သြဂုတ်လ-၅ ရက်၊ ၂၀၁၃
M-Media
ဒရောဂ့်ဘာ၏သွင်းဂိုးများဖြင့် ဂါလာတာစာရေး အီမရိတ်ဖလားကိုဆွတ်ခူး
ယမန်နေ့ကကျင်းပခဲ့သည့် အီမရိတ်ဖလားဖိတ်ခေါ်ဘောလုံးပြိုင်ပွဲ နောက်ဆုံးဗိုလ်လုပွဲတွင် တူရကီကလပ် ဂါလာတာစာရေးက ပရီးမီးယားလိဂ်ကလပ် အာဆင်နယ်အသင်းအား ၂ ဂိုး ၁ ဂိုးဖြင့်အနိုင်ရရှိကာ အီမရိတ်ဖလားအား ဆွတ်ခူးရရှိခဲ့သည်ဟုသိရသည်။ ပထမပိုင်း မိနစ် ၄၀ တွင် တိုက်စစ်မှူးဝေါလ်ကော့က အာဆင်နယ်အသင်းအတွက်အဖွင့်ဂိုးသွင်းယူပေးခဲ့သော်လည်း ဒုတိယပိုင်း ၇၈ မိနစ်တွင် ပင်နယ်တီမှတစ်ဆင့်ချေပဂိုးနှင့် ၈၂မိနစ်တွင် အနိုင်ဂိုးကို လူစားဝင်ရောက်လာသူ ဒရောဂ့်ဘာက သွင်းယူပေးခဲ့သည်။
_______________________________________
အေစီမီလန်အား အနိုင်ယူကာ Guinness International Champions Cup ဖိုင်နယ်သို့ ချယ်ဆီး တက်ရောက်
ကျင်းပလျက်ရှိသည့် Guinness International Champions Cup ဖိတ်ခေါ်ဘောလုံးပြိုင်ပွဲတွင် ပရီးမီးယားလိဂ်ကလပ် ချယ်ဆီးအသင်းက စီးရီးအေကလပ် အေစီမီလန်အသင်းကို ၂ ဂိုး ဂိုးမရှိဖြင့် အနိုင်ရရှိကာ နောက်ဆုံးဗိုလ်လုပွဲသို့ တက်ရောက်သွားပြီဖြစ်သည်။ ချယ်ဆီးအတွက်ဂိုးများကို ပထမပိုင်းတွင် ကဲဗင်ဒီဘရိုင်းကလည်းကောင်း၊ ဒုတိယပိုင်း နာကျင်အချိန်ပိုတွင် အသစ်ရောက်ရှိလာသည့် အန်ဒရေရှုလာက လည်းကောင်း အသီးသီးသွင်းယူပေးခဲ့သည်။ ချယ်ဆီးအသင်းသည် နောက်ဆုံးဗိုလ်လုပွဲတွင် ရီးရဲလ်မက်ဒရစ်နှင့် တွေ့ဆုံရမည်ဖြစ်သည်။
_______________________________________
ဒေါ့မွန်အသင်းသာ ဘိုင်ယန်မြူးနစ်ကို ရပ်တန့်နိုင်မည်ဟု ဂျာမနီ လက်ရွေးစင်အသင်းနည်းပြဆို
ဘိုင်ယန်နည်းပြသစ် ပက်ပ် ဂွာဒီယိုလာ၏ ဘွန်ဒစ်လီဂါချန်ပီယံဖြစ်ရန် ကြိုးပမ်းမှုကို ဒေါ့မွန်အသင်းသာလျှင် ခြိမ်းခြောက်နိုင်လိမ့်မည်ဟု ဂျာမနီလက်ရွေးစင်အသင်းနည်းပြ ဂျိုအာချင်းမ်လို က ပြောကြားခဲ့သည်။
ဒေါ့မွန်သင်းသည် ဘိုင်ယန်အားစိန်ခေါ်နိုင်စွမ်းရှိသည့် တောင့်တင်းသော အသင်းဖြစ်ကြောင်း၊ ဂွာဒီယိုလာမှာ ဘိုင်ယန်အသင်းအား ဖိအားများနှင့် ကိုင်တွယ်ရမည်ဖြစ်ကြောင်း သူက ထည့်သွင်းပြောကြားခဲ့သည်။ ဘိုင်ယန်မြူးနစ်အသင်းသည် ယမန်နှစ် ဘွန်ဒစ်လီဂါတွင် ဒေ့ါမွန်အသင်းအားဖြတ်ကျော်ကာ ဗိုလ်စွဲခဲ့ပြီး၊ ချန်ပီယံလိဂ်ဗိုလ်လုပွဲတွင်လည်း ဒေါ့မွန်အသင်းအား အနိုင်ယူကာ ဗိုလ်စွဲနိုင်ခဲ့သည်။
_______________________________________
မိုနာကိုအသင်းသည် ပီအက်ဂျီအားမခြိမ်းခြောက်နိုင်ဟု လိုင်ယွန်ဥက္ကဌဆို
