စက်တင်ဘာ ၃ ၊၂၀၁၃
M-Media
ကိုလေး စုစည်းတင်ဆက်သည်။
အိုဇေးလ်အား အာဆင်နယ်ခေါ်ယူ
နွေရာသီအပြောင်းအရွှေ့ကာလအတွင်း ငွေးကြေးသုံးစွဲမှုနည်းပါးခဲ့သည့် အာဆင်နယ်အသင်းမှာ ရီးယဲမက်ဒရစ်အလယ်တန်းလူ မီဆုအိုဇေးလ်အား ဈေးကွက်မပိတ်မီနာရီအနည်းငယ်အလိုတွင် ယူရိုသန်း ၅၀ ဖြင့်ခေါ်ယူလိုက်ပြီဟုသိရသည်။ အာဆင်နယ်အသင်းသို့ မထင်မှတ်ဘဲရောက်ရှိလာသည်ကို အံ့သြနေသည့် အိုဇေးလ်က “ဖြစ်ပျက်လာတဲ့အကြောင်းအရာတွေဟာ လွန်ခဲ့တဲ့ရက်အနည်းက ကျနော်ထင်ထားတာထက် ခြားနားနေပါတယ်။ ခင်ဗျားတို့နဲ့အတူရှိနေခဲ့တဲ့ ပျော်ရွှင်ဖွယ်သုံးနှစ်တာအတွက် ခင်ဗျားတို့အားလုံးကိုကျေးဇူးတင်ပါတယ်။ ရီးယဲယ်မှာ ရှိနေခဲ့တဲ့အချိန်တွေဟာ ကျနော့်အတွက်တော့ ထူးခြားကောင်းမွန်တဲ့အချိန်တွေပါပဲ။ ရီးယဲလ်အသင်းကို စွန့်ခွာခဲ့ပေမယ့် ရီးယဲလ်နဲ့ ခင်ဗျားတို့ အကောင်းဆုံးအနာဂတ်ကို ရရှိပါစေလို့ ကျနော် ဆန္ဒပြုပါတယ်။ အခုတော့ ကျနော်ရဲ့ ကလပ်အသစ် အမြောက်တပ်သားတွေနဲ့ ရှေ့ကို ခရီးဆက်လိုက်ပါဦးမယ်” ဟု သူ၏ဖေ့စ်ဘုတ်စာမျက်နှာတွင် ရေးသားခဲ့သည်။
ထို့ပြင်အာဆင်နယ်အသင်းမှာ ပါလာမိုအသင်း၏ ဂိုးသမား အီမီလီယာနို ဗီဗီယာနိုကိုလည်း တစ်နှစ်အငှားစာချုပ်ဖြင့်ခေါ်ယူလိုက်သည်။
…………………………………………………
ရီဘာရီမရှိပါက ဘိုင်ယန် ဖလားသုံးလုံးမရနိုင်
ယမန်နှစ်က ဖလားသုံးလုံးရရှိခဲ့သည့် ဘိုင်ယန်မြူးနစ်အသင်းတွင် အဓိကနေရာမှ ပါဝင်ခဲ့သည့် ပြင်သစ်ကွင်းလယ်လူ ရီဘာရီအား ဂျာမနီနှင့် ဘိုင်ယန်မြူးနစ်အသင်း၏ ဂန္တ၀င်ကစားသမား ဘက်ကင်ဘောင်ဝါက ချီးကျူးပြောဆိုလိုက်သည်။ ရီဘာရီမှာ ၂၀၁၂-၂၀၁၃ ဥရောပအကောင်းဆုံးကစားသမားဆုအား ပူပူနွေးနွေးရရှိထားသူဖြစ်သည်။ “ရီဘာရီမရှိဘဲနဲ့ ဘိုင်ယန်ဟာဖလားသုံးလုံးမရနိုင်ပါဘူး။ တစ်လုံး၊ နှစ်လုံးလောက်တော့ ရကောင်းရနိုင်ပါတယ်။ ဒါပေမယ့် သုံးလုံးစလုံးတော့ မရနိုင်ပါဘူး။ ဖရန့်ရီဘာရီဟာ အသင်းအတွက် အများကြီးကူညီပေးခဲ့ပါတယ်။ ဘယ်လိုအခြေအနေမျိုးမှာမဆို သူဟာ ကမ္ဘာ့အကောင်းဆုံးဘောလုံးသမားတွေထဲက တစ်ယောက်ပါ။ ဒီနှစ်တော့သူဟာ ကမ္ဘာ့အကောင်းဆုံးဘောလုံးသမားဖြစ်ခဲ့ပါတယ်” ဟု ဘက်ကင်ဘောင်ဝါ၏ ပြောကြားခဲ့မှုအား ကမ္ဘာ့ဘောလုံးအဖွဲ့ချုပ် ဖီဖာ၏ ၀ဘ်ဆိုဒ်တွင်ဖော်ပြထားသည်။
…………………………………………………………..
