Author: Ko Lay

ဇန်န၀ါရီ ၁၀၊ ၂၀၁၈
M-Media

– နိုင်ငံအတွင်း လူထုအုံကြွမှုနှင့် ပတ်သက်၍ အမေရိကန်နှင့် ဗြိတိန်တို့ကို အီရန် အဓိပတိ အယာတိုလာ အလီခါမေနီက ဝေဖန်လိုက်ပြီး အစိုးရကို ဖြုတ်ချရန် ကြိုးစားသည့် ပြည်ပတိုင်းပြည်များကို တုန့်ပြန်သွားမည်ဟု ပြောကြားခဲ့သည်။

ခါမေနီမှာ ယမန်နေ့က အမေရိကန်သမ္မတ ဒေါ်နယ်ထရမ့်ကိုလည်း ဝေဖန်ခဲ့ပြီး ‘ထရမ့်မှာ ဂနာမငြိမ်သူ၊ ကယောက်ခြောက်ခြားလုပ်တတ်သူ’ ဟု ကင်ပွန်းတပ်ခဲ့သည်။

လူနေမှုစားရိတ်ကြီးမြင့်ခြင်း၊ အလုပ်လက်မဲ့ များပြားခြင်းတို့ကြောင့် အီရန်ပြည်သူများမှာ ပြီးခဲ့သည့် သီတင်းနှစ်ပတ်အတွင်း နိုင်ငံတစ်ဝှမ်း အကြီးအကျယ် ဆန္ဒပြခဲ့သည်။

အဆိုပါဆန္ဒပြမှုမှာ နိုင်ငံရပ်ခြားမှ တိုက်ရိုက် သွေးထိုးမှုကြောင့်ဖြစ်သည့် ခိုင်မာသာ အထောက်အထားများရှိနေသည်ဟု အီရန်က ပြောကြားထားသည်။

“အမေရိကန်အာဏာပိုင်တွေအနေနဲ့ ပထမဆုံး သိထားရမှာက သူတို့ရဲ့ ရည်မှန်းချက် အထမမြောက်ဘူး ဆိုတာပါ။ ဒုတိယအချက်က လတ်တလောမှာ အီရန်ကို ထိခိုက်အောင် သူတို့ သွေးထိုးပေးထားပြီး ဒါကို အီရန်က မတုန့်ပြန်ဘဲ ထားမှာမဟုတ်ဘူး ဆိုတာပါပဲ” ဟု ခါမေနီက ၎င်း၏ Twitter စာမျက်နှာတွင် ရေးသာခဲ့သည်။

“အီရန် အစ္စလာမ့် ပြည်သူ့သမ္မတနိုင်ငံကို ဖြုတ်ချချင်တဲ့ အမေရိကန်၊ ဗြိတိန်နဲ့ အခြားသူတွေကို ထပ်ပြောချင်တာက ခင်ဗျားတို့ ဒီတစ်ကြိမ်မှာ မအောင်မြင်သလို၊ နောက်ထပ်လည်း အောင်မြင်မှာမဟုတ်ဘူး ဆိုတာပါပဲ”

ဆန္ဒပြမှုအတွင်း အနည်းဆုံး ၂၂ ဦး သေဆုံးခဲ့ပြီး ၃၇၀၀ ခန့် ဖမ်းဆီးခံခဲ့ရသည်။

အီရန်အာဏာပိုင်များက အဆိုပါ ဆန္ဒပြမှုကို အမေရိကန် စီအိုင်အေနှင့် အစ္စရေးထောက်လှမ်းရေး မော့ဆက်အဖွဲ့တို့က စီစဉ်ကာ ဆော်ဒီက ငွေကြေးထောက်ပံ့ပေးသည်ဟု စွပ်စွဲထားသည်။

ထရမ့်က အီရန်ကို အုပ်စိုးသူများမှာ အမေရိကန်၏ပါဝါကို ကြောက်ရွံ့နေသည်ဟု ပြောကြားခဲ့ပြီး ခါမေနီကလည်း ပြန်လည်တုန့်ပြန်ခဲ့သည်။

“ကျုပ်တို့က ခင်ဗျားတို့ကို တော်တော်ကြီး ကြောက်နေမယ်ဆိုရင် ၁၉၇၀ ပြည့်နှစ်တွေက ခင်ဗျားတို့ကို ရန်က ကန်ထုတ်ပြီး ၂၀၁၀ ပြည့်နှစ်တွေမှာ ဒေသတွင်းကနေ ခင်ဗျားတို့ အထုပ်ထမ်းပြန်ရအောင် ဘာဖြစ်လို့ လုပ်မလဲ” ဟု ခါမေနီက ရေးသားခဲ့သည်။

Ref: Aljazeera