နိုဝင်ဘာ ၁၈၊ ၂၀၁၇
M-Media
– ကမ္ဘာပေါ်မှာ နိုင်ငံပေါင်း ၂၀၀ နီးပါးရှိပြီး အဲဒီအထဲက လူတော်တော်များများဟာ တစ်နှစ်ကို ဒေါ်လာ ဘီလီယံနဲ့ချီ၊ တစ်ချို့ဆို ထရီလီယံနဲ့ချီ ၀င်ငွေရှိကြပါတယ်။
နိုင်ငံတကာ ငွေကြေးရန်ပုံငွေအဖွဲ့ (IMF) ဟာ ၂၀၁၇ ခုနှစ် အောက်တိုဘာမှာ ချမ်းသာမှုကိုလိုက်ပြီး ကမ္ဘာ့နိုင်ငံတွေကို အမှတ်စဉ် စီခဲ့ပါတယ်။ ဒီလိုစီရာမှာ နိုင်ငံတစ်ခုအတွင်း ငွေကြေးတန်ဖိုးနဲ့ ကုန်ပစ္စည်းတန်ဖိုးကို နှိုင်းယှဉ်တဲ့ ငွေကြေးသုံးနိုင်အား (purchasing power parity) ကိုအခြေခံတဲ့ တစ်ဦးချင်း GDP အဆင့်၊ နိုင်ငံတစ်နိုင်ငံက အခြားနိုင်ငံတွေနဲ့ စီးပွားရေးကူးသန်းမှု စတာတွေနဲ့ တွက်ချက်ထားတယ်လို့ ဆိုပါတယ်။
အဲဒီစာရင်းက ကမ္ဘာ့အချမ်းသာဆုံး ၁၅ နိုင်ငံကို ဖော်ပြလိုက်ပါတယ်။
၁၅။ အိုက်စလန် (တစ်ဦးချင်း ဂျီဒီပီ ကန်ဒေါ်လာ ၅၂၁၅၀)
အိုက်စလန်ရဲ့ ဂျီဒီပီကို အဓိကမောင်းနှင်ပေးတာက ခရီးသွားလုပ်ငန်း၊ ရင်းနှီးမြှုပ်နှံမှုနဲ့ ပို့ကုန်တွေပဲ ဖြစ်ပါတယ်။ တိုင်းပြည်ရဲ့ ခရီးသွားလုပ်ငန်းဟာ နိုင်ငံရဲ့ စီးပွားရေးကို တော်တော်ကြာကြာ အထောက်အကူပေးလိမ့်မယ်လို့လည်း IMF က ခန့်မှန်းပါတယ်။
၁၄။ နယ်သာလန် (တစ်ဦးချင်း ဂျီဒီပီ ကန်ဒေါ်လာ ၅၃၅၈၀)
ဥရောပကနေ ဗြိတိန်ထွက်မယ့် Brexit ကိစ္စဟာ နယ်သာလန်အတွက် မကောင်းနိုင်ပေမယ့် ၂၀၁၆ အစီရင်ခံစာမှာ IMF က နယ်သာလန်ဟာ စီးပွားရေး ပြန်လည်ဦးမော့လာတယ်လို့ ဖော်ပြထားပါတယ်။ နယ်သာလန်ဘုရင့်နိုင်ငံဟာ လူဦးရေ ၁၇ သန်းကျော်သာရှိတဲ့ နိုင်ငံလေးဖြစ်ပါတယ်။
၁၃။ ဆော်ဒီအာရေဗျ (တစ်ဦးချင်း ဂျီဒီပီ ကန်ဒေါ်လာ ၅၅၂၆၀)
ဆော်ဒီဂျီဒီပီအတွက် အဓိကမောင်းနှင်အားဟာ ရေနံဖြစ်ပါတယ်။ ဒါပေမယ့် ရေနံမဟုတ်တဲ့ စီးပွားရေးကဏ္ဍက တိုးတက်မှုဟာ တိုင်းပြည်ကို ဆွဲတင်လာနိုင်တယ်လို့လည်း IMF က ဆိုပါတယ်။ လူဦးရေ ၃၂ သန်းရှိတဲ့ ဒီနိုင်ငံဟာ စီးပွားရေးပြုပြင်ပြောင်းလဲရေးစီမံကိန်း Vision 2030 ကို ချမှတ်ထားပြီး စီးပွားရေးမှာ ရေနံအပေါ်မှီခိုရမှုကို လျှော့ချသွားမှာ ဖြစ်ပါတယ်။
