Author: Ko Lay

ဂျေရုစလင်ကိစ္စ ဆန္ဒပြမှုအတွင်း အနည်းဆုံး ပါလက်စတိုင်းတစ်ဦး အသတ်ခံရ

ဒီဇင်ဘာ ၈၊ ၂၀၁၇
M-Media

ဆန္ဒပြမှု မြင်ကွင်းတစ်ခု

– နိုင်ငံတကာ ဥပဒေများကို ချိုးဖောက်ကာ ဂျေရုစလင်အား အစ္စရေး၏ မြို့တော်အဖြစ် အမေရိကန်က သတ်မှတ်လိုက်မှုကို ပါလက်စတိုင်းပြည်သူများ ဆန့်ကျင်ဆန္ဒပြမှုအတွင်း အနည်းဆုံး ၁ ဦး သေဆုံးခဲ့သည်ဟု သိရသည်။

သမ္မတထရမ့်က ဗုဒ္ဓဟူးနေ့တွင် ထိုကဲ့သို့ ကြေငြာခဲ့ပြီးနောက်ပိုင်း ပါလက်စတိုင်းပြည်သူများမှာ ‘သပိတ်နေ့’ အဖြစ် ကြေငြာက ပါလက်စတိုင်းပိုင်နက်များဖြစ်သော အနောက်ဖက်ကမ်း၊ အရှေ့ဂျေရုစလင်နှင့် ဂါဇာတို့တွင် အကြီးအကျယ် ဆန္ဒပြမှုများ ပြုလုပ်နေခြင်းဖြစ်သည်။

ယနေ့ ဂါဇာကမ်းမြှောင်ရှိ ဆန္ဒပြမှုအတွင်း အစ္စရေးလုံခြုံရေးတပ်ဖွဲ့များမှာ အသက် ၃၀ နှစ်အရွယ် ပါလက်စတိုင်းတစ်ဦးကို ပစ်သတ်ခဲ့သည်ဟု ပါလက်စတိုင်း ကျန်းမာရေးဝန်ကြီးဌာနက သတင်းထုတ်ပြန်ခဲ့သည်။

ပါလက်စတိုင်း လခြမ်းနီအဖွဲ့က အနောက်ဖက်ကမ်းနှင့် အရှေ့ဂျေရုစလင်တို့တွင် ဆန္ဒပြသူများနှင့် အစ္စရေးတပ်ဖွဲ့များ ထိပ်တိုက်တွေ့ဆုံမှုအတွင်း အနည်းဆုံး ပါလက်စတိုင်းပြည်သူ ၂၁၇ ဦး ဒဏ်ရာရရှိခဲ့သည်ဟု ပြောကြားခဲ့သည်။

ဂါဇာတွင် ဒဏ်ရာရရှိသူများမှာ ၂၀ ကျော် ရှိနေသည်။ ဆန္ဒပြမှုများမှာ အများအားဖြင့် ငြိမ်းချမ်းစွာ ပြုလုပ်နေခြင်းဖြစ်သည်။

အစ္စရေးလုံခြုံရေးတပ်ဖွဲ့ဝင်များက ဆန္ဒပြသူများအား လူစုခွဲရန် မျက်ရည်ယိုဗုံးများ၊ ရာဘာကျည်ဆံများကို အသုံးပြုခဲ့ကြသည်။

အမေရိကန်၏ ဆုံးဖြတ်ချက်ကို ဆန့်ကျင်သောအားဖြင့် ပါလက်စတိုင်းရှိ တက္ကသိုလ်များ၊ ကျောင်းများ၊ ပညာရေးအဖွဲ့အစည်းများကလည်း သပိတ်မှောက်သည်ဟု ကြေငြာခဲ့သည်။

Ref: Aljazeera

December 8, 2017
ဂျပန်ရှင်ရှိ ရှင်တိုဘုရားကျောင်းတွင် ကျောင်းထိုင်နေရာလုရာမှ ဓားခုတ်မှုဖြစ်

ဒီဇငဘာ ၈၊ ၂၀၁၇
M-Media

– ဂျပန်နိုင်ငံရှိ ရှင်တိုဘုရားကျောင်းတစ်ခုတွင် ကျောင်းထိုင်နေရာလုရာမှ ယမန်နေ့တွင် ဓားခုတ်မှုဖြစ်ပွားခဲ့ပြီး လူ ၃ ဦး သေဆုံးခဲ့သည်ဟု သိရသည်။

