စက်တင်ဘာ၊ ၁၈၊ ၂၀၁၂
M-Media
ဝိုင်း
ဘယ်တော့မှ မမေ့ဘူး။
၎-တန်းကျောင်းသူ
နုနယ်တဲ့ နှလုံးသားမှာ
တဒိုင်းဒိုင်းနဲ
ဖုံးလွှမ်းရာကို သိသောနေ့ . . . ။
ရှစ်လေးလုံးရဲ့
နောက်ဆက်တွဲ အကျိုးဆက်အဖြစ်
မိခင်နဲ့ဖခင်ရဲ့ ပြန်လာချိန်ကို
စိုးရိမ်ကြီးစွာ စောင့်မျှော်ခဲ့
နုနယ်တဲ့ နှလုံးသားမှာ
သောကများစွာ
စတင် ဖုံးလွှမ်းသောနေ့
အိမ်ပေါ်ထိ စစ်ခြေနင်းတွေ စီးနင်းပြီး
ရိုင်းစိုင်းတဲ့ အပြုအမူတွေကို
မျက်ဝါးထင်ထင်မြ
စစ်အာဏာရှင်ရဲ့ လုပ်ရပ်တွေကို
နာကျင်မှု စတင်ခဲ့သောနေ့. . . . ။
၁၈-၉-၁၉၈၈ မှသည် ၁၈-၉-၂၀၁၂ သို့ . . .
စက်တင်ဘာ၊ ၁၇ ၊ ၂၀၁၂
M-Media
သတင်း- ကိုကို
မြန်မာနိုင်ငံလုံးဆိုင်ရာမြန်မာမွတ်စလင် လူငယ်များ(ဘာသာရေး)အဖွဲ့
မ-မ-လဌာနချူပ်မှ ကြီးမှူးရ်ျ ပုံမှန်ကျင်းပလျက်ရှိသော ဒဿမ အကြိမ်မြာက်
စုပေါင်းသွေးလှူဒါန်းပွဲကြီးကို 23-9-2012(တနင်္ဂနွေနေ့)နံနက်(83း0)နာရီတွင်
ရန်ကုန်ပြည်သူဆေးရုံကြီးအမျိူးသား သွေးလှူဘဏ်တွင် ပြုလုပ်ပေးလှူမည်ဖြစ်ပါ၍
မွန်မြတ်သော သွေးလှူဒါန်းခြင်းကိုအင်တိုက်အားတိုက်ပါဝင်ကြပါရန် လေးစားစွာဖြင့် ဖိတ်ခေါ်အပ်ပါသည်။
ဒါနသရဖူ-သွေးအလှူ
ံ
မြတ်သည့်ဒါန – အစဉ်ပြုက
ကာလသုံးပါး – ရွှင်လန်းစရာ
မြင့်မြတ်လူသား – ကယ်တင်ခြင်းမှာ
လူလိုလူသား – ပီသစေရာ
ပစ္စည်း ဥစ္စာ – ပိုလျှံစေကာ
သဒ္ဓါတရား – ပေးကမ်းခြင်းထက်
ခန္ဓာတည်ရာ – နှလုံးသွေးမှ
ပေးဆပ်ခြင်းမှာ – ဒါနသရဖူ
မြတ်သည့်အလှူ – မြတ်ပေတကား
ကိုယ်ခြင်းစာနာတတ်ခြင်းသည်ပင်လျှင် တရားစစ်တရားမှန်ဖြစ်သည်။
သွေးလှူဒါန်းလိုသူများ မိမိတို့ဧ။်အမည်စာရင်းကို
21-9-2012 (သောကြာနေ့)နောက်ဆုံးထားရ်ျ ဌာနချုပ်ရုံးခန်းသို့
စာရင်းပေးသွင်းနိုင်ပါသည်။
အမှတ်-(194/196) အခန်း(4-A) ဗိုလ်ဆွန်ပက်လမ်း၊
ပန်းဘဲတန်းမြို့နယ်၊ ရန်ကုန်မြို့
ဖုန်း 241212-25799
မှတ်ချက်- လူဦးရေကန့်သတ်ထားခြင်းမရှိပါ။။
ဆော်သြရေးမှုး
သွေးလှူးဒါန်းရေးတာဝန်ခံ
စက်တင်ဘာ၊ ၁၇၊ ၂၀၁၂
Source: RFA