၁၂။ အမေရိကန်ပြည်ထောင်စု (တစ်ဦးချင်း ဂျီဒီပီ ကန်ဒေါ်လာ ၅၉၅၀၀)
လူဦးရေ ၂၃၅ သန်းရှိတဲ့ အမေရိကန်ဟာ ၁၈၅၀ ပြည့်နှစ်က စတင်ခဲ့တဲ့ စီးပွားရေးတိုးချဲ့မှုစီမံကိန်းထဲမှာ ဆက်ရှိနေတုန်းပဲလို့ IMF က ဆိုပါတယ်။ ၂၀၁၆ အစီရင်ခံစာမှာ အမေရိကန်ရဲ့ အလုပ်လက်မဲ့နှုန်းဟာ တော်တော်လေးကို ကျဆင်းနေပြီး၊ တိုင်းပြည်ရဲ့ စီးပွားရေးမှာ ရင်းနှီးမြှုပ်နှံမှု၊ ပြည်သူတွေရဲ့ သုံးစွဲမှုတွေက မောင်းန
ှင်ပေးနေတယ်လို့ ဖော်ပြထားပါတယ်။
၁၁။ ဆန်မာရီနို (တစ်ဦးချင်း ဂျီဒီပီ ကန်ဒေါ်လာ ၆၀၃၆၀)
ဆန်မာရီနိုဟာ လူဦးရေ ၉ သန်းနီးပါးလောက်သာရှိတဲ့ နိုင်ငံငယ်လေးတစ်ခုဖြစ်ပြီး အလုပ်အကိုင်ပေးနိုင်မှု မြင့်တက်လာတာ၊ ပြည်တွင်းနဲ့ ပြည်ပက ၀ယ်လိုအား မြင့်တက်လာတာကြောင့် စီးပွားရေး ပြန်လည်ဦးမော့လာတယ်လို့ အခုနှစ် IMF အစီရင်ခံစာမှာ ဖော်ပြထားပါတယ်။
၁၀။ ဟောင်ကောင် (တစ်ဦးချင်းဂျီဒီပီ ကန်ဒေါ်လာ ၆၁၀၂၀)
၂၀၁၆ ခုနှစ်မှာ ဟောင်ကောင်ရဲ့ စီးပွားရေးတိုးတက်မှုနှုန်းဟာ ကျဆင်းခဲ့ပေမယ့် ကမ္ဘာ့အချမ်းသာဆုံး နိုင်ငံစာရင်းထဲမှာ ဆက်လက်ပါဝင်နေဆဲပါ။ တရုတ်ပြည်မကြီးက ခရီးသွားလာမှု၊ ကမ္ဘာနဲ့ ကုန်သွယ်မှုတွေ လျော့သွားတာကြောင့် ဟောင်ကောင်ရဲ့ စီးပွားရေးဟာ မနှစ်က ထိခိုက်ခဲ့ပါတယ်။ ဒါပေမယ့် တစ်ဦးချင်းသုံးစွဲမှုက
ဟောင်ကောင်ရဲ့ စီးပွားရေးတိုးတက်မှုနှုန်းကို ၂၀၁၇ ခုနှစ်မှာ ဆွဲတင်ခဲ့ပါတယ်။ ဟောင်ကောင်ဟာ လူဦးရေ ၇ သန်းသာရှိတဲ့ နိုင်ငံလေးပါ။
၉။ ဆွစ်ဇာလန် (တစ်ဦးချင်း ဂျီဒီပီ ကန်ဒေါ်လာ ၆၁၃၆၀)