တိုကျိုမြို့တွင်ဖြစ်ပြီး အသက် ၅၈ နှစ်အရွယ် ကျောင်းထိုင် သီလရှင်ကြီး နာဂါကို တိုမီယိုကာမှာ ဘုရားကျောင်းသို့ ၀င်ရောက်ရန် ကားထဲမှထွက်စဉ် ၎င်း၏မောင် အသက် ၅၆ နှစ်အရွယ် ရှီဂျီနာဂါ တိုမီယိုကာနှင့် အသက် ၃၀ ကျော် ဇနီးဖြစ်သူတို့က ဆာမူရိုင်းဓားများဖြင့် ၀င်ခုတ်ခဲ့ခြင်းဖြစ်သည်။

ရှီဂျီနာဂါမှာ ဇနီးဖြစ်သူကို ဓားဖြင့် ထိုးသတ်ခဲ့ပြီး နောက်ပိုင်းတွင် မိမိကိုယ်ကိုကိုယ် အဆုံးစီရင်ခဲ့သည်။

တိုက်ခိုက်မှုအတွင်း သီလရှင်ကြီး နာဂါကို၏ ယဉ်မောင်းလည်း ထိခိုက်ခဲ့ပြီး ကားဖြင့် ထွက်ပေးလွတ်မြောက်သွားခဲ့သည်။

ဒေသတွင်းမီဒီယာများက အဆိုပါတိုက်ခိုက်မှုမှာ ဘုရားကျောင်းကို နာဂါကို အုပ်စိုးမှုကို ရှီဂျီနာဂါက မကျေနပ်ရာမှ ဖြစ်ပွားခဲ့ခြင်းဖြစ်သည်ဟု ဖော်ပြခဲ့သည်။

ရှင်တိုအယူဝါဒမှာ ဂျပန်နိုင်ငံ၏ ရှေဟောင်း ဘာသာတရားတစ်ခုဖြစ်ပြီး ဂျပန်ပြည်သူများ၏ ၈၀ ရာခိုင်နှုန်း ယုံကြည်ကိုးကွယ်ကြသည်။ ရှင်တိုဘုရားကျောင်းများတွင် ကျောင်းထိုင်အဖြစ် မျိုးဆက်အလိုက် ဆက်ခံရပြီး အမျိုးသမီးများလည်း ဆက်ခံပိုင်ခွင့်ရှိနေသည်။

Ref: BBC

December 8, 2017
ဗလီကို ၀င်ရောက်ဖျက်ဆီးပြီး ၀က်သားချသွားသူကို အမေရိကန်က ထောင် ၁၅ နှစ်ချ

ဒီဇင်ဘာ ၇၊ ၂၀၁၇
M-Media

အသက် ၃၇ နှစ်အရွယ် မီခေးလ် ၀ုလ်ဖီဆိုသူဖြစ်ပြီး ၂၀၁၆ ခုနှစ် ဇန်န၀ါရီလက တီတွတ်စ်ဗီလီရှိ မတ်စ်ဂျစ်ဒ် အလ်-မူနင် ဗလီဝတ်ကျောင်းတော်အား ဖျက်ဆီးဝင်ရောက်ကာ ၀က်သားအများအပြားကို ထားခဲ့မှုကြောင့် အမုန်းရာဇ၀တ်မှုဖြင့် ဖမ်းဆီး တရားစွဲဆိုခံခဲ့ရသည်။

– အမေရိကန်ပြည်ထောင်စု ကယ်လီဖိုးနီးယားပြည်နယ်ရှိ ဗလီဝတ်ကျောင်းတော်တစ်လုံးအား ၀င်ရောက်ဖျက်ဆီးခဲ့သူကို တရားရုံးက ထောင်ဒဏ် ၁၅ နှစ် ချမှတ်လိုက်သည်ဟု ပြည်နယ်ရှေ့နေချုပ်က ယမန်နေ့တွင် ပြောကြားခဲ့သည်။

အသက် ၃၇ နှစ်အရွယ် မီခေးလ် ၀ုလ်ဖီဆိုသူဖြစ်ပြီး ၂၀၁၆ ခုနှစ် ဇန်န၀ါရီလက တီတွတ်စ်ဗီလီရှိ မတ်စ်ဂျစ်ဒ် အလ်-မူနင် ဗလီဝတ်ကျောင်းတော်အား ဖျက်ဆီးဝင်ရောက်ကာ ၀က်သားအများအပြားကို ထားခဲ့မှုကြောင့် အမုန်းရာဇ၀တ်မှုဖြင့် ဖမ်းဆီး တရားစွဲဆိုခံခဲ့ရသည်။