ပြင်သစ်လိဂ်ဝမ်းကလပ် လိုင်ယွန်အသင်း၏ နည်းပြဖြစ်သူ ဂျီအန် မီရှယ် အောလက်စ်က ယခုနှစ်နွေရာသီအတွင်း ငွေးကြေးအမြောက်အများသုံးစွဲကာ အသင်းအားပြင်ဆင်ထားသည့် မိုနာကိုအသင်းအနေဖြင့် လိဂ်ဝမ်းချန်ပီယံ ပီအက်စ်ဂျီအသင်းအား ခြိမ်းခြောက်နိုင်ခြင်းရှိမည်မဟုတ်ဟု ပြောဆိုလိုက်သည်။ ပီအက်စ်ဂျီအသင်းမှာ ချန်ပီယံထပ်ဖြစ်ရန် အခွင့်အရေးများနေပြီး မိုနာကိုအသင်းမှာ ချန်ပီယံဖြစ်ရန် ခက်ခဲလိမ့်မည်ဟု မီရှယ်အောလက်စ်က ပြောဆိုခဲ့သည်။ မိုနာကိုအသင်းသည် ယခုနှစ်တွင်မှ လိဂ်ဝမ်းသို့ တန်းတက်လာခြင်းဖြစ်သည်။
_______________________________________
ဘရာဇီးတိုက်စစ်မှူးနေးမာ သွေးအားနည်းရောဂါခံစားနေရကြောင်း ဘာကာအတည်ပြု
မကြာသေးခင်က စစ်ဆေးခဲ့သော ဆေးစစ်ချက်များအရ ဘာစီလိုနာအသင်း၏ ဘရာဇီးတိုက်စစ်မှူး နေးမာမှာ သွေးအားနည်းရောဂါခံစားနေရကြောင်းသိရသည်။ ဘာစီလိုနာအသင်း၏ အားကစားဒါရိုက်တာ အန်ဒိုနီ ဇူဘီဇရက်တာ က နေးမာအခြေအနေမှာ စိုးရိမ်စရာမရှိကြောင်း၊ အခြေအနေပိုမိုကောင်းမွန်လာရန် ၎င်းတို့အနေဖြင့် ကူညီသွားမည်ဖြစ်ကြောင်း ပြောကြားခဲ့သည်။
_______________________________________
ဗီလာဘိုအားစ်၏ မှတ်ချက်ကြောင့် ဂါရက်ဘေးလ် စိတ်ပျက်နေ
ရီးယဲလ်မက်ဒရစ်အသင်းမှ စံချိန်တင်ပြောင်းရွှေကြေးဖြင့်ကမ်းလှမ်းခြင်းခံထားရသည့် ဂါရက်ဘေးလ်မှာ တော့တင်ဟမ်နည်းပြဖြစ်သူ၏မှတ်ချက်ကြောင့် မပျော်မရွှင်ဖြစ်နေသည်ဟု ဘေးလ်နှင့် နီးစပ်သူများမှ တဆင့်သိရသည်။ စနေနေ့က မိုနာကိုအသင်းအားရှုံးနိမ့်ခဲ့သော ခြေစမ်းပွဲအပြီးတွင် ဗီလာ ဘိုအားစ်က ဘေးလ်၏ အပြောင်းရွှေ့သတင်းများမှာ ကောလဟာလများသာဖြစ်ကြောင်း၊ ရီးရဲလ်မက်ဒရစ်အသင်းနှင့် တစ်ခုတည်းသော ဆက်သွယ်မှုမှာ ဘေးလ်အား ရောင်းချမည် မဟုတ်ဟု ပြောဆိုခဲ့ခြင်းသာဖြစ်သည်ဟု မှတ်ချက်ပေးပြောကြားခဲ့သောကြောင့် အသင်းမှ ထွက်ခွာလိုသည့် ဘေးလ်အနေဖြင့် မပျော်မရွှင်ဖြစ်နေရခြင်းဖြစ်သည်။
_______________________________________
ယူအေအီးကစားသမားတစ်ဦးအား အာဆင်နယ်မျက်စိကျနေ
အာဆင်နယ်အသင်းသည် ယူအေအီး ကစားသမားတစ်ဦးဖြစ်သူ အိုမာ အဗ္ဗဒူလ်ရဟ်မာန်အား ခေါ်ယူရန် စိတ်ဝင်စားနေသည်ဟုသိရသည်။ အသက် ၂၁ နှစ်အရွယ်ရှိ အဆိုပါကစားသမားအား ဂျာမန်ကလပ် ရှော်လ်ကေးအသင်းနှင့် ဘာစီလိုနာအသင်းတို့ကလည်း ခေါ်ယူရန် စိတ်ဝင်စားနေသည်။
_______________________________________
မာရှေရာနိုအား နာပိုလီစိတ်ဝင်စားနေပြန်
