သြဂုတ်- ၂ ရက်- ၂၀၁၃
M-Media
အမေရိကန်အတွင်းရေးဖွင့်ချသူ အက်ဒ်ဝါ့ဒ် စနိုဒင်ကို ရုရှနိုင်ငံက ခိုလှုံခွင့်ပေးလိုက်ခြင်းဟာ မော်စကိုနဲ့ဝါရှင်တန်အကြား ခါးသည်းတဲ့ဆက်ဆံရေးတစ်ခု အစပျိုးဖို့ ဆွပေးလိုက်သလို ဖြစ်သွားတယ်။ ဒါပေမယ့် သူတို့ရဲ့အကျိုးစီးပွားတွေအရ စစ်အေးတိုက်ပွဲကာလလွန်မှာ ပြဿနာပွင့်ထွက်မလာစေဖို့ ကိုယ်စီကိုယ်ငှ ထိန်းသိမ်းစောင့်စည်းနေရတယ်လို့ ကျွမ်းကျင်သူများက ဆိုပါတယ်။
အမေရိကန်ထောက်လှမ်းရေးပရိုဂရမ်အချက်အလက်တွေကို ကျယ်ကျယ်ပြန့်ပြန့် ဖွင့်ချလိုက်တဲ့အတွက် တရားစွဲစီရင်ဖို့ အမေရိကန်ကလိုအပ်နေသူကို ခိုလှုံခွင့်တစ်နှစ်ပေးလိုက်တာကြောင့် ၀ါရှင်တန်က မော်စကိုအပေါ် ပြင်းပြင်းထန်ထန် ဝေဖန်လိုက်ပါတယ်။
“ အလွန်အင်မတန်စိတ်ပျက်ဖွယ်ကောင်းပါတယ် ” လို့ အိမ်ဖြူတော်က ဆိုလိုက်တယ်။ လာမယ့် စက်တင်ဘာလမှာ ဗလာဒီမာ ပူတင် နဲ့ ဘားရက်ခ် အိုဘားမားတို့ဟာ အပြန်အလှန် ထိပ်သီးဆွေးနွေးပွဲပြုလုပ်ရေး စီစဉ်ဖို့လိုအပ်ကြောင်း ဆုံးဖြတ်မလားဆိုတာ မေးခွန်းထုတ်စရာပါ။
ဒီအငြင်းပွားမှုကြီးမားလာခြင်းရှိမရှိဆိုတာကတော့ ဗလာဒီမာပူတင်အုပ်ချုပ်မှုအောက်က အခွင့်အရေးချိုးဖောက်မှုအပေါ်သာ မူတည်နေပါလိမ့်မယ်။ နှစ်ဖက်စလုံးဟာလည်း ဆီးရီးယားအရေးနဲ့ပတ်သက်ပြီး ဆန့်ကျင်ဖက်အမြင် ရှိနေကြတယ်။
ဆိုဗီယက်ယူနီယံပြိုကွဲပြီး နှစ်ပေါင်းနှစ်ဆယ်ကာလ၀န်းကျင်အတွင်း ရုရှ-အမေရိက ဆက်ဆံရေးဟာ နိမ့်တုံမြင့်တုံ အတက်အကျမညီမှုထဲမှာ တ၀ဲလည်လည် ဖြစ်နေခဲ့တယ်။ စနိုဒင်ကိစ္စကြောင့် ပေါက်ကွဲမှု မဖြစ်နိုင်ဘူးလို့ သုတေသီများက သုံးသပ်ထားကြတယ်။
“ အိုဘားမား နဲ့ ပူတင်တို့ရဲ့ တွေ့ဆုံဆွေးနွေးမှုကို ဖျက်သိမ်းမယ်ဆိုယင် ဆက်ဆံရေးရှုပ်ထွေးပြင်းထန်သွားစေမယ့် အထောက်အထားတစ်ရပ် ဖြစ်သွားပါလိမ့်မယ် ” လို့ မော်စကိုမြို့၊ ကာနက်ဂျီစင်တာက မာရီယာ လစ်ပ်မန် (Maria Lipman) ပြောကြားလိုက်တယ်။
