Author: M-Media

ဘယ်မှာလဲ ကျင့်ဝတ် (သူ့အမြင် ကဏ္ဍ)

ဖေဖော်ဝါရီ ၇ ၊ ၂၀၁၄
M-Media
မောင်ရင်လေး

မနေ့ကအချိန်လေးရတုန်း အွန်းလိုင်းပေါ်မှာ မွှေနှောက်ရင်းနဲ့ သတင်း ဘလော့လေးတစ်ခု ဖတ်လိုက်ရတယ်။

ဖတ်မိလိုက်တဲ့အကြောင်းကလည်း အဲ့ဒီဘလော့မှာတင်ထားတဲ့ ကိုရင်လေးတွေက ဖုန်းတစ်လုံးကို ငုံ့ကြည့်နေပြီး ခေါင်းစဉ်ပေးထားတာကလည်း My IPhone ဆိုတော့… အိုင်ဖုန်းနဲ့ ကိုရင်လေးတို့ ဘာများဖြစ်ကျသလဲဆိုတဲ့ စူးစမ်းကြည့် ချင်စိတ်ကြောင့်ပါ။

တစ်ကယ်တမ်း ဖတ်ကြည့်မိလိုက်တဲ့ အခါကျမှ အိုင်ဖုန်းနဲ့ ကိုရင်လေးက ဘာမှမဆိုင်ဘဲ ဘလော့တစ်ခုရဲ့ စာဖတ်သူအတွက် attraction တစ်ခုထားတယ်လို့ပဲ မှတ်ယူလိုက်ပါတယ်။

စာရေး သူဟာလည်း အိန္ဒိယသူ မီဂါးဘာရီး ဖြစ်ပြီးတော့ နယူးဒေလီ အခြေစိုက် အလွတ်တန်းသတင်းသမားတစ်ဦးပါလို့ အဲ့ဒီ blog မှာအတိအလင်းဖော်ပြထားပါတယ်။

သုံးထားတဲ့ဓာတ်ပုံအညွန်း(original source)ကိုလည်းသေချာထည့်ပြထားပါတယ်။

ဒီအထိကဘာမှမထူးခြားပါဘူး။ ကျွန်တော်ပြောချင်တဲ့အချက်က ဖေဖော်ဝါရီ ၁ ရက်နေ့ထုတ် 7 day နေ့စဉ်သတင်းစာ ဖတ်မှပေါ်လာတာပါ။ ယင်း 7 day သတင်းစာရဲ့ Feature စာမျက်နှာ(စာမျက်နှာ ၁၆)မှာ အပေါ်က ကျွန်တော်တင်ပြထားတဲ့ blog ကိုဘာသာပြန် ပြီးထည့်ထားပါတယ်။ ဘာသာပြန်တာက အကြောင်း မဟုတ်ပေမယ့် ဘာသာပြန်ဖြစ်ကြောင်း မူရင်းစာရေးသူ ဘယ်သူဘယ်ဝါဆိုတာ မပါတဲ့အပြင် ဓာတ်ပုံ အညွန်းဆိုတာလည်း မတွေ့ရပါဘူး။ အောက်ဆုံးမှာ ခင်မေဇော်(ဝါရှင်တန်ဒီစီ)ဆိုပြီး ကိုယ်တိုင်ရေး ပုံစံဖမ်းကာ ထည့်ထားပါတယ်။

ဒီမှာတင် ပြန်ကြားရေးဒုဝန်ကြီး ပြောသွားတဲ့မြန်မာပြည်က ရောင်းအား အကောင်းဆုံး စောင်ရေ အများဆုံးဆိုတဲ့ သတင်းစာ ဂျာနယ်တို့ရဲ့ကျင့်ဝတ် အနေအထားကို သုံးသပ်မိရင်း ကမ္ဘာ မီဒီယာအသိုင်းအဝိုင်းမှာ မြန်မာ့မီဒီယာက ဘယ်နေရာရှိနေမလဲဆိုတာ တစ်ယောက်ထဲ တွေးတောမိနေပါတော့တယ်။

My iPhone in Burma ဆောင်းပါး မူရင်းလင့် => http://www.newyorker.com/online/blogs/currency/2014/01/my-iphone-in-myanmar.html

February 6, 2014
ဆိုးရွားသော ဆောင်းရာသီကြောင့် နယူးယောက်ပြည်နယ်အား အရေးပေါ် အခြေအနေကြေညာ