ရန်ကုန်မြို့ ချက်ထရီယံဟိုတယ်မှာ ဒီကနေ့ပြုလုပ်ခဲ့တဲ့ (၂၁) ရာစု မြန်မာနိုင်ငံရဲ့ အမျိုးသားရေး လက္ခဏာနဲ့ နိုင်ငံသားဖြစ်ခွင့်ဆိုင်ရာနှစ်ရက်ကြာ ဆွေးနွေးပွဲ နောက်ဆုံးရက်မှာ (၈၈) မျိုးဆက် ကျောင်းသားခေါင်းဆောင် ဦးကိုကိုကြီး အပါအဝင် ရခိုင်နဲ့ မွတ်စ်လင် ခေါင်းဆောင်တွေ က ရခိုင်ပြည်နယ်က တိုင်းရင်းသား လူမျိုးစု အရေးနဲ့ ပဋိပက္ခအရေးအတွက် အလေးထားဆွေးနွေးခဲ့ကြပါတယ်။
(၈၈) မျိုးဆက် ကျောင်းသားခေါင်းဆောင် ဦးကိုကိုကြီးက ရခိုင်ဒေသမှာဖြစ်ပွားခဲ့တဲ့ ပဋိပက္ခဟာ အမျိုးသား လက္ခဏာ ကပ်ဆိုက်မှုဖြစ်ပြီး ဒီကိစ္စတွေကိုဖြေရှင်းဖို့အတ
ရခိုင်ဒီမိုကရေစီအဖွဲ့ချုပ်
ဦးဆောင်ဆွေးနွေးသူတစ်ဦးဖြ
ဒီကနေ့ဆွေးနွေးပွဲမှာ စာရေးဆရာ ဦးကျော်ဝင်း၊ ကရန်းပြည်သူ့ပါတီ ဥက္ကဋ္ဌ ဦးစောထွန်းအောင်မြင့်၊ ရခိုင်အမျိုးသားဖွံ့ဖြိုးတိ
ဒီဆွေးနွေးပွဲကို သမ္မတရုံးဝန်ကြီး ဦးအောင်မင်းလည်းတက်ရောက်ခဲ
ရဲရင့်သစ္စာ
အာရကာနစ္စတန် (Arakanistan) ဆိုတဲ့ အမည်ကို ကြားလိုက်တာနဲ့ရိုဟင်ဂျာကုလားတွေ က ရခိုင်ပြည်နယ်မှာ မွတ်စလင်နိုင်ငံ တည်ထောင်ဖို့ရည်ရွယ်ထားတဲ့နာမည်ဘဲလို့ ဒီခေတ် ဗုဒ္ဓဘာသာဝင် အများစု က သိလိုက်ကြမှာဖြစ်ပါတယ်။ နိုင်ငံခြားတွေမှာစာတမ်းတွေကျမ်းတွေပြုစုနေပါတယ် ဆိုတဲ့ ပညာတတ်များ က ရေးသားဝါဒဖြန့် လူထုဆီနည်း အမျိုးမျိုးနဲ့အရောက်ပို့နေတာကြောင့် မြန်မာ လူထု (အထူးသဖြင့် အွန်လိုင်းလူထု) လည်း ဟုတ်နိုးနိုးနဲ့ ရောယောင်ပြီး မခံမရပ်နိုင်တွေဖြစ် ရိုဟင်ဂျာ ကို ဆဲဆို စတာတွေ ကို တစိုက် မတ်မတ် ပြုလုပ်လာနေကြတာလို့မြင်မိပါတယ်။ ဖြစ်သင့်ပါတယ်၊ ကိုယ့်နိုင်ငံ ကိုယ့်တိုင်းပြည်ကို ခွဲထုတ်ပြီးသီးသန့်နိုင်ငံ တခု တည်ထောင်ဖို့ လူတစု က ကြိုးစားနေတာသိရရင် စိတ်ဆိုးဒေါသ ထွက်ကြတာ ဟာ တိုင်းချစ်ပြည်ချစ် လူတိုင်းဖြစ်သင့်တဲ့သဘာဝခံစားချက်ပါ။
ရိုဟင်ဂျာ မဟုတ်တဲ့ ကျွန်တော်၊ မြန်မာမွတ်စလင်တဦးဖြစ်တဲ့ ကျွန်တော် ဟာလည်း ရိုဟင်ဂျာဆိုသူတွေ ဟာ အာရကာနစ္စတန် (Arakanistan) လို့ခေါ်တဲ့ နိုင်ငံတည်ထောင်ဖို့ကြိုး စားနေသူတွေ ဖြစ်ကြောင်း စကြားရ၊ စဖတ်ရတော့ မခံမရပ်နိုင်ဖြစ်မိပါတယ်။ ဘာသာတူဖြစ်ဖြစ် ဘာဖြစ်ဖြစ် ရိုဟင်ဂျာ တွေကို ဆန့်ကျင်စိတ် တဖွားဖွား ပေါ်ပေါက်ခဲ့ပါတယ်။
