာသနာရေးဝန်ကြီးဌာန၊ ပြည်ထဲရေးဝန်ကြီးဌာနမှ တာဝန်ရှိသူတွေမဟုတ်ဘဲ ထင်သလို ဝင်ပြိး ဆိုရှယ်မီဒီယာမှာ စည်းမဲ့ကမ်းမဲ့ ဖြန့်ချီနေတာ လူမျိုးရေး ၊ ဘာသာရေး ပြသနာတွေ ကြီးထွားအောင် မီးမွှေးတာ မဟုတ်ဘူးလား ? အခုလို ဥပဒေမဲ့ လုပ်ဆောင်နေတာကို အစိုးရ အာဏာပိုင်တွေအနေနဲ့ တစုံတရာ အရေးယူ ဟန့်တားဆောင်ရွက်ဖို့ တာဝန်မရှိဘူးလား?

၂၀၁၅ ရွေးကောက်ပွဲမှာ မဲအပြတ်အသတ်နိုင်ပြီး အစိုးရ တရပ်ဖြစ်လာတဲ့ NLD အစိုးရဟာ ဘာသာစုံ က နိုင်ငံသားတွေရဲ့ အသဲတကြားက မဲတပြားနဲ့ အနိုင်ရလာဖြစ်လို့ နိုင်ငံသားအားလုံးရဲ့ လွတ်လပ်စွာ ကိုးကွယ်ပိုင်ခွင့်နဲ့ အခြေခံ အခွင့်အရေးတွေကို ကာကွယ်စောင့်ရှောက်ပေးရမှာ တာဝန်တရပ်ဖြစ်ပါတယ်။

မျိုးချစ် အမည်ခံ အဖွဲ့တွေ ဒီလို ဥပဒေမဲ့ ထင်သလို လုပ်ရပ်တွေကို NLD အစိုးရ အနေနဲ့ အရေးယူဆောင်ရွက်ခြင်း မရှိဘဲ မသိကျိုးနွံပြုလုပ်နေတာကြောင့် လူနည်းစု ဘာသာဝင်တွေကို ထင်သလို အနိုင်ကျင့်မှုတွေ တနေတခြားပိုမိုများပြားလာတာ အထင်အရှားပဲဖြစ်တယ်။

အခြေခံဥပဒေမှာ အတိအလင်း အာမခံပြဌာန်ထားတဲ့ လွတ်လပ်စွာ ကိုးကွယ်ပိုင်ခွင့်ကို ချိုးဖောက်ပြီး စိတ်ထင်တိုင်း ဥပဒေမဲ့ လုပ်ဆောင်နေတဲ့ မျိုးချစ် အမည်ခံ အုပ်စုတွေကို NLD အစိုးရအနေနဲ့ တရားဥပဒေ အတိုင်းမည်ကဲ့သို့ ဆောင်ရွက်ပေးမည် ကို မေးခွန်းထုတ်လိုပါတယ်။ ဒီလို ဥပဒေမဲ့ လုပ်ရပ်တွေ လုပ်ဆောင် အနိုင်ကျင့်မှုတွေကို NLD အစိုးရအနေနဲ့ ဘယ်လို အကာအကွယ်ပေးဆောင်ရွက်ပေးမလဲဆိုတာ သိလိုပါတယ်။

October 24, 2016
လူကုန်ကူးခံရသည့် ရခိုင်ပြည်နယ်မှ မွတ်စလင် (၁၇) ဦး ရွှေပေါက္ကံတွင် ရဲတပ်ဖွဲ့မှ ဖမ်းဆီး

အောက်တိုဘာ ၂၃၊ ၂၀၁၆
M-Media

– လူကုန်ကူးသူတွေကနေ တစ်ဆင့် မြောက်ဥက္ကလာပမြို့နယ်ကို ရောက်ရှိနေထိုင်နေတဲ့ ရခိုင်ပြည်နယ်က မွတ်စလင် ၁၇ ဦးကို ရဲတပ်ဖွဲ့က အထောက်အထားမဲ့ ခိုးဝင်သူများအဖြစ် သတ်မှတ်ကာ ဖမ်းဆီးလိုက်တယ်လို့ သိရပါတယ်။