လူဦးရေ ၈ သန်းသာရှိတဲ့ ဒီနိုင်ငံလေးဟာ ၂၀၁၆ ခုနှစ် ဗဟိုဘဏ်က ကန်ဒေါ်လာ ၅၂ ဘီလီယံ ဆုံးရှုံးပြီးခဲ့တဲ့နောက်ပိုင်း စီးပွားရေး ပြန်လည်ဦးမော့လာခဲ့ပါတယ်။ ၂၀၁၆ မှာ စီးပွားရေးတိုးတက်မှုနှုန်းဟာ ၁.၅ ရာခိုင်နှုန်း ရှိခဲ့ပြီး တိုင်းပြည်ရဲ့ စီးပွားရေး ပြန်လည်ဦးမော့လာစေမယ့် ပေါ်လစီတွေကို ချမှတ်နေတယ်လို့ IMF က
ဆိုပါတယ်။
၈။ အာရပ်စော်ဘွားများပြည်ထောင်စု (တစ်ဦးချင်း ဂျီဒီပီ ကန်ဒေါ်လာ ၆၈၂၅၀)
စီးပွားရေးမှာ ရေနံကို အဓိကအားထားတဲ့ ယူအေအီးဟာ ကမ္ဘာ့အချမ်းသာဆုံးနိုင်ငံတွေထဲမှာ အမြဲတမ်းပါဝင်ပြီး လတ်တလောနှစ်တွေမှာ ရေနံဈေးကျဆင်းခဲ့ပေမယ့် ယူအေအီးရဲ့ ရေနံမဟုတ်တဲ့ စီးပွားရေးကဏ္ဍတွေက အားကောင်းနေတယ်လို့ IMF က ဆိုပါတယ်။ လက်ရှိ လူဦးရေ ၁၀ သန်းကျော်ရှိပြီး ၂၀၁၇ ခုနှစ်မှာ ထပ်တိုးမယ့်အလားအလာ ရှိနေပါတယ်။
၇။ ကူဝိတ် (တစ်ဦးချင်း ဂျီဒီပီ ကန်ဒေါ်လာ ၆၉၆၇၀)
လူဦးရေ ၄ သန်းကျော်သာရှိတဲ့ ကူဝိတ်ဟာ ရေနံကို မှီခိုနေရတဲ့ နိုင်ငံတစ်ခုပါ။ ၂၀၁၆ ခုနှစ်မှာ ရေနံဈေးကွက်ကမောက်ကမကြောင့် စီးပွားရေးကျဆင်းခဲ့ပေမယ့် ရေနံမဟုတ်တဲ့ စီးပွားရေးကဏ္ဍတွေမှာ တိုးတက်အောင် ကူဝိတ်က ဆောင်ရွက်နိုင်ခဲ့ပါတယ်။ IMF က ကူဝိတ်ရဲ့ ရေနံမဟုတ်တဲ့ စီးပွားရေး ကဏ္ဍတွေဟာ တို
းတက်နေတယ်လို့ ဆိုပါတယ်။
၆။ နော်ဝေ (တစ်ဦးချင်း ဂျီဒီပီ ကန်ဒေါ်လာ ၇၀၅၉၀)
လွန်ခဲ့တဲ့ ၂ နှစ်အတွင်း ရေနံဈေးကွက် ကျဆင်းတာကြောင့် နော်ဝေရဲ့ စီးပွားရေးကို ထိခိုက်ခဲ့ပြီး ၂၀၀၈၊ ၂၀၀၉ ခုနှစ်မှာ စီးပွားရေးကပ်နောက်ပိုင်း အဆိုးဝါးဆုံး စီးပွားရေးကျဆင်းမှုနဲ့ ရင်ဆိုင်ခဲ့ရပါတယ်။ အလုပ်လက်မဲ့နှုန်းကလည်း ပြီးခဲ့တဲ့ နွေရာသီမှာ အမြင့်ဆုံးအထိ ရောက်ခဲ့ပေမယ့် နော်ဝေဟာ ကမ္ဘာ့အချမ်းသာဆုံးစာရ
င်းမှာ ထိပ်တန်းနေရာက ပါဝင်နေဆဲပါ။
၅။ အိုင်ယာလန် (တစ်ဦးချင်း ဂျီဒီပီ ကန်ဒေါ်လာ ၇၂၆၃၀)
ဥရောပမှာ စီးပွားရေးတိုးတက်မှုအမြင့်ဆုံးနိုင်ငံတွေထဲက တစ်ခုပါ။ တစ်ဦးချင်းသုံးစွဲမှု၊ ရင်းနှီးမြှုပ်နှံမှု၊ ဆောက်လုပ်ရေးလုပ်ငန်းတွေက တိုင်းပြည်ရဲ့ GDP မောင်းနှင်ပေးနေပါတယ်။