ရိုဟင်ဂျာတွေ ဟာ အာရကာနစ္စတန် နိုင်ငံ ထူထောင်ဖို့ လုပ်ဆောင်နေတယ် ဆိုတာကို ကျွန်တော် စဖတ် ရတာ Islamization of Burma Through Chittagonian Bengalis as “Rohingya Refugees“ စာတမ်းမှာပါ။ စာတမ်းရေးသားသူ က ခေတ်ပညာတတ် တစ်ဦးဖြစ်တဲ့ ဦးခင်မောင်စော ဆိုတဲ့ ပုဂ္ဂိုလ် ပါ။ အဲဒီစာတမ်း ခေါင်းစဉ် 4.1 မှာ- ဘင်းဂလား က ဝင်ရောက်လာတဲ့ စစ်တကောင်းဘင်္ဂလီ လူမျိုး တွေဟာ မြန်မာပြည်လွတ်လပ်ရေးရပြီးချိန် မှာ ကိုယ်ပိုင်အုပ်ချုပ်ခွင့်ရ မွတ်စလင်နိုင်ငံ “Arakanistan” ကို တည်ထောင်ဖို့ ကြိုးစားခဲ့ကြတယ် လို့ ရေးထားပါတယ်။ ဦးခင်မောင်စော ရေးထားတာကို အထောက်အကူပြုပြီး ဦးခင်မောင်စောလို စာတတ်ပေတတ်တွေ အပါအဝင် အချို့လူတွေကလည်း ရိုဟင်ဂျာတွေ က သီးခြားနိုင်ငံ အာရကာနစ္စတန် တည်ထောင်ဖို့ လုပ်နေသူတွေဖြစ်ကြောင်းဝါဒဖြန့် ပြောဆိုလာကြတာကိုတွေ့ရပါတယ်။ တစ်ရက်မှာ မိတ်ဆွေရိုဟင်ဂျာ၁ ယောက်နဲ့ စကားစပ်မိရင်း အာရကာနစ္စတန် အကြောင်းပြောပြမိတော့ ရိုဟင်ဂျာတွေဟာ အာရကာနစ္စတန် (သို့) သီးခြားခွဲထွက်ခွင့်တောင်းခံခဲ့သူတွေ လုံးဝ မဟုတ်ကြောင်း အခိုင်အမာပြောဆိုခဲ့ပြီး၊ ကိုရဲရင့်အနေနဲ့ အဲဒီ သမိုင်းကြောင်းကို သေချာသုတေသန ပြုလေ့လာပြီး တွေ့ရှိတဲ့ အမှန်တရားကို လူထု သိအောင်ရေးပြစေလိုကြောင်းဆိုခဲ့ပါတယ်။ ကျွန်တော်လည်း ကောင်းပါပြီ သုတေသန ပြုလေ့လာပြီး တွေ့တဲ့ အမှန်ကို အမှန်အတိုင်းရေးသားပါ့မယ်လို့ သူ့ကို ကတိပေးခဲ့ပါတယ်။
ဦးခင်မောင်စော က သူ့စာတမ်းမှာ အထက်ပါအတိုင်း ရေးရုံ ရေးထားတာပါ၊ စာအုပ်စာတမ်း အထောက်အထားမည်မည်ရရ ပေးမထားပါဘူး။ သူပြထားတဲ့ အထောက်အထား က တော့ ၁၉၄၇ က ဖဆပလအသင်းဝင် ဦးရရှစ်နဲ့ ဦးနုတို့ ရဲ့ မိန့်ခွန်းဖြစ်နေပါတယ်။ အဲဒါနဲ့ ကျွန်တော် လည်း လွန်ခဲ့တဲ့ ၇ ရက်လောက် က စပြီး ဦးခင်မောင်စောရေးထားတဲ့ “Arakanistan” နဲ့ပတ်သက်တဲ့ အထောက်အထားကို လိုက်ရှာခဲ့ပါတယ်။ မနေ့ည ကမှ “Arakanistan” နဲ့ပတ်သက်တဲ့ အထောက်အထားတွေ့ခဲ့ပါတယ်။ ကျွန်တော် ကြိုးစားရှာဖွေထားတဲ့ အထောက်အထားကို လူတိုင်းသိနိုင်ဖို့အတွက် ကျွန်တော်ရေးပြပါ့မယ်။ စာဖတ်သူမိတ်ဆွေတွေ အနေနဲ့လည်း သမိုင်းကြောင်းကို သမိုင်းကြောင်းလိုဘဲ မြင်စေချင်ပါတယ်။ ကျွန်တော့်ရဲ့ တင်ပြမှု အပေါ် အခြားအရောင်တွေ မစွန်းပါစေနဲ့လို့ကြိုတင် မေတ္တာရပ်ခံလိုပါတယ် ခင်ဗျာ။