အောက်တိုဘာ ၂၂ ရက်နေ့ ညပိုင်းက ရွှေပေါက္ကံမြို့၊ အလောင်းဘုရားလမ်းက နေအိမ်တစ်အိမ်ရဲ့ ခြံစည်းရိုးကို မသင်္ကာ ဖွယ် အမျိုးသားတစ်ဦးက ကျော်နင်းဝင်ရောက်နေတယ်လို့ သတင်းရရှိပြီးတဲ့နောက် ၀င်ရောက် ရှာဖွေရာမှာ တွေ့ရှိခဲ့တာ
ဖြစ်တယ်လို့ ရဲတပ်ဖွဲ့က သတင်းထုတ်ပြန်ထားပါတယ်။

“ကျွန်တော်တို့ ရခိုင်က ဘင်္ဂါလီ ၁၇ ဦးကို ဖမ်းဆီးလိုက်ပါတယ်” တို့ ရန်ကုန်က ရဲတပ်ဖွဲ့ဝင်တစ်ဦးက ပြောကြားခဲ့ပါတယ်။

အဲဒီ ၁၇ ဦးဟာ ရခိုင်ပြည်နယ် မြောက်ဦး၊ မင်းပြားနဲ့ ကျောက်တော်မြို့နယ်တွေကဖြစ်ပြီး လူကုန်ကူးသူတွေဖြစ်တဲ့ ၀င်းကျော်၊ အေးသိန်းတို့က မကွေးသို့လည်းကောင်း၊ မောင်ကျော်က ရန်ကုန်မြို့သို့လည်းကောင်း အသီးသီး ပို့ပေးခဲ့တာဖြစ်ပါတယ်။

မလေးရှားကို အောက်လမ်းကနေ သွားရောက်ဖို့အတွက် မြောက်ဥက္ကလာပက အဲဒီနေအိမ်ကို ရောက်ရှိနေတာ တစ်ပတ် ကျော်ရှိနေပြီး လူကုန်ကူးသူတွေကို ရန်ကုန်အရောက် ငွေကျပ် ၁၁ သိန်းပေးရကြောင်း၊ မလေးရှားသွားရောက်ဖို့ ငွေကျပ်
၁၂ သိန်းခွဲ ထပ်ပေးရမှာ ဖြစ်ကြောင်း ရဲတပ်ဖွဲ့က သတင်းထုတ်ပြန်ခဲ့ပါတယ်။

သူတို့ကိုသူတို့ ရိုဟင်ဂျာလို့ခေါ်ဆိုပြီး အစိုးရက ဘင်္ဂဂါလီလို့ သတ်မှတ်ထားတဲ့ ရခိုင်ပြည်နယ်က မွတ်စလင်တွေဟာ ကမ္ဘာ့ ဖိနှိပ်ချုပ်ချယ်မှုအခံရဆုံး လူ့အဖွဲ့အစည်းဖြစ်တယ်လို့ ကုလသမဂ္ဂက သတ်မှတ်ထားပါ။ သူတို့တွေက အဲဒီဖိနှိပ်ချုပ်မှုဒဏ်က လွတ်မြောက်ဖို့ လူကုန်ကူးသူတွေကတစ်ဆင့် နိုင်ငံရပ်ခြား အထူးသဖြင့် မလေးရှားကို ထိုင်းနိုင်ငံကနေ လွန်ခဲ့တဲ့ နှစ်အနည်းငယ်ကတည်းက တရားမ၀င် သွားရောက်နေကြတာဖြစ်ပြီး ၂၀၁၂ ခုနှစ်က မွတ်စလင်တွေကို ပစ်မှတ်ထားတဲ့ အကြမ်းဖက်တိုက်ခိုက်မှုတွေ ဖြစ်ပြီးကတည်းက ဒီလိုရွှေ့ပြောင်းထွက်ခွာမှုဟာ မြင့်တက်လာခဲ့ပါတယ်။

