ဇူလိုင် ၁၁၊ ၂၀၁၄
M-Media
– “ဟားမက်စ်၏ တစ်ကျော့ပြန်တိုက်ခိုက်မှုကို အစ္စရေးခံနေရ” ဂါဇာတွင်ဖြစ်ပွားနေသည့် သွေးထွက်သံယိုမှုများအတွက် ယမန်နေ့ (အင်္ဂါနေ့)က ဖော်ပြခဲ့သည့် BBC ၏ သတင်းခေါင်းစဉ်ဖြစ်သည်။ ကလေးငယ် တစ်ယောက်က တံတွေးဖြင့်ထွေးသောကြောင့် လမ်းလျှောက်တတ်ကာစ ထိုကလေးအား မိုက်တိုင်ဆန်က ထိုးလိုက်သည်ဟူသော ခေါင်းစဉ်ကဲ့သို့ ဖြစ်နေလေ၏။ တလ်အဗီး အခြေစိုက် အစ္စရေးလူ့အခွင့်အရေးသမား အဲလီဇဘက် ဆာရ်ကော့ဗ်က Twitter စာမျက်နှာတွင် ဂါဇာတိုက်ခိုက်မှုနှင့် ပတ်သက်၍ ဤသို့ရေးခဲ့လေသည်။
“အသုံးမကျတဲ့ ဒုံးပျံတွေနဲ့ ကျွန်တော်တို့ကို ပစ်မှတ်ထား တိုက်ခိုက်နေပါတယ်။ ဂါဇာတွေကတော့ ဧရာမဗုံးတွေနဲ့ ကြဲခံနေရတယ်။ ကျွန်တော်တို့ကတော့ အချက်ပေးဥသြတွေ၊ Iron Dome (ဒုံးပျံကာကွယ်ရေးစနစ်) တွေနဲ့ ၀န်းရံထားပြီး သူတို့မှာတော့ ဇီးရိုးပါပဲ”
အရပ်သားများနေထိုင်ရာ ဒေသသို့ အစ္စရေးတို့ ပစ်ခတ်သော ဒုံးကျည်များအတွက် ဟားမက်စ်တွင် ကာကွယ်ရေးစနစ်မရှိ။ အချက်ပေးဥသြစနစ်တွေလည်း အစ္စရေးလိုမရှိ။ ဟားမက်စ်၏ တိုက်ခိုက်မှုအတွက် သာမန်အစ္စရေးများအကြား ကြောက်ရွံ့မှုကို လစ်လျူမရှုသင့်၊ အထင်မသေးသင့်။
သို့သော်လည်း F 15 တိုက်လေယာဉ်များ၊ AH-64 အပါချီရဟတ်ယာဉ်များ၊ ဒလီလာဒုံးကျည်များ၊ IAI Heron-1 ဒရုန်းလေယာဉ်များနှင့် ဂျီရီချို ၂ ဒုံးကျည်များ(နူးကလီးယားဗုံးကတော့ ချွင်းချက်အဖြစ်ထားသည်) စသည့် လက်နက်ကောင်းများရှိသည့် စူပါ ပါဝါနိုင်ငံနှင့် ဗြိတိန်ဝန်ကြီးချုပ်က “အကျဉ်းစခန်း” ဟု ခေါ်ဝေါ်သမုတ်ခဲ့ပြီး မည်သည့်အာနိသင်မှ မရှိသည့် ဒုံးကျည်များ ပစ်လွှတ်သည့် နိုင်ငံတို့ ထိပ်တိုက်တွေ့ဆုံ တိုက်ခိုက်မှုများ အတွက် မီဒီယာတွင်ဖော်ပြမှုက တကယ့်အဖြစ်မှန်နှင့် ကင်းကွာနေလေ၏။