၁၉၅၈-၁၉၆၂ မြန်မာ့နိုင်ငံရေး (တတိယတွဲ) စာအုပ် ကို ဖတ်မိပါတယ်။ အဲဒီစာအုပ် ကို ၁၉၉၁ ခုနှစ် က တက္ကသိုလ်များပုံနှိပ်တိုက် ၊ ရန်ကုန် မှာ ရိုက်နှိပ်ခဲ့တာဖြစ်ပြီး နိုင်ငံရေးဆိုင်ရာ စာပေ ခွင့်ပြုချက်အမှတ် (၃၆၉၉) နဲ့ တက္ကသိုလ်များ ပုံနှိပ်တိုက် မန်နေဂျာ ဦးစိုးမြင့် က ထုတ်ဝေခဲ့တာပါ။ ပြုစုသူတွေက တော့ဦးကျော်ဝင်း၊ ဦးမြဟန် နဲ့ ဦးသိန်းလှိုင် တို့ ဖြစ်ကြပြီး၊ မြန်မာ့သမိုင်းဖြစ်ရပ်အမှန်များ ရေးသားပြုစုရေး အဖွဲ့ က စိစစ်ထားတာဖြစ်ပါတယ်။ အဲဒီစာအုပ် “အခန်း ၁၂ ၊ ရခိုင် မွန် နှင့် ချင်းပြည်နယ် တောင်းဆိုခြင်း” အခန်းမှာ၊ ရခိုင်ကိုယ်စားလှယ်တွေဟာ ၁၉၃၀ လန်ဒန်မျက်နှာစုံညီ အစည်းအဝေး ကို သွားတက်ကတည်းက ရခိုင်ပြည်နယ် ကို သီးခြား လွတ်လပ်ရေးပေးဖို့ တောင်းဆိုရန် အစီအစဉ်ရှိခဲ့ပေမဲ့၊ မြန်မာခေါင်းဆောင်တွေ ဖြစ်ကြတဲ့ ဦးချစ်လှိုင်နဲ့ ဦးဘဘေ တို့ ကတောင်းပန်တဲ့ အတွက် မတောင်းဆိုဖြစ်ခဲ့ လို့ရေးထားပါတယ်။ ၁၉၃၀ လန်ဒန် အစည်းအဝေးကို တက်ခဲ့တဲ့ ရခိုင်ကိုယ်စားလှယ်တွေဟာ ဦးထွန်းအောင်ကျော် နဲ့ မစ္စမေအောင် (ဒေါ်မြစိန်) တို့ ဖြစ်ကြပါတယ်။
၁၉၃၇ ခုနှစ် ၉၁ ဌာန အုပ်ချုပ်ရေး ပေါ်ပေါက်လာချိန်မှာ ဥပဒေပြုလွှတ်တော်ရခိုင်အမတ်ဖြစ်တဲ့ အမျိုးသားကျောင်းဆရာကြီး ဦးထွန်းအောင် က ရခိုင်ကိုပြည်နယ် တစ်နယ်အဖြစ် အော်တိုနော်မီ (Autonomy) ပေးသင့်ကြောင်း ရခိုင်တိုင်းမှာ လှုံ့ဆော်ခဲ့တယ်လို့ အထောက်အထားပေးပြီးရေးထားပါတယ်။
ဦးလှထွန်းဖြူ နဲ့ ထင်ရှားတဲ့ ရခိုင်ခေါင်းဆောင်အချို့ ဟာ ရန်ကုန်မြို့မှာ “အာရကံနီစတန်” ရခိုင်ပြည်နယ်တောင်းဆိုရေးအတွက် အစည်းအဝေးကျင်းပဖို့ စိုင်းပြင်းနေကြကြောင်းရေး သားထားပါတယ်။ အာရကာနစ္စတန် (Arakanistan) ဆိုတဲ့ အမည် ကို ဘယ်သူစသုံးခဲ့ တာလည်း ပေါ်လာပါပြီ။ စဖတ်ရခြင်းတော့အလွန်ကို အံ့ဩမိပါတယ်။ စာဖတ်သူတွေလည်းအံ့ဩမိမှာပါ။ မယုံမရှိကြပါနဲ့။