ပြစ်မှုကျူးလွန်သည့်အချိန်တွင် ဓားရှည်ကိုင်ထာသော ၀ုလ်ဖီမှာ အဆိုပါဓားဖြင့် ဗလီအတွင်း မီးချောင်းများကို ဖျက်ဆီးခြင်း၊ ပြတင်းပေါက်များကို ရိုက်ခွဲခြင်းတို့ကိုလည်း ပြုလုပ်ခဲ့သည်။

ကြားနာစစ်ဆေးမှုအတွင်း ၀ုလ်ဖီက ၎င်းအနေဖြင့် အမုန်းကြောင့် ထိုကဲ့သို့ ဆောင်ရွက်ခဲ့ခြင်းဖြစ်သည်ဟု အင်္ဂါနေ့က ၀န်ခံခဲ့သည်။

ရာဇ၀တ်မှုများကို ပုံမှန်ကျူးလွန်လေ့ရှိသည့် ၀ုလ်ဖီမှာ ဗလီဝတ်ဖျက်ဆီးမှုဖြင့် တရားစွဲဆိုခံနေရစဉ်အတွင်း ဓားပြမှုဖြင့် ထပ်မံ စွဲချက်တင်ခံခဲ့ရသည်။

Ref: USA Today

December 7, 2017
ရိုဟင်ဂျာကိစ္စ မြန်မာနိုင်ငံအပေါ်ပိတ်ဆို့မှု ဆိုးကျိုးပိုများမည်ဟု တတ်သိပညာရှင်အဖွဲ့တစ်ခု သုံးသပ်

ဒီဇင်ဘာ ၇၊ ၂၀၁၇
M-Media

ရခိုင်ပြည်နယ်အတွင်း တိုက်ခိုက်မှုများကြောင့် ဘင်္ဂလားဒေ့ရ်ှဖက်သို့ ထွက်ပြေးခဲ့ရသည့် ရိုဟင်ဂျာ သားအမိနှစ်ဦး (Photo credit – Reuters- September 2017)

– ရိုဟင်ဂျာကိစ္စနဲ့ပတ်သက်ပြီး မြန်မာနိုင်ငံအပေါ် ပိတ်ဆို့အရေးယူမှုတွေ ပြုလုပ်တာဟာ ကောင်းကျိုးထက် ဆိုးကျိုးပိုများနိုင်ပြီး အခြေအနေတွေ ဆိုးရွားသွားနိုင်တယ်လို့ နိုင်ငံတကာ တတ်သိပညာရှင်များအဖွဲ့တစ်ခုဖြစ်တဲ့ International Crisis Group (ICG) က သတိပေးလိုက်ပါတယ်။

Myanmar’s Rohingya crisis enters a dangerous new phase (အန္တရာယ်ရှိသောအဆင့်သို့ ရောက်လာသည့် မြန်မာနိုင်ငံမှ ရိုဟင်ဂျာပြဿနာ) ဆိုတဲ့ ခေါင်းစဉ်နဲ့ ဒီကနေ့မှာ ထုတ်ပြန်ခဲ့တဲ့ အစီရင်ခံစာမှာ ICG က ရိုဟင်ဂျာကိစ္စနဲ့ပတ်သက်လို့ မြန်မာနိုင်ငံရဲ့ နိုင်ငံရေးလားရာဟာ သတ်မှတ်ပြီးသားဖြစ်ပြီး ပြောင်းလဲဖို့ခက်မယ်လို့ ဆိုပါတယ်။

“တစ်နိုင်ငံလုံးရဲ့ သဘောထားကို ကျော်ဖို့ဆိုတာ မလွယ်ပါဘူး။ ဒီကိစ္စမှာ အစိုးရ၊ စစ်တပ်နဲ့ ပြည်သူလူထု အားလုံးနီးပါးဟာ တစ်သဘောတည်းရှိနေပြီး ခေတ်သစ်သမိုင်းမှာ ဒီလိုမျိုး တစ်ခါမှ မရှိဖူးပါဘူး။ ဒါက တရားဝင်ပေါ်လစီကို ပြောင်းလဲဖို့အတွက် တော်တော်လေးကို ခက်ခဲမယ့်အနေအထား ရှိပါတယ်” လို့ အစီရင်ခံစာမှာ ဖော်ပြထားပါတယ်။