ဖေဖော်ဝါရီ ၆၊ ၂၀၁၄
M-Media

– ဆိုးရွားသော ဆောင်းရာသီကိုကြုံတွေ့နေရပြီး ဆီးနှင်းများသည်းထန်စွာ ကျဆင်းမှု၊ အပူချိန် အလွန်အမင်း ကျဆင်းမှုတို့ ဆက်တိုက်ဖြစ်ပေါ်နေသော နယူးယောက် ပြည်နယ်ကို ပြည်နယ် အုပ်ချုပ်ရေးမှူး အန်ဒရူး ကူအိုမိုက ယမန်နေ့တွင် အရေးအပေါ်အခြေအနေ ကြေညာခဲ့သည်ဟု သိရသည်။

“ဆိုးရွားတဲ့ ရာသီဥတုအခြေအနေဟာ ပြည်နယ် တစ်ခုလုံးကို သက်ရောက်နေပါတယ်။ နယူးယောက်ပြည်နယ် လုံခြုံဖို့အတွက် လိုအပ်တဲ့ လုပ်ဆောင်မှုတွေအားလုံးကို ကျွန်တော်တို့ လုပ်ဆောင်နေပါတယ်” ဟု ကူအိုမိုက ပြောကြား ခဲ့သည်။

ထို့ပြင် နယူးယောက်ရှိပြည်သူများအား အပြင်သို့မထွက်ရန်၊ မိမိ၏ မိသားစုဝင်များနှင့် မိတ်ဆွေများအား စောင့်ရှောက်ရန် ရာသီဥတု မကောင်းမီ အချိန်အထိ အိမ်တွင်း၌ပင်နေထိုင်ရန် သတိပေးထားကြောင်း ၎င်းက ထည့်သွင်းပြောကြားခဲ့သည်။

ဆိုးရွားသော ရာသီဥတုကြောင့် လမ်းများမှာ နှင်းများဖြင့် ဖုံးလွှမ်းနေပြီး၊ အချက်ပြစနစ်မှာလည်း အလုပ်မလုပ်တော့သည့် အတွက် နယူးယောက်ရှိ ရထားလမ်းများ၊ ဘတ်စ်ကာများ သွားလာခြင်းကို ပိတ်ပင်ထားရကာ ပြည်နယ်၏ အဓိကလေယာဉ် ကွင်းများရှိ လေယာဉ်ခရီးစဉ် ၁၀၀၀ ခန့်ကိုလည်းဖျက်သိမ်းခဲ့ရသည်။

Ref: ဆင်ဟွာ

February 6, 2014
ရာသီဥတုဆိုင်ရာ ရေဒါစခန်းများ ဖွင့်လှစ်ရန် မြန်မာအား ဒေါ်လာ သန်း ၄၀ ဂျပန်ကူညီမည်

ဖေဖော်ဝါရီ ၆၊ ၂၀၁၄
M-Media

– မြန်မာနိုင်ငံတွင် မိုးလေ၀သရေဒါစခန်း ၃ ခုနှင့် ရာသီဥတု စောင့်ကြည့် လေ့လာရေးစခန်း ၃၀ ဆောက်လုပ်ရန် အတွက် ဂျပန်နိုင်ငံက ကန်ဒေါ်လာ သန်း ၄၀ ကူညီထောက်ပံ့မည်ဟု နိုင်ငံပိုင် မီဒီယာများက ယမန်နေ့တွင် ဖော်ပြခဲ့သည်။

မြန်မာနိုင်ငံရှိ ရာသီဥတု ကြိုတင် သတိပေးချက်စနစ်ကို ပိုမိုအားကောင်းစေရန် ရည်ရွယ်၍ ဂျပန်နိုင်ငံက ထိုကဲ့သို့ ကူညီထောက်ပံ့ခြင်းဖြစ်ပြီး ၄ နှစ် သတ်မှတ်ထားသည့် ထိုပရောဂျက်အား ၂၀၁၄ ခုနှစ်တွင်စတင်ကာ ၂၀၁၇ ခုနှစ်တွင် အပြီးသတ်မည်ဖြစ်သည်ဟု နေပြည်တော်တွင် ကျင်းပပြုလုပ်ခဲ့သည့် မိုးလေ၀သ စောင့်ကြည့်ရေးနှင့် သတင်း အချက်အလက် ရယူရေး စနစ် အဆင့်မြှင့်တင်ရေး ပရောဂျက် အလုပ်ရုံဆွေးနွေးပွဲတွင် သယ်ယူပို့ဆောင်ရေး ၀န်ကြီးဌာန ၀န်ကြီး ဦးဥာဏ်ထွန်းအောင်က ပြောကြားခဲ့သည်။