“ ဒါပေမယ့် ဒါဟာ ဆက်ဆံရေး ထိခိုက်ပျက်ယွင်းနေပြီလို့တော့ ဆိုလိုရာ မရောက်ပါဘူး။ အိုဘားမားရဲ့ ထိပ်တန်းဦးစားပေးကိစ္စတွေထဲမှာ ရုရှနဲ့အတူ လက်နက်လျှော့ချရေးသဘောတူညီမှုကိစ္စလည်း အပါအ၀င် ဖြစ်နေတာကြောင့်မို့ပါဘဲ။ ရုရှနဲ့ဆက်ဆံရေးမှာ အိုဘားမားအပေါ် စိတ်ဝင်စားမှု အားနည်းသွားနိုင်ပေမယ့်လည်း ဒီကိစ္စမှာကတော့ သေရေးရှင်ရေးအထိ ဆိုးဝါးသွားစရာ မရှိပါဘူး ” ဆိုပြီး သူမက AFP သတင်းဌာနကို ပြောကြားခဲ့တယ်။
ပူတင်ကတော့ “ လုံခြုံရေးဆိုင်ရာ အသေးအဖွဲအငြင်းပွားချက်ထက် နိုင်ငံအချင်းချင်းဆက်ဆံရေးက ပိုပြီး အရေးကြီးတယ် ” လို့ ဇူလိုင်လ ၁၇ ရက်က ထုတ်ပြန်ပြောဆိုပြီး စနိုဒင်အရေးနဲ့ မရောထွေးအောင် ဆိုထားပါတယ်။
ကြာသပတေးနေ့က ခိုလှုံခွင့်ပေးလိုက်ကြောင်း ကြေငြာပြီး မိနစ်အနည်းငယ်မှာ ပူတင်ရဲ့ နိုင်ငံခြားရေးမူဝါဒအကြံပေး ယူရီ အုရှာကော့ဗ်(Yury Ushakov) က စနိုဒင်ရဲ့အရေးဟာ အသေးအဖွဲမျှသာဖြစ်လို့ နှစ်နိုင်ငံဆက်ဆံရေးကို ထိခိုက်မှာ မဟုတ်ဘူးလို့ ဆက်တိုက်ပြောဆိုလိုက်ပါတယ်။
ရုရှဆီလာဖို့ စနိုဒင်ကို ဖိတ်ခေါ်ခဲ့တာ မဟုတ်ကြောင်း၊ သူဟာ ဇွန်လ ၂၃ ရက်မှာ ဟောင်ကောင်ကနေ မော်စကိုရဲ့ Sheremetyevo လေဆိပ်ကို မမျှော်လင့်ဘဲ ရောက်လာခဲ့တာဖြစ်တဲ့အကြောင်း ကရင်မလင်က အထပ်ထပ်အခါခါ ပြောဆိုခဲ့တယ်။
မော်စကိုမှာရှိတဲ့ အမေရိကန်-ကနေဒါတက္ကသိုလ်က ဗေလာရီ ဂါဘူဇော့ဗ်(Valery Garbuzov) ပြောကြားတာကတော့
“ ရုရှဟာ စနိုဒင်ြ ပဿနာကို အလိုမရှိသော်လည်း ဆိုက်ဆိုက်မြိုက်မြိုက် ရောက်လို့လာခဲ့တာပါ။ သူ့ကို လက်ပြောင်းပေးဖို့က လူသားမဆန်ရာ ရောက်တာအမှန်ပါဘဲ။ ဒါပေမယ့် သူ့ကို ခိုလှုံခွင့်ပေးလိုက်တဲ့ ရုရှခေါင်းဆောင်တွေရဲ့တုံ့ပြန်မှုဟာ ဆက်ဆံရေးကိုလည်း ရှုပ်ထွေးသွားစေပါတယ် ” လို့ ဖြစ်တယ်။
နှစ်နိုင်ငံဆက်ဆံရေးမှာ အကွဲအပြဲ မရှိတာကတော့ ထင်ရှားနေပါတယ်။ ဘာဖြစ်လို့လဲဆိုယင် ပြီးခဲ့တဲ့ သောကြာနေ့မှာ မော်စကိုက အမေရိကန်သံအမတ် မိုက်ကယ် မက်ဖောင်းလ်(Michael McFaul) က အုရှာကော့ဗ်နဲ့ တွေ့ဆုံခဲ့တယ်။ စနိုဒင်ရဲ့ အနေအထားသစ်အပါအ၀င် ဆီးရီးယားအရေး၊ ဒုံးကျည်ကာကွယ်ရေးကိစ္စ စတာတွေကိုလည်း ဆွေးနွေးခဲ့ကြတယ်လို့ အမေရိကန်သံရုံးက ပြောကြားလို့ဖြစ်ပါတယ်။