၁၉ မျက်နှာပါဝင်တဲ့ အဲဒီအစီရင်ခံစာဟာ သြဂုတ်လ ၂၅ ရက်နေ့မှာ ARSA အဖွဲ့က ရခိုင်ပြည်နယ်မြောက်ပိုင်းမှာ တိုက်ခိုက်မှု၊ အဲဒီနောက်ပိုင်း စစ်တပ်ကလုပ်ခဲ့တဲ့ ဆိုးဆိုးရွားရွား စစ်ဆင်ရေးတွေ၊ စိန်ခေါ်မှုတွေကို ခြုံငုံသုံးသပ်ထားပြီး မြန်မာအစိုးရနဲ့ နိုင်ငံတကာရဲ့ တုန့်ပြန်မှုတွေကိုလည်း ဆွေးနွေးထားပါတယ်။

ရိုဟင်ဂျာကိစ္စနဲ့ပတ်သက်လို့ ပိတ်ဆို့မှုတွေ ပြုလုပ်ဖို့ နိုင်ငံတကာက ပြင်ဆင်နေတာနဲ့ပတ်သက်ပြီး ICG က တစ်ခြားနိုင်ငံတွေမှာ ဒီလို အရေးယူမှုတွေလုပ်ရင် အခြေအနေက ရပ်တန့်သွားတတ်ပေမယ့် မြန်မာနိုင်ငံမှာတော့ ကောင်းမွန်တဲ့အပြောင်းအလဲ ဖြစ်လာမှာမဟုတ်ဘဲ အခြေအနေကို ပိုဆိုးသွားစေမယ်လို့ သတိပေးခဲ့ပါတယ်။

ပြန်လက်ခံချင်တဲ့ဆန္ဒမရှိ

လက်ရှိ ရိုဟင်ဂျာတွေဟာ ဘင်္ဂလားဒေ့ရ်ှဖက်ကို ထွက်ပြေးနေဆဲဖြစ်ပြီး ရခိုင်ပြည်နယ်မြောက်ပိုင်းက ရိုဟင်ဂျာတွေ ကုန်သလောက်နီးပါးဖြစ်မှ ရပ်တန့်မယ့်အနေအထားရှိတယ်လို့လည်း ICG က ဆိုပါတယ်။

ICG ရဲ့ နောက်ထပ် အရေးပါတဲ့ သုံးသပ်ချက်တစ်ခုကတော့ ဒုက္ခသည်တွေ နေရပ်ပြန်ရေးကို မြန်မာနိုင်ငံက လက်ခံချင်တဲ့ဆန္ဒမရှိဘူးဆိုတဲ့ အမြင်ပါ။

ရိုဟင်ဂျာဒုက္ခသည်တွေ သူတို့ဆန္ဒအလျောက်၊ အန္တရာယ်ကင်းစွာ၊ ဂုဏ်သိက္ခာရှိရှိ နေရပ်ပြန်နိုင်ခွင့်ကို ဆက်လက် တောင်းဆိုသွားဖို့ လိုအပ်တယ်လို့ ICG က ထောက်ပြပါတယ်။

“အခြေခံကျကျပြောရရင် အစိုးရရော၊ လုံခြုံရေးတပ်ဖွဲ့တွေရော ဒုက္ခသည်တွေ သူတို့သဘောဆန္ဒအလျောက် ပြန်လာနိုင်မယ့် အခြေအနေတွေ ဖန်တီးပေးဖို့၊ ဒါကိုအဆုံးသတ်နိုင်အောင် ယုံကြည်စိတ်ချရပြီး ထိရောက်တဲ့လုပ်ငန်းစဉ်မျိုး အကောင်အထည်ဖော်ပေးဖို့ နိုင်ငံရေးဆန္ဒရှိတာကို မတွေ့ရပါဘူး”

ရိုဟင်ဂျာတွေဟာ လတ်တလောမှာ အိမ်ပြန်လို့ရမှာ မဟုတ်သေးဘူးလို့လည်း အစီရင်ခံစာမှာ ဖော်ပြခဲ့ပါတယ်။

နိုင်ငံဆုတ်ယုတ်မယ်

ရိုဟင်ဂျာကိစ္စဟာ လူသားတွေ မစဉ်းစားနိုင်လောက်တဲ့ ထိခိုက်ခံစားရတဲ့ ပြဿနာတစ်ခုသာ မဟုတ်ဘဲ မြန်မာနိုင်ငံရဲ့ ပြည်တွင်းနိုင်ငံရေးနဲ့ နိုင်ငံတကာ ဆက်ဆံရေးတွေကို ပုံသွန်းပေးမှာဖြစ်ပြီး ဒေသတွင်း လုံခြုံရေးဆိုင်ရာ အနေအထားအပေါ်လည်း ကြီးကြီးမားမား သက်ရောက်မှုရှိမယ်လို့ ICG က သုံးသပ်ပါတယ်။