ရဲတပ်ဖွဲ့ကတော့ အခု ဖမ်းဆီးရမိသူတွေကို ရွှေပေါက္ကံနယ်မြေရဲစခန်း(ပ) ၅၁၈/၂၀၁၆၊ ရာဇသတ်ကြီးပုဒ်မ ၃၆၇/၃၇၀နဲ့ လည်းကောင်း၊ ၁၉၄၉ ခုနှစ် မြန်မာနိုင်ငံအတွင်းနေထိုင်သူများ မှတ်ပုံတင်ရေးအက်ဥပဒေ ၆(၂)/၆(၃)ဖြင့်လ ည်းကောင်း အမှုဖွင့်ကာ လူကုန်ကူးသူတွေဖြစ်တဲ့ ၀င်းကျော်၊ အေးသိန်းနဲ့ မောင်ကျော်တို့ (၃)ဦးကို ဖမ်းဆီးရမိရေး စုံစမ်းစစ်ဆေးနေတယ်လို့ ဆိုပါတယ်။

၂၀၁၄ သန်းခေါင်းစာရင်းအရ ရခိုင်ပြည်နယ်မှာ တိုင်းရင်းသားအဖြစ် အသိအမှတ်ပြုခံထားရတဲ့ ကမန်တိုင်းရင်းသားတွေ အပါအ၀င် အစ္စလာမ်ဘာသာဝင်ပေါင်း ၁ သန်းကျော်ရှိနေပြီး ခရီးသွားလာခွင့်၊ ဆေးကုသခွင့်၊ ပညာသင်ကြားခွင့်၊ ရွှေ့ပြောင်းနေထိုင်ခွင့်တွေကို
နှစ်ပေါင်းများစွာ ကြာအောင် ကန့်သတ်ခံထားရတာဖြစ်ပါတယ်။ တစ်နေရာကနေ တစ်နေရာသွားဖို့ လ၀ကရဲ့ ခွင့် ပြုချက်ကို ရယူရပြီး ဒါကိုလည်း အလွယ်တစ်ကူ ထုတ်ပေးမှု မရှိဘူးလို့ ဒေသခံတွေက ဆိုပါတယ်။

ရခိုင်ပြည်နယ်က မွတ်စလင်တွေရဲ့ ယခင်ရရှိခဲ့တဲ့ နိုင်ငံသားဖြစ်ကြောင်း အထောက်အထားတွေ၊ အိမ်ထောင်စုစာရင်း တွေကို လ၀က က ပြန်သိမ်းကာ အထောက်အထားမဲ့ဖြစ်အောင် လုပ်ပစ်တာမျိုးတွေလည်း ရှိတယ်လို့ သတင်းတွေ ထွက်ပေါ်ထားပါတယ်။

အဲဒီလူတွေကို အခုအချိန်အထိ အစိုးရက နိုင်ငံသားစီစစ်ရေးကို ကြပ်ကြပ်မတ်မတ် ဆောင်ရွက်မှု မရှိသေးဘဲ၊ ဘင်္ဂလားဒေ့ရ်ှက တရားမ၀င်ရောက်လာသူတွေလို့ ပြောဆိုထားပေမယ့် ဘင်္ဂလားဒေ့ရ်ှအစိုးရနဲ့လည်း ဒီကိစ္စကို တရားဝင် ဆက်သွယ်ဆောင်ရွက်တာမျိုး မရှိသေးပါဘူး။ ရခိုင်ပြည်နယ်ကိုကျော်ကာ ခရီးသွားသူတွေကိုတော့ ခိုးဝင် ခေါင်းစဉ်တပ်ပြီး ဖမ်းဆီးနေတာ ဖြစ်ပါတယ်။

ref:
Anadolu Agency
Yangon Police FB

October 23, 2016
သင်္ဃန်းကျွန်းရှိ အစ္စလာမ် ဘာသာရေး ဝတ်ပြုကျောင်းများအား ပြည်ထဲရေး ညွှန်ကြားချက်ဖြင့် ဝင်ရောက်စစ်ဆေးခဲ့

