Author: Ko Lay

ဖေဖော်ဝါရီ ၁၆၊ ၂၀၁၈
M-Media

– ပရီးမီးယားလိဂ် ထိပ်တန်းအသင်းတစ်ခုဖြစ်တဲ့ လီဗာပူးလ်ပရိတ်သတ်တွေဟာ သူတို့အသင်းက အီဂျစ်တိုက်စစ်မှူး မိုဟာမက် ဆာလာဟ်နဲ့ ပတ်သက်လို့ ဘာသာရေးနွယ်ပြီး ထူးခြားတဲ့ ပုံစံမျိုးနဲ့ အားပေးမှုတွေ ရှိလာပါတယ်။

“မို..ဆာ..လာ..လာ…လာ…လာဟ်၊ မို..ဆာ..လာ..လာ…လာဟ်၊ မင်းအတွက်လည်း ကစားသမားကောင်း၊ ငါ့အတွက်လည်း ကစားသမားကောင်း၊ နောက်ထပ်ဂိုးတွေ သူသွင်းရင် ငါတို့ဟာလည်း မွတ်စလင်၊ သူထိုင်နေကြဗလီက ငါတို့သွားမယ့်နေရာဗျ” လို့ လီဗာပူးလ်ပွဲကို ကြည့်နေတဲ့အချိန် ပရိတ်သတ်တွေက ကွင်းအတွင်းမှာ၊ ဒါမှမဟုတ် အပြင်ကဆိုင်တွေမှာ ကြွေးကြော်ခဲ့ကြတာ ဖြစ်ပါတယ်။

အီဂျစ်လက်ရွေးစင်တစ်ယောက်ဖြစ်တဲ့ ဆာလာဟ်ဟာ ပရီးမီးယားလိဂ်ကို ပြီးခဲ့တဲ့နှစ်မှာ ရောက်ရှိလာခဲ့ပြီးတဲ့နောက် လီဗာပူးလ်အတွက် ဂိုးလှိုင်လှိုင်သွင်းခဲ့ပြီး အင်္ဂလိပ်ဘောလုံးအသိုင်းအ၀ိုင်းမှာ အလျင်အမြန်ပဲ ကျော်ကြားလာခဲ့ပါတယ်။

၂၀၁၇ ခုနှစ် ဘောလုံးရာသီမှာ ဘီဘီစီရဲ့ အာဖရိက အကောင်းဆုံး ဘောလုံးသမားဆုကို ဆာလာဟ်က ဆွတ်ခူး ရရှိခဲ့ပါတယ်။

ဗုဒ္ဓဟူးနေ့ ပေါ်တိုအသင်းနဲ့ပွဲမှာ ဂိုးသွင်းယူနိုင်ခဲ့တဲ့ဆာလာဟ်ဟာ လီဗာပူးလ်ရဲ့ ၁၂၅ နှစ် သမိုင်းတစ်လျှောက်မှာ တစ်ရာသီအတွင်း ဂိုး ၃၀ သွင်းယူနိုင်တဲ့ ၁၃ ယောက်မြောက်ကစားသမားအဖြစ် မှတ်တမ်းဝင်ခဲ့ပြီး ဘာစီလိုနာက တိုက်စစ်မှူး မက်ဆီနဲ့ ခိုင်းနှိုင်းပြောဆိုမှုတွေ ရှိလာခဲ့ပါတယ်။

‘အီဂျစ်ကဘုရင်’ လို့ ချစ်စနိုးအမည်ရထားတဲ့ ဆာလာဟ်ကို လီဗာပူးလ်ပရိတ်သတ်တွေက ဒီလို ကြွေးကြော်အားပေးမှုဟာ အင်္ဂလိပ်ဘောလုံးလောကမှာ အမြစ်တွယ်နေတဲ့ လူမျိုးရေးခွဲခြားမှုကို တိုက်ဖျက်မှုတစ်ခုအဖြစ် ရှုမြင်နေကြပါတယ်။

ဘောလုံးအားကစားမှာ လူမျိုးရေးခွဲခြားမှုတိုက်ဖျက်ရေး ဆောင်ရွက်နေတဲ့ Kick It Out အဖွဲ့ရဲ့ ဖေဖော်ဝါရီ ၇ ရက်နေ့ အစီရင်ခံစာမှာ ၂၀၁၇-၁၈ ဘောလုံးရာသီရဲ့ ရာသီဝက်အပြီး မှတ်တမ်းတွေအရ လူမျိုးရေးခွဲခြားမှုဟာ မြင့်တက်လာတယ်လို့ ဖော်ပြထားပါတယ်။

၂၀၁၇ ခုနှစ် နှစ်ကုန်အထိ လူမျိုးရေးခွဲခြားစော်ကားမှုပေါင်း ၂၈၂ မှု ရှိခဲ့တယ်လို့ ဒီအဖွဲ့က ဆိုပါတယ်။ ဒါဟာ ပြီးခဲ့တဲ့နှစ် ဘောလုံးရာသီက ရာသီဝက်မှတ်တမ်းထက် ၅၉ ရာခိုင်နှုန်း ပိုတက်လာတာဖြစ်ပါတယ်။

မိုဆာလာဟ်အပေါ် ဘောလုံးပရိတ်သတ်တွေ အားပေးချစ်ခင်မှု မြင့်တက်လာတာဟာ အစ္စလာမ်ကြောက်ရောဂါကို ဟန့်တားနိုင်မယ့် ကိစ္စတစ်ခုဖြစ်တယ်လို့ ရှုမြင်နေသူတွေလည်း ရှိနေပါတယ်။

Ref: Aljazeera