“ဒီပြဿနာဟာ အနာဂတ်မှာ မြန်မာနိုင်ငံအပေါ် ကမ္ဘာ့နိုင်ငံအများစုရဲ့ ရှုမြင်မှုကို ပုံဖော်ပေးမှာဖြစ်ပြီး ကုန်သွယ်ရေး၊ ရင်းနှီးမြှုပ်နှံမှု၊ ခရီးသွားကဏ္ဍတွေမှာ အနှုတ်လက္ခဏာဆောင်မှု ကြီးကြီးမားမား ဖြစ်လာပါလိမ့်မယ်။ ဆယ်စုနှစ်များစွာ အနောက်နိုင်ငံတွေရဲ့ စွန့်ပစ်ခံရမှုကနေ ရုန်းထွက်လာတဲ့ ဒီနိုင်ငံဟာ ကမ္ဘာတစ်ဝှမ်းက စို့စို့ပို့ပို့ ရရှိထားတဲ့ ထောက်ခံအားပေးမှုတွေကို အလိုအပ်ဆုံးအချိန်မှာ ဖြုန်းတီးပစ်ခဲ့တာပါ”

လုံခြုံရေးဆိုင်ရာ အန္တရာယ်

ဒုက္ခသည်စခန်းတွေမှာ ပိတ်မိနေပြီး ဂုဏ်သိက္ခာရှိစွာ အသက်ရှင်ရပ်တည်ဖို့ ခက်ခဲလာခြင်းက နိုင်ငံရေးနဲ့ လုံခြုံရေးဆိုင်ရာ အန္တရာယ်တွေ ရှိလာနိုင်ပြီး နယ်စပ်ဖြတ်ကျော် တိုက်ခိုက်တာ၊ နိုင်ငံဖြတ်ကျော် အကြမ်းဖက်ဝါဒ ပေါ်ပေါက်လာတာမျိုးတွေ ဖြစ်နိုင်တယ်လို့ အစီရင်ခံစာမှာ ထပ်မံသတိပေးထားကာ ဒါတွေကို ဖြေရှင်းဖို့လိုတယ်လို့ ဖော်ပြထားပါတယ်။

နိုင်ငံတကာက ပေါ်လစီချမှတ်သူတွေကို ICG က ဘယ်လိုတုန့်ပြန်မှုမျိုးကိုမဆို မြန်မာပြည်သူတွေကို တတ်နိုင်သလောက် မထိခိုက်အောင် ဆောင်ရွက်သင့်တယ်လို့ အကြံပြုခဲ့ပြီး၊ အရပ်သားအစိုးရရဲ့ ထိန်းချုပ်မှုအောက်မှာမရှိဘဲ ကိုယ်လုပ်ချင်တာလုပ်နေတဲ့ စစ်တပ်ရဲ့ လုပ်ရပ်တွေအတွက် မြန်မာပြည်သူတွေ ထပ်မံပေးဆပ်ရတာမျိုး မဖြစ်သင့်ဘူးလို့ တိုက်တွန်းထားပါတယ်။

မြန်မာနိုင်ငံနဲ့ အဆက်အသွယ်ဖြတ်ဖို့ တိုက်တွန်းတာတွေကို နိုင်ငံတကာ ခေါင်းဆောင်တွေအနေနဲ့ လစ်လျူရှုထားဖို့၊ ဖွံ့ဖြိုးရေးအကူအညီတွေ ဆက်ပေးတာ၊ အရပ်သားအစိုးရနဲ့ ထိတွေ့ဆက်ဆံတာ၊ ပိတ်ဆို့မှုတွေလုပ်ရင် ဘေးထွက်ဆိုးကျိုး အနည်းဆုံးဖြစ်စေဖို့ ဂရုစိုက်တာ၊ ပိတ်ဆို့မှုတွေမလုပ်ခင် စစ်တပ်၊ အရပ်သားအစိုးရတွေနဲ့ ဆွေးနွေးတာမျိုး လုပ်ဆောင်ဖို့လည်း အစီရင်ခံစာက အကြံပြုထားပါတယ်။

Ref: Frontier Myanmar

December 7, 2017
ဂျေရုစလင်ကို အစ္စရေးမြို့တော်အဖြစ် အမေရိကန်က အသိအမှတ်ပြုမှု ကမ္ဘာ့ခေါင်းဆောင်များ ရှုတ်ချ