အောက်တိုဘာ ၂၃၊ ၂၀၁၆
M-Media
မိုးစက်

ရန်ကုန်။ ။ ရန်ကုန်တိုင်း၊ သင်္ဃန်းကျွန်းရှိ အစ္စလာမ်ဘာသာရေး ဝတ်ပြုကျောင်း အချို့ အား ပြည်ထဲရေးဝန်ကြီး ညွှန်ကြားချက်ဖြင့်ဆိုပြီး အောက်တိုဘာလ ၂၁ ရက် ညက ဝင်ရောက်စစ်ဆေးခဲ့တယ်လို့ သိရပါတယ်။

ဗလီအကျယ်အဝန်း၊ ဗလီ၏သက်တမ်းကာလ၊ ဗလီ၏အထပ်၊ ည အိပ်ဧည့်သည် ရှိ/မရှိ တို့ကို မေးမြန်းခဲ့ပြီး ပြည်ထဲရေးဝန်ကြီးဌာန လက်အောက်ခံ မြို့နယ်ရဲတပ်ဖွဲ့၊ ခရိုင်ရဲတပ်ဖွဲ့၊ လဝကမှတာဝန်ရှိသူများ၊ မြို့နယ် အုပ်ချုပ်ရေးမှူး၊ စည်ပင်သာယာရေးဝန်ကြီးဌာနနှင့် ရပ်ကွက်အတွင်း တာဝန်ရှိသူများမှ ပူးပေါင်းပါဝင်ခဲ့ကြပါတယ်လို့ သိရှိရပါတယ်။ ။

“သူတို့ဝင်စစ်တဲ့ ဗလီတိုင်းကို ဂေါပကတွေက ကြည်ဖြူစွာပဲ လက်ခံပြီး စစ်ဆေးခံပါတယ်။ ရုံးလုပ်ထုံး လုပ်နည်းအရ သူတို့လုပ်စရာရှိတာတွေ လုပ်သွားတယ်။ ပြည်ထဲရေး ညွှန်ကြားချက်ကြောင့် လာစစ်တယ်လို့ပဲ ပြောသွားတယ်” ဟု ရပ်ကွက်ရှိ ပြည်သူတစ်ဦးက M-Media ကို ပြောပါတယ်။

လာရောက်စစ်ဆေးသည့် တာဝန်ရှိသူများမှ မသကာင်္စရာလူများတွေ့လျှင် အာဏာ ပိုင်များကို ချက်ချင်းအကြောင်းကြားရန် နှင့် ရခိုင်ပြည်နယ် တောင်ကုတ်မှ ဧည့်သည်အဝင်အထွက် ရှိမရှိကိုလည်း ရဲမှူးမှ သက်ဆိုင်ရာ ဂေါပကအဖွဲ့ကို မေးမြန်းခဲ့ကြောင်း သိရပါတယ်။

October 23, 2016
မုန်တိုင်းဒဏ်ခံ အဆောက်အအုံများနှင့် မြန်မာလူမျိုးတို့ရဲ့ အလှူဒါန အာသီသ

အောက်တိုဘာ ၂၃ ၊ ၂၀၁၆
ရဲဆွေဝင်းရေးသည်။

မုန်တိုင်း ဝင်တတ်တဲ့လမ်းကြောင်းတွေမှာ နေထိုင်တဲ့ပြည်သူတွေအတွက် storm shelters တွေ ကြိုတင်ဆောက်တဲ့ အကြောင်းတွေ ဖတ်ရတယ်။

မုန်တိုင်းတွေက မလာခင် အနည်းဆုံး နာရီ ၂၀ လောက် ကြိုသတိပေးနိုင်တယ်။ တိုက်ခတ်ချိန်က အကြာဆုံး ၂ ရက်လောက်ပဲရှိတယ်။ အဲဒီ ၂ ရက်အတွက် လုံခြုံတဲ့ နားခိုရာ စီမံပေးနိုင်ရင်၊ လူအသေအပျောက် အများကြီးလျှော့ချနိုင်မယ်။ (ပစ္စည်းဆုံးရှုံးမှုကတော့ တစ်ပိုင်းပေါ့)