အိုဘားမားအနေနဲ့ စိန့်ပီတာစဘတ်မှာကျင်းပမယ့် စက်တင်ဘာ G20 ထိပ်သီးဆွေးနွေးပွဲကို ဘယ်လိုအခြေအနေဘဲဖြစ်နေပါစေ တက်ရောက်လာဖို့ ရှိပါတယ်။
ဒါပေမယ့် ပူတင်နဲ့ တစ်ဦးချင်းဆွေးနွေးဖို့အတွက် မော်စကို ကို သီးခြားလာဖို့ ရှိတယ်လို့ မျှော်လင့်ထားကြတယ်။ ဒီလို လာရောက်ခြင်းဟာ ၂၀၁၂ ခုနှစ်၊ မေလ၊ ကရင်မလင်ထဲ တတိယအကြိမ်ပြန်လည်ဝင်ရောက်လာတဲ့ ပူတင် နဲ့ အိုဘားမားအကြား ပထမဆုံး နှစ်ဦးချင်း တွေ့ဆုံမှု ဖြစ်ပါလိမ့်မယ်။
ယခုချိန်အထိတော့ သူတို့နှစ်ဦးက နိုင်ငံတကာထိပ်သီးညီလာခံရဲ့ အများရှေ့မှောက်မှာ အကျဉ်းရုံးတွေ့ဆုံမှုမျိုးလောက်ပဲ ရှိထားကြတာပါ။
အိုဘားမားဟာ ပြည်တွင်းဝေဖန်ရေးခံရလင့်ကစား မော်စကို အရောက် လာနိုင်ချေရှိတယ်လို့ ကမ္ဘာ့ရေးရာရုရှဂျာနယ် အယ်ဒီတာ ဖိုင်အိုဒိုးရ် လုက်ယာနော့ဗ်(Fyodor Lukyanov) က ဆိုပါတယ်။
“ ပူတင်က စနိုဒင်အရေးနဲ့ ခပ်ခွာခွာနေဖို့ ကြိုးစားနေတယ်။ ပြီးတော့ ရုရှဟာ အခြေအနေများရဲ့ဓားစာခံ ဖြစ်နေရကြောင်း သူက အလေးအနက်ထားပြောဆိုလေ့ရှိပါတယ်။ အမေရိကရဲ့ တုန့်ပြန်အရေးယူမှုဆိုတာကတော့ ရုပ်လုံးပြချက်သက်သက်လောက်သာ ဖြစ်မှာပါ ”။
စနိုဒင်ကို ခိုလှုံခွင့်ပေးလိုက်ပြီးတဲ့နောက် အမေရိကန် ရီပတ်ဘလီကဲန်ပါတီ အထက်လွှတ်တော်အမတ် ဂျွန် မက်ကိန်း(John MiCain) က “ ကျွန်တော်တို့ရဲ့ ပတ်သက်ဆက်ဆံမှုအပေါ် အခြေခံကျကျ ပြန်လည်စဉ်းစားသုံးသပ်ဖို့ နဲ့ မော်စကိုကို အပျော့ဆွဲမနေဖို့ အချိန်ကျပြီ ” ဆိုပြီး ပြောကြားခဲ့တယ်။
သို့တစေ စနိုဒင်ကိစ္စနဲ့စပ်လျဉ်းပြီး ပူတင်ရဲ့စကားကိုကြည့်ယင် သူဟာ ကရင်မလင် နဲ့ ၀ါရှင်တန် ဆက်ဆံရေးကို ဆက်လက်ထိန်းသိမ်းသွားလိုကြောင်း တွေ့ရတယ်လို့ လစ်ပ်မန် ကဆိုပါတယ်။
“ သူ(စနိုဒင်)ကို တခြားနိုင်ငံပို့ဆောင်ရေးအပါအ၀င် တခြားနည်းလမ်းတွေ ရှာထားပါတယ်။ ရုရှားကို စနိုဒင် ရောက်လာဖို့ ပူတင်က ကြိုးစားပြုလုပ်ခဲ့တာမှ မဟုတ်ဘဲလေ ” ဟုလည်း သူမက ဖြည့်စွက်ပြောခဲ့ပါတယ်။
– AFP/gn
