ဇန်နဝါရီ ၂၈၊ ၂၀၁၄
M-Media
စုစည်းတင်ဆက်သူ- daythanix
ဆိုနီက ထုတ်မယ့် Sirius အမည်နဲ့ Smartphone အသစ်
Sony ရဲ့ အသစ်ထုတ်မယ့် Smartphone အသစ် မှာ 4K အဆင့် ပုံထွက် အရည်အသွေး အပြင် frame-rate ပိုများတဲ့ ဗီဒီယို ရိုက်ကူးနိုင်မယ့် ကင်မရာ ပါဝင်မှာ ဖြစ်ပါတယ်။ ဒီဖုန်းကို Sirius လို့ သင်္ကေအမည် မှည့်ခေါ်ထားပြီး ဈေးကွက်ကို ဘယ်လိုနာမည်နဲ့ ရောင်းချမယ် ဆိုတာနဲ့ ဈေးနှုန်းကို ကြေငြာသေးပါဘူး။ ဒီဖုန်းမှာ နှစ်ချက်ပုတ်လိုက်ရုံနဲ့ sleep အနေအထားကနေ ပြန်ဖွင့်ပေးတာ အပြင် အခြား လုပ်ဆောင်ချက်အသစ်တွေ ပါဝင်သလို အသံပိုင်းအတွက် စတီရီယို စပီကာ တပ်ဆင်ထားတဲ့ အတွက် Xperia Z1 ထက် များစွာ သာလွန်ကောင်းမွန်မှာ ဖြစ်ပါတယ်။
————————–————————–——-
သကြားမှ ဘက်ထရီ ထုတ်လုပ်မှု အောင်မြင်
Virginia Tech တက္ကသိုလ်က ပါမောက္ခ Percival Zhang ဦးဆောင်တဲ့ သုတေသန အဖွဲ့ဟာ သကြားနဲ့ ပြုလုပ်တဲ့ ဘက်ထရီကို ပြုလုပ်နိုင်ခဲ့တယ်လို့ Nature Communications ဂျာနယ်မှာ ဖေါ်ပြခဲ့ပါတယ်။ သကြားကနေ ဘက်ထရီ လုပ်ဖို့ အရင်ကလည်း ကြိုးစားခဲ့ကြပေမယ့် အခုလို စွမ်းအင်သိပ်သည်းဆ မြင့်မားတဲ့ ဘက်ထရီ မဖြစ်ခဲ့ပါဘူး။ သကြား နဲ့ maltodextrin လို့ခေါ်တဲ့ ကဆီဓါတ် တို့ကို အမ်ဇိုင်း ဓါတ်ကူ တစ်မျိုးနဲ့ ပေါင်းစပ်ခြင်းကနေ သကြားရဲ့ ဟိုက်ဒရိုဂျင်ကို ခွဲထုတ်ကာ လျှပ်စစ်ဓါတ်အား ကို ရရှိပြီး မှာဖြစ်ပါတယ်။ ဘေးထွက် ပစ္စည်းကတော့ ရေ ပဲဖြစ်ပါတယ်။ ဒီဘက်ထရီရဲ့ အားသာချက်ကတော့ ဈေးသက်သာခြင်း၊ ပြန်လည် ဖြည့်သွင်းနိုင်ခြင်း၊ ဇီဝသဘောအရ ပြိုကွဲနိုင်လို့ ပန်းဝန်းကျင် ညစ်ညမ်းမှု မရှိခြင်းတွေပဲ ဖြစ်ပါတယ်။ နောက်သုံးနှစ်လောက်အတွင်း ကုန်ပစ္စည်းတွေမှာ လက်တွေ့ အသုံးချနိုင်မှာ ဖြစ်ပါတယ်။
————————–————————–——-
တောင်ကိုရီးယားမှာ 5G Mobile အင်တာနက် နောင် ၆ နှစ်အတွင်း သုံးနိုင်တော့မည်။
တောင်ကိုးရီးယား နိုင်ငံမှာ ပေါင်စတာလင် သန်း 900 ခန့်ရင်းနှီးမြုပ်နှံပြီး 5G အဆင့် မိုဘိုင်းလ် အင်တာနက်ကို ခြောက်နှစ်အတွင်း သုံးနိုင်အောင် စတင် အကောင်အထည်ဖေါ်နေပြီ ဖြစ်ပါတယ်။ 5G နည်းပညာကတော့ 4Gထက် အဆ ၁၀၀၀ ပိုမြန်မှာ ဖြစ်ပါတယ်။ 4G နည်းပညာမှာ 800-megabyte ပမာဏကို ဒေါင်းလုပ်ချရန် စက္ကန့် ၄၀ ခန့် ကြာနိုင်ပြီး 5G ဆိုရင်တော့ 800-megabyte ကို တစ်စက္ကန့်ပဲ ကြာပါလိမ့်မယ်။ လက်ရှိ 4G ရဲ့ အားနည်းချက်ကတော့ 300 km/h ထက် ပိုမြန်တဲ့ ရထားပေါ်မှာ လိုင်းမမိပါဘူး။ 5G ဆိုရင်တော့ ၅၀၀ km/h အမြန်နှုန်းနဲ့ ရထားပေါ်ကတောင် ဖုန်းလိုင်း မိနိုင်မှာ ဖြစ်ပါတယ်။
————————–————————–——-
တရုတ်ရဲ့ လသွားယာဉ်ငယ် ချွတ်ယွင်းမှု ဖြစ်
တရုတ်နိုင်ငံရဲ့ လပေါ်မှာ လွှတ်တင်ထားတဲ့ လသွား ခြောက်ဘီးတပ် ယာဉ်ငယ်လေးဟာ စက်ပိုင်းဆိုင်ရာ ချွတ်ယွင်းမှု ကြုံနေရပေမယ့် အင်ဂျင်နီယာများက ပြုပြင်နိုင်ဖို့ ကြိုးစားနေတယ် လို့ဆိုပါတယ်။ Yutu လို့အမည်ပေးထားတဲ့ ဒီ ယာဉ်ငယ်လေးဟာ ပေါင် ၃၀၀ လေးပြီး တစ်နှစ်လောက် လပေါ်မှာ လှည့်လည် လေ့လာ ဖို့ စီစဉ်ထားတာ ဖြစ်ပါတယ်။ လရဲ့ နှစ်ပါတ်ကြာတဲ့ ညဖက်ကာလမှာ အပူချိန်ဟာ အနုတ် ၁၁၄ ဒီဂရီ ဆဲလ်ဆီးယစ် ရှိပြီး နေစွမ်းအင် မရရှိတဲ့ အခါမှာ စက်ပိတ်ပြီး ရပ်နားထားရာက နေ့ဖက် ရောက်ချိန်မှာ ပြန်လည် လည်ပါတ်ခြင်းမရှိတာပဲ ဖြစ်ပါတယ်။ ပထမတစ်ကြိမ် လရဲ့ ညတာကာလ အပြီးတုန်းကတော့ စက်ပြန်လည် လည်ပတ်နိုင်ခဲ့ပါသေးတယ်။
————————–————————–——-
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် M-Media ခွင့်ပြုချက်မရှိဘဲ အသုံးပြုခွင့်မပြုပါ။
ဆက်သွယ်ရန် [email protected]