၎။ ဘရူးနိုင်း (တစ်ဦးချင်း ဂျီဒီပီ ကန်ဒေါ်လာ ၇၆၇၄၀)
၂၀၁၆ မှာ တိုးတက်မှု ကျဆင်းခဲ့ပေမယ့် လူဦးရေ ၄ သိန်းကျော်လောက်ရှိတဲ့ ဒီနိုင်ငံဟာ စီးပွားရေးကို ထိန်းထားနိုင်တယ်လို့ IMF က ဆိုပါတယ်။ ရေနံဟာ ဘရူးနိုင်းရဲ့ အထိကပို့ကုန်ဖြစ်ပြီး ၀င်ငွေ ၉၀ ရာခိုင်နှုန်းနီးပါးဟာ ရေနံနဲ့ ဓာတ်ငွေ့တွေကနေ ရရှိတာဖြစ်ပါတယ်။
၃။ စင်ကာပူ (တစ်ဦးချင်း ဂျီဒီပီ ကန်ဒေါ်လာ ၉၀၅၃၀)
၂၀၁၇ ခုနှစ် ပထမ ၃ လပတ်ရဲ့ တစ်နှစ်တာ စီးပွားရေးတိုးတက်မှုဟာ ၂.၇ ရာခိုင်နှုန်း ရှိခဲ့ပြီး လူဦးရေ ၅.၆ သန်းရှိတဲ့ ဒီကျွန်းနိုင်ငံလေးဟာ ပြီးခဲ့တဲ့နှစ်ကစလို့ စီးပွားရေး ပိုမိုတိုးတက်လာပါတယ်။ စင်ကာပူရဲ့ အဓိက စီးပွားရေးမောင်းနှင်အားဟာ ကျွမ်းကျင်မှုနယ်ပယ်ဖြစ်ပါတယ်။
၂။ လူဇင်ဘတ် (တစ်ဦးချင်း ဂျီဒီပီ ကန်ဒေါ်လာ ၁၀၉၁၉၀)
လူ ၆ သိန်းလောက်သာရှိတဲ့ လူဇင်ဘတ်ဟာ ကမ္ဘာ့ ဒုတိအချမ်းသာဆုံးနိုင်ငံတစ်ခုပါ။ စွမ်းအားမြင့် လုပ်သားအင်အားကို ပိုင်ဆိုင်ထားပြီး ၂၀၁၆ ခုနှစ် လူဇင်ဘတ်ရဲ့ စီးပွားရေးတိုးတက်မှုဟာ ဥရောပသမဂ္ဂ ပျမ်းမျှ တိုးတက်မှုနှုန်းထက်ကို ကျော်လွန်ခဲ့ပါတယ်။ ဒါပေမယ့် Brexit ကိစ္စ၊ အမေရိကန်ရဲ့ စီးပွားရေးပေါ်လစီ အပြောင်
းအလဲတွေက လူဇင်ဘတ်ရဲ့ စီးပွားရေးကို မတည်မငြိမ်ဖြစ်စေလိမ့်မယ်လို့ IMF က ပြောကြားခဲ့ပါတယ်။
၁။ ကာတာ (တစ်ဦးချင်း ဂျီဒီပီ ကန်ဒေါ်လာ ၁၂၄၉၃၀)
အရှေ့အလယ်ပိုင်းက ဒီနိုင်ငံငယ်လေးဟာ ၂၀၁၇ခုနှစ်အတွက် ကမ္ဘာ့အချမ်းသာဆုံးနိုင်ငံတစ်ခုပါ။ လူဦးရေ ၂.၂၇ သန်းနီးပါးရှိပြီး တစ်ဦးချင်း ဂျီဒီပီဟာ ကန်ဒေါ်လာ ၁၂၄၉၃၀ ရှိပါတယ်။ နိုင်ငံရဲ့ အဓိက ၀င်ငွေရကုန်စည်ဖြစ်တဲ့ ဟိုက်ဒရိုကာဘွန်ဈေးတွေ ကျဆင်းခဲ့ပေမယ့် ဂျီဒီပီဟ ဆက်လက်တိုးတက်ဖို့ ရှိတယ်လို့ IMF က ခန့်မှန်းထားပါတယ်။
Ref: Fortune