မုန်တိုင်းခိုဂေဟာ တွေကို မုန်တိုင်းဒီရေ လွှတ်တဲ့ ကုန်းတွေမှာ ဆောက်ရတယ်။

ရွာ လူဦးရေ အတွက် ခိုလုံဖို့ လုံလောက်တဲ့ ခိုင်ခန့်တဲ့အဆောက်အဦတွေ ရှိရမယ်။

သောက်ရေ နဲ့ စားစရာတွေ စီစဉ်ထားရတယ်။ သန့်ရှင်းရေးကိစ္စ အိမ်သာတွေ ရှိရတယ်။ လျှပ်စစ်မီးအတွက် မီးစက်တွေ စီစဉ်ထားရတယ်။

လူတစ်ယောက်ကို ၄၈ နာရီလောက် ခိုလုံခွင့်ပေးနိုင်ရင် သူ့အသက်ကို ကယ်လို့ရပြီ။

ဘင်္ဂလားဒေ့ရ်ှက အဲလိုမျိုး storm shelters တွေ နိုင်နိုင်ဆောက်ပေးထားနိုင်လို့ မုန်တိုင်းကြောင့် လူအသေအပျောက်နှုန်း အများကြီး လျှော့ချနိုင်တယ်တဲ့။

ကျွန်တော်တို့ဆီမှာ နာဂစ်ဖြစ်တော့ လူ တစ်သိန်းခွဲသေတာ အကယ်လို့ storm shelters တွေသာရှိခဲ့ရင် လူ ၃၀၀၀ တောင်မသေနိုင်ဘူးလို့ ပညာရှင်တွေ ရေးကြတယ်။ ရင်နာလိုက်တာ။

ဒါပေမဲ့
ဒါတွေကို နိုင်ငံတော်က လူတိုင်းစေ့ အတွက် မလုပ်ပေးနိုင်သေးဘူး။ ရွာသားတွေ ကိုယ်ထူကိုယ်ထ လုပ်နိုင်ဖို့ဆိုရင် ပိုဝေးသေးတယ်။ အများစုက ကိုယ့်တဲကုပ်လေးတောင်မှ ကိုယ်ကောင်းကောင်းလုပ်ဖို့ အနိုင်နိုင်ရယ်။

နိုင်ငံတကာ အလှူရှင်ဆိုတာလည်း လိုအပ်ချက် ပြည့်မီဖို့ မမျှော်နဲ့။ မြင်သာတဲ့နေရာမျိုးမှာ နည်းနည်းပါးပါး စံပြ ဟန်ပြလောက်ပဲရမှာ။

တစ်နိုင်ငံလုံးက တတ်နိုင်တဲ့သူတွေ ဝိုင်းဝန်း လှူဒါန်းကြမယ်ဆိုရင်ရော?

မြန်မာပြည်က လူအများစုက အလှူဆိုရင် ဘာသာရေး ဘက်နွယ်တဲ့ အလှူမျိုးဆို ပိုလှူချင်ကြတယ်။

အဲဒီတော့ storm shelters တွေကို ဘက်စုံသုံး ဒီဇိုင်းတွေဆွဲပြီး ဘာသာရေးနွယ်တဲ့ တခြားကိစ္စတွေသုံးနိုင် ဘယ်လိုနေမလဲ? အလှူရှင်တွေလည်း ပိုပြီး သဒ္ဓါတရားထက်သန် လာမလား?

ဘုန်းကြီးကျောင်း၊ ဓမ္မာရုံ၊ ဘုရားရှိခိုးကျောင်း ချာခ်ျကျောင်း ဗလီ စသဖြင့်။ အဲဒီရွာတွေမှာ နေထိုင်ကျတဲ့ လူတွေ ကိုးကွယ်တဲ့ ဘာသာအလိုက်ပေါ့။

တကယ် အရေးရယ်အကြောင်းရယ်ဆိုရင် လူ့အသက်ကယ်ဖို့ လူမျိုးဘာသာမရွေး လက်ခံကြမှာပါ။

October 23, 2016