News @ M-Media

တတိယ အကြိမ်မြောက် အပြည်ပြည်ဆိုင်ရာ လူငယ်များနေ့ အခမ်းအနား အတွက် ရံပုံငွေရှာဖွေပွဲ တောင်ကြီးမှာ ပြုလုပ်

သြဂုတ်လ-၄၊ ၂၀၁၃
M-Media

TGI

တောင်ကြီးမြို့  မြို့ မဈေးအနီးဝန်းကျင်တွင်တက်ကြွသော လူငယ်တစ်စုမှ တတိယအကြိမ်မြောက် အပြည်ပြည်ဆိုင်ရာလူငယ်များနေ့  အခမ်းအနား အောင်မြင်စွာကျင်းပနိုင်ရေး အတွက်ရည်ရွယ်ပြီး ရန်ပုံငွေရှာပွဲတစ်ရပ်ကို ငြိမ်းချမ်းရေးသီချင်း များသီဆိုကာ ကျင်းပခဲ့ကြသည်။

အဆိုပါ သီချင်းဆိုပွဲသည် ရှမ်းပြည်နယ်တောင်ကြီးမြို့ ကဲ့သို့ သောဒေသ များတွင် တွေ့ မြင်ရခဲလှသောကြောင့် မြို့ မဈေးမှ ဈေးသူ၊ဈေးသားများနှင့် လမ်းသွားလာနေကျသောပြည်သူ များမှ အစပိုင်းတွင် ရုတ်တရက်နားမလည်နိုင်သော်လည်း သီချင်းစတင်သီဆိုပြီး တစ်ခဏအကြာတွင်အလှူငွေများ တစ်ဦးပြီးတစ်ဦးထည့်ဝင်ကာ လူငယ်များကို အားပေးခဲ့ကြသည်။

အဆိုပါလူငယ်အဖွဲ့ သည် အနီးရှိအားပေးကြည့်ရှုနေကြသော ပရိသတ်ပြည်သူများထံသို့ အောက်ပါ လက်ကမ်းစာစောင်ငယ်များကိုလည်းပေးဝေခဲ့ကြသည်။ လူကို လူလို မြင်တတ်စေရန်၊ လူဆိုသည်မှာ အားလုံးသည် ဧည့်သည်များသာ ဖြစ်ပြီး တစ်နေ့ သေကြရမည်ကို သတိချပ်မိစေရန် ရည်သန်သော သီချင်းများကိုသီဆိုခဲ့ကြသည်။

ငြိမ်းချမ်းရေး၊ ခေတ်မှီဖွံ့ ဖြိုးသောနိုင်ငံတော် တည်ဆောက်ရေးတွင် လူငယ်များတစ်ဖက်တစ်လမ်းမှ ပါဝင်ကူညီ ကြရန်ဆော်သြထားပါသည်။

Comments

Leave a Reply