ဒီဇင်ဘာ ၇၊ ၂၀၁၇
M-Media

– ဂျေရုစလင်ကို အစ္စရေးမြို့တော်အဖြစ် အသိအမှတ်ပြုကြောင်း အမေရိကန်သမ္မတ ဒေါ်နယ်ထရမ့်က မနေ့မှာ ကြေငြာလိုက်တာနဲ့ပတ်သက်ပြီး ကမ္ဘာတစ်ဝှမ်းက ခေါင်းဆောင်တွေက ပြင်းပြင်းထန်ထန် ဝေဖန်ရှုတ်ချလိုက်ပါတယ်။

ဒီလုပ်ရပ်ဟာ ဒေသတွင်း တည်ငြိမ်မှုကို ခြိမ်းခြောက်လိုက်တာဖြစ်ပြီး အစ္စရေးနဲ့ ပါလက်စတိုင်းတွေအကြား ငြိမ်းချမ်းရေးရရှိဖို့ ကျန်ရှိနေတဲ့ မျှော်လင့်ချက်တွေအားလုံးကို ဖျက်ဆီးလိုက်တာဖြစ်တယ်လို့လည်း ဆိုပါတယ်။

ထရမ့်ဟာ တယ်လ်အဗီးက အမေရိကန်သံရုံးကို ဂျေရုစလင်ကို ရွှေ့မယ့်အကြောင်းလည်း မနေ့မှာ ပြောကြားခဲ့ပါတယ်။

ဖက်ဒရီကာ မိုဂ်ဟီရီနီ – ဥရောပသမဂ္ဂ နိုင်ငံခြားရေးရာ အကြီးအကဲ

အမေရိကန်သမ္မတ ဒေါ်နယ်ထရမ့်ရဲ့ အခုကြေငြာမှုအတွက် ဥရောပဟာ အလွန်အမင်းစိုးရိမ်မိကြောင်း၊ ဒီကိစ္စကို တုန့်ပြန်မှုတွေဟာ ငြိမ်းချမ်းရေးကို ထိခိုက်စေနိုင်ကြောင်း ပြောကြားခဲ့ပါတယ်။

အီမန်နူယဲလ်မာခရွန် – ပြင်သစ်သမ္မတ

မာခရွန်က ပြင်သစ်ဟာ အမေရိကန်ရဲ့ ဒီဆုံးဖြတ်ချက်ကို လက်မခံမှာမဟုတ်ကြောင်း၊ ဂျေရုစလင်ကို နှစ်နိုင်ငံစလုံးရဲ့ မြို့တော်အဖြစ်ထားကာ လုံခြုံငြိမ်းချမ်းတဲ့ အစ္စရေးနဲ့ ပါလက်စတိုင်းနှစ်နိုင်ငံတည်ရှိရေး အဖြေကိုသာ ထောက်ခံကြောင်း Twitter စာမျက်နှာမှာ ရေးသားခဲ့ပါတယ်။

ထရီဇာမေ – ယူကေ၀န်ကြီးချုပ်

ဒီကြေငြာမှုဟာ ဒေသတွင်း ငြိမ်းချမ်းရေးအတွက် အထောက်အကူဖြစ်မှာမဟုတ်ဘဲ မိမိတို့ရဲ့ ဗြိတိန်သံရုံးကိုလည်း တယ်လ်အဗီးမှာပဲ ဆက်လက်ထားရှိကာ ပြောင်းရွှေ့ဖို့ အစီအစဉ်မရှိဘူးလို့ ၀န်ကြီးချုပ်မေက ပြောကြားခဲ့ပါတယ်။

ဂျယ်ရမီ ကော်ရ်ဘန် – ယူကေ လေဘာပါတီအကြီးအကဲ

ကော်ရ်ဘန်က ဂျေရုစလင်ကို ထရမ့်က အသိအမှတ်ပြုလိုက်တာဟာ ငြိမ်းချမ်းရေးအတွက် ဆိုးဆိုးရွားရွား ခြိမ်းခြောက်မှုဖြစ်ပြီး ဗြိတိန်အစိုးရအနေနဲ့ ဒီ အန္တရာယ်ရှိတဲ့ လုပ်ရပ်အတွက် ရှုတ်ချရမှာဖြစ်ကြောင်း၊ ပြဿနာအတွက် မျှတပြေလည်ပြီး ခိုင်မာတဲ့ ဖြေရှင်းချက်မျိုး ရရှိအောင် ဆောင်ရွက်ရမှာဖြစ်ကြောင်း တိုက်တွန်းပြောကြားခဲ့ပါတယ်။

အန်တိုနီယို ဂူတာရက်စ် – ကုလ အထွေထွေအတွင်းရေးမှူးချုပ်

ဂူတာရက်စ်က ဂျေရုစလင်ကိစ္စဟာ နှစ်ဖက် ညှိနှိုင်းဆွေးနွေးရမယ့် ကိစ္စတစ်ခုအဖြစ် ဆက်လက်ရှိနေမှာဖြစ်တယ်လို့ ဆိုပါတယ်။