ဟားမတ်စ်၏ ဒုံးကျည်ကြောင့် အစ္စရေးတစ်ဦးမှ မသေဆုံးသေးသော်လည်း အစ္စရေး၏ လေကြောင်းမှ တိုက်ခိုက်မှုများကြောင့် လတ်တလောတွင် ပါလက်စတိုင်း ၂၇ ဦး သေဆုံးခဲ့ရလေသည်။ (ဇူလိုင် ၁၀ ရက်နေ့အထိ သေဆုံးသူမှာ ၁၅၀ ၀န်းကျင်ရှိနေသည်) BBC ကတော့ “ဟားမက်စ်၏ တစ်ကျော့ပြန် တိုက်ခိုက်မှုကို အစ္စရေးခံနေရသည်” ဟူ၏။
သွေးထွက်အောင်မှန်သည့် အမှန်တရားတစ်ခုကတော့ အစ္စရေးတစ်ယောက်၏အသက်က ပါလက်စတိုင်း တစ်ယောက်၏ အသက်ထက် ပို၍တန်ဖိုးရှိသည်ဟု အနောက်တိုင်း မီဒီယာများက မှတ်ယူထားခြင်းပင်ဖြစ်လေသည်။ လက်တွေ့ဘ၀ အစ္စရေးနှင့် ပါလက်စတိုင်းတို့အကြား “သေခြင်းတရား၏ အဆင့်အတန်း” ကို ဤဖော်ပြမှုတွင် ကြည့်နိုင်လေသည်။ အစ္စရေးလူ့အခွင့်အရေးအဖွဲ့ဖြစ်သည့် BTseleem ၏ အဆိုအရ အစ္စရေးလုံခြုံရေး တပ်ဖွဲ့ဝင်များ၏ လက်ချက်ကြောင့် ၂၀၀၉ ခုနှစ်က ပါလက်စတိုင်း ၅၆၅ ဦး သေဆုံးခဲ့ပြီး ဟားမက်စ်တို့ကြောင့် အစ္စရေးအရပ်သား ၂၈ ဦးနှင့် အစ္စရေးလုံခြုံရေးတပ်ဖွဲ့ဝင် ၁၀ ဦးသာ သေဆုံးသည်ဟူ၏။
ပဋိပက္ခဟု အမည်ပေးထားသည့် ဤဖြစ်ရပ်၏ အချိုးမညီမျှမှုက သေဆုံးသည့်စာရင်းတွင် ထင်ဟပ်နေသည်။ သို့သော်လည်း ဤသတင်းက သတင်းမီဒီယာများတွင်တော့ တက်လာခြင်းမရှိ။
ထိုကဲ့သို့ပင် အစ္စရေးလူငယ်သုံးဦးအား ပြန်ပေးဆွဲခြင်းနှင့် မျက်နှာဖုံးလူသတ်သမားတို့၏ အကြောင်းကို မီဒီယာများက မြိုင်မြိုင်ဆိုင်ဆိုင် ဖော်ပြကြလေသည်။ အနောက်တိုင်းမီဒီယာများ မဖော်ပြသည်က ထိုလူငယ်သုံးဦးပျောက်ဆုံးခဲ့ပြီးနောက်ပိုင်း အနောက်ဘက်ကမ်းခြေတွင် အစ္စရေးမှ ပြုလုပ်သော စီးနင်းမှုများအတွင်း ကလေးငယ်တစ်ဦးအပါအ၀င် ပါလက်စတိုင်း ၆ ဦး အသတ်ခံခဲ့ရခြင်းပင်ဖြစ်လေသည်။
လူ့အခွင့်အရေးအဖွဲ့ဖြစ်သည့် Amenesty Interntional အဖွဲ့ကမူ ထိုသတ်ဖြတ်မှုအား နိုင်ငံတကာ လူသားချင်း စာနာထောက်ထားမှုဆိုင်ရာ ဥပဒေနှင့် လူ့အခွင့်ရေးဥပဒေတို့ကို ပြောင်းပြောင်တင်းတင်းချိုးဖောက်သည်ဟူ၍သာ အသံထွက်ခဲ့လေသည်။ အစ္စရေး လူငယ်သုံးဦးအား ရည်ရွယ်ချက်ရှိရှိသတ်ဖြတ်ခဲ့ခြင်းဖြစ်ပြီး၊ အစ္စရေးဘက်ကမူ ပါလက်စတိုင်းအရပ်သားများအား မတော်တဆ သေစေခဲ့ခြင်းဟု မီဒီယာများက ဖာထေးပေလိမ့်မည်။
