စက်တင်ဘာ ၂ ရက်၊ ၂၀၁၃
M-Media
အစ္စတန်ဘူလ်။ ။ ကမ္ဘာအနှံ့ရှိ လူ ၁၀ သန်းကျော် အသုံးပြုနေသည့် လက်လေးချောင်းထောင် အောင်မြင်ရေး သင်္ကေတသည် အီဂျစ်နိုင်ငံသားထောင်ပေါင်းများစွာ၏ ၄၅ ရက်ကြာ ယာယီစခန်းကို ကိုယ်စားပြုဖော်ပြချက်ဖြစ်၏။ ၄င်းသင်္ကေတသည် ယခုအခါ ကမ္ဘာ့မွတ်စ်လင်မ်များကြား မျှော်လင့်ချက်သင်္ကေတ တစ်ခုအဖြစ်သို့ အသွင် ကူးပြောင်းလာခဲ့ပြီဖြစ်သည်။
“ ရာဘီအဟ်သင်္ကေတဟာ ရိုးရှင်းသော အမှတ်အသားတစ်ခုပါပဲ။ သို့သော်လည်း “ ကျွန်တော်တို့ထံမှာ ပြောစရာတွေ တစ်ပွေ့တစ်ပိုက်နဲ့ပါ ” ဆိုပြီး မွတ်စလင်မ်လောကရဲ့ကမ္ဘာကို အသိပေးချက်တစ်ရပ် ဖြစ်လို့လာပါပြီ။ ဒီသင်္ကေတက မွတ်စ်လင်မ်ကမ္ဘာကြီးရဲ့အပြောင်းအလဲကိုလည်း တရားဝင်ပြသနေပါတယ် ” ဟု World Bulletin သို့ Union of NGOs of the Islamic World (UNIW) ၏ အထွေထွေစည်းရုံးရေးမှူး စီဟန်ဂီရ် အစ္စဘိလီရ် (Cihangir Isbilir) မှ သြဂုတ်လ ၃၀ ရက်၊ သောကြာနေ့တွင် ပြောကြားခဲ့သည်။
ရာဘီအဟ် အမည်ရှိ ယာယီစခန်း၌ စုပြုံ သတ်ဖြတ်ခံရခြင်းအပေါ် တရားမျှတမှုအတွက် လက်လေးချောင်းထောင် ရာဘီအဟ် သင်္ကေတ ဖြစ်ပေါ်အသုံးပြုလာခြင်းဖြစ်သည်။
အာရဗီဘာသာစကားအရ “ရာဘီအဟ်” ဆိုသည်မှာ နံပါတ်လေး သို့မဟုတ် လေးခုဟု အဓိပ္ပာယ်ထွက်၏။ ၄င်း သင်္ကေတသည် အီဂျစ်နိုင်ငံရှိ မတရားအာဏာသိမ်းမှုအား ဆန့်ကျင်သော အမှတ်သင်္ကေတ ပင်ဖြစ်သည်။
ဇူလိုင်လ ၃ ရက်နေ့တွင် သမ္မတဟောင်း မုဟမ္မဒ် မိုရ်စီ (Mohamed Morsi) အား ကာကွယ်ရေးဝန်ကြီးချုပ် အဗ်ဒုလ် ဖတာဟ် အလ်စစ်စီ (Abdul Fatah al-Sisi) က ဖြုတ်ချခဲ့မှုနောက်တွင် လွန်ခဲ့သောလ၌ ယင်းသို့ ပြည်သူများ၏ ကန့်ကွက်ဆန္ဒပြမှု ဖြစ်ပွားခဲ့သည်။
စစ်တပ်အာဏာသိမ်းမှုကို ဆန့်ကျင်သောအားဖြင့် ကန့်ကွက်ဆန္ဒပြသူများသည် ကိုင်ရို ရာဘီအဟ် (Cairo Rabai) နှင့် နဟ်ဒါ စကွဲရ် (Nahda Squares) တွင် တစ်လခွဲကျော်ကြာ ယာယီစခန်းချခဲ့ကြသည်။
လွန်ခဲ့သော သြဂုတ်လ ၁၄ ရက်နေ့တွင် အီဂျစ်လုံခြုံရေးအဖွဲ့သည် ယင်းအခြေအနေအားအဆုံးသတ်ရေးအတွက် ကန့်ကွက် ဆန္ဒပြသူများကို ဖြိုခွဲခဲ့သဖြင့် လူပေါင်း ရာကျော် သေဆုံးကာ၊ ထောင်ကျော် ဒဏ်ရာရရှိခဲ့ကြသည်။