ဖယ်လိုင်နီ မန်ယူရောက်ပြီ
အဲဗာတန်အသင်း၏ ကွင်းလယ်လူ မာရော်နီ ဖယ်လိုင်နီမှာ မန်ချက်စတာယူနိုက်တက်အသင်းသို့ ပေါင် ၂၇.၅ သန်းဖြင့်ပြောင်းရွှေ့သွားပြီဖြစ်သည်။ ဖယ်လိုင်နီမှာ နည်းပြဟောင်းဒေးဗစ်မိုယက်စ်နှင့်ပြန်လည်တွေ့ဆုံရမည်ဖြစ်သည်။ ဒေးဗစ်မိုယက်စ်က “မာရော်နီနဲ့ ကျနော် ငါးနှစ်လောက် အလုပ်တွဲလုပ်ခဲ့ဖူးပါတယ်။ မန်ချက်စတာယူနိုက်တက်အသင်းကို ပြောင်းရွှေ့ဖို့ဆုံးဖြတ်ခဲ့တဲ့အတွက် ကျနော်ပျော်ရွှင်မိပါတယ်။ သူဟာ သန်မာပြီး စွမ်းရည်ပြည့်ဝတဲ့ ကစားသမားကောင်းတစ်ယောက်ပါ။ ပြီးတော့ သူဟာ ကျနော်တို့အသင်းကို ပြောင်းလဲစေလိမ့်မယ်လို့ ကျနော်ထင်ပါတယ်။” ဟု ပြောကြားခဲ့သည်။
………………………………………………………….
ဖယ်လိုင်နီ၏နေရာကို အားဖြည့်ရန်အတွက် ကစားသမားနှစ်ဦးအား အဲဗာတန်ခေါ်ယူ
အဲဗာတန်အသင်းသည် အသင်းမှထွက်ခွာသွားသည့် အလယ်တန်းလူ ဖယ်လိုင်နီ၏နေရာအား အစားထိုးရန်အတွက် ၀ီဂန်အသင်း၏ လူငယ် အလယ်တန်းကစားသမား ဂျိမ်းမက္ကာသီနှင့် မန်စီးတီးအသင်း၏ ကစားသမား ဂါရတ် ဘယ်ရီတို့အား ခေါ်ယူလိုက်သည်ဟုသိရသည်။ မက္ကာသီအတွက် ပြောင်းရွှေ့ကြေး ပေါင် ၂၇.၅သန်းပေးချေခဲ့ရပြီး ဘယ်ရီအား ၁ နှစ်အငှားစာချုပ်ဖြင့်ခေါ်ယူခဲ့ခြင်းဖြစ်သည်။ ထို့ပြင် အဲဗာတန်အသင်းမှာ ချယ်ဆီးလူငယ်တိုက်စစ်မှူး လူကာကူကိုလည်း တစ်နှစ်အငှားစာချုပ်ဖြင့်ခေါ်ယူခဲ့သည်။
………………………………………………………
တတိယဂိုးသမား အဒန်အား ရီးယဲလ်သက်တမ်းမတိုးတော့
ရီးယဲလ်မက်ဒရစ်အသင်းသည် အသင်းရှိ တတိယဂိုးသမား အန်တိုနီယိုအဒန်အား စာချုပ်သက်တမ်းထပ်မံမတိုးတော့ဘဲ အသင်းမှ ထွက်ခွာခွင့်ပေးလိုက်ပြီဟု ကြေညာခဲ့သည်။ အသက် ၂၆ နှစ်အရွယ်ရှိ အဒန်မှာ ရီးယဲလ်အသင်း၏ လူငယ်သင်တန်းကျောင်းမှ ထွက်ပေါ်လာခြင်းဖြစ်ပြီး ၂၀၁၀ ခုနှစ် ချန်ပီယံလိဂ်ပွဲစဉ်တစ်ခုတွင် ရီးယဲလ်အသင်းနှင့် ပထမဦးဆုံးပွဲထွက်ခွင့်ရခဲ့သည်။ “ရီးယဲလ်အသင်းနှင့် အန်တိုနီယို အဒန်တို့ ချုပ်ဆိုထားသောစာချုပ်မှာ ပြီးဆုံးသွားပြီဖြစ်သည်။ သူ၏ ဖရော်ဖက်ရှင်နယ်ပီသမှုနှင့် အသင်းအားချစ်မြတ်နိုးမှုအတွက် ရီးယဲလ်မှ ကျေးဇူးတင်ရှိပါသည်။ အဒန်၏အနာဂတ်တွင် ကံကောင်းပါစေကြောင်း အသင်းမှ ဆုတောင်းလိုက်ပါသည်။” ဟု ရီးယဲလ်မက်ဒရစ် အသင်း၏ ၀ဘ် စာမျက်နှာတွင်ရေးသားထားသည်။ အဒန်မှာ ရီးယဲလ်မက်ဒရစ်အသင်းနှင့် ၁၈ ပွဲသာ ပွဲထွက်ခွင့်ရခဲ့သည်။