ဂျပန်နိုင်ငံမှ ကူညီထောက်ပံ့မှုများအပြင် ဒေါ်လာ ၃၅ သန်း တန်ဖိုးရှိပြီး ခေတ်မီကိရိယာများနှင့် နည်းစနစ်များ တပ်ဆင်ထားသည့် မိုးလေ၀သ စောင့်ကြည့်ရေး စင်တာ တစ်ခု တည်ဆောက်ရန်အတွက် ပဏာမ လုပ်ဆောင်မှုများကိုလည်း ကမ္ဘာ့ဘဏ်က ကူညီထောက်ပံ့ပေးလျက်ရှိနေသည်ဟု ၎င်းက ထည့်သွင်းပြောကြားခဲ့သည်။

ယခင်ကလည်း ဂျပန်နိုင်ငံတကာ ပူးပေါင်းဆောင်ရွက်ရေးအေဂျင်စီ JICA က မြန်မာနိုင်ငံ၏ မိုးလေ၀သ ခန့်မှန်းရေး ဆောင်ရွက်မှုအား အဆင့်မြှင့်တင်ရန် အတွက် ရန်ကုန်၊ မန္တလေးနှင့် ကျောက်ဖြူမြို့များတွင် ရေဒါစနစ်များ တပ်ဆင်ပေးခဲ့ဖူးသည်။

Ref: ဆင်ဟွာ

February 6, 2014
အီရန်-မော်ရိုကို သံတမန် အဆက်အသွယ် ပြန်လုပ်မည်

ဖေဖော်ဝါရီ ၆၊ ၂၀၁၄
M-Media

– ၄ နှစ်ကြာရပ်တန့်နေခဲ့သည့် သံတမန်ရေးရာ အဆက်အသွယ်ပြတ်တောက်မှုကို အဆုံးသတ်ရန် အီရန်နိုင်ငံနှင့် မော်ရိုကိုတို့ သဘော တူညီမှု ရရှိခဲ့ပြီဟု အီရန် လက်ထောက်နိုင်ငံခြားရေး ၀န်ကြီးက ယမန်နေ့တွင်ပြောကြားခဲ့သည်။

အီရန်နှင့် မော်ရိုကိုတို့မှာ သံရုံးများ ပြန်ဖွင့်ရေး ကိစ္စကို စီစဉ်ခဲ့ကြပြီး မကြာမီကာလတွင် တီဟီရန်နှင့် ရာဘတ်မြို့များတွင် ဖွင့်လှစ် သွားမည်ဟု သိရသည်။ ထိုဆုံးဖြတ်ချက်မှာ အီရန်နိုင်ငံခြားရေး ၀န်ကြီး မိုဟာမက် ဂျာဗဒ်ဇာရစ်ဖ်နှင့် မော်ရိုကိုနိုင်ငံခြားရေး ၀န်ကြီး ဆလာဟက်ဒင် မီဇိုအာတို့ တယ်လီဖုန်းဖြင့် ဆွေးနွေးမှုနောက်ပိုင်း ထွက်ပေါ်လာခြင်းဖြစ်သည်ဟု အာရပ်နှင့် အာဖရိကရေးရာ လက်ထောက်နိုင်ငံခြားရေး ၀န်ကြီး အမီရန် အဗ်ဒူလာဟီယန်က ပြောကြားခဲ့သည်။ ထို့ပြင် နိုင်ငံခြားရေး ၀န်ကြီးများမှာ ထိုဆွေးနွေးမှုအတွင်း သံတမန်ရေးအရ ပြန်လည် ဆက်သွယ်ရန်အတွက် အလေးထားခဲ့ကြသည်ဟု ဆိုသည်။

ဆက်ဆံရေးတိုးတက်ရေး လက္ခဏာ တစ်ရပ်အဖြစ် ရီဘတ်မြို့တွင် ဇန်န၀ါရီလအတွင်းက ပြုလုပ်ခဲ့သည့် OIC အဖွဲ့ al-Quds ကော်မတီ၏ အကြိမ် ၂၀ မြောက် အစည်းအဝေးကို တက်ရောက်ရန် မော်ရိုကိုနိုင်ငံခြားရေး ၀န်ကြီးက ဇာရစ်ဖ်အား ဖိတ်ခေါ်ခဲ့သေးသည်။