စီးရီးအေကလပ်နာပိုလီအသင်းသည် ဘာစီလိုနာနောက်ခံလူ မာရှေရာနိုအား ခေါ်ယူရန်စိတ်ဝင်စားနေသည်ဟုသိရသည်။ နာပိုလီအသင်းသည် ရီးရဲလ်မက်ဒရစ်က ခေါ် ယူထားသည့် နောက်ခံလူ ရောလ် အလ်ဘီအိုနှင့် တွဲကစားရန်အတွက် နောက်ခံလူတစ်းဦးရှာဖွေနေပြီး မာရှေရာနိုမှာ အဓိကပစ်မှတ်ဖြစ်လာသည်။
_______________________________________
အာဆင်နယ်တိုက်စစ်မှူးချာမက် ခရစ္စတယ်ပဲလေ့စ်သို့ြေ့ပာင်းရွှေ
အာဆင်နယ်အသင်း၏ တိုက်စစ်မှူး မရောနီချာမက်မှာ ယခုနှစ်တွင်မှ ပရီးမီးယားလိဂ်သို့ တန်းတက်လာသည့် ခရစ္စတယ်ပဲလေ့စ်အသင်းသို့ ခြောက်လ အငှားစာချုပ်ဖြင့်ပြောင်းရွှေ့သွားသည်ဟု သိရသည်။ အာဆင်နယ်နည်းပြ အာဆင်ဝင်းဂါးက ဂါဗင်ဟိုနှင့် ချာမက်တို့မှာ အသင်းမှ ထွက်ခွာဖွယ်ရှိနေပြီး ဘန်တနာမှာ အသင်းတွင် ဆက်ရှိနေမည်ဟု မကြာသေးခင်က ပြောဆိုထားသည်။
_______________________________________
ဗြိတိန်အိုးပင်းအမျိုးသမီးဂေါက်သီးရိုက်ပြိုင်ပွဲတွင် စတေစီလူးဝစ်ဗိုလ်စွဲ
စကော့တလန်နိုင်ငံ စိန့်အန်ဒရူးဂေါက်ကွင်းတွင် ကျင်းပပြုလုပ်ခဲ့သည့် ဗြိတိန်အိုးပင်း အမျိုးသမီးဂေါက်သီးရိုက်ပြိုင်ပွဲတွင် အမေရိကန် ဂေါက်သီးမယ် စတေစီလူးဝစ်က နှစ်ချက်အသာဖြင့် ဗိုလ်စွဲခဲ့ကြောင်း သိရသည်။
_______________________________________
Bridgestone Invitational ဂေါက်သီးရိုက်ပြိုင်ပွဲတွင် တိုက်ဂါးဝုဒ် ၈ ကြိမ်မြောက်ဗိုလ်စွဲ
အမေရိကန်ဂေါက်သီးအကျော်အမော် တိုက်ဂါးဝုဒ်မှာ အမေရိကန်နိုင်ငံ အိုဟိုင်းယိုးတွင် ကျင်းပသည့် Bridgestone Invitational ဂေါက်သီးရိုက်ပြိုင်ပွဲတွင် အနိုင်ရဗိုလ်စွဲခဲ့သည်ဟုသိရသည်။ ယခုကဲ့သို့ ဗိုလ်စွဲခဲ့ခြင်းမှာ ၈ ကြိမ်မြောက်ဖြစ်ပြီး မကြာခင်ကျင်းပတော့မည့် PGA Championship ဂေါက်သီးရိုက်ပြိုင်ပွဲအနိုင်ရရှိရေးအတွက် မျှော်လင့်ချက်များ ပိုမိုရှင်သန်လာခဲ့သည်။ တိုက်ဂါးဝုဒ်မှာ ၂၀၀၀၊ ၂၀၀၆နှင့် ၂၀၀၇ ခုနှစ်များတွင် Bridgestone နှင့် PGA Championship ပြိုင်ပွဲနှစ်ခုစလုံးတွင် အနိုင်ရဗိုလ်စွဲခဲ့သည့် အစဉ်အလာရှိနေသည်။
_______________________________________
BWF World Championships ကြက်တောင်ရိုက်ပြိုင်ပွဲ ပထမအဆင့်တွင် လီချုံဝေနိုင်ပွဲရရှိ
မလေးရှားကြက်တောင်အကျော်အမော် လီချုံဝေမှာ ကျင်းပလျက်ရှိသည့် BWF World Championships ကြက်တောင်ရိုက်ပြိုင်ပွဲ ပထမအဆင့်ပွဲစဉ်တွင် အိုင်ယာလန်ကစားသမား စကော့ အီဗန်စ် အား အနိုင်ရရှိခဲ့သည်ဟု သိရသည်။ ၂၇ မိနစ်သာကြာသည့် အဆိုပါပွဲစဉ်တွင် လီချုံဝေက ၂၁-၁၁၊ ၂၁-၁၅ ဖြင့် သက်တောင့်သက်သာ အနိုင်ရရှိခဲ့ခြင်းဖြစ်သည်။