………………………………………………………
စပိန်ကစားသမားများ ကွာတားသို့ရောက်ရှိခဲ့ကြသည့် ယူအက်စ်အိုးပင်းတင်းနစ်ပြိုင်ပွဲ စတုတ္ထအဆင့်ပွဲစဉ်များ
ယူအက်စ်အိုးပင်းတင်းနစ်ပြိုင်ပွဲ အမျိုးသားပွဲစဉ်များကို ယမန်နေ့က ယှဉ်ပြိုင်ကစားခဲ့ရာ နာမည်ကြီးကစားသမား ရော်ဂျာဖက်ဒါရာ ပြိုင်ပွဲမှထွက်ခွာခဲ့ရပြီး၊ နာဒယ်လ်နှင့် ဖာရဲရားတို့မှာ ကွာတားဖိုင်နယ်သို့ တက်ရောက်နိုင်ခဲ့သည်ဟုသိရသည်။
ယခင်ကမ္ဘာ့အဆင့် ၁ တင်းနစ်သမား ရော်ဂျာဖက်ဒါရာနှင့် စပိန်တင်းနစ်သမား တိုမီ ရော်ဘာဒိုတို့ယှဉ်ပြိုင်ကစားခဲ့သည့် ပွဲစဉ်တွင် ဖက်ဒါရာမှ ရှုံးနိမ့်ခဲ့သည်ဟုသိရသည်။
ဂရင်လင်းဆုဖလားအား ၁၇ ကြိမ်ရခဲ့သည့် ဖက်ဒါရာမှာ သြစတေးလျအိုပင်းတင်းနစ်ပြိုင်ပွဲတွင် ဆီးမီးဖိုင်နယ်၊ ပြင်သစ်အိုးပင်း တင်းနစ်ပြိုင်ပွဲတွင် ကွာတားဖိုင်နယ်အဆင့်ဖြင့်သာ ကျေနပ်ခဲ့ရပြီး ယခု ယူအက်စ်အိုးပင်းတစ်နစ်ပြိုင်ပွဲတွင် ရော်ဘာဒိုအား ၇-၆(၇-၃)၊ ၆-၃၊ ၆-၄ ဖြင့်ရှုံးနိမ့်ခဲ့ကာ စတုတ္ထအဆင့်မှပင် ထွက်ခွာခဲ့ရသည်။ ဖက်ဒါရာမှာ ယခင်က မည်သည့်စပိန်တင်းနစ်သမားကိုမှ ရှုံးနိမ့်ဖူးခြင်းမရှိခဲ့ဘဲ ယခု ပထမဦးဆုံးအကြိမ်အဖြစ် ရှုံးနိမ့်ခဲ့ခြင်းဖြစ်သည်။
နာဒယ်လ်မှာ ဂျာမန်တင်းနစ်သမား ဖီးလစ် ကိုရှရိုင်ဘာအား အကြိတ်အနယ်ကစားကာ ၆-၇(၇-၄)၊ ၆-၄၊ ၆-၃၊ ၆-၁ ဖြင့် အနိုင်ရရှိခဲ့ပြီး ဖာရဲရားမှာ ဆားဘီးယန်း တင်းနစ်သမား ဂျန်ကို တစ်စရေးဗစ်အား ၇-၆(၇-၂)၊ ၃-၆၊ ၇-၅၊ ၇-၆(၇-၃) ဖြင့်အနိုင်ရရှိခဲ့သည်။
အခြားပွဲစဉ်တစ်ခုဖြစ်သည့် ရစ်ချတ်ဂတ်စ်ကွက်နှင့် မီလို့စ် ရိုအာနစ်တို့ပွဲစဉ်တွင် ပြင်သစ်တင်းနစ်သမား ရစ်ချတ်ဂတ်စ်ကွက်က ရိုအာနစ်အား ၆-၇(၇-၄)၊ ၇-၆(၇-၄)၊ ၂-၆၊ ၇-၆(၁၁-၉)၊ ၇-၅ ဖြင့်အနိုင်ရရှိခဲ့ကာ ကွာတားဖိုင်နယ်သို့ တက်ရောက်သွားခဲ့သည်။
skysport
…………………………………………………………………..
