Author: M-Media

နိုဝင်ဘာ ၁၈ ၊ ၂၀၁၄
M-Media

– ISIL ပေါ်ထွက်လာပြီးနောက် လန်ဒန်တွင် မွတ်စလင် ဆန့်ကျင်ရေး ရာဇ၀တ်မှုများ တိုးပွားလာခဲ့သည်ဟု မွတ်စလင်အများအပေါ် တိုက်ခိုက်မှုများ အား စောင့်ကြည့်နေသည့် Tell Mama အဖွဲ့၏ လေ့လာမှုများအရ ဘာသာရေး၊ လူမျိုးရေးနှင့် လူမျိုးစုဆိုင်ရာ အမုန်းတရားအပေါ် အခြေခံပြီး ယူကေတွင် ဖြစ်ပွားခဲ့သော မွတ်စလင် ဆန့်ကျင်ရေး ရာဇ၀တ်မှုများနှင့် လုပ်ရပ်များကို စုစည်းကာ အဆိုပါ အဖွဲ့က လေ့လာခဲ့ခြင်းဖြစ်ပြီး ISIL က ခေါင်းဖြတ်သတ်သည့် ဗွီဒီယိုများ ထုတ်လွှင်ခဲ့ပြီးနောက်ပိုင်း မွတ်စလင်များမှာ အင်တာနက်နှင့် ပြင်ပလောက တွင်ပါ စော်ကားတိုက်ခိုက်ခြင်း ခံရသည်ဟု Anadolu သတင်းဌာနသို့ အဆိုပါ အဖွဲ့က ပြောကြားခဲ့သည်။

“မွတ်စလင်တွေအပေါ် နှုတ်နဲ့ စော်ကားပြောဆိုမှုတွေကို ကြည့်ရင် ISIL နဲ့ပတ်သက်တဲ့ အမြင်တွေဟာ ယူကေတစ်ဝှမ်းနဲ့ လန်ဒန်က မွတ်စလင်ဆန့်ကျင်ရေး အမုန်းတရားတွေကို ဖြစ်စေတယ်ဆိုတာ တွေ့နေရပါတယ်။ ဈေးဆိုင်သွားနေတဲ့ အမျိုးသမီးတွေကို စော်ကားပြော ဆိုတာလည်းရှိနေပြီး “ဘာ့ကြောင့် ငါတို့က နင့်ရဲ့ခေါင်းကို မဖြတ်တာလဲ?” လို့လည်း အော်ဟစ်ကြပါတယ်” ဟု Tell Mama အဖွဲ့ မစ်ဂ်ဟာလ်က ဆိုသည်။

အဆိုပါအဖွဲ့မှာ ဒေသတွင်းရဲတပ်ဖွဲ့မှ တောင်းဆိုရရှိခဲ့သည့် မှတ်တမ်းများကို ဆန်းစစ်လေ့လာခဲ့ပြီး ၂၀၁၂ ခုနှစ်မှ ၂၀၁၄ ခုနှစ်အတွင်း မွတ်စလင်ဆန့်ကျင်ရေး လှုပ်ရှားမှုများ မြင့်တက်လာခဲ့သည်ကို တွေ့ရှိခဲ့ရသည်။

အံ့သြဖွယ်မြင့်တက်မှု

ပြီးခဲ့နှစ် မေလက လန်ဒန်အရှေ့ပိုင်း ၀ူးလ်ဝစ်ခ်ျမြို့ရှိ စစ်တပ်အနီးတွင် ဗြိတိန်စစ်သားတစ်ဦး အသတ်ခံခဲ့ရပြီးနောက် အမုန်းတရားကို အခြေခံသည့် ရာဇ၀တ်မှု များမှာ လျော့ ကျလာသည်ဟု ရဲတပ်ဖွဲ့က ပြောကြားခဲ့သော်လည်း Tell Mama ၏ လေ့လာမှုများအရ မွတ်စလင်ဆန့်ကျင်ရေး ရာဇ၀တ်မှုများမှာ သိသိသာသာ တိုးတက်လာခဲ့သည်ဟု ဆိုသည်။

ရဲတပ်ဖွဲ့၏ စာရင်းများအရ ၀ူးလ်ဝစ်ခ်ျ တိုက်ခိုက်မှု မဖြစ်ခင် ၂၀၁၂ ဧပြီလမှ ၂၀၁၃ ခုနှစ် ဧပြီလအထိ မွတ်စလင် ဆန့်ကျင်ရေး တိုက်ခိုက်မှုများမှာ တစ်လျှင် ပျမ်းမျှအားဖြင့် ၂၈ ခု ရှိသော်လည်း ၂၀၁၃ မတ်လမှ ၂၀၁၄ မတ်လအတွင်း တိုက်ခိုက်မှုများမှာ ၆၆ ရာခိုင်နှုန်း တိုးလာခဲ့ကြောင်း တွေ့ရှိခဲ့ရသည်။

ထိုကဲ့သို့ တိုးလာမှု၏ အကြောင်းအရင်းများတွင် ဂါဇာ-အစ္စရေး ပဋိပက္ခ၊ ISIL ၏ အီရတ်မြောက်ပိုင်းတွင် ပြုလုပ်သော ကိစ္စရပ်များမှာ ထိပ်ဆုံးမှပါဝင်သည်ဟု Tell Mama က ထည့်သွင်း ပြောကြားခဲ့သည်။

ref_ World Bulletin