ဒါတွေ က လွတ်လပ်ရေးမရခင် အာရကာနစ္စတန် (Arakanistan) လှုပ်ရှားမှုတွေပါ။ လွတ်လပ်ရေးရပြီးတော့လည်း အာရကာနစ္စတန် (Arakanistan) ဝါဒီတွေ က အပြင်းအထန် လှုပ်ရှားခဲ့ပါသေးတယ်။ ပြည်သူ့လွှတ်တော်မှာ တောင်းဆိုတာတွေ လုပ်ခဲ့ပါတယ်။ အကျယ်တဝင့်တော့ ကျွန်တော်ရေးမပြတော့ပါဘူး။ ထူးခြား တာ က ရခိုင် က ရိုဟင်ဂျာ တွေ ဟာ ရခိုင်ပြည်နယ် ကိုယ်ပိုင်အုပ်ချုပ်ခွက်ရရေးအဆို ကို လုံးဝ မထောက်ခံခဲ့တဲ့အပြင် အပြင်းအထန် ကန့်ကွက်ခဲ့ပါတယ်။
၁၉၅၆ ဖေဖော်ဝါရီ လ ၂၂ ရက်နေ့မှာ ကျင်းပခဲ့တဲ့ ပြည်သူ့လွှတ်တော်အစည်းအဝေးမှာ ရမ်းဗြဲ အမတ် ဦးဘမြိုင် က ဖွဲ့စည်းအုပ်ချုပ်ပုံ အခြေခံ ဥပဒေ (ပြင်ဆင်ချက်) ဥပဒေကြမ်း ကို ဆွေးနွေးစဉ်းစားဖို့ အဆိုသွင်းခဲ့ပါတယ်။ အဲဒီ အဆိုရဲ့ အနှစ်ချုပ် က တော့ ရခိုင်ပြည်နယ်ကို ကိုယ်ပိုင်အုပ်ချုပ်ခွင့်ရ ပြည်နယ် အဖြစ် ဖန်တီးဖို့နဲ့ ဗဟိုအစိုးရရဲ့ချုပ်ကိုင်မှုကနေ ကင်းလွတ်စေဖို့ ဖြစ်ပါတယ်။ ဦးဘမြိုင်ရဲ့ အဲဒီအဆိုကို ဘူးသီးတောင်အမတ် ဖြစ်တဲ့ အဘူ(ရ်) ဘောရှော (ရ်) က ကန့်ကွက်ဆွေးနွေးခဲ့ပါတယ်။ အဲဒီလိုဆွေးနွေးခဲ့တဲ့ အနှစ်ချုပ် က တော့ ရခိုင်ပြည်နယ် အလိုမရှိကြောင်း၊ အကယ်၍သာ အစိုးရ က ရခိုင်တိုင်းကို ပြည်နယ်ပေးမယ်ဆိုရင် ဘူးသီးတောင် မောင်တော နယ်တွေကို ရခိုင်ပြည်နယ်အတွင်း မထည့်သွင်း ဘဲ သီးခြား ခရိုင်တစ်ခု အဖြစ် ပြည်မ လက်အောက်မှာသာ ထားပေးဖို့မေတ္တာရပ်ခံကြောင်း။
ရခိုင် အမတ် ဦးဘမြိုင်ရဲ့ တောင်းဆိုချက်ကိုအစိုးရအဖွဲ့ က မလိုက်လျောခဲ့ပါဘူး။
ဦးဘမြိုင်ရဲ့ ရခိုင်ပြည်နယ် ဖွဲ့စည်းရေးအတွက် အခြေခံ ဥပဒေ (ပြင်ဆင်ချက်) ဥပဒေကြမ်းအဆို အရေးနိမ့်သွားပြီး နောက်ပိုင်းမှာလည်း ရခိုင်လွှတ်တော် အမတ် တစ်ချို့ဟာအခါအခွင့် သင့်တိုင်း ရခိုင်ပြည်နယ် ရရှိရေးကို လွှတ်တော်အတွင်းမှာတောင်းဆိုခဲ့ကြပါတယ်။
၁၉၅၇ ခု မတ်လ ၇ ရက်နေ့မှာ ကျင်းပတဲ့ ပြည်သူ့လွှတ်တော် အစည်းအဝေးမှာ မြို့ဟောင်းအမတ် ဦးလှထွန်းဖြူ က ရခိုင်ပြည်နယ် တောင်းဆိုခြင်း ဟာဖွဲ့စည်းအုပ်ချုပ်ပုံ အခြေခံဥပဒေ အရ တောင်းဆိုခြင်း သာဖြစ်ကြောင်း ဆွေးနွေးတင်ပြခဲ့ပါတယ်။ ဦးလှထွန်းဖြူ ရဲ့ ဆွေးနွေးချက် ကို ဝန်ကြီးချုပ် ဦးနု က အဘယ်ကြောင့်ရခိုင်ပြည်နယ် မပေးလိုကြောင်း ပြန်လည်ရှင်းလင်းဆွေးနွေးခဲ့ပါတယ်။