ဗင်ချီနှင့် ဟန့်ချိုဗာတို့ ကွာတားသို့တက်ရောက်နိုင်ခဲ့ကြသည့် ယူအက်စ်အိုးပင်း အမျိုးသမီး စတုတ္ထအဆင့်ပွဲစဉ်များ
ယူအက်စ်အိုးပင်း စတုတ္ထအဆင့်ပွဲစဉ်တွင် အီတလီတင်းနစ်မယ် ရော်ဘက်တာ ဗင်ချီမှာ တစ်နိုင်ငံတည်းသူ ကမီလာ ဂျီအော်ဂျီအား အနိုင်ရရှိခဲ့ကာ ကွာတားဖိုင်နယ်သို့ တက်ရောက်သွားပြီဟုသိရသည်။ ၁ နာရီကျော်သာကြာမြင့်ခဲ့သည့် အဆိုပါပွဲစဉ်တွင် ဗင်ချီက တတိယအဆင့်အတွင် ကမ္ဘာ့နံပါတ် ၁ တင်းနစ်မယ် ကာရိုလိုင်း ၀ုဇ်နီအက်ကီကို အနိုင်ရရှိခဲ့သည့် ဂျီအော်ဂျီအား ၆-၄၊ ၆-၂ ဖြင့် အနိုင်ရရှိခဲ့ခြင်းဖြစ်သည်။ ဗင်ချီမှာ ကွာတားဖိုင်နယ်တွင် ဆီမိုနာ ဟာလက်ပ်အား ၆-၂၊ ၇-၆ ဖြင့်အနိုင်ရရှိခဲ့သည့် ဆီဒင်မဲ့ တစ်နိုင်ငံတည်းသူ ဖလာဗီယာ ပန်နက်တာနှင့် တွေ့ဆုံယှဉ်ပြိုင်ရမည်ဖြစ်သည်။ ဗင်ချီမှာ ယူအက်စ်အိုးပင်းကွာတားဖိုင်နယ်သို့ ၂ နှစ်ဆက် တက်ရောက်နိုင်ခဲ့ခြင်းလည်းဖြစ်သည်။
အခြားပွဲစဉ်များတွင် ၁၁ နှစ်တိုင် ယူအက်စ်အိုးပင်းကွားတားဖိုင်နယ်သို့မရောက်ခဲ့သည့် ဆလိုဗက်ကီးယား တင်းနစ်မယ် ဒန်နီယယ်လာ ဟန့်ချိုဗာမှာ အမေရိကန်တင်းနစ်မယ် အလိုင်ဆန် ရစ္စကီအား ၆-၃၊ ၅-၇၊ ၆-၂ ဖြင့် အနိုင်ရရှိခဲ့ကာ ကွာတားဖိုင်နယ်သို့ တက်ရောက်နိုင်ခဲ့သည်။
skysport
…………………………………………………………………..
Deutsche Bank Championship ဂေါက်သီးရိုက်ပြိုင်ပွဲတွင် ဟင်းနရစ် စတန်ဆန် ဗိုလ်စွဲ
အမေရိကန်နိုင်ငံ ဘော်စတွန်မြို့တွင်ကျင်းပပြုလုပ်သည့် Deutsche Bank Championship ဂေါက်သီးရိုက်ပြိုင်ပွဲတွင် ဆွီဒင်နိုင်ငံသား ဟင်းနရစ်စတန်ဆန်က အနိုင်ရဗိုလ်စွဲခဲ့သည်ဟု သိရသည်။ စတန်ဆန်မှာ ပြိုင်ပွဲနောက်ဆုံးနေ့အစပိုင်းတွင် ဆာဂျီယို ဂါစီယာ၏နောက် ဒုတိယနေရာတွင်ရှိနေခဲ့သော်လည်း ဘာဒီငါးချက်ရခဲ့ပြီး စုစုပေါင်းရိုက်ချက် ၆၆ချက်ဖြင့် ဗိုလ်စွဲခဲ့ခြင်းဖြစ်သည်။ စတန်ဆန်က “နောက်ဆုံးနေ့မှာကျနော် နည်းနည်းပိုကောင်းအောင်ရိုက်နိုင်ခဲ့ပါတယ်။ အနောက်ရောက်နေရာက ဗိုလ်စွဲအောင်ရိုက်နိုင်တဲ့အတွက် ကျနော်ကျေနပ်မိပါတယ်” ဟု ပွဲပြီးတွင် ပြောကြားခဲ့သည်။