“နှစ်နိုင်ငံတည်ရှိရေးကလွဲပြီး တစ်ခြားနည်းလမ်း မရှိပါဘူး”

မဟ်မူးဒ်အဘတ်စ်- ပါလက်စတိုင်း သမ္မတ

အဘတ်စ်ဟာ ထရမ့်ရဲ့ ဆုံးဖြတ်ချက်ကို ရှုတ်ချခဲ့ပြီး ဂျေရုစလင်ဟာ ပါလက်စတိုင်းနိုင်ငံရဲ့ ဖျောက်ဖျက်မရတဲ့ မြို့တော်ဖြစ်တယ်လို့ ပြောကြားခဲ့ပါတယ်။

“သမ္မတထရမ့်ရဲ့ ဒီဆုံးဖြတ်ချက်ဟာ ဂျေရုစလင်ရဲ့ မူလအနေအထားကို ပြောင်းလဲနိုင်မှာ မဟုတ်သလို ဒီကိစ္စမှာ အစ္စရေးအတွက် တရားဝင်ဆိုတာမျိုးလည်း ဖြစ်လာမှာမဟုတ်ပါဘူး”

အမေရိကန်က ဂျေရုစလင်ကို အစ္စရေးရဲ့ မြို့တော်အဖြစ် အသိအမှတ်ပြုလိုက်တာဟာ ပါလက်စတိုင်းပိုင်နက်တွေကို ဆက်လက်သိမ်းပိုက်ဖို့ အစ္စရေးကို တွန်းအားပေးလိုက်တာ ဖြစ်တယ်လို့လည်း အဘတ်စ်က ထည့်သွင်း ပြောကြားခဲ့ပါတယ်။

မိုက်ကယ် အေအွန် – လက်ဘနွန်သမ္မတ

လက်ဘနွန်သမ္မတက အမေရိကန်ရဲ့ ဆုံးဖြတ်ချက်ဟာ အရှေ့အလယ်ပိုင်းမှာ ငြိမ်းချမ်းရေး လုပ်ငန်းစဉ်နဲ့ တည်ငြိမ်အေးချမ်းရေးကို ခြိမ်းခြောက်လိုက်တာဖြစ်တယ်လို့ ဆိုပါတယ်။

ဆအဒ် ဟာရီရီ – လက်ဘနွန်ဝန်ကြီးချုပ်

Twiiter စာမျက်နှာကနေတစ်ဆင့် ၀န်ကြီးချုပ် ဟာရီရီက လက်ဘနွန်အနေနဲ့ ဒီလုပ်ရပ်ကို ဆန့်ကျင်ရှုတ်ချကြောင်း၊ ပါလက်စတိုင်းပြည်သူတွေနဲ့ တစ်သားတည်း ရှိနေမှာဖြစ်ကြောင်း၊ ဂျေရုစလင်ကို မြို့တော်အဖြစ်ထားပြီး လွတ်လပ်တဲ့ နိုင်ငံတစ်ခု တည်ထောင်ပိုင်ခွင့် ပါလက်စတိုင်းတွေမှာ ရှိနေတယ်ဆိုတာ လက်ဘနွန်က ထောက်ခံကြောင်း ပြောကြားခဲ့ပါတယ်။

ဟိုက်ဒါ အလ်-အာဘာဒီ – အီရန်ဝန်ကြီးချုပ်

ဂျေရုစလင်ဟာ ဘာသာပေါင်းစုံ၊ လူမျိုးပေါင်းစုံ အတူယှဉ်တွဲနေထိုင်တဲ့ အမှတ်သညာဖြစ်ပြီး ကုလရဲ့ ဆုံးဖြတ်ချက်၊ ပါလက်စတိုင်းတွေရဲ့ တရားဝင်ရပိုင်ခွင့်တွေကိုကျော်ပြီး ဘယ်နိုင်ငံကမှ အစ္စရေးရဲ့ ကျူးကျော်သိမ်းပိုက်မှုကို အသိအမှတ်ပြုခွင့်မရှိဘူးလို့ အာဘာဒီက သူ့ရဲ့ တရားဝင်ဝဘ်ဆိုက်မှာ ပြောကြားခဲ့ပါ
တယ်။