ရခိုင်အမျိုးသားတွေ ဟာ လွှတ်တော်ပြင်ပမှာလည်း ပြည်နယ်တောင်းဆိုမှုကိုလုပ်ဆောင်ခဲ့ ကြကြောင်း ဖတ်ရပါတယ်။ ၁၉၅၇ စက်တင်ဘာ ၂၈ ၊ ၂၉ ရက်တွေမှာ ရန်ကုန်မြို့တော်ခန်းမ မှာ လူမျိုးပေါင်းစုံဆွေးနွေးပွဲ တစ်ရပ်ကျင်းပခဲ့ပါတယ်။ အဲဒီ ဆွေးနွေးပွဲ မှာ ရခိုင်အမျိုးသား ဦးကျော်မင်းက သဘာပတိ အဖြစ်ဆောင်ရွက်ခဲ့ပြီး သဘာပတိအဖွင့်မိန့်ခွန်း ပြောကြားခဲ့ ပါတယ်။ ရခိုင်အမျိုးသားတွေ က သူတို့ရဲ့ မကျေနပ်ချက်တွေကို တင်ပြခဲ့ကြပြီး ဖဆပလအစိုးရ ဟာ မတရားကြောင်းဖွင့်ဟခဲ့ကြပါတယ်။
၁၉၅၇ စက်တင်ဘာလ ၃၀ ရက်နေ့ ပြည်သူ့လွှတ်တော် အစည်းအဝေးမှာ အတိုက်အခံပါတီဖြစ်တဲ့ ပမညတ အမတ် ဦးသိန်းဖေမြင့် (ဘုတလင်) က လည်း ရခိုင်ပြည်နယ် ပေးသင့်ကြောင်း ပြောကြားခဲ့ပါတယ်။ ၁၉၅၇ အောက်တိုဘာ ၁ ရက်နေ့ ပြည်သူ့လွှတ်တော် အစည်းအဝေးမှာ ရတည အမတ် ဦးလှထွန်းဖြူ က ရခိုင်ပြည်နယ် ပေးဖို့ ဆွေးနွေးခဲ့ပါသေးတယ်။ ဦးဖော်သင် (ပုဏ္ဏားကျွန်းအမတ်) နဲ့ ဦးကျော်မင်း (စစ်တွေအမတ်) တို့ က ထောက် ခံဆွေးနွေးခဲ့ပြီး၊ ရိုဟင်ဂျာလူမျိုး ဖြစ်တဲ့ဦးအဘူခိုင် (မောင်တော တောင်ပိုင်းအမတ်) က ကန့်ကွက်ဆွေးနွေးခဲ့ပါတယ်။ မာန်အောင် အမတ် ဖြစ်တဲ့ ဦးလုံးဖြူ ကလည်း ကန့်ကွက် ဆွေးနွေးခဲ့ပါတယ်။ ပမညတ ဒေါက်တာ ဦးဧမောင် (ပြည်အမတ်) က တော့ ဦးလှထွန်းဖြူ အဆိုကို ထောက်ခံဆွေးနွေးခဲ့ပါတယ်။ ဦးကျော်တင် (သံတွဲ မြောက်ပိုင်း အမတ်) က တော့ ဦးလှထွန်းဖြူဆွေးနွေးချက်ကိုအပြင်းအထန် ကန့်ကွက်ဆွေးနွေးခဲ့ပါတယ်။ အစိုးရအဖွဲ့ဝင်ဝန်ကြီး ဦးဘစော နဲ့ ဝန်ကြီး ဦးခင်မောင်လတ်တို့ကလည်း ကန့်ကွက်ဆွေးနွေးခဲ့ပါတယ်။ အဲဒါကြောင့် ရခိုင်ပြည်နယ်ရရှိရေးလွှတ်တော်တွင်းကြိုးပမ်းမှု (၁၉၅၈) ဟာ လည်း အရေးနိမ့်ခဲ့ရပြန်ပါတယ်။
ဆောင်းပါးရှင် ရဲရင့်သစ္စာထံမှ ခွင့်ပြုချက်တောင်းပြီး ဖော်ပြပါသည်။
ဦးအောင်မေသု (ခ) ဦးသု (၁၉၄၁ – ၂၀၀၂)
ဥက္ကဌ (သာယာဝတီခရိုင် ကျောင်းသားသမဂ္ဂ)
ဥက္ကဌ (အမျိုးသားဒီမိုကရေစီအဖွဲ့ချုပ်