လူအခွင့်အရေးစောင့်ကြည့်အဖွဲ့ Human Rights Watch ၏ အစီရင်ခံစာကို ကြည့်လျှင် ထိုလုပ်ရပ်များအား “မဆိုသူများအား အစုလိုအပြုံလိုက်အရေးယူခြင်း” ဟု ဖော်ပြထားလေသည်။ (ထိုလုပ်ရပ်မှာ စစ်ရာဇ၀တ်မှုမြောက်သည့် လုပ်ရပ်မျိုးဖြစ်သည်- ဘာသာပြန်သူ) “တရားမ၀င် အင်အားအသုံးပြုမှု၊ ထင်တိုင်းကြဲဖမ်းဆီးမှုနှင့် ပါလက်စတိုင်းနေအိမ်များအား ဥပဒေပဖြိုဖျက်မှု” စသည့် အကြောင်းအရင်းများကြောင့်ဖြစ်သည်ဟု ဖော်ပြထား၏။
သေဆုံးမှုနှစ်ခုကို စုံစမ်းစစ်ဆေးခဲ့သည့် လူ့အခွင့်အရေး စောင့်ကြည့်အဖွဲ့က အခင်းဖြစ်ပွားသည့်အချိန်တွင် “သေဆုံးသူ၊ သို့မဟုတ် တစ်ဦးတစ်ယောက်က အစ္စရေးစစ်သားများနှင် အခြားသူများ၏ အသက်အန္တရာယ်အား ခြိမ်းခြောက်နိုင်သည့် အနေအထားတွင် ရှိနေသည်ဟူသော အထောက်အထားမရှိ” ဟု တွေ့ရှိခဲ့လေသည်။
ဇွန်လ ၁၇ ရက်နေ့က ဂျာလာဇန် ဒုက္ခသည်စခန်းမှ အသက် ၂၀ အရွယ် အဟ်မဒ် ဆမာဒါဆိုသူ ပါလက်စတိုင်းလူငယ်တစ်ဦး ပစ်သတ်ခံခဲ့ရသည်။ သို့ရာတွင် စစ်ဆင်ရေးအတွင်း ဖြစ်ခဲ့သည်ဟုပင် အစ္စရေးက ၀န်မခံခဲ့။ ဇွန်လ ၂၁ ရက်နေ့တွင် အသက် ၁၇ နှစ်အရွယ် ဆာခါ အဘူ အလ်-ဟာဆန် ပစ်သတ်ခံခဲ့ရလေသည်။
BBC မှာ အများပြည်သူများကို အသံလွှင့်နေသည့် အသံလွှင့်ဌာနတစ်ခုဖြစ်လေသည်။ တကယ့်လက်တွေ့တွင် ဖြစ်နေသော ဖြစ်ရပ်မှန်များအား တိတိကျကျနှင့် မျှမျှတတဖော်ပြရန် တာဝန်ရှိ၏။ သို့ရာတွင် ထိုကဲ့သို့ မလုပ်ဆောင်ခဲ့။ ပိုင်ရှင်အလိုကျ၊ တာဝန်အရနှင့် ပိုင်ရှင်၏ တောင်းဆိုမှုအတိုင်းသာ ဖော်ပြနေပေသည်။
Guardian တွင် Owen Jones ရေးသည့် ‘Israel under renewed Hamas attack’, says the BBC. More balance is needed အား ဆီလျော်အောင်ပြန်ဆိုသည်။