ဖြိုခွဲမှုမတိုင်မှီ နာရီပိုင်းအလိုတွင် အီဂျစ်ရှိ ဒီမိုကရေစီလိုလားသော ကန့်ကွက်ဆန္ဒပြသူများက ၄င်းတို့၏ တောင်းဆိုချက်ကို ကမ္ဘာမှသိစေရန် လက်လေးချောင်းထောင် သင်္ကေတဖြင့် ပြသခဲ့ကြသည်။
တူရကီနိုင်ငံရေး လှုပ်ရှားသူများ၏ “R4bia.com” ၀က်ဘ်ဆိုဒ်မှတစ်ဆင့် တင်ပြရာမှ ထိုသင်္ကေတသည် မွတ်စ်လင်မ် ကမ္ဘာအတွင်း ပျံ့နှံ့သွားခဲ့သည်။ ထို့နောက်ပိုင်းတွင် “#Whatisr4bia” ဆိုသော စာသားအား Twitter တွင် ဖော်ပြရေးသားခဲ့ကြပြီး၊ တူရကီနိုင်ငံတွင် လူကြည့်အများဆုံး Trend Topics (TT) ဖြစ်လာခဲ့သည်။ ပြီးနောက် ကမ္ဘာသိအဆင့်သို့ ၀င်ရောက်နေရာယူလာခဲ့သည်။ ယခုသော် အာရှ မှ ဥရောပ၊ အာဖရိက မှ အမေရိကအထိ ကမ္ဘာ့တစ်ဝှန်း လူအသီးသီး၏ စိတ်ဝင်စားမှုကို ရရှိသော ကမ္ဘာ့ဦးတည်ချက်စာသား တစ်ခုဖြစ်လာခဲ့ပေပြီ။
ပါကစ္စတန်၊ အီရတ်၊ အီဂျစ်၊ ဘော့စနီးယား၊ ဟာဇီဂိုဗီးနား၊ မလေးရှား နှင့် အင်ဒိုနီးရှားရှိ အင်တာနက် အသုံးပြုသူ ထောင်ပေါင်းများစွာမှ တွင်တွင် ကျယ်ကျယ်အသုံးပြုလာပြီး ဥရောပ နှင့် အမေရိကတို့တွင်လည်း ထို “#Whatisr4bia” ခေါင်းစဉ်အောက်ရှိ စာသားများ နှင့် ဓာတ်ပုံများကို ဖြန့်ဝေခဲ့ကြသည်။
Facebook ပေါ်၌ “ ရာဘီအဟ် သင်္ကေတ ” အား Profile Picture အဖြစ်အသုံးပြုသူများမှာ သန်း ၁၀၀ ကျော် ရှိနေကြောင်း သိရသည်။
“ ရာဘီအဟ်သင်္ကေတဟာ ကမ္ဘာအနှံ့ ပြန့်နှံ့လျက်ရှိတယ်၊ ထို့အတူ လူအများကလည်း မတုန့်မဆိုင်း လက်ခံခဲ့ကြသလို လူမှုကွန်ရက်တွေမှာ လူ သန်း ၁၀၀ လောက် ဖြန့်ဝေနေကြပါတယ် ” ဟု အစ္စဘိလီရ် က ဆိုသည်။
သူ့အမြင်အရ ထိုကဲ့သို့ သင်္ကေတပြန့်နှံ့ခြင်းမှာ မွတ်စ်လင်မ်ကမ္ဘာသည် လွန်ခဲ့သော နှစ် ၂၀က ပျောက်ဆုံးနေခဲ့သော “ မိမိကိုယ်ကိုပြန်လည်ရှာဖွေခြင်း” ဖြစ်စဉ်သို့ ၀င်ရောက်နေခြင်းဖြစ်ကြောင်း၊ အီဂျစ်ပြည်သူတို့၏ ထူးခြားပြင်းထန်သော ခုခံကာကွယ်မှုသည် ယခုတွင်တော့ အများပြည်သူ နှင့် လူမျိုးစုတို့အတွင်း၌ အသိတရားများ နှင့် ပြန်လည် သက်ဝင်နိုးကြားရေး လှုပ်ရှားမှုများအဖြစ် မထင်မှတ်စွာ အသွင်ကူးပြောင်းခဲ့ကြောင်း ၄င်းမှ ထည့်သွင်းပြောကြားခဲ့သည်။
Ref: OnIslam
Photo- http://www.r4bia.com/