“အဲဒါပေါ့ဗျ၊ တိုက်လိုက်၊ ရှုံးလိုက်၊ တိုက်လိုက်၊ ရှုံးလိုက်နဲ့ နောက်ဆုံးတော့ ကျွန်တော်တို့ အောင်ပွဲဆင်ရမယ်” ဆိုသည့် မြန်မာ့ ဒီမိုကရေစီအရေး ဘဝပေး လှုပ်ရှားသူ ကိုအောင်မေသု
“ဘာသာရေး လွတ်လပ်စွာ ယုံကြည်ကိုးကွယ်မှုနဲ့ ဘာသာရေး အငြင်းမပွားကြတာ ကောင်းပါတယ်” ဆိုသည့် မြန်မာမွတ်စလင် ကိုအောင်မေသု
ကိုယ်ရေးအကျဉ်း
-မူလတန်းကျောင်းသားဘဝမှစ၍ ဗ.က.သ သို့ဝင်ရောက်ခဲ့သည်။
-၁၉၆၀-၆၂ ခုနှစ်တွင် သာယာဝတီခရိုင် စည်းရုံးရေးမှူး (ရကသ)ညီလာခံကိုယ်စားလှယ်-အုတ်ဖိ
-သာယာဝတီခရိုင် (၈) မြို့နယ် ဥက္ကဌတာဝန်ကိုလည်း ထမ်းဆောင်ခဲ့သည်။
-၁၉၆၃ခုနှစ်ပြည်တွင်းငြိမ်းချမ်
-၁၉၆၉၊ဖေဖော်ဝါရီလ ၁၃ရက်နေ့တွင် ကိုကိုးကျွန်းသို့ အပို့ခံရသည်။
– ၁၉၇၁၌ ကိုကိုးကျွန်းတိုက်ပွဲ အောင်မြင်စွာ ပြီးဆုံး၍ အင်းစိန်ထောင်သို့ ပြန်ရောက်ရှိခဲ့သည်။
– ၁၉၇၂၊ဧပြီ ၁၂ရက်နေ့တွင် အကျဉ်းထောင်မှ ပြန်လွတ်မြောက်ပြီး ဒီဇင်ဘာ ၁၈ ရက်နေ့တွင် ဒေါ်ရင်လှနှင့် ထိမ်းမြားခဲ့သည်။
-၁၉၇၆၊ သြဂုတ်တွင် ဒုတိယအကြိမ် ထိန်းသိမ်းခံခဲ့ရသည်။
-၁၉၈၄၊ ဧပြီတွင် တတိယအကြိမ်ထိန်းသိမ်းခံခဲ့ရသည်။
-၁၉၈၈၊ အောက်တိုဘာတွင် အမျိုးသားဒီမိုကရေစီအဖွဲ့ချုပ်
-၁၉၈၉၊ သြဂုတ် ၂၄တွင် စတုတ္ထအကြိမ် ထိန်းသိမ်းခံခဲ့ရပြီး၊ နိုဝင်ဘာ ၆ရက်တွင် ပုဒ်မ(၅) (ည)ဖြင့် အင်းစိန်စစ်ခုံရုံးမှ ထောင်ဒဏ် (၁၀)နှစ်ချမှတ်ခဲ့သည်။
-၁၉၉၉၊နိုဝင်ဘာ ၆ရက်နေ့တွင် (၁၀)နှစ်ပြည့်ခဲ့သော်လည်း ပုဒ်မ(၁၀) (က)ဖြင့် ဆက်လက်ထိန်းသိမ်းခံခဲ့ရသည်။ ၂၀၀၂၊ စက်တင်ဘာ ၁၇ ရက်နေ့တွင် အထိန်းသိမ်းခံဘဝဖြင့်ပင် ကွယ်လွန်သွားခဲ့ပါသည်။
-ကွယ်လွန်ချိန်တွင် အမျိုးသားဒီမိုကရေစီအဖွဲ့ချုပ်
ဦးအောင်မေသု ဂုဏ်ပြု ကဗျာများမှ ကောက်နုတ်ချက်များ
“ရဲဘော်နီ အောင်မေသု…သို့
မြန်မာ့အကျဉ်းထောင်သမိုင်းမှာ
ကိုကိုးကျွန်းတိုက်ပွဲဟာ
လွတ်လပ်မှုအတွက်
ဂုဏ်ရောင်အပြောင်ဆုံး
မော်ကွန်းထိုးရမယ့်
အစာငတ်ခံတိုက်ပွဲဘဲ ဒီပွဲမှာမင်းပါတယ်။
မြန်မာ့သမိုင်းမှာ
၈၈ အရေးတော်ပုံဟာ
လွပ်လပ်မှုအတွက်
မော်ကွန်းတင်တဲ့တိုက်ပွဲဘဲ ဒီပွဲမှာမင်းပါတယ်။
မင်းဖြတ်သန်းသော ခရီးလမ်း
သမိုင်းက ပေးသောတာဝန်
မင်း ထမ်းဆောင်နိုင်ခဲ့ပြီပဲ
မင်း…မင်းတာဝန်ကျေပါတယ်ကွာ။