အီရန်နှင့် မော်ရိုကိုတို့မှာ ၂၀၀၉ ခုနှစ်က ပြဿနာ အချို့ဖြစ်ပွားခဲ့ပြီးနောက်ပိုင်း သံတမန် အဆက်အသွယ် ပြတ်တောက် ခဲ့ခြင်းဖြစ်သည်။

ဓါတ်ပုံ အညွှန်း- အာရပ်နှင့် အာဖရိကရေးရာ လက်ထောက်နိုင်ငံခြားရေးဝန်ကြီး အမီရန် အဗ်ဒူလာဟီယန်

Press TV

February 6, 2014
Mizzima: ပြည်ခိုင်ဖြိုးအမတ် ဦးရွှေမောင်ကို မိခင်ပါတီနှင့် လွှတ်တော်တို့က စစ်ဆေး အရေးယူရန် အစီအစဉ် မရှိဟုဆို

ဖေဖော်ရီ ၆၊ ၂၀၁၄
မဇ္ဈိမ
စိုးသန်းလင်း

လူမှုကွန်ရက် စာမျက်နှာမှ တဆင့် ၄င်းအားစိတ်ပူနေသူများကို မိမိ အဆင်ပြေကြောင်း ပြောကြားခဲ့သိ ဦးရွှေမောင်၏ ရေးသားမှု

နိုင်ငံတော်နှင့် မြန်မာနိုင်ငံရဲတပ်ဖွဲ့အား ဂုဏ်သိက္ခာ ကျဆင်းစေသည်ဟူသည့် သမ္မတ သ၀ဏ်လွှာအရ ပြည်ခိုင်ဖြိုး အမတ် ဦးရွှေမောင်ကို ပြည်ထဲရေး ၀န်ကြီးဌာနက ဖေဖော်ဝါရီ ၄ ရက်တွင် ပြည်ခိုင်ဖြိုးပါတီ ဌာနချုပ်၌ စစ်ဆေးခဲ့သည်နှင့် ပတ်သက်ပြီး ၄င်းအား မိခင်ပါတီနှင့် လွှတ်တော်တို့က စစ်ဆေးအရေးယူ ရန် အစီအစဉ် ရှိနိုင်ပါသလားဟူသော မဇိ်္ဈမ၏ အမေးကို ပြည်သူ့လွှတ်တော်၊ ဥပဒေရေးရာနှင့် တရားစီ ရင်ရေး ကော်မတီဥက္ကဌ သူရဦးအောင်ကိုက အစီအစဉ် မရှိသေးကြောင်း ဖြေကြားခဲ့သည်။

“အခုအထိတော့ အစီအစဉ် မရှိသေးပါဘူး။ ရှိရင် ပြောပါ့မယ်” ဟု ၎င်းက ယနေ့ ပြည်ထောင်စု လွှတ် တော် ခေတ္တနားချိန်တွင် ဖြေကြားခဲ့ခြင်း ဖြစ်သည်။

ဘူးသီးတောင်မြို့နယ် ပြည်သူ့လွှတ်တော်ကိုယ်စားလှယ် ဦးရွှေမောင်သည် ပြည်ခိုင်ဖြိုးပါတီဝင် ဖြစ်သော ကြောင့် မိခင်ပါတီအနေဖြင့် ၎င်းအားစစ်ဆေး အရေးယူသွားဖို့ ရှိပါသလားဟု မေးခဲ့ရာ ပြည်ခိုင်ဖြိုး ပါတီ၏ ဒုတိယဥက္ကဌ တစ်ဦးဖြစ်သူ ဦးဌေးဦးက “ဒီကိစ္စကျွန်တော် မသိဘူးဗျ။ ရုံးမှာ တစ်နေ့လုံး ပြည်ထဲရေးက လာမေးတယ်လို့ ပြောပါတယ်။ ကျွန်တော်လည်း အဲ့ဒီနေ့က ရုံးမှာ ရှိနေပါတယ်။ ဒါပေမဲ့ ကျွန်တော်မသိ ဘူး။ မတွေ့ဘူး။ ပါတီအနေနဲ့ ဒီကိစ္စကို ဘာမှကို မသိသေးဘူး။ တကယ်ဟုတ်တယ်ဆိုရင် ကာယကံရှင် ကလည်း သတင်းပို့လို့ရတာပဲ။ ဌာနဆိုင်ရာကလည်း သတင်းပို့မှာပဲ။ အခုတော့ လောလောဆယ် ဘာမှ သတင်းပို့တာ မရှိသေးပါဘူး။ လွှတ်တော်ကိုလည်း သတင်းပို့ ရမှာပဲ။ အခုလွှတ်တော် ဘက်ကလည်း ဘာမှ သတင်းမကြားပါဘူး။ သိလာရင်တော့ သိတဲ့အပေါ်မူတည်ပြီး စဉ်းစားမှာပေါ့” ဟု ပြန်လည်ဖြေ ကြားသည်။