အစွန်းရောက်ဝါဒဆီကို ဦးတည်သွားနိုင်တဲ့ အန္တရာယ်ရှိတဲ့ တင်းမာမှုတွေကို တားဆီးဖို့အတွက် ထရမ့်အနေနဲ့ သူ့ရဲ့ ဆုံးဖြတ်ချက်ကို ရုပ်သိမ်းရမယ်လို့လည်း ဆိုပါတယ်။

ဂျော်ဒန်

ဂျော်ဒန်က ထုတ်ပြန်တဲ့ ကြေငြာချက်မှာ အစ္စရေးက အရှေ့ဂျေရုစလင်ကို ကျူးကျော် သိမ်းပိုက်ထားတာကို တရားဝင်သလို လုပ်လိုက်တာမျိုးဖြစ်ကြောင်း၊ နောက်ဆုံး ဆွေးနွေးညှိနှိုင်းမှုအတွက် အဖြေကြိုထုတ်သထားသလိုဖြစ်နေကာ အာရပ်ကမ္ဘာက မွတ်စလင်တွေနဲ့ ခရစ်ယာန်တွေရဲ့ စိတ်နှလုံးသားကို ထိခိုက်ညှိုးနွမ်းအောင် လုပ်ဆောင်တာဖြစ်ကြောင်း ဖော်ပြထားပါတယ်။

ရှိခ် မိုဟာမက် ဘင် အဘ်ဒူရဟ်မန် အလ် သာနီ – ကာတာနိုင်ငံခြားရေးဝန်ကြီးထရမ့်ရဲ့ ဒီဆုံးဖြတ်ချက်ဟာ ငြိမ်းချမ်းရေးဖြစ်ထွန်းအောင်၊ အန္တရာယ်ရှိတဲ့ တင်းမာမှုတွေကို ချုပ်ငြိမ်းအောင် လုပ်ဆောင်နေသူအားလုံးကို သေမိန့်ပေးလိုက်သလို ဖြစ်နေကြောင်း၊ ဂျေရုစလင်ကိစ္စဟာ နောက်ဆုံး စေ့စပ်ဆွေးနွေးမှုတွေကနေတစ်ဆင့် ဖြေရှင်းရမယ့် အငြင်းပွားဖွယ်ကိစ္စဖြစ်ကြောင်း ကာတာနိုင်ငံခြားရေးဝန်ကြီးက ပြောကြားခဲ့ပါတယ်။

ဆော်ဒီအာရေဗျ

ဆော်ဒီနိုင်ငံခြားရေးဝန်ကြီးဌာနက အမေရိကန်ရဲ့ ဒီလုပ်ဆောင်ချက်ဟာ ဂျေရုစလင်နဲ့ပတ်သက်ပြီး ပါလက်စတိုင်းပြည်သူတွေမှာ ရှိနေတဲ့ အခွင့်အရေးကို အလေးထားတဲ့ နိုင်ငံတကာ ဆုံးဖြတ်ချက်များစွာနဲ့ ဆန့်ကျင်နေကြောင်း ကြေငြာချက် ထုတ်ပြန်ပြောဆိုလိုက်ပါတယ်။

အီဂျစ်

အီဂျစ်ကလည်း ထရမ့်ရဲ့လုပ်ရပ်ကို ရှုတ်ချခဲ့ပြီး နိုင်ငံတကာ သဘောတူညီချက်တွေကိုချိုးဖောက်ကာ ဒီလိုလုပ်ဆောင်တာဟာာ အစ္စရေးက ကျူးကျော်သိမ်းပိုက်ထားတယ်ဆိုတဲ့ ဂျေရုစလင်ရဲ့ တရားဝင်အနေအထားကို ပြောင်းလဲနိုင်မှာမဟုတ်ဘူးလို့ နိုင်ငံခြားရေးဝန်ကြီးဌာနက ထုတ်ပြန်တဲ့ ကြေငြာချက်မှာ ဖော်
ပြထားပါတယ်။

ကူဝိတ်

ထရမ့်ရဲ့ ဒီကြေငြာမှုအတွက် အလွန်အမင်း စိုးရိမ်ကြောင်း၊ ဒါဟာ ဂျေရုစလင်နဲ့ပတ်သက်ပြီး နိုင်ငံရေး၊ သမိုင်းဆိုင်ရာ၊ တရားရေး၊ လူသားချင်းစာနာထောက်ထားမှုတွေကို ထောက်ချင့်အတည်ပြုထားတဲ့ ကုလရဲ့ ဆုံးဖြတ်ချက်ကို ဖျက်ဆီးလိုက်တာဖြစ်ကြောင်း ကူဝိတ်က ပြောကြားခဲ့ပါတယ်။

Ref: Alljazeera

December 7, 2017