နီရဲသော အောင်မေသု
ကောင်းရာသုဂတိ လားပါစေ။”
(စံဦး (NLD ကျောက်တံခါး)၏ ကိုအောင်မေသု ဈာပနတွင် ရေးဖွဲ့ခဲ့သော ကဗျာမှ ကောက်နုတ်ချက်)
“သာယာဝတီ နရသိန်ကို အရောက်
(၈)တိုက်ရဲ့ ဝင်းတံခါးပေါက်ကနေ
ရဲရဲတောက် ကြိုဆိုနှုတ်ဆက်မှု
ကျွန်တော် အောင်မေသု
ခု မင်းလှ NLD ဥက္ကဌ
အရင်က ကျွန်းထိရောက်
ပြန်လာတဲ့နောက်လည်း
ထောင်ထဲ တဝဲလည်လည် ခဏ ခဏပေါ့
ခုလည်း (၁၀ က)တဲ့
ဘာဆန်းလှမလဲ
ဒီလိုပဲ သေတဲ့အထိ ချရမှာပေါ့ တဲ့
ပြုံးစစနဲ့ မထီတရီ ပြောလိုက်သမျှ
အားရနှစ်ခြိုက်ခြင်းများနဲ့
လေးစားကျေနပ်မိဖြစ်ခဲ့”
“မိန်းမဥာဏ် လူတစ်စုလက်ထဲက
ယောက်ျားအသည်းနဲ့ လူတစ်ယောက်ရဲ့ သမိုင်း
ဘယ်တော့မှ မရိုင်း ဘယ်တေ့ာမှ မရှုံး…”
(ရီနေ၏ ဂုဏ်ပြုကဗျာမှ ကောက်နုတ်ချက်)
“အပွင့်ကြွေတာ
ဓမ္မတာဆိုပေမယ့်
လေရိုင်းကြောင့်ဆိုရင်တော့
ပန်းအတွက်
ရာဇဝင်ရိုင်းလွန်းတယ်”
(ဆိုးဆိုး၏ ဂုဏ်ပြုကဗျာမှ ကောက်နုတ်ချက်)
“၂၅နှစ်တဲ့
သက်တမ်းတစ်ခုလုံး
လူထုထံထိုးအပ်
ထမင်းနဲ့မေတ္တာ
ထမင်းပဲ အငတ်ခံတော့တာ…
ရာဇဝင်မှာ
သူရဲကောင်းပမာ
အခါခါ ကယ်သတဲ့
သူ-
ဗမာ့သမိုင်းမှာ
အခါခါ ကယ်ခဲ့ပြီ။”
(ကေလွန်း၏ ဂုဏ်ပြုကဗျာမှ ကောက်နုတ်ချက်)
မြန်မာ့ဒီမိုကရေစီအရေးအတွက် ဘဝစတေးခဲ့သော ဦးအောင်မေသု၏ ရဲရဲနီသော ဘဝစာမျက်နှာအချို့
“သူသည်ကား ၁၉၆၃ ခုနှစ် ခြောက်ခရိုင် ပြည်တွင်းငြိမ်းချမ်းရေး ဆန္ဒပြပွဲ၊ မင်းလှစစ်ကြောင်းမှ မြို့တော်ခန်းမအထိ ခြေလျင်ခရီးရှည် ချီတက်ဆန္ဒပြပွဲအပြီးတွင် ပုဒ်မ ၅ အထိန်းသိမ်းခံဘဝဖြင့် ကိုကိုးကျွန်းကိုအရောက်၊ ကိုကိုးကျွန်းမှ ကမ္ဘာကျော် ကျွန်းတိုက်ပွဲများပြီးဆုံး၍ အင်းစိန်ပြန်ရောက် ဒူးမထောက်အညံ့မခံသော သူ၏ နရသိန်နေ့ရက်များသည် ရှည်လျားစွ။
မဆလအာဏာရှင်ခေတ်တစ်လျှောက် ပါတီယူနစ်များကို အာခံခဲ့သည့်အတွက် အသက်အန္တရာယ်ကိုပင် ရန်ရှာခံခဲ့ရသည့်ဖြစ်ရပ်များ၊ နဝတလက်ထက် လယ်မြေအိမ်ခြံများကို သိမ်းပိုက်ဖယ်ရှား၍ ကားလမ်းဖောက်ခြင်းကို ကန့်ကွက်ဆန္ဒပြမှုကြောင့် နဝတ၏ လမ်းစီမံကိန်းတစ်ခုလုံး ဖျက်သိမ်းပေးလိုက်ရသည့်အဖြစ်မျာ
(ကျဆုံးခြင်း (၁၀)နှစ်ပြည့် အထိမ်းအမှတ် စာအုပ်မှ ကောက်နုတ်ချက်)