ပြည်ခိုင်ဖြိုးပါတီသည် အာဏာရပါတီလည်းဖြစ်ပေရာ ၎င်းပါတီဥက္ကဋ္ဌ နိုင်ငံတော် သမ္မတက ပါတီဥက္ကဌ တာဝန်ကို ထမ်းဆောင်လျက်ရှိ၍ ဒုတိယဥက္ကဋ္ဌလည်းဖြစ်၊ ပြည်ထောင်စုလွှတ်တော် နာယကလည်းဖြစ် သည့် သူရဦးရွှေမန်းထံသို့ ပြည်ခိုင်ဖြိုးအမတ် ဦးရွှေမောင်အား စစ်ဆေးခွင့်တောင်းသည့် သ၀ဏ်လွှာကို ပို့ပြီးမှ ပြည်ထောင်စု လွှတ်တော် ခွင့်ပြုချက်ဖြင့် ပြည်ထဲရေးဝန်ကြီးဌာနက ယမန်နေ့က စစ်ဆေးခဲ့ခြင်းကို ပြည်ခိုင်ဖြိုး ပါတီ ဒု-ဥက္ကဌတစ်ဦးဖြစ်သော ဦးဌေးဦးက လုံးဝမသိကြောင်း ငြင်းဆိုလိုက်ခြင်း ဖြစ်သည်။

ပြည်ထဲရေးက ၎င်းအား စုံစမ်းမေးမြန်းစဉ် အဆင်ပြေမှု ရှိ၊မရှိ မဇ္ဈိမက မေးသည်ကို ဦးရွှေမောင်က “အဆင်ပြေပါတယ်။ သူတို့ သိချင်တာတွေကို မေးတာပါ။ ကျွန်တော်ကလည်း ပြန်ရှင်းပြတယ်။ အဓိက ကျွန်တော်ရှင်းပြတာကတော့ ဒီလိုစွပ်စွဲတာသည် ဒီဗွီဘီရဲ့ သတင်းခေါင်းစဉ်ကြောင့်သာ ဖြစ်ရတာပါ။ စာသားထဲမှာလည်း မပါဘူး။ ကျွန်တော်ကိုယ်တိုင် တိုက်ရိုက်ဖြေတာမျိုးလည်း မရှိဘူး။ ကျွန်တော်က ပြည် သူ့ကိုယ်စားလှယ်တစ်ဦးဖြစ်လို့ ရွာသားတွေက တင်ပြလာတာကို ပြန်ပြောရတဲ့ သဘောဖြစ်တယ် ဆို တာ ရှင်းပြပါတယ်။ သတင်းဌာနကလွှင့်တဲ့ Edited Version ကို မကြည့်ဘဲ Full Version ကို ကြည့်ဖို့ လိုပါတယ်” ဟု ဖြေခဲ့သည်။

ထို့ပြင် ပြည်ထဲရေးက ၎င်းနှင့် နောက်ထပ်တွေ့ဆုံမေးမြန်း ချိန်းဆိုခဲ့ခြင်း မရှိကြောင်းလည်း ဖြည့်စွက်ပြော ကြားခဲ့သည်။ မည်သို့ဆိုစေ လောလောဆယ်၌ လွှတ်တော်ကရော၊ ပြည်ခိုင်ဖြိုးပါတီကပါ ပြည်ခိုင်ဖြိုး အမတ် ဦးရွှေမောင်အပေါ် စစ်ဆေးအရေးယူမှု မရှိသေးပေ။

Link =>https://www.facebook.com/permalink.php?story_fbid=715090488525859&id=216265185075061&stream_ref=10

February 